1 Samuel (1 Shmuel) Chapter 17

‎1 ‏וַיַּאַסְפ֨וּ פְלִשְׁתִּ֤ים אֶת־מַֽחֲנֵיהֶם֙ לַמִּלְחָמָ֔ה וַיֵּאָ֣סְפ֔וּ שֹׂכֹ֖ה אֲשֶׁ֣ר לִיהוּדָ֑ה וַֽיַּחֲנ֛וּ בֵּין־שׂוֹכֹ֥ה וּבֵין־עֲזֵקָ֖ה בְּאֶ֥פֶס דַּמִּֽים׃

‎2 ‏וְשָׁא֤וּל וְאִֽישׁ־יִשְׂרָאֵל֙ נֶאֶסְפ֔וּ וַֽיַּחֲנ֖וּ בְּעֵ֣מֶק הָאֵלָ֑ה וַיַּעַרְכ֥וּ מִלְחָמָ֖ה לִקְרַ֥את פְּלִשְׁתִּֽים׃

‎3 ‏וּפְלִשְׁתִּ֞ים עֹמְדִ֤ים אֶל־הָהָר֙ מִזֶּ֔ה וְיִשְׂרָאֵ֛ל עֹמְדִ֥ים אֶל־הָהָ֖ר מִזֶּ֑ה וְהַגַּ֖יְא בֵּינֵיהֶֽם׃

‎4 ‏וַיֵּצֵ֤א אִֽישׁ־הַבֵּנַ֙יִם֙ מִמַּחֲנ֣וֹת פְּלִשְׁתִּ֔ים גָּלְיָ֥ת שְׁמ֖וֹ מִגַּ֑ת גָּבְה֕וֹ שֵׁ֥שׁ אַמּ֖וֹת וָזָֽרֶת׃

‎5 ‏וְכ֤וֹבַע נְחֹ֙שֶׁת֙ עַל־רֹאשׁ֔וֹ וְשִׁרְי֥וֹן קַשְׂקַשִּׂ֖ים ה֣וּא לָב֑וּשׁ וּמִשְׁקַל֙ הַשִּׁרְי֔וֹן חֲמֵשֶׁת־אֲלָפִ֥ים שְׁקָלִ֖ים נְחֹֽשֶֽׁת׃

‎6 ‏וּמִצְחַ֥ת נְחֹ֖שֶׁת עַל־רַגְלָ֑יו וְכִיד֥וֹן נְחֹ֖שֶׁת בֵּ֥ין כְּתֵפָֽיו׃

‎7 ‏וחץ וְעֵ֣ץ חֲנִית֗וֹ כִּמְנוֹר֙ אֹֽרְגִ֔ים וְלַהֶ֣בֶת חֲנִית֔וֹ שֵׁשׁ־מֵא֥וֹת שְׁקָלִ֖ים בַּרְזֶ֑ל וְנֹשֵׂ֥א הַצִּנָּ֖ה הֹלֵ֥ךְ לְפָנָֽיו׃

‎8 ‏וַֽיַּעֲמֹ֗ד וַיִּקְרָא֙ אֶל־מַעַרְכֹ֣ת יִשְׂרָאֵ֔ל וַיֹּ֣אמֶר לָהֶ֔ם לָ֥מָּה תֵצְא֖וּ לַעֲרֹ֣ךְ מִלְחָמָ֑ה הֲל֧וֹא אָנֹכִ֣י הַפְּלִשְׁתִּ֗י וְאַתֶּם֙ עֲבָדִ֣ים לְשָׁא֔וּל בְּרוּ־לָכֶ֥ם אִ֖ישׁ וְיֵרֵ֥ד אֵלָֽי׃

‎9 ‏אִם־יוּכַ֞ל לְהִלָּחֵ֤ם אִתִּי֙ וְהִכָּ֔נִי וְהָיִ֥ינוּ לָכֶ֖ם לַעֲבָדִ֑ים וְאִם־אֲנִ֤י אֽוּכַל־לוֹ֙ וְהִכִּיתִ֔יו וִהְיִ֤יתֶם לָ֙נוּ֙ לַעֲבָדִ֔ים וַעֲבַדְתֶּ֖ם אֹתָֽנוּ׃

‎10 ‏וַיֹּ֙אמֶר֙ הַפְּלִשְׁתִּ֔י אֲנִ֗י חֵרַ֛פְתִּי אֶת־מַעַרְכ֥וֹת יִשְׂרָאֵ֖ל הַיּ֣וֹם הַזֶּ֑ה תְּנוּ־לִ֣י אִ֔ישׁ וְנִֽלָּחֲמָ֖ה יָֽחַד׃

‎11 ‏וַיִּשְׁמַ֤ע שָׁאוּל֙ וְכָל־יִשְׂרָאֵ֔ל אֶת־דִּבְרֵ֥י הַפְּלִשְׁתִּ֖י הָאֵ֑לֶּה וַיֵּחַ֥תּוּ וַיִּֽרְא֖וּ מְאֹֽד׃ פ

‎12 ‏וְדָוִד֩ בֶּן־אִ֨ישׁ אֶפְרָתִ֜י הַזֶּ֗ה מִבֵּ֥ית לֶ֙חֶם֙ יְהוּדָ֔ה וּשְׁמ֣וֹ יִשַׁ֔י וְל֖וֹ שְׁמֹנָ֣ה בָנִ֑ים וְהָאִישׁ֙ בִּימֵ֣י שָׁא֔וּל זָקֵ֖ן בָּ֥א בַאֲנָשִֽׁים׃

‎13 ‏וַיֵּ֨לְכ֜וּ שְׁלֹ֤שֶׁת בְּנֵֽי־יִשַׁי֙ הַגְּדֹלִ֔ים הָלְכ֥וּ אַחֲרֵי־שָׁא֖וּל לַמִּלְחָמָ֑ה וְשֵׁ֣ם׀ שְׁלֹ֣שֶׁת בָּנָ֗יו אֲשֶׁ֤ר הָלְכוּ֙ בַּמִּלְחָמָ֔ה אֱלִיאָ֣ב הַבְּכ֗וֹר וּמִשְׁנֵ֙הוּ֙ אֲבִ֣ינָדָ֔ב וְהַשְּׁלִשִׁ֖י שַׁמָּֽה׃

‎14 ‏וְדָוִ֖ד ה֣וּא הַקָּטָ֑ן וּשְׁלֹשָׁה֙ הַגְּדֹלִ֔ים הָלְכ֖וּ אַחֲרֵ֥י שָׁאֽוּל׃ ס

‎15 ‏וְדָוִ֛ד הֹלֵ֥ךְ וָשָׁ֖ב מֵעַ֣ל שָׁא֑וּל לִרְע֛וֹת אֶת־צֹ֥אן אָבִ֖יו בֵּֽית־לָֽחֶם׃

‎16 ‏וַיִּגַּ֥שׁ הַפְּלִשְׁתִּ֖י הַשְׁכֵּ֣ם וְהַעֲרֵ֑ב וַיִּתְיַצֵּ֖ב אַרְבָּעִ֥ים יֽוֹם׃ פ

‎17 ‏וַיֹּ֨אמֶר יִשַׁ֜י לְדָוִ֣ד בְּנ֗וֹ קַח־נָ֤א לְאַחֶ֙יךָ֙ אֵיפַ֤ת הַקָּלִיא֙ הַזֶּ֔ה וַעֲשָׂרָ֥ה לֶ֖חֶם הַזֶּ֑ה וְהָרֵ֥ץ הַֽמַּחֲנֶ֖ה לְאַחֶֽיךָ׃

‎18 ‏וְ֠אֵת עֲשֶׂ֜רֶת חֲרִצֵ֤י הֶֽחָלָב֙ הָאֵ֔לֶּה תָּבִ֖יא לְשַׂר־הָאָ֑לֶף וְאֶת־אַחֶ֙יךָ֙ תִּפְקֹ֣ד לְשָׁל֔וֹם וְאֶת־עֲרֻבָּתָ֖ם תִּקָּֽח׃

‎19 ‏וְשָׁא֤וּל וְהֵ֙מָּה֙ וְכָל־אִ֣ישׁ יִשְׂרָאֵ֔ל בְּעֵ֖מֶק הָֽאֵלָ֑ה נִלְחָמִ֖ים עִם־פְּלִשְׁתִּֽים׃

‎20 ‏וַיַּשְׁכֵּ֨ם דָּוִ֜ד בַּבֹּ֗קֶר וַיִּטֹּ֤שׁ אֶת־הַצֹּאן֙ עַל־שֹׁמֵ֔ר וַיִּשָּׂ֣א וַיֵּ֔לֶךְ כַּאֲשֶׁ֥ר צִוָּ֖הוּ יִשָׁ֑י וַיָּבֹא֙ הַמַּעְגָּ֔לָה וְהַחַ֗יִל הַיֹּצֵא֙ אֶל־הַמַּ֣עֲרָכָ֔ה וְהֵרֵ֖עוּ בַּמִּלְחָמָֽה׃

‎21 ‏וַתַּעֲרֹ֤ךְ יִשְׂרָאֵל֙ וּפְלִשְׁתִּ֔ים מַעֲרָכָ֖ה לִקְרַ֥את מַעֲרָכָֽה׃

‎22 ‏וַיִּטֹּשׁ֩ דָּוִ֨ד אֶת־הַכֵּלִ֜ים מֵעָלָ֗יו עַל־יַד֙ שׁוֹמֵ֣ר הַכֵּלִ֔ים וַיָּ֖רָץ הַמַּעֲרָכָ֑ה וַיָּבֹ֕א וַיִּשְׁאַ֥ל לְאֶחָ֖יו לְשָׁלֽוֹם׃

‎23 ‏וְה֣וּא׀ מְדַבֵּ֣ר עִמָּ֗ם וְהִנֵּ֣ה אִ֣ישׁ הַבֵּנַ֡יִם עוֹלֶ֞ה גָּלְיָת֩ הַפְּלִשְׁתִּ֨י שְׁמ֤וֹ מִגַּת֙ ממערות מִמַּעַרְכ֣וֹת^a פְּלִשְׁתִּ֔ים וַיְדַבֵּ֖ר כַּדְּבָרִ֣ים הָאֵ֑לֶּה וַיִּשְׁמַ֖ע דָּוִֽד׃

‎24 ‏וְכֹל֙ אִ֣ישׁ יִשְׂרָאֵ֔ל בִּרְאוֹתָ֖ם אֶת־הָאִ֑ישׁ וַיָּנֻ֙סוּ֙ מִפָּנָ֔יו וַיִּֽירְא֖וּ מְאֹֽד׃

‎25 ‏וַיֹּ֣אמֶר׀ אִ֣ישׁ יִשְׂרָאֵ֗ל הַרְּאִיתֶם֙ הָאִ֤ישׁ הָֽעֹלֶה֙ הַזֶּ֔ה כִּ֛י לְחָרֵ֥ף אֶת־יִשְׂרָאֵ֖ל עֹלֶ֑ה וְֽ֠הָיָה הָאִ֨ישׁ אֲשֶׁר־יַכֶּ֜נּוּ יַעְשְׁרֶ֥נּוּ הַמֶּ֣לֶךְ׀ עֹ֣שֶׁר גָּד֗וֹל וְאֶת־בִּתּוֹ֙ יִתֶּן־ל֔וֹ וְאֵת֙ בֵּ֣ית אָבִ֔יו יַעֲשֶׂ֥ה חָפְשִׁ֖י בְּיִשְׂרָאֵֽל׃

‎26 ‏וַיֹּ֣אמֶר דָּוִ֗ד אֶֽל־הָאֲנָשִׁ֞ים הָעֹמְדִ֣ים עִמּוֹ֮ לֵאמֹר֒ מַה־יֵּעָשֶׂ֗ה לָאִישׁ֙ אֲשֶׁ֤ר יַכֶּה֙ אֶת־הַפְּלִשְׁתִּ֣י הַלָּ֔ז וְהֵסִ֥יר חֶרְפָּ֖ה מֵעַ֣ל יִשְׂרָאֵ֑ל כִּ֣י מִ֗י הַפְּלִשְׁתִּ֤י הֶֽעָרֵל֙ הַזֶּ֔ה כִּ֣י חֵרֵ֔ף מַעַרְכ֖וֹת אֱלֹהִ֥ים חַיִּֽים׃

‎27 ‏וַיֹּ֤אמֶר לוֹ֙ הָעָ֔ם כַּדָּבָ֥ר הַזֶּ֖ה לֵאמֹ֑ר כֹּ֣ה יֵעָשֶׂ֔ה לָאִ֖ישׁ אֲשֶׁ֥ר יַכֶּֽנּוּ׃

‎28 ‏וַיִּשְׁמַ֤ע אֱלִיאָב֙ אָחִ֣יו הַגָּד֔וֹל בְּדַבְּר֖וֹ אֶל־הָאֲנָשִׁ֑ים וַיִּֽחַר־אַף֩ אֱלִיאָ֨ב בְּדָוִ֜ד וַיֹּ֣אמֶר׀ לָמָּה־זֶּ֣ה יָרַ֗דְתָּ וְעַל־מִ֨י נָטַ֜שְׁתָּ מְעַ֨ט הַצֹּ֤אן הָהֵ֙נָּה֙ בַּמִּדְבָּ֔ר אֲנִ֧י יָדַ֣עְתִּי אֶת־זְדֹנְךָ֗ וְאֵת֙ רֹ֣עַ לְבָבֶ֔ךָ כִּ֗י לְמַ֛עַן רְא֥וֹת הַמִּלְחָמָ֖ה יָרָֽדְתָּ׃

‎29 ‏וַיֹּ֣אמֶר דָּוִ֔ד מֶ֥ה עָשִׂ֖יתִי עָ֑תָּה הֲל֖וֹא דָּבָ֥ר הֽוּא׃

‎30 ‏וַיִּסֹּ֤ב מֵֽאֶצְלוֹ֙ אֶל־מ֣וּל אַחֵ֔ר וַיֹּ֖אמֶר כַּדָּבָ֣ר הַזֶּ֑ה וַיְשִׁבֻ֤הוּ הָעָם֙ דָּבָ֔ר כַּדָּבָ֖ר הָרִאשֽׁוֹן׃

‎31 ‏וַיְּשָּֽׁמְעוּ֙¹ הַדְּבָרִ֔ים אֲשֶׁ֖ר דִּבֶּ֣ר דָּוִ֑ד וַיַּגִּ֥דוּ לִפְנֵֽי־שָׁא֖וּל וַיִּקָּחֵֽהוּ׃

‎32 ‏וַיֹּ֤אמֶר דָּוִד֙ אֶל־שָׁא֔וּל אַל־יִפֹּ֥ל לֵב־אָדָ֖ם עָלָ֑יו עַבְדְּךָ֣ יֵלֵ֔ךְ וְנִלְחַ֖ם עִם־הַפְּלִשְׁתִּ֥י הַזֶּֽה׃

‎33 ‏וַיֹּ֨אמֶר שָׁא֜וּל אֶל־דָּוִ֗ד לֹ֤א תוּכַל֙ לָלֶ֙כֶת֙ אֶל־הַפְּלִשְׁתִּ֣י הַזֶּ֔ה לְהִלָּחֵ֖ם עִמּ֑וֹ כִּֽי־נַ֣עַר אַ֔תָּה וְה֛וּא אִ֥ישׁ מִלְחָמָ֖ה מִנְּעֻרָֽיו׃ ס

‎34 ‏וַיֹּ֤אמֶר דָּוִד֙ אֶל־שָׁא֔וּל רֹעֶ֨ה הָיָ֧ה עַבְדְּךָ֛ לְאָבִ֖יו בַּצֹּ֑אן וּבָ֤א הָֽאֲרִי֙ וְאֶת־הַדּ֔וֹב וְנָשָׂ֥א שֶׂ֖ה מֵהָעֵֽדֶר׃

‎35 ‏וְיָצָ֧אתִי אַחֲרָ֛יו וְהִכִּתִ֖יו וְהִצַּ֣לְתִּי מִפִּ֑יו וַיָּ֣קָם עָלַ֔י וְהֶחֱזַ֙קְתִּי֙ בִּזְקָנ֔וֹ וְהִכִּתִ֖יו וַהֲמִיתִּֽיו׃

‎36 ‏גַּ֧ם אֶֽת־הָאֲרִ֛י גַּם־הַדּ֖וֹב הִכָּ֣ה עַבְדֶּ֑ךָ וְֽ֠הָיָה הַפְּלִשְׁתִּ֨י הֶעָרֵ֤ל הַזֶּה֙ כְּאַחַ֣ד מֵהֶ֔ם כִּ֣י חֵרֵ֔ף מַעַרְכֹ֖ת אֱלֹהִ֥ים חַיִּֽים׃ ס

‎37 ‏וַיֹּאמֶר֮ דָּוִד֒ יְהוָ֗ה אֲשֶׁ֨ר הִצִּלַ֜נִי מִיַּ֤ד הָֽאֲרִי֙ וּמִיַּ֣ד הַדֹּ֔ב ה֣וּא יַצִּילֵ֔נִי מִיַּ֥ד הַפְּלִשְׁתִּ֖י הַזֶּ֑ה סוַיֹּ֨אמֶר שָׁא֤וּל אֶל־דָּוִד֙ לֵ֔ךְ וַֽיהוָ֖ה יִהְיֶ֥ה עִמָּֽךְ׃

‎38 ‏וַיַּלְבֵּ֨שׁ שָׁא֤וּל אֶת־דָּוִד֙ מַדָּ֔יו וְנָתַ֛ן ק֥וֹבַע נְחֹ֖שֶׁת עַל־רֹאשׁ֑וֹ וַיַּלְבֵּ֥שׁ אֹת֖וֹ שִׁרְיֽוֹן׃

‎39 ‏וַיַּחְגֹּ֣ר דָּוִ֣ד אֶת־חַ֠רְבּוֹ מֵעַ֨ל לְמַדָּ֜יו וַיֹּ֣אֶל לָלֶכֶת֮ כִּ֣י לֹֽא־נִסָּה֒ וַיֹּ֨אמֶר דָּוִ֜ד אֶל־שָׁא֗וּל לֹ֥א אוּכַ֛ל לָלֶ֥כֶת בָּאֵ֖לֶּה כִּ֣י לֹ֣א נִסִּ֑יתִי וַיְסִרֵ֥ם דָּוִ֖ד מֵעָלָֽיו׃

‎40 ‏וַיִּקַּ֨ח מַקְל֜וֹ בְּיָד֗וֹ וַיִּבְחַר־ל֣וֹ חֲמִשָּׁ֣ה חַלֻּקֵֽי־אֲבָנִ֣ים׀ מִן־הַנַּ֡חַל וַיָּ֣שֶׂם אֹ֠תָם בִּכְלִ֨י הָרֹעִ֧ים אֲשֶׁר־ל֛וֹ וּבַיַּלְק֖וּט וְקַלְּע֣וֹ בְיָד֑וֹ וַיִּגַּ֖שׁ אֶל־הַפְּלִשְׁתִּֽי׃

‎41 ‏וַיֵּ֙לֶךְ֙ הַפְּלִשְׁתִּ֔י הֹלֵ֥ךְ וְקָרֵ֖ב אֶל־דָּוִ֑ד וְהָאִ֛ישׁ נֹשֵׂ֥א הַצִּנָּ֖ה לְפָנָֽיו׃

‎42 ‏וַיַּבֵּ֧ט הַפְּלִשְׁתִּ֛י וַיִּרְאֶ֥ה אֶת־דָּוִ֖ד וַיִּבְזֵ֑הוּ כִּֽי־הָיָ֣ה נַ֔עַר וְאַדְמֹנִ֖י עִם־יְפֵ֥ה מַרְאֶֽה׃

‎43 ‏וַיֹּ֤אמֶר הַפְּלִשְׁתִּי֙ אֶל־דָּוִ֔ד הֲכֶ֣לֶב אָנֹ֔כִי כִּֽי־אַתָּ֥ה בָֽא־אֵלַ֖י בַּמַּקְל֑וֹת וַיְקַלֵּ֧ל הַפְּלִשְׁתִּ֛י אֶת־דָּוִ֖ד בֵּאלֹהָֽיו׃

‎44 ‏וַיֹּ֥אמֶר הַפְּלִשְׁתִּ֖י אֶל־דָּוִ֑ד לְכָ֣ה אֵלַ֔י וְאֶתְּנָה֙ אֶת־בְּשָׂ֣רְךָ֔ לְע֥וֹף הַשָּׁמַ֖יִם וּלְבֶהֱמַ֥ת הַשָּׂדֶֽה׃ ס

‎45 ‏וַיֹּ֤אמֶר דָּוִד֙ אֶל־הַפְּלִשְׁתִּ֔י אַתָּה֙ בָּ֣א אֵלַ֔י בְּחֶ֖רֶב וּבַחֲנִ֣ית וּבְכִיד֑וֹן וְאָנֹכִ֣י בָֽא־אֵלֶ֗יךָ בְּשֵׁם֙ יְהוָ֣ה צְבָא֔וֹת אֱלֹהֵ֛י מַעַרְכ֥וֹת יִשְׂרָאֵ֖ל אֲשֶׁ֥ר חֵרַֽפְתָּ׃

‎46 ‏הַיּ֣וֹם הַזֶּ֡ה יְסַגֶּרְךָ֩ יְהוָ֨ה בְּיָדִ֜י וְהִכִּיתִ֗ךָ וַהֲסִרֹתִ֤י אֶת־רֹֽאשְׁךָ֙ מֵעָלֶ֔יךָ וְנָ֨תַתִּ֜י פֶּ֣גֶר מַחֲנֵ֤ה פְלִשְׁתִּים֙ הַיּ֣וֹם הַזֶּ֔ה לְע֥וֹף הַשָּׁמַ֖יִם וּלְחַיַּ֣ת הָאָ֑רֶץ וְיֵֽדְעוּ֙ כָּל־הָאָ֔רֶץ כִּ֛י יֵ֥שׁ אֱלֹהִ֖ים לְיִשְׂרָאֵֽל׃

‎47 ‏וְיֵֽדְעוּ֙ כָּל־הַקָּהָ֣ל הַזֶּ֔ה כִּֽי־לֹ֛א בְּחֶ֥רֶב וּבַחֲנִ֖ית יְהוֹשִׁ֣יעַ יְהוָ֑ה כִּ֤י לַֽיהוָה֙ הַמִּלְחָמָ֔ה וְנָתַ֥ן אֶתְכֶ֖ם בְּיָדֵֽנוּ׃

‎48 ‏וְהָיָה֙ כִּֽי־קָ֣ם הַפְּלִשְׁתִּ֔י וַיֵּ֥לֶךְ וַיִּקְרַ֖ב לִקְרַ֣את דָּוִ֑ד וַיְמַהֵ֣ר דָּוִ֔ד וַיָּ֥רָץ הַמַּעֲרָכָ֖ה לִקְרַ֥את הַפְּלִשְׁתִּֽי׃

‎49 ‏וַיִּשְׁלַח֩ דָּוִ֨ד אֶת־יָד֜וֹ אֶל־הַכֶּ֗לִי וַיִּקַּ֨ח מִשָּׁ֥ם אֶ֙בֶן֙ וַיְקַלַּ֔ע וַיַּ֥ךְ אֶת־הַפְּלִשְׁתִּ֖י אֶל־מִצְח֑וֹ וַתִּטְבַּ֤ע הָאֶ֙בֶן֙ בְּמִצְח֔וֹ וַיִּפֹּ֥ל עַל־פָּנָ֖יו אָֽרְצָה׃

‎50 ‏וַיֶּחֱזַ֨ק דָּוִ֤ד מִן־הַפְּלִשְׁתִּי֙ בַּקֶּ֣לַע וּבָאֶ֔בֶן וַיַּ֥ךְ אֶת־הַפְּלִשְׁתִּ֖י וַיְמִיתֵ֑הוּ וְחֶ֖רֶב אֵ֥ין בְּיַד־דָּוִֽד׃

‎51 ‏וַיָּ֣רָץ דָּ֠וִד וַיַּעֲמֹ֨ד אֶל־הַפְּלִשְׁתִּ֜י וַיִּקַּ֣ח אֶת־חַ֠רְבּוֹ וַֽיִּשְׁלְפָ֤הּ מִתַּעְרָהּ֙ וַיְמֹ֣תְתֵ֔הוּ וַיִּכְרָת־בָּ֖הּ אֶת־רֹאשׁ֑וֹ וַיִּרְא֧וּ הַפְּלִשְׁתִּ֛ים כִּֽי־מֵ֥ת גִּבּוֹרָ֖ם וַיָּנֻֽסוּ׃

‎52 ‏וַיָּקֻ֣מוּ אַנְשֵׁי֩ יִשְׂרָאֵ֨ל וִיהוּדָ֜ה וַיָּרִ֗עוּ וַֽיִּרְדְּפוּ֙ אֶת־הַפְּלִשְׁתִּ֔ים עַד־בּוֹאֲךָ֣ גַ֔יְא וְעַ֖ד שַׁעֲרֵ֣י עֶקְר֑וֹן וַֽיִּפְּל֞וּ חַֽלְלֵ֤י פְלִשְׁתִּים֙ בְּדֶ֣רֶךְ שַׁעֲרַ֔יִם וְעַד־גַּ֖ת וְעַד־עֶקְרֽוֹן׃

‎53 ‏וַיָּשֻׁ֙בוּ֙ בְּנֵ֣י יִשְׂרָאֵ֔ל מִדְּלֹ֖ק אַחֲרֵ֣י פְלִשְׁתִּ֑ים וַיָּשֹׁ֖סּוּ אֶת־מַחֲנֵיהֶֽם׃

‎54 ‏וַיִּקַּ֤ח דָּוִד֙ אֶת־רֹ֣אשׁ הַפְּלִשְׁתִּ֔י וַיְבִאֵ֖הוּ יְרוּשָׁלִָ֑ם וְאֶת־כֵּלָ֖יו שָׂ֥ם בְּאָהֳלֽוֹ׃ ס

‎55 ‏וְכִרְא֨וֹת שָׁא֜וּל אֶת־דָּוִ֗ד יֹצֵא֙ לִקְרַ֣את הַפְּלִשְׁתִּ֔י אָמַ֗ר אֶל־אַבְנֵר֙ שַׂ֣ר הַצָּבָ֔א בֶּן־מִי־זֶ֥ה הַנַּ֖עַר אַבְנֵ֑ר וַיֹּ֣אמֶר אַבְנֵ֔ר חֵֽי־נַפְשְׁךָ֥ הַמֶּ֖לֶךְ אִם־יָדָֽעְתִּי׃

‎56 ‏וַיֹּ֖אמֶר הַמֶּ֑לֶךְ שְׁאַ֣ל אַתָּ֔ה בֶּן־מִי־זֶ֖ה הָעָֽלֶם׃ ס

‎57 ‏וּכְשׁ֣וּב דָּוִ֗ד מֵֽהַכּוֹת֙ אֶת־הַפְּלִשְׁתִּ֔י וַיִּקַּ֤ח אֹתוֹ֙ אַבְנֵ֔ר וַיְבִאֵ֖הוּ לִפְנֵ֣י שָׁא֑וּל וְרֹ֥אשׁ הַפְּלִשְׁתִּ֖י בְּיָדֽוֹ׃

‎58 ‏וַיֹּ֤אמֶר אֵלָיו֙ שָׁא֔וּל בֶּן־מִ֥י אַתָּ֖ה הַנָּ֑עַר וַיֹּ֣אמֶר דָּוִ֔ד בֶּֽן־עַבְדְּךָ֥ יִשַׁ֖י בֵּ֥ית הַלַּחְמִֽי׃

1 wayya’asəfû fəlišətîm ’eṯ-m^aḥănêhem lammiləḥāmâ wayyē’āsəfû śōḵōh ’ăšer lîhûḏâ wayy^aḥănû bên-śwōḵōh ûḇên-‘ăzēqâ bə’efes dammîm:

2 wəšā’ûl wə’îš-yiśərā’ēl ne’esəfû wayy^aḥănû bə‘ēmeq hā’ēlâ wayy^a‘arəḵû miləḥāmâ liqəra’ṯ pəlišətîm:

3 ûfəlišətîm ‘ōməḏîm ’el-hâār mizzeh wəyiśərā’ēl ‘ōməḏîm ’el-hâār mizzeh wəhagayə’ bênêhem:

4 wayyēṣē’ ’îš-habēnayim mimm^aḥănwōṯ pəlišətîm gāləyāṯ šəmwō migaṯ gāḇəhwō šēš ’ammwōṯ wāzāreṯ:

5 wəḵwōḇ^a‘ nəḥōšeṯ ‘al-rō’šwō wəširəywōn qaśəqaśśîm hû’ lāḇûš ûmišəqal hašširəywōn ḥămēšeṯ-’ălāfîm šəqālîm nəḥōšeṯ:

6 ûmiṣəḥaṯ nəḥōšeṯ ‘al-raḡəlāyw wəḵîḏwōn nəḥōšeṯ bên kəṯēfāyw:

7 wəḥāṣ wə‘ēṣ ḥănîṯwō kimənwōr ’ōrəḡîm wəlaheḇeṯ ḥănîṯwō šēš-mē’wōṯ šəqālîm barəzel wənōśē’ haṣṣinnâ hōlēḵə ləfānāyw:

8 wayy^a‘ămōḏ wayyiqərā’ ’el-m^a‘arəḵōṯ yiśərā’ēl wayyō’mer lâem lāmmâ ṯēṣə’û l^a‘ărōḵə miləḥāmâ hălwō’ ’ānōḵî hapəlišətî wə’atem ‘ăḇāḏîm ləšā’ûl bərû-lāḵem ’îš wəyērēḏ ’ēlāy:

9 ’im-yûḵal ləhillāḥēm ’itî wəhikānî wəhāyînû lāḵem l^a‘ăḇāḏîm wə’im-’ănî ’ûḵal-lwō wəhikîṯîw wihəyîṯem lānû l^a‘ăḇāḏîm w^a‘ăḇaḏətem ’ōṯānû:

10 wayyō’mer hapəlišətî ’ănî ḥērafətî ’eṯ-m^a‘arəḵwōṯ yiśərā’ēl hayywōm hazzeh tənû-lî ’îš wənillāḥămâ yāḥaḏ:

11 wayyišəm^a‘ šā’ûl wəḵāl-yiśərā’ēl ’eṯ-diḇərê hapəlišətî hā’ēlleh wayyēḥatû wayyirə’û mə’ōḏ: f

12 wəḏāwiḏ ben-’îš ’efərāṯî hazzeh mibêṯ leḥem yəhûḏâ ûšəmwō yišay wəlwō šəmōnâ ḇānîm wəhā’îš bîmê šā’ûl zāqēn bā’ ḇa’ănāšîm:

13 wayyēləḵû šəlōšeṯ bənê-yišay hagəḏōlîm hāləḵû ’^aḥărê-šā’ûl lammiləḥāmâ wəšēm| šəlōšeṯ bānāyw ’ăšer hāləḵû bammiləḥāmâ ’ĕlî’āḇ habəḵwōr ûmišənēhû ’ăḇînāḏāḇ wəhaššəlišî šammâ:

14 wəḏāwiḏ hû’ haqqāṭān ûšəlōšâ hagəḏōlîm hāləḵû ’^aḥărê šā’ûl: s

15 wəḏāwiḏ hōlēḵə wāšāḇ mē‘al šā’ûl lirə‘wōṯ ’eṯ-ṣō’n ’āḇîw bêṯ-lāḥem:

16 wayyigaš hapəlišətî hašəkēm wəh^a‘ărēḇ wayyiṯəyaṣṣēḇ ’arəbā‘îm ywōm: f

17 wayyō’mer yišay ləḏāwiḏ bənwō q^aḥ-nā’ lə’^aḥeyḵā ’êfaṯ haqqālî’ hazzeh w^a‘ăśārâ leḥem hazzeh wəhārēṣ hamm^aḥăneh lə’^aḥeyḵā:

18 wə’ēṯ ‘ăśereṯ ḥăriṣê heḥālāḇ hā’ēlleh tāḇî’ ləśar-hā’ālef wə’eṯ-’^aḥeyḵā tifəqōḏ ləšālwōm wə’eṯ-‘ărubāṯām tiqqāḥ:

19 wəšā’ûl wəhēmmâ wəḵāl-’îš yiśərā’ēl bə‘ēmeq hā’ēlâ niləḥāmîm ‘im-pəlišətîm:

20 wayyašəkēm dāwiḏ babōqer wayyiṭṭōš ’eṯ-haṣṣō’n ‘al-šōmēr wayyiśśā’ wayyēleḵə ka’ăšer ṣiûâû yišāy wayyāḇō’ hamm^a‘əgālâ wəh^aḥayil hayyōṣē’ ’el-hamm^a‘ărāḵâ wəhērē‘û bammiləḥāmâ:

21 wat^a‘ărōḵə yiśərā’ēl ûfəlišətîm m^a‘ărāḵâ liqəra’ṯ m^a‘ărāḵâ:

22 wayyiṭṭōš dāwiḏ ’eṯ-hakēlîm mē‘ālāyw ‘al-yaḏ šwōmēr hakēlîm wayyārāṣ hamm^a‘ărāḵâ wayyāḇō’ wayyišə’al lə’eḥāyw ləšālwōm:

23 wəhû’| məḏabēr ‘immām wəhinnēh ’îš habēnayim ‘wōleh gāləyāṯ hapəlišətî šəmwō migaṯ mimm^a‘ărwōṯ mimm^a‘arəḵwōṯ^a pəlišətîm wayəḏabēr kadəḇārîm hā’ēlleh wayyišəm^a‘ dāwiḏ:

24 wəḵōl ’îš yiśərā’ēl birə’wōṯām ’eṯ-hā’îš wayyānusû mipānāyw wayyîrə’û mə’ōḏ:

25 wayyō’mer| ’îš yiśərā’ēl harrə’îṯem hā’îš hā‘ōleh hazzeh kî ləḥārēf ’eṯ-yiśərā’ēl ‘ōleh wəhāyâ hā’îš ’ăšer-yakennû y^a‘əšərennû hammeleḵə| ‘ōšer gāḏwōl wə’eṯ-bitwō yiten-lwō wə’ēṯ bêṯ ’āḇîw y^a‘ăśeh ḥāfəšî bəyiśərā’ēl:

26 wayyō’mer dāwiḏ ’el-hā’ănāšîm hā‘ōməḏîm ‘immwō lē’mōr mah-yyē‘āśeh lā’îš ’ăšer yakeh ’eṯ-hapəlišətî hallāz wəhēsîr ḥerəpâ mē‘al yiśərā’ēl kî mî hapəlišətî he‘ārēl hazzeh kî ḥērēf m^a‘arəḵwōṯ ’ĕlōhîm ḥayyîm:

27 wayyō’mer lwō hā‘ām kadāḇār hazzeh lē’mōr kōh yē‘āśeh lā’îš ’ăšer yakennû:

28 wayyišəm^a‘ ’ĕlî’āḇ ’āḥîw hagāḏwōl bəḏabərwō ’el-hā’ănāšîm wayyiḥar-’af ’ĕlî’āḇ bəḏāwiḏ wayyō’mer| lāmmâ-zzeh yāraḏətā wə‘al-mî nāṭašətā mə‘aṭ haṣṣō’n hâēnnâ bammiḏəbār ’ănî yāḏ^a‘ətî ’eṯ-zəḏōnəḵā wə’ēṯ rō‘a ləḇāḇeḵā kî ləm^a‘an rə’wōṯ hammiləḥāmâ yārāḏətā:

29 wayyō’mer dāwiḏ meh ‘āśîṯî ‘ātâ hălwō’ dāḇār hû’:

30 wayyissōḇ mē’eṣəlwō ’el-mûl ’^aḥēr wayyō’mer kadāḇār hazzeh wayəšiḇuhû hā‘ām dāḇār kadāḇār hāri’šwōn:

31 wayyəššāmə‘û¹ hadəḇārîm ’ăšer diber dāwiḏ wayyagiḏû lifənê-šā’ûl wayyiqqāḥēhû:

32 wayyō’mer dāwiḏ ’el-šā’ûl ’al-yipōl lēḇ-’āḏām ‘ālāyw ‘aḇədəḵā yēlēḵə wəniləḥam ‘im-hapəlišətî hazzeh:

33 wayyō’mer šā’ûl ’el-dāwiḏ lō’ ṯûḵal lāleḵeṯ ’el-hapəlišətî hazzeh ləhillāḥēm ‘immwō kî-n^a‘ar ’atâ wəhû’ ’îš miləḥāmâ minnə‘urāyw: s

34 wayyō’mer dāwiḏ ’el-šā’ûl rō‘eh hāyâ ‘aḇədəḵā lə’āḇîw baṣṣō’n ûḇā’ hā’ărî wə’eṯ-hadwōḇ wənāśā’ śeh mēhā‘ēḏer:

35 wəyāṣā’ṯî ’^aḥărāyw wəhikiṯîw wəhiṣṣalətî mipîw wayyāqām ‘ālay wəheḥĕzaqətî bizəqānwō wəhikiṯîw wahămîtîw:

36 gam ’eṯ-hā’ărî gam-hadwōḇ hikâ ‘aḇədeḵā wəhāyâ hapəlišətî he‘ārēl hazzeh kə’^aḥaḏ mēhem kî ḥērēf m^a‘arəḵōṯ ’ĕlōhîm ḥayyîm: s

37 wayyō’mer dāwiḏ yəhwâ ’ăšer hiṣṣilanî mîyaḏ hā’ărî ûmîyaḏ hadōḇ hû’ yaṣṣîlēnî mîyaḏ hapəlišətî hazzeh swayyō’mer šā’ûl ’el-dāwiḏ lēḵə wayhwâ yihəyeh ‘immāḵə:

38 wayyaləbēš šā’ûl ’eṯ-dāwiḏ madāyw wənāṯan qwōḇ^a‘ nəḥōšeṯ ‘al-rō’šwō wayyaləbēš ’ōṯwō širəywōn:

39 wayy^aḥəgōr dāwiḏ ’eṯ-ḥarəbwō mē‘al ləmadāyw wayyō’el lāleḵeṯ kî lō’-nissâ wayyō’mer dāwiḏ ’el-šā’ûl lō’ ’ûḵal lāleḵeṯ bā’ēlleh kî lō’ nissîṯî wayəsirēm dāwiḏ mē‘ālāyw:

40 wayyiqq^aḥ maqəlwō bəyāḏwō wayyiḇəḥar-lwō ḥămiššâ ḥalluqê-’ăḇānîm| min-hann^aḥal wayyāśem ’ōṯām biḵəlî hārō‘îm ’ăšer-lwō ûḇayyaləqûṭ wəqallə‘wō ḇəyāḏwō wayyigaš ’el-hapəlišətî:

41 wayyēleḵə hapəlišətî hōlēḵə wəqārēḇ ’el-dāwiḏ wəhā’îš nōśē’ haṣṣinnâ ləfānāyw:

42 wayyabēṭ hapəlišətî wayyirə’eh ’eṯ-dāwiḏ wayyiḇəzēhû kî-hāyâ n^a‘ar wə’aḏəmōnî ‘im-yəfēh marə’eh:

43 wayyō’mer hapəlišətî ’el-dāwiḏ hăḵeleḇ ’ānōḵî kî-’atâ ḇā’-’ēlay bammaqəlwōṯ wayəqallēl hapəlišətî ’eṯ-dāwiḏ bē’lōhāyw:

44 wayyō’mer hapəlišətî ’el-dāwiḏ ləḵâ ’ēlay wə’etənâ ’eṯ-bəśārəḵā lə‘wōf haššāmayim ûləḇehĕmaṯ haśśāḏeh: s

45 wayyō’mer dāwiḏ ’el-hapəlišətî ’atâ bā’ ’ēlay bəḥereḇ ûḇ^aḥănîṯ ûḇəḵîḏwōn wə’ānōḵî ḇā’-’ēleyḵā bəšēm yəhwâ ṣəḇā’wōṯ ’ĕlōhê m^a‘arəḵwōṯ yiśərā’ēl ’ăšer ḥērafətā:

46 hayywōm hazzeh yəsagerəḵā yəhwâ bəyāḏî wəhikîṯiḵā wahăsirōṯî ’eṯ-rō’šəḵā mē‘āleyḵā wənāṯatî peḡer m^aḥănēh fəlišətîm hayywōm hazzeh lə‘wōf haššāmayim ûləḥayyaṯ hā’āreṣ wəyēḏə‘û kāl-hā’āreṣ kî yēš ’ĕlōhîm ləyiśərā’ēl:

47 wəyēḏə‘û kāl-haqqâāl hazzeh kî-lō’ bəḥereḇ ûḇ^aḥănîṯ yəhwōšî‘a yəhwâ kî layhwâ hammiləḥāmâ wənāṯan ’eṯəḵem bəyāḏēnû:

48 wəhāyâ kî-qām hapəlišətî wayyēleḵə wayyiqəraḇ liqəra’ṯ dāwiḏ wayəmahēr dāwiḏ wayyārāṣ hamm^a‘ărāḵâ liqəra’ṯ hapəlišətî:

49 wayyišəl^aḥ dāwiḏ ’eṯ-yāḏwō ’el-hakelî wayyiqq^aḥ miššām ’eḇen wayəqall^a‘ wayyaḵə ’eṯ-hapəlišətî ’el-miṣəḥwō watiṭəb^a‘ hā’eḇen bəmiṣəḥwō wayyipōl ‘al-pānāyw ’ārəṣâ:

50 wayyeḥĕzaq dāwiḏ min-hapəlišətî baqqel^a‘ ûḇā’eḇen wayyaḵə ’eṯ-hapəlišətî wayəmîṯēhû wəḥereḇ ’ên bəyaḏ-dāwiḏ:

51 wayyārāṣ dāwiḏ wayy^a‘ămōḏ ’el-hapəlišətî wayyiqq^aḥ ’eṯ-ḥarəbwō wayyišələfāh mit^a‘ərāh wayəmōṯəṯēhû wayyiḵərāṯ-bāh ’eṯ-rō’šwō wayyirə’û hapəlišətîm kî-mēṯ gibwōrām wayyānusû:

52 wayyāqumû ’anəšê yiśərā’ēl wîhûḏâ wayyāri‘û wayyirədəfû ’eṯ-hapəlišətîm ‘aḏ-bwō’ăḵā ḡayə’ wə‘aḏ š^a‘ărê ‘eqərwōn wayyipəlû ḥaləlê fəlišətîm bəḏereḵə š^a‘ărayim wə‘aḏ-gaṯ wə‘aḏ-‘eqərwōn:

53 wayyāšuḇû bənê yiśərā’ēl midəlōq ’^aḥărê fəlišətîm wayyāšōssû ’eṯ-m^aḥănêhem:

54 wayyiqq^aḥ dāwiḏ ’eṯ-rō’š hapəlišətî wayəḇi’ēhû yərûšālāim wə’eṯ-kēlāyw śām bə’âŏlwō: s

55 wəḵirə’wōṯ šā’ûl ’eṯ-dāwiḏ yōṣē’ liqəra’ṯ hapəlišətî ’āmar ’el-’aḇənēr śar haṣṣāḇā’ ben-mî-zeh hann^a‘ar ’aḇənēr wayyō’mer ’aḇənēr ḥê-nafəšəḵā hammeleḵə ’im-yāḏā‘ətî:

56 wayyō’mer hammeleḵə šə’al ’atâ ben-mî-zeh hā‘ālem: s

57 ûḵəšûḇ dāwiḏ mēhakwōṯ ’eṯ-hapəlišətî wayyiqq^aḥ ’ōṯwō ’aḇənēr wayəḇi’ēhû lifənê šā’ûl wərō’š hapəlišətî bəyāḏwō:

58 wayyō’mer ’ēlāyw šā’ûl ben-mî ’atâ hannā‘ar wayyō’mer dāwiḏ ben-‘aḇədəḵā yišay bêṯ hall^aḥəmî: