Joshua (Yehoshua) Chapter 15

‎1 ‏וַיְהִ֣י הַגּוֹרָ֗ל לְמַטֵּ֛ה בְּנֵ֥י יְהוּדָ֖ה לְמִשְׁפְּחֹתָ֑ם אֶל־גְּב֨וּל אֱד֧וֹם מִדְבַּר־צִ֛ן נֶ֖גְבָּה מִקְצֵ֥ה תֵימָֽן׃

‎2 ‏וַיְהִ֤י לָהֶם֙ גְּב֣וּל נֶ֔גֶב מִקְצֵ֖ה יָ֣ם הַמֶּ֑לַח מִן־הַלָּשֹׁ֖ן הַפֹּנֶ֥ה נֶֽגְבָּה׃

‎3 ‏וְ֠יָצָא אֶל־מִנֶּ֜גֶב לְמַעֲלֵ֤ה עַקְרַבִּים֙ וְעָ֣בַר צִ֔נָה וְעָלָ֥ה מִנֶּ֖גֶב לְקָדֵ֣שׁ בַּרְנֵ֑עַ וְעָבַ֤ר חֶצְרוֹן֙ וְעָלָ֣ה אַדָּ֔רָה וְנָסַ֖ב הַקַּרְקָֽעָה׃

‎4 ‏וְעָבַ֣ר עַצְמ֗וֹנָה וְיָצָא֙ נַ֣חַל מִצְרַ֔יִם והיה וְהָי֛וּ תֹּצְא֥וֹת הַגְּב֖וּל יָ֑מָּה זֶה־יִהְיֶ֥ה לָכֶ֖ם גְּב֥וּל נֶֽגֶב׃

‎5 ‏וּגְב֥וּל קֵ֙דְמָה֙ יָ֣ם הַמֶּ֔לַח עַד־קְצֵ֖ה הַיַּרְדֵּ֑ן וּגְב֞וּל לִפְאַ֤ת צָפ֙וֹנָה֙ מִלְּשׁ֣וֹן הַיָּ֔ם מִקְצֵ֖ה הַיַּרְדֵּֽן׃

‎6 ‏וְעָלָ֤ה הַגְּבוּל֙ בֵּ֣ית חָגְלָ֔ה וְעָבַ֕ר מִצְּפ֖וֹן לְבֵ֣ית הָעֲרָבָ֑ה וְעָלָ֣ה הַגְּב֔וּל אֶ֥בֶן בֹּ֖הַן בֶּן־רְאוּבֵֽן׃

‎7 ‏וְעָלָ֨ה הַגְּב֥וּל׀ דְּבִרָה֮ מֵעֵ֣מֶק עָכוֹר֒ וְצָפ֜וֹנָה פֹּנֶ֣ה אֶל־הַגִּלְגָּ֗ל אֲשֶׁר־נֹ֙כַח֙ לְמַעֲלֵ֣ה אֲדֻמִּ֔ים אֲשֶׁ֥ר מִנֶּ֖גֶב לַנָּ֑חַל וְעָבַ֤ר הַגְּבוּל֙ אֶל־מֵי־עֵ֣ין שֶׁ֔מֶשׁ וְהָי֥וּ תֹצְאֹתָ֖יו אֶל־עֵ֥ין רֹגֵֽל׃

‎8 ‏וְעָלָ֨ה הַגְּב֜וּל גֵּ֣י בֶן־הִנֹּ֗ם אֶל־כֶּ֤תֶף הַיְבוּסִי֙ מִנֶּ֔גֶב הִ֖יא יְרֽוּשָׁלִָ֑ם וְעָלָ֨ה הַגְּב֜וּל אֶל־רֹ֣אשׁ הָהָ֗ר אֲ֠שֶׁר עַל־פְּנֵ֤י גֵֽי־הִנֹּם֙ יָ֔מָּה אֲשֶׁ֛ר בִּקְצֵ֥ה עֵֽמֶק־רְפָאִ֖ים צָפֹֽנָה׃

‎9 ‏וְתָאַ֨ר הַגְּב֜וּל מֵרֹ֣אשׁ הָהָ֗ר אֶל־מַעְיַן֙ מֵ֣י נֶפְתּ֔וֹחַ וְיָצָ֖א אֶל־עָרֵ֣י הַר־עֶפְר֑וֹן וְתָאַ֤ר הַגְּבוּל֙ בַּעֲלָ֔ה הִ֖יא קִרְיַ֥ת יְעָרִֽים׃

‎10 ‏וְנָסַב֩ הַגְּב֨וּל מִבַּעֲלָ֥ה יָ֙מָּה֙ אֶל־הַ֣ר שֵׂעִ֔יר וְעָבַ֕ר אֶל־כֶּ֧תֶף הַר־יְעָרִ֛ים מִצָּפ֖וֹנָה הִ֣יא כְסָל֑וֹן וְיָרַ֥ד בֵּֽית־שֶׁ֖מֶשׁ וְעָבַ֥ר תִּמְנָֽה׃

‎11 ‏וְיָצָ֨א הַגְּב֜וּל אֶל־כֶּ֣תֶף עֶקְרוֹן֮ צָפוֹנָה֒ וְתָאַ֤ר הַגְּבוּל֙ שִׁכְּר֔וֹנָה וְעָבַ֥ר הַר־הַֽבַּעֲלָ֖ה וְיָצָ֣א יַבְנְאֵ֑ל וְהָי֛וּ תֹּצְא֥וֹת הַגְּב֖וּל יָֽמָּה׃

‎12 ‏וּגְב֣וּל יָ֔ם הַיָּ֥מָּה הַגָּד֖וֹל וּגְב֑וּל זֶ֠ה גְּב֧וּל בְּנֵֽי־יְהוּדָ֛ה סָבִ֖יב לְמִשְׁפְּחֹתָֽם׃

‎13 ‏וּלְכָלֵ֣ב בֶּן־יְפֻנֶּ֗ה נָ֤תַן חֵ֙לֶק֙ בְּת֣וֹךְ בְּנֵֽי־יְהוּדָ֔ה אֶל־פִּ֥י יְהוָ֖ה לִֽיהוֹשֻׁ֑עַ אֶת־קִרְיַ֥ת אַרְבַּ֛ע אֲבִ֥י הָעֲנָ֖ק הִ֥יא חֶבְרֽוֹן׃

‎14 ‏וַיֹּ֤רֶשׁ מִשָּׁם֙ כָּלֵ֔ב אֶת־שְׁלוֹשָׁ֖ה בְּנֵ֣י הָעֲנָ֑ק אֶת־שֵׁשַׁ֤י וְאֶת־אֲחִימַן֙ וְאֶת־תַּלְמַ֔י יְלִידֵ֖י הָעֲנָֽק׃

‎15 ‏וַיַּ֣עַל מִשָּׁ֔ם אֶל־יֹשְׁבֵ֖י דְּבִ֑ר וְשֵׁם־דְּבִ֥ר לְפָנִ֖ים קִרְיַת־סֵֽפֶר׃

‎16 ‏וַיֹּ֣אמֶר כָּלֵ֔ב אֲשֶׁר־יַכֶּ֥ה אֶת־קִרְיַת־סֵ֖פֶר וּלְכָדָ֑הּ וְנָתַ֥תִּי ל֛וֹ אֶת־עַכְסָ֥ה בִתִּ֖י לְאִשָּֽׁה׃

‎17 ‏וַֽיִּלְכְּדָ֛הּ עָתְנִיאֵ֥ל בֶּן־קְנַ֖ז אֲחִ֣י כָלֵ֑ב וַיִּתֶּן־ל֛וֹ אֶת־עַכְסָ֥ה בִתּ֖וֹ לְאִשָּֽׁה׃

‎18 ‏וַיְהִ֣י בְּבוֹאָ֗הּ וַתְּסִיתֵ֙הוּ֙ לִשְׁא֤וֹל מֵֽאֵת־אָבִ֙יהָ֙ שָׂדֶ֔ה וַתִּצְנַ֖ח מֵעַ֣ל הַחֲמ֑וֹר וַיֹּֽאמֶר־לָ֥הּ כָּלֵ֖ב מַה־לָּֽךְ׃

‎19 ‏וַתֹּ֜אמֶר תְּנָה־לִּ֣י בְרָכָ֗ה כִּ֣י אֶ֤רֶץ הַנֶּ֙גֶב֙ נְתַתָּ֔נִי וְנָתַתָּ֥ה לִ֖י גֻּלֹּ֣ת מָ֑יִם וַיִּתֶּן־לָ֗הּ אֵ֚ת גֻּלֹּ֣ת עִלִּיּ֔וֹת וְאֵ֖ת גֻּלֹּ֥ת תַּחְתִּיּֽוֹת׃ פ

‎20 ‏זֹ֗את נַחֲלַ֛ת מַטֵּ֥ה בְנֵי־יְהוּדָ֖ה לְמִשְׁפְּחֹתָֽם׃

‎21 ‏וַיִּֽהְי֣וּ הֶעָרִ֗ים מִקְצֵה֙ לְמַטֵּ֣ה בְנֵֽי־יְהוּדָ֔ה אֶל־גְּב֥וּל אֱד֖וֹם בַּנֶּ֑גְבָּה קַבְצְאֵ֥ל וְעֵ֖דֶר וְיָגֽוּר׃

‎22 ‏וְקִינָ֥ה וְדִֽימוֹנָ֖ה וְעַדְעָדָֽה׃

‎23 ‏וְקֶ֥דֶשׁ וְחָצ֖וֹר וְיִתְנָֽן׃

‎24 ‏זִ֥יף וָטֶ֖לֶם וּבְעָלֽוֹת׃

‎25 ‏וְחָצ֤וֹר׀ חֲדַתָּה֙ וּקְרִיּ֔וֹת חֶצְר֖וֹן הִ֥יא חָצֽוֹר׃

‎26 ‏אֲמָ֥ם וּשְׁמַ֖ע וּמוֹלָדָֽה׃

‎27 ‏וַחֲצַ֥ר גַּדָּ֛ה וְחֶשְׁמ֖וֹן וּבֵ֥ית פָּֽלֶט׃

‎28 ‏וַחֲצַ֥ר שׁוּעָ֛ל וּבְאֵ֥ר שֶׁ֖בַע וּבִזְיוֹתְיָֽה׃

‎29 ‏בַּעֲלָ֥ה וְעִיִּ֖ים וָעָֽצֶם׃

‎30 ‏וְאֶלְתּוֹלַ֥ד וּכְסִ֖יל וְחָרְמָֽה׃

‎31 ‏וְצִֽקְלַ֥ג וּמַדְמַנָּ֖ה וְסַנְסַנָּֽה׃

‎32 ‏וּלְבָא֥וֹת וְשִׁלְחִ֖ים וְעַ֣יִן וְרִמּ֑וֹן כָּל־עָרִ֛ים עֶשְׂרִ֥ים וָתֵ֖שַׁע וְחַצְרֵיהֶֽן׃ ס

‎33 ‏בַּשְּׁפֵלָ֑ה אֶשְׁתָּא֥וֹל וְצָרְעָ֖ה וְאַשְׁנָֽה׃

‎34 ‏וְזָנ֙וֹחַ֙ וְעֵ֣ין גַּנִּ֔ים תַּפּ֖וּחַ וְהָעֵינָֽם׃

‎35 ‏יַרְמוּת֙ וַעֲדֻלָּ֔ם שׂוֹכֹ֖ה וַעֲזֵקָֽה׃

‎36 ‏וְשַׁעֲרַ֙יִם֙ וַעֲדִיתַ֔יִם וְהַגְּדֵרָ֖ה וּגְדֵרֹתָ֑יִם עָרִ֥ים אַרְבַּֽע־עֶשְׂרֵ֖ה וְחַצְרֵיהֶֽן׃

‎37 ‏צְנָ֥ן וַחֲדָשָׁ֖ה וּמִגְדַּל־גָּֽד׃

‎38 ‏וְדִלְעָ֥ן וְהַמִּצְפֶּ֖ה וְיָקְתְאֵֽל׃

‎39 ‏לָכִ֥ישׁ וּבָצְקַ֖ת וְעֶגְלֽוֹן׃

‎40 ‏וְכַבּ֥וֹן וְלַחְמָ֖ס וְכִתְלִֽישׁ׃

‎41 ‏וּגְדֵר֕וֹת בֵּית־דָּג֥וֹן וְנַעֲמָ֖ה וּמַקֵּדָ֑ה עָרִ֥ים שֵׁשׁ־עֶשְׂרֵ֖ה וְחַצְרֵיהֶֽן׃ ס

‎42 ‏לִבְנָ֥ה וָעֶ֖תֶר וְעָשָֽׁן׃

‎43 ‏וְיִפְתָּ֥ח וְאַשְׁנָ֖ה וּנְצִֽיב׃

‎44 ‏וּקְעִילָ֥ה וְאַכְזִ֖יב וּמָֽרֵאשָׁ֑ה עָרִ֥ים תֵּ֖שַׁע וְחַצְרֵיהֶֽן׃

‎45 ‏עֶקְר֥וֹן וּבְנֹתֶ֖יהָ וַחֲצֵרֶֽיהָ׃

‎46 ‏מֵעֶקְר֖וֹן וָיָ֑מָּה כֹּ֛ל אֲשֶׁר־עַל־יַ֥ד אַשְׁדּ֖וֹד וְחַצְרֵיהֶֽן׃

‎47 ‏אַשְׁדּ֞וֹד בְּנוֹתֶ֣יהָ וַחֲצֵרֶ֗יהָ עַזָּ֥ה בְּנוֹתֶ֥יהָ וַחֲצֵרֶ֖יהָ עַד־נַ֣חַל מִצְרָ֑יִם וְהַיָּ֥ם הגבול הַגָּד֖וֹל וּגְבֽוּל׃ ס

‎48 ‏וּבָהָ֑ר שָׁמִ֥יר וְיַתִּ֖יר וְשׂוֹכֹֽה׃

‎49 ‏וְדַנָּ֥ה וְקִרְיַת־סַנָּ֖ה הִ֥יא דְבִֽר׃

‎50 ‏וַעֲנָ֥ב וְאֶשְׁתְּמֹ֖ה וְעָנִֽים׃

‎51 ‏וְגֹ֥שֶׁן וְחֹלֹ֖ן וְגִלֹ֑ה עָרִ֥ים אַֽחַת־עֶשְׂרֵ֖ה וְחַצְרֵיהֶֽן׃

‎52 ‏אֲרַ֥ב וְרוּמָ֖ה וְאֶשְׁעָֽן׃

‎53 ‏וינים וְיָנ֥וּם וּבֵית־תַּפּ֖וּחַ וַאֲפֵֽקָה׃

‎54 ‏וְחֻמְטָ֗ה וְקִרְיַ֥ת אַרְבַּ֛ע הִ֥יא חֶבְר֖וֹן וְצִיעֹ֑ר עָרִ֥ים תֵּ֖שַׁע וְחַצְרֵיהֶֽן׃ ס

‎55 ‏מָע֥וֹן׀ כַּרְמֶ֖ל וָזִ֥יף וְיוּטָּֽה׃

‎56 ‏וְיִזְרְעֶ֥אל וְיָקְדְעָ֖ם וְזָנֽוֹחַ׃

‎57 ‏הַקַּ֖יִן גִּבְעָ֣ה וְתִמְנָ֑ה עָרִ֥ים עֶ֖שֶׂר וְחַצְרֵיהֶֽן׃

‎58 ‏חַלְח֥וּל בֵּֽית־צ֖וּר וּגְדֽוֹר׃

‎59 ‏וּמַעֲרָ֥ת וּבֵית־עֲנ֖וֹת וְאֶלְתְּקֹ֑ן עָרִ֥ים שֵׁ֖שׁ וְחַצְרֵיהֶֽן׃

‎60 ‏קִרְיַת־בַּ֗עַל הִ֛יא קִרְיַ֥ת יְעָרִ֖ים וְהָֽרַבָּ֑ה עָרִ֥ים שְׁתַּ֖יִם וְחַצְרֵיהֶֽן׃ ס

‎61 ‏בַּמִּדְבָּ֑ר בֵּ֚ית הָעֲרָבָ֔ה מִדִּ֖ין וּסְכָכָֽה׃

‎62 ‏וְהַנִּבְשָׁ֥ן וְעִיר־הַמֶּ֖לַח וְעֵ֣ין גֶּ֑דִי עָרִ֥ים שֵׁ֖שׁ וְחַצְרֵיהֶֽן׃

‎63 ‏וְאֶת־הַיְבוּסִי֙ יוֹשְׁבֵ֣י יְרֽוּשָׁלִַ֔ם לֹֽא־יוכלו יָכְל֥וּ בְנֵֽי־יְהוּדָ֖ה לְהֽוֹרִישָׁ֑ם וַיֵּ֨שֶׁב הַיְבוּסִ֜י אֶת־בְּנֵ֤י יְהוּדָה֙ בִּיר֣וּשָׁלִַ֔ם עַ֖ד הַיּ֥וֹם הַזֶּֽה׃ פ

1 wayəhî hagwōrāl ləmaṭṭēh bənê yəhûḏâ ləmišəpəḥōṯām ’el-gəḇûl ’ĕḏwōm miḏəbar-ṣin neḡəbâ miqəṣēh ṯêmān:

2 wayəhî lâem gəḇûl neḡeḇ miqəṣēh yām hammel^aḥ min-hallāšōn hapōneh neḡəbâ:

3 wəyāṣā’ ’el-minneḡeḇ ləm^a‘ălēh ‘aqərabîm wə‘āḇar ṣinâ wə‘ālâ minneḡeḇ ləqāḏēš barənē‘a wə‘āḇar ḥeṣərwōn wə‘ālâ ’adārâ wənāsaḇ haqqarəqā‘â:

4 wə‘āḇar ‘aṣəmwōnâ wəyāṣā’ n^aḥal miṣərayim wəhāyâ wəhāyû tōṣə’wōṯ hagəḇûl yāmmâ zeh-yihəyeh lāḵem gəḇûl neḡeḇ:

5 ûḡəḇûl qēḏəmâ yām hammel^aḥ ‘aḏ-qəṣēh hayyarədēn ûḡəḇûl lifə’aṯ ṣāfwōnâ milləšwōn hayyām miqəṣēh hayyarədēn:

6 wə‘ālâ hagəḇûl bêṯ ḥāḡəlâ wə‘āḇar miṣṣəfwōn ləḇêṯ hā‘ărāḇâ wə‘ālâ hagəḇûl ’eḇen bōhan ben-rə’ûḇēn:

7 wə‘ālâ hagəḇûl| dəḇirâ mē‘ēmeq ‘āḵwōr wəṣāfwōnâ pōneh ’el-hagiləgāl ’ăšer-nōḵ^aḥ ləm^a‘ălēh ’ăḏummîm ’ăšer minneḡeḇ lannāḥal wə‘āḇar hagəḇûl ’el-mê-‘ên šemeš wəhāyû ṯōṣə’ōṯāyw ’el-‘ên rōḡēl:

8 wə‘ālâ hagəḇûl gê ḇen-hinnōm ’el-keṯef hayəḇûsî minneḡeḇ hî’ yərûšālāim wə‘ālâ hagəḇûl ’el-rō’š hâār ’ăšer ‘al-pənê ḡê-hinnōm yāmmâ ’ăšer biqəṣēh ‘ēmeq-rəfā’îm ṣāfōnâ:

9 wəṯā’ar hagəḇûl mērō’š hâār ’el-m^a‘əyan mê nefətwōḥa wəyāṣā’ ’el-‘ārê har-‘efərwōn wəṯā’ar hagəḇûl b^a‘ălâ hî’ qirəyaṯ yə‘ārîm:

10 wənāsaḇ hagəḇûl mib^a‘ălâ yāmmâ ’el-har śē‘îr wə‘āḇar ’el-keṯef har-yə‘ārîm miṣṣāfwōnâ hî’ ḵəsālwōn wəyāraḏ bêṯ-šemeš wə‘āḇar timənâ:

11 wəyāṣā’ hagəḇûl ’el-keṯef ‘eqərwōn ṣāfwōnâ wəṯā’ar hagəḇûl šikərwōnâ wə‘āḇar har-hab^a‘ălâ wəyāṣā’ yaḇənə’ēl wəhāyû tōṣə’wōṯ hagəḇûl yāmmâ:

12 ûḡəḇûl yām hayyāmmâ hagāḏwōl ûḡəḇûl zeh gəḇûl bənê-yəhûḏâ sāḇîḇ ləmišəpəḥōṯām:

13 ûləḵālēḇ ben-yəfunneh nāṯan ḥēleq bəṯwōḵə bənê-yəhûḏâ ’el-pî yəhwâ lîhwōšu‘a ’eṯ-qirəyaṯ ’arəb^a‘ ’ăḇî hā‘ănāq hî’ ḥeḇərwōn:

14 wayyōreš miššām kālēḇ ’eṯ-šəlwōšâ bənê hā‘ănāq ’eṯ-šēšay wə’eṯ-’ăḥîman wə’eṯ-taləmay yəlîḏê hā‘ănāq:

15 wayy^a‘al miššām ’el-yōšəḇê dəḇir wəšēm-dəḇir ləfānîm qirəyaṯ-sēfer:

16 wayyō’mer kālēḇ ’ăšer-yakeh ’eṯ-qirəyaṯ-sēfer ûləḵāḏāh wənāṯatî lwō ’eṯ-‘aḵəsâ ḇitî lə’iššâ:

17 wayyiləkəḏāh ‘āṯənî’ēl ben-qənaz ’ăḥî ḵālēḇ wayyiten-lwō ’eṯ-‘aḵəsâ ḇitwō lə’iššâ:

18 wayəhî bəḇwō’āh watəsîṯēhû lišə’wōl mē’ēṯ-’āḇîhā śāḏeh watiṣən^aḥ mē‘al h^aḥămwōr wayyō’mer-lāh kālēḇ mah-llāḵə:

19 watō’mer tənâ-llî ḇərāḵâ kî ’ereṣ hanneḡeḇ nəṯatānî wənāṯatâ lî gullōṯ māyim wayyiten-lāh ’ēṯ gullōṯ ‘illîywōṯ wə’ēṯ gullōṯ t^aḥətîywōṯ: f

20 zō’ṯ n^aḥălaṯ maṭṭēh ḇənê-yəhûḏâ ləmišəpəḥōṯām:

21 wayyihəyû he‘ārîm miqəṣēh ləmaṭṭēh ḇənê-yəhûḏâ ’el-gəḇûl ’ĕḏwōm banneḡəbâ qaḇəṣə’ēl wə‘ēḏer wəyāḡûr:

22 wəqînâ wəḏîmwōnâ wə‘aḏə‘āḏâ:

23 wəqeḏeš wəḥāṣwōr wəyiṯənān:

24 zîf wāṭelem ûḇə‘ālwōṯ:

25 wəḥāṣwōr| ḥăḏatâ ûqərîywōṯ ḥeṣərwōn hî’ ḥāṣwōr:

26 ’ămām ûšəm^a‘ ûmwōlāḏâ:

27 w^aḥăṣar gadâ wəḥešəmwōn ûḇêṯ pāleṭ:

28 w^aḥăṣar šû‘āl ûḇə’ēr šeḇ^a‘ ûḇizəywōṯəyâ:

29 b^a‘ălâ wə‘îyîm wā‘āṣem:

30 wə’elətwōlaḏ ûḵəsîl wəḥārəmâ:

31 wəṣiqəlaḡ ûmaḏəmannâ wəsanəsannâ:

32 ûləḇā’wōṯ wəšiləḥîm wə‘ayin wərimmwōn kāl-‘ārîm ‘eśərîm wāṯēš^a‘ wəḥaṣərêhen: s

33 baššəfēlâ ’ešətā’wōl wəṣārə‘â wə’ašənâ:

34 wəzānwōḥa wə‘ên gannîm tapûḥa wəhā‘ênām:

35 yarəmûṯ w^a‘ăḏullām śwōḵōh w^a‘ăzēqâ:

36 wəš^a‘ărayim w^a‘ăḏîṯayim wəhagəḏērâ ûḡəḏērōṯāyim ‘ārîm ’arəb^a‘-‘eśərēh wəḥaṣərêhen:

37 ṣənān w^aḥăḏāšâ ûmiḡədal-gāḏ:

38 wəḏilə‘ān wəhammiṣəpeh wəyāqəṯə’ēl:

39 lāḵîš ûḇāṣəqaṯ wə‘eḡəlwōn:

40 wəḵabwōn wəl^aḥəmās wəḵiṯəlîš:

41 ûḡəḏērwōṯ bêṯ-dāḡwōn wən^a‘ămâ ûmaqqēḏâ ‘ārîm šēš-‘eśərēh wəḥaṣərêhen: s

42 liḇənâ wā‘eṯer wə‘āšān:

43 wəyifətāḥ wə’ašənâ ûnəṣîḇ:

44 ûqə‘îlâ wə’aḵəzîḇ ûmārē’šâ ‘ārîm tēš^a‘ wəḥaṣərêhen:

45 ‘eqərwōn ûḇənōṯeyhā w^aḥăṣēreyhā:

46 mē‘eqərwōn wāyāmmâ kōl ’ăšer-‘al-yaḏ ’ašədwōḏ wəḥaṣərêhen:

47 ’ašədwōḏ bənwōṯeyhā w^aḥăṣēreyhā ‘azzâ bənwōṯeyhā w^aḥăṣēreyhā ‘aḏ-n^aḥal miṣərāyim wəhayyām hagəḇûl hagāḏwōl ûḡəḇûl: s

48 ûḇâār šāmîr wəyatîr wəśwōḵōh:

49 wəḏannâ wəqirəyaṯ-sannâ hî’ ḏəḇir:

50 w^a‘ănāḇ wə’ešətəmōh wə‘ānîm:

51 wəḡōšen wəḥōlōn wəḡilōh ‘ārîm ’^aḥaṯ-‘eśərēh wəḥaṣərêhen:

52 ’ăraḇ wərûmâ wə’ešə‘ān:

53 wəyānîm wəyānûm ûḇêṯ-tapûḥa wa’ăfēqâ:

54 wəḥuməṭâ wəqirəyaṯ ’arəb^a‘ hî’ ḥeḇərwōn wəṣî‘ōr ‘ārîm tēš^a‘ wəḥaṣərêhen: s

55 mā‘wōn| karəmel wāzîf wəyûṭṭâ:

56 wəyizərə‘e’l wəyāqəḏə‘ām wəzānwōḥa:

57 haqqayin giḇə‘â wəṯimənâ ‘ārîm ‘eśer wəḥaṣərêhen:

58 ḥaləḥûl bêṯ-ṣûr ûḡəḏwōr:

59 ûm^a‘ărāṯ ûḇêṯ-‘ănwōṯ wə’elətəqōn ‘ārîm šēš wəḥaṣərêhen:

60 qirəyaṯ-b^a‘al hî’ qirəyaṯ yə‘ārîm wəhārabâ ‘ārîm šətayim wəḥaṣərêhen: s

61 bammiḏəbār bêṯ hā‘ărāḇâ midîn ûsəḵāḵâ:

62 wəhanniḇəšān wə‘îr-hammel^aḥ wə‘ên geḏî ‘ārîm šēš wəḥaṣərêhen:

63 wə’eṯ-hayəḇûsî ywōšəḇê yərûšālaim lō’-yûḵəlû yāḵəlû ḇənê-yəhûḏâ ləhwōrîšām wayyēšeḇ hayəḇûsî ’eṯ-bənê yəhûḏâ bîrûšālaim ‘aḏ hayywōm hazzeh: f