Hymn 171

Rig Veda Book 1 Hymn 171

परति व एना नमसाहमेमि सूक्तेन भिक्षे सुमतिं तुराणाम |
रराणता मरुतो वेद्याभिर्नि हेळो धत्त वि मुचध्वमश्वान ||
एष व सतोमो मरुतो नमस्वान हर्दा तष्टो मनसा धायि देवाः |
उपेमा यात मनसा जुषाणा यूयं हि षठा नमस इद वर्धासः ||
सतुतासो नो मरुतो मर्ळयन्तूत सतुतो मघवा शमभविष्ठः |
ऊर्ध्वा नः सन्तु कोम्या वनान्यहानि विश्वा मरुतो जिगीषा ||
अस्मादहं तविषादीषमाण इन्द्राद भिया मरुतो रेजमानः |
युष्मभ्यं हव्या निशितान्यासन तान्यारे चक्र्मा मर्ळत नः ||
येन मानासश्चितयन्त उस्रा वयुष्टिषु शवसा शश्वतीनाम |
स नो मरुद्भिर्व्र्षभ शरवो धा उग्र उग्रेभि सथविरः सहोदाः ||
तवं पाहीन्द्र सहीयसो नॄन भवा मरुद्भिरवयातहेळाः |
सुप्रकेतेभिः सासहिर्दधानो विद्यामेषं व. ज. ||
prati va enā namasāhamemi sūktena bhikṣe sumatiṃ turāṇām |
rarāṇatā maruto vedyābhirni heḷo dhatta vi mucadhvamaśvān ||
eṣa va stomo maruto namasvān hṛdā taṣṭo manasā dhāyi devāḥ |
upemā yāta manasā juṣāṇā yūyaṃ hi ṣṭhā namasa id vṛdhāsaḥ ||
stutāso no maruto mṛḷayantūta stuto maghavā śambhaviṣṭhaḥ |
ūrdhvā naḥ santu komyā vanānyahāni viśvā maruto jighīṣā ||
asmādahaṃ taviṣādīṣamāṇa indrād bhiyā maruto rejamānaḥ |
yuṣmabhyaṃ havyā niśitānyāsan tānyāre cakṛmā mṛḷata naḥ ||
yena mānāsaścitayanta usrā vyuṣṭiṣu śavasā śaśvatīnām |
sa no marudbhirvṛṣabha śravo dhā ughra ughrebhi sthaviraḥ sahodāḥ ||
tvaṃ pāhīndra sahīyaso nṝn bhavā marudbhiravayātaheḷāḥ |
supraketebhiḥ sāsahirdadhāno vidyāmeṣaṃ v. j. ||