1 Chronicles (1 Divrey Yamim) Chapter 4

‎1 ‏בְּנֵ֖י יְהוּדָ֑ה פֶּ֧רֶץ חֶצְר֛וֹן וְכַרְמִ֖י וְח֥וּר וְשׁוֹבָֽל׃

‎2 ‏וּרְאָיָ֤ה בֶן־שׁוֹבָל֙ הוֹלִ֣יד אֶת־יַ֔חַת וְיַ֣חַת הֹלִ֔יד אֶת־אֲחוּמַ֖י וְאֶת־לָ֑הַד אֵ֖לֶּה מִשְׁפְּח֥וֹת הַצָּֽרְעָתִֽי׃ ס

‎3 ‏וְאֵ֙לֶּה֙ אֲבִ֣י עֵיטָ֔ם יִזְרְעֶ֥אל וְיִשְׁמָ֖א וְיִדְבָּ֑שׁ וְשֵׁ֥ם אֲחוֹתָ֖ם הַצְלֶלְפּֽוֹנִי׃

‎4 ‏וּפְנוּאֵל֙ אֲבִ֣י גְדֹ֔ר וְעֵ֖זֶר אֲבִ֣י חוּשָׁ֑ה אֵ֤לֶּה בְנֵי־חוּר֙ בְּכ֣וֹר אֶפְרָ֔תָה אֲבִ֖י בֵּ֥ית לָֽחֶם׃

‎5 ‏וּלְאַשְׁחוּר֙ אֲבִ֣י תְק֔וֹעַ הָי֖וּ שְׁתֵּ֣י נָשִׁ֑ים חֶלְאָ֖ה וְנַעֲרָֽה׃

‎6 ‏וַתֵּ֨לֶד ל֤וֹ נַעֲרָה֙ אֶת־אֲחֻזָּ֣ם וְאֶת־חֵ֔פֶר וְאֶת־תֵּימְנִ֖י וְאֶת־הָאֲחַשְׁתָּרִ֑י אֵ֖לֶּה בְּנֵ֥י נַעֲרָֽה׃

‎7 ‏וּבְנֵ֖י חֶלְאָ֑ה צֶ֥רֶת יצחר וְצֹ֖חַר וְאֶתְנָֽן׃

‎8 ‏וְק֣וֹץ הוֹלִ֔יד אֶת־עָנ֖וּב וְאֶת־הַצֹּבֵבָ֑ה וּמִשְׁפְּח֥וֹת אֲחַרְחֵ֖ל בֶּן־הָרֽוּם׃

‎9 ‏וַיְהִ֣י יַעְבֵּ֔ץ נִכְבָּ֖ד מֵאֶחָ֑יו וְאִמּ֗וֹ קָרְאָ֨ה שְׁמ֤וֹ יַעְבֵּץ֙ לֵאמֹ֔ר כִּ֥י יָלַ֖דְתִּי בְּעֹֽצֶב׃

‎10 ‏וַיִּקְרָ֣א יַ֠עְבֵּץ לֵאלֹהֵ֨י יִשְׂרָאֵ֜ל לֵאמֹ֗ר אִם־בָּרֵ֨ךְ תְּבָרֲכֵ֜נִי וְהִרְבִּ֤יתָ אֶת־גְּבוּלִי֙ וְהָיְתָ֤ה יָדְךָ֙ עִמִּ֔י וְעָשִׂ֥יתָ מֵּרָעָ֖ה לְבִלְתִּ֣י עָצְבִּ֑י וַיָּבֵ֥א אֱלֹהִ֖ים אֵ֥ת אֲשֶׁר־שָׁאָֽל׃

‎11 ‏וּכְל֥וּב אֲחִֽי־שׁוּחָ֖ה הוֹלִ֣יד אֶת־מְחִ֑יר ה֖וּא אֲבִ֥י אֶשְׁתּֽוֹן׃

‎12 ‏וְאֶשְׁתּ֗וֹן הוֹלִ֞יד אֶת־בֵּ֤ית רָפָא֙ וְאֶת־פָּסֵ֔חַ וְאֶת־תְּחִנָּ֖ה אֲבִ֣י עִ֣יר נָחָ֑שׁ אֵ֖לֶּה אַנְשֵׁ֥י רֵכָֽה׃ ס

‎13 ‏וּבְנֵ֣י קְנַ֔ז עָתְנִיאֵ֖ל וּשְׂרָיָ֑ה וּבְנֵ֥י עָתְנִיאֵ֖ל חֲתַֽת׃

‎14 ‏וּמְעוֹנֹתַ֖י הוֹלִ֣יד אֶת־עָפְרָ֑ה וּשְׂרָיָ֗ה הוֹלִ֤יד אֶת־יוֹאָב֙ אֲבִי֙ גֵּ֣יא חֲרָשִׁ֔ים כִּ֥י חֲרָשִׁ֖ים הָיֽוּ׃ פ

‎15 ‏וּבְנֵי֙ כָּלֵ֣ב בֶּן־יְפֻנֶּ֔ה עִ֥ירוּ אֵלָ֖ה וָנָ֑עַם וּבְנֵ֥י אֵלָ֖ה וּקְנַֽז׃

‎16 ‏וּבְנֵ֖י יְהַלֶּלְאֵ֑ל זִ֣יף וְזִיפָ֔ה תִּירְיָ֖א וַאֲשַׂרְאֵֽל׃

‎17 ‏וּבֶן־עֶזְרָ֔ה יֶ֥תֶר וּמֶ֖רֶד וְעֵ֣פֶר וְיָל֑וֹן וַתַּ֙הַר֙ אֶת־מִרְיָ֣ם וְאֶת־שַׁמַּ֔י וְאֶת־יִשְׁבָּ֖ח אֲבִ֥י אֶשְׁתְּמֹֽעַ׃

‎18 ‏וְאִשְׁתּ֣וֹ הַיְהֻדִיָּ֗ה יָלְדָ֞ה אֶת־יֶ֨רֶד אֲבִ֤י גְדוֹר֙ וְאֶת־חֶ֙בֶר֙ אֲבִ֣י שׂוֹכ֔וֹ וְאֶת־יְקֽוּתִיאֵ֖ל אֲבִ֣י זָנ֑וֹחַ וְאֵ֗לֶּה בְּנֵי֙ בִּתְיָ֣ה בַת־פַּרְעֹ֔ה אֲשֶׁ֥ר לָקַ֖ח מָֽרֶד׃ ס

‎19 ‏וּבְנֵי֙ אֵ֣שֶׁת הֽוֹדִיָּ֔ה אֲח֣וֹת נַ֔חַם אֲבִ֥י קְעִילָ֖ה הַגַּרְמִ֑י וְאֶשְׁתְּמֹ֖עַ הַמַּעֲכָתִֽי׃

‎20 ‏וּבְנֵ֣י שִׁימ֔וֹן אַמְנ֣וֹן וְרִנָּ֔ה בֶּן־חָנָ֖ן ותולון וְתִיל֑וֹן וּבְנֵ֣י יִשְׁעִ֔י זוֹחֵ֖ת וּבֶן־זוֹחֵֽת׃

‎21 ‏בְּנֵי֙ שֵׁלָ֣ה בֶן־יְהוּדָ֔ה עֵ֚ר אֲבִ֣י לֵכָ֔ה וְלַעְדָּ֖ה אֲבִ֣י מָרֵשָׁ֑ה וּמִשְׁפְּח֛וֹת בֵּית־עֲבֹדַ֥ת הַבֻּ֖ץ לְבֵ֥ית אַשְׁבֵּֽעַ׃

‎22 ‏וְיוֹקִ֞ים וְאַנְשֵׁ֣י כֹזֵבָ֗א וְיוֹאָ֧שׁ וְשָׂרָ֛ף אֲשֶׁר־בָּעֲל֥וּ לְמוֹאָ֖ב וְיָשֻׁ֣בִי לָ֑חֶם וְהַדְּבָרִ֖ים עַתִּיקִֽים׃

‎23 ‏הֵ֚מָּה הַיּ֣וֹצְרִ֔ים וְיֹשְׁבֵ֥י נְטָעִ֖ים וּגְדֵרָ֑ה עִם־הַמֶּ֥לֶךְ בִּמְלַאכְתּ֖וֹ יָ֥שְׁבוּ שָֽׁם׃ ס

‎24 ‏בְּנֵ֖י שִׁמְע֑וֹן נְמוּאֵ֣ל וְיָמִ֔ין יָרִ֖יב זֶ֥רַח שָׁאֽוּל׃

‎25 ‏שַׁלֻּ֥ם בְּנ֛וֹ מִבְשָׂ֥ם בְּנ֖וֹ מִשְׁמָ֥ע בְּנֽוֹ׃

‎26 ‏וּבְנֵ֖י מִשְׁמָ֑ע חַמּוּאֵ֥ל בְּנ֛וֹ זַכּ֥וּר בְּנ֖וֹ שִׁמְעִ֥י בְנֽוֹ׃

‎27 ‏וּלְשִׁמְעִ֞י בָּנִ֨ים שִׁשָּׁ֤ה עָשָׂר֙ וּבָנ֣וֹת שֵׁ֔שׁ וּלְאֶחָ֕יו אֵ֖ין בָּנִ֣ים רַבִּ֑ים וְכֹל֙ מִשְׁפַּחְתָּ֔ם לֹ֥א הִרְבּ֖וּ עַד־בְּנֵ֥י יְהוּדָֽה׃ ס

‎28 ‏וַיֵּֽשְׁב֛וּ בִּבְאֵֽר־שֶׁ֥בַע וּמוֹלָדָ֖ה וַחֲצַ֥ר שׁוּעָֽל׃

‎29 ‏וּבְבִלְהָ֥ה וּבְעֶ֖צֶם וּבְתוֹלָֽד׃

‎30 ‏וּבִבְתוּאֵ֥ל וּבְחָרְמָ֖ה וּבְצִֽיקְלָֽג׃

‎31 ‏וּבְבֵ֤ית מַרְכָּבוֹת֙ וּבַחֲצַ֣ר סוּסִ֔ים וּבְבֵ֥ית בִּרְאִ֖י וּֽבְשַׁעֲרָ֑יִם אֵ֥לֶּה עָרֵיהֶ֖ם עַד־מְלֹ֥ךְ דָּוִֽיד׃

‎32 ‏וְחַצְרֵיהֶם֙ עֵיטָ֣ם וָעַ֔יִן רִמּ֥וֹן וְתֹ֖כֶן וְעָשָׁ֑ן עָרִ֖ים חָמֵֽשׁ׃

‎33 ‏וְכָל־חַצְרֵיהֶ֗ם אֲשֶׁ֧ר סְבִיב֛וֹת הֶעָרִ֥ים הָאֵ֖לֶּה עַד־בָּ֑עַל זֹ֚את מוֹשְׁבֹתָ֔ם וְהִתְיַחְשָׂ֖ם לָהֶֽם׃

‎34 ‏וּמְשׁוֹבָ֣ב וְיַמְלֵ֔ךְ וְיוֹשָׁ֖ה בֶּן־אֲמַצְיָֽה׃

‎35 ‏וְיוֹאֵ֑ל וְיֵהוּא֙ בֶּן־י֣וֹשִׁבְיָ֔ה בֶּן־שְׂרָיָ֖ה בֶּן־עֲשִׂיאֵֽל׃

‎36 ‏וְאֶלְיוֹעֵינַ֡י וְֽיַעֲקֹ֡בָה וִ֠ישׁוֹחָיָה וַעֲשָׂיָ֧ה וַעֲדִיאֵ֛ל וִישִׂימִאֵ֖ל וּבְנָיָֽה׃

‎37 ‏וְזִיזָ֨א בֶן־שִׁפְעִ֧י בֶן־אַלּ֛וֹן בֶּן־יְדָיָ֥ה בֶן־שִׁמְרִ֖י בֶּן־שְׁמַֽעְיָֽה׃

‎38 ‏אֵ֚לֶּה הַבָּאִ֣ים בְּשֵׁמ֔וֹת נְשִׂיאִ֖ים בְּמִשְׁפְּחוֹתָ֑ם וּבֵית֙ אֲב֣וֹתֵיהֶ֔ם פָּרְצ֖וּ לָרֽוֹב׃

‎39 ‏וַיֵּלְכוּ֙ לִמְב֣וֹא גְדֹ֔ר עַ֖ד לְמִזְרַ֣ח הַגָּ֑יְא לְבַקֵּ֥שׁ מִרְעֶ֖ה לְצֹאנָֽם׃

‎40 ‏וַֽיִּמְצְא֤וּ מִרְעֶה֙ שָׁמֵ֣ן וָט֔וֹב וְהָאָ֙רֶץ֙ רַחֲבַ֣ת יָדַ֔יִם וְשֹׁקֶ֖טֶת וּשְׁלֵוָ֑ה כִּ֣י מִן־חָ֔ם הַיֹּשְׁבִ֥ים שָׁ֖ם לְפָנִֽים׃

‎41 ‏וַיָּבֹ֡אוּ אֵלֶּה֩ הַכְּתוּבִ֨ים בְּשֵׁמ֜וֹת בִּימֵ֣י׀ יְחִזְקִיָּ֣הוּ מֶֽלֶךְ־יְהוּדָ֗ה וַיַּכּ֨וּ אֶת־אָהֳלֵיהֶ֜ם וְאֶת־המעינים הַמְּעוּנִ֨ים אֲשֶׁ֤ר נִמְצְאוּ־שָׁ֙מָּה֙ וַיַּחֲרִימֻם֙ עַד־הַיּ֣וֹם הַזֶּ֔ה וַיֵּשְׁב֖וּ תַּחְתֵּיהֶ֑ם כִּֽי־מִרְעֶ֥ה לְצֹאנָ֖ם שָֽׁם׃

‎42 ‏וּמֵהֶ֣ם׀ מִן־בְּנֵ֣י שִׁמְע֗וֹן הָלְכוּ֙ לְהַ֣ר שֵׂעִ֔יר אֲנָשִׁ֖ים חֲמֵ֣שׁ מֵא֑וֹת וּפְלַטְיָ֡ה וּ֠נְעַרְיָה וּרְפָיָ֧ה וְעֻזִּיאֵ֛ל בְּנֵ֥י יִשְׁעִ֖י בְּרֹאשָֽׁם׃

‎43 ‏וַיַּכּ֕וּ אֶת־שְׁאֵרִ֥ית הַפְּלֵטָ֖ה לַעֲמָלֵ֑ק וַיֵּ֣שְׁבוּ שָׁ֔ם עַ֖ד הַיּ֥וֹם הַזֶּֽה׃

1 bənê yəhûḏâ pereṣ ḥeṣərwōn wəḵarəmî wəḥûr wəšwōḇāl:

2 ûrə’āyâ ḇen-šwōḇāl hwōlîḏ ’eṯ-y^aḥaṯ wəy^aḥaṯ hōlîḏ ’eṯ-’ăḥûmay wə’eṯ-lâaḏ ’ēlleh mišəpəḥwōṯ haṣṣārə‘āṯî: s

3 wə’ēlleh ’ăḇî ‘êṭām yizərə‘e’l wəyišəmā’ wəyiḏəbāš wəšēm ’ăḥwōṯām haṣəleləpwōnî:

4 ûfənû’ēl ’ăḇî ḡəḏōr wə‘ēzer ’ăḇî ḥûšâ ’ēlleh ḇənê-ḥûr bəḵwōr ’efərāṯâ ’ăḇî bêṯ lāḥem:

5 ûlə’ašəḥûr ’ăḇî ṯəqwō‘a hāyû šətê nāšîm ḥelə’â wən^a‘ărâ:

6 watēleḏ lwō n^a‘ărâ ’eṯ-’ăḥuzzām wə’eṯ-ḥēfer wə’eṯ-têmənî wə’eṯ-hā’ăḥašətārî ’ēlleh bənê n^a‘ărâ:

7 ûḇənê ḥelə’â ṣereṯ yiṣəḥār wəṣōḥar wə’eṯənān:

8 wəqwōṣ hwōlîḏ ’eṯ-‘ānûḇ wə’eṯ-haṣṣōḇēḇâ ûmišəpəḥwōṯ ’ăḥarəḥēl ben-hārûm:

9 wayəhî y^a‘əbēṣ niḵəbāḏ mē’eḥāyw wə’immwō qārə’â šəmwō y^a‘əbēṣ lē’mōr kî yālaḏətî bə‘ōṣeḇ:

10 wayyiqərā’ y^a‘əbēṣ lē’lōhê yiśərā’ēl lē’mōr ’im-bārēḵə təḇārăḵēnî wəhirəbîṯā ’eṯ-gəḇûlî wəhāyəṯâ yāḏəḵā ‘immî wə‘āśîṯā mmērā‘â ləḇilətî ‘āṣəbî wayyāḇē’ ’ĕlōhîm ’ēṯ ’ăšer-šā’āl:

11 ûḵəlûḇ ’ăḥî-šûḥâ hwōlîḏ ’eṯ-məḥîr hû’ ’ăḇî ’ešətwōn:

12 wə’ešətwōn hwōlîḏ ’eṯ-bêṯ rāfā’ wə’eṯ-pāsēḥa wə’eṯ-təḥinnâ ’ăḇî ‘îr nāḥāš ’ēlleh ’anəšê rēḵâ: s

13 ûḇənê qənaz ‘āṯənî’ēl ûśərāyâ ûḇənê ‘āṯənî’ēl ḥăṯaṯ:

14 ûmə‘wōnōṯay hwōlîḏ ’eṯ-‘āfərâ ûśərāyâ hwōlîḏ ’eṯ-ywō’āḇ ’ăḇî gê’ ḥărāšîm kî ḥărāšîm hāyû: f

15 ûḇənê kālēḇ ben-yəfunneh ‘îrû ’ēlâ wānā‘am ûḇənê ’ēlâ ûqənaz:

16 ûḇənê yəhallelə’ēl zîf wəzîfâ tîrəyā’ wa’ăśarə’ēl:

17 ûḇen-‘ezərâ yeṯer ûmereḏ wə‘ēfer wəyālwōn watahar ’eṯ-mirəyām wə’eṯ-šammay wə’eṯ-yišəbāḥ ’ăḇî ’ešətəmō‘a:

18 wə’išətwō hayəhuḏîyâ yāləḏâ ’eṯ-yereḏ ’ăḇî ḡəḏwōr wə’eṯ-ḥeḇer ’ăḇî śwōḵwō wə’eṯ-yəqûṯî’ēl ’ăḇî zānwōḥa wə’ēlleh bənê biṯəyâ ḇaṯ-parə‘ōh ’ăšer lāq^aḥ māreḏ: s

19 ûḇənê ’ēšeṯ hwōḏîyâ ’ăḥwōṯ n^aḥam ’ăḇî qə‘îlâ hagarəmî wə’ešətəmō‘a hamm^a‘ăḵāṯî:

20 ûḇənê šîmwōn ’amənwōn wərinnâ ben-ḥānān wəṯwōlwōn wəṯîlwōn ûḇənê yišə‘î zwōḥēṯ ûḇen-zwōḥēṯ:

21 bənê šēlâ ḇen-yəhûḏâ ‘ēr ’ăḇî lēḵâ wəl^a‘ədâ ’ăḇî mārēšâ ûmišəpəḥwōṯ bêṯ-‘ăḇōḏaṯ habuṣ ləḇêṯ ’ašəbē‘a:

22 wəywōqîm wə’anəšê ḵōzēḇā’ wəywō’āš wəśārāf ’ăšer-bā‘ălû ləmwō’āḇ wəyāšuḇî lāḥem wəhadəḇārîm ‘atîqîm:

23 hēmmâ hayywōṣərîm wəyōšəḇê nəṭā‘îm ûḡəḏērâ ‘im-hammeleḵə biməla’ḵətwō yāšəḇû šām: s

24 bənê šimə‘wōn nəmû’ēl wəyāmîn yārîḇ zer^aḥ šā’ûl:

25 šallum bənwō miḇəśām bənwō mišəmā‘ bənwō:

26 ûḇənê mišəmā‘ ḥammû’ēl bənwō zakûr bənwō šimə‘î ḇənwō:

27 ûləšimə‘î bānîm šiššâ ‘āśār ûḇānwōṯ šēš ûlə’eḥāyw ’ên bānîm rabîm wəḵōl mišəp^aḥətām lō’ hirəbû ‘aḏ-bənê yəhûḏâ: s

28 wayyēšəḇû biḇə’ēr-šeḇ^a‘ ûmwōlāḏâ w^aḥăṣar šû‘āl:

29 ûḇəḇiləhâ ûḇə‘eṣem ûḇəṯwōlāḏ:

30 ûḇiḇəṯû’ēl ûḇəḥārəmâ ûḇəṣîqəlāḡ:

31 ûḇəḇêṯ marəkāḇwōṯ ûḇ^aḥăṣar sûsîm ûḇəḇêṯ birə’î ûḇəš^a‘ărāyim ’ēlleh ‘ārêhem ‘aḏ-məlōḵə dāwîḏ:

32 wəḥaṣərêhem ‘êṭām wā‘ayin rimmwōn wəṯōḵen wə‘āšān ‘ārîm ḥāmēš:

33 wəḵāl-ḥaṣərêhem ’ăšer səḇîḇwōṯ he‘ārîm hā’ēlleh ‘aḏ-bā‘al zō’ṯ mwōšəḇōṯām wəhiṯəy^aḥəśām lâem:

34 ûməšwōḇāḇ wəyaməlēḵə wəywōšâ ben-’ămaṣəyâ:

35 wəywō’ēl wəyēhû’ ben-ywōšiḇəyâ ben-śərāyâ ben-‘ăśî’ēl:

36 wə’eləywō‘ênay wəy^a‘ăqōḇâ wîšwōḥāyâ w^a‘ăśāyâ w^a‘ăḏî’ēl wîśîmi’ēl ûḇənāyâ:

37 wəzîzā’ ḇen-šifə‘î ḇen-’allwōn ben-yəḏāyâ ḇen-šimərî ben-šəm^a‘əyâ:

38 ’ēlleh habā’îm bəšēmwōṯ nəśî’îm bəmišəpəḥwōṯām ûḇêṯ ’ăḇwōṯêhem pārəṣû lārwōḇ:

39 wayyēləḵû liməḇwō’ ḡəḏōr ‘aḏ ləmizər^aḥ hagāyə’ ləḇaqqēš mirə‘eh ləṣō’nām:

40 wayyiməṣə’û mirə‘eh šāmēn wāṭwōḇ wəhā’āreṣ r^aḥăḇaṯ yāḏayim wəšōqeṭeṯ ûšəlēwâ kî min-ḥām hayyōšəḇîm šām ləfānîm:

41 wayyāḇō’û ’ēlleh hakəṯûḇîm bəšēmwōṯ bîmê| yəḥizəqîyâû meleḵə-yəhûḏâ wayyakû ’eṯ-’âŏlêhem wə’eṯ-hammə‘înîm hammə‘ûnîm ’ăšer niməṣə’û-šāmmâ wayy^aḥărîmum ‘aḏ-hayywōm hazzeh wayyēšəḇû t^aḥətêhem kî-mirə‘eh ləṣō’nām šām:

42 ûmēhem| min-bənê šimə‘wōn hāləḵû ləhar śē‘îr ’ănāšîm ḥămēš mē’wōṯ ûfəlaṭəyâ ûnə‘arəyâ ûrəfāyâ wə‘uzzî’ēl bənê yišə‘î bərō’šām:

43 wayyakû ’eṯ-šə’ērîṯ hapəlēṭâ l^a‘ămālēq wayyēšəḇû šām ‘aḏ hayywōm hazzeh: