VI. Ad Missam. In Festo Translationis Magni Ducis Martyris

VI.

AD MISSAM.

IN FESTO TRANSLATIONIS MAGNI DUCIS MARTYRIS. (1)

Officium.

Laetabitur justus [in Domino, et sperabit in eo, et laudabuntur omnes recti corde.] [Ps. 63. 10.]

Oratio Collecta.

Deus qui immensae pietatis judicio corpus sancti Magni martyris et consulis ad honorem nominis tui revelasti:  Concede nobis famulis tuis, ut ejus patrocinantibus meritis transferamur ad amoena loca felicitatis.  Per [Jesum Christum Dominum nostrum.  Amen.]

Epistola.

Nemo militans.  [Timoth. 2. ch. 2. v. 4-10.]

Gradale.

Posuisti Domine [super caput ejus coronam de lapide pretioso.  Ps. 20. v. 43.]  Alleluia.

Versus.

Egregie martyr Christi, implo[ra pro nobis ad Dominum nostrum Jesum Christum].

Sequentia.

Comitis generosi,

militis gloriosi

martyris certamina

concinat Orchadi[c]a

gens plaudens;  nam caelica

terit Magnus limina.

Magnum probant opera

quae Dei per munera

agit dignus nomine.

Spreto virgo saeculo

annorum (2) curriculo

decem est cum virgine.

Quod ostendit et portendit

casu fractus (3) ovem nactus

puerili praemio.

Habens ita, orat vita

ne privetur, cui medetur

Magni interventio.

Qui a pacto primitus

resilire monitus

eligit sagacius

illud quod est melius.

Mori pro justitia

optat Dei gratia,

Suscepturus gaudia,

ditandus in gloria.

In agone spe coronae

martyr sudat, quod denudat

sanguinis dispersio.

Deo gratus, solo stratus,

non invitus, nunc praeditus

est caelesti solio.

Moestis risus impenditur,

caecis visus aperitur

ejus patrocinio:

Praesul orat ut sanetur,

et implorat quod medetur

mox precum obsequio.

Morbo leprae medicamen,

nautis quidem est tutamen,

e diversis languoribus

plebem curat mortalibus.

Tribulatos cunctos audit,

prece, voto justis plaudit

plenus misericordia,

quaeque fugat daemonia.

O quam martyr hic beatus,

virgo fructu fossus latus,

ter centeno laureatus,

fruitur palatio.

Quos nos esse te laudantes,

tuum festum celebrantes

perpetuo Magne tuo

impetres colloquio:

Ut erepti tua prece

nos ab hostis saevi nece

collaetemur, et privemur

Gehennae supplicio.  Amen. (4)

Evangelium.

In illis [diebus dixit Jesus], Nolite arbitrari .......... [mercedem suam.  Matt. 10. 34-42.]

Offertorium.

Desiderium a[nimae ejus tribuisti ei, et voluntate labiorum non fraudasti eum.  Ps. 20. 2.]

Secreta.

Praesentia munera quaesumus, Domine, ita serena pietate intuere, ut Sancti Spiritus perfundantur benedictione, et in nostris cordibus eam dilectionem validam infu[n]dant, per quam sanctus martyr Magnus omnia corporis tormenta devicit.  Per [Jesum Christum Dominum nostrum.  Amen.]

Communio.

Posuisti Domine [super caput ejus coronam de lapide pretioso.  Ps. 20. 43.]

Post-Communio.

Sumpsimus, Domine, Sancti Magni martyris solempnitate, coelestia sacramenta, cujus suffragiis quaesumus largiaris, ut quod temporaliter gerimus, aeternis gaudiis consequamur.  Per [Jesum Christum Dominum nostrum.  Amen. (5)]

Vigilia (6) Thomae Apostoli, etc.

*********************

1.                  >From Cd. Chart. Arn.-Magn. 670, f. 4to., in the autograph of Arni Magnus' son, from a lost vellum.  On this Sequence Arni Magnus' son makes the following note:  "Super totam hanc Sequentiam sunt lineae cum notulis cantoriis."  He also adds:  "Exscriptum ex libro Officiorum Sacrorum in grandi folio, quem nactus sum Scardi Scardstrandensium in occidentali Islandia."  The notes are, unfortunately lost.  The portions within brackets have been filled in from other Missals.

2.                  annorum] annori, Cd.

3.                  jactus ?

4.                  Hactenus notae cantoriae cum suis lineis. (A.M.)

5.                  Amen.  The quotations of Scripture texts in these services are from the Latin Vulgate.

6.                  Vigilia.  That is the Vigil of St. Thomas the Apostle, which stood next in the Missal from which Arni Magnus' son copied.