Ezra Chapter 3

‎1 ‏וַיִּגַּע֙ הַחֹ֣דֶשׁ הַשְּׁבִיעִ֔י וּבְנֵ֥י יִשְׂרָאֵ֖ל בֶּעָרִ֑ים סוַיֵּאָסְפ֥וּ הָעָ֛ם כְּאִ֥ישׁ אֶחָ֖ד אֶל־יְרוּשָׁלִָֽם׃ ס

‎2 ‏וַיָּקָם֩ יֵשׁ֨וּעַ בֶּן־יֽוֹצָדָ֜ק וְאֶחָ֣יו הַכֹּהֲנִ֗ים וּזְרֻבָּבֶ֤ל בֶּן־שְׁאַלְתִּיאֵל֙ וְאֶחָ֔יו וַיִּבְנ֕וּ אֶת־מִזְבַּ֖ח אֱלֹהֵ֣י יִשְׂרָאֵ֑ל לְהַעֲל֤וֹת עָלָיו֙ עֹל֔וֹת כַּכָּת֕וּב בְּתוֹרַ֖ת מֹשֶׁ֥ה אִישׁ־הָאֱלֹהִֽים׃

‎3 ‏וַיָּכִ֤ינוּ הַמִּזְבֵּ֙חַ֙ עַל־מְכ֣וֹנֹתָ֔יו כִּ֚י בְּאֵימָ֣ה עֲלֵיהֶ֔ם מֵעַמֵּ֖י הָאֲרָצ֑וֹת ויעל וַיַּעֲל֨וּ³ עָלָ֤יו עֹלוֹת֙ לַֽיהוָ֔ה עֹל֖וֹת לַבֹּ֥קֶר וְלָעָֽרֶב׃

‎4 ‏וַֽיַּעֲשׂ֛וּ אֶת־חַ֥ג הַסֻּכּ֖וֹת כַּכָּת֑וּב וְעֹלַ֨ת י֤וֹם בְּיוֹם֙ בְּמִסְפָּ֔ר כְּמִשְׁפַּ֖ט דְּבַר־י֥וֹם בְּיוֹמֽוֹ׃

‎5 ‏וְאַחֲרֵיכֵ֞ן עֹלַ֤ת תָּמִיד֙ וְלֶ֣חֳדָשִׁ֔ים וּלְכָל־מוֹעֲדֵ֥י יְהוָ֖ה הַמְקֻדָּשִׁ֑ים וּלְכֹ֛ל מִתְנַדֵּ֥ב נְדָבָ֖ה לַיהוָֽה׃

‎6 ‏מִיּ֤וֹם אֶחָד֙ לַחֹ֣דֶשׁ הַשְּׁבִיעִ֔י הֵחֵ֕לּוּ לְהַעֲל֥וֹת עֹל֖וֹת לַיהוָ֑ה וְהֵיכַ֥ל יְהוָ֖ה לֹ֥א יֻסָּֽד׃

‎7 ‏וַיִּ֨תְּנוּ־כֶ֔סֶף לַחֹצְבִ֖ים וְלֶחָרָשִׁ֑ים וּמַאֲכָ֨ל וּמִשְׁתֶּ֜ה וָשֶׁ֗מֶן לַצִּֽדֹנִים֙ וְלַצֹּרִ֔ים לְהָבִיא֩ עֲצֵ֨י אֲרָזִ֤ים מִן־הַלְּבָנוֹן֙ אֶל־יָ֣ם יָפ֔וֹא כְּרִשְׁי֛וֹן כּ֥וֹרֶשׁ מֶֽלֶךְ־פָּרַ֖ס עֲלֵיהֶֽם׃ פ

‎8 ‏וּבַשָּׁנָ֣ה הַשֵּׁנִ֗ית לְבוֹאָ֞ם אֶל־בֵּ֤ית הָֽאֱלֹהִים֙ לִיר֣וּשָׁלִַ֔ם בַּחֹ֖דֶשׁ הַשֵּׁנִ֑י הֵחֵ֡לּוּ זְרֻבָּבֶ֣ל בֶּן־שְׁ֠אַלְתִּיאֵל וְיֵשׁ֨וּעַ בֶּן־יֽוֹצָדָ֜ק וּשְׁאָ֥ר אֲחֵיהֶ֣ם׀ הַכֹּהֲנִ֣ים וְהַלְוִיִּ֗ם וְכָל־הַבָּאִים֙ מֵהַשְּׁבִ֣י יְרֽוּשָׁלִַ֔ם וַיַּעֲמִ֣ידוּ אֶת־הַלְוִיִּ֗ם מִבֶּ֨ן עֶשְׂרִ֤ים שָׁנָה֙ וָמַ֔עְלָה לְנַצֵּ֖חַ עַל־מְלֶ֥אכֶת בֵּית־יְהוָֽה׃ פ

‎9 ‏וַיַּעֲמֹ֣ד יֵשׁ֡וּעַ בָּנָ֣יו וְ֠אֶחָיו קַדְמִיאֵ֨ל וּבָנָ֤יו בְּנֵֽי־יְהוּדָה֙ כְּאֶחָ֔ד לְנַצֵּ֛חַ עַל־עֹשֵׂ֥ה הַמְּלָאכָ֖ה בְּבֵ֣ית הָאֱלֹהִ֑ים סבְּנֵי֙ חֵֽנָדָ֔ד בְּנֵיהֶ֥ם וַאֲחֵיהֶ֖ם הַלְוִיִּֽם׃

‎10 ‏וְיִסְּד֥וּ הַבֹּנִ֖ים אֶת־הֵיכַ֣ל יְהוָ֑ה וַיַּעֲמִידוּ֩ הַכֹּהֲנִ֨ים מְלֻבָּשִׁ֜ים בַּחֲצֹֽצְר֗וֹת וְהַלְוִיִּ֤ם בְּנֵֽי־אָסָף֙ בַּֽמְצִלְתַּ֔יִם לְהַלֵּל֙ אֶת־יְהוָ֔ה עַל־יְדֵ֖י דָּוִ֥יד מֶֽלֶךְ־יִשְׂרָאֵֽל׃

‎11 ‏וַֽ֠יַּעֲנוּ בְּהַלֵּ֨ל וּבְהוֹדֹ֤ת לַֽיהוָה֙ כִּ֣י ט֔וֹב כִּֽי־לְעוֹלָ֥ם חַסְדּ֖וֹ עַל־יִשְׂרָאֵ֑ל וְכָל־הָעָ֡ם הֵרִיעוּ֩ תְרוּעָה֙¹ גְדוֹלָ֤ה בְהַלֵּל֙ לַֽיהוָ֔ה עַ֖ל הוּסַ֥ד בֵּית־יְהוָֽה׃ ס

‎12 ‏וְרַבִּ֡ים מֵהַכֹּהֲנִ֣ים וְהַלְוִיִּם֩ וְרָאשֵׁ֨י הָאָב֜וֹת הַזְּקֵנִ֗ים אֲשֶׁ֨ר רָא֜וּ אֶת־הַבַּ֤יִת הָֽרִאשׁוֹן֙ בְּיָסְד֔וֹ זֶ֤ה הַבַּ֙יִת֙ בְּעֵ֣ינֵיהֶ֔ם בֹּכִ֖ים בְּק֣וֹל גָּד֑וֹל וְרַבִּ֛ים בִּתְרוּעָ֥ה בְשִׂמְחָ֖ה לְהָרִ֥ים קֽוֹל׃

‎13 ‏וְאֵ֣ין הָעָ֗ם מַכִּירִים֙ ק֚וֹל תְּרוּעַ֣ת הַשִּׂמְחָ֔ה לְק֖וֹל בְּכִ֣י הָעָ֑ם כִּ֣י הָעָ֗ם מְרִיעִים֙ תְּרוּעָ֣ה גְדוֹלָ֔ה וְהַקּ֥וֹל נִשְׁמַ֖ע עַד־לְמֵרָחֽוֹק׃ פ

1 wayyig^a‘ h^aḥōḏeš haššəḇî‘î ûḇənê yiśərā’ēl be‘ārîm swayyē’āsəfû hā‘ām kə’îš ’eḥāḏ ’el-yərûšālāim: s

2 wayyāqām yēšû‘a ben-ywōṣāḏāq wə’eḥāyw hakōhănîm ûzərubāḇel ben-šə’alətî’ēl wə’eḥāyw wayyiḇənû ’eṯ-mizəb^aḥ ’ĕlōhê yiśərā’ēl ləh^a‘ălwōṯ ‘ālāyw ‘ōlwōṯ kakāṯûḇ bəṯwōraṯ mōšeh ’îš-hā’ĕlōhîm:

3 wayyāḵînû hammizəbēḥa ‘al-məḵwōnōṯāyw kî bə’êmâ ‘ălêhem mē‘ammê hā’ărāṣwōṯ wayy^a‘al wayy^a‘ălû³ ‘ālāyw ‘ōlwōṯ layhwâ ‘ōlwōṯ labōqer wəlā‘āreḇ:

4 wayy^a‘ăśû ’eṯ-ḥaḡ hassukwōṯ kakāṯûḇ wə‘ōlaṯ ywōm bəywōm bəmisəpār kəmišəpaṭ dəḇar-ywōm bəywōmwō:

5 wə’^aḥărêḵēn ‘ōlaṯ tāmîḏ wəleḥŏḏāšîm ûləḵāl-mwō‘ăḏê yəhwâ haməqudāšîm ûləḵōl miṯənadēḇ nəḏāḇâ layhwâ:

6 mîywōm ’eḥāḏ l^aḥōḏeš haššəḇî‘î hēḥēllû ləh^a‘ălwōṯ ‘ōlwōṯ layhwâ wəhêḵal yəhwâ lō’ yussāḏ:

7 wayyitənû-ḵesef l^aḥōṣəḇîm wəleḥārāšîm ûma’ăḵāl ûmišəteh wāšemen laṣṣiḏōnîm wəlaṣṣōrîm ləhāḇî’ ‘ăṣê ’ărāzîm min-halləḇānwōn ’el-yām yāfwō’ kərišəywōn kwōreš meleḵə-pāras ‘ălêhem: f

8 ûḇaššānâ haššēnîṯ ləḇwō’ām ’el-bêṯ hā’ĕlōhîm lîrûšālaim b^aḥōḏeš haššēnî hēḥēllû zərubāḇel ben-šə’alətî’ēl wəyēšû‘a ben-ywōṣāḏāq ûšə’ār ’ăḥêhem| hakōhănîm wəhaləwîyim wəḵāl-habā’îm mēhaššəḇî yərûšālaim wayy^a‘ămîḏû ’eṯ-haləwîyim miben ‘eśərîm šānâ wām^a‘əlâ lənaṣṣēḥa ‘al-məle’ḵeṯ bêṯ-yəhwâ: f

9 wayy^a‘ămōḏ yēšû‘a bānāyw wə’eḥāyw qaḏəmî’ēl ûḇānāyw bənê-yəhûḏâ kə’eḥāḏ lənaṣṣēḥa ‘al-‘ōśēh hamməlā’ḵâ bəḇêṯ hā’ĕlōhîm sbənê ḥēnāḏāḏ bənêhem wa’ăḥêhem haləwîyim:

10 wəyissəḏû habōnîm ’eṯ-hêḵal yəhwâ wayy^a‘ămîḏû hakōhănîm məlubāšîm b^aḥăṣōṣərwōṯ wəhaləwîyim bənê-’āsāf baməṣilətayim ləhallēl ’eṯ-yəhwâ ‘al-yəḏê dāwîḏ meleḵə-yiśərā’ēl:

11 wayy^a‘ănû bəhallēl ûḇəhwōḏōṯ layhwâ kî ṭwōḇ kî-lə‘wōlām ḥasədwō ‘al-yiśərā’ēl wəḵāl-hā‘ām hērî‘û ṯərû‘â¹ ḡəḏwōlâ ḇəhallēl layhwâ ‘al hûsaḏ bêṯ-yəhwâ: s

12 wərabîm mēhakōhănîm wəhaləwîyim wərā’šê hā’āḇwōṯ hazzəqēnîm ’ăšer rā’û ’eṯ-habayiṯ hāri’šwōn bəyāsəḏwō zeh habayiṯ bə‘ênêhem bōḵîm bəqwōl gāḏwōl wərabîm biṯərû‘â ḇəśiməḥâ ləhārîm qwōl:

13 wə’ên hā‘ām makîrîm qwōl tərû‘aṯ haśśiməḥâ ləqwōl bəḵî hā‘ām kî hā‘ām mərî‘îm tərû‘â ḡəḏwōlâ wəhaqqwōl nišəm^a‘ ‘aḏ-ləmērāḥwōq: f