Zechariah (Zekharyah) Chapter 2

‎1 ‏וָאֶשָּׂ֥א אֶת־עֵינַ֖י וָאֵ֑רֶא וְהִנֵּ֖ה אַרְבַּ֥ע קְרָנֽוֹת׃

‎2 ‏וָאֹמַ֗ר אֶל־הַמַּלְאָ֛ךְ הַדֹּבֵ֥ר בִּ֖י מָה־אֵ֑לֶּה וַיֹּ֣אמֶר אֵלַ֔י אֵ֤לֶּה הַקְּרָנוֹת֙ אֲשֶׁ֣ר זֵר֣וּ אֶת־יְהוּדָ֔ה אֶת־יִשְׂרָאֵ֖ל וִירוּשָׁלָֽם׃¹ ס

‎3 ‏וַיַּרְאֵ֣נִי יְהוָ֔ה אַרְבָּעָ֖ה חָרָשִֽׁים׃

‎4 ‏וָאֹמַ֕ר מָ֛ה אֵ֥לֶּה בָאִ֖ים לַֽעֲשׂ֑וֹת וַיֹּ֣אמֶר לֵאמֹ֗ר אֵ֣לֶּה הַקְּרָנ֞וֹת אֲשֶׁר־זֵ֣רוּ אֶת־יְהוּדָ֗ה כְּפִי־אִישׁ֙ לֹא־נָשָׂ֣א רֹאשׁ֔וֹ וַיָּבֹ֤אוּ אֵ֙לֶּה֙ לְהַחֲרִ֣יד אֹתָ֔ם לְיַדּ֞וֹת אֶת־קַרְנ֣וֹת הַגּוֹיִ֗ם הַנֹּשְׂאִ֥ים קֶ֛רֶן אֶל־אֶ֥רֶץ יְהוּדָ֖ה לְזָרוֹתָֽהּ׃ ס

‎5 ‏וָאֶשָּׂ֥א עֵינַ֛י וָאֵ֖רֶא וְהִנֵּה־אִ֑ישׁ וּבְיָד֖וֹ חֶ֥בֶל מִדָּֽה׃

‎6 ‏וָאֹמַ֕ר אָ֖נָה אַתָּ֣ה הֹלֵ֑ךְ וַיֹּ֣אמֶר אֵלַ֗י לָמֹד֙ אֶת־יְר֣וּשָׁלִַ֔ם לִרְא֥וֹת כַּמָּֽה־רָחְבָּ֖הּ וְכַמָּ֥ה אָרְכָּֽהּ׃

‎7 ‏וְהִנֵּ֗ה הַמַּלְאָ֛ךְ הַדֹּבֵ֥ר בִּ֖י יֹצֵ֑א וּמַלְאָ֣ךְ אַחֵ֔ר יֹצֵ֖א לִקְרָאתֽוֹ׃

‎8 ‏וַיֹּ֣אמֶר אֵלָ֔ו^q רֻ֗ץ דַּבֵּ֛ר אֶל־הַנַּ֥עַר הַלָּ֖ז לֵאמֹ֑ר פְּרָזוֹת֙ תֵּשֵׁ֣ב יְרוּשָׁלִַ֔ם מֵרֹ֥ב אָדָ֛ם וּבְהֵמָ֖ה בְּתוֹכָֽהּ׃

‎9 ‏וַאֲנִ֤י אֶֽהְיֶה־לָּהּ֙ נְאֻם־יְהוָ֔ה ח֥וֹמַת אֵ֖שׁ סָבִ֑יב וּלְכָב֖וֹד אֶֽהְיֶ֥ה¹ בְתוֹכָֽהּ׃ פ

‎10 ‏ה֣וֹי ה֗וֹי וְנֻ֛סוּ מֵאֶ֥רֶץ צָפ֖וֹן נְאֻם־יְהוָ֑ה כִּ֠י כְּאַרְבַּ֞ע רוּח֧וֹת הַשָּׁמַ֛יִם פֵּרַ֥שְׂתִּי אֶתְכֶ֖ם נְאֻם־יְהוָֽה׃

‎11 ‏ה֥וֹי צִיּ֖וֹן הִמָּלְטִ֑י יוֹשֶׁ֖בֶת בַּת־בָּבֶֽל׃ ס

‎12 ‏כִּ֣י כֹ֣ה אָמַר֮ יְהוָ֣ה צְבָאוֹת֒ אַחַ֣ר כָּב֔וֹד שְׁלָחַ֕נִי אֶל־הַגּוֹיִ֖ם הַשֹּׁלְלִ֣ים אֶתְכֶ֑ם כִּ֚י הַנֹּגֵ֣עַ בָּכֶ֔ם נֹגֵ֖עַ בְּבָבַ֥ת עֵינֽוֹ׃

‎13 ‏כִּ֠י הִנְנִ֨י מֵנִ֤יף אֶת־יָדִי֙ עֲלֵיהֶ֔ם וְהָי֥וּ שָׁלָ֖ל לְעַבְדֵיהֶ֑ם וִֽידַעְתֶּ֕ם כִּֽי־יְהוָ֥ה צְבָא֖וֹת שְׁלָחָֽנִי׃ ס

‎14 ‏רָנִּ֥י וְשִׂמְחִ֖י בַּת־צִיּ֑וֹן כִּ֧י הִנְנִי־בָ֛א וְשָׁכַנְתִּ֥י בְתוֹכֵ֖ךְ נְאֻם־יְהוָֽה׃

‎15 ‏וְנִלְווּ֩ גוֹיִ֨ם רַבִּ֤ים אֶל־יְהוָה֙ בַּיּ֣וֹם הַה֔וּא וְהָ֥יוּ לִ֖י לְעָ֑ם וְשָׁכַנְתִּ֣י בְתוֹכֵ֔ךְ וְיָדַ֕עַתְּ כִּי־יְהוָ֥ה צְבָא֖וֹת שְׁלָחַ֥נִי אֵלָֽיִךְ׃

‎16 ‏וְנָחַ֨ל יְהוָ֤ה אֶת־יְהוּדָה֙ חֶלְק֔וֹ עַ֖ל אַדְמַ֣ת הַקֹּ֑דֶשׁ וּבָחַ֥ר ע֖וֹד בִּירוּשָׁלִָֽם׃

‎17 ‏הַ֥ס כָּל־בָּשָׂ֖ר מִפְּנֵ֣י יְהוָ֑ה כִּ֥י נֵע֖וֹר מִמְּע֥וֹן קָדְשֽׁוֹ׃ ס

1 wā’eśśā’ ’eṯ-‘ênay wā’ēre’ wəhinnēh ’arəb^a‘ qərānwōṯ:

2 wā’ōmar ’el-hammalə’āḵə hadōḇēr bî mâ-’ēlleh wayyō’mer ’ēlay ’ēlleh haqqərānwōṯ ’ăšer zērû ’eṯ-yəhûḏâ ’eṯ-yiśərā’ēl wîrûšālām:¹ s

3 wayyarə’ēnî yəhwâ ’arəbā‘â ḥārāšîm:

4 wā’ōmar mâ ’ēlleh ḇā’îm l^a‘ăśwōṯ wayyō’mer lē’mōr ’ēlleh haqqərānwōṯ ’ăšer-zērû ’eṯ-yəhûḏâ kəfî-’îš lō’-nāśā’ rō’šwō wayyāḇō’û ’ēlleh ləh^aḥărîḏ ’ōṯām ləyadwōṯ ’eṯ-qarənwōṯ hagwōyim hannōśə’îm qeren ’el-’ereṣ yəhûḏâ ləzārwōṯāh: s

5 wā’eśśā’ ‘ênay wā’ēre’ wəhinnēh-’îš ûḇəyāḏwō ḥeḇel midâ:

6 wā’ōmar ’ānâ ’atâ hōlēḵə wayyō’mer ’ēlay lāmōḏ ’eṯ-yərûšālaim lirə’wōṯ kammâ-rāḥəbāh wəḵammâ ’ārəkāh:

7 wəhinnēh hammalə’āḵə hadōḇēr bî yōṣē’ ûmalə’āḵə ’^aḥēr yōṣē’ liqərā’ṯwō:

8 wayyō’mer ’ēlāw^q ruṣ dabēr ’el-hann^a‘ar hallāz lē’mōr pərāzwōṯ tēšēḇ yərûšālaim mērōḇ ’āḏām ûḇəhēmâ bəṯwōḵāh:

9 wa’ănî ’ehəyeh-llāh nə’um-yəhwâ ḥwōmaṯ ’ēš sāḇîḇ ûləḵāḇwōḏ ’ehəyeh¹ ḇəṯwōḵāh: f

10 hwōy hwōy wənusû mē’ereṣ ṣāfwōn nə’um-yəhwâ kî kə’arəb^a‘ rûḥwōṯ haššāmayim pēraśətî ’eṯəḵem nə’um-yəhwâ:

11 hwōy ṣîywōn himmāləṭî ywōšeḇeṯ baṯ-bāḇel: s

12 kî ḵōh ’āmar yəhwâ ṣəḇā’wōṯ ’^aḥar kāḇwōḏ šəlāḥanî ’el-hagwōyim haššōləlîm ’eṯəḵem kî hannōḡē‘a bāḵem nōḡē‘a bəḇāḇaṯ ‘ênwō:

13 kî hinənî mēnîf ’eṯ-yāḏî ‘ălêhem wəhāyû šālāl lə‘aḇəḏêhem wîḏ^a‘ətem kî-yəhwâ ṣəḇā’wōṯ šəlāḥānî: s

14 rānnî wəśiməḥî baṯ-ṣîywōn kî hinənî-ḇā’ wəšāḵanətî ḇəṯwōḵēḵə nə’um-yəhwâ:

15 wəniləwû ḡwōyim rabîm ’el-yəhwâ bayywōm hahû’ wəhāyû lî lə‘ām wəšāḵanətî ḇəṯwōḵēḵə wəyāḏ^a‘atə kî-yəhwâ ṣəḇā’wōṯ šəlāḥanî ’ēlāyiḵə:

16 wənāḥal yəhwâ ’eṯ-yəhûḏâ ḥeləqwō ‘al ’aḏəmaṯ haqqōḏeš ûḇāḥar ‘wōḏ bîrûšālāim:

17 has kāl-bāśār mipənê yəhwâ kî nē‘wōr mimmə‘wōn qāḏəšwō: s