2 Chronicles (2 Divrey Yamim) Chapter 13

‎1 ‏בִּשְׁנַ֛ת שְׁמוֹנֶ֥ה עֶשְׂרֵ֖ה לַמֶּ֣לֶךְ יָרָבְעָ֑ם וַיִּמְלֹ֥ךְ אֲבִיָּ֖ה עַל־יְהוּדָֽה׃

‎2 ‏שָׁל֣וֹשׁ שָׁנִ֗ים מָלַךְ֙ בִּיר֣וּשָׁלִַ֔ם וְשֵׁ֣ם אִמּ֔וֹ מִיכָיָ֥הוּ בַת־אוּרִיאֵ֖ל מִן־גִּבְעָ֑ה וּמִלְחָמָ֥ה הָיְתָ֛ה בֵּ֥ין אֲבִיָּ֖ה וּבֵ֥ין יָרָבְעָֽם׃

‎3 ‏וַיֶּאְסֹ֨ר אֲבִיָּ֜ה אֶת־הַמִּלְחָמָ֗ה בְּחַ֙יִל֙ גִּבּוֹרֵ֣י מִלְחָמָ֔ה אַרְבַּע־מֵא֥וֹת אֶ֖לֶף אִ֣ישׁ בָּח֑וּר סוְיָרָבְעָ֗ם עָרַ֤ךְ עִמּוֹ֙ מִלְחָמָ֔ה בִּשְׁמוֹנֶ֨ה מֵא֥וֹת אֶ֛לֶף אִ֥ישׁ בָּח֖וּר גִּבּ֥וֹר חָֽיִל׃ ס

‎4 ‏וַיָּ֣קָם אֲבִיָּ֗ה מֵעַל֙ לְהַ֣ר צְמָרַ֔יִם אֲשֶׁ֖ר בְּהַ֣ר אֶפְרָ֑יִם וַיֹּ֕אמֶר שְׁמָע֖וּנִי יָרָבְעָ֥ם וְכָל־יִשְׂרָאֵֽל׃

‎5 ‏הֲלֹ֤א לָכֶם֙ לָדַ֔עַת כִּ֞י יְהוָ֣ה׀ אֱלֹהֵ֣י יִשְׂרָאֵ֗ל נָתַ֨ן מַמְלָכָ֧ה לְדָוִ֛יד עַל־יִשְׂרָאֵ֖ל לְעוֹלָ֑ם ל֥וֹ וּלְבָנָ֖יו בְּרִ֥ית מֶֽלַח׃ ס

‎6 ‏וַיָּ֙קָם֙ יָרָבְעָ֣ם בֶּן־נְבָ֔ט עֶ֖בֶד שְׁלֹמֹ֣ה בֶן־דָּוִ֑יד וַיִּמְרֹ֖ד עַל־אֲדֹנָֽיו׃

‎7 ‏וַיִּקָּבְצ֣וּ עָלָ֗יו אֲנָשִׁ֤ים רֵקִים֙ בְּנֵ֣י בְלִיַּ֔עַל וַיִּֽתְאַמְּצ֖וּ עַל־רְחַבְעָ֣ם בֶּן־שְׁלֹמֹ֑ה וּרְחַבְעָ֗ם הָ֤יָה נַ֙עַר֙ וְרַךְ־לֵבָ֔ב וְלֹ֥א הִתְחַזַּ֖ק לִפְנֵיהֶֽם׃

‎8 ‏וְעַתָּ֣ה׀ אַתֶּ֣ם אֹֽמְרִ֗ים לְהִתְחַזֵּק֙ לִפְנֵי֙ מַמְלֶ֣כֶת יְהוָ֔ה בְּיַ֖ד בְּנֵ֣י דָוִ֑יד וְאַתֶּם֙ הָמ֣וֹן רָ֔ב וְעִמָּכֶם֙ עֶגְלֵ֣י זָהָ֔ב אֲשֶׁ֨ר עָשָׂ֥ה לָכֶ֛ם יָרָבְעָ֖ם לֵאלֹהִֽים׃

‎9 ‏הֲלֹ֤א הִדַּחְתֶּם֙ אֶת־כֹּהֲנֵ֣י יְהוָ֔ה אֶת־בְּנֵ֥י אַהֲרֹ֖ן וְהַלְוִיִּ֑ם וַתַּעֲשׂ֨וּ לָכֶ֤ם כֹּהֲנִים֙ כְּעַמֵּ֣י הָאֲרָצ֔וֹת כָּל־הַבָּ֗א לְמַלֵּ֨א יָד֜וֹ בְּפַ֤ר בֶּן־בָּקָר֙ וְאֵילִ֣ם שִׁבְעָ֔ה וְהָיָ֥ה כֹהֵ֖ן לְלֹ֥א אֱלֹהִֽים׃ ס

‎10 ‏וַאֲנַ֛חְנוּ יְהוָ֥ה אֱלֹהֵ֖ינוּ וְלֹ֣א עֲזַבְנֻ֑הוּ וְכֹ֨הֲנִ֜ים מְשָׁרְתִ֤ים לַֽיהוָה֙ בְּנֵ֣י אַהֲרֹ֔ן וְהַלְוִיִּ֖ם בַּמְלָֽאכֶת׃

‎11 ‏וּמַקְטִרִ֣ים לַיהוָ֡ה עֹל֣וֹת בַּבֹּֽקֶר־בַּבֹּ֣קֶר וּבָעֶֽרֶב־בָּעֶ֣רֶב וּקְטֹֽרֶת־סַמִּים֩ וּמַעֲרֶ֨כֶת לֶ֜חֶם עַל־הַשֻּׁלְחָ֣ן הַטָּה֗וֹר וּמְנוֹרַ֨ת הַזָּהָ֤ב וְנֵרֹתֶ֙יהָ֙ לְבָעֵר֙ בָּעֶ֣רֶב בָּעֶ֔רֶב כִּֽי־שֹׁמְרִ֣ים אֲנַ֔חְנוּ אֶת־מִשְׁמֶ֖רֶת יְהוָ֣ה אֱלֹהֵ֑ינוּ וְאַתֶּ֖ם עֲזַבְתֶּ֥ם אֹתֽוֹ׃

‎12 ‏וְהִנֵּה֩ עִמָּ֨נוּ בָרֹ֜אשׁ הָאֱלֹהִ֧ים׀ וְכֹהֲנָ֛יו וַחֲצֹצְר֥וֹת הַתְּרוּעָ֖ה לְהָרִ֣יעַ עֲלֵיכֶ֑ם בְּנֵ֣י יִשְׂרָאֵ֗ל אַל־תִּלָּֽחֲמ֛וּ עִם־יְהוָ֥ה אֱלֹהֵֽי־אֲבֹתֵיכֶ֖ם כִּי־לֹ֥א תַצְלִֽיחוּ׃

‎13 ‏וְיָֽרָבְעָ֗ם הֵסֵב֙ אֶת־הַמַּאְרָ֔ב לָב֖וֹא מֵֽאַחֲרֵיהֶ֑ם וַיִּֽהְיוּ֙ לִפְנֵ֣י יְהוּדָ֔ה וְהַמַּאְרָ֖ב מֵאַחֲרֵיהֶֽם׃

‎14 ‏וַיִּפְנ֣וּ יְהוּדָ֗ה וְהִנֵּ֨ה לָהֶ֤ם הַמִּלְחָמָה֙ פָּנִ֣ים וְאָח֔וֹר וַֽיִּצְעֲק֖וּ לַיהוָ֑ה וְהַכֹּ֣הֲנִ֔ים מחצצרים מַחְצְרִ֖ים בַּחֲצֹצְרֽוֹת׃

‎15 ‏וַיָּרִ֖יעוּ אִ֣ישׁ יְהוּדָ֑ה וַיְהִ֗י בְּהָרִ֙יעַ֙ אִ֣ישׁ יְהוּדָ֔ה וְהָאֱלֹהִ֗ים נָגַ֤ף אֶת־יָֽרָבְעָם֙ וְכָל־יִשְׂרָאֵ֔ל לִפְנֵ֥י אֲבִיָּ֖ה וִיהוּדָֽה׃

‎16 ‏וַיָּנ֥וּסוּ בְנֵי־יִשְׂרָאֵ֖ל מִפְּנֵ֣י יְהוּדָ֑ה וַיִּתְּנֵ֥ם אֱלֹהִ֖ים בְּיָדָֽם׃

‎17 ‏וַיַּכּ֥וּ בָהֶ֛ם אֲבִיָּ֥ה וְעַמּ֖וֹ מַכָּ֣ה רַבָּ֑ה וַיִּפְּל֤וּ חֲלָלִים֙ מִיִּשְׂרָאֵ֔ל חֲמֵשׁ־מֵא֥וֹת אֶ֖לֶף אִ֥ישׁ בָּחֽוּר׃

‎18 ‏וַיִּכָּנְע֥וּ בְנֵי־יִשְׂרָאֵ֖ל בָּעֵ֣ת הַהִ֑יא וַיֶּֽאֶמְצוּ֙ בְּנֵ֣י יְהוּדָ֔ה כִּ֣י נִשְׁעֲנ֔וּ עַל־יְהוָ֖ה אֱלֹהֵ֥י אֲבוֹתֵיהֶֽם׃

‎19 ‏וַיִּרְדֹּ֣ף אֲבִיָּה֮ אַחֲרֵ֣י יָרָבְעָם֒ וַיִּלְכֹּ֤ד מִמֶּ֙נּוּ֙ עָרִ֔ים אֶת־בֵּֽית־אֵל֙ וְאֶת־בְּנוֹתֶ֔יהָ וְאֶת־יְשָׁנָ֖ה וְאֶת־בְּנוֹתֶ֑יהָ וְאֶת־עפרון עֶפְרַ֖יִן וּבְנֹתֶֽיהָ׃

‎20 ‏וְלֹֽא־עָצַ֧ר כֹּֽחַ־יָרָבְעָ֛ם ע֖וֹד בִּימֵ֣י אֲבִיָּ֑הוּ וַיִּגְּפֵ֥הוּ יְהוָ֖ה וַיָּמֹֽת׃ פ

‎21 ‏וַיִּתְחַזֵּ֣ק אֲבִיָּ֔הוּ וַיִּ֨שָּׂא־ל֔וֹ נָשִׁ֖ים אַרְבַּ֣ע עֶשְׂרֵ֑ה וַיּ֗וֹלֶד עֶשְׂרִ֤ים וּשְׁנַ֙יִם֙ בָּנִ֔ים וְשֵׁ֥שׁ עֶשְׂרֵ֖ה בָּנֽוֹת׃ ס

‎22 ‏וְיֶ֙תֶר֙ דִּבְרֵ֣י אֲבִיָּ֔ה וּדְרָכָ֖יו וּדְבָרָ֑יו כְּתוּבִ֕ים בְּמִדְרַ֖שׁ הַנָּבִ֥יא עִדּֽוֹ׃

‎23 ‏וַיִּשְׁכַּ֨ב אֲבִיָּ֜ה עִם־אֲבֹתָ֗יו וַיִּקְבְּר֤וּ אֹתוֹ֙ בְּעִ֣יר דָּוִ֔יד וַיִּמְלֹ֛ךְ אָסָ֥א בְנ֖וֹ תַּחְתָּ֑יו בְּיָמָ֛יו שָׁקְטָ֥ה הָאָ֖רֶץ עֶ֥שֶׂר שָׁנִֽים׃ פ

1 bišənaṯ šəmwōneh ‘eśərēh lammeleḵə yārāḇə‘ām wayyiməlōḵə ’ăḇîyâ ‘al-yəhûḏâ:

2 šālwōš šānîm mālaḵə bîrûšālaim wəšēm ’immwō mîḵāyâû ḇaṯ-’ûrî’ēl min-giḇə‘â ûmiləḥāmâ hāyəṯâ bên ’ăḇîyâ ûḇên yārāḇə‘ām:

3 wayye’əsōr ’ăḇîyâ ’eṯ-hammiləḥāmâ bəḥayil gibwōrê miləḥāmâ ’arəb^a‘-mē’wōṯ ’elef ’îš bāḥûr swəyārāḇə‘ām ‘āraḵə ‘immwō miləḥāmâ bišəmwōneh mē’wōṯ ’elef ’îš bāḥûr gibwōr ḥāyil: s

4 wayyāqām ’ăḇîyâ mē‘al ləhar ṣəmārayim ’ăšer bəhar ’efərāyim wayyō’mer šəmā‘ûnî yārāḇə‘ām wəḵāl-yiśərā’ēl:

5 hălō’ lāḵem lāḏ^a‘aṯ kî yəhwâ| ’ĕlōhê yiśərā’ēl nāṯan maməlāḵâ ləḏāwîḏ ‘al-yiśərā’ēl lə‘wōlām lwō ûləḇānāyw bərîṯ mel^aḥ: s

6 wayyāqām yārāḇə‘ām ben-nəḇāṭ ‘eḇeḏ šəlōmōh ḇen-dāwîḏ wayyimərōḏ ‘al-’ăḏōnāyw:

7 wayyiqqāḇəṣû ‘ālāyw ’ănāšîm rēqîm bənê ḇəlîy^a‘al wayyiṯə’amməṣû ‘al-rəḥaḇə‘ām ben-šəlōmōh ûrəḥaḇə‘ām hāyâ n^a‘ar wəraḵə-lēḇāḇ wəlō’ hiṯəḥazzaq lifənêhem:

8 wə‘atâ| ’atem ’ōmərîm ləhiṯəḥazzēq lifənê maməleḵeṯ yəhwâ bəyaḏ bənê ḏāwîḏ wə’atem hāmwōn rāḇ wə‘immāḵem ‘eḡəlê zâāḇ ’ăšer ‘āśâ lāḵem yārāḇə‘ām lē’lōhîm:

9 hălō’ hid^aḥətem ’eṯ-kōhănê yəhwâ ’eṯ-bənê ’ahărōn wəhaləwîyim wat^a‘ăśû lāḵem kōhănîm kə‘ammê hā’ărāṣwōṯ kāl-habā’ ləmallē’ yāḏwō bəfar ben-bāqār wə’êlim šiḇə‘â wəhāyâ ḵōhēn ləlō’ ’ĕlōhîm: s

10 wa’ăn^aḥənû yəhwâ ’ĕlōhênû wəlō’ ‘ăzaḇənuhû wəḵōhănîm məšārəṯîm layhwâ bənê ’ahărōn wəhaləwîyim baməlā’ḵeṯ:

11 ûmaqəṭirîm layhwâ ‘ōlwōṯ babōqer-babōqer ûḇā‘ereḇ-bā‘ereḇ ûqəṭōreṯ-sammîm ûm^a‘ăreḵeṯ leḥem ‘al-haššuləḥān haṭṭâwōr ûmənwōraṯ hazzâāḇ wənērōṯeyhā ləḇā‘ēr bā‘ereḇ bā‘ereḇ kî-šōmərîm ’ăn^aḥənû ’eṯ-mišəmereṯ yəhwâ ’ĕlōhênû wə’atem ‘ăzaḇətem ’ōṯwō:

12 wəhinnēh ‘immānû ḇārō’š hā’ĕlōhîm| wəḵōhănāyw w^aḥăṣōṣərwōṯ hatərû‘â ləhārî‘a ‘ălêḵem bənê yiśərā’ēl ’al-tillāḥămû ‘im-yəhwâ ’ĕlōhê-’ăḇōṯêḵem kî-lō’ ṯaṣəlîḥû:

13 wəyārāḇə‘ām hēsēḇ ’eṯ-hamma’ərāḇ lāḇwō’ mē’^aḥărêhem wayyihəyû lifənê yəhûḏâ wəhamma’ərāḇ mē’^aḥărêhem:

14 wayyifənû yəhûḏâ wəhinnēh lâem hammiləḥāmâ pānîm wə’āḥwōr wayyiṣə‘ăqû layhwâ wəhakōhănîm m^aḥăṣōṣərîm m^aḥəṣərîm b^aḥăṣōṣərwōṯ:

15 wayyārî‘û ’îš yəhûḏâ wayəhî bəhārî‘a ’îš yəhûḏâ wəhā’ĕlōhîm nāḡaf ’eṯ-yārāḇə‘ām wəḵāl-yiśərā’ēl lifənê ’ăḇîyâ wîhûḏâ:

16 wayyānûsû ḇənê-yiśərā’ēl mipənê yəhûḏâ wayyitənēm ’ĕlōhîm bəyāḏām:

17 wayyakû ḇâem ’ăḇîyâ wə‘ammwō makâ rabâ wayyipəlû ḥălālîm mîyiśərā’ēl ḥămēš-mē’wōṯ ’elef ’îš bāḥûr:

18 wayyikānə‘û ḇənê-yiśərā’ēl bā‘ēṯ hahî’ wayye’eməṣû bənê yəhûḏâ kî nišə‘ănû ‘al-yəhwâ ’ĕlōhê ’ăḇwōṯêhem:

19 wayyirədōf ’ăḇîyâ ’^aḥărê yārāḇə‘ām wayyiləkōḏ mimmennû ‘ārîm ’eṯ-bêṯ-’ēl wə’eṯ-bənwōṯeyhā wə’eṯ-yəšānâ wə’eṯ-bənwōṯeyhā wə’eṯ-‘efərwōn ‘efərayin ûḇənōṯeyhā:

20 wəlō’-‘āṣar kōḥa-yārāḇə‘ām ‘wōḏ bîmê ’ăḇîyâû wayyigəfēhû yəhwâ wayyāmōṯ: f

21 wayyiṯəḥazzēq ’ăḇîyâû wayyiśśā’-lwō nāšîm ’arəb^a‘ ‘eśərēh wayywōleḏ ‘eśərîm ûšənayim bānîm wəšēš ‘eśərēh bānwōṯ: s

22 wəyeṯer diḇərê ’ăḇîyâ ûḏərāḵāyw ûḏəḇārāyw kəṯûḇîm bəmiḏəraš hannāḇî’ ‘idwō:

23 wayyišəkaḇ ’ăḇîyâ ‘im-’ăḇōṯāyw wayyiqəbərû ’ōṯwō bə‘îr dāwîḏ wayyiməlōḵə ’āsā’ ḇənwō t^aḥətāyw bəyāmāyw šāqəṭâ hā’āreṣ ‘eśer šānîm: f