1 Chronicles (1 Divrey Yamim) Chapter 27

‎1 ‏וּבְנֵ֣י יִשְׂרָאֵ֣ל׀ לְֽמִסְפָּרָ֡ם רָאשֵׁ֣י הָאָב֣וֹת וְשָׂרֵ֣י הָֽאֲלָפִ֣ים׀ וְהַמֵּא֡וֹת וְשֹׁטְרֵיהֶם֩ הַמְשָׁרְתִ֨ים אֶת־הַמֶּ֜לֶךְ לְכֹ֣ל׀ דְּבַ֣ר הַֽמַּחְלְק֗וֹת הַבָּאָ֤ה וְהַיֹּצֵאת֙ חֹ֣דֶשׁ בְּחֹ֔דֶשׁ לְכֹ֖ל חָדְשֵׁ֣י הַשָּׁנָ֑ה הַֽמַּחֲלֹ֙קֶת֙ הָֽאַחַ֔ת עֶשְׂרִ֥ים וְאַרְבָּעָ֖ה אָֽלֶף׃ ס

‎2 ‏עַ֞ל הַמַּחֲלֹ֤קֶת הָרִֽאשׁוֹנָה֙ לַחֹ֣דֶשׁ הָרִאשׁ֔וֹן יָֽשָׁבְעָ֖ם בֶּן־זַבְדִּיאֵ֑ל וְעַל֙ מַֽחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃

‎3 ‏מִן־בְּנֵי־פֶ֗רֶץ הָרֹ֛אשׁ לְכָל־שָׂרֵ֥י הַצְּבָא֖וֹת לַחֹ֥דֶשׁ הָרִאשֽׁוֹן׃

‎4 ‏וְעַ֞ל מַחֲלֹ֣קֶת׀ הַחֹ֣דֶשׁ הַשֵּׁנִ֗י דּוֹדַ֤י הָאֲחוֹחִי֙ וּמַ֣חֲלֻקְתּ֔וֹ וּמִקְל֖וֹת הַנָּגִ֑יד וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎5 ‏שַׂ֣ר הַצָּבָ֤א הַשְּׁלִישִׁי֙ לַחֹ֣דֶשׁ הַשְּׁלִישִׁ֔י בְּנָיָ֧הוּ בֶן־יְהוֹיָדָ֛ע הַכֹּהֵ֖ן רֹ֑אשׁ וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃

‎6 ‏ה֧וּא בְנָיָ֛הוּ גִּבּ֥וֹר הַשְּׁלֹשִׁ֖ים וְעַל־הַשְּׁלֹשִׁ֑ים וּמַ֣חֲלֻקְתּ֔וֹ עַמִּיזָבָ֖ד בְּנֽוֹ׃ ס

‎7 ‏הָֽרְבִיעִ֞י לַחֹ֣דֶשׁ הָרְבִיעִ֗י עֲשָׂה־אֵל֙ אֲחִ֣י יוֹאָ֔ב וּזְבַדְיָ֥ה בְנ֖וֹ אַחֲרָ֑יו וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎8 ‏הַחַמִישִׁי֙ לַחֹ֣דֶשׁ הַחֲמִישִׁ֔י הַשַּׂ֖ר שַׁמְה֣וּת הַיִּזְרָ֑ח וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎9 ‏הַשִּׁשִּׁי֙ לַחֹ֣דֶשׁ הַשִּׁשִּׁ֔י עִירָ֥א בֶן־עִקֵּ֖שׁ הַתְּקוֹעִ֑י וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎10 ‏הַשְּׁבִיעִי֙ לַחֹ֣דֶשׁ הַשְּׁבִיעִ֔י חֶ֥לֶץ הַפְּלוֹנִ֖י מִן־בְּנֵ֣י אֶפְרָ֑יִם וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎11 ‏הַשְּׁמִינִי֙ לַחֹ֣דֶשׁ הַשְּׁמִינִ֔י סִבְּכַ֥י הַחֻשָׁתִ֖י לַזַּרְחִ֑י וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎12 ‏הַתְּשִׁיעִי֙ לַחֹ֣דֶשׁ הַתְּשִׁיעִ֔י אֲבִיעֶ֥זֶר הָעַנְּתֹתִ֖י לבנימיני לַבֵּ֣ן׀ יְמִינִ֑י וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎13 ‏הָעֲשִׂירִי֙ לַחֹ֣דֶשׁ הָעֲשִׂירִ֔י מַהְרַ֥י הַנְּטֽוֹפָתִ֖י לַזַּרְחִ֑י וְעַל֙ מַֽחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎14 ‏עַשְׁתֵּֽי־עָשָׂר֙ לְעַשְׁתֵּ֣י־עָשָׂ֣ר הַחֹ֔דֶשׁ בְּנָיָ֥ה הַפִּרְעָתוֹנִ֖י מִן־בְּנֵ֣י אֶפְרָ֑יִם וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ ס

‎15 ‏הַשְּׁנֵ֤ים עָשָׂר֙ לִשְׁנֵ֣ים עָשָׂ֣ר הַחֹ֔דֶשׁ חֶלְדַּ֥י הַנְּטוֹפָתִ֖י לְעָתְנִיאֵ֑ל וְעַל֙ מַחֲלֻקְתּ֔וֹ עֶשְׂרִ֥ים וְאַרְבָּעָ֖ה אָֽלֶף׃ פ

‎16 ‏וְעַל֙ שִׁבְטֵ֣י יִשְׂרָאֵ֔ל לָרֽאוּבֵנִ֣י נָגִ֔יד אֱלִיעֶ֖זֶר בֶּן־זִכְרִ֑י סלַשִּׁ֨מְעוֹנִ֔י שְׁפַטְיָ֖הוּ בֶּֽן־מַעֲכָֽה׃ ס

‎17 ‏לְלֵוִ֛י חֲשַׁבְיָ֥ה בֶן־קְמוּאֵ֖ל לְאַהֲרֹ֥ן צָדֽוֹק׃ ס

‎18 ‏לִֽיהוּדָ֕ה אֱלִיה֖וּ מֵאֲחֵ֣י דָוִ֑יד לְיִ֨שָׂשכָ֔ר עָמְרִ֖י בֶּן־מִיכָאֵֽל׃ ס

‎19 ‏לִזְבוּלֻ֕ן יִֽשְׁמַֽעְיָ֖הוּ בֶּן־עֹבַדְיָ֑הוּ לְנַ֨פְתָּלִ֔י יְרִימ֖וֹת בֶּן־עַזְרִיאֵֽל׃ ס

‎20 ‏לִבְנֵ֣י אֶפְרַ֔יִם הוֹשֵׁ֖עַ בֶּן־עֲזַזְיָ֑הוּ לַחֲצִי֙ שֵׁ֣בֶט מְנַשֶּׁ֔ה יוֹאֵ֖ל בֶּן־פְּדָיָֽהוּ׃ ס

‎21 ‏לַחֲצִ֤י הַֽמְנַשֶּׁה֙ גִּלְעָ֔דָה יִדּ֖וֹ בֶּן־זְכַרְיָ֑הוּ סלְבִנְיָמִ֔ן יַעֲשִׂיאֵ֖ל בֶּן־אַבְנֵֽר׃ ס

‎22 ‏לְדָ֕ן עֲזַרְאֵ֖ל בֶּן־יְרֹחָ֑ם אֵ֕לֶּה שָׂרֵ֖י שִׁבְטֵ֥י יִשְׂרָאֵֽל׃

‎23 ‏וְלֹא־נָשָׂ֤א דָוִיד֙ מִסְפָּרָ֔ם לְמִבֶּ֛ן עֶשְׂרִ֥ים שָׁנָ֖ה וּלְמָ֑טָּה כִּ֚י אָמַ֣ר יְהוָ֔ה לְהַרְבּ֥וֹת אֶת־יִשְׂרָאֵ֖ל כְּכוֹכְבֵ֥י הַשָּׁמָֽיִם׃

‎24 ‏יוֹאָ֨ב בֶּן־צְרוּיָ֜ה הֵחֵ֤ל לִמְנוֹת֙ וְלֹ֣א כִלָּ֔ה וַיְהִ֥י בָזֹ֛את קֶ֖צֶף עַל־יִשְׂרָאֵ֑ל וְלֹ֤א עָלָה֙ הַמִּסְפָּ֔ר בְּמִסְפַּ֥ר דִּבְרֵֽי־הַיָּמִ֖ים לַמֶּ֥לֶךְ דָּוִֽיד׃ ס

‎25 ‏וְעַל֙ אֹצְר֣וֹת הַמֶּ֔לֶךְ עַזְמָ֖וֶת בֶּן־עֲדִיאֵ֑ל סוְעַ֣ל הָֽאֹצָר֡וֹת בַּשָּׂדֶ֞ה בֶּעָרִ֤ים וּבַכְּפָרִים֙ וּבַמִּגְדָּל֔וֹת יְהוֹנָתָ֖ן בֶּן־עֻזִּיָּֽהוּ׃ ס

‎26 ‏וְעַ֗ל עֹשֵׂי֙ מְלֶ֣אכֶת הַשָּׂדֶ֔ה לַעֲבֹדַ֖ת הָאֲדָמָ֑ה עֶזְרִ֖י בֶּן־כְּלֽוּב׃

‎27 ‏וְעַל־הַ֨כְּרָמִ֔ים שִׁמְעִ֖י הָרָֽמָתִ֑י וְעַ֤ל שֶׁבַּכְּרָמִים֙ לְאֹצְר֣וֹת הַיַּ֔יִן זַבְדִּ֖י הַשִּׁפְמִֽי׃ ס

‎28 ‏וְעַל־הַזֵּיתִ֤ים וְהַשִּׁקְמִים֙ אֲשֶׁ֣ר בַּשְּׁפֵלָ֔ה בַּ֥עַל חָנָ֖ן הַגְּדֵרִ֑י סוְעַל־אֹצְר֥וֹת הַשֶּׁ֖מֶן יוֹעָֽשׁ׃ ס

‎29 ‏וְעַל־הַבָּקָר֙ הָרֹעִ֣ים בַּשָּׁר֔וֹן שטרי שִׁרְטַ֖י הַשָּׁרוֹנִ֑י וְעַל־הַבָּקָר֙ בָּֽעֲמָקִ֔ים שָׁפָ֖ט בֶּן־עַדְלָֽי׃ ס

‎30 ‏וְעַל־הַ֨גְּמַלִּ֔ים אוֹבִ֖יל הַיִּשְׁמְעֵלִ֑י וְעַל־הָ֣אֲתֹנ֔וֹת יֶחְדְּיָ֖הוּ הַמֵּרֹנֹתִֽי׃ ס

‎31 ‏וְעַל־הַצֹּ֖אן יָזִ֣יז הַֽהַגְרִ֑י כָּל־אֵ֙לֶּה֙ שָׂרֵ֣י הָרְכ֔וּשׁ אֲשֶׁ֖ר לַמֶּ֥לֶךְ דָּוִֽיד׃

‎32 ‏וִֽיהוֹנָתָ֤ן דּוֹד־דָּוִיד֙ יוֹעֵ֔ץ אִישׁ־מֵבִ֥ין וְסוֹפֵ֖ר ה֑וּא וִֽיחִיאֵ֥ל בֶּן־חַכְמוֹנִ֖י עִם־בְּנֵ֥י הַמֶּֽלֶךְ׃

‎33 ‏וַאֲחִיתֹ֖פֶל יוֹעֵ֣ץ לַמֶּ֑לֶךְ סוְחוּשַׁ֥י הָאַרְכִּ֖י רֵ֥עַ הַמֶּֽלֶךְ׃

‎34 ‏וְאַחֲרֵ֣י אֲחִיתֹ֗פֶל יְהוֹיָדָ֤ע בֶּן־בְּנָיָ֙הוּ֙ וְאֶבְיָתָ֔ר וְשַׂר־צָבָ֥א לַמֶּ֖לֶךְ יוֹאָֽב׃ פ

1 ûḇənê yiśərā’ēl| ləmisəpārām rā’šê hā’āḇwōṯ wəśārê hā’ălāfîm| wəhammē’wōṯ wəšōṭərêhem haməšārəṯîm ’eṯ-hammeleḵə ləḵōl| dəḇar hamm^aḥələqwōṯ habā’â wəhayyōṣē’ṯ ḥōḏeš bəḥōḏeš ləḵōl ḥāḏəšê haššānâ hamm^aḥălōqeṯ hā’^aḥaṯ ‘eśərîm wə’arəbā‘â ’ālef: s

2 ‘al hamm^aḥălōqeṯ hāri’šwōnâ l^aḥōḏeš hāri’šwōn yāšāḇə‘ām ben-zaḇədî’ēl wə‘al m^aḥăluqətwō ‘eśərîm wə’arəbā‘â ’ālef:

3 min-bənê-fereṣ hārō’š ləḵāl-śārê haṣṣəḇā’wōṯ l^aḥōḏeš hāri’šwōn:

4 wə‘al m^aḥălōqeṯ| h^aḥōḏeš haššēnî dwōḏay hā’ăḥwōḥî ûm^aḥăluqətwō ûmiqəlwōṯ hannāḡîḏ wə‘al m^aḥăluqətwō ‘eśərîm wə’arəbā‘â ’ālef: s

5 śar haṣṣāḇā’ haššəlîšî l^aḥōḏeš haššəlîšî bənāyâû ḇen-yəhwōyāḏā‘ hakōhēn rō’š wə‘al m^aḥăluqətwō ‘eśərîm wə’arəbā‘â ’ālef:

6 hû’ ḇənāyâû gibwōr haššəlōšîm wə‘al-haššəlōšîm ûm^aḥăluqətwō ‘ammîzāḇāḏ bənwō: s

7 hārəḇî‘î l^aḥōḏeš hārəḇî‘î ‘ăśâ-’ēl ’ăḥî ywō’āḇ ûzəḇaḏəyâ ḇənwō ’^aḥărāyw wə‘al m^aḥăluqətwō ‘eśərîm wə’arəbā‘â ’ālef: s

8 h^aḥamîšî l^aḥōḏeš h^aḥămîšî haśśar šaməhûṯ hayyizərāḥ wə‘al m^aḥăluqətwō ‘eśərîm wə’arəbā‘â ’ālef: s

9 haššiššî l^aḥōḏeš haššiššî ‘îrā’ ḇen-‘iqqēš hatəqwō‘î wə‘al m^aḥăluqətwō ‘eśərîm wə’arəbā‘â ’ālef: s

10 haššəḇî‘î l^aḥōḏeš haššəḇî‘î ḥeleṣ hapəlwōnî min-bənê ’efərāyim wə‘al m^aḥăluqətwō ‘eśərîm wə’arəbā‘â ’ālef: s

11 haššəmînî l^aḥōḏeš haššəmînî sibəḵay h^aḥušāṯî lazzarəḥî wə‘al m^aḥăluqətwō ‘eśərîm wə’arəbā‘â ’ālef: s

12 hatəšî‘î l^aḥōḏeš hatəšî‘î ’ăḇî‘ezer hā‘annəṯōṯî labenəyəmînî labēn| yəmînî wə‘al m^aḥăluqətwō ‘eśərîm wə’arəbā‘â ’ālef: s

13 hā‘ăśîrî l^aḥōḏeš hā‘ăśîrî mahəray hannəṭwōfāṯî lazzarəḥî wə‘al m^aḥăluqətwō ‘eśərîm wə’arəbā‘â ’ālef: s

14 ‘ašətê-‘āśār lə‘ašətê-‘āśār h^aḥōḏeš bənāyâ hapirə‘āṯwōnî min-bənê ’efərāyim wə‘al m^aḥăluqətwō ‘eśərîm wə’arəbā‘â ’ālef: s

15 haššənêm ‘āśār lišənêm ‘āśār h^aḥōḏeš ḥeləday hannəṭwōfāṯî lə‘āṯənî’ēl wə‘al m^aḥăluqətwō ‘eśərîm wə’arəbā‘â ’ālef: f

16 wə‘al šiḇəṭê yiśərā’ēl lār’ûḇēnî nāḡîḏ ’ĕlî‘ezer ben-ziḵərî slaššimə‘wōnî šəfaṭəyâû ben-m^a‘ăḵâ: s

17 ləlēwî ḥăšaḇəyâ ḇen-qəmû’ēl lə’ahărōn ṣāḏwōq: s

18 lîhûḏâ ’ĕlîhû mē’ăḥê ḏāwîḏ ləyiśāsḵār ‘āmərî ben-mîḵā’ēl: s

19 lizəḇûlun yišəm^a‘əyâû ben-‘ōḇaḏəyâû lənafətālî yərîmwōṯ ben-‘azərî’ēl: s

20 liḇənê ’efərayim hwōšē‘a ben-‘ăzazəyâû l^aḥăṣî šēḇeṭ mənaššeh ywō’ēl ben-pəḏāyâû: s

21 l^aḥăṣî hamənaššeh gilə‘āḏâ yidwō ben-zəḵarəyâû sləḇinəyāmin y^a‘ăśî’ēl ben-’aḇənēr: s

22 ləḏān ‘ăzarə’ēl ben-yərōḥām ’ēlleh śārê šiḇəṭê yiśərā’ēl:

23 wəlō’-nāśā’ ḏāwîḏ misəpārām ləmiben ‘eśərîm šānâ ûləmāṭṭâ kî ’āmar yəhwâ ləharəbwōṯ ’eṯ-yiśərā’ēl kəḵwōḵəḇê haššāmāyim:

24 ywō’āḇ ben-ṣərûyâ hēḥēl limənwōṯ wəlō’ ḵillâ wayəhî ḇāzō’ṯ qeṣef ‘al-yiśərā’ēl wəlō’ ‘ālâ hammisəpār bəmisəpar diḇərê-hayyāmîm lammeleḵə dāwîḏ: s

25 wə‘al ’ōṣərwōṯ hammeleḵə ‘azəmāweṯ ben-‘ăḏî’ēl swə‘al hā’ōṣārwōṯ baśśāḏeh be‘ārîm ûḇakəfārîm ûḇammiḡədālwōṯ yəhwōnāṯān ben-‘uzzîyâû: s

26 wə‘al ‘ōśê məle’ḵeṯ haśśāḏeh l^a‘ăḇōḏaṯ hā’ăḏāmâ ‘ezərî ben-kəlûḇ:

27 wə‘al-hakərāmîm šimə‘î hārāmāṯî wə‘al šebakərāmîm lə’ōṣərwōṯ hayyayin zaḇədî haššifəmî: s

28 wə‘al-hazzêṯîm wəhaššiqəmîm ’ăšer baššəfēlâ b^a‘al ḥānān hagəḏērî swə‘al-’ōṣərwōṯ haššemen ywō‘āš: s

29 wə‘al-habāqār hārō‘îm baššārwōn šiṭəray širəṭay haššārwōnî wə‘al-habāqār bā‘ămāqîm šāfāṭ ben-‘aḏəlāy: s

30 wə‘al-hagəmallîm ’wōḇîl hayyišəmə‘ēlî wə‘al-hā’ăṯōnwōṯ yeḥədəyâû hammērōnōṯî: s

31 wə‘al-haṣṣō’n yāzîz hahaḡərî kāl-’ēlleh śārê hārəḵûš ’ăšer lammeleḵə dāwîḏ:

32 wîhwōnāṯān dwōḏ-dāwîḏ ywō‘ēṣ ’îš-mēḇîn wəswōfēr hû’ wîḥî’ēl ben-ḥaḵəmwōnî ‘im-bənê hammeleḵə:

33 wa’ăḥîṯōfel ywō‘ēṣ lammeleḵə swəḥûšay hā’arəkî rē‘a hammeleḵə:

34 wə’^aḥărê ’ăḥîṯōfel yəhwōyāḏā‘ ben-bənāyâû wə’eḇəyāṯār wəśar-ṣāḇā’ lammeleḵə ywō’āḇ: f