Ezekiel (Yechezqel) Chapter 48

‎1 ‏וְאֵ֖לֶּה שְׁמ֣וֹת הַשְּׁבָטִ֑ים מִקְצֵ֣ה צָפ֡וֹנָה אֶל־יַ֣ד דֶּֽרֶךְ־חֶתְלֹ֣ן׀ לְֽבוֹא־חֲמָ֡ת חֲצַ֣ר עֵינָן֩ גְּב֨וּל דַּמֶּ֤שֶׂק צָפ֙וֹנָה֙ אֶל־יַ֣ד חֲמָ֔ת וְהָיוּ־ל֧וֹ פְאַת־קָדִ֛ים הַיָּ֖ם דָּ֥ן אֶחָֽד׃

‎2 ‏וְעַ֣ל׀ גְּב֣וּל דָּ֗ן מִפְּאַ֥ת קָדִ֛ים עַד־פְּאַת־יָ֖מָּה אָשֵׁ֥ר אֶחָֽד׃

‎3 ‏וְעַ֣ל׀ גְּב֣וּל אָשֵׁ֗ר מִפְּאַ֥ת קָדִ֛ימָה וְעַד־פְּאַת־יָ֖מָּה נַפְתָּלִ֥י אֶחָֽד׃

‎4 ‏וְעַ֣ל׀ גְּב֣וּל נַפְתָּלִ֗י מִפְּאַ֥ת קָדִ֛מָה עַד־פְּאַת־יָ֖מָּה מְנַשֶּׁ֥ה אֶחָֽד׃

‎5 ‏וְעַ֣ל׀ גְּב֣וּל מְנַשֶּׁ֗ה מִפְּאַ֥ת קָדִ֛מָה עַד־פְּאַת־יָ֖מָּה אֶפְרַ֥יִם אֶחָֽד׃

‎6 ‏וְעַ֣ל׀ גְּב֣וּל אֶפְרַ֗יִם מִפְּאַ֥ת קָדִ֛ים וְעַד־פְּאַת־יָ֖מָּה רְאוּבֵ֥ן אֶחָֽד׃

‎7 ‏וְעַ֣ל׀ גְּב֣וּל רְאוּבֵ֗ן מִפְּאַ֥ת קָדִ֛ים עַד־פְּאַת־יָ֖מָּה יְהוּדָ֥ה אֶחָֽד׃

‎8 ‏וְעַל֙ גְּב֣וּל יְהוּדָ֔ה מִפְּאַ֥ת קָדִ֖ים עַד־פְּאַת־יָ֑מָּה תִּהְיֶ֣ה הַתְּרוּמָ֣ה אֲ‍ֽשֶׁר־תָּרִ֡ימוּ חֲמִשָּׁה֩ וְעֶשְׂרִ֨ים אֶ֜לֶף רֹ֗חַב וְאֹ֜רֶךְ כְּאַחַ֤ד הַחֲלָקִים֙ מִפְּאַ֤ת קָדִ֙ימָה֙ עַד־פְּאַת־יָ֔מָּה וְהָיָ֥ה הַמִּקְדָּ֖שׁ בְּתוֹכֽוֹ׃

‎9 ‏הַתְּרוּמָ֕ה אֲשֶׁ֥ר תָּרִ֖ימוּ לַֽיהוָ֑ה אֹ֗רֶךְ חֲמִשָּׁ֤ה וְעֶשְׂרִים֙ אֶ֔לֶף וְרֹ֖חַב עֲשֶׂ֥רֶת אֲלָפִֽים׃

‎10 ‏וּ֠לְאֵ֜לֶּה תִּהְיֶ֣ה תְרֽוּמַת־הַקֹּדֶשׁ֮ לַכֹּֽהֲנִים֒ צָפ֜וֹנָה חֲמִשָּׁ֧ה וְעֶשְׂרִ֣ים אֶ֗לֶף וְיָ֙מָּה֙ רֹ֚חַב עֲשֶׂ֣רֶת אֲלָפִ֔ים וְקָדִ֗ימָה רֹ֚חַב עֲשֶׂ֣רֶת אֲלָפִ֔ים וְנֶ֕גְבָּה אֹ֕רֶךְ חֲמִשָּׁ֥ה וְעֶשְׂרִ֖ים אָ֑לֶף וְהָיָ֥ה מִקְדַּשׁ־יְהוָ֖ה בְּתוֹכֽוֹ׃

‎11 ‏לַכֹּהֲנִ֤ים הַֽמְקֻדָּשׁ֙ מִבְּנֵ֣י צָד֔וֹק אֲשֶׁ֥ר שָׁמְר֖וּ מִשְׁמַרְתִּ֑י אֲשֶׁ֣ר לֹֽא־תָע֗וּ בִּתְעוֹת֙ בְּנֵ֣י יִשְׂרָאֵ֔ל כַּאֲשֶׁ֥ר תָּע֖וּ הַלְוִיִּֽם׃ ס

‎12 ‏וְהָיְתָ֨ה לָהֶ֧ם תְּרוּמִיָּ֛ה מִתְּרוּמַ֥ת הָאָ֖רֶץ קֹ֣דֶשׁ קָדָשִׁ֑ים אֶל־גְּב֖וּל הַלְוִיִּֽם׃

‎13 ‏וְהַלְוִיִּ֗ם לְעֻמַּת֙ גְּב֣וּל הַכֹּהֲנִ֔ים חֲמִשָּׁ֨ה וְעֶשְׂרִ֥ים אֶ֙לֶף֙ אֹ֔רֶךְ וְרֹ֖חַב עֲשֶׂ֣רֶת אֲלָפִ֑ים כָּל־אֹ֗רֶךְ חֲמִשָּׁ֤ה וְעֶשְׂרִים֙ אֶ֔לֶף וְרֹ֖חַב עֲשֶׂ֥רֶת אֲלָפִֽים׃

‎14 ‏וְלֹא־יִמְכְּר֣וּ מִמֶּ֗נּוּ וְלֹ֥א יָמֵ֛ר וְלֹ֥א יעבור יַעֲבִ֖יר רֵאשִׁ֣ית הָאָ֑רֶץ כִּי־קֹ֖דֶשׁ לַיהוָֽה׃

‎15 ‏וַחֲמֵ֨שֶׁת אֲלָפִ֜ים הַנּוֹתָ֣ר בָּרֹ֗חַב עַל־פְּנֵ֨י חֲמִשָּׁ֤ה וְעֶשְׂרִים֙ אֶ֔לֶף חֹֽל־ה֣וּא לָעִ֔יר לְמוֹשָׁ֖ב וּלְמִגְרָ֑שׁ וְהָיְתָ֥ה הָעִ֖יר בתוכה בְּתוֹכֽוֹ׃

‎16 ‏וְאֵלֶּה֮ מִדּוֹתֶיהָ֒ פְּאַ֣ת צָפ֗וֹן חֲמֵ֤שׁ מֵאוֹת֙ וְאַרְבַּ֣עַת אֲלָפִ֔ים וּפְאַת־נֶ֕גֶב חֲמֵ֥שׁ חמש מֵא֖וֹת וְאַרְבַּ֣עַת אֲלָפִ֑ים וּמִפְּאַ֣ת קָדִ֗ים חֲמֵ֤שׁ מֵאוֹת֙ וְאַרְבַּ֣עַת אֲלָפִ֔ים וּפְאַת־יָ֕מָּה חֲמֵ֥שׁ מֵא֖וֹת וְאַרְבַּ֥עַת אֲלָפִֽים׃

‎17 ‏וְהָיָ֣ה מִגְרָשׁ֮ לָעִיר֒ צָפ֙וֹנָה֙ חֲמִשִּׁ֣ים וּמָאתַ֔יִם וְנֶ֖גְבָּה חֲמִשִּׁ֣ים וּמָאתָ֑יִם וְקָדִ֙ימָה֙ חֲמִשִּׁ֣ים וּמָאתַ֔יִם וְיָ֖מָּה חֲמִשִּׁ֥ים וּמָאתָֽיִם׃

‎18 ‏וְהַנּוֹתָ֨ר בָּאֹ֜רֶךְ לְעֻמַּ֣ת׀ תְּרוּמַ֣ת הַקֹּ֗דֶשׁ עֲשֶׂ֨רֶת אֲלָפִ֤ים קָדִ֙ימָה֙ וַעֲשֶׂ֤רֶת אֲלָפִים֙ יָ֔מָּה וְהָיָ֕ה לְעֻמַּ֖ת תְּרוּמַ֣ת הַקֹּ֑דֶשׁ וְהָיְתָ֤ה תבואתה תְבֽוּאָתוֹ֙ לְלֶ֔חֶם לְעֹבְדֵ֖י הָעִֽיר׃

‎19 ‏וְהָעֹבֵ֖ד הָעִ֑יר יַעַבְד֕וּהוּ מִכֹּ֖ל שִׁבְטֵ֥י יִשְׂרָאֵֽל׃

‎20 ‏כָּל־הַתְּרוּמָ֗ה חֲמִשָּׁ֤ה וְעֶשְׂרִים֙ אֶ֔לֶף בַּחֲמִשָּׁ֥ה וְעֶשְׂרִ֖ים אָ֑לֶף רְבִיעִ֗ית תָּרִ֙ימוּ֙ אֶת־תְּרוּמַ֣ת הַקֹּ֔דֶשׁ אֶל־אֲחֻזַּ֖ת הָעִֽיר׃

‎21 ‏וְהַנּוֹתָ֣ר לַנָּשִׂ֣יא מִזֶּ֣ה׀ וּמִזֶּ֣ה׀ לִתְרֽוּמַת־הַקֹּ֣דֶשׁ וְלַאֲחֻזַּ֪ת הָעִ֟יר אֶל־פְּנֵ֣י חֲמִשָּׁה֩ וְעֶשְׂרִ֨ים אֶ֥לֶף׀ תְּרוּמָה֮ עַד־גְּב֣וּל קָדִימָה֒ וְיָ֗מָּה עַל־פְּ֠נֵי חֲמִשָּׁ֨ה וְעֶשְׂרִ֥ים אֶ֙לֶף֙ עַל־גְּב֣וּל יָ֔מָּה לְעֻמַּ֥ת חֲלָקִ֖ים לַנָּשִׂ֑יא וְהָֽיְתָה֙ תְּרוּמַ֣ת הַקֹּ֔דֶשׁ וּמִקְדַּ֥שׁ הַבַּ֖יִת בתוכה בְּתוֹכֽוֹ׃

‎22 ‏וּמֵאֲחֻזַּ֤ת הַלְוִיִּם֙ וּמֵאֲחֻזַּ֣ת הָעִ֔יר בְּת֛וֹךְ אֲשֶׁ֥ר לַנָּשִׂ֖יא יִֽהְיֶ֑ה בֵּ֣ין׀ גְּב֣וּל יְהוּדָ֗ה וּבֵין֙ גְּב֣וּל בִּנְיָמִ֔ן לַנָּשִׂ֖יא יִהְיֶֽה׃

‎23 ‏וְיֶ֖תֶר הַשְּׁבָטִ֑ים מִפְּאַ֥ת קָדִ֛ימָה עַד־פְּאַת־יָ֖מָּה בִּנְיָמִ֥ן אֶחָֽד׃

‎24 ‏וְעַ֣ל׀ גְּב֣וּל בִּנְיָמִ֗ן מִפְּאַ֥ת קָדִ֛ימָה עַד־פְּאַת־יָ֖מָּה שִׁמְע֥וֹן אֶחָֽד׃

‎25 ‏וְעַ֣ל׀ גְּב֣וּל שִׁמְע֗וֹן מִפְּאַ֥ת קָדִ֛ימָה עַד־פְּאַת־יָ֖מָּה יִשָׂשכָ֥ר אֶחָֽד׃

‎26 ‏וְעַ֣ל׀ גְּב֣וּל יִשָׂשכָ֗ר מִפְּאַ֥ת קָדִ֛ימָה עַד־פְּאַת־יָ֖מָּה זְבוּלֻ֥ן אֶחָֽד׃

‎27 ‏וְעַ֣ל׀ גְּב֣וּל זְבוּלֻ֗ן מִפְּאַ֥ת קָדִ֛מָה עַד־פְּאַת־יָ֖מָּה גָּ֥ד אֶחָֽד׃

‎28 ‏וְעַל֙ גְּב֣וּל גָּ֔ד אֶל־פְּאַ֖ת נֶ֣גֶב תֵּימָ֑נָה וְהָיָ֨ה גְב֜וּל מִתָּמָ֗ר מֵ֚י מְרִיבַ֣ת קָדֵ֔שׁ נַחֲלָ֖ה עַל־הַיָּ֥ם הַגָּדֽוֹל׃

‎29 ‏זֹ֥את הָאָ֛רֶץ אֲשֶׁר־תַּפִּ֥ילוּ מִֽנַּחֲלָ֖ה לְשִׁבְטֵ֣י יִשְׂרָאֵ֑ל וְאֵ֙לֶּה֙ מַחְלְקוֹתָ֔ם נְאֻ֖ם אֲדֹנָ֥י יְהוִֽה׃ פ

‎30 ‏וְאֵ֖לֶּה תּוֹצְאֹ֣ת הָעִ֑יר מִפְּאַ֣ת צָפ֔וֹן חֲמֵ֥שׁ מֵא֛וֹת וְאַרְבַּ֥עַת אֲלָפִ֖ים מִדָּֽה׃

‎31 ‏וְשַׁעֲרֵ֣י הָעִ֗יר עַל־שְׁמוֹת֙ שִׁבְטֵ֣י יִשְׂרָאֵ֔ל שְׁעָרִ֥ים שְׁלוֹשָׁ֖ה צָפ֑וֹנָה שַׁ֣עַר רְאוּבֵ֞ן אֶחָ֗ד שַׁ֤עַר יְהוּדָה֙ אֶחָ֔ד שַׁ֥עַר לֵוִ֖י אֶחָֽד׃

‎32 ‏וְאֶל־פְּאַ֣ת קָדִ֗ימָה חֲמֵ֤שׁ מֵאוֹת֙ וְאַרְבַּ֣עַת אֲלָפִ֔ים וּשְׁעָרִ֖ים שְׁלֹשָׁ֑ה וְשַׁ֨עַר יוֹסֵ֜ף אֶחָ֗ד שַׁ֤עַר בִּנְיָמִן֙ אֶחָ֔ד שַׁ֥עַר דָּ֖ן אֶחָֽד׃

‎33 ‏וּפְאַת־נֶ֗גְבָּה חֲמֵ֨שׁ מֵא֜וֹת וְאַרְבַּ֤עַת אֲלָפִים֙ מִדָּ֔ה וּשְׁעָרִ֖ים שְׁלֹשָׁ֑ה שַׁ֣עַר שִׁמְע֞וֹן אֶחָ֗ד שַׁ֤עַר יִשָּׂשכָר֙ אֶחָ֔ד שַׁ֥עַר זְבוּלֻ֖ן אֶחָֽד׃

‎34 ‏פְּאַת־יָ֗מָּה חֲמֵ֤שׁ מֵאוֹת֙ וְאַרְבַּ֣עַת אֲלָפִ֔ים שַֽׁעֲרֵיהֶ֖ם שְׁלֹשָׁ֑ה שַׁ֣עַר גָּ֞ד אֶחָ֗ד שַׁ֤עַר אָשֵׁר֙ אֶחָ֔ד שַׁ֥עַר נַפְתָּלִ֖י אֶחָֽד׃

‎35 ‏סָבִ֕יב שְׁמֹנָ֥ה עָשָׂ֖ר אָ֑לֶף וְשֵׁם־הָעִ֥יר מִיּ֖וֹם יְהוָ֥ה׀ שָֽׁמָּה׃

1 wə’ēlleh šəmwōṯ haššəḇāṭîm miqəṣēh ṣāfwōnâ ’el-yaḏ dereḵə-ḥeṯəlōn| ləḇwō’-ḥămāṯ ḥăṣar ‘ênān gəḇûl dammeśeq ṣāfwōnâ ’el-yaḏ ḥămāṯ wəhāyû-lwō fə’aṯ-qāḏîm hayyām dān ’eḥāḏ:

2 wə‘al| gəḇûl dān mipə’aṯ qāḏîm ‘aḏ-pə’aṯ-yāmmâ ’āšēr ’eḥāḏ:

3 wə‘al| gəḇûl ’āšēr mipə’aṯ qāḏîmâ wə‘aḏ-pə’aṯ-yāmmâ nafətālî ’eḥāḏ:

4 wə‘al| gəḇûl nafətālî mipə’aṯ qāḏimâ ‘aḏ-pə’aṯ-yāmmâ mənaššeh ’eḥāḏ:

5 wə‘al| gəḇûl mənaššeh mipə’aṯ qāḏimâ ‘aḏ-pə’aṯ-yāmmâ ’efərayim ’eḥāḏ:

6 wə‘al| gəḇûl ’efərayim mipə’aṯ qāḏîm wə‘aḏ-pə’aṯ-yāmmâ rə’ûḇēn ’eḥāḏ:

7 wə‘al| gəḇûl rə’ûḇēn mipə’aṯ qāḏîm ‘aḏ-pə’aṯ-yāmmâ yəhûḏâ ’eḥāḏ:

8 wə‘al gəḇûl yəhûḏâ mipə’aṯ qāḏîm ‘aḏ-pə’aṯ-yāmmâ tihəyeh hatərûmâ ’ă‍šer-tārîmû ḥămiššâ wə‘eśərîm ’elef rōḥaḇ wə’ōreḵə kə’^aḥaḏ h^aḥălāqîm mipə’aṯ qāḏîmâ ‘aḏ-pə’aṯ-yāmmâ wəhāyâ hammiqədāš bəṯwōḵwō:

9 hatərûmâ ’ăšer tārîmû layhwâ ’ōreḵə ḥămiššâ wə‘eśərîm ’elef wərōḥaḇ ‘ăśereṯ ’ălāfîm:

10 ûlə’ēlleh tihəyeh ṯərûmaṯ-haqqōḏeš lakōhănîm ṣāfwōnâ ḥămiššâ wə‘eśərîm ’elef wəyāmmâ rōḥaḇ ‘ăśereṯ ’ălāfîm wəqāḏîmâ rōḥaḇ ‘ăśereṯ ’ălāfîm wəneḡəbâ ’ōreḵə ḥămiššâ wə‘eśərîm ’ālef wəhāyâ miqədaš-yəhwâ bəṯwōḵwō:

11 lakōhănîm haməqudāš mibənê ṣāḏwōq ’ăšer šāmərû mišəmarətî ’ăšer lō’-ṯā‘û biṯə‘wōṯ bənê yiśərā’ēl ka’ăšer tā‘û haləwîyim: s

12 wəhāyəṯâ lâem tərûmîyâ mitərûmaṯ hā’āreṣ qōḏeš qāḏāšîm ’el-gəḇûl haləwîyim:

13 wəhaləwîyim lə‘ummaṯ gəḇûl hakōhănîm ḥămiššâ wə‘eśərîm ’elef ’ōreḵə wərōḥaḇ ‘ăśereṯ ’ălāfîm kāl-’ōreḵə ḥămiššâ wə‘eśərîm ’elef wərōḥaḇ ‘ăśereṯ ’ălāfîm:

14 wəlō’-yiməkərû mimmennû wəlō’ yāmēr wəlō’ y^a‘ăḇûr y^a‘ăḇîr rē’šîṯ hā’āreṣ kî-qōḏeš layhwâ:

15 w^aḥămēšeṯ ’ălāfîm hannwōṯār bārōḥaḇ ‘al-pənê ḥămiššâ wə‘eśərîm ’elef ḥōl-hû’ lā‘îr ləmwōšāḇ ûləmiḡərāš wəhāyəṯâ hā‘îr bəṯwōḵōh bəṯwōḵwō:

16 wə’ēlleh midwōṯeyhā pə’aṯ ṣāfwōn ḥămēš mē’wōṯ wə’arəb^a‘aṯ ’ălāfîm ûfə’aṯ-neḡeḇ ḥămēš ḥămēš mē’wōṯ wə’arəb^a‘aṯ ’ălāfîm ûmipə’aṯ qāḏîm ḥămēš mē’wōṯ wə’arəb^a‘aṯ ’ălāfîm ûfə’aṯ-yāmmâ ḥămēš mē’wōṯ wə’arəb^a‘aṯ ’ălāfîm:

17 wəhāyâ miḡərāš lā‘îr ṣāfwōnâ ḥămiššîm ûmā’ṯayim wəneḡəbâ ḥămiššîm ûmā’ṯāyim wəqāḏîmâ ḥămiššîm ûmā’ṯayim wəyāmmâ ḥămiššîm ûmā’ṯāyim:

18 wəhannwōṯār bā’ōreḵə lə‘ummaṯ| tərûmaṯ haqqōḏeš ‘ăśereṯ ’ălāfîm qāḏîmâ w^a‘ăśereṯ ’ălāfîm yāmmâ wəhāyâ lə‘ummaṯ tərûmaṯ haqqōḏeš wəhāyəṯâ ṯəḇû’āṯōh ṯəḇû’āṯwō ləleḥem lə‘ōḇəḏê hā‘îr:

19 wəhā‘ōḇēḏ hā‘îr y^a‘aḇəḏûhû mikōl šiḇəṭê yiśərā’ēl:

20 kāl-hatərûmâ ḥămiššâ wə‘eśərîm ’elef b^aḥămiššâ wə‘eśərîm ’ālef rəḇî‘îṯ tārîmû ’eṯ-tərûmaṯ haqqōḏeš ’el-’ăḥuzzaṯ hā‘îr:

21 wəhannwōṯār lannāśî’ mizzeh| ûmizzeh| liṯərûmaṯ-haqqōḏeš wəla’ăḥuzzaṯ hā‘îr ’el-pənê ḥămiššâ wə‘eśərîm ’elef| tərûmâ ‘aḏ-gəḇûl qāḏîmâ wəyāmmâ ‘al-pənê ḥămiššâ wə‘eśərîm ’elef ‘al-gəḇûl yāmmâ lə‘ummaṯ ḥălāqîm lannāśî’ wəhāyəṯâ tərûmaṯ haqqōḏeš ûmiqədaš habayiṯ bəṯwōḵōh bəṯwōḵwō:

22 ûmē’ăḥuzzaṯ haləwîyim ûmē’ăḥuzzaṯ hā‘îr bəṯwōḵə ’ăšer lannāśî’ yihəyeh bên| gəḇûl yəhûḏâ ûḇên gəḇûl binəyāmin lannāśî’ yihəyeh:

23 wəyeṯer haššəḇāṭîm mipə’aṯ qāḏîmâ ‘aḏ-pə’aṯ-yāmmâ binəyāmin ’eḥāḏ:

24 wə‘al| gəḇûl binəyāmin mipə’aṯ qāḏîmâ ‘aḏ-pə’aṯ-yāmmâ šimə‘wōn ’eḥāḏ:

25 wə‘al| gəḇûl šimə‘wōn mipə’aṯ qāḏîmâ ‘aḏ-pə’aṯ-yāmmâ yiśāsḵār ’eḥāḏ:

26 wə‘al| gəḇûl yiśāsḵār mipə’aṯ qāḏîmâ ‘aḏ-pə’aṯ-yāmmâ zəḇûlun ’eḥāḏ:

27 wə‘al| gəḇûl zəḇûlun mipə’aṯ qāḏimâ ‘aḏ-pə’aṯ-yāmmâ gāḏ ’eḥāḏ:

28 wə‘al gəḇûl gāḏ ’el-pə’aṯ neḡeḇ têmānâ wəhāyâ ḡəḇûl mitāmār mê mərîḇaṯ qāḏēš n^aḥălâ ‘al-hayyām hagāḏwōl:

29 zō’ṯ hā’āreṣ ’ăšer-tapîlû minn^aḥălâ ləšiḇəṭê yiśərā’ēl wə’ēlleh m^aḥələqwōṯām nə’um ’ăḏōnāy yəhwih: f

30 wə’ēlleh twōṣə’ōṯ hā‘îr mipə’aṯ ṣāfwōn ḥămēš mē’wōṯ wə’arəb^a‘aṯ ’ălāfîm midâ:

31 wəš^a‘ărê hā‘îr ‘al-šəmwōṯ šiḇəṭê yiśərā’ēl šə‘ārîm šəlwōšâ ṣāfwōnâ š^a‘ar rə’ûḇēn ’eḥāḏ š^a‘ar yəhûḏâ ’eḥāḏ š^a‘ar lēwî ’eḥāḏ:

32 wə’el-pə’aṯ qāḏîmâ ḥămēš mē’wōṯ wə’arəb^a‘aṯ ’ălāfîm ûšə‘ārîm šəlōšâ wəš^a‘ar ywōsēf ’eḥāḏ š^a‘ar binəyāmin ’eḥāḏ š^a‘ar dān ’eḥāḏ:

33 ûfə’aṯ-neḡəbâ ḥămēš mē’wōṯ wə’arəb^a‘aṯ ’ălāfîm midâ ûšə‘ārîm šəlōšâ š^a‘ar šimə‘wōn ’eḥāḏ š^a‘ar yiśśāsḵār ’eḥāḏ š^a‘ar zəḇûlun ’eḥāḏ:

34 pə’aṯ-yāmmâ ḥămēš mē’wōṯ wə’arəb^a‘aṯ ’ălāfîm š^a‘ărêhem šəlōšâ š^a‘ar gāḏ ’eḥāḏ š^a‘ar ’āšēr ’eḥāḏ š^a‘ar nafətālî ’eḥāḏ:

35 sāḇîḇ šəmōnâ ‘āśār ’ālef wəšēm-hā‘îr mîywōm yəhwâ| šāmmâ: