Joel (Yoel) Chapter 4

‎1 ‏כִּ֗י הִנֵּ֛ה בַּיָּמִ֥ים הָהֵ֖מָּה וּבָעֵ֣ת הַהִ֑יא אֲשֶׁ֥ר אשוב אָשִׁ֛יב אֶת־שְׁב֥וּת יְהוּדָ֖ה וִירוּשָׁלִָֽם׃

‎2 ‏וְקִבַּצְתִּי֙ אֶת־כָּל־הַגּוֹיִ֔ם וְה֣וֹרַדְתִּ֔ים אֶל־עֵ֖מֶק יְהֽוֹשָׁפָ֑ט וְנִשְׁפַּטְתִּ֨י עִמָּ֜ם שָׁ֗ם עַל־עַמִּ֨י וְנַחֲלָתִ֤י יִשְׂרָאֵל֙ אֲשֶׁ֣ר פִּזְּר֣וּ בַגּוֹיִ֔ם וְאֶת־אַרְצִ֖י חִלֵּֽקוּ׃

‎3 ‏וְאֶל־עַמִּ֖י יַדּ֣וּ גוֹרָ֑ל וַיִּתְּנ֤וּ הַיֶּ֙לֶד֙ בַּזּוֹנָ֔ה וְהַיַּלְדָּ֛ה מָכְר֥וּ בַיַּ֖יִן וַיִּשְׁתּֽוּ׃

‎4 ‏וְ֠גַם מָה־אַתֶּ֥ם לִי֙ צֹ֣ר וְצִיד֔וֹן וְכֹ֖ל גְּלִיל֣וֹת פְּלָ֑שֶׁת הַגְּמ֗וּל אַתֶּם֙ מְשַׁלְּמִ֣ים עָלָ֔י וְאִם־גֹּמְלִ֤ים אַתֶּם֙ עָלַ֔י קַ֣ל מְהֵרָ֔ה אָשִׁ֥יב גְּמֻלְכֶ֖ם בְּרֹאשְׁכֶֽם׃

‎5 ‏אֲשֶׁר־כַּסְפִּ֥י וּזְהָבִ֖י לְקַחְתֶּ֑ם וּמַֽחֲמַדַּי֙ הַטֹּבִ֔ים הֲבֵאתֶ֖ם לְהֵיכְלֵיכֶֽם׃

‎6 ‏וּבְנֵ֤י יְהוּדָה֙ וּבְנֵ֣י יְרוּשָׁלִַ֔ם מְכַרְתֶּ֖ם לִבְנֵ֣י הַיְּוָנִ֑ים לְמַ֥עַן הַרְחִיקָ֖ם מֵעַ֥ל גְּבוּלָֽם׃

‎7 ‏הִנְנִ֣י מְעִירָ֔ם מִן־הַ֨מָּק֔וֹם אֲשֶׁר־מְכַרְתֶּ֥ם אֹתָ֖ם שָׁ֑מָּה וַהֲשִׁבֹתִ֥י גְמֻלְכֶ֖ם בְּרֹאשְׁכֶֽם׃

‎8 ‏וּמָכַרְתִּ֞י אֶת־בְּנֵיכֶ֣ם וְאֶת־בְּנֽוֹתֵיכֶ֗ם בְּיַד֙ בְּנֵ֣י יְהוּדָ֔ה וּמְכָר֥וּם לִשְׁבָאיִ֖ם אֶל־גּ֣וֹי רָח֑וֹק כִּ֥י יְהוָ֖ה דִּבֵּֽר׃ ס

‎9 ‏קִרְאוּ־זֹאת֙ בַּגּוֹיִ֔ם קַדְּשׁ֖וּ מִלְחָמָ֑ה הָעִ֙ירוּ֙ הַגִּבּוֹרִ֔ים יִגְּשׁ֣וּ יַֽעֲל֔וּ כֹּ֖ל אַנְשֵׁ֥י הַמִּלְחָמָֽה׃

‎10 ‏כֹּ֤תּוּ אִתֵּיכֶם֙ לַֽחֲרָב֔וֹת וּמַזְמְרֹֽתֵיכֶ֖ם לִרְמָחִ֑ים הַֽחַלָּ֔שׁ יֹאמַ֖ר גִּבּ֥וֹר אָֽנִי׃

‎11 ‏ע֣וּשׁוּ וָבֹ֧אוּ כָֽל־הַגּוֹיִ֛ם מִסָּבִ֖יב וְנִקְבָּ֑צוּ שָׁ֕מָּה הַֽנְחַ֥ת יְהוָ֖ה גִּבּוֹרֶֽיךָ׃

‎12 ‏יֵע֙וֹרוּ֙ וְיַעֲל֣וּ הַגּוֹיִ֔ם אֶל־עֵ֖מֶק יְהֽוֹשָׁפָ֑ט כִּ֣י שָׁ֗ם אֵשֵׁ֛ב לִשְׁפֹּ֥ט אֶת־כָּל־הַגּוֹיִ֖ם מִסָּבִֽיב׃

‎13 ‏שִׁלְח֣וּ מַגָּ֔ל כִּ֥י בָשַׁ֖ל קָצִ֑יר בֹּ֤אֽוּ רְדוּ֙ כִּֽי־מָ֣לְאָה גַּ֔ת הֵשִׁ֙יקוּ֙ הַיְקָבִ֔ים כִּ֥י רַבָּ֖ה רָעָתָֽם׃

‎14 ‏הֲמוֹנִ֣ים הֲמוֹנִ֔ים בְּעֵ֖מֶק הֶֽחָר֑וּץ כִּ֤י קָרוֹב֙ י֣וֹם יְהוָ֔ה בְּעֵ֖מֶק הֶחָרֽוּץ׃

‎15 ‏שֶׁ֥מֶשׁ וְיָרֵ֖חַ קָדָ֑רוּ וְכוֹכָבִ֖ים אָסְפ֥וּ נָגְהָֽם׃

‎16 ‏וַיהוָ֞ה מִצִּיּ֣וֹן יִשְׁאָ֗ג וּמִירוּשָׁלִַ֙ם֙ יִתֵּ֣ן קוֹל֔וֹ וְרָעֲשׁ֖וּ שָׁמַ֣יִם וָאָ֑רֶץ וַֽיהוָה֙ מַֽחֲסֶ֣ה לְעַמּ֔וֹ וּמָע֖וֹז לִבְנֵ֥י יִשְׂרָאֵֽל׃

‎17 ‏וִֽידַעְתֶּ֗ם כִּ֣י אֲנִ֤י יְהוָה֙ אֱלֹ֣הֵיכֶ֔ם שֹׁכֵ֖ן בְּצִיּ֣וֹן הַר־קָדְשִׁ֑י וְהָיְתָ֤ה יְרוּשָׁלִַ֙ם֙ קֹ֔דֶשׁ וְזָרִ֥ים לֹא־יַֽעַבְרוּ־בָ֖הּ עֽוֹד׃ ס

‎18 ‏וְהָיָה֩ בַיּ֨וֹם הַה֜וּא יִטְּפ֧וּ הֶהָרִ֣ים עָסִ֗יס וְהַגְּבָעוֹת֙ תֵּלַ֣כְנָה חָלָ֔ב וְכָל־אֲפִיקֵ֥י יְהוּדָ֖ה יֵ֣לְכוּ מָ֑יִם וּמַעְיָ֗ן מִבֵּ֤ית יְהוָה֙ יֵצֵ֔א וְהִשְׁקָ֖ה אֶת־נַ֥חַל הַשִּׁטִּֽים׃

‎19 ‏מִצְרַ֙יִם֙ לִשְׁמָמָ֣ה תִֽהְיֶ֔ה וֶאֱד֕וֹם לְמִדְבַּ֥ר שְׁמָמָ֖ה תִּֽהְיֶ֑ה מֵֽחֲמַס֙ בְּנֵ֣י יְהוּדָ֔ה אֲשֶׁר־שָׁפְכ֥וּ דָם־נָקִ֖יא בְּאַרְצָֽם׃

‎20 ‏וִיהוּדָ֖ה לְעוֹלָ֣ם תֵּשֵׁ֑ב וִירוּשָׁלִַ֖ם לְד֥וֹר וָדֽוֹר׃

‎21 ‏וְנִקֵּ֖יתִי דָּמָ֣ם לֹֽא־נִקֵּ֑יתִי וַֽיהוָ֖ה שֹׁכֵ֥ן בְּצִיּֽוֹן׃

1 kî hinnēh bayyāmîm hâēmmâ ûḇā‘ēṯ hahî’ ’ăšer ’āšûḇ ’āšîḇ ’eṯ-šəḇûṯ yəhûḏâ wîrûšālāim:

2 wəqibaṣətî ’eṯ-kāl-hagwōyim wəhwōraḏətîm ’el-‘ēmeq yəhwōšāfāṭ wənišəpaṭətî ‘immām šām ‘al-‘ammî wən^aḥălāṯî yiśərā’ēl ’ăšer pizzərû ḇagwōyim wə’eṯ-’arəṣî ḥillēqû:

3 wə’el-‘ammî yadû ḡwōrāl wayyitənû hayyeleḏ bazzwōnâ wəhayyalədâ māḵərû ḇayyayin wayyišətû:

4 wəḡam mâ-’atem lî ṣōr wəṣîḏwōn wəḵōl gəlîlwōṯ pəlāšeṯ hagəmûl ’atem məšalləmîm ‘ālāy wə’im-gōməlîm ’atem ‘ālay qal məhērâ ’āšîḇ gəmuləḵem bərō’šəḵem:

5 ’ăšer-kasəpî ûzəhāḇî ləq^aḥətem ûm^aḥămaday haṭṭōḇîm hăḇē’ṯem ləhêḵəlêḵem:

6 ûḇənê yəhûḏâ ûḇənê yərûšālaim məḵarətem liḇənê hayyəwānîm ləm^a‘an harəḥîqām mē‘al gəḇûlām:

7 hinənî mə‘îrām min-hammāqwōm ’ăšer-məḵarətem ’ōṯām šāmmâ wahăšiḇōṯî ḡəmuləḵem bərō’šəḵem:

8 ûmāḵarətî ’eṯ-bənêḵem wə’eṯ-bənwōṯêḵem bəyaḏ bənê yəhûḏâ ûməḵārûm lišəḇā’yim ’el-gwōy rāḥwōq kî yəhwâ dibēr: s

9 qirə’û-zō’ṯ bagwōyim qadəšû miləḥāmâ hā‘îrû hagibwōrîm yigəšû y^a‘ălû kōl ’anəšê hammiləḥāmâ:

10 kōtû ’itêḵem l^aḥărāḇwōṯ ûmazəmərōṯêḵem lirəmāḥîm h^aḥallāš yō’mar gibwōr ’ānî:

11 ‘ûšû wāḇō’û ḵāl-hagwōyim missāḇîḇ wəniqəbāṣû šāmmâ hanəḥaṯ yəhwâ gibwōreyḵā:

12 yē‘wōrû wəy^a‘ălû hagwōyim ’el-‘ēmeq yəhwōšāfāṭ kî šām ’ēšēḇ lišəpōṭ ’eṯ-kāl-hagwōyim missāḇîḇ:

13 šiləḥû magāl kî ḇāšal qāṣîr bō’û rəḏû kî-mālə’â gaṯ hēšîqû hayəqāḇîm kî rabâ rā‘āṯām:

14 hămwōnîm hămwōnîm bə‘ēmeq heḥārûṣ kî qārwōḇ ywōm yəhwâ bə‘ēmeq heḥārûṣ:

15 šemeš wəyārēḥa qāḏārû wəḵwōḵāḇîm ’āsəfû nāḡəhām:

16 wayhwâ miṣṣîywōn yišə’āḡ ûmîrûšālaim yitēn qwōlwō wərā‘ăšû šāmayim wā’āreṣ wayhwâ m^aḥăseh lə‘ammwō ûmā‘wōz liḇənê yiśərā’ēl:

17 wîḏ^a‘ətem kî ’ănî yəhwâ ’ĕlōhêḵem šōḵēn bəṣîywōn har-qāḏəšî wəhāyəṯâ yərûšālaim qōḏeš wəzārîm lō’-y^a‘aḇərû-ḇāh ‘wōḏ: s

18 wəhāyâ ḇayywōm hahû’ yiṭṭəfû hehārîm ‘āsîs wəhagəḇā‘wōṯ tēlaḵənâ ḥālāḇ wəḵāl-’ăfîqê yəhûḏâ yēləḵû māyim ûm^a‘əyān mibêṯ yəhwâ yēṣē’ wəhišəqâ ’eṯ-n^aḥal haššiṭṭîm:

19 miṣərayim lišəmāmâ ṯihəyeh we’ĕḏwōm ləmiḏəbar šəmāmâ tihəyeh mēḥămas bənê yəhûḏâ ’ăšer-šāfəḵû ḏām-nāqî’ bə’arəṣām:

20 wîhûḏâ lə‘wōlām tēšēḇ wîrûšālaim ləḏwōr wāḏwōr:

21 wəniqqêṯî dāmām lō’-niqqêṯî wayhwâ šōḵēn bəṣîywōn: