Joshua (Yehoshua) Chapter 4

‎1 ‏וַיְהִי֙ כַּאֲשֶׁר־תַּ֣מּוּ כָל־הַגּ֔וֹי לַעֲב֖וֹר אֶת־הַיַּרְדֵּ֑ן פוַיֹּ֣אמֶר יְהוָ֔ה אֶל־יְהוֹשֻׁ֖עַ לֵאמֹֽר׃

‎2 ‏קְח֤וּ לָכֶם֙ מִן־הָעָ֔ם שְׁנֵ֥ים עָשָׂ֖ר אֲנָשִׁ֑ים אִישׁ־אֶחָ֥ד אִישׁ־אֶחָ֖ד מִשָּֽׁבֶט׃

‎3 ‏וְצַוּ֣וּ אוֹתָם֮ לֵאמֹר֒ שְׂאֽוּ־לָכֶ֨ם מִזֶּ֜ה מִתּ֣וֹךְ הַיַּרְדֵּ֗ן מִמַּצַּב֙ רַגְלֵ֣י הַכֹּהֲנִ֔ים הָכִ֖ין שְׁתֵּים־עֶשְׂרֵ֣ה אֲבָנִ֑ים וְהַעֲבַרְתֶּ֤ם אוֹתָם֙ עִמָּכֶ֔ם וְהִנַּחְתֶּ֣ם אוֹתָ֔ם בַּמָּל֕וֹן אֲשֶׁר־תָּלִ֥ינוּ ב֖וֹ הַלָּֽיְלָה׃ ס

‎4 ‏וַיִּקְרָ֣א יְהוֹשֻׁ֗עַ אֶל־שְׁנֵ֤ים הֶֽעָשָׂר֙ אִ֔ישׁ אֲשֶׁ֥ר הֵכִ֖ין מִבְּנֵ֣י יִשְׂרָאֵ֑ל אִישׁ־אֶחָ֥ד אִישׁ־אֶחָ֖ד מִשָּֽׁבֶט׃

‎5 ‏וַיֹּ֤אמֶר לָהֶם֙ יְהוֹשֻׁ֔עַ עִ֠בְרוּ לִפְנֵ֨י אֲר֧וֹן יְהוָ֛ה אֱלֹֽהֵיכֶ֖ם אֶל־תּ֣וֹךְ הַיַּרְדֵּ֑ן וְהָרִ֨ימוּ לָכֶ֜ם אִ֣ישׁ אֶ֤בֶן אַחַת֙ עַל־שִׁכְמ֔וֹ לְמִסְפַּ֖ר שִׁבְטֵ֥י בְנֵי־יִשְׂרָאֵֽל׃

‎6 ‏לְמַ֗עַן תִּֽהְיֶ֛ה זֹ֥את א֖וֹת בְּקִרְבְּכֶ֑ם כִּֽי־יִשְׁאָל֨וּן בְּנֵיכֶ֤ם מָחָר֙ לֵאמֹ֔ר מָ֛ה הָאֲבָנִ֥ים הָאֵ֖לֶּה לָכֶֽם׃

‎7 ‏וַאֲמַרְתֶּ֣ם לָהֶ֗ם אֲשֶׁ֨ר נִכְרְת֜וּ מֵימֵ֤י הַיַּרְדֵּן֙ מִפְּנֵי֙ אֲר֣וֹן בְּרִית־יְהוָ֔ה בְּעָבְרוֹ֙ בַּיַּרְדֵּ֔ן נִכְרְת֖וּ מֵ֣י הַיַּרְדֵּ֑ן וְ֠הָיוּ הָאֲבָנִ֨ים הָאֵ֧לֶּה לְזִכָּר֛וֹן לִבְנֵ֥י יִשְׂרָאֵ֖ל עַד־עוֹלָֽם׃

‎8 ‏וַיַּעֲשׂוּ־כֵ֣ן בְּנֵי־יִשְׂרָאֵל֮³ כַּאֲשֶׁ֣ר צִוָּ֣ה יְהוֹשֻׁעַ֒ וַיִּשְׂא֡וּ שְׁתֵּֽי־עֶשְׂרֵ֨ה אֲבָנִ֜ים מִתּ֣וֹךְ הַיַּרְדֵּ֗ן כַּאֲשֶׁ֨ר דִּבֶּ֤ר יְהוָה֙ אֶל־יְהוֹשֻׁ֔עַ לְמִסְפַּ֖ר שִׁבְטֵ֣י בְנֵֽי־יִשְׂרָאֵ֑ל וַיַּעֲבִר֤וּם עִמָּם֙ אֶל־הַמָּל֔וֹן וַיַּנִּח֖וּם שָֽׁם׃

‎9 ‏וּשְׁתֵּ֧ים עֶשְׂרֵ֣ה אֲבָנִ֗ים הֵקִ֣ים יְהוֹשֻׁעַ֮ בְּת֣וֹךְ הַיַּרְדֵּן֒ תַּ֗חַת מַצַּב֙ רַגְלֵ֣י הַכֹּהֲנִ֔ים נֹשְׂאֵ֖י אֲר֣וֹן הַבְּרִ֑ית וַיִּ֣הְיוּ שָׁ֔ם עַ֖ד הַיּ֥וֹם הַזֶּֽה׃

‎10 ‏וְהַכֹּהֲנִ֞ים נֹשְׂאֵ֣י הָאָר֗וֹן עֹמְדִים֮ בְּת֣וֹךְ הַיַּרְדֵּן֒ עַ֣ד תֹּ֣ם כָּֽל־הַ֠דָּבָר אֲשֶׁר־צִוָּ֨ה יְהוָ֤ה אֶת־יְהוֹשֻׁ֙עַ֙ לְדַבֵּ֣ר אֶל־הָעָ֔ם כְּכֹ֛ל אֲשֶׁר־צִוָּ֥ה מֹשֶׁ֖ה אֶת־יְהוֹשֻׁ֑עַ וַיְמַהֲר֥וּ הָעָ֖ם וַֽיַּעֲבֹֽרוּ׃

‎11 ‏וַיְהִ֛י כַּֽאֲשֶׁר־תַּ֥ם כָּל־הָעָ֖ם לַֽעֲב֑וֹר וַיַּעֲבֹ֧ר אֲרוֹן־יְהוָ֛ה וְהַכֹּהֲנִ֖ים לִפְנֵ֥י הָעָֽם׃

‎12 ‏וַ֠יַּעַבְרוּ בְּנֵי־רְאוּבֵ֨ן וּבְנֵי־גָ֜ד וַחֲצִ֨י שֵׁ֤בֶט הַֽמְנַשֶּׁה֙ חֲמֻשִׁ֔ים לִפְנֵ֖י בְּנֵ֣י יִשְׂרָאֵ֑ל כַּאֲשֶׁ֛ר דִּבֶּ֥ר אֲלֵיהֶ֖ם מֹשֶֽׁה׃

‎13 ‏כְּאַרְבָּעִ֥ים אֶ֖לֶף חֲלוּצֵ֣י הַצָּבָ֑א עָבְר֞וּ לִפְנֵ֤י יְהוָה֙ לַמִּלְחָמָ֔ה אֶ֖ל עַֽרְב֥וֹת יְרִיחֽוֹ׃ ס

‎14 ‏בַּיּ֣וֹם הַה֗וּא גִּדַּ֤ל יְהוָה֙ אֶת־יְהוֹשֻׁ֔עַ בְּעֵינֵ֖י כָּל־יִשְׂרָאֵ֑ל וַיִּֽרְא֣וּ אֹת֔וֹ כַּאֲשֶׁ֛ר יָרְא֥וּ אֶת־מֹשֶׁ֖ה כָּל־יְמֵ֥י חַיָּֽיו׃ פ

‎15 ‏וַיֹּ֣אמֶר יְהוָ֔ה אֶל־יְהוֹשֻׁ֖עַ לֵאמֹֽר׃

‎16 ‏צַוֵּה֙ אֶת־הַכֹּ֣הֲנִ֔ים נֹשְׂאֵ֖י אֲר֣וֹן הָעֵד֑וּת וְיַעֲל֖וּ מִן־הַיַּרְדֵּֽן׃

‎17 ‏וַיְצַ֣ו יְהוֹשֻׁ֔עַ אֶת־הַכֹּהֲנִ֖ים לֵאמֹ֑ר עֲל֖וּ מִן־הַיַּרְדֵּֽן׃

‎18 ‏וַ֠יְהִי בעלות כַּעֲל֨וֹת הַכֹּהֲנִ֜ים נֹשְׂאֵ֨י אֲר֤וֹן בְּרִית־יְהוָה֙ מִתּ֣וֹךְ הַיַּרְדֵּ֔ן נִתְּק֗וּ כַּפּוֹת֙ רַגְלֵ֣י הַכֹּהֲנִ֔ים אֶ֖ל הֶחָרָבָ֑ה וַיָּשֻׁ֤בוּ מֵֽי־הַיַּרְדֵּן֙ לִמְקוֹמָ֔ם וַיֵּלְכ֥וּ כִתְמוֹל־שִׁלְשׁ֖וֹם עַל־כָּל־גְּדוֹתָֽיו׃

‎19 ‏וְהָעָ֗ם עָלוּ֙ מִן־הַיַּרְדֵּ֔ן בֶּעָשׂ֖וֹר לַחֹ֣דֶשׁ הָרִאשׁ֑וֹן וַֽיַּחֲנוּ֙ בַּגִּלְגָּ֔ל בִּקְצֵ֖ה מִזְרַ֥ח יְרִיחֽוֹ׃

‎20 ‏וְאֵת֩ שְׁתֵּ֨ים עֶשְׂרֵ֤ה הָֽאֲבָנִים֙ הָאֵ֔לֶּה אֲשֶׁ֥ר לָקְח֖וּ מִן־הַיַּרְדֵּ֑ן הֵקִ֥ים יְהוֹשֻׁ֖עַ בַּגִּלְגָּֽל׃

‎21 ‏וַיֹּ֛אמֶר אֶל־בְּנֵ֥י יִשְׂרָאֵ֖ל לֵאמֹ֑ר אֲשֶׁר֩ יִשְׁאָל֨וּן בְּנֵיכֶ֤ם מָחָר֙ אֶת־אֲבוֹתָ֣ם לֵאמֹ֔ר מָ֖ה הָאֲבָנִ֥ים הָאֵֽלֶּה׃

‎22 ‏וְהוֹדַעְתֶּ֖ם אֶת־בְּנֵיכֶ֣ם לֵאמֹ֑ר בַּיַּבָּשָׁה֙ עָבַ֣ר יִשְׂרָאֵ֔ל אֶת־הַיַּרְדֵּ֖ן הַזֶּֽה׃

‎23 ‏אֲשֶׁר־הוֹבִישׁ֩ יְהוָ֨ה אֱלֹהֵיכֶ֜ם אֶת־מֵ֧י הַיַּרְדֵּ֛ן מִפְּנֵיכֶ֖ם עַֽד־עָבְרְכֶ֑ם כַּאֲשֶׁ֣ר עָשָׂה֩ יְהוָ֨ה אֱלֹהֵיכֶ֧ם לְיַם־ס֛וּף אֲשֶׁר־הוֹבִ֥ישׁ מִפָּנֵ֖ינוּ עַד־עָבְרֵֽנוּ׃

‎24 ‏לְ֠מַעַן דַּ֜עַת כָּל־עַמֵּ֤י הָאָ֙רֶץ֙ אֶת־יַ֣ד יְהוָ֔ה כִּ֥י חֲזָקָ֖ה הִ֑יא לְמַ֧עַן יְרָאתֶ֛ם אֶת־יְהוָ֥ה אֱלֹהֵיכֶ֖ם כָּל־הַיָּמִֽים׃ ס

1 wayəhî ka’ăšer-tammû ḵāl-hagwōy l^a‘ăḇwōr ’eṯ-hayyarədēn fwayyō’mer yəhwâ ’el-yəhwōšu‘a lē’mōr:

2 qəḥû lāḵem min-hā‘ām šənêm ‘āśār ’ănāšîm ’îš-’eḥāḏ ’îš-’eḥāḏ miššāḇeṭ:

3 wəṣaûû ’wōṯām lē’mōr śə’û-lāḵem mizzeh mitwōḵə hayyarədēn mimmaṣṣaḇ raḡəlê hakōhănîm hāḵîn šətêm-‘eśərēh ’ăḇānîm wəh^a‘ăḇarətem ’wōṯām ‘immāḵem wəhinn^aḥətem ’wōṯām bammālwōn ’ăšer-tālînû ḇwō hallāyəlâ: s

4 wayyiqərā’ yəhwōšu‘a ’el-šənêm he‘āśār ’îš ’ăšer hēḵîn mibənê yiśərā’ēl ’îš-’eḥāḏ ’îš-’eḥāḏ miššāḇeṭ:

5 wayyō’mer lâem yəhwōšu‘a ‘iḇərû lifənê ’ărwōn yəhwâ ’ĕlōhêḵem ’el-twōḵə hayyarədēn wəhārîmû lāḵem ’îš ’eḇen ’^aḥaṯ ‘al-šiḵəmwō ləmisəpar šiḇəṭê ḇənê-yiśərā’ēl:

6 ləm^a‘an tihəyeh zō’ṯ ’wōṯ bəqirəbəḵem kî-yišə’ālûn bənêḵem māḥār lē’mōr mâ hā’ăḇānîm hā’ēlleh lāḵem:

7 wa’ămarətem lâem ’ăšer niḵərəṯû mêmê hayyarədēn mipənê ’ărwōn bərîṯ-yəhwâ bə‘āḇərwō bayyarədēn niḵərəṯû mê hayyarədēn wəhāyû hā’ăḇānîm hā’ēlleh ləzikārwōn liḇənê yiśərā’ēl ‘aḏ-‘wōlām:

8 wayy^a‘ăśû-ḵēn bənê-yiśərā’ēl³ ka’ăšer ṣiûâ yəhwōšu‘a wayyiśə’û šətê-‘eśərēh ’ăḇānîm mitwōḵə hayyarədēn ka’ăšer diber yəhwâ ’el-yəhwōšu‘a ləmisəpar šiḇəṭê ḇənê-yiśərā’ēl wayy^a‘ăḇirûm ‘immām ’el-hammālwōn wayyanniḥûm šām:

9 ûšətêm ‘eśərēh ’ăḇānîm hēqîm yəhwōšu‘a bəṯwōḵə hayyarədēn t^aḥaṯ maṣṣaḇ raḡəlê hakōhănîm nōśə’ê ’ărwōn habərîṯ wayyihəyû šām ‘aḏ hayywōm hazzeh:

10 wəhakōhănîm nōśə’ê hā’ārwōn ‘ōməḏîm bəṯwōḵə hayyarədēn ‘aḏ tōm kāl-hadāḇār ’ăšer-ṣiûâ yəhwâ ’eṯ-yəhwōšu‘a ləḏabēr ’el-hā‘ām kəḵōl ’ăšer-ṣiûâ mōšeh ’eṯ-yəhwōšu‘a wayəmahărû hā‘ām wayy^a‘ăḇōrû:

11 wayəhî ka’ăšer-tam kāl-hā‘ām l^a‘ăḇwōr wayy^a‘ăḇōr ’ărwōn-yəhwâ wəhakōhănîm lifənê hā‘ām:

12 wayy^a‘aḇərû bənê-rə’ûḇēn ûḇənê-ḡāḏ w^aḥăṣî šēḇeṭ hamənaššeh ḥămušîm lifənê bənê yiśərā’ēl ka’ăšer diber ’ălêhem mōšeh:

13 kə’arəbā‘îm ’elef ḥălûṣê haṣṣāḇā’ ‘āḇərû lifənê yəhwâ lammiləḥāmâ ’el ‘arəḇwōṯ yərîḥwō: s

14 bayywōm hahû’ gidal yəhwâ ’eṯ-yəhwōšu‘a bə‘ênê kāl-yiśərā’ēl wayyirə’û ’ōṯwō ka’ăšer yārə’û ’eṯ-mōšeh kāl-yəmê ḥayyāyw: f

15 wayyō’mer yəhwâ ’el-yəhwōšu‘a lē’mōr:

16 ṣaûēh ’eṯ-hakōhănîm nōśə’ê ’ărwōn hā‘ēḏûṯ wəy^a‘ălû min-hayyarədēn:

17 wayəṣaw yəhwōšu‘a ’eṯ-hakōhănîm lē’mōr ‘ălû min-hayyarədēn:

18 wayəhî b^a‘ălwōṯ k^a‘ălwōṯ hakōhănîm nōśə’ê ’ărwōn bərîṯ-yəhwâ mitwōḵə hayyarədēn nitəqû kapwōṯ raḡəlê hakōhănîm ’el heḥārāḇâ wayyāšuḇû mê-hayyarədēn liməqwōmām wayyēləḵû ḵiṯəmwōl-šiləšwōm ‘al-kāl-gəḏwōṯāyw:

19 wəhā‘ām ‘ālû min-hayyarədēn be‘āśwōr l^aḥōḏeš hāri’šwōn wayy^aḥănû bagiləgāl biqəṣēh mizər^aḥ yərîḥwō:

20 wə’ēṯ šətêm ‘eśərēh hā’ăḇānîm hā’ēlleh ’ăšer lāqəḥû min-hayyarədēn hēqîm yəhwōšu‘a bagiləgāl:

21 wayyō’mer ’el-bənê yiśərā’ēl lē’mōr ’ăšer yišə’ālûn bənêḵem māḥār ’eṯ-’ăḇwōṯām lē’mōr mâ hā’ăḇānîm hā’ēlleh:

22 wəhwōḏ^a‘ətem ’eṯ-bənêḵem lē’mōr bayyabāšâ ‘āḇar yiśərā’ēl ’eṯ-hayyarədēn hazzeh:

23 ’ăšer-hwōḇîš yəhwâ ’ĕlōhêḵem ’eṯ-mê hayyarədēn mipənêḵem ‘aḏ-‘āḇərəḵem ka’ăšer ‘āśâ yəhwâ ’ĕlōhêḵem ləyam-sûf ’ăšer-hwōḇîš mipānênû ‘aḏ-‘āḇərēnû:

24 ləm^a‘an d^a‘aṯ kāl-‘ammê hā’āreṣ ’eṯ-yaḏ yəhwâ kî ḥăzāqâ hî’ ləm^a‘an yərā’ṯem ’eṯ-yəhwâ ’ĕlōhêḵem kāl-hayyāmîm: s