Ezekiel (Yechezqel) Chapter 31

‎1 ‏וַיְהִ֗י בְּאַחַ֤ת עֶשְׂרֵה֙ שָׁנָ֔ה בַּשְּׁלִישִׁ֖י בְּאֶחָ֣ד לַחֹ֑דֶשׁ הָיָ֥ה דְבַר־יְהוָ֖ה אֵלַ֥י לֵאמֹֽר׃

‎2 ‏בֶּן־אָדָ֕ם אֱמֹ֛ר אֶל־פַּרְעֹ֥ה מֶֽלֶךְ־מִצְרַ֖יִם וְאֶל־הֲמוֹנ֑וֹ אֶל־מִ֖י דָּמִ֥יתָ בְגָדְלֶֽךָ׃

‎3 ‏הִנֵּ֨ה אַשּׁ֜וּר אֶ֣רֶז בַּלְּבָנ֗וֹן יְפֵ֥ה עָנָ֛ף וְחֹ֥רֶשׁ מֵצַ֖ל וּגְבַ֣הּ קוֹמָ֑ה וּבֵ֣ין עֲבֹתִ֔ים הָיְתָ֖ה צַמַּרְתּֽוֹ׃

‎4 ‏מַ֣יִם גִּדְּל֔וּהוּ תְּה֖וֹם רֹֽמְמָ֑תְהוּ אֶת־נַהֲרֹתֶ֗יהָ הֹלֵךְ֙ סְבִיב֣וֹת מַטָּעָ֔הּ וְאֶת־תְּעָלֹתֶ֣יהָ שִׁלְחָ֔ה אֶ֖ל כָּל־עֲצֵ֥י הַשָּׂדֶֽה׃

‎5 ‏עַל־כֵּן֙ גָּבְהָ֣א קֹמָת֔וֹ מִכֹּ֖ל עֲצֵ֣י הַשָּׂדֶ֑ה וַתִּרְבֶּ֨ינָה סַֽרְעַפֹּתָ֜יו וַתֶּאֱרַ֧כְנָה פארתו פֹארֹתָ֛יו מִמַּ֥יִם רַבִּ֖ים בְּשַׁלְּחֽוֹ׃

‎6 ‏בִּסְעַפֹּתָ֤יו קִֽנְנוּ֙ כָּל־ע֣וֹף הַשָּׁמַ֔יִם וְתַ֤חַת פֹּֽארֹתָיו֙ יָֽלְד֔וּ כֹּ֖ל חַיַּ֣ת הַשָּׂדֶ֑ה וּבְצִלּוֹ֙ יֵֽשְׁב֔וּ כֹּ֖ל גּוֹיִ֥ם רַבִּֽים׃

‎7 ‏וַיְּיִ֣ף בְּגָדְל֔וֹ בְּאֹ֖רֶךְ דָּֽלִיּוֹתָ֑יו כִּֽי־הָיָ֥ה שָׁרְשׁ֖וֹ אֶל־מַ֥יִם רַבִּֽים׃

‎8 ‏אֲרָזִ֣ים לֹֽא־עֲמָמֻהוּ֮ בְּגַן־אֱלֹהִים֒ בְּרוֹשִׁ֗ים לֹ֤א דָמוּ֙ אֶל־סְעַפֹּתָ֔יו וְעַרְמֹנִ֥ים לֹֽא־הָי֖וּ כְּפֹֽארֹתָ֑יו כָּל־עֵץ֙ בְּגַן־אֱלֹהִ֔ים לֹא־דָמָ֥ה אֵלָ֖יו בְּיָפְיֽוֹ׃

‎9 ‏יָפֶ֣ה עֲשִׂיתִ֔יו בְּרֹ֖ב דָּֽלִיּוֹתָ֑יו וַיְקַנְאֻ֙הוּ֙ כָּל־עֲצֵי־עֵ֔דֶן אֲשֶׁ֖ר בְּגַ֥ן הָאֱלֹהִֽים׃ ס

‎10 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה יַ֕עַן אֲשֶׁ֥ר גָּבַ֖הְתָּ בְּקוֹמָ֑ה וַיִּתֵּ֤ן צַמַּרְתּוֹ֙ אֶל־בֵּ֣ין עֲבוֹתִ֔ים וְרָ֥ם לְבָב֖וֹ בְּגָבְהֽוֹ׃

‎11 ‏וְאֶ֨תְּנֵ֔הוּ בְּיַ֖ד אֵ֣יל גּוֹיִ֑ם עָשׂ֤וֹ יַֽעֲשֶׂה֙ ל֔וֹ כְּרִשְׁע֖וֹ גֵּרַשְׁתִּֽהוּ׃

‎12 ‏וַיִּכְרְתֻ֧הוּ זָרִ֛ים עָרִיצֵ֥י גוֹיִ֖ם וַֽיִּטְּשֻׁ֑הוּ אֶל־הֶ֠הָרִים וּבְכָל־גֵּ֨אָי֜וֹת³ נָפְל֣וּ דָלִיּוֹתָ֗יו וַתִּשָּׁבַ֤רְנָה פֹֽארֹתָיו֙ בְּכֹל֙ אֲפִיקֵ֣י הָאָ֔רֶץ וַיֵּרְד֧וּ מִצִּלּ֛וֹ כָּל־עַמֵּ֥י הָאָ֖רֶץ וַֽיִּטְּשֻֽׁהוּ׃

‎13 ‏עַל־מַפַּלְתּ֥וֹ יִשְׁכְּנ֖וּ כָּל־ע֣וֹף הַשָּׁמָ֑יִם וְאֶל־פֹּארֹתָ֣יו הָי֔וּ כֹּ֖ל חַיַּ֥ת הַשָּׂדֶֽה׃

‎14 ‏לְמַ֡עַן אֲשֶׁר֩ לֹא־יִגְבְּה֨וּ בְקוֹמָתָ֜ם כָּל־עֲצֵי־מַ֗יִם וְלֹֽא־יִתְּנ֤וּ אֶת־צַמַּרְתָּם֙ אֶל־בֵּ֣ין עֲבֹתִ֔ים וְלֹֽא־יַעַמְד֧וּ אֵלֵיהֶ֛ם בְּגָבְהָ֖ם כָּל־שֹׁ֣תֵי מָ֑יִם כִּֽי־כֻלָּם֩ נִתְּנ֨וּ לַמָּ֜וֶת אֶל־אֶ֣רֶץ תַּחְתִּ֗ית בְּת֛וֹךְ בְּנֵ֥י אָדָ֖ם אֶל־י֥וֹרְדֵי בֽוֹר׃ ס

‎15 ‏כֹּֽה־אָמַ֞ר אֲדֹנָ֣י יְהוִ֗ה בְּי֨וֹם רִדְתּ֤וֹ שְׁא֙וֹלָה֙ הֶאֱבַ֜לְתִּי כִּסֵּ֤תִי עָלָיו֙ אֶת־תְּה֔וֹם וָֽאֶמְנַע֙ נַהֲרוֹתֶ֔יהָ וַיִּכָּלְא֖וּ מַ֣יִם רַבִּ֑ים וָאַקְדִּ֤ר עָלָיו֙ לְבָנ֔וֹן וְכָל־עֲצֵ֥י הַשָּׂדֶ֖ה עָלָ֥יו עֻלְפֶּֽה׃

‎16 ‏מִקּ֤וֹל מַפַּלְתּוֹ֙ הִרְעַ֣שְׁתִּי גוֹיִ֔ם בְּהוֹרִדִ֥י אֹת֛וֹ שְׁא֖וֹלָה אֶת־י֣וֹרְדֵי ב֑וֹר וַיִּנָּ֨חֲמ֜וּ בְּאֶ֤רֶץ תַּחְתִּית֙ כָּל־עֲצֵי־עֵ֔דֶן מִבְחַ֥ר וְטוֹב־לְבָנ֖וֹן כָּל־שֹׁ֥תֵי מָֽיִם׃

‎17 ‏גַּם־הֵ֗ם אִתּ֛וֹ יָרְד֥וּ שְׁא֖וֹלָה אֶל־חַלְלֵי־חָ֑רֶב וּזְרֹע֛וֹ יָשְׁב֥וּ בְצִלּ֖וֹ בְּת֥וֹךְ גּוֹיִֽם׃

‎18 ‏אֶל־מִ֨י דָמִ֥יתָ כָּ֛כָה בְּכָב֥וֹד וּבְגֹ֖דֶל בַּעֲצֵי־עֵ֑דֶן וְהוּרַדְתָּ֙ אֶת־עֲצֵי־עֵ֜דֶן אֶל־אֶ֣רֶץ תַּחְתִּ֗ית בְּת֨וֹךְ עֲרֵלִ֤ים תִּשְׁכַּב֙ אֶת־חַלְלֵי־חֶ֔רֶב ה֤וּא פַרְעֹה֙ וְכָל־הֲמוֹנֹ֔ה^q נְאֻ֖ם אֲדֹנָ֥י יְהוִֽה׃ ס

1 wayəhî bə’^aḥaṯ ‘eśərēh šānâ baššəlîšî bə’eḥāḏ l^aḥōḏeš hāyâ ḏəḇar-yəhwâ ’ēlay lē’mōr:

2 ben-’āḏām ’ĕmōr ’el-parə‘ōh meleḵə-miṣərayim wə’el-hămwōnwō ’el-mî dāmîṯā ḇəḡāḏəleḵā:

3 hinnēh ’aššûr ’erez balləḇānwōn yəfēh ‘ānāf wəḥōreš mēṣal ûḡəḇ^ah qwōmâ ûḇên ‘ăḇōṯîm hāyəṯâ ṣammarətwō:

4 mayim gidəlûhû təhwōm rōməmāṯəhû ’eṯ-nahărōṯeyhā hōlēḵə səḇîḇwōṯ maṭṭā‘āh wə’eṯ-tə‘ālōṯeyhā šiləḥâ ’el kāl-‘ăṣê haśśāḏeh:

5 ‘al-kēn gāḇəhā’ qōmāṯwō mikōl ‘ăṣê haśśāḏeh watirəbeynâ sarə‘apōṯāyw wate’ĕraḵənâ fō’rāṯāw fō’rōṯāyw mimmayim rabîm bəšalləḥwō:

6 bisə‘apōṯāyw qinənû kāl-‘wōf haššāmayim wəṯ^aḥaṯ pō’rōṯāyw yāləḏû kōl ḥayyaṯ haśśāḏeh ûḇəṣillwō yēšəḇû kōl gwōyim rabîm:

7 wayyəyif bəḡāḏəlwō bə’ōreḵə dālîywōṯāyw kî-hāyâ šārəšwō ’el-mayim rabîm:

8 ’ărāzîm lō’-‘ămāmuhû bəḡan-’ĕlōhîm bərwōšîm lō’ ḏāmû ’el-sə‘apōṯāyw wə‘arəmōnîm lō’-hāyû kəfō’rōṯāyw kāl-‘ēṣ bəḡan-’ĕlōhîm lō’-ḏāmâ ’ēlāyw bəyāfəywō:

9 yāfeh ‘ăśîṯîw bərōḇ dālîywōṯāyw wayəqanə’uhû kāl-‘ăṣê-‘ēḏen ’ăšer bəḡan hā’ĕlōhîm: s

10 lāḵēn kōh ’āmar ’ăḏōnāy yəhwih y^a‘an ’ăšer gāḇahətā bəqwōmâ wayyitēn ṣammarətwō ’el-bên ‘ăḇwōṯîm wərām ləḇāḇwō bəḡāḇəhwō:

11 wə’etənēhû bəyaḏ ’êl gwōyim ‘āśwō y^a‘ăśeh lwō kərišə‘wō gērašətihû:

12 wayyiḵərəṯuhû zārîm ‘ārîṣê ḡwōyim wayyiṭṭəšuhû ’el-hehārîm ûḇəḵāl-gē’āywōṯ³ nāfəlû ḏālîywōṯāyw watiššāḇarənâ fō’rōṯāyw bəḵōl ’ăfîqê hā’āreṣ wayyērəḏû miṣṣillwō kāl-‘ammê hā’āreṣ wayyiṭṭəšuhû:

13 ‘al-mapalətwō yišəkənû kāl-‘wōf haššāmāyim wə’el-pō’rōṯāyw hāyû kōl ḥayyaṯ haśśāḏeh:

14 ləm^a‘an ’ăšer lō’-yiḡəbəhû ḇəqwōmāṯām kāl-‘ăṣê-mayim wəlō’-yitənû ’eṯ-ṣammarətām ’el-bên ‘ăḇōṯîm wəlō’-y^a‘aməḏû ’ēlêhem bəḡāḇəhām kāl-šōṯê māyim kî-ḵullām nitənû lammāweṯ ’el-’ereṣ t^aḥətîṯ bəṯwōḵə bənê ’āḏām ’el-ywōrəḏê ḇwōr: s

15 kōh-’āmar ’ăḏōnāy yəhwih bəywōm riḏətwō šə’wōlâ he’ĕḇalətî kissēṯî ‘ālāyw ’eṯ-təhwōm wā’emən^a‘ nahărwōṯeyhā wayyikālə’û mayim rabîm wā’aqədir ‘ālāyw ləḇānwōn wəḵāl-‘ăṣê haśśāḏeh ‘ālāyw ‘uləpeh:

16 miqqwōl mapalətwō hirə‘ašətî ḡwōyim bəhwōriḏî ’ōṯwō šə’wōlâ ’eṯ-ywōrəḏê ḇwōr wayyinnāḥămû bə’ereṣ t^aḥətîṯ kāl-‘ăṣê-‘ēḏen miḇəḥar wəṭwōḇ-ləḇānwōn kāl-šōṯê māyim:

17 gam-hēm ’itwō yārəḏû šə’wōlâ ’el-ḥaləlê-ḥāreḇ ûzərō‘wō yāšəḇû ḇəṣillwō bəṯwōḵə gwōyim:

18 ’el-mî ḏāmîṯā kāḵâ bəḵāḇwōḏ ûḇəḡōḏel b^a‘ăṣê-‘ēḏen wəhûraḏətā ’eṯ-‘ăṣê-‘ēḏen ’el-’ereṣ t^aḥətîṯ bəṯwōḵə ‘ărēlîm tišəkaḇ ’eṯ-ḥaləlê-ḥereḇ hû’ farə‘ōh wəḵāl-hămwōnōh^q nə’um ’ăḏōnāy yəhwih: s