Hosea (Hoshea) Chapter 4

‎1 ‏שִׁמְע֥וּ דְבַר־יְהוָ֖ה בְּנֵ֣י יִשְׂרָאֵ֑ל כִּ֣י רִ֤יב לַֽיהוָה֙ עִם־יוֹשְׁבֵ֣י הָאָ֔רֶץ כִּ֠י אֵין־אֱמֶ֧ת וְֽאֵין־חֶ֛סֶד וְאֵֽין־דַּ֥עַת אֱלֹהִ֖ים בָּאָֽרֶץ׃

‎2 ‏אָלֹ֣ה וְכַחֵ֔שׁ וְרָצֹ֥חַ וְגָנֹ֖ב וְנָאֹ֑ף פָּרָ֕צוּ וְדָמִ֥ים בְּדָמִ֖ים נָגָֽעוּ׃

‎3 ‏עַל־כֵּ֣ן׀ תֶּאֱבַ֣ל הָאָ֗רֶץ וְאֻמְלַל֙ כָּל־יוֹשֵׁ֣ב בָּ֔הּ בְּחַיַּ֥ת הַשָּׂדֶ֖ה וּבְע֣וֹף הַשָּׁמָ֑יִם וְגַם־דְּגֵ֥י הַיָּ֖ם יֵאָסֵֽפוּ׃

‎4 ‏אַ֥ךְ אִ֛ישׁ אַל־יָרֵ֖ב וְאַל־יוֹכַ֣ח אִ֑ישׁ וְעַמְּךָ֖ כִּמְרִיבֵ֥י כֹהֵֽן׃

‎5 ‏וְכָשַׁלְתָּ֣ הַיּ֔וֹם וְכָשַׁ֧ל גַּם־נָבִ֛יא עִמְּךָ֖ לָ֑יְלָה וְדָמִ֖יתִי אִמֶּֽךָ׃

‎6 ‏נִדְמ֥וּ עַמִּ֖י מִבְּלִ֣י הַדָּ֑עַת כִּֽי־אַתָּ֞ה הַדַּ֣עַת מָאַ֗סְתָּ וְאֶמְאָֽסְאךָ֙ מִכַּהֵ֣ן לִ֔י וַתִּשְׁכַּח֙ תּוֹרַ֣ת אֱלֹהֶ֔יךָ אֶשְׁכַּ֥ח בָּנֶ֖יךָ גַּם־אָֽנִי׃

‎7 ‏כְּרֻבָּ֖ם כֵּ֣ן חָֽטְאוּ־לִ֑י כְּבוֹדָ֖ם בְּקָל֥וֹן אָמִֽיר׃

‎8 ‏חַטַּ֥את עַמִּ֖י יֹאכֵ֑לוּ וְאֶל־עֲוֹנָ֖ם יִשְׂא֥וּ נַפְשֽׁוֹ׃

‎9 ‏וְהָיָ֥ה כָעָ֖ם כַּכֹּהֵ֑ן וּפָקַדְתִּ֤י עָלָיו֙ דְּרָכָ֔יו וּמַעֲלָלָ֖יו אָשִׁ֥יב לֽוֹ׃

‎10 ‏וְאָֽכְלוּ֙ וְלֹ֣א יִשְׂבָּ֔עוּ הִזְנ֖וּ וְלֹ֣א יִפְרֹ֑צוּ כִּֽי־אֶת־יְהוָ֥ה עָזְב֖וּ לִשְׁמֹֽר׃

‎11 ‏זְנ֛וּת וְיַ֥יִן וְתִיר֖וֹשׁ יִֽקַּֽח־לֵֽב׃

‎12 ‏עַמִּי֙ בְּעֵצ֣וֹ יִשְׁאָ֔ל וּמַקְל֖וֹ יַגִּ֣יד ל֑וֹ כִּ֣י ר֤וּחַ זְנוּנִים֙ הִתְעָ֔ה וַיִּזְנ֖וּ מִתַּ֥חַת אֱלֹהֵיהֶֽם׃

‎13 ‏עַל־רָאשֵׁ֨י הֶהָרִ֜ים יְזַבֵּ֗חוּ וְעַל־הַגְּבָעוֹת֙ יְקַטֵּ֔רוּ תַּ֣חַת אַלּ֧וֹן וְלִבְנֶ֛ה וְאֵלָ֖ה כִּ֣י ט֣וֹב צִלָּ֑הּ עַל־כֵּ֗ן תִּזְנֶ֙ינָה֙ בְּנ֣וֹתֵיכֶ֔ם וְכַלּוֹתֵיכֶ֖ם תְּנָאַֽפְנָה׃

‎14 ‏לֹֽא־אֶפְק֨וֹד עַל־בְּנוֹתֵיכֶ֜ם כִּ֣י תִזְנֶ֗ינָה וְעַל־כַּלּֽוֹתֵיכֶם֙ כִּ֣י תְנָאַ֔פְנָה כִּי־הֵם֙ עִם־הַזֹּנ֣וֹת יְפָרֵ֔דוּ וְעִם־הַקְּדֵשׁ֖וֹת יְזַבֵּ֑חוּ וְעָ֥ם לֹֽא־יָבִ֖ין יִלָּבֵֽט׃

‎15 ‏אִם־זֹנֶ֤ה אַתָּה֙ יִשְׂרָאֵ֔ל אַל־יֶאְשַׁ֖ם יְהוּדָ֑ה וְאַל־תָּבֹ֣אוּ הַגִּלְגָּ֗ל וְאַֽל־תַּעֲלוּ֙ בֵּ֣ית אָ֔וֶן וְאַל־תִּשָּׁבְע֖וּ חַי־יְהוָֽה׃

‎16 ‏כִּ֚י כְּפָרָ֣ה סֹֽרֵרָ֔ה סָרַ֖ר יִשְׂרָאֵ֑ל עַתָּה֙ יִרְעֵ֣ם יְהוָ֔ה כְּכֶ֖בֶשׂ בַּמֶּרְחָֽב׃

‎17 ‏חֲב֧וּר עֲצַבִּ֛ים אֶפְרָ֖יִם הַֽנַּֽח־לֽוֹ׃

‎18 ‏סָ֖ר סָבְאָ֑ם הַזְנֵ֣ה הִזְנ֔וּ אָהֲב֥וּ הֵב֛וּ קָל֖וֹן מָגִנֶּֽיהָ׃

‎19 ‏צָרַ֥ר ר֛וּחַ אוֹתָ֖הּ בִּכְנָפֶ֑יהָ וְיֵבֹ֖שׁוּ מִזִּבְחוֹתָֽם׃ ס

1 šimə‘û ḏəḇar-yəhwâ bənê yiśərā’ēl kî rîḇ layhwâ ‘im-ywōšəḇê hā’āreṣ kî ’ên-’ĕmeṯ wə’ên-ḥeseḏ wə’ên-d^a‘aṯ ’ĕlōhîm bā’āreṣ:

2 ’ālōh wəḵ^aḥēš wərāṣōḥa wəḡānōḇ wənā’ōf pārāṣû wəḏāmîm bəḏāmîm nāḡā‘û:

3 ‘al-kēn| te’ĕḇal hā’āreṣ wə’uməlal kāl-ywōšēḇ bāh bəḥayyaṯ haśśāḏeh ûḇə‘wōf haššāmāyim wəḡam-dəḡê hayyām yē’āsēfû:

4 ’aḵə ’îš ’al-yārēḇ wə’al-ywōḵ^aḥ ’îš wə‘amməḵā kimərîḇê ḵōhēn:

5 wəḵāšalətā hayywōm wəḵāšal gam-nāḇî’ ‘imməḵā lāyəlâ wəḏāmîṯî ’immeḵā:

6 niḏəmû ‘ammî mibəlî hadā‘aṯ kî-’atâ had^a‘aṯ mā’asətā wə’emə’āsə’ḵā mikahēn lî watišək^aḥ twōraṯ ’ĕlōheyḵā ’ešək^aḥ bāneyḵā gam-’ānî:

7 kərubām kēn ḥāṭə’û-lî kəḇwōḏām bəqālwōn ’āmîr:

8 ḥaṭṭa’ṯ ‘ammî yō’ḵēlû wə’el-‘ăwōnām yiśə’û nafəšwō:

9 wəhāyâ ḵā‘ām kakōhēn ûfāqaḏətî ‘ālāyw dərāḵāyw ûm^a‘ălālāyw ’āšîḇ lwō:

10 wə’āḵəlû wəlō’ yiśəbā‘û hizənû wəlō’ yifərōṣû kî-’eṯ-yəhwâ ‘āzəḇû lišəmōr:

11 zənûṯ wəyayin wəṯîrwōš yiqq^aḥ-lēḇ:

12 ‘ammî bə‘ēṣwō yišə’āl ûmaqəlwō yagîḏ lwō kî rûḥa zənûnîm hiṯə‘â wayyizənû mit^aḥaṯ ’ĕlōhêhem:

13 ‘al-rā’šê hehārîm yəzabēḥû wə‘al-hagəḇā‘wōṯ yəqaṭṭērû t^aḥaṯ ’allwōn wəliḇəneh wə’ēlâ kî ṭwōḇ ṣillāh ‘al-kēn tizəneynâ bənwōṯêḵem wəḵallwōṯêḵem tənā’afənâ:

14 lō’-’efəqwōḏ ‘al-bənwōṯêḵem kî ṯizəneynâ wə‘al-kallwōṯêḵem kî ṯənā’afənâ kî-hēm ‘im-hazzōnwōṯ yəfārēḏû wə‘im-haqqəḏēšwōṯ yəzabēḥû wə‘ām lō’-yāḇîn yillāḇēṭ:

15 ’im-zōneh ’atâ yiśərā’ēl ’al-ye’əšam yəhûḏâ wə’al-tāḇō’û hagiləgāl wə’al-t^a‘ălû bêṯ ’āwen wə’al-tiššāḇə‘û ḥay-yəhwâ:

16 kî kəfārâ sōrērâ sārar yiśərā’ēl ‘atâ yirə‘ēm yəhwâ kəḵeḇeś bammerəḥāḇ:

17 ḥăḇûr ‘ăṣabîm ’efərāyim hann^aḥ-lwō:

18 sār sāḇə’ām hazənēh hizənû ’âăḇû hēḇû qālwōn māḡinneyhā:

19 ṣārar rûḥa ’wōṯāh biḵənāfeyhā wəyēḇōšû mizziḇəḥwōṯām: s