Zechariah (Zekharyah) Chapter 10

‎1 ‏שַׁאֲל֨וּ מֵיְהוָ֤ה מָטָר֙ בְּעֵ֣ת מַלְק֔וֹשׁ יְהוָ֖ה עֹשֶׂ֣ה חֲזִיזִ֑ים וּמְטַר־גֶּ֙שֶׁם֙ יִתֵּ֣ן לָהֶ֔ם לְאִ֖ישׁ עֵ֥שֶׂב בַּשָּׂדֶֽה׃

‎2 ‏כִּ֧י הַתְּרָפִ֣ים דִּבְּרוּ־אָ֗וֶן וְהַקּֽוֹסְמִים֙ חָ֣זוּ שֶׁ֔קֶר וַֽחֲלֹמוֹת֙ הַשָּׁ֣וא יְדַבֵּ֔רוּ הֶ֖בֶל יְנַֽחֵמ֑וּן עַל־כֵּן֙ נָסְע֣וּ כְמוֹ־צֹ֔אן יַעֲנ֖וּ כִּֽי־אֵ֥ין רֹעֶֽה׃ פ

‎3 ‏עַל־הָֽרֹעִים֙ חָרָ֣ה אַפִּ֔י וְעַל־הָעַתּוּדִ֖ים אֶפְק֑וֹד כִּֽי־פָקַד֩ יְהוָ֨ה צְבָא֤וֹת אֶת־עֶדְרוֹ֙ אֶת־בֵּ֣ית יְהוּדָ֔ה וְשָׂ֣ם אוֹתָ֔ם כְּס֥וּס הוֹד֖וֹ בַּמִּלְחָמָֽה׃

‎4 ‏מִמֶּ֤נּוּ פִנָּה֙ מִמֶּ֣נּוּ יָתֵ֔ד מִמֶּ֖נּוּ קֶ֣שֶׁת מִלְחָמָ֑ה מִמֶּ֛נּוּ יֵצֵ֥א כָל־נוֹגֵ֖שׂ יַחְדָּֽו׃

‎5 ‏וְהָי֨וּ כְגִבֹּרִ֜ים בּוֹסִ֨ים בְּטִ֤יט חוּצוֹת֙ בַּמִּלְחָמָ֔ה וְנִ֨לְחֲמ֔וּ כִּ֥י יְהוָ֖ה עִמָּ֑ם וְהֹבִ֖ישׁוּ רֹכְבֵ֥י סוּסִֽים׃

‎6 ‏וְגִבַּרְתִּ֣י׀ אֶת־בֵּ֣ית יְהוּדָ֗ה וְאֶת־בֵּ֤ית יוֹסֵף֙ אוֹשִׁ֔יעַ וְהֽוֹשְׁבוֹתִים֙ כִּ֣י רִֽחַמְתִּ֔ים וְהָי֖וּ כַּאֲשֶׁ֣ר לֹֽא־זְנַחְתִּ֑ים כִּ֗י אֲנִ֛י יְהוָ֥ה אֱלֹהֵיהֶ֖ם וְאֶעֱנֵֽם׃

‎7 ‏וְהָי֤וּ כְגִבּוֹר֙ אֶפְרַ֔יִם וְשָׂמַ֥ח לִבָּ֖ם כְּמוֹ־יָ֑יִן וּבְנֵיהֶם֙ יִרְא֣וּ וְשָׂמֵ֔חוּ יָגֵ֥ל לִבָּ֖ם בַּיהוָֽה׃

‎8 ‏אֶשְׁרְקָ֥ה לָהֶ֛ם וַאֲקַבְּצֵ֖ם כִּ֣י פְדִיתִ֑ים וְרָב֖וּ כְּמ֥וֹ רָבֽוּ׃

‎9 ‏וְאֶזְרָעֵם֙ בָּֽעַמִּ֔ים וּבַמֶּרְחַקִּ֖ים יִזְכְּר֑וּנִי וְחָי֥וּ אֶת־בְּנֵיהֶ֖ם וָשָֽׁבוּ׃

‎10 ‏וַהֲשִֽׁיבוֹתִים֙ מֵאֶ֣רֶץ מִצְרַ֔יִם וּמֵֽאַשּׁ֖וּר אֲקַבְּצֵ֑ם וְאֶל־אֶ֨רֶץ גִּלְעָ֤ד וּלְבָנוֹן֙ אֲבִיאֵ֔ם וְלֹ֥א יִמָּצֵ֖א לָהֶֽם׃

‎11 ‏וְעָבַ֨ר בַּיָּ֜ם צָרָ֗ה וְהִכָּ֤ה בַיָּם֙ גַּלִּ֔ים וְהֹבִ֕ישׁוּ כֹּ֖ל מְצוּל֣וֹת יְאֹ֑ר וְהוּרַד֙ גְּא֣וֹן אַשּׁ֔וּר וְשֵׁ֥בֶט מִצְרַ֖יִם יָסֽוּר׃

‎12 ‏וְגִבַּרְתִּים֙ בַּֽיהוָ֔ה וּבִשְׁמ֖וֹ יִתְהַלָּ֑כוּ נְאֻ֖ם יְהוָֽה׃ ס

1 ša’ălû mêəhwâ māṭār bə‘ēṯ maləqwōš yəhwâ ‘ōśeh ḥăzîzîm ûməṭar-gešem yitēn lâem lə’îš ‘ēśeḇ baśśāḏeh:

2 kî hatərāfîm dibərû-’āwen wəhaqqwōsəmîm ḥāzû šeqer w^aḥălōmwōṯ haššāw’ yəḏabērû heḇel yən^aḥēmûn ‘al-kēn nāsə‘û ḵəmwō-ṣō’n y^a‘ănû kî-’ên rō‘eh: f

3 ‘al-hārō‘îm ḥārâ ’apî wə‘al-hā‘atûḏîm ’efəqwōḏ kî-fāqaḏ yəhwâ ṣəḇā’wōṯ ’eṯ-‘eḏərwō ’eṯ-bêṯ yəhûḏâ wəśām ’wōṯām kəsûs hwōḏwō bammiləḥāmâ:

4 mimmennû finnâ mimmennû yāṯēḏ mimmennû qešeṯ miləḥāmâ mimmennû yēṣē’ ḵāl-nwōḡēś y^aḥədāw:

5 wəhāyû ḵəḡibōrîm bwōsîm bəṭîṭ ḥûṣwōṯ bammiləḥāmâ wəniləḥămû kî yəhwâ ‘immām wəhōḇîšû rōḵəḇê sûsîm:

6 wəḡibarətî| ’eṯ-bêṯ yəhûḏâ wə’eṯ-bêṯ ywōsēf ’wōšî‘a wəhwōšəḇwōṯîm kî riḥamətîm wəhāyû ka’ăšer lō’-zən^aḥətîm kî ’ănî yəhwâ ’ĕlōhêhem wə’e‘ĕnēm:

7 wəhāyû ḵəḡibwōr ’efərayim wəśām^aḥ libām kəmwō-yāyin ûḇənêhem yirə’û wəśāmēḥû yāḡēl libām bayhwâ:

8 ’ešərəqâ lâem wa’ăqabəṣēm kî fəḏîṯîm wərāḇû kəmwō rāḇû:

9 wə’ezərā‘ēm bā‘ammîm ûḇammerəḥaqqîm yizəkərûnî wəḥāyû ’eṯ-bənêhem wāšāḇû:

10 wahăšîḇwōṯîm mē’ereṣ miṣərayim ûmē’aššûr ’ăqabəṣēm wə’el-’ereṣ gilə‘āḏ ûləḇānwōn ’ăḇî’ēm wəlō’ yimmāṣē’ lâem:

11 wə‘āḇar bayyām ṣārâ wəhikâ ḇayyām gallîm wəhōḇîšû kōl məṣûlwōṯ yə’ōr wəhûraḏ gə’wōn ’aššûr wəšēḇeṭ miṣərayim yāsûr:

12 wəḡibarətîm bayhwâ ûḇišəmwō yiṯəhallāḵû nə’um yəhwâ: s