Daniel (Daniyel) Chapter 2

‎1 ‏וּבִשְׁנַ֣ת שְׁתַּ֗יִם לְמַלְכוּת֙ נְבֻֽכַדְנֶצַּ֔ר חָלַ֥ם נְבֻֽכַדְנֶצַּ֖ר חֲלֹמ֑וֹת וַתִּתְפָּ֣עֶם רוּח֔וֹ וּשְׁנָת֖וֹ נִהְיְתָ֥ה עָלָֽיו׃

‎2 ‏וַיֹּ֣אמֶר הַ֠מֶּלֶךְ לִקְרֹ֨א לַֽחַרְטֻמִּ֜ים וְלָֽאַשָּׁפִ֗ים וְלַֽמְכַשְּׁפִים֙ וְלַכַּשְׂדִּ֔ים לְהַגִּ֥יד לַמֶּ֖לֶךְ חֲלֹמֹתָ֑יו וַיָּבֹ֕אוּ וַיַּֽעַמְד֖וּ לִפְנֵ֥י הַמֶּֽלֶךְ׃

‎3 ‏וַיֹּ֧אמֶר לָהֶ֛ם הַמֶּ֖לֶךְ חֲל֣וֹם חָלָ֑מְתִּי וַתִּפָּ֣עֶם רוּחִ֔י לָדַ֖עַת אֶֽת־הַחֲלֽוֹם׃

‎4 ‏וַֽיְדַבְּר֧וּ הַכַּשְׂדִּ֛ים לַמֶּ֖לֶךְ אֲרָמִ֑ית מַלְכָּא֙ לְעָלְמִ֣ין חֱיִ֔י אֱמַ֥ר חֶלְמָ֛א לעבדיך לְעַבְדָ֖ךְ וּפִשְׁרָ֥א נְחַוֵּֽא׃

‎5 ‏עָנֵ֤ה מַלְכָּא֙ וְאָמַ֣ר לכשדיא לְכַשְׂדָּאֵ֔י מִלְּתָ֖א מִנִּ֣י אַזְדָּ֑א הֵ֣ן לָ֤א תְהֽוֹדְעוּנַּ֙נִי֙ חֶלְמָ֣א וּפִשְׁרֵ֔הּ הַדָּמִין֙ תִּתְעַבְד֔וּן וּבָתֵּיכ֖וֹן נְוָלִ֥י יִתְּשָׂמֽוּן׃

‎6 ‏וְהֵ֨ן חֶלְמָ֤א וּפִשְׁרֵהּ֙ תְּֽהַחֲוֹ֔ן מַתְּנָ֤ן וּנְבִזְבָּה֙ וִיקָ֣ר שַׂגִּ֔יא תְּקַבְּל֖וּן מִן־קֳדָמָ֑י לָהֵ֕ן חֶלְמָ֥א וּפִשְׁרֵ֖הּ הַחֲוֹֽנִי׃

‎7 ‏עֲנ֥וֹ תִנְיָנ֖וּת וְאָמְרִ֑ין מַלְכָּ֕א חֶלְמָ֛א יֵאמַ֥ר לְעַבְד֖וֹהִי וּפִשְׁרָ֥ה נְהַחֲוֵֽה׃

‎8 ‏עָנֵ֤ה מַלְכָּא֙ וְאָמַ֔ר מִן־יַצִּיב֙ יָדַ֣ע אֲנָ֔ה דִּ֥י עִדָּנָ֖א אַנְתּ֣וּן זָבְנִ֑ין כָּל־קֳבֵל֙ דִּ֣י חֲזֵית֔וֹן דִּ֥י אַזְדָּ֖א מִנִּ֥י מִלְּתָֽא׃

‎9 ‏דִּ֣י הֵן־חֶלְמָא֩ לָ֨א תְהֽוֹדְעֻנַּ֜נִי חֲדָה־הִ֣יא דָֽתְכ֗וֹן וּמִלָּ֨ה כִדְבָ֤ה וּשְׁחִיתָה֙ הזמנתון הִזְדְּמִנְתּוּן֙^a לְמֵאמַ֣ר קָֽדָמַ֔י עַ֛ד דִּ֥י עִדָּנָ֖א יִשְׁתַּנֵּ֑א לָהֵ֗ן חֶלְמָא֙ אֱמַ֣רוּ לִ֔י וְֽאִנְדַּ֕ע דִּ֥י פִשְׁרֵ֖הּ תְּהַחֲוֻנַּֽנִי׃

‎10 ‏עֲנ֨וֹ כשדיא כַשְׂדָּאֵ֤י קֳדָם־מַלְכָּא֙ וְאָ֣מְרִ֔ין לָֽא־אִיתַ֤י אֲנָשׁ֙ עַל־יַבֶּשְׁתָּ֔א דִּ֚י מִלַּ֣ת מַלְכָּ֔א יוּכַ֖ל לְהַחֲוָיָ֑ה כָּל־קֳבֵ֗ל דִּ֚י כָּל־מֶ֙לֶךְ֙ רַ֣ב וְשַׁלִּ֔יט מִלָּ֤ה כִדְנָה֙ לָ֣א שְׁאֵ֔ל לְכָל־חַרְטֹּ֖ם וְאָשַׁ֥ף וְכַשְׂדָּֽי׃

‎11 ‏וּמִלְּתָ֨א דִֽי־מַלְכָּ֤ה שָׁאֵל֙ יַקִּירָ֔ה וְאָחֳרָן֙ לָ֣א אִיתַ֔י דִּ֥י יְחַוִּנַּ֖הּ קֳדָ֣ם מַלְכָּ֑א לָהֵ֣ן אֱלָהִ֔ין דִּ֚י מְדָ֣רְה֔וֹן עִם־בִּשְׂרָ֖א לָ֥א אִיתֽוֹהִי׃

‎12 ‏כָּל־קֳבֵ֣ל דְּנָ֔ה מַלְכָּ֕א בְּנַ֖ס וּקְצַ֣ף שַׂגִּ֑יא וַאֲמַר֙ לְה֣וֹבָדָ֔ה לְכֹ֖ל חַכִּימֵ֥י בָבֶֽל׃

‎13 ‏וְדָתָ֣א נֶפְקַ֔ת וְחַכִּֽימַיָּ֖א מִֽתְקַטְּלִ֑ין וּבְע֛וֹ דָּנִיֵּ֥אל וְחַבְר֖וֹהִי לְהִתְקְטָלָֽה׃ פ

‎14 ‏בֵּאדַ֣יִן דָּנִיֵּ֗אל³ הֲתִיב֙ עֵטָ֣א וּטְעֵ֔ם לְאַרְי֕וֹךְ רַב־טַבָּחַיָּ֖א דִּ֣י מַלְכָּ֑א דִּ֚י נְפַ֣ק לְקַטָּלָ֔ה לְחַכִּימֵ֖י בָּבֶֽל׃

‎15 ‏עָנֵ֣ה וְאָמַ֗ר לְאַרְיוֹךְ֙ שַׁלִּיטָ֣א דִֽי־מַלְכָּ֔א עַל־מָ֥ה דָתָ֛א מְהַחְצְפָ֖ה מִן־קֳדָ֣ם מַלְכָּ֑א אֱדַ֣יִן מִלְּתָ֔א הוֹדַ֥ע אַרְי֖וֹךְ לְדָנִיֵּֽאל׃

‎16 ‏וְדָ֣נִיֵּ֔אל עַ֖ל וּבְעָ֣ה מִן־מַלְכָּ֑א דִּ֚י זְמָ֣ן יִנְתֵּן־לֵ֔הּ וּפִשְׁרָ֖א לְהַֽחֲוָיָ֥ה לְמַלְכָּֽא׃ פ

‎17 ‏אֱדַ֥יִן דָּֽנִיֵּ֖אל לְבַיְתֵ֣הּ אֲזַ֑ל וְ֠לַחֲנַנְיָה מִֽישָׁאֵ֧ל וַעֲזַרְיָ֛ה חַבְר֖וֹהִי מִלְּתָ֥א הוֹדַֽע׃

‎18 ‏וְרַחֲמִ֗ין לְמִבְעֵא֙ מִן־קֳדָם֙ אֱלָ֣הּ שְׁמַיָּ֔א³ עַל־רָזָ֖ה דְּנָ֑ה דִּ֣י לָ֤א יְהֹֽבְדוּן֙ דָּנִיֵּ֣אל וְחַבְר֔וֹהִי עִם־שְׁאָ֖ר חַכִּימֵ֥י בָבֶֽל׃

‎19 ‏אֱדַ֗יִן לְדָנִיֵּ֛אל בְּחֶזְוָ֥א דִֽי־לֵילְיָ֖א רָזָ֣ה גֲלִ֑י אֱדַ֙יִן֙ דָּֽנִיֵּ֔אל בָּרִ֖ךְ לֶאֱלָ֥הּ שְׁמַיָּֽא׃

‎20 ‏עָנֵ֤ה דָֽנִיֵּאל֙ וְאָמַ֔ר לֶהֱוֵ֨א שְׁמֵ֤הּ דִּֽי־אֱלָהָא֙ מְבָרַ֔ךְ מִן־עָלְמָ֖א וְעַ֣ד־עָלְמָ֑א דִּ֧י חָכְמְתָ֛א וּגְבוּרְתָ֖א דִּ֥י לֵֽהּ־הִֽיא׃

‎21 ‏וְ֠הוּא מְהַשְׁנֵ֤א עִדָּנַיָּא֙ וְזִמְנַיָּ֔א מְהַעְדֵּ֥ה מַלְכִ֖ין וּמְהָקֵ֣ים מַלְכִ֑ין יָהֵ֤ב חָכְמְתָא֙ לְחַכִּימִ֔ין וּמַנְדְּעָ֖א לְיָדְעֵ֥י בִינָֽה׃

‎22 ‏ה֛וּא גָּלֵ֥א עַמִּיקָתָ֖א וּמְסַתְּרָתָ֑א יָדַע֙ מָ֣ה בַחֲשׁוֹכָ֔א ונהירא וּנְהוֹרָ֖א עִמֵּ֥הּ שְׁרֵֽא׃

‎23 ‏לָ֣ךְ׀ אֱלָ֣הּ אֲבָהָתִ֗י מְהוֹדֵ֤א וּמְשַׁבַּח֙ אֲנָ֔ה דִּ֧י חָכְמְתָ֛א וּגְבוּרְתָ֖א יְהַ֣בְתְּ לִ֑י וּכְעַ֤ן הֽוֹדַעְתַּ֙נִי֙ דִּֽי־בְעֵ֣ינָא מִנָּ֔ךְ דִּֽי־מִלַּ֥ת מַלְכָּ֖א הוֹדַעְתֶּֽנָא׃

‎24 ‏כָּל־קֳבֵ֣ל דְּנָ֗ה דָּֽנִיֵּאל֙ עַ֣ל עַל־אַרְי֔וֹךְ דִּ֚י מַנִּ֣י מַלְכָּ֔א לְהוֹבָדָ֖ה לְחַכִּימֵ֣י בָבֶ֑ל אֲזַ֣ל׀ וְכֵ֣ן אֲמַר־לֵ֗הּ לְחַכִּימֵ֤י בָבֶל֙ אַל־תְּהוֹבֵ֔ד הַעֵ֙לְנִי֙ קֳדָ֣ם מַלְכָּ֔א וּפִשְׁרָ֖א לְמַלְכָּ֥א אֲחַוֵּֽא׃ ס

‎25 ‏אֱדַ֤יִן אַרְיוֹךְ֙ בְּהִתְבְּהָלָ֔ה הַנְעֵ֥ל לְדָנִיֵּ֖אל קֳדָ֣ם מַלְכָּ֑א וְכֵ֣ן אֲמַר־לֵ֗הּ דִּֽי־הַשְׁכַּ֤חַת גְּבַר֙ מִן־בְּנֵ֤י גָֽלוּתָא֙ דִּ֣י יְה֔וּד דִּ֥י פִשְׁרָ֖א לְמַלְכָּ֥א יְהוֹדַֽע׃

‎26 ‏עָנֵ֤ה מַלְכָּא֙ וְאָמַ֣ר לְדָנִיֵּ֔אל דִּ֥י שְׁמֵ֖הּ בֵּלְטְשַׁאצַּ֑ר האיתיך הַֽאִיתָ֣ךְ כָּהֵ֗ל לְהוֹדָעֻתַ֛נִי חֶלְמָ֥א דִֽי־חֲזֵ֖ית וּפִשְׁרֵֽהּ׃

‎27 ‏עָנֵ֧ה דָנִיֵּ֛אל קֳדָ֥ם מַלְכָּ֖א וְאָמַ֑ר רָזָה֙ דִּֽי־מַלְכָּ֣א שָׁאֵ֔ל לָ֧א חַכִּימִ֣ין אָֽשְׁפִ֗ין חַרְטֻמִּין֙ גָּזְרִ֔ין יָכְלִ֖ין לְהַֽחֲוָיָ֥ה לְמַלְכָּֽא׃

‎28 ‏בְּרַ֡ם אִיתַ֞י אֱלָ֤הּ בִּשְׁמַיָּא֙ גָּלֵ֣א רָזִ֔ין וְהוֹדַ֗ע לְמַלְכָּא֙ נְבֽוּכַדְנֶצַּ֔ר מָ֛ה דִּ֥י לֶהֱוֵ֖א בְּאַחֲרִ֣ית יוֹמַיָּ֑א חֶלְמָ֨ךְ וְחֶזְוֵ֥י רֵאשָׁ֛ךְ עַֽל־מִשְׁכְּבָ֖ךְ דְּנָ֥ה הֽוּא׃ פ

‎29 ‏אנתה אַ֣נְתְּ⁹ מַלְכָּ֗א רַעְיוֹנָךְ֙ עַל־מִשְׁכְּבָ֣ךְ סְלִ֔קוּ מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְגָלֵ֧א רָזַיָּ֛א הוֹדְעָ֖ךְ מָה־דִ֥י לֶהֱוֵֽא׃

‎30 ‏וַאֲנָ֗ה לָ֤א בְחָכְמָה֙ דִּֽי־אִיתַ֥י בִּי֙ מִן־כָּל־חַיַּיָּ֔א רָזָ֥א דְנָ֖ה גֱּלִ֣י לִ֑י לָהֵ֗ן עַל־דִּבְרַת֙ דִּ֤י פִשְׁרָא֙ לְמַלְכָּ֣א יְהוֹדְע֔וּן וְרַעְיוֹנֵ֥י לִבְבָ֖ךְ תִּנְדַּֽע׃

‎31 ‏אנתה אַ֣נְתְּ⁹ מַלְכָּ֗א חָזֵ֤ה הֲוַ֙יְתָ֙ וַאֲל֨וּ צְלֵ֥ם חַד֙ שַׂגִּ֔יא צַלְמָ֨א דִּכֵּ֥ן רַ֛ב וְזִיוֵ֥הּ יַתִּ֖יר קָאֵ֣ם לְקָבְלָ֑ךְ וְרֵוֵ֖הּ דְּחִֽיל׃

‎32 ‏ה֣וּא צַלְמָ֗א רֵאשֵׁהּ֙ דִּֽי־דְהַ֣ב טָ֔ב חֲד֥וֹהִי וּדְרָע֖וֹהִי דִּ֣י כְסַ֑ף מְע֥וֹהִי וְיַרְכָתֵ֖הּ דִּ֥י נְחָֽשׁ׃

‎33 ‏שָׁק֖וֹהִי דִּ֣י פַרְזֶ֑ל רַגְל֕וֹהִי מנהון מִנְּהֵין֙ דִּ֣י פַרְזֶ֔ל ומנהון וּמִנְּהֵ֖ין דִּ֥י חֲסַֽף׃

‎34 ‏חָזֵ֣ה הֲוַ֗יְתָ עַ֠ד דִּ֣י הִתְגְּזֶ֤רֶת אֶ֙בֶן֙ דִּי־לָ֣א בִידַ֔יִן וּמְחָ֤ת לְצַלְמָא֙ עַל־רַגְל֔וֹהִי דִּ֥י פַרְזְלָ֖א וְחַסְפָּ֑א וְהַדֵּ֖קֶת הִמּֽוֹן׃

‎35 ‏בֵּאדַ֣יִן דָּ֣קוּ כַחֲדָ֡ה פַּרְזְלָא֩ חַסְפָּ֨א נְחָשָׁ֜א כַּסְפָּ֣א וְדַהֲבָ֗א וַהֲווֹ֙ כְּע֣וּר מִן־אִדְּרֵי־קַ֔יִט וּנְשָׂ֤א הִמּוֹן֙ רוּחָ֔א וְכָל־אֲתַ֖ר לָא־הִשְׁתֲּכַ֣ח לְה֑וֹן וְאַבְנָ֣א׀ דִּֽי־מְחָ֣ת לְצַלְמָ֗א הֲוָ֛ת לְט֥וּר רַ֖ב וּמְלָ֥ת כָּל־אַרְעָֽא׃

‎36 ‏דְּנָ֣ה חֶלְמָ֔א וּפִשְׁרֵ֖הּ נֵאמַ֥ר קֳדָם־מַלְכָּֽא׃

‎37 ‏אנתה אַ֣נְתְּ⁹ מַלְכָּ֔א מֶ֖לֶךְ מַלְכַיָּ֑א דִּ֚י אֱלָ֣הּ שְׁמַיָּ֔א מַלְכוּתָ֥א חִסְנָ֛א וְתָקְפָּ֥א וִֽיקָרָ֖א יְהַב־לָֽךְ׃

‎38 ‏וּבְכָל־דִּ֣י דארין דָֽיְרִ֣ין בְּֽנֵי־אֲ֠נָשָׁא חֵיוַ֨ת בָּרָ֤א וְעוֹף־שְׁמַיָּא֙ יְהַ֣ב בִּידָ֔ךְ וְהַשְׁלְטָ֖ךְ בְּכָלְּה֑וֹן אנתה־ אַנְתְּ־ ה֔וּא⁹ רֵאשָׁ֖ה דִּ֥י דַהֲבָֽא׃

‎39 ‏וּבָתְרָ֗ךְ תְּק֛וּם מַלְכ֥וּ אָחֳרִ֖י אֲרַ֣עא¹ מִנָּ֑ךְ וּמַלְכ֨וּ תליתיא תְלִיתָאָ֤ה אָחֳרִי֙ דִּ֣י נְחָשָׁ֔א דִּ֥י תִשְׁלַ֖ט בְּכָל־אַרְעָֽא׃

‎40 ‏וּמַלְכוּ֙ רביעיה רְבִ֣יעָאָ֔ה תֶּהֱוֵ֥א תַקִּיפָ֖ה כְּפַרְזְלָ֑א כָּל־קֳבֵ֗ל דִּ֤י פַרְזְלָא֙ מְהַדֵּ֤ק וְחָשֵׁל֙ כֹּ֔לָּא וּֽכְפַרְזְלָ֛א דִּֽי־מְרָעַ֥ע כָּל־אִלֵּ֖ין תַּדִּ֥ק וְתֵרֹֽעַ׃

‎41 ‏וְדִֽי־חֲזַ֜יְתָה רַגְלַיָּ֣א וְאֶצְבְּעָתָ֗א מנהון מִנְּהֵ֞ן³ חֲסַ֤ף דִּֽי־פֶחָר֙ ומנהון וּמִנְּהֵ֣ין פַּרְזֶ֔ל מַלְכ֤וּ פְלִיגָה֙ תֶּהֱוֵ֔ה וּמִן־נִצְבְּתָ֥א דִ֥י פַרְזְלָ֖א לֶֽהֱוֵא־בַ֑הּ כָּל־קֳבֵל֙ דִּ֣י חֲזַ֔יְתָה פַּ֨רְזְלָ֔א מְעָרַ֖ב בַּחֲסַ֥ף טִינָֽא׃

‎42 ‏וְאֶצְבְּעָת֙ רַגְלַיָּ֔א מנהון מִנְּהֵ֥ין פַּרְזֶ֖ל ומנהון וּמִנְּהֵ֣ין חֲסַ֑ף מִן־קְצָ֤ת מַלְכוּתָא֙ תֶּהֱוֵ֣ה תַקִּיפָ֔ה וּמִנַּ֖הּ תֶּהֱוֵ֥ה תְבִירָֽה׃

‎43 ‏די וְדִ֣י חֲזַ֗יְתָ פַּרְזְלָא֙ מְעָרַב֙ בַּחֲסַ֣ף טִינָ֔א מִתְעָרְבִ֤ין לֶהֱוֹן֙ בִּזְרַ֣ע אֲנָשָׁ֔א וְלָֽא־לֶהֱוֹ֥ן דָּבְקִ֖ין דְּנָ֣ה עִם־דְּנָ֑ה הֵֽא־כְדִ֣י פַרְזְלָ֔א לָ֥א מִתְעָרַ֖ב עִם־חַסְפָּֽא׃

‎44 ‏וּֽבְיוֹמֵיה֞וֹן דִּ֧י מַלְכַיָּ֣א אִנּ֗וּן יְקִים֩ אֱלָ֨הּ שְׁמַיָּ֤א מַלְכוּ֙ דִּ֤י לְעָלְמִין֙ לָ֣א תִתְחַבַּ֔ל וּמַ֨לְכוּתָ֔ה לְעַ֥ם אָחֳרָ֖ן לָ֣א תִשְׁתְּבִ֑ק תַּדִּ֤ק וְתָסֵיף֙ כָּל־אִלֵּ֣ין מַלְכְוָתָ֔א וְהִ֖יא תְּק֥וּם לְעָלְמַיָּֽא׃

‎45 ‏כָּל־קֳבֵ֣ל דִּֽי־חֲזַ֡יְתָ דִּ֣י מִטּוּרָא֩ אִתְגְּזֶ֨רֶת אֶ֜בֶן דִּי־לָ֣א בִידַ֗יִן וְ֠הַדֶּקֶת פַּרְזְלָ֨א נְחָשָׁ֤א חַסְפָּא֙ כַּסְפָּ֣א וְדַהֲבָ֔א אֱלָ֥הּ רַב֙ הוֹדַ֣ע לְמַלְכָּ֔א מָ֛ה דִּ֥י לֶהֱוֵ֖א אַחֲרֵ֣י דְנָ֑ה וְיַצִּ֥יב חֶלְמָ֖א וּמְהֵימַ֥ן פִּשְׁרֵֽהּ׃ פ

‎46 ‏בֵּ֠אדַיִן מַלְכָּ֤א נְבֽוּכַדְנֶצַּר֙ נְפַ֣ל עַל־אַנְפּ֔וֹהִי וּלְדָנִיֵּ֖אל סְגִ֑ד וּמִנְחָה֙ וְנִ֣יחֹחִ֔ין אֲמַ֖ר לְנַסָּ֥כָה לֵֽהּ׃

‎47 ‏עָנֵה֩ מַלְכָּ֨א לְדָנִיֵּ֜אל וְאָמַ֗ר מִן־קְשֹׁט֙ דִּ֣י אֱלָהֲכ֗וֹן ה֣וּא אֱלָ֧הּ אֱלָהִ֛ין וּמָרֵ֥א מַלְכִ֖ין וְגָלֵ֣ה רָזִ֑ין דִּ֣י יְכֵ֔לְתָּ לְמִגְלֵ֖א רָזָ֥ה דְנָֽה׃

‎48 ‏אֱדַ֨יִן מַלְכָּ֜א לְדָנִיֵּ֣אל רַבִּ֗י וּמַתְּנָ֨ן רַבְרְבָ֤ן שַׂגִּיאָן֙ יְהַב־לֵ֔הּ וְהַ֨שְׁלְטֵ֔הּ עַ֖ל כָּל־מְדִינַ֣ת בָּבֶ֑ל וְרַב־סִגְנִ֔ין עַ֖ל כָּל־חַכִּימֵ֥י בָבֶֽל׃

‎49 ‏וְדָנִיֵּאל֙ בְּעָ֣א מִן־מַלְכָּ֔א וּמַנִּ֗י עַ֤ל עֲבִֽידְתָּא֙ דִּ֚י מְדִינַ֣ת בָּבֶ֔ל לְשַׁדְרַ֥ךְ מֵישַׁ֖ךְ וַעֲבֵ֣ד נְג֑וֹ וְדָנִיֵּ֖אל בִּתְרַ֥ע מַלְכָּֽא׃ פ

1 ûḇišənaṯ šətayim ləmaləḵûṯ nəḇuḵaḏəneṣṣar ḥālam nəḇuḵaḏəneṣṣar ḥălōmwōṯ watiṯəpā‘em rûḥwō ûšənāṯwō nihəyəṯâ ‘ālāyw:

2 wayyō’mer hammeleḵə liqərō’ l^aḥarəṭummîm wəlā’aššāfîm wəlaməḵaššəfîm wəlakaśədîm ləhagîḏ lammeleḵə ḥălōmōṯāyw wayyāḇō’û wayy^a‘aməḏû lifənê hammeleḵə:

3 wayyō’mer lâem hammeleḵə ḥălwōm ḥālāmətî watipā‘em rûḥî lāḏ^a‘aṯ ’eṯ-h^aḥălwōm:

4 wayəḏabərû hakaśədîm lammeleḵə ’ărāmîṯ maləkā’ lə‘āləmîn ḥĕyî ’ĕmar ḥeləmā’ lə‘aḇədayiḵə lə‘aḇəḏāḵə ûfišərā’ nəḥaûē’:

5 ‘ānēh maləkā’ wə’āmar ləḵaśədāyē’ ləḵaśədā’ê milləṯā’ minnî ’azədā’ hēn lā’ ṯəhwōḏə‘ûnnanî ḥeləmā’ ûfišərēhh hadāmîn tiṯə‘aḇəḏûn ûḇātêḵwōn nəwālî yitəśāmûn:

6 wəhēn ḥeləmā’ ûfišərēhh təh^aḥăwōn matənān ûnəḇizəbâ wîqār śagî’ təqabəlûn min-qŏḏāmāy lâēn ḥeləmā’ ûfišərēhh h^aḥăwōnî:

7 ‘ănwō ṯinəyānûṯ wə’āmərîn maləkā’ ḥeləmā’ yē’mar lə‘aḇəḏwōhî ûfišərâ nəh^aḥăwēh:

8 ‘ānēh maləkā’ wə’āmar min-yaṣṣîḇ yāḏ^a‘ ’ănâ dî ‘idānā’ ’anətûn zāḇənîn kāl-qŏḇēl dî ḥăzêṯwōn dî ’azədā’ minnî milləṯā’:

9 dî hēn-ḥeləmā’ lā’ ṯəhwōḏə‘unnanî ḥăḏâ-hî’ ḏāṯəḵwōn ûmillâ ḵiḏəḇâ ûšəḥîṯâ hazəminətûn hizədəminətûn^a ləmē’mar qāḏāmay ‘aḏ dî ‘idānā’ yišətannē’ lâēn ḥeləmā’ ’ĕmarû lî wə’inəd^a‘ dî fišərēhh təh^aḥăwunnanî:

10 ‘ănwō ḵaśədāyē’ ḵaśədā’ê qŏḏām-maləkā’ wə’āmərîn lā’-’îṯay ’ănāš ‘al-yabešətā’ dî millaṯ maləkā’ yûḵal ləh^aḥăwāyâ kāl-qŏḇēl dî kāl-meleḵə raḇ wəšallîṭ millâ ḵiḏənâ lā’ šə’ēl ləḵāl-ḥarəṭṭōm wə’āšaf wəḵaśədāy:

11 ûmilləṯā’ ḏî-maləkâ šā’ēl yaqqîrâ wə’āḥŏrān lā’ ’îṯay dî yəḥaûinn^ah qŏḏām maləkā’ lâēn ’ĕlâîn dî məḏārəhwōn ‘im-biśərā’ lā’ ’îṯwōhî:

12 kāl-qŏḇēl dənâ maləkā’ bənas ûqəṣaf śagî’ wa’ămar ləhwōḇāḏâ ləḵōl ḥakîmê ḇāḇel:

13 wəḏāṯā’ nefəqaṯ wəḥakîmayyā’ miṯəqaṭṭəlîn ûḇə‘wō dānîyē’l wəḥaḇərwōhî ləhiṯəqəṭālâ: f

14 bē’ḏayin dānîyē’l³ hăṯîḇ ‘ēṭā’ ûṭə‘ēm lə’arəywōḵə raḇ-ṭabāḥayyā’ dî maləkā’ dî nəfaq ləqaṭṭālâ ləḥakîmê bāḇel:

15 ‘ānēh wə’āmar lə’arəywōḵə šallîṭā’ ḏî-maləkā’ ‘al-mâ ḏāṯā’ məh^aḥəṣəfâ min-qŏḏām maləkā’ ’ĕḏayin milləṯā’ hwōḏ^a‘ ’arəywōḵə ləḏānîyē’l:

16 wəḏānîyē’l ‘al ûḇə‘â min-maləkā’ dî zəmān yinətēn-lēhh ûfišərā’ ləh^aḥăwāyâ ləmaləkā’: f

17 ’ĕḏayin dānîyē’l ləḇayəṯēhh ’ăzal wəl^aḥănanəyâ mîšā’ēl w^a‘ăzarəyâ ḥaḇərwōhî milləṯā’ hwōḏ^a‘:

18 wər^aḥămîn ləmiḇə‘ē’ min-qŏḏām ’ĕlāh šəmayyā’³ ‘al-rāzâ dənâ dî lā’ yəhōḇəḏûn dānîyē’l wəḥaḇərwōhî ‘im-šə’ār ḥakîmê ḇāḇel:

19 ’ĕḏayin ləḏānîyē’l bəḥezəwā’ ḏî-lêləyā’ rāzâ ḡălî ’ĕḏayin dānîyē’l bāriḵə le’ĕlāh šəmayyā’:

20 ‘ānēh ḏānîyē’l wə’āmar lehĕwē’ šəmēhh dî-’ĕlâā’ məḇāraḵə min-‘āləmā’ wə‘aḏ-‘āləmā’ dî ḥāḵəməṯā’ ûḡəḇûrəṯā’ dî lēhh-hî’:

21 wəhû’ məhašənē’ ‘idānayyā’ wəzimənayyā’ məh^a‘ədēh maləḵîn ûməhāqêm maləḵîn yâēḇ ḥāḵəməṯā’ ləḥakîmîn ûmanədə‘ā’ ləyāḏə‘ê ḇînâ:

22 hû’ gālē’ ‘ammîqāṯā’ ûməsatərāṯā’ yāḏ^a‘ mâ ḇ^aḥăšwōḵā’ ûnəhîrā’ ûnəhwōrā’ ‘immēhh šərē’:

23 lāḵə| ’ĕlāh ’ăḇâāṯî məhwōḏē’ ûməšab^aḥ ’ănâ dî ḥāḵəməṯā’ ûḡəḇûrəṯā’ yəhaḇətə lî ûḵə‘an hwōḏ^a‘ətanî dî-ḇə‘ênā’ minnāḵə dî-millaṯ maləkā’ hwōḏ^a‘ətenā’:

24 kāl-qŏḇēl dənâ dānîyē’l ‘al ‘al-’arəywōḵə dî mannî maləkā’ ləhwōḇāḏâ ləḥakîmê ḇāḇel ’ăzal| wəḵēn ’ămar-lēhh ləḥakîmê ḇāḇel ’al-təhwōḇēḏ h^a‘ēlənî qŏḏām maləkā’ ûfišərā’ ləmaləkā’ ’ăḥaûē’: s

25 ’ĕḏayin ’arəywōḵə bəhiṯəbəhālâ hanə‘ēl ləḏānîyē’l qŏḏām maləkā’ wəḵēn ’ămar-lēhh dî-hašək^aḥaṯ gəḇar min-bənê ḡālûṯā’ dî yəhûḏ dî fišərā’ ləmaləkā’ yəhwōḏ^a‘:

26 ‘ānēh maləkā’ wə’āmar ləḏānîyē’l dî šəmēhh bēləṭəša’ṣṣar ha’îṯayiḵə ha’îṯāḵə kâēl ləhwōḏā‘uṯanî ḥeləmā’ ḏî-ḥăzêṯ ûfišərēhh:

27 ‘ānēh ḏānîyē’l qŏḏām maləkā’ wə’āmar rāzâ dî-maləkā’ šā’ēl lā’ ḥakîmîn ’āšəfîn ḥarəṭummîn gāzərîn yāḵəlîn ləh^aḥăwāyâ ləmaləkā’:

28 bəram ’îṯay ’ĕlāh bišəmayyā’ gālē’ rāzîn wəhwōḏ^a‘ ləmaləkā’ nəḇûḵaḏəneṣṣar mâ dî lehĕwē’ bə’^aḥărîṯ ywōmayyā’ ḥeləmāḵə wəḥezəwê rē’šāḵə ‘al-mišəkəḇāḵə dənâ hû’: f

29 ’anətâ ’anətə⁹ maləkā’ r^a‘əywōnāḵə ‘al-mišəkəḇāḵə səliqû mâ dî lehĕwē’ ’^aḥărê ḏənâ wəḡālē’ rāzayyā’ hwōḏə‘āḵə mâ-ḏî lehĕwē’:

30 wa’ănâ lā’ ḇəḥāḵəmâ dî-’îṯay bî min-kāl-ḥayyayyā’ rāzā’ ḏənâ gĕlî lî lâēn ‘al-diḇəraṯ dî fišərā’ ləmaləkā’ yəhwōḏə‘ûn wər^a‘əywōnê liḇəḇāḵə tinəd^a‘:

31 ’anətâ ’anətə⁹ maləkā’ ḥāzēh hăwayəṯā wa’ălû ṣəlēm ḥaḏ śagî’ ṣaləmā’ dikēn raḇ wəzîwēhh yatîr qā’ēm ləqāḇəlāḵə wərēwēhh dəḥîl:

32 hû’ ṣaləmā’ rē’šēhh dî-ḏəhaḇ ṭāḇ ḥăḏwōhî ûḏərā‘wōhî dî ḵəsaf mə‘wōhî wəyarəḵāṯēhh dî nəḥāš:

33 šāqwōhî dî farəzel raḡəlwōhî minnəhwōn minnəhên dî farəzel ûminnəhwōn ûminnəhên dî ḥăsaf:

34 ḥāzēh hăwayəṯā ‘aḏ dî hiṯəgəzereṯ ’eḇen dî-lā’ ḇîḏayin ûməḥāṯ ləṣaləmā’ ‘al-raḡəlwōhî dî farəzəlā’ wəḥasəpā’ wəhadēqeṯ himmwōn:

35 bē’ḏayin dāqû ḵ^aḥăḏâ parəzəlā’ ḥasəpā’ nəḥāšā’ kasəpā’ wəḏahăḇā’ wahăwwō kə‘ûr min-’idərê-qayiṭ ûnəśā’ himmwōn rûḥā’ wəḵāl-’ăṯar lā’-hišətăḵ^aḥ ləhwōn wə’aḇənā’| dî-məḥāṯ ləṣaləmā’ hăwāṯ ləṭûr raḇ ûməlāṯ kāl-’arə‘ā’:

36 dənâ ḥeləmā’ ûfišərēhh nē’mar qŏḏām-maləkā’:

37 ’anətâ ’anətə⁹ maləkā’ meleḵə maləḵayyā’ dî ’ĕlāh šəmayyā’ maləḵûṯā’ ḥisənā’ wəṯāqəpā’ wîqārā’ yəhaḇ-lāḵə:

38 ûḇəḵāl-dî ḏā’ărîn ḏāyərîn bənê-’ănāšā’ ḥêwaṯ bārā’ wə‘wōf-šəmayyā’ yəhaḇ bîḏāḵə wəhašələṭāḵə bəḵālləhwōn ’anətâ- ’anətə- hû’⁹ rē’šâ dî ḏahăḇā’:

39 ûḇāṯərāḵə təqûm maləḵû ’āḥŏrî ’ăr^a‘’¹ minnāḵə ûmaləḵû ṯəlîṯāyā’ ṯəlîṯā’â ’āḥŏrî dî nəḥāšā’ dî ṯišəlaṭ bəḵāl-’arə‘ā’:

40 ûmaləḵû rəḇî‘āyâ rəḇî‘ā’â tehĕwē’ ṯaqqîfâ kəfarəzəlā’ kāl-qŏḇēl dî farəzəlā’ məhadēq wəḥāšēl kōllā’ ûḵəfarəzəlā’ dî-mərā‘^a‘ kāl-’illên tadiq wəṯērō‘a:

41 wəḏî-ḥăzayəṯâ raḡəlayyā’ wə’eṣəbə‘āṯā’ minnəhwōn minnəhēn³ ḥăsaf dî-feḥār ûminnəhwōn ûminnəhên parəzel maləḵû fəlîḡâ tehĕwēh ûmin-niṣəbəṯā’ ḏî farəzəlā’ lehĕwē’-ḇ^ah kāl-qŏḇēl dî ḥăzayəṯâ parəzəlā’ mə‘āraḇ b^aḥăsaf ṭînā’:

42 wə’eṣəbə‘āṯ raḡəlayyā’ minnəhwōn minnəhên parəzel ûminnəhwōn ûminnəhên ḥăsaf min-qəṣāṯ maləḵûṯā’ tehĕwēh ṯaqqîfâ ûminn^ah tehĕwēh ṯəḇîrâ:

43 ḏî wəḏî ḥăzayəṯā parəzəlā’ mə‘āraḇ b^aḥăsaf ṭînā’ miṯə‘ārəḇîn lehĕwōn bizər^a‘ ’ănāšā’ wəlā’-lehĕwōn dāḇəqîn dənâ ‘im-dənâ hē’-ḵəḏî farəzəlā’ lā’ miṯə‘āraḇ ‘im-ḥasəpā’:

44 ûḇəywōmêhwōn dî maləḵayyā’ ’innûn yəqîm ’ĕlāh šəmayyā’ maləḵû dî lə‘āləmîn lā’ ṯiṯəḥabal ûmaləḵûṯâ lə‘am ’āḥŏrān lā’ ṯišətəḇiq tadiq wəṯāsêf kāl-’illên maləḵəwāṯā’ wəhî’ təqûm lə‘āləmayyā’:

45 kāl-qŏḇēl dî-ḥăzayəṯā dî miṭṭûrā’ ’iṯəgəzereṯ ’eḇen dî-lā’ ḇîḏayin wəhadeqeṯ parəzəlā’ nəḥāšā’ ḥasəpā’ kasəpā’ wəḏahăḇā’ ’ĕlāh raḇ hwōḏ^a‘ ləmaləkā’ mâ dî lehĕwē’ ’^aḥărê ḏənâ wəyaṣṣîḇ ḥeləmā’ ûməhêman pišərēhh: f

46 bē’ḏayin maləkā’ nəḇûḵaḏəneṣṣar nəfal ‘al-’anəpwōhî ûləḏānîyē’l səḡiḏ ûminəḥâ wənîḥōḥîn ’ămar lənassāḵâ lēhh:

47 ‘ānēh maləkā’ ləḏānîyē’l wə’āmar min-qəšōṭ dî ’ĕlâăḵwōn hû’ ’ĕlāh ’ĕlâîn ûmārē’ maləḵîn wəḡālēh rāzîn dî yəḵēlətā ləmiḡəlē’ rāzâ ḏənâ:

48 ’ĕḏayin maləkā’ ləḏānîyē’l rabî ûmatənān raḇərəḇān śagî’ān yəhaḇ-lēhh wəhašələṭēhh ‘al kāl-məḏînaṯ bāḇel wəraḇ-siḡənîn ‘al kāl-ḥakîmê ḇāḇel:

49 wəḏānîyē’l bə‘ā’ min-maləkā’ ûmannî ‘al ‘ăḇîḏətā’ dî məḏînaṯ bāḇel ləšaḏəraḵə mêšaḵə w^a‘ăḇēḏ nəḡwō wəḏānîyē’l biṯər^a‘ maləkā’: f