Jonah (Yonah) Chapter 3

‎1 ‏וַיְהִ֧י דְבַר־יְהוָ֛ה אֶל־יוֹנָ֖ה שֵׁנִ֥ית לֵאמֹֽר׃

‎2 ‏ק֛וּם לֵ֥ךְ אֶל־נִֽינְוֵ֖ה הָעִ֣יר הַגְּדוֹלָ֑ה וִּקְרָ֤א אֵלֶ֙יהָ֙ אֶת־הַקְּרִיאָ֔ה אֲשֶׁ֥ר אָנֹכִ֖י דֹּבֵ֥ר אֵלֶֽיךָ׃

‎3 ‏וַיָּ֣קָם יוֹנָ֗ה וַיֵּ֛לֶךְ אֶל־נִֽינְוֶ֖ה¹ כִּדְבַ֣ר יְהוָ֑ה וְנִֽינְוֵ֗ה הָיְתָ֤ה עִיר־גְּדוֹלָה֙ לֵֽאלֹהִ֔ים מַהֲלַ֖ךְ שְׁלֹ֥שֶׁת יָמִֽים׃

‎4 ‏וַיָּ֤חֶל יוֹנָה֙ לָב֣וֹא בָעִ֔יר מַהֲלַ֖ךְ י֣וֹם אֶחָ֑ד וַיִּקְרָא֙ וַיֹּאמַ֔ר ע֚וֹד אַרְבָּעִ֣ים י֔וֹם וְנִֽינְוֵ֖ה נֶהְפָּֽכֶת׃

‎5 ‏וַֽיַּאֲמִ֛ינוּ אַנְשֵׁ֥י נִֽינְוֵ֖ה בֵּֽאלֹהִ֑ים וַיִּקְרְאוּ־צוֹם֙ וַיִּלְבְּשׁ֣וּ שַׂקִּ֔ים מִגְּדוֹלָ֖ם וְעַד־קְטַנָּֽם׃

‎6 ‏וַיִּגַּ֤ע הַדָּבָר֙ אֶל־מֶ֣לֶך¹ נִֽינְוֵ֔ה וַיָּ֙קָם֙ מִכִּסְא֔וֹ וַיַּעֲבֵ֥ר אַדַּרְתּ֖וֹ מֵֽעָלָ֑יו וַיְכַ֣ס שַׂ֔ק וַיֵּ֖שֶׁב עַל־הָאֵֽפֶר׃

‎7 ‏וַיַּזְעֵ֗ק וַיֹּ֙אמֶר֙ בְּנִֽינְוֵ֔ה מִטַּ֧עַם הַמֶּ֛לֶךְ וּגְדֹלָ֖יו לֵאמֹ֑ר הָאָדָ֨ם וְהַבְּהֵמָ֜ה הַבָּקָ֣ר וְהַצֹּ֗אן אַֽל־יִטְעֲמוּ֙ מְא֔וּמָה אַ֨ל־יִרְע֔וּ³ וּמַ֖יִם אַל־יִשְׁתּֽוּ׃

‎8 ‏וְיִתְכַּסּ֣וּ שַׂקִּ֗ים הָֽאָדָם֙ וְהַבְּהֵמָ֔ה וְיִקְרְא֥וּ אֶל־אֱלֹהִ֖ים בְּחָזְקָ֑ה וְיָשֻׁ֗בוּ אִ֚ישׁ מִדַּרְכּ֣וֹ הָֽרָעָ֔ה וּמִן־הֶחָמָ֖ס אֲשֶׁ֥ר בְּכַפֵּיהֶֽם׃

‎9 ‏מִֽי־יוֹדֵ֣עַ יָשׁ֔וּב וְנִחַ֖ם הָאֱלֹהִ֑ים וְשָׁ֛ב מֵחֲר֥וֹן אַפּ֖וֹ וְלֹ֥א נֹאבֵֽד׃

‎10 ‏וַיַּ֤רְא הָֽאֱלֹהִים֙ אֶֽת־מַ֣עֲשֵׂיהֶ֔ם כִּי־שָׁ֖בוּ מִדַּרְכָּ֣ם הָרָעָ֑ה וַיִּנָּ֣חֶם הָאֱלֹהִ֗ים עַל־הָרָעָ֛ה אֲשֶׁר־דִּבֶּ֥ר לַעֲשׂוֹת־לָהֶ֖ם וְלֹ֥א עָשָֽׂה׃

1 wayəhî ḏəḇar-yəhwâ ’el-ywōnâ šēnîṯ lē’mōr:

2 qûm lēḵə ’el-nînəwēh hā‘îr hagəḏwōlâ ûiqərā’ ’ēleyhā ’eṯ-haqqərî’â ’ăšer ’ānōḵî dōḇēr ’ēleyḵā:

3 wayyāqām ywōnâ wayyēleḵə ’el-nînəweh¹ kiḏəḇar yəhwâ wənînəwēh hāyəṯâ ‘îr-gəḏwōlâ lē’lōhîm mahălaḵə šəlōšeṯ yāmîm:

4 wayyāḥel ywōnâ lāḇwō’ ḇā‘îr mahălaḵə ywōm ’eḥāḏ wayyiqərā’ wayyō’mar ‘wōḏ ’arəbā‘îm ywōm wənînəwēh nehəpāḵeṯ:

5 wayya’ămînû ’anəšê nînəwēh bē’lōhîm wayyiqərə’û-ṣwōm wayyiləbəšû śaqqîm migəḏwōlām wə‘aḏ-qəṭannām:

6 wayyig^a‘ hadāḇār ’el-meleḵ¹ nînəwēh wayyāqām mikisə’wō wayy^a‘ăḇēr ’adarətwō mē‘ālāyw wayəḵas śaq wayyēšeḇ ‘al-hā’ēfer:

7 wayyazə‘ēq wayyō’mer bənînəwēh miṭṭ^a‘am hammeleḵə ûḡəḏōlāyw lē’mōr hā’āḏām wəhabəhēmâ habāqār wəhaṣṣō’n ’al-yiṭə‘ămû mə’ûmâ ’al-yirə‘û³ ûmayim ’al-yišətû:

8 wəyiṯəkassû śaqqîm hā’āḏām wəhabəhēmâ wəyiqərə’û ’el-’ĕlōhîm bəḥāzəqâ wəyāšuḇû ’îš midarəkwō hārā‘â ûmin-heḥāmās ’ăšer bəḵapêhem:

9 mî-ywōḏē‘a yāšûḇ wəniḥam hā’ĕlōhîm wəšāḇ mēḥărwōn ’apwō wəlō’ nō’ḇēḏ:

10 wayyarə’ hā’ĕlōhîm ’eṯ-m^a‘ăśêhem kî-šāḇû midarəkām hārā‘â wayyinnāḥem hā’ĕlōhîm ‘al-hārā‘â ’ăšer-diber l^a‘ăśwōṯ-lâem wəlō’ ‘āśâ: