1 Chronicles (1 Divrey Yamim) Chapter 11

‎1 ‏וַיִּקָּבְצ֧וּ כָֽל־יִשְׂרָאֵ֛ל אֶל־דָּוִ֖יד חֶבְר֣וֹנָה לֵאמֹ֑ר הִנֵּ֛ה עַצְמְךָ֥ וּֽבְשָׂרְךָ֖ אֲנָֽחְנוּ׃

‎2 ‏גַּם־תְּמ֣וֹל גַּם־שִׁלְשׁ֗וֹם גַּ֚ם בִּהְי֣וֹת שָׁא֣וּל מֶ֔לֶךְ אַתָּ֛ה הַמּוֹצִ֥יא וְהַמֵּבִ֖יא אֶת־יִשְׂרָאֵ֑ל וַיֹּאמֶר֩ יְהוָ֨ה אֱלֹהֶ֜יךָ לְךָ֗ אַתָּ֨ה תִרְעֶ֤ה אֶת־עַמִּי֙ אֶת־יִשְׂרָאֵ֔ל וְאַתָּה֙ תִּהְיֶ֣ה נָגִ֔יד עַ֖ל עַמִּ֥י יִשְׂרָאֵֽל׃

‎3 ‏וַ֠יָּבֹאוּ כָּל־זִקְנֵ֨י יִשְׂרָאֵ֤ל אֶל־הַמֶּ֙לֶךְ֙ חֶבְר֔וֹנָה וַיִּכְרֹת֩ לָהֶ֨ם דָּוִ֥יד בְּרִ֛ית בְּחֶבְר֖וֹן לִפְנֵ֣י יְהוָ֑ה וַיִּמְשְׁח֨וּ אֶת־דָּוִ֤יד לְמֶ֙לֶךְ֙ עַל־יִשְׂרָאֵ֔ל כִּדְבַ֥ר יְהוָ֖ה בְּיַד־שְׁמוּאֵֽל׃ ס

‎4 ‏וַיֵּ֨לֶךְ דָּוִ֧יד וְכָל־יִשְׂרָאֵ֛ל יְרוּשָׁלִַ֖ם הִ֣יא יְב֑וּס וְשָׁם֙ הַיְבוּסִ֔י יֹשְׁבֵ֖י הָאָֽרֶץ׃

‎5 ‏וַיֹּ֨אמְר֜וּ יֹשְׁבֵ֤י יְבוּס֙ לְדָוִ֔יד לֹ֥א תָב֖וֹא הֵ֑נָּה וַיִּלְכֹּ֤ד דָּוִיד֙ אֶת־מְצֻדַ֣ת צִיּ֔וֹן הִ֖יא עִ֥יר דָּוִֽיד׃

‎6 ‏וַיֹּ֣אמֶר דָּוִ֔יד כָּל־מַכֵּ֤ה יְבוּסִי֙ בָּרִ֣אשׁוֹנָ֔ה יִהְיֶ֥ה לְרֹ֖אשׁ וּלְשָׂ֑ר וַיַּ֧עַל בָּרִאשׁוֹנָ֛ה יוֹאָ֥ב בֶּן־צְרוּיָ֖ה וַיְהִ֥י לְרֹֽאשׁ׃

‎7 ‏וַיֵּ֥שֶׁב דָּוִ֖יד בַּמְצָ֑ד עַל־כֵּ֥ן קָרְאוּ־ל֖וֹ עִ֥יר דָּוִֽיד׃

‎8 ‏וַיִּ֤בֶן הָעִיר֙ מִסָּבִ֔יב מִן־הַמִּלּ֖וֹא וְעַד־הַסָּבִ֑יב וְיוֹאָ֕ב יְחַיֶּ֖ה אֶת־שְׁאָ֥ר הָעִֽיר׃

‎9 ‏וַיֵּ֥לֶךְ דָּוִ֖יד הָל֣וֹךְ וְגָד֑וֹל וַיהוָ֥ה צְבָא֖וֹת עִמּֽוֹ׃ פ

‎10 ‏וְאֵ֨לֶּה רָאשֵׁ֤י הַגִּבּוֹרִים֙ אֲשֶׁ֣ר לְדָוִ֔יד הַמִּתְחַזְּקִ֨ים עִמּ֧וֹ בְמַלְכוּת֛וֹ עִם־כָּל־יִשְׂרָאֵ֖ל לְהַמְלִיכ֑וֹ כִּדְבַ֥ר יְהוָ֖ה עַל־יִשְׂרָאֵֽל׃ ס

‎11 ‏וְאֵ֛לֶּה מִסְפַּ֥ר הַגִּבֹּרִ֖ים אֲשֶׁ֣ר לְדָוִ֑יד יָשָׁבְעָ֣ם בֶּן־חַכְמוֹנִ֗י רֹ֚אשׁ השלושים הַשָּׁ֣לִישִׁ֔ים הֽוּא־עוֹרֵ֧ר אֶת־חֲנִית֛וֹ עַל־שְׁלֹשׁ־מֵא֥וֹת חָלָ֖ל בְּפַ֥עַם אֶחָֽת׃

‎12 ‏וְאַחֲרָ֛יו אֶלְעָזָ֥ר בֶּן־דּוֹד֖וֹ הָאֲחוֹחִ֑י ה֖וּא בִּשְׁלוֹשָׁ֥ה הַגִּבֹּרִֽים׃

‎13 ‏הֽוּא־הָיָ֨ה עִם־דָּוִ֜יד בַּפַּ֣ס דַּמִּ֗ים וְהַפְּלִשְׁתִּים֙ נֶאֱסְפוּ־שָׁ֣ם לַמִּלְחָמָ֔ה וַתְּהִ֛י חֶלְקַ֥ת הַשָּׂדֶ֖ה מְלֵאָ֣ה שְׂעוֹרִ֑ים וְהָעָ֥ם נָ֖סוּ מִפְּנֵ֥י פְלִשְׁתִּֽים׃

‎14 ‏וַיִּֽתְיַצְּב֤וּ בְתוֹךְ־הַחֶלְקָה֙ וַיַּצִּיל֔וּהָ וַיַּכּ֖וּ אֶת־פְּלִשְׁתִּ֑ים וַיּ֥וֹשַׁע יְהוָ֖ה תְּשׁוּעָ֥ה גְדוֹלָֽה׃

‎15 ‏וַיֵּרְד֡וּ שְֽׁלוֹשָׁה֩ מִן־הַשְּׁלוֹשִׁ֨ים רֹ֤אשׁ עַל־הַצֻּר֙ אֶל־דָּוִ֔יד אֶל־מְעָרַ֖ת עֲדֻלָּ֑ם וּמַחֲנֵ֣ה פְלִשְׁתִּ֔ים חֹנָ֖ה בְּעֵ֥מֶק רְפָאִֽים׃

‎16 ‏וְדָוִ֖יד אָ֣ז בַּמְּצוּדָ֑ה וּנְצִ֣יב פְּלִשְׁתִּ֔ים אָ֖ז בְּבֵ֥ית לָֽחֶם׃

‎17 ‏ויתאו וַיִּתְאָ֥יו דָּוִ֖יד וַיֹּאמַ֑ר מִ֚י יַשְׁקֵ֣נִי מַ֔יִם מִבּ֥וֹר בֵּֽית־לֶ֖חֶם אֲשֶׁ֥ר בַּשָּֽׁעַר׃

‎18 ‏וַיִּבְקְע֨וּ הַשְּׁלֹשָׁ֜ה בְּמַחֲנֵ֣ה פְלִשְׁתִּ֗ים וַיִּֽשְׁאֲבוּ־מַ֙יִם֙ מִבּ֤וֹר בֵּֽית־לֶ֙חֶם֙ אֲשֶׁ֣ר בַּשַּׁ֔עַר וַיִּשְׂא֖וּ וַיָּבִ֣אוּ אֶל־דָּוִ֑יד וְלֹֽא־אָבָ֤ה דָוִיד֙ לִשְׁתּוֹתָ֔ם וַיְנַסֵּ֥ךְ אֹתָ֖ם לַיהוָֽה׃

‎19 ‏וַיֹּ֡אמֶר חָלִילָה֩ לִּ֨י מֵאֱלֹהַ֜י מֵעֲשׂ֣וֹת זֹ֗את הֲדַ֣ם הָאֲנָשִׁים֩ הָאֵ֨לֶּה אֶשְׁתֶּ֤ה בְנַפְשׁוֹתָם֙ כִּ֣י בְנַפְשׁוֹתָ֣ם הֱבִיא֔וּם וְלֹ֥א אָבָ֖ה לִשְׁתּוֹתָ֑ם אֵ֣לֶּה עָשׂ֔וּ שְׁלֹ֖שֶׁת הַגִּבּוֹרִֽים׃

‎20 ‏וְאַבְשַׁ֣י אֲחִֽי־יוֹאָ֗ב ה֚וּא הָיָה֙ רֹ֣אשׁ הַשְּׁלוֹשָׁ֔ה וְהוּא֙ עוֹרֵ֣ר אֶת־חֲנִית֔וֹ עַל־שְׁלֹ֥שׁ מֵא֖וֹת חָלָ֑ל ולא־ וְלוֹ־ שֵׁ֖ם בַּשְּׁלוֹשָֽׁה׃

‎21 ‏מִן־הַשְּׁלוֹשָׁ֤ה בַשְּׁנַ֙יִם֙ נִכְבָּ֔ד וַיְהִ֥י לָהֶ֖ם לְשָׂ֑ר וְעַד־הַשְּׁלוֹשָׁ֖ה לֹֽא־בָֽא׃ ס

‎22 ‏בְּנָיָ֨ה בֶן־יְהוֹיָדָ֧ע בֶּן־אִֽישׁ־חַ֛יִל רַב־פְּעָלִ֖ים מִֽן־קַבְצְאֵ֑ל ה֣וּא הִכָּ֗ה אֵ֣ת שְׁנֵ֤י אֲרִיאֵל֙ מוֹאָ֔ב וְ֠הוּא יָרַ֞ד וְהִכָּ֧ה אֶֽת־הָאֲרִ֛י בְּת֥וֹךְ הַבּ֖וֹר בְּי֥וֹם הַשָּֽׁלֶג׃

‎23 ‏וְהֽוּא־הִכָּה֩ אֶת־הָאִ֨ישׁ הַמִּצְרִ֜י אִ֥ישׁ מִדָּ֣ה׀ חָמֵ֣שׁ בָּאַמָּ֗ה וּבְיַ֨ד הַמִּצְרִ֤י חֲנִית֙ כִּמְנ֣וֹר אֹרְגִ֔ים וַיֵּ֥רֶד אֵלָ֖יו בַּשָּׁ֑בֶט וַיִּגְזֹ֤ל אֶֽת־הַחֲנִית֙ מִיַּ֣ד הַמִּצְרִ֔י וַיַּהַרְגֵ֖הוּ בַּחֲנִיתֽוֹ׃

‎24 ‏אֵ֣לֶּה עָשָׂ֔ה בְּנָיָ֖הוּ בֶּן־יְהוֹיָדָ֑ע וְלוֹ־שֵׁ֖ם בִּשְׁלוֹשָׁ֥ה הַגִּבֹּרִֽים׃

‎25 ‏מִן־הַשְּׁלוֹשִׁ֗ים הִנּ֤וֹ נִכְבָּד֙ ה֔וּא וְאֶל־הַשְּׁלוֹשָׁ֖ה לֹא־בָ֑א וַיְשִׂימֵ֥הוּ דָוִ֖יד עַל־מִשְׁמַעְתּֽוֹ׃ ס

‎26 ‏וְגִבּוֹרֵ֖י הַחֲיָלִ֑ים עֲשָׂה־אֵל֙ אֲחִ֣י יוֹאָ֔ב אֶלְחָנָ֥ן בֶּן־דּוֹד֖וֹ מִבֵּ֥ית לָֽחֶם׃ ס

‎27 ‏שַׁמּוֹת֙ הַהֲרוֹרִ֔י חֶ֖לֶץ הַפְּלוֹנִֽי׃ ס

‎28 ‏עִירָ֤א בֶן־עִקֵּשׁ֙ הַתְּקוֹעִ֔י אֲבִיעֶ֖זֶר הָעֲנְּתוֹתִֽי׃ ס

‎29 ‏סִבְּכַי֙ הַחֻ֣שָׁתִ֔י עִילַ֖י הָאֲחוֹחִֽי׃ ס

‎30 ‏מַהְרַי֙ הַנְּטֹ֣פָתִ֔י חֵ֥לֶד בֶּֽן־בַּֽעֲנָ֖ה הַנְּטוֹפָתִֽי׃ ס

‎31 ‏אִיתַ֣י בֶּן־רִיבַ֗י מִגִּבְעַת֙ בְּנֵ֣י בִנְיָמִ֔ן סבְּנָיָ֖ה הַפִּרְעָתֹנִֽי׃

‎32 ‏חוּרַי֙ מִנַּ֣חֲלֵי גָ֔עַשׁ סאֲבִיאֵ֖ל הָעַרְבָתִֽי׃ ס

‎33 ‏עַזְמָ֙וֶת֙ הַבַּ֣חֲרוּמִ֔י אֶלְיַחְבָּ֖א הַשַּׁעַלְבֹנִֽי׃ ס

‎34 ‏בְּנֵ֗י הָשֵׁם֙ הַגִּ֣זוֹנִ֔י יוֹנָתָ֥ן בֶּן־שָׁגֵ֖ה הַהֲרָרִֽי׃ ס

‎35 ‏אֲחִיאָ֧ם בֶּן־שָׂכָ֛ר הַהֲרָרִ֖י אֱלִיפַ֥ל בֶּן־אֽוּר׃ ס

‎36 ‏חֵ֚פֶר הַמְּכֵ֣רָתִ֔י אֲחִיָּ֖ה הַפְּלֹנִֽי׃ ס

‎37 ‏חֶצְרוֹ֙ הַֽכַּרְמְלִ֔י נַעֲרַ֖י בֶּן־אֶזְבָּֽי׃ ס

‎38 ‏יוֹאֵל֙ אֲחִ֣י נָתָ֔ן מִבְחָ֖ר בֶּן־הַגְרִֽי׃ ס

‎39 ‏צֶ֖לֶק הָעַמּוֹנִ֑י נַחְרַי֙ הַבֵּ֣רֹתִ֔י נֹשֵׂ֕א כְּלֵ֖י יוֹאָ֥ב בֶּן־צְרוּיָֽה׃ ס

‎40 ‏עִירָא֙ הַיִּתְרִ֔י גָּרֵ֖ב הַיִּתְרִֽי׃ ס

‎41 ‏אֽוּרִיָּה֙ הַחִתִּ֔י זָבָ֖ד בֶּן־אַחְלָֽי׃ ס

‎42 ‏עֲדִינָ֨א בֶן־שִׁיזָ֜א הָרֽאוּבֵנִ֗י רֹ֛אשׁ לָרֽאוּבֵנִ֖י וְעָלָ֥יו שְׁלוֹשִֽׁים׃ ס

‎43 ‏חָנָן֙ בֶּֽן־מַעֲכָ֔ה וְיוֹשָׁפָ֖ט הַמִּתְנִֽי׃ ס

‎44 ‏עֻזִיָּ֖א הָעֲשְׁתְּרָתִ֑י שָׁמָע֙ ויעואל וִֽיעִיאֵ֔ל סבְּנֵ֖י חוֹתָ֥ם הָעֲרֹעֵרִֽי׃ ס

‎45 ‏יְדִֽיעֲאֵל֙ בֶּן־שִׁמְרִ֔י וְיֹחָ֥א אָחִ֖יו הַתִּיצִֽי׃ ס

‎46 ‏אֱלִיאֵל֙ הַֽמַּחֲוִ֔ים וִירִיבַ֥י וְיוֹשַׁוְיָ֖ה בְּנֵ֣י אֶלְנָ֑עַם וְיִתְמָ֖ה הַמּוֹאָבִֽי׃

‎47 ‏אֱלִיאֵ֣ל וְעוֹבֵ֔ד וְיַעֲשִׂיאֵ֖ל הַמְּצֹבָיָֽה׃ פ

1 wayyiqqāḇəṣû ḵāl-yiśərā’ēl ’el-dāwîḏ ḥeḇərwōnâ lē’mōr hinnēh ‘aṣəməḵā ûḇəśārəḵā ’ănāḥənû:

2 gam-təmwōl gam-šiləšwōm gam bihəywōṯ šā’ûl meleḵə ’atâ hammwōṣî’ wəhammēḇî’ ’eṯ-yiśərā’ēl wayyō’mer yəhwâ ’ĕlōheyḵā ləḵā ’atâ ṯirə‘eh ’eṯ-‘ammî ’eṯ-yiśərā’ēl wə’atâ tihəyeh nāḡîḏ ‘al ‘ammî yiśərā’ēl:

3 wayyāḇō’û kāl-ziqənê yiśərā’ēl ’el-hammeleḵə ḥeḇərwōnâ wayyiḵərōṯ lâem dāwîḏ bərîṯ bəḥeḇərwōn lifənê yəhwâ wayyiməšəḥû ’eṯ-dāwîḏ ləmeleḵə ‘al-yiśərā’ēl kiḏəḇar yəhwâ bəyaḏ-šəmû’ēl: s

4 wayyēleḵə dāwîḏ wəḵāl-yiśərā’ēl yərûšālaim hî’ yəḇûs wəšām hayəḇûsî yōšəḇê hā’āreṣ:

5 wayyō’mərû yōšəḇê yəḇûs ləḏāwîḏ lō’ ṯāḇwō’ hēnnâ wayyiləkōḏ dāwîḏ ’eṯ-məṣuḏaṯ ṣîywōn hî’ ‘îr dāwîḏ:

6 wayyō’mer dāwîḏ kāl-makēh yəḇûsî bāri’šwōnâ yihəyeh lərō’š ûləśār wayy^a‘al bāri’šwōnâ ywō’āḇ ben-ṣərûyâ wayəhî lərō’š:

7 wayyēšeḇ dāwîḏ baməṣāḏ ‘al-kēn qārə’û-lwō ‘îr dāwîḏ:

8 wayyiḇen hā‘îr missāḇîḇ min-hammillwō’ wə‘aḏ-hassāḇîḇ wəywō’āḇ yəḥayyeh ’eṯ-šə’ār hā‘îr:

9 wayyēleḵə dāwîḏ hālwōḵə wəḡāḏwōl wayhwâ ṣəḇā’wōṯ ‘immwō: f

10 wə’ēlleh rā’šê hagibwōrîm ’ăšer ləḏāwîḏ hammiṯəḥazzəqîm ‘immwō ḇəmaləḵûṯwō ‘im-kāl-yiśərā’ēl ləhaməlîḵwō kiḏəḇar yəhwâ ‘al-yiśərā’ēl: s

11 wə’ēlleh misəpar hagibōrîm ’ăšer ləḏāwîḏ yāšāḇə‘ām ben-ḥaḵəmwōnî rō’š haššəlwōšîm haššālîšîm hû’-‘wōrēr ’eṯ-ḥănîṯwō ‘al-šəlōš-mē’wōṯ ḥālāl bəf^a‘am ’eḥāṯ:

12 wə’^aḥărāyw ’elə‘āzār ben-dwōḏwō hā’ăḥwōḥî hû’ bišəlwōšâ hagibōrîm:

13 hû’-hāyâ ‘im-dāwîḏ bapas dammîm wəhapəlišətîm ne’ĕsəfû-šām lammiləḥāmâ watəhî ḥeləqaṯ haśśāḏeh məlē’â śə‘wōrîm wəhā‘ām nāsû mipənê fəlišətîm:

14 wayyiṯəyaṣṣəḇû ḇəṯwōḵə-h^aḥeləqâ wayyaṣṣîlûhā wayyakû ’eṯ-pəlišətîm wayywōš^a‘ yəhwâ təšû‘â ḡəḏwōlâ:

15 wayyērəḏû šəlwōšâ min-haššəlwōšîm rō’š ‘al-haṣṣur ’el-dāwîḏ ’el-mə‘āraṯ ‘ăḏullām ûm^aḥănēh fəlišətîm ḥōnâ bə‘ēmeq rəfā’îm:

16 wəḏāwîḏ ’āz bamməṣûḏâ ûnəṣîḇ pəlišətîm ’āz bəḇêṯ lāḥem:

17 wayyiṯə’āw wayyiṯə’āyw dāwîḏ wayyō’mar mî yašəqēnî mayim mibwōr bêṯ-leḥem ’ăšer baššā‘ar:

18 wayyiḇəqə‘û haššəlōšâ bəm^aḥănēh fəlišətîm wayyišə’ăḇû-mayim mibwōr bêṯ-leḥem ’ăšer bašš^a‘ar wayyiśə’û wayyāḇi’û ’el-dāwîḏ wəlō’-’āḇâ ḏāwîḏ lišətwōṯām wayənassēḵə ’ōṯām layhwâ:

19 wayyō’mer ḥālîlâ llî mē’ĕlōhay mē‘ăśwōṯ zō’ṯ hăḏam hā’ănāšîm hā’ēlleh ’ešəteh ḇənafəšwōṯām kî ḇənafəšwōṯām hĕḇî’ûm wəlō’ ’āḇâ lišətwōṯām ’ēlleh ‘āśû šəlōšeṯ hagibwōrîm:

20 wə’aḇəšay ’ăḥî-ywō’āḇ hû’ hāyâ rō’š haššəlwōšâ wəhû’ ‘wōrēr ’eṯ-ḥănîṯwō ‘al-šəlōš mē’wōṯ ḥālāl wəlō’- wəlwō- šēm baššəlwōšâ:

21 min-haššəlwōšâ ḇaššənayim niḵəbāḏ wayəhî lâem ləśār wə‘aḏ-haššəlwōšâ lō’-ḇā’: s

22 bənāyâ ḇen-yəhwōyāḏā‘ ben-’îš-ḥayil raḇ-pə‘ālîm min-qaḇəṣə’ēl hû’ hikâ ’ēṯ šənê ’ărî’ēl mwō’āḇ wəhû’ yāraḏ wəhikâ ’eṯ-hā’ărî bəṯwōḵə habwōr bəywōm haššāleḡ:

23 wəhû’-hikâ ’eṯ-hā’îš hammiṣərî ’îš midâ| ḥāmēš bā’ammâ ûḇəyaḏ hammiṣərî ḥănîṯ kimənwōr ’ōrəḡîm wayyēreḏ ’ēlāyw baššāḇeṭ wayyiḡəzōl ’eṯ-h^aḥănîṯ mîyaḏ hammiṣərî wayyaharəḡēhû b^aḥănîṯwō:

24 ’ēlleh ‘āśâ bənāyâû ben-yəhwōyāḏā‘ wəlwō-šēm bišəlwōšâ hagibōrîm:

25 min-haššəlwōšîm hinnwō niḵəbāḏ hû’ wə’el-haššəlwōšâ lō’-ḇā’ wayəśîmēhû ḏāwîḏ ‘al-mišəm^a‘ətwō: s

26 wəḡibwōrê h^aḥăyālîm ‘ăśâ-’ēl ’ăḥî ywō’āḇ ’eləḥānān ben-dwōḏwō mibêṯ lāḥem: s

27 šammwōṯ hahărwōrî ḥeleṣ hapəlwōnî: s

28 ‘îrā’ ḇen-‘iqqēš hatəqwō‘î ’ăḇî‘ezer hā‘ănnəṯwōṯî: s

29 sibəḵay h^aḥušāṯî ‘îlay hā’ăḥwōḥî: s

30 mahəray hannəṭōfāṯî ḥēleḏ ben-b^a‘ănâ hannəṭwōfāṯî: s

31 ’îṯay ben-rîḇay migiḇə‘aṯ bənê ḇinəyāmin sbənāyâ hapirə‘āṯōnî:

32 ḥûray minn^aḥălê ḡā‘aš s’ăḇî’ēl hā‘arəḇāṯî: s

33 ‘azəmāweṯ hab^aḥărûmî ’eləy^aḥəbā’ hašš^a‘aləḇōnî: s

34 bənê hāšēm hagizwōnî ywōnāṯān ben-šāḡēh hahărārî: s

35 ’ăḥî’ām ben-śāḵār hahărārî ’ĕlîfal ben-’ûr: s

36 ḥēfer hamməḵērāṯî ’ăḥîyâ hapəlōnî: s

37 ḥeṣərwō hakarəməlî n^a‘ăray ben-’ezəbāy: s

38 ywō’ēl ’ăḥî nāṯān miḇəḥār ben-haḡərî: s

39 ṣeleq hā‘ammwōnî n^aḥəray habērōṯî nōśē’ kəlê ywō’āḇ ben-ṣərûyâ: s

40 ‘îrā’ hayyiṯərî gārēḇ hayyiṯərî: s

41 ’ûrîyâ h^aḥitî zāḇāḏ ben-’^aḥəlāy: s

42 ‘ăḏînā’ ḇen-šîzā’ hār’ûḇēnî rō’š lār’ûḇēnî wə‘ālāyw šəlwōšîm: s

43 ḥānān ben-m^a‘ăḵâ wəywōšāfāṭ hammiṯənî: s

44 ‘uzîyā’ hā‘ăšətərāṯî šāmā‘ wî‘û’ēl wî‘î’ēl sbənê ḥwōṯām hā‘ărō‘ērî: s

45 yəḏî‘ă’ēl ben-šimərî wəyōḥā’ ’āḥîw hatîṣî: s

46 ’ĕlî’ēl hamm^aḥăwîm wîrîḇay wəywōšawəyâ bənê ’elənā‘am wəyiṯəmâ hammwō’āḇî:

47 ’ĕlî’ēl wə‘wōḇēḏ wəy^a‘ăśî’ēl hamməṣōḇāyâ: f