Exodus (Shemot) Chapter 36

‎1 ‏וְעָשָׂה֩ בְצַלְאֵ֨ל וְאָהֳלִיאָ֜ב וְכֹ֣ל׀ אִ֣ישׁ חֲכַם־לֵ֗ב אֲשֶׁר֩ נָתַ֨ן יְהוָ֜ה חָכְמָ֤ה וּתְבוּנָה֙ בָּהֵ֔מָּה לָדַ֣עַת לַעֲשֹׂ֔ת אֶֽת־כָּל־מְלֶ֖אכֶת עֲבֹדַ֣ת הַקֹּ֑דֶשׁ לְכֹ֥ל אֲשֶׁר־צִוָּ֖ה יְהוָֽה׃

‎2 ‏וַיִּקְרָ֣א מֹשֶׁ֗ה אֶל־בְּצַלְאֵל֮³ וְאֶל־אָֽהֳלִיאָב֒ וְאֶל֙ כָּל־אִ֣ישׁ חֲכַם־לֵ֔ב אֲשֶׁ֨ר נָתַ֧ן יְהוָ֛ה חָכְמָ֖ה בְּלִבּ֑וֹ כֹּ֚ל אֲשֶׁ֣ר נְשָׂא֣וֹ לִבּ֔וֹ לְקָרְבָ֥ה אֶל־הַמְּלָאכָ֖ה לַעֲשֹׂ֥ת אֹתָֽהּ׃

‎3 ‏וַיִּקְח֞וּ מִלִּפְנֵ֣י מֹשֶׁ֗ה אֵ֤ת כָּל־הַתְּרוּמָה֙ אֲשֶׁ֨ר הֵבִ֜יאוּ בְּנֵ֣י יִשְׂרָאֵ֗ל לִמְלֶ֛אכֶת עֲבֹדַ֥ת הַקֹּ֖דֶשׁ לַעֲשֹׂ֣ת אֹתָ֑הּ וְ֠הֵם הֵבִ֨יאוּ אֵלָ֥יו ע֛וֹד נְדָבָ֖ה בַּבֹּ֥קֶר בַּבֹּֽקֶר׃

‎4 ‏וַיָּבֹ֙אוּ֙ כָּל־הַ֣חֲכָמִ֔ים הָעֹשִׂ֕ים אֵ֖ת כָּל־מְלֶ֣אכֶת הַקֹּ֑דֶשׁ אִֽישׁ־אִ֥ישׁ מִמְּלַאכְתּ֖וֹ אֲשֶׁר־הֵ֥מָּה עֹשִֽׂים׃

‎5 ‏וַיֹּאמְרוּ֙ אֶל־מֹשֶׁ֣ה לֵּאמֹ֔ר מַרְבִּ֥ים הָעָ֖ם לְהָבִ֑יא מִדֵּ֤י הָֽעֲבֹדָה֙ לַמְּלָאכָ֔ה אֲשֶׁר־צִוָּ֥ה יְהוָ֖ה לַעֲשֹׂ֥ת אֹתָֽהּ׃

‎6 ‏וַיְצַ֣ו מֹשֶׁ֗ה וַיַּעֲבִ֨ירוּ ק֥וֹל בַּֽמַּחֲנֶה֮ לֵאמֹר֒ אִ֣ישׁ וְאִשָּׁ֗ה אַל־יַעֲשׂוּ־ע֛וֹד מְלָאכָ֖ה לִתְרוּמַ֣ת הַקֹּ֑דֶשׁ וַיִּכָּלֵ֥א הָעָ֖ם מֵהָבִֽיא׃

‎7 ‏וְהַמְּלָאכָ֗ה הָיְתָ֥ה דַיָּ֛ם לְכָל־הַמְּלָאכָ֖ה לַעֲשׂ֣וֹת אֹתָ֑הּ וְהוֹתֵֽר׃ ס

‎8 ‏וַיַּעֲשׂ֨וּ כָל־חֲכַם־לֵ֜ב בְּעֹשֵׂ֧י הַמְּלָאכָ֛ה אֶת־הַמִּשְׁכָּ֖ן עֶ֣שֶׂר יְרִיעֹ֑ת שֵׁ֣שׁ מָשְׁזָ֗ר וּתְכֵ֤לֶת וְאַרְגָּמָן֙ וְתוֹלַ֣עַת שָׁנִ֔י כְּרֻבִ֛ים מַעֲשֵׂ֥ה חֹשֵׁ֖ב עָשָׂ֥ה אֹתָֽם׃

‎9 ‏אֹ֜רֶךְ הַיְרִיעָ֣ה הָֽאַחַ֗ת שְׁמֹנֶ֤ה וְעֶשְׂרִים֙ בָּֽאַמָּ֔ה וְרֹ֙חַב֙ אַרְבַּ֣ע בָּֽאַמָּ֔ה הַיְרִיעָ֖ה הָאֶחָ֑ת מִדָּ֥ה אַחַ֖ת לְכָל־הַיְרִיעֹֽת׃

‎10 ‏וַיְחַבֵּר֙ אֶת־חֲמֵ֣שׁ הַיְרִיעֹ֔ת אַחַ֖ת אֶל־אֶחָ֑ת וְחָמֵ֤שׁ יְרִיעֹת֙ חִבַּ֔ר אַחַ֖ת אֶל־אֶחָֽת׃

‎11 ‏וַיַּ֜עַשׂ לֻֽלְאֹ֣ת תְּכֵ֗לֶת עַ֣ל שְׂפַ֤ת הַיְרִיעָה֙ הָֽאֶחָ֔ת מִקָּצָ֖ה בַּמַּחְבָּ֑רֶת כֵּ֤ן עָשָׂה֙ בִּשְׂפַ֣ת הַיְרִיעָ֔ה הַקִּ֣יצוֹנָ֔ה בַּמַּחְבֶּ֖רֶת הַשֵּׁנִֽית׃

‎12 ‏חֲמִשִּׁ֣ים לֻלָאֹ֗ת עָשָׂה֮ בַּיְרִיעָ֣ה הָאֶחָת֒ וַחֲמִשִּׁ֣ים לֻלָאֹ֗ת עָשָׂה֙ בִּקְצֵ֣ה הַיְרִיעָ֔ה אֲשֶׁ֖ר בַּמַּחְבֶּ֣רֶת הַשֵּׁנִ֑ית מַקְבִּילֹת֙ הַלֻּ֣לָאֹ֔ת אַחַ֖ת אֶל־אֶחָֽת׃

‎13 ‏וַיַּ֕עַשׂ חֲמִשִּׁ֖ים קַרְסֵ֣י זָהָ֑ב וַיְחַבֵּ֨ר אֶת־הַיְרִעֹ֜ת אַחַ֤ת אֶל־אַחַת֙ בַּקְּרָסִ֔ים וַֽיְהִ֥י הַמִּשְׁכָּ֖ן אֶחָֽד׃ ס

‎14 ‏וַיַּ֙עַשׂ֙ יְרִיעֹ֣ת עִזִּ֔ים לְאֹ֖הֶל עַל־הַמִּשְׁכָּ֑ן עַשְׁתֵּֽי־עֶשְׂרֵ֥ה יְרִיעֹ֖ת עָשָׂ֥ה אֹתָֽם׃

‎15 ‏אֹ֜רֶךְ הַיְרִיעָ֣ה הָאַחַ֗ת שְׁלֹשִׁים֙ בָּֽאַמָּ֔ה וְאַרְבַּ֣ע אַמּ֔וֹת רֹ֖חַב הַיְרִיעָ֣ה הָאֶחָ֑ת מִדָּ֣ה אַחַ֔ת לְעַשְׁתֵּ֥י עֶשְׂרֵ֖ה יְרִיעֹֽת׃

‎16 ‏וַיְחַבֵּ֛ר אֶת־חֲמֵ֥שׁ הַיְרִיעֹ֖ת לְבָ֑ד וְאֶת־שֵׁ֥שׁ הַיְרִיעֹ֖ת לְבָֽד׃

‎17 ‏וַיַּ֜עַשׂ לֻֽלָאֹ֣ת חֲמִשִּׁ֗ים עַ֚ל שְׂפַ֣ת הַיְרִיעָ֔ה הַקִּיצֹנָ֖ה בַּמַּחְבָּ֑רֶת וַחֲמִשִּׁ֣ים לֻלָאֹ֗ת עָשָׂה֙ עַל־שְׂפַ֣ת הַיְרִיעָ֔ה הַחֹבֶ֖רֶת הַשֵּׁנִֽית׃

‎18 ‏וַיַּ֛עַשׂ קַרְסֵ֥י נְחֹ֖שֶׁת חֲמִשִּׁ֑ים לְחַבֵּ֥ר אֶת־הָאֹ֖הֶל לִהְיֹ֥ת³ אֶחָֽד׃

‎19 ‏וַיַּ֤עַשׂ מִכְסֶה֙ לָאֹ֔הֶל עֹרֹ֥ת אֵלִ֖ים מְאָדָּמִ֑ים וּמִכְסֵ֛ה עֹרֹ֥ת תְּחָשִׁ֖ים מִלְמָֽעְלָה׃ ס

‎20 ‏וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֲצֵ֥י שִׁטִּ֖ים עֹמְדִֽים׃

‎21 ‏עֶ֥שֶׂר אַמֹּ֖ת אֹ֣רֶךְ הַקָּ֑רֶשׁ וְאַמָּה֙ וַחֲצִ֣י הָֽאַמָּ֔ה רֹ֖חַב הַקֶּ֥רֶשׁ הָאֶחָֽד׃

‎22 ‏שְׁתֵּ֣י יָדֹ֗ת לַקֶּ֙רֶשׁ֙ הָֽאֶחָ֔ד מְשֻׁלָּבֹ֔ת אַחַ֖ת אֶל־אֶחָ֑ת כֵּ֣ן עָשָׂ֔ה לְכֹ֖ל קַרְשֵׁ֥י הַמִּשְׁכָּֽן׃

‎23 ‏וַיַּ֥עַשׂ אֶת־הַקְּרָשִׁ֖ים לַמִּשְׁכָּ֑ן עֶשְׂרִ֣ים קְרָשִׁ֔ים לִפְאַ֖ת נֶ֥גֶב תֵּימָֽנָה׃

‎24 ‏וְאַרְבָּעִים֙ אַדְנֵי־כֶ֔סֶף עָשָׂ֕ה תַּ֖חַת עֶשְׂרִ֣ים הַקְּרָשִׁ֑ים שְׁנֵ֨י אֲדָנִ֜ים תַּֽחַת־הַקֶּ֤רֶשׁ הָאֶחָד֙ לִשְׁתֵּ֣י יְדֹתָ֔יו וּשְׁנֵ֧י אֲדָנִ֛ים תַּֽחַת־הַקֶּ֥רֶשׁ הָאֶחָ֖ד לִשְׁתֵּ֥י יְדֹתָֽיו׃

‎25 ‏וּלְצֶ֧לַע הַמִּשְׁכָּ֛ן הַשֵּׁנִ֖ית לִפְאַ֣ת צָפ֑וֹן עָשָׂ֖ה עֶשְׂרִ֥ים קְרָשִֽׁים׃

‎26 ‏וְאַרְבָּעִ֥ים אַדְנֵיהֶ֖ם כָּ֑סֶף שְׁנֵ֣י אֲדָנִ֗ים תַּ֚חַת הַקֶּ֣רֶשׁ הָאֶחָ֔ד וּשְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

‎27 ‏וּֽלְיַרְכְּתֵ֥י הַמִּשְׁכָּ֖ן יָ֑מָּה עָשָׂ֖ה שִׁשָּׁ֥ה קְרָשִֽׁים׃

‎28 ‏וּשְׁנֵ֤י קְרָשִׁים֙ עָשָׂ֔ה לִמְקֻצְעֹ֖ת הַמִּשְׁכָּ֑ן בַּיַּרְכָתָֽיִם׃

‎29 ‏וְהָי֣וּ תוֹאֲמִם֮ מִלְּמַטָּה֒ וְיַחְדָּ֗ו יִהְי֤וּ תַמִּים֙ אֶל־רֹאשׁ֔וֹ אֶל־הַטַּבַּ֖עַת הָאֶחָ֑ת כֵּ֚ן עָשָׂ֣ה לִשְׁנֵיהֶ֔ם לִשְׁנֵ֖י הַמִּקְצֹעֹֽת׃

‎30 ‏וְהָיוּ֙ שְׁמֹנָ֣ה קְרָשִׁ֔ים וְאַדְנֵיהֶ֣ם כֶּ֔סֶף שִׁשָּׁ֥ה עָשָׂ֖ר אֲדָנִ֑ים שְׁנֵ֤י אֲדָנִים֙ שְׁנֵ֣י אֲדָנִ֔ים תַּ֖חַת הַקֶּ֥רֶשׁ הָאֶחָֽד׃

‎31 ‏וַיַּ֥עַשׂ בְּרִיחֵ֖י עֲצֵ֣י שִׁטִּ֑ים חֲמִשָּׁ֕ה לְקַרְשֵׁ֥י צֶֽלַע־הַמִּשְׁכָּ֖ן הָאֶחָֽת׃

‎32 ‏וַחֲמִשָּׁ֣ה בְרִיחִ֔ם לְקַרְשֵׁ֥י צֶֽלַע־הַמִּשְׁכָּ֖ן הַשֵּׁנִ֑ית וַחֲמִשָּׁ֤ה בְרִיחִם֙ לְקַרְשֵׁ֣י הַמִּשְׁכָּ֔ן לַיַּרְכָתַ֖יִם יָֽמָּה׃

‎33 ‏וַיַּ֖עַשׂ אֶת־הַבְּרִ֣יחַ הַתִּיכֹ֑ן לִבְרֹ֙חַ֙ בְּת֣וֹךְ הַקְּרָשִׁ֔ים מִן־הַקָּצֶ֖ה אֶל־הַקָּצֶֽה׃

‎34 ‏וְֽאֶת־הַקְּרָשִׁ֞ים צִפָּ֣ה זָהָ֗ב וְאֶת־טַבְּעֹתָם֙ עָשָׂ֣ה זָהָ֔ב בָּתִּ֖ים לַבְּרִיחִ֑ם וַיְצַ֥ף אֶת־הַבְּרִיחִ֖ם זָהָֽב׃

‎35 ‏וַיַּ֙עַשׂ֙ אֶת־הַפָּרֹ֔כֶת תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֥ה חֹשֵׁ֛ב עָשָׂ֥ה אֹתָ֖הּ כְּרֻבִֽים׃

‎36 ‏וַיַּ֣עַשׂ לָ֗הּ אַרְבָּעָה֙ עַמּוּדֵ֣י שִׁטִּ֔ים וַיְצַפֵּ֣ם זָהָ֔ב וָוֵיהֶ֖ם זָהָ֑ב וַיִּצֹ֣ק לָהֶ֔ם אַרְבָּעָ֖ה אַדְנֵי־כָֽסֶף׃

‎37 ‏וַיַּ֤עַשׂ מָסָךְ֙ לְפֶ֣תַח הָאֹ֔הֶל תְּכֵ֧לֶת וְאַרְגָּמָ֛ן וְתוֹלַ֥עַת שָׁנִ֖י וְשֵׁ֣שׁ מָשְׁזָ֑ר מַעֲשֵׂ֖ה רֹקֵֽם׃

‎38 ‏וְאֶת־עַמּוּדָ֤יו חֲמִשָּׁה֙ וְאֶת־וָ֣וֵיהֶ֔ם וְצִפָּ֧ה רָאשֵׁיהֶ֛ם וַחֲשֻׁקֵיהֶ֖ם זָהָ֑ב וְאַדְנֵיהֶ֥ם חֲמִשָּׁ֖ה נְחֹֽשֶׁת׃ פ

1 wə‘āśâ ḇəṣalə’ēl wə’âŏlî’āḇ wəḵōl| ’îš ḥăḵam-lēḇ ’ăšer nāṯan yəhwâ ḥāḵəmâ ûṯəḇûnâ bâēmmâ lāḏ^a‘aṯ l^a‘ăśōṯ ’eṯ-kāl-məle’ḵeṯ ‘ăḇōḏaṯ haqqōḏeš ləḵōl ’ăšer-ṣiûâ yəhwâ:

2 wayyiqərā’ mōšeh ’el-bəṣalə’ēl³ wə’el-’âŏlî’āḇ wə’el kāl-’îš ḥăḵam-lēḇ ’ăšer nāṯan yəhwâ ḥāḵəmâ bəlibwō kōl ’ăšer nəśā’wō libwō ləqārəḇâ ’el-hamməlā’ḵâ l^a‘ăśōṯ ’ōṯāh:

3 wayyiqəḥû millifənê mōšeh ’ēṯ kāl-hatərûmâ ’ăšer hēḇî’û bənê yiśərā’ēl liməle’ḵeṯ ‘ăḇōḏaṯ haqqōḏeš l^a‘ăśōṯ ’ōṯāh wəhēm hēḇî’û ’ēlāyw ‘wōḏ nəḏāḇâ babōqer babōqer:

4 wayyāḇō’û kāl-h^aḥăḵāmîm hā‘ōśîm ’ēṯ kāl-məle’ḵeṯ haqqōḏeš ’îš-’îš mimməla’ḵətwō ’ăšer-hēmmâ ‘ōśîm:

5 wayyō’mərû ’el-mōšeh llē’mōr marəbîm hā‘ām ləhāḇî’ midê hā‘ăḇōḏâ lamməlā’ḵâ ’ăšer-ṣiûâ yəhwâ l^a‘ăśōṯ ’ōṯāh:

6 wayəṣaw mōšeh wayy^a‘ăḇîrû qwōl bamm^aḥăneh lē’mōr ’îš wə’iššâ ’al-y^a‘ăśû-‘wōḏ məlā’ḵâ liṯərûmaṯ haqqōḏeš wayyikālē’ hā‘ām mēhāḇî’:

7 wəhamməlā’ḵâ hāyəṯâ ḏayyām ləḵāl-hamməlā’ḵâ l^a‘ăśwōṯ ’ōṯāh wəhwōṯēr: s

8 wayy^a‘ăśû ḵāl-ḥăḵam-lēḇ bə‘ōśê hamməlā’ḵâ ’eṯ-hammišəkān ‘eśer yərî‘ōṯ šēš māšəzār ûṯəḵēleṯ wə’arəgāmān wəṯwōl^a‘aṯ šānî kəruḇîm m^a‘ăśēh ḥōšēḇ ‘āśâ ’ōṯām:

9 ’ōreḵə hayərî‘â hā’^aḥaṯ šəmōneh wə‘eśərîm bā’ammâ wərōḥaḇ ’arəb^a‘ bā’ammâ hayərî‘â hā’eḥāṯ midâ ’^aḥaṯ ləḵāl-hayərî‘ōṯ:

10 wayəḥabēr ’eṯ-ḥămēš hayərî‘ōṯ ’^aḥaṯ ’el-’eḥāṯ wəḥāmēš yərî‘ōṯ ḥibar ’^aḥaṯ ’el-’eḥāṯ:

11 wayy^a‘aś lulə’ōṯ təḵēleṯ ‘al śəfaṯ hayərî‘â hā’eḥāṯ miqqāṣâ bamm^aḥəbāreṯ kēn ‘āśâ biśəfaṯ hayərî‘â haqqîṣwōnâ bamm^aḥəbereṯ haššēnîṯ:

12 ḥămiššîm lulā’ōṯ ‘āśâ bayərî‘â hā’eḥāṯ w^aḥămiššîm lulā’ōṯ ‘āśâ biqəṣēh hayərî‘â ’ăšer bamm^aḥəbereṯ haššēnîṯ maqəbîlōṯ hallulā’ōṯ ’^aḥaṯ ’el-’eḥāṯ:

13 wayy^a‘aś ḥămiššîm qarəsê zâāḇ wayəḥabēr ’eṯ-hayəri‘ōṯ ’^aḥaṯ ’el-’^aḥaṯ baqqərāsîm wayəhî hammišəkān ’eḥāḏ: s

14 wayy^a‘aś yərî‘ōṯ ‘izzîm lə’ōhel ‘al-hammišəkān ‘ašətê-‘eśərēh yərî‘ōṯ ‘āśâ ’ōṯām:

15 ’ōreḵə hayərî‘â hā’^aḥaṯ šəlōšîm bā’ammâ wə’arəb^a‘ ’ammwōṯ rōḥaḇ hayərî‘â hā’eḥāṯ midâ ’^aḥaṯ lə‘ašətê ‘eśərēh yərî‘ōṯ:

16 wayəḥabēr ’eṯ-ḥămēš hayərî‘ōṯ ləḇāḏ wə’eṯ-šēš hayərî‘ōṯ ləḇāḏ:

17 wayy^a‘aś lulā’ōṯ ḥămiššîm ‘al śəfaṯ hayərî‘â haqqîṣōnâ bamm^aḥəbāreṯ w^aḥămiššîm lulā’ōṯ ‘āśâ ‘al-śəfaṯ hayərî‘â h^aḥōḇereṯ haššēnîṯ:

18 wayy^a‘aś qarəsê nəḥōšeṯ ḥămiššîm ləḥabēr ’eṯ-hā’ōhel lihəyōṯ³ ’eḥāḏ:

19 wayy^a‘aś miḵəseh lā’ōhel ‘ōrōṯ ’ēlîm mə’ādāmîm ûmiḵəsēh ‘ōrōṯ təḥāšîm miləmā‘əlâ: s

20 wayy^a‘aś ’eṯ-haqqərāšîm lammišəkān ‘ăṣê šiṭṭîm ‘ōməḏîm:

21 ‘eśer ’ammōṯ ’ōreḵə haqqāreš wə’ammâ w^aḥăṣî hā’ammâ rōḥaḇ haqqereš hā’eḥāḏ:

22 šətê yāḏōṯ laqqereš hā’eḥāḏ məšullāḇōṯ ’^aḥaṯ ’el-’eḥāṯ kēn ‘āśâ ləḵōl qarəšê hammišəkān:

23 wayy^a‘aś ’eṯ-haqqərāšîm lammišəkān ‘eśərîm qərāšîm lifə’aṯ neḡeḇ têmānâ:

24 wə’arəbā‘îm ’aḏənê-ḵesef ‘āśâ t^aḥaṯ ‘eśərîm haqqərāšîm šənê ’ăḏānîm t^aḥaṯ-haqqereš hā’eḥāḏ lišətê yəḏōṯāyw ûšənê ’ăḏānîm t^aḥaṯ-haqqereš hā’eḥāḏ lišətê yəḏōṯāyw:

25 ûləṣel^a‘ hammišəkān haššēnîṯ lifə’aṯ ṣāfwōn ‘āśâ ‘eśərîm qərāšîm:

26 wə’arəbā‘îm ’aḏənêhem kāsef šənê ’ăḏānîm t^aḥaṯ haqqereš hā’eḥāḏ ûšənê ’ăḏānîm t^aḥaṯ haqqereš hā’eḥāḏ:

27 ûləyarəkəṯê hammišəkān yāmmâ ‘āśâ šiššâ qərāšîm:

28 ûšənê qərāšîm ‘āśâ liməquṣə‘ōṯ hammišəkān bayyarəḵāṯāyim:

29 wəhāyû ṯwō’ămim milləmaṭṭâ wəy^aḥədāw yihəyû ṯammîm ’el-rō’šwō ’el-haṭṭab^a‘aṯ hā’eḥāṯ kēn ‘āśâ lišənêhem lišənê hammiqəṣō‘ōṯ:

30 wəhāyû šəmōnâ qərāšîm wə’aḏənêhem kesef šiššâ ‘āśār ’ăḏānîm šənê ’ăḏānîm šənê ’ăḏānîm t^aḥaṯ haqqereš hā’eḥāḏ:

31 wayy^a‘aś bərîḥê ‘ăṣê šiṭṭîm ḥămiššâ ləqarəšê ṣel^a‘-hammišəkān hā’eḥāṯ:

32 w^aḥămiššâ ḇərîḥim ləqarəšê ṣel^a‘-hammišəkān haššēnîṯ w^aḥămiššâ ḇərîḥim ləqarəšê hammišəkān layyarəḵāṯayim yāmmâ:

33 wayy^a‘aś ’eṯ-habərîḥa hatîḵōn liḇərōḥa bəṯwōḵə haqqərāšîm min-haqqāṣeh ’el-haqqāṣeh:

34 wə’eṯ-haqqərāšîm ṣipâ zâāḇ wə’eṯ-ṭabə‘ōṯām ‘āśâ zâāḇ bātîm labərîḥim wayəṣaf ’eṯ-habərîḥim zâāḇ:

35 wayy^a‘aś ’eṯ-hapārōḵeṯ təḵēleṯ wə’arəgāmān wəṯwōl^a‘aṯ šānî wəšēš māšəzār m^a‘ăśēh ḥōšēḇ ‘āśâ ’ōṯāh kəruḇîm:

36 wayy^a‘aś lāh ’arəbā‘â ‘ammûḏê šiṭṭîm wayəṣapēm zâāḇ wāwêhem zâāḇ wayyiṣōq lâem ’arəbā‘â ’aḏənê-ḵāsef:

37 wayy^a‘aś māsāḵə ləfeṯ^aḥ hā’ōhel təḵēleṯ wə’arəgāmān wəṯwōl^a‘aṯ šānî wəšēš māšəzār m^a‘ăśēh rōqēm:

38 wə’eṯ-‘ammûḏāyw ḥămiššâ wə’eṯ-wāwêhem wəṣipâ rā’šêhem w^aḥăšuqêhem zâāḇ wə’aḏənêhem ḥămiššâ nəḥōšeṯ: f