2 Chronicles (2 Divrey Yamim) Chapter 15

‎1 ‏וַעֲזַרְיָ֙הוּ֙ בֶּן־עוֹדֵ֔ד הָיְתָ֥ה עָלָ֖יו ר֥וּחַ אֱלֹהִֽים׃

‎2 ‏וַיֵּצֵא֮ לִפְנֵ֣י אָסָא֒ וַיֹּ֣אמֶר ל֔וֹ שְׁמָע֕וּנִי אָסָ֖א וְכָל־יְהוּדָ֣ה וּבִנְיָמִ֑ן יְהוָ֤ה עִמָּכֶם֙ בִּֽהְיֽוֹתְכֶ֣ם עִמּ֔וֹ וְאִֽם־תִּדְרְשֻׁ֙הוּ֙ יִמָּצֵ֣א לָכֶ֔ם וְאִם־תַּעַזְבֻ֖הוּ יַעֲזֹ֥ב אֶתְכֶֽם׃ ס

‎3 ‏וְיָמִ֥ים רַבִּ֖ים לְיִשְׂרָאֵ֑ל לְלֹ֣א׀ אֱלֹהֵ֣י אֱמֶ֗ת וּלְלֹ֛א כֹּהֵ֥ן מוֹרֶ֖ה וּלְלֹ֥א תוֹרָֽה׃

‎4 ‏וַיָּ֙שָׁב֙ בַּצַּר־ל֔וֹ עַל־יְהוָ֖ה אֱלֹהֵ֣י יִשְׂרָאֵ֑ל וַיְבַקְשֻׁ֖הוּ וַיִּמָּצֵ֥א לָהֶֽם׃

‎5 ‏וּבָעִתִּ֣ים הָהֵ֔ם אֵ֥ין שָׁל֖וֹם לַיּוֹצֵ֣א וְלַבָּ֑א כִּ֚י מְהוּמֹ֣ת רַבּ֔וֹת עַ֥ל כָּל־יוֹשְׁבֵ֖י הָאֲרָצֽוֹת׃

‎6 ‏וְכֻתְּת֥וּ גוֹי־בְּג֖וֹי וְעִ֣יר בְּעִ֑יר כִּֽי־אֱלֹהִ֥ים הֲמָמָ֖ם בְּכָל־צָרָֽה׃

‎7 ‏וְאַתֶּ֣ם חִזְק֔וּ וְאַל־יִרְפּ֖וּ יְדֵיכֶ֑ם כִּ֛י יֵ֥שׁ שָׂכָ֖ר לִפְעֻלַּתְכֶֽם׃ ס

‎8 ‏וְכִשְׁמֹ֨עַ אָסָ֜א הַדְּבָרִ֣ים הָאֵ֗לֶּה וְהַנְּבוּאָה֮ עֹדֵ֣ד הַנָּבִיא֒ הִתְחַזַּ֗ק וַיַּעֲבֵ֤ר הַשִּׁקּוּצִים֙ מִכָּל־אֶ֤רֶץ יְהוּדָה֙ וּבִנְיָמִ֔ן וּמִן־הֶ֣עָרִ֔ים אֲשֶׁ֥ר לָכַ֖ד מֵהַ֣ר אֶפְרָ֑יִם וַיְחַדֵּשׁ֙ אֶת־מִזְבַּ֣ח יְהוָ֔ה אֲשֶׁ֕ר לִפְנֵ֖י אוּלָ֥ם יְהוָֽה׃

‎9 ‏וַיִּקְבֹּ֗ץ אֶת־כָּל־יְהוּדָה֙ וּבִנְיָמִ֔ן וְהַגָּרִים֙ עִמָּהֶ֔ם מֵאֶפְרַ֥יִם וּמְנַשֶּׁ֖ה וּמִשִּׁמְע֑וֹן כִּֽי־נָפְל֨וּ עָלָ֤יו מִיִּשְׂרָאֵל֙ לָרֹ֔ב בִּרְאֹתָ֕ם כִּֽי־יְהוָ֥ה אֱלֹהָ֖יו עִמּֽוֹ׃ פ

‎10 ‏וַיִּקָּבְצ֥וּ יְרוּשָׁלִַ֖ם בַּחֹ֣דֶשׁ הַשְּׁלִישִׁ֑י לִשְׁנַ֥ת חֲמֵשׁ־עֶשְׂרֵ֖ה לְמַלְכ֥וּת אָסָֽא׃

‎11 ‏וַיִּזְבְּח֤וּ לַיהוָה֙ בַּיּ֣וֹם הַה֔וּא מִן־הַשָּׁלָ֖ל הֵבִ֑יאוּ בָּקָר֙ שְׁבַ֣ע מֵא֔וֹת וְצֹ֖אן שִׁבְעַ֥ת אֲלָפִֽים׃

‎12 ‏וַיָּבֹ֣אוּ בַבְּרִ֔ית לִדְר֕וֹשׁ אֶת־יְהוָ֖ה אֱלֹהֵ֣י אֲבוֹתֵיהֶ֑ם בְּכָל־לְבָבָ֖ם וּבְכָל־נַפְשָֽׁם׃

‎13 ‏וְכֹ֨ל אֲשֶׁ֧ר לֹֽא־יִדְרֹ֛שׁ לַיהוָ֥ה אֱלֹהֵֽי־יִשְׂרָאֵ֖ל יוּמָ֑ת לְמִן־קָטֹן֙ וְעַד־גָּד֔וֹל לְמֵאִ֖ישׁ וְעַד־אִשָּֽׁה׃

‎14 ‏וַיִּשָּֽׁבְעוּ֙ לַיהוָ֔ה בְּק֥וֹל גָּד֖וֹל וּבִתְרוּעָ֑ה וּבַחֲצֹצְר֖וֹת וּבְשׁוֹפָרֽוֹת׃

‎15 ‏וַיִּשְׂמְח֨וּ כָל־יְהוּדָ֜ה עַל־הַשְּׁבוּעָ֗ה כִּ֤י בְכָל־לְבָבָם֙ נִשְׁבָּ֔עוּ וּבְכָל־רְצוֹנָ֣ם בִּקְשֻׁ֔הוּ וַיִּמָּצֵ֖א לָהֶ֑ם וַיָּ֧נַח יְהוָ֛ה לָהֶ֖ם מִסָּבִֽיב׃

‎16 ‏וְגַֽם־מַעֲכָ֞ה אֵ֣ם׀ אָסָ֣א הַמֶּ֗לֶךְ הֱסִירָהּ֙ מִגְּבִירָ֔ה אֲשֶׁר־עָשְׂתָ֥ה לַאֲשֵׁרָ֖ה מִפְלָ֑צֶת וַיִּכְרֹ֤ת אָסָא֙ אֶת־מִפְלַצְתָּ֔הּ וַיָּ֕דֶק וַיִּשְׂרֹ֖ף בְּנַ֥חַל קִדְרֽוֹן׃

‎17 ‏וְהַ֨בָּמ֔וֹת לֹא־סָ֖רוּ מִיִּשְׂרָאֵ֑ל רַ֧ק לְבַב־אָסָ֛א הָיָ֥ה שָׁלֵ֖ם כָּל־יָמָֽיו׃

‎18 ‏וַיָּבֵ֞א אֶת־קָדְשֵׁ֥י אָבִ֛יו וְקָֽדָשָׁ֖יו בֵּ֣ית הָאֱלֹהִ֑ים כֶּ֥סֶף וְזָהָ֖ב וְכֵלִֽים׃

‎19 ‏וּמִלְחָמָ֖ה לֹ֣א הָיָ֑תָה עַ֛ד שְׁנַת־שְׁלֹשִׁ֥ים וְחָמֵ֖שׁ לְמַלְכ֥וּת אָסָֽא׃ ס

1 w^a‘ăzarəyâû ben-‘wōḏēḏ hāyəṯâ ‘ālāyw rûḥa ’ĕlōhîm:

2 wayyēṣē’ lifənê ’āsā’ wayyō’mer lwō šəmā‘ûnî ’āsā’ wəḵāl-yəhûḏâ ûḇinəyāmin yəhwâ ‘immāḵem bihəywōṯəḵem ‘immwō wə’im-tiḏərəšuhû yimmāṣē’ lāḵem wə’im-t^a‘azəḇuhû y^a‘ăzōḇ ’eṯəḵem: s

3 wəyāmîm rabîm ləyiśərā’ēl ləlō’| ’ĕlōhê ’ĕmeṯ ûləlō’ kōhēn mwōreh ûləlō’ ṯwōrâ:

4 wayyāšāḇ baṣṣar-lwō ‘al-yəhwâ ’ĕlōhê yiśərā’ēl wayəḇaqəšuhû wayyimmāṣē’ lâem:

5 ûḇā‘itîm hâēm ’ên šālwōm layywōṣē’ wəlabā’ kî məhûmōṯ rabwōṯ ‘al kāl-ywōšəḇê hā’ărāṣwōṯ:

6 wəḵutəṯû ḡwōy-bəḡwōy wə‘îr bə‘îr kî-’ĕlōhîm hămāmām bəḵāl-ṣārâ:

7 wə’atem ḥizəqû wə’al-yirəpû yəḏêḵem kî yēš śāḵār lifə‘ullaṯəḵem: s

8 wəḵišəmō‘a ’āsā’ hadəḇārîm hā’ēlleh wəhannəḇû’â ‘ōḏēḏ hannāḇî’ hiṯəḥazzaq wayy^a‘ăḇēr haššiqqûṣîm mikāl-’ereṣ yəhûḏâ ûḇinəyāmin ûmin-he‘ārîm ’ăšer lāḵaḏ mēhar ’efərāyim wayəḥadēš ’eṯ-mizəb^aḥ yəhwâ ’ăšer lifənê ’ûlām yəhwâ:

9 wayyiqəbōṣ ’eṯ-kāl-yəhûḏâ ûḇinəyāmin wəhagārîm ‘immâem mē’efərayim ûmənaššeh ûmiššimə‘wōn kî-nāfəlû ‘ālāyw mîyiśərā’ēl lārōḇ birə’ōṯām kî-yəhwâ ’ĕlōhāyw ‘immwō: f

10 wayyiqqāḇəṣû yərûšālaim b^aḥōḏeš haššəlîšî lišənaṯ ḥămēš-‘eśərēh ləmaləḵûṯ ’āsā’:

11 wayyizəbəḥû layhwâ bayywōm hahû’ min-haššālāl hēḇî’û bāqār šəḇ^a‘ mē’wōṯ wəṣō’n šiḇə‘aṯ ’ălāfîm:

12 wayyāḇō’û ḇabərîṯ liḏərwōš ’eṯ-yəhwâ ’ĕlōhê ’ăḇwōṯêhem bəḵāl-ləḇāḇām ûḇəḵāl-nafəšām:

13 wəḵōl ’ăšer lō’-yiḏərōš layhwâ ’ĕlōhê-yiśərā’ēl yûmāṯ ləmin-qāṭōn wə‘aḏ-gāḏwōl ləmē’îš wə‘aḏ-’iššâ:

14 wayyiššāḇə‘û layhwâ bəqwōl gāḏwōl ûḇiṯərû‘â ûḇ^aḥăṣōṣərwōṯ ûḇəšwōfārwōṯ:

15 wayyiśəməḥû ḵāl-yəhûḏâ ‘al-haššəḇû‘â kî ḇəḵāl-ləḇāḇām nišəbā‘û ûḇəḵāl-rəṣwōnām biqəšuhû wayyimmāṣē’ lâem wayyān^aḥ yəhwâ lâem missāḇîḇ:

16 wəḡam-m^a‘ăḵâ ’ēm| ’āsā’ hammeleḵə hĕsîrāh migəḇîrâ ’ăšer-‘āśəṯâ la’ăšērâ mifəlāṣeṯ wayyiḵərōṯ ’āsā’ ’eṯ-mifəlaṣətāh wayyāḏeq wayyiśərōf bən^aḥal qiḏərwōn:

17 wəhabāmwōṯ lō’-sārû mîyiśərā’ēl raq ləḇaḇ-’āsā’ hāyâ šālēm kāl-yāmāyw:

18 wayyāḇē’ ’eṯ-qāḏəšê ’āḇîw wəqāḏāšāyw bêṯ hā’ĕlōhîm kesef wəzâāḇ wəḵēlîm:

19 ûmiləḥāmâ lō’ hāyāṯâ ‘aḏ šənaṯ-šəlōšîm wəḥāmēš ləmaləḵûṯ ’āsā’: s