1 Samuel (1 Shmuel) Chapter 6

‎1 ‏וַיְהִ֧י אֲרוֹן־יְהוָ֛ה בִּשְׂדֵ֥ה פְלִשְׁתִּ֖ים שִׁבְעָ֥ה חֳדָשִֽׁים׃

‎2 ‏וַיִּקְרְא֣וּ פְלִשְׁתִּ֗ים לַכֹּהֲנִ֤ים וְלַקֹּֽסְמִים֙ לֵאמֹ֔ר מַֽה־נַּעֲשֶׂ֖ה לַאֲר֣וֹן יְהוָ֑ה הוֹדִעֻ֕נוּ בַּמֶּ֖ה נְשַׁלְּחֶ֥נּוּ לִמְקוֹמֽוֹ׃

‎3 ‏וַיֹּאמְר֗וּ אִֽם־מְשַׁלְּחִ֞ים אֶת־אֲר֨וֹן אֱלֹהֵ֤י יִשְׂרָאֵל֙ אַל־תְּשַׁלְּח֤וּ אֹתוֹ֙ רֵיקָ֔ם כִּֽי־הָשֵׁ֥ב תָּשִׁ֛יבוּ ל֖וֹ אָשָׁ֑ם אָ֤ז תֵּרָֽפְאוּ֙ וְנוֹדַ֣ע לָכֶ֔ם לָ֛מָּה לֹא־תָס֥וּר יָד֖וֹ מִכֶּֽם׃

‎4 ‏וַיֹּאמְר֗וּ מָ֣ה הָאָשָׁם֮ אֲשֶׁ֣ר נָשִׁ֣יב לוֹ֒ וַיֹּאמְר֗וּ מִסְפַּר֙ סַרְנֵ֣י פְלִשְׁתִּ֔ים חֲמִשָּׁה֙ עפלי טְחֹרֵ֣י זָהָ֔ב וַחֲמִשָּׁ֖ה עַכְבְּרֵ֣י זָהָ֑ב כִּֽי־מַגֵּפָ֥ה אַחַ֛ת לְכֻלָּ֖ם וּלְסַרְנֵיכֶֽם׃

‎5 ‏וַעֲשִׂיתֶם֩ צַלְמֵ֨י עפליכם טְחֹרֵיכֶ֜ם וְצַלְמֵ֣י עַכְבְּרֵיכֶ֗ם הַמַּשְׁחִיתִם֙ אֶת־הָאָ֔רֶץ וּנְתַתֶּ֛ם לֵאלֹהֵ֥י יִשְׂרָאֵ֖ל כָּב֑וֹד אוּלַ֗י יָקֵ֤ל אֶת־יָדוֹ֙ מֵֽעֲלֵיכֶ֔ם וּמֵעַ֥ל אֱלֹהֵיכֶ֖ם וּמֵעַ֥ל אַרְצְכֶֽם׃

‎6 ‏וְלָ֤מָּה תְכַבְּדוּ֙ אֶת־לְבַבְכֶ֔ם כַּאֲשֶׁ֧ר כִּבְּד֛וּ מִצְרַ֥יִם וּפַרְעֹ֖ה אֶת־לִבָּ֑ם הֲלוֹא֙ כַּאֲשֶׁ֣ר הִתְעַלֵּ֣ל בָּהֶ֔ם וַֽיְשַׁלְּח֖וּם וַיֵּלֵֽכוּ׃

‎7 ‏וְעַתָּ֗ה קְח֨וּ וַעֲשׂ֜וּ עֲגָלָ֤ה חֲדָשָׁה֙ אֶחָ֔ת וּשְׁתֵּ֤י פָרוֹת֙ עָל֔וֹת אֲשֶׁ֛ר לֹא־עָלָ֥ה עֲלֵיהֶ֖ם עֹ֑ל וַאֲסַרְתֶּ֤ם אֶת־הַפָּרוֹת֙ בָּעֲגָלָ֔ה וַהֲשֵׁיבֹתֶ֧ם בְּנֵיהֶ֛ם מֵאַחֲרֵיהֶ֖ם הַבָּֽיְתָה׃

‎8 ‏וּלְקַחְתֶּ֞ם אֶת־אֲר֣וֹן יְהוָ֗ה וּנְתַתֶּ֤ם אֹתוֹ֙ אֶל־הָ֣עֲגָלָ֔ה וְאֵ֣ת׀ כְּלֵ֣י הַזָּהָ֗ב אֲשֶׁ֨ר הֲשֵׁבֹתֶ֥ם לוֹ֙ אָשָׁ֔ם תָּשִׂ֥ימוּ בָאַרְגַּ֖ז מִצִּדּ֑וֹ וְשִׁלַּחְתֶּ֥ם אֹת֖וֹ וְהָלָֽךְ׃

‎9 ‏וּרְאִיתֶ֗ם אִם־דֶּ֨רֶךְ גְּבוּל֤וֹ יַֽעֲלֶה֙ בֵּ֣ית שֶׁ֔מֶשׁ ה֚וּא עָ֣שָׂה לָ֔נוּ אֶת־הָרָעָ֥ה הַגְּדוֹלָ֖ה הַזֹּ֑את וְאִם־לֹ֗א וְיָדַ֙עְנוּ֙ כִּ֣י לֹ֤א יָדוֹ֙ נָ֣גְעָה בָּ֔נוּ מִקְרֶ֥ה ה֖וּא הָ֥יָה לָֽנוּ׃

‎10 ‏וַיַּעֲשׂ֤וּ הָאֲנָשִׁים֙ כֵּ֔ן וַיִּקְח֗וּ שְׁתֵּ֤י פָרוֹת֙ עָל֔וֹת וַיַּאַסְר֖וּם בָּעֲגָלָ֑ה וְאֶת־בְּנֵיהֶ֖ם כָּל֥וּ בַבָּֽיִת׃

‎11 ‏וַיָּשִׂ֛מוּ אֶת־אֲר֥וֹן יְהוָ֖ה אֶל־הָעֲגָלָ֑ה וְאֵ֣ת הָאַרְגַּ֗ז וְאֵת֙ עַכְבְּרֵ֣י הַזָּהָ֔ב וְאֵ֖ת צַלְמֵ֥י טְחֹרֵיהֶֽם׃

‎12 ‏וַיִשַּׁ֨רְנָה¹ הַפָּר֜וֹת בַּדֶּ֗רֶךְ עַל־דֶּ֙רֶךְ֙ בֵּ֣ית שֶׁ֔מֶשׁ בִּמְסִלָּ֣ה אַחַ֗ת הָלְכ֤וּ הָלֹךְ֙ וְגָע֔וֹ וְלֹא־סָ֖רוּ יָמִ֣ין וּשְׂמֹ֑אול וְסַרְנֵ֤י פְלִשְׁתִּים֙ הֹלְכִ֣ים אַחֲרֵיהֶ֔ם עַד־גְּב֖וּל בֵּ֥ית שָֽׁמֶשׁ׃

‎13 ‏וּבֵ֣ית שֶׁ֔מֶשׁ קֹצְרִ֥ים קְצִיר־חִטִּ֖ים בָּעֵ֑מֶק וַיִּשְׂא֣וּ אֶת־עֵינֵיהֶ֗ם וַיִּרְאוּ֙ אֶת־הָ֣אָר֔וֹן וַֽיִּשְׂמְח֖וּ לִרְאֽוֹת׃

‎14 ‏וְהָעֲגָלָ֡ה בָּ֠אָה אֶל־שְׂדֵ֨ה יְהוֹשֻׁ֤עַ בֵּֽית־הַשִּׁמְשִׁי֙ וַתַּעֲמֹ֣ד שָׁ֔ם וְשָׁ֖ם אֶ֣בֶן גְּדוֹלָ֑ה וַֽיְבַקְּעוּ֙ אֶת־עֲצֵ֣י הָעֲגָלָ֔ה וְאֶת־הַ֨פָּר֔וֹת הֶעֱל֥וּ עֹלָ֖ה לַיהוָֽה׃ ס

‎15 ‏וְהַלְוִיִּ֞ם הוֹרִ֣ידוּ׀ אֶת־אֲר֣וֹן יְהוָ֗ה וְאֶת־הָאַרְגַּ֤ז אֲשֶׁר־אִתּוֹ֙ אֲשֶׁר־בּ֣וֹ כְלֵֽי־זָהָ֔ב וַיָּשִׂ֖מוּ אֶל־הָאֶ֣בֶן הַגְּדוֹלָ֑ה וְאַנְשֵׁ֣י בֵֽית־שֶׁ֗מֶשׁ הֶעֱל֨וּ עֹל֜וֹת וַֽיִּזְבְּח֧וּ זְבָחִ֛ים בַּיּ֥וֹם הַה֖וּא לַֽיהוָֽה׃

‎16 ‏וַחֲמִשָּׁ֥ה סַרְנֵֽי־פְלִשְׁתִּ֖ים רָא֑וּ וַיָּשֻׁ֥בוּ עֶקְר֖וֹן בַּיּ֥וֹם הַהֽוּא׃ ס

‎17 ‏וְאֵ֙לֶּה֙ טְחֹרֵ֣י הַזָּהָ֔ב אֲשֶׁ֨ר הֵשִׁ֧יבוּ פְלִשְׁתִּ֛ים אָשָׁ֖ם לַֽיהוָ֑ה לְאַשְׁדּ֨וֹד אֶחָ֔ד לְעַזָּ֤ה אֶחָד֙ לְאַשְׁקְל֣וֹן אֶחָ֔ד לְגַ֥ת אֶחָ֖ד לְעֶקְר֥וֹן אֶחָֽד׃ ס

‎18 ‏וְעַכְבְּרֵ֣י הַזָּהָ֗ב מִסְפַּ֞ר כָּל־עָרֵ֤י פְלִשְׁתִּים֙ לַחֲמֵ֣שֶׁת הַסְּרָנִ֔ים מֵעִ֣יר מִבְצָ֔ר וְעַ֖ד כֹּ֣פֶר הַפְּרָזִ֑י וְעַ֣ד׀ אָבֵ֣ל הַגְּדוֹלָ֗ה אֲשֶׁ֨ר הִנִּ֤יחוּ עָלֶ֙יהָ֙ אֵ֚ת אֲר֣וֹן יְהוָ֔ה עַ֚ד הַיּ֣וֹם הַזֶּ֔ה בִּשְׂדֵ֥ה יְהוֹשֻׁ֖עַ בֵּֽית־הַשִּׁמְשִֽׁי׃

‎19 ‏וַיַּ֞ךְ בְּאַנְשֵׁ֣י בֵֽית־שֶׁ֗מֶשׁ כִּ֤י רָאוּ֙ בַּאֲר֣וֹן יְהוָ֔ה וַיַּ֤ךְ בָּעָם֙ שִׁבְעִ֣ים אִ֔ישׁ חֲמִשִּׁ֥ים אֶ֖לֶף אִ֑ישׁ וַיִּֽתְאַבְּל֣וּ הָעָ֔ם כִּֽי־הִכָּ֧ה יְהוָ֛ה בָּעָ֖ם מַכָּ֥ה גְדוֹלָֽה²

‎20 ‏וַיֹּֽאמְרוּ֙ אַנְשֵׁ֣י בֵֽית־שֶׁ֔מֶשׁ מִ֚י יוּכַ֣ל לַעֲמֹ֔ד לִפְנֵ֨י יְהוָ֧ה הָאֱלֹהִ֛ים הַקָּד֖וֹשׁ הַזֶּ֑ה וְאֶל־מִ֖י יַעֲלֶ֥ה מֵעָלֵֽינוּ׃ ס

‎21 ‏וַֽיִּשְׁלְחוּ֙ מַלְאָכִ֔ים אֶל־יוֹשְׁבֵ֥י קִרְיַת־יְעָרִ֖ים לֵאמֹ֑ר הֵשִׁ֤בוּ פְלִשְׁתִּים֙ אֶת־אֲר֣וֹן יְהוָ֔ה רְד֕וּ הַעֲל֥וּ אֹת֖וֹ אֲלֵיכֶֽם׃

1 wayəhî ’ărwōn-yəhwâ biśəḏēh fəlišətîm šiḇə‘â ḥŏḏāšîm:

2 wayyiqərə’û fəlišətîm lakōhănîm wəlaqqōsəmîm lē’mōr mah-nn^a‘ăśeh la’ărwōn yəhwâ hwōḏi‘unû bammeh nəšalləḥennû liməqwōmwō:

3 wayyō’mərû ’im-məšalləḥîm ’eṯ-’ărwōn ’ĕlōhê yiśərā’ēl ’al-təšalləḥû ’ōṯwō rêqām kî-hāšēḇ tāšîḇû lwō ’āšām ’āz tērāfə’û wənwōḏ^a‘ lāḵem lāmmâ lō’-ṯāsûr yāḏwō mikem:

4 wayyō’mərû mâ hā’āšām ’ăšer nāšîḇ lwō wayyō’mərû misəpar sarənê fəlišətîm ḥămiššâ ‘āfəlê ṭəḥōrê zâāḇ w^aḥămiššâ ‘aḵəbərê zâāḇ kî-magēfâ ’^aḥaṯ ləḵullām ûləsarənêḵem:

5 w^a‘ăśîṯem ṣaləmê ‘āfəlêḵem ṭəḥōrêḵem wəṣaləmê ‘aḵəbərêḵem hammašəḥîṯim ’eṯ-hā’āreṣ ûnəṯatem lē’lōhê yiśərā’ēl kāḇwōḏ ’ûlay yāqēl ’eṯ-yāḏwō mē‘ălêḵem ûmē‘al ’ĕlōhêḵem ûmē‘al ’arəṣəḵem:

6 wəlāmmâ ṯəḵabəḏû ’eṯ-ləḇaḇəḵem ka’ăšer kibəḏû miṣərayim ûfarə‘ōh ’eṯ-libām hălwō’ ka’ăšer hiṯə‘allēl bâem wayəšalləḥûm wayyēlēḵû:

7 wə‘atâ qəḥû w^a‘ăśû ‘ăḡālâ ḥăḏāšâ ’eḥāṯ ûšətê fārwōṯ ‘ālwōṯ ’ăšer lō’-‘ālâ ‘ălêhem ‘ōl wa’ăsarətem ’eṯ-hapārwōṯ bā‘ăḡālâ wahăšêḇōṯem bənêhem mē’^aḥărêhem habāyəṯâ:

8 ûləq^aḥətem ’eṯ-’ărwōn yəhwâ ûnəṯatem ’ōṯwō ’el-hā‘ăḡālâ wə’ēṯ| kəlê hazzâāḇ ’ăšer hăšēḇōṯem lwō ’āšām tāśîmû ḇā’arəgaz miṣṣidwō wəšill^aḥətem ’ōṯwō wəhālāḵə:

9 ûrə’îṯem ’im-dereḵə gəḇûlwō y^a‘ăleh bêṯ šemeš hû’ ‘āśâ lānû ’eṯ-hārā‘â hagəḏwōlâ hazzō’ṯ wə’im-lō’ wəyāḏ^a‘ənû kî lō’ yāḏwō nāḡə‘â bānû miqəreh hû’ hāyâ lānû:

10 wayy^a‘ăśû hā’ănāšîm kēn wayyiqəḥû šətê fārwōṯ ‘ālwōṯ wayya’asərûm bā‘ăḡālâ wə’eṯ-bənêhem kālû ḇabāyiṯ:

11 wayyāśimû ’eṯ-’ărwōn yəhwâ ’el-hā‘ăḡālâ wə’ēṯ hā’arəgaz wə’ēṯ ‘aḵəbərê hazzâāḇ wə’ēṯ ṣaləmê ṭəḥōrêhem:

12 wayiššarənâ¹ hapārwōṯ badereḵə ‘al-dereḵə bêṯ šemeš biməsillâ ’^aḥaṯ hāləḵû hālōḵə wəḡā‘wō wəlō’-sārû yāmîn ûśəmō’wl wəsarənê fəlišətîm hōləḵîm ’^aḥărêhem ‘aḏ-gəḇûl bêṯ šāmeš:

13 ûḇêṯ šemeš qōṣərîm qəṣîr-ḥiṭṭîm bā‘ēmeq wayyiśə’û ’eṯ-‘ênêhem wayyirə’û ’eṯ-hā’ārwōn wayyiśəməḥû lirə’wōṯ:

14 wəhā‘ăḡālâ bā’â ’el-śəḏēh yəhwōšu‘a bêṯ-haššiməšî wat^a‘ămōḏ šām wəšām ’eḇen gəḏwōlâ wayəḇaqqə‘û ’eṯ-‘ăṣê hā‘ăḡālâ wə’eṯ-hapārwōṯ he‘ĕlû ‘ōlâ layhwâ: s

15 wəhaləwîyim hwōrîḏû| ’eṯ-’ărwōn yəhwâ wə’eṯ-hā’arəgaz ’ăšer-’itwō ’ăšer-bwō ḵəlê-zâāḇ wayyāśimû ’el-hā’eḇen hagəḏwōlâ wə’anəšê ḇêṯ-šemeš he‘ĕlû ‘ōlwōṯ wayyizəbəḥû zəḇāḥîm bayywōm hahû’ layhwâ:

16 w^aḥămiššâ sarənê-fəlišətîm rā’û wayyāšuḇû ‘eqərwōn bayywōm hahû’: s

17 wə’ēlleh ṭəḥōrê hazzâāḇ ’ăšer hēšîḇû fəlišətîm ’āšām layhwâ lə’ašədwōḏ ’eḥāḏ lə‘azzâ ’eḥāḏ lə’ašəqəlwōn ’eḥāḏ ləḡaṯ ’eḥāḏ lə‘eqərwōn ’eḥāḏ: s

18 wə‘aḵəbərê hazzâāḇ misəpar kāl-‘ārê fəlišətîm l^aḥămēšeṯ hassərānîm mē‘îr miḇəṣār wə‘aḏ kōfer hapərāzî wə‘aḏ| ’āḇēl hagəḏwōlâ ’ăšer hinnîḥû ‘āleyhā ’ēṯ ’ărwōn yəhwâ ‘aḏ hayywōm hazzeh biśəḏēh yəhwōšu‘a bêṯ-haššiməšî:

19 wayyaḵə bə’anəšê ḇêṯ-šemeš kî rā’û ba’ărwōn yəhwâ wayyaḵə bā‘ām šiḇə‘îm ’îš ḥămiššîm ’elef ’îš wayyiṯə’abəlû hā‘ām kî-hikâ yəhwâ bā‘ām makâ ḡəḏwōlâ²

20 wayyō’mərû ’anəšê ḇêṯ-šemeš mî yûḵal l^a‘ămōḏ lifənê yəhwâ hā’ĕlōhîm haqqāḏwōš hazzeh wə’el-mî y^a‘ăleh mē‘ālênû: s

21 wayyišələḥû malə’āḵîm ’el-ywōšəḇê qirəyaṯ-yə‘ārîm lē’mōr hēšiḇû fəlišətîm ’eṯ-’ărwōn yəhwâ rəḏû h^a‘ălû ’ōṯwō ’ălêḵem: