Isaiah (Yisheyah) Chapter 9

‎1 ‏הָעָם֙ הַהֹלְכִ֣ים בַּחֹ֔שֶׁךְ רָא֖וּ א֣וֹר גָּד֑וֹל יֹשְׁבֵי֙ בְּאֶ֣רֶץ צַלְמָ֔וֶת א֖וֹר נָגַ֥הּ עֲלֵיהֶֽם׃

‎2 ‏הִרְבִּ֣יתָ הַגּ֔וֹי לא ל֖וֹ הִגְדַּ֣לְתָּ הַשִּׂמְחָ֑ה שָׂמְח֤וּ לְפָנֶ֙יךָ֙ כְּשִׂמְחַ֣ת בַּקָּצִ֔יר כַּאֲשֶׁ֥ר יָגִ֖ילוּ בְּחַלְּקָ֥ם שָׁלָֽל׃

‎3 ‏כִּ֣י׀ אֶת־עֹ֣ל סֻבֳּל֗וֹ וְאֵת֙ מַטֵּ֣ה שִׁכְמ֔וֹ שֵׁ֖בֶט הַנֹּגֵ֣שׂ בּ֑וֹ הַחִתֹּ֖תָ כְּי֥וֹם מִדְיָֽן׃

‎4 ‏כִּ֤י כָל־סְאוֹן֙ סֹאֵ֣ן בְּרַ֔עַשׁ וְשִׂמְלָ֖ה מְגוֹלָלָ֣ה בְדָמִ֑ים וְהָיְתָ֥ה לִשְׂרֵפָ֖ה מַאֲכֹ֥לֶת אֵֽשׁ׃

‎5 ‏כִּי־יֶ֣לֶד יֻלַּד־לָ֗נוּ בֵּ֚ן נִתַּן־לָ֔נוּ וַתְּהִ֥י הַמִּשְׂרָ֖ה עַל־שִׁכְמ֑וֹ וַיִּקְרָ֨א שְׁמ֜וֹ פֶּ֠לֶא יוֹעֵץ֙ אֵ֣ל גִּבּ֔וֹר אֲבִיעַ֖ד שַׂר־שָׁלֽוֹם׃

‎6 ‏למרבה^m לְמַרְבֵּ֨ה הַמִּשְׂרָ֜ה וּלְשָׁל֣וֹם אֵֽין־קֵ֗ץ עַל־כִּסֵּ֤א דָוִד֙ וְעַל־מַמְלַכְתּ֔וֹ לְהָכִ֤ין אֹתָהּ֙ וּֽלְסַעֲדָ֔הּ בְּמִשְׁפָּ֖ט וּבִצְדָקָ֑ה מֵעַתָּה֙ וְעַד־עוֹלָ֔ם קִנְאַ֛ת יְהוָ֥ה צְבָא֖וֹת תַּעֲשֶׂה־זֹּֽאת׃ ס

‎7 ‏דָּבָ֛ר שָׁלַ֥ח אֲדֹנָ֖י בְּיַעֲקֹ֑ב וְנָפַ֖ל בְּיִשְׂרָאֵֽל׃

‎8 ‏וְיָדְעוּ֙ הָעָ֣ם כֻּלּ֔וֹ אֶפְרַ֖יִם וְיוֹשֵׁ֣ב שֹׁמְר֑וֹן בְּגַאֲוָ֛ה וּבְגֹ֥דֶל לֵבָ֖ב לֵאמֹֽר׃

‎9 ‏לְבֵנִ֥ים נָפָ֖לוּ וְגָזִ֣ית נִבְנֶ֑ה שִׁקְמִ֣ים גֻּדָּ֔עוּ וַאֲרָזִ֖ים נַחֲלִֽיף׃

‎10 ‏וַיְשַׂגֵּ֧ב יְהוָ֛ה אֶת־צָרֵ֥י רְצִ֖ין עָלָ֑יו וְאֶת־אֹיְבָ֖יו יְסַכְסֵֽךְ׃

‎11 ‏אֲרָ֣ם מִקֶּ֗דֶם וּפְלִשְׁתִּים֙ מֵֽאָח֔וֹר וַיֹּאכְל֥וּ אֶת־יִשְׂרָאֵ֖ל בְּכָל־פֶּ֑ה בְּכָל־זֹאת֙ לֹא־שָׁ֣ב אַפּ֔וֹ וְע֖וֹד יָד֥וֹ נְטוּיָֽה׃

‎12 ‏וְהָעָ֥ם לֹא־שָׁ֖ב עַד־הַמַּכֵּ֑הוּ וְאֶת־יְהוָ֥ה צְבָא֖וֹת לֹ֥א דָרָֽשׁוּ׃ ס

‎13 ‏וַיַּכְרֵ֨ת יְהוָ֜ה מִיִּשְׂרָאֵ֗ל רֹ֧אשׁ וְזָנָ֛ב כִּפָּ֥ה וְאַגְמ֖וֹן י֥וֹם אֶחָֽד׃

‎14 ‏זָקֵ֥ן וּנְשׂוּא־פָנִ֖ים ה֣וּא הָרֹ֑אשׁ וְנָבִ֥יא מֽוֹרֶה־שֶּׁ֖קֶר ה֥וּא הַזָּנָֽב׃

‎15 ‏וַיִּֽהְי֛וּ מְאַשְּׁרֵ֥י הָֽעָם־הַזֶּ֖ה מַתְעִ֑ים וּמְאֻשָּׁרָ֖יו מְבֻלָּעִֽים׃

‎16 ‏עַל־כֵּ֨ן עַל־בַּחוּרָ֜יו לֹֽא־יִשְׂמַ֣ח׀ אֲדֹנָ֗י וְאֶת־יְתֹמָ֤יו וְאֶת־אַלְמְנֹתָיו֙ לֹ֣א יְרַחֵ֔ם כִּ֤י כֻלּוֹ֙ חָנֵ֣ף וּמֵרַ֔ע וְכָל־פֶּ֖ה דֹּבֵ֣ר נְבָלָ֑ה בְּכָל־זֹאת֙ לֹא־שָׁ֣ב אַפּ֔וֹ וְע֖וֹד יָד֥וֹ נְטוּיָֽה׃

‎17 ‏כִּֽי־בָעֲרָ֤ה כָאֵשׁ֙ רִשְׁעָ֔ה שָׁמִ֥יר וָשַׁ֖יִת תֹּאכֵ֑ל וַתִּצַּת֙ בְּסִֽבְכֵ֣י הַיַּ֔עַר וַיִּֽתְאַבְּכ֖וּ גֵּא֥וּת עָשָֽׁן׃

‎18 ‏בְּעֶבְרַ֛ת יְהוָ֥ה צְבָא֖וֹת נֶעְתַּ֣ם אָ֑רֶץ וַיְהִ֤י הָעָם֙ כְּמַאֲכֹ֣לֶת אֵ֔שׁ אִ֥ישׁ אֶל־אָחִ֖יו לֹ֥א יַחְמֹֽלוּ׃

‎19 ‏וַיִּגְזֹ֤ר עַל־יָמִין֙ וְרָעֵ֔ב וַיֹּ֥אכַל עַל־שְׂמֹ֖אול וְלֹ֣א שָׂבֵ֑עוּ אִ֥ישׁ בְּשַׂר־זְרֹע֖וֹ יֹאכֵֽלוּ׃

‎20 ‏מְנַשֶּׁ֣ה אֶת־אֶפְרַ֗יִם וְאֶפְרַ֙יִם֙ אֶת־מְנַשֶּׁ֔ה יַחְדָּ֥ו הֵ֖מָּה עַל־יְהוּדָ֑ה בְּכָל־זֹאת֙ לֹא־שָׁ֣ב אַפּ֔וֹ וְע֖וֹד יָד֥וֹ נְטוּיָֽה׃ ס

1 hā‘ām hahōləḵîm b^aḥōšeḵə rā’û ’wōr gāḏwōl yōšəḇê bə’ereṣ ṣaləmāweṯ ’wōr nāḡ^ah ‘ălêhem:

2 hirəbîṯā hagwōy lō’ lwō hiḡədalətā haśśiməḥâ śāməḥû ləfāneyḵā kəśiməḥaṯ baqqāṣîr ka’ăšer yāḡîlû bəḥalləqām šālāl:

3 kî| ’eṯ-‘ōl subŏlwō wə’ēṯ maṭṭēh šiḵəmwō šēḇeṭ hannōḡēś bwō h^aḥitōṯā kəywōm miḏəyān:

4 kî ḵāl-sə’wōn sō’ēn bər^a‘aš wəśiməlâ məḡwōlālâ ḇəḏāmîm wəhāyəṯâ liśərēfâ ma’ăḵōleṯ ’ēš:

5 kî-yeleḏ yullaḏ-lānû bēn nitan-lānû watəhî hammiśərâ ‘al-šiḵəmwō wayyiqərā’ šəmwō pele’ ywō‘ēṣ ’ēl gibwōr ’ăḇî‘aḏ śar-šālwōm:

6 ləmarəbēh ləmarəbēh^m hammiśərâ ûləšālwōm ’ên-qēṣ ‘al-kissē’ ḏāwiḏ wə‘al-maməlaḵətwō ləhāḵîn ’ōṯāh ûləs^a‘ăḏāh bəmišəpāṭ ûḇiṣəḏāqâ mē‘atâ wə‘aḏ-‘wōlām qinə’aṯ yəhwâ ṣəḇā’wōṯ t^a‘ăśeh-zzō’ṯ: s

7 dāḇār šāl^aḥ ’ăḏōnāy bəy^a‘ăqōḇ wənāfal bəyiśərā’ēl:

8 wəyāḏə‘û hā‘ām kullwō ’efərayim wəywōšēḇ šōmərwōn bəḡa’ăwâ ûḇəḡōḏel lēḇāḇ lē’mōr:

9 ləḇēnîm nāfālû wəḡāzîṯ niḇəneh šiqəmîm gudā‘û wa’ărāzîm n^aḥălîf:

10 wayəśagēḇ yəhwâ ’eṯ-ṣārê rəṣîn ‘ālāyw wə’eṯ-’ōyəḇāyw yəsaḵəsēḵə:

11 ’ărām miqqeḏem ûfəlišətîm mē’āḥwōr wayyō’ḵəlû ’eṯ-yiśərā’ēl bəḵāl-peh bəḵāl-zō’ṯ lō’-šāḇ ’apwō wə‘wōḏ yāḏwō nəṭûyâ:

12 wəhā‘ām lō’-šāḇ ‘aḏ-hammakēhû wə’eṯ-yəhwâ ṣəḇā’wōṯ lō’ ḏārāšû: s

13 wayyaḵərēṯ yəhwâ mîyiśərā’ēl rō’š wəzānāḇ kipâ wə’aḡəmwōn ywōm ’eḥāḏ:

14 zāqēn ûnəśû’-fānîm hû’ hārō’š wənāḇî’ mwōreh-ššeqer hû’ hazzānāḇ:

15 wayyihəyû mə’aššərê hā‘ām-hazzeh maṯə‘îm ûmə’uššārāyw məḇullā‘îm:

16 ‘al-kēn ‘al-b^aḥûrāyw lō’-yiśəm^aḥ| ’ăḏōnāy wə’eṯ-yəṯōmāyw wə’eṯ-’aləmənōṯāyw lō’ yər^aḥēm kî ḵullwō ḥānēf ûmēr^a‘ wəḵāl-peh dōḇēr nəḇālâ bəḵāl-zō’ṯ lō’-šāḇ ’apwō wə‘wōḏ yāḏwō nəṭûyâ:

17 kî-ḇā‘ărâ ḵā’ēš rišə‘â šāmîr wāšayiṯ tō’ḵēl watiṣṣaṯ bəsiḇəḵê hayy^a‘ar wayyiṯə’abəḵû gē’ûṯ ‘āšān:

18 bə‘eḇəraṯ yəhwâ ṣəḇā’wōṯ ne‘ətam ’āreṣ wayəhî hā‘ām kəma’ăḵōleṯ ’ēš ’îš ’el-’āḥîw lō’ y^aḥəmōlû:

19 wayyiḡəzōr ‘al-yāmîn wərā‘ēḇ wayyō’ḵal ‘al-śəmō’wl wəlō’ śāḇē‘û ’îš bəśar-zərō‘wō yō’ḵēlû:

20 mənaššeh ’eṯ-’efərayim wə’efərayim ’eṯ-mənaššeh y^aḥədāw hēmmâ ‘al-yəhûḏâ bəḵāl-zō’ṯ lō’-šāḇ ’apwō wə‘wōḏ yāḏwō nəṭûyâ: s