Judges (Shoftim) Chapter 10

‎1 ‏וַיָּקָם֩ אַחֲרֵ֨י אֲבִימֶ֜לֶךְ לְהוֹשִׁ֣יעַ אֶת־יִשְׂרָאֵ֗ל תּוֹלָ֧ע בֶּן־פּוּאָ֛ה בֶּן־דּוֹד֖וֹ אִ֣ישׁ יִשָּׂשכָ֑ר וְהֽוּא־יֹשֵׁ֥ב בְּשָׁמִ֖יר בְּהַ֥ר אֶפְרָֽיִם׃

‎2 ‏וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וְשָׁלֹ֖שׁ שָׁנָ֑ה וַיָּ֖מָת וַיִּקָּבֵ֥ר בְּשָׁמִֽיר׃ פ

‎3 ‏וַיָּ֣קָם אַחֲרָ֔יו יָאִ֖יר הַגִּלְעָדִ֑י וַיִּשְׁפֹּט֙ אֶת־יִשְׂרָאֵ֔ל עֶשְׂרִ֥ים וּשְׁתַּ֖יִם שָׁנָֽה׃

‎4 ‏וַֽיְהִי־ל֞וֹ שְׁלֹשִׁ֣ים בָּנִ֗ים רֹֽכְבִים֙ עַל־שְׁלֹשִׁ֣ים עֲיָרִ֔ים וּשְׁלֹשִׁ֥ים עֲיָרִ֖ים לָהֶ֑ם לָהֶ֞ם יִקְרְא֣וּ׀ חַוֹּ֣ת יָאִ֗יר עַ֚ד הַיּ֣וֹם הַזֶּ֔ה אֲשֶׁ֖ר בְּאֶ֥רֶץ הַגִּלְעָֽד׃

‎5 ‏וַיָּ֣מָת יָאִ֔יר וַיִּקָּבֵ֖ר בְּקָמֽוֹן׃ פ

‎6 ‏וַיֹּסִ֣פוּ׀ בְּנֵ֣י יִשְׂרָאֵ֗ל לַעֲשׂ֣וֹת הָרַע֮ בְּעֵינֵ֣י יְהוָה֒ וַיַּעַבְד֣וּ אֶת־הַבְּעָלִ֣ים וְאֶת־הָעַשְׁתָּר֡וֹת וְאֶת־אֱלֹהֵ֣י אֲרָם֩ וְאֶת־אֱלֹהֵ֨י צִיד֜וֹן וְאֵ֣ת׀ אֱלֹהֵ֣י מוֹאָ֗ב וְאֵת֙ אֱלֹהֵ֣י בְנֵי־עַמּ֔וֹן וְאֵ֖ת אֱלֹהֵ֣י פְלִשְׁתִּ֑ים וַיַּעַזְב֥וּ אֶת־יְהוָ֖ה וְלֹ֥א עֲבָדֽוּהוּ׃

‎7 ‏וַיִּֽחַר־אַ֥ף יְהוָ֖ה בְּיִשְׂרָאֵ֑ל וַֽיִּמְכְּרֵם֙ בְּיַד־פְּלִשְׁתִּ֔ים וּבְיַ֖ד בְּנֵ֥י עַמּֽוֹן׃

‎8 ‏וַֽיִּרְעֲצ֤וּ וַיְרֹֽצְצוּ֙ אֶת־בְּנֵ֣י יִשְׂרָאֵ֔ל בַּשָּׁנָ֖ה הַהִ֑יא שְׁמֹנֶ֨ה עֶשְׂרֵ֜ה שָׁנָ֗ה אֶֽת־כָּל־בְּנֵ֤י יִשְׂרָאֵל֙ אֲשֶׁר֙ בְּעֵ֣בֶר הַיַּרְדֵּ֔ן בְּאֶ֥רֶץ הָאֱמֹרִ֖י אֲשֶׁ֥ר בַּגִּלְעָֽד׃

‎9 ‏וַיַּעַבְר֤וּ בְנֵֽי־עַמּוֹן֙ אֶת־הַיַּרְדֵּ֔ן לְהִלָּחֵ֛ם גַּם־בִּיהוּדָ֥ה וּבְבִנְיָמִ֖ין וּבְבֵ֣ית אֶפְרָ֑יִם וַתֵּ֥צֶר לְיִשְׂרָאֵ֖ל מְאֹֽד׃

‎10 ‏וַֽיִּזְעֲקוּ֙ בְּנֵ֣י יִשְׂרָאֵ֔ל אֶל־יְהוָ֖ה לֵאמֹ֑ר חָטָ֣אנוּ לָ֔ךְ וְכִ֤י עָזַ֙בְנוּ֙ אֶת־אֱלֹהֵ֔ינוּ וַֽנַּעֲבֹ֖ד אֶת־הַבְּעָלִֽים׃ פ

‎11 ‏וַ֥יֹּאמֶר יְהוָ֖ה אֶל־בְּנֵ֣י יִשְׂרָאֵ֑ל הֲלֹ֤א מִמִּצְרַ֙יִם֙ וּמִן־הָ֣אֱמֹרִ֔י וּמִן־בְּנֵ֥י עַמּ֖וֹן וּמִן־פְּלִשְׁתִּֽים׃

‎12 ‏וְצִידוֹנִ֤ים וַֽעֲמָלֵק֙ וּמָע֔וֹן לָחֲצ֖וּ אֶתְכֶ֑ם וַתִּצְעֲק֣וּ אֵלַ֔י וָאוֹשִׁ֥יעָה אֶתְכֶ֖ם מִיָּדָֽם׃

‎13 ‏וְאַתֶּם֙ עֲזַבְתֶּ֣ם אוֹתִ֔י וַתַּעַבְד֖וּ אֱלֹהִ֣ים אֲחֵרִ֑ים לָכֵ֥ן לֹֽא־אוֹסִ֖יף לְהוֹשִׁ֥יעַ אֶתְכֶֽם׃

‎14 ‏לְכ֗וּ וְזַֽעֲקוּ֙ אֶל־הָ֣אֱלֹהִ֔ים אֲשֶׁ֥ר בְּחַרְתֶּ֖ם בָּ֑ם הֵ֛מָּה יוֹשִׁ֥יעוּ לָכֶ֖ם בְּעֵ֥ת צָרַתְכֶֽם׃

‎15 ‏וַיֹּאמְר֨וּ בְנֵי־יִשְׂרָאֵ֤ל אֶל־יְהוָה֙ חָטָ֔אנוּ עֲשֵׂה־אַתָּ֣ה לָ֔נוּ כְּכָל־הַטּ֖וֹב בְּעֵינֶ֑יךָ אַ֛ךְ הַצִּילֵ֥נוּ נָ֖א הַיּ֥וֹם הַזֶּֽה׃

‎16 ‏וַיָּסִ֜ירוּ אֶת־אֱלֹהֵ֤י הַנֵּכָר֙ מִקִּרְבָּ֔ם וַיַּעַבְד֖וּ אֶת־יְהוָ֑ה וַתִּקְצַ֥ר נַפְשׁ֖וֹ בַּעֲמַ֥ל יִשְׂרָאֵֽל׃ פ

‎17 ‏וַיִּצָּֽעֲקוּ֙ בְּנֵ֣י עַמּ֔וֹן וַֽיַּחֲנ֖וּ בַּגִּלְעָ֑ד וַיֵּאָֽסְפוּ֙ בְּנֵ֣י יִשְׂרָאֵ֔ל וַֽיַּחֲנ֖וּ בַּמִּצְפָּֽה׃

‎18 ‏וַיֹּאמְר֨וּ הָעָ֜ם שָׂרֵ֤י גִלְעָד֙ אִ֣ישׁ אֶל־רֵעֵ֔הוּ מִ֣י הָאִ֔ישׁ אֲשֶׁ֣ר יָחֵ֔ל לְהִלָּחֵ֖ם בִּבְנֵ֣י עַמּ֑וֹן יִֽהְיֶ֣ה לְרֹ֔אשׁ לְכֹ֖ל יֹשְׁבֵ֥י גִלְעָֽד׃ פ

1 wayyāqām ’^aḥărê ’ăḇîmeleḵə ləhwōšî‘a ’eṯ-yiśərā’ēl twōlā‘ ben-pû’â ben-dwōḏwō ’îš yiśśāsḵār wəhû’-yōšēḇ bəšāmîr bəhar ’efərāyim:

2 wayyišəpōṭ ’eṯ-yiśərā’ēl ‘eśərîm wəšālōš šānâ wayyāmāṯ wayyiqqāḇēr bəšāmîr: f

3 wayyāqām ’^aḥărāyw yā’îr hagilə‘āḏî wayyišəpōṭ ’eṯ-yiśərā’ēl ‘eśərîm ûšətayim šānâ:

4 wayəhî-lwō šəlōšîm bānîm rōḵəḇîm ‘al-šəlōšîm ‘ăyārîm ûšəlōšîm ‘ăyārîm lâem lâem yiqərə’û| ḥaûōṯ yā’îr ‘aḏ hayywōm hazzeh ’ăšer bə’ereṣ hagilə‘āḏ:

5 wayyāmāṯ yā’îr wayyiqqāḇēr bəqāmwōn: f

6 wayyōsifû| bənê yiśərā’ēl l^a‘ăśwōṯ hār^a‘ bə‘ênê yəhwâ wayy^a‘aḇəḏû ’eṯ-habə‘ālîm wə’eṯ-hā‘ašətārwōṯ wə’eṯ-’ĕlōhê ’ărām wə’eṯ-’ĕlōhê ṣîḏwōn wə’ēṯ| ’ĕlōhê mwō’āḇ wə’ēṯ ’ĕlōhê ḇənê-‘ammwōn wə’ēṯ ’ĕlōhê fəlišətîm wayy^a‘azəḇû ’eṯ-yəhwâ wəlō’ ‘ăḇāḏûhû:

7 wayyiḥar-’af yəhwâ bəyiśərā’ēl wayyiməkərēm bəyaḏ-pəlišətîm ûḇəyaḏ bənê ‘ammwōn:

8 wayyirə‘ăṣû wayərōṣəṣû ’eṯ-bənê yiśərā’ēl baššānâ hahî’ šəmōneh ‘eśərēh šānâ ’eṯ-kāl-bənê yiśərā’ēl ’ăšer bə‘ēḇer hayyarədēn bə’ereṣ hā’ĕmōrî ’ăšer bagilə‘āḏ:

9 wayy^a‘aḇərû ḇənê-‘ammwōn ’eṯ-hayyarədēn ləhillāḥēm gam-bîhûḏâ ûḇəḇinəyāmîn ûḇəḇêṯ ’efərāyim watēṣer ləyiśərā’ēl mə’ōḏ:

10 wayyizə‘ăqû bənê yiśərā’ēl ’el-yəhwâ lē’mōr ḥāṭā’nû lāḵə wəḵî ‘āzaḇənû ’eṯ-’ĕlōhênû wann^a‘ăḇōḏ ’eṯ-habə‘ālîm: f

11 wayyō’mer yəhwâ ’el-bənê yiśərā’ēl hălō’ mimmiṣərayim ûmin-hā’ĕmōrî ûmin-bənê ‘ammwōn ûmin-pəlišətîm:

12 wəṣîḏwōnîm w^a‘ămālēq ûmā‘wōn lāḥăṣû ’eṯəḵem watiṣə‘ăqû ’ēlay wā’wōšî‘â ’eṯəḵem mîyāḏām:

13 wə’atem ‘ăzaḇətem ’wōṯî wat^a‘aḇəḏû ’ĕlōhîm ’ăḥērîm lāḵēn lō’-’wōsîf ləhwōšî‘a ’eṯəḵem:

14 ləḵû wəz^a‘ăqû ’el-hā’ĕlōhîm ’ăšer bəḥarətem bām hēmmâ ywōšî‘û lāḵem bə‘ēṯ ṣāraṯəḵem:

15 wayyō’mərû ḇənê-yiśərā’ēl ’el-yəhwâ ḥāṭā’nû ‘ăśēh-’atâ lānû kəḵāl-haṭṭwōḇ bə‘êneyḵā ’aḵə haṣṣîlēnû nā’ hayywōm hazzeh:

16 wayyāsîrû ’eṯ-’ĕlōhê hannēḵār miqqirəbām wayy^a‘aḇəḏû ’eṯ-yəhwâ watiqəṣar nafəšwō b^a‘ămal yiśərā’ēl: f

17 wayyiṣṣā‘ăqû bənê ‘ammwōn wayy^aḥănû bagilə‘āḏ wayyē’āsəfû bənê yiśərā’ēl wayy^aḥănû bammiṣəpâ:

18 wayyō’mərû hā‘ām śārê ḡilə‘āḏ ’îš ’el-rē‘ēhû mî hā’îš ’ăšer yāḥēl ləhillāḥēm biḇənê ‘ammwōn yihəyeh lərō’š ləḵōl yōšəḇê ḡilə‘āḏ: f