2 Chronicles (2 Divrey Yamim) Chapter 23

‎1 ‏וּבַשָּׁנָ֨ה הַשְּׁבִעִ֜ית הִתְחַזַּ֣ק יְהוֹיָדָ֗ע וַיִּקַּ֣ח אֶת־שָׂרֵ֣י הַמֵּא֡וֹת לַעֲזַרְיָ֣הוּ בֶן־יְרֹחָ֡ם וּלְיִשְׁמָעֵ֣אל בֶּן־יְ֠הוֹחָנָן וְלַֽעֲזַרְיָ֨הוּ בֶן־עוֹבֵ֜ד וְאֶת־מַעֲשֵׂיָ֧הוּ בֶן־עֲדָיָ֛הוּ וְאֶת־אֱלִישָׁפָ֥ט בֶּן־זִכְרִ֖י עִמּ֥וֹ בַבְּרִֽית׃

‎2 ‏וַיָּסֹ֙בּוּ֙ בִּֽיהוּדָ֔ה וַיִּקְבְּצ֤וּ אֶת־הַלְוִיִּם֙ מִכָּל־עָרֵ֣י יְהוּדָ֔ה וְרָאשֵׁ֥י הָאָב֖וֹת לְיִשְׂרָאֵ֑ל וַיָּבֹ֖אוּ אֶל־יְרוּשָׁלִָֽם׃

‎3 ‏וַיִּכְרֹ֨ת כָּל־הַקָּהָ֥ל בְּרִ֛ית בְּבֵ֥ית הָאֱלֹהִ֖ים עִם־הַמֶּ֑לֶךְ וַיֹּ֣אמֶר לָהֶ֗ם הִנֵּ֤ה בֶן־הַמֶּ֙לֶךְ֙ יִמְלֹ֔ךְ כַּאֲשֶׁ֛ר דִּבֶּ֥ר יְהוָ֖ה עַל־בְּנֵ֥י דָוִֽיד׃

‎4 ‏זֶ֥ה הַדָּבָ֖ר אֲשֶׁ֣ר תַּעֲשׂ֑וּ הַשְּׁלִשִׁ֨ית מִכֶּ֜ם בָּאֵ֣י הַשַּׁבָּ֗ת לַכֹּֽהֲנִים֙ וְלַלְוִיִּ֔ם לְשֹֽׁעֲרֵ֖י הַסִּפִּֽים׃

‎5 ‏וְהַשְּׁלִשִׁית֙ בְּבֵ֣ית הַמֶּ֔לֶךְ וְהַשְּׁלִשִׁ֖ית בְּשַׁ֣עַר הַיְס֑וֹד וְכָל־הָעָ֔ם בְּחַצְר֖וֹת בֵּ֥ית יְהוָֽה׃

‎6 ‏וְאַל־יָב֣וֹא בֵית־יְהוָ֗ה כִּ֤י אִם־הַכֹּֽהֲנִים֙ וְהַמְשָׁרְתִ֣ים לַלְוִיִּ֔ם הֵ֥מָּה יָבֹ֖אוּ כִּי־קֹ֣דֶשׁ הֵ֑מָּה וְכָל־הָעָ֔ם יִשְׁמְר֖וּ מִשְׁמֶ֥רֶת יְהוָֽה׃

‎7 ‏וְהִקִּיפוּ֩ הַלְוִיִּ֨ם אֶת־הַמֶּ֜לֶךְ סָבִ֗יב אִ֚ישׁ וְכֵלָ֣יו בְּיָד֔וֹ וְהַבָּ֥א אֶל־הַבַּ֖יִת יוּמָ֑ת וִֽהְי֥וּ אֶת־הַמֶּ֖לֶךְ בְּבֹא֥וֹ וּבְצֵאתֽוֹ׃

‎8 ‏וַיַּעֲשׂ֨וּ הַלְוִיִּ֜ם וְכָל־יְהוּדָ֗ה כְּכֹ֣ל אֲשֶׁר־צִוָּה֮ יְהוֹיָדָ֣ע הַכֹּהֵן֒ וַיִּקְחוּ֙ אִ֣ישׁ אֶת־אֲנָשָׁ֔יו בָּאֵ֣י הַשַּׁבָּ֔ת עִ֖ם יוֹצְאֵ֣י הַשַּׁבָּ֑ת כִּ֣י לֹ֥א פָטַ֛ר יְהוֹיָדָ֥ע הַכֹּהֵ֖ן אֶת־הַֽמַּחְלְקֽוֹת׃

‎9 ‏וַיִּתֵּן֩ יְהוֹיָדָ֨ע הַכֹּהֵ֜ן לְשָׂרֵ֣י הַמֵּא֗וֹת אֶת־הַֽחֲנִיתִים֙ וְאֶת־הַמָּגִנּוֹת֙ וְאֶת־הַשְּׁלָטִ֔ים אֲשֶׁ֖ר לַמֶּ֣לֶךְ דָּוִ֑יד אֲשֶׁ֖ר בֵּ֥ית הָאֱלֹהִֽים׃

‎10 ‏וַיַּעֲמֵ֨ד אֶת־כָּל־הָעָ֜ם וְאִ֣ישׁ׀ שִׁלְח֣וֹ בְיָד֗וֹ מִכֶּ֨תֶף הַבַּ֤יִת הַיְמָנִית֙ עַד־כֶּ֤תֶף הַבַּ֙יִת֙ הַשְּׂמָאלִ֔ית לַמִּזְבֵּ֖חַ וְלַבָּ֑יִת עַל־הַמֶּ֖לֶךְ סָבִֽיב׃

‎11 ‏וַיּוֹצִ֣יאוּ אֶת־בֶּן־הַמֶּ֗לֶךְ וַיִּתְּנ֤וּ עָלָיו֙ אֶת־הַנֵּ֙זֶר֙ וְאֶת־הָ֣עֵד֔וּת וַיַּמְלִ֖יכוּ אֹת֑וֹ וַיִּמְשָׁחֻ֙הוּ֙ יְהוֹיָדָ֣ע וּבָנָ֔יו וַיֹּאמְר֖וּ יְחִ֥י הַמֶּֽלֶךְ׃ ס

‎12 ‏וַתִּשְׁמַ֣ע עֲתַלְיָ֗הוּ אֶת־ק֤וֹל הָעָם֙ הָֽרָצִ֔ים וְהַֽמְהַֽלְלִ֖ים אֶת־הַמֶּ֑לֶךְ וַתָּב֥וֹא אֶל־הָעָ֖ם בֵּ֥ית יְהוָֽה׃

‎13 ‏וַתֵּ֡רֶא וְהִנֵּ֣ה הַמֶּלֶךְ֩ עוֹמֵ֨ד עַֽל־עַמּוּד֜וֹ בַּמָּב֗וֹא וְהַשָּׂרִ֣ים וְהַחֲצֹצְרוֹת֮ עַל־הַמֶּלֶךְ֒ וְכָל־עַ֨ם הָאָ֜רֶץ שָׂמֵ֗חַ וְתוֹקֵ֙עַ֙ בַּחֲצֹ֣צְר֔וֹת וְהַמְשֽׁוֹרֲרִים֙ בִּכְלֵ֣י הַשִּׁ֔יר וּמוֹדִיעִ֖ים לְהַלֵּ֑ל וַתִּקְרַ֤ע עֲתַלְיָ֙הוּ֙ אֶת־בְּגָדֶ֔יהָ וַתֹּ֖אמֶר קֶ֥שֶׁר קָֽשֶׁר׃ ס

‎14 ‏וַיּוֹצֵא֩ יְהוֹיָדָ֨ע הַכֹּהֵ֜ן אֶת־שָׂרֵ֥י הַמֵּא֣וֹת׀ פְּקוּדֵ֣י הַחַ֗יִל וַיֹּ֤אמֶר אֲלֵהֶם֙ הֽוֹצִיא֙וּהָ֙ אֶל־מִבֵּ֣ית הַשְּׂדֵר֔וֹת וְהַבָּ֥א אַחֲרֶ֖יהָ יוּמַ֣ת בֶּחָ֑רֶב כִּ֚י אָמַ֣ר הַכֹּהֵ֔ן לֹ֥א תְמִית֖וּהָ בֵּ֥ית יְהוָֽה׃

‎15 ‏וַיָּשִׂ֤ימוּ לָהּ֙ יָדַ֔יִם וַתָּב֛וֹא אֶל־מְב֥וֹא שַֽׁעַר־הַסּוּסִ֖ים בֵּ֣ית הַמֶּ֑לֶךְ וַיְמִית֖וּהָ שָֽׁם׃ פ

‎16 ‏וַיִּכְרֹ֤ת יְהוֹיָדָע֙ בְּרִ֔ית בֵּינ֕וֹ וּבֵ֥ין כָּל־הָעָ֖ם וּבֵ֣ין הַמֶּ֑לֶךְ לִהְי֥וֹת לְעָ֖ם לַיהוָֽה׃

‎17 ‏וַיָּבֹ֨אוּ כָל־הָעָ֤ם בֵּית־הַבַּ֙עַל֙ וַֽיִּתְּצֻ֔הוּ וְאֶת־מִזְבְּחֹתָ֥יו וְאֶת־צְלָמָ֖יו שִׁבֵּ֑רוּ וְאֵ֗ת מַתָּן֙ כֹּהֵ֣ן הַבַּ֔עַל הָרְג֖וּ לִפְנֵ֥י הַֽמִּזְבְּחֽוֹת׃

‎18 ‏וַיָּשֶׂם֩ יְהוֹיָדָ֨ע פְּקֻדֹּ֜ת בֵּ֣ית יְהוָ֗ה בְּיַ֨ד הַכֹּהֲנִ֣ים הַלְוִיִּם֮ אֲשֶׁ֣ר חָלַ֣ק דָּוִיד֮ עַל־בֵּ֣ית יְהוָה֒ לְֽהַעֲל֞וֹת עֹל֣וֹת יְהוָ֗ה כַּכָּת֛וּב בְּתוֹרַ֥ת מֹשֶׁ֖ה בְּשִׂמְחָ֣ה וּבְשִׁ֑יר עַ֖ל יְדֵ֥י דָוִֽיד׃

‎19 ‏וַֽיַּעֲמֵד֙ הַשּׁ֣וֹעֲרִ֔ים עַֽל־שַׁעֲרֵ֖י בֵּ֣ית יְהוָ֑ה וְלֹֽא־יָבֹ֥א טָמֵ֖א לְכָל־דָּבָֽר׃

‎20 ‏וַיִּקַּ֣ח אֶת־שָׂרֵ֣י הַמֵּא֡וֹת וְאֶת־הָֽאַדִּירִים֩ וְאֶת־הַמּֽוֹשְׁלִ֨ים בָּעָ֜ם וְאֵ֣ת׀ כָּל־עַ֣ם הָאָ֗רֶץ וַיּ֤וֹרֶד אֶת־הַמֶּ֙לֶךְ֙ מִבֵּ֣ית יְהוָ֔ה וַיָּבֹ֛אוּ בְּתֽוֹךְ־שַׁ֥עַר הָֽעֶלְי֖וֹן בֵּ֣ית הַמֶּ֑לֶךְ וַיּוֹשִׁ֙יבוּ֙ אֶת־הַמֶּ֔לֶךְ עַ֖ל כִּסֵּ֥א הַמַּמְלָכָֽה׃

‎21 ‏וַיִּשְׂמְח֥וּ כָל־עַם־הָאָ֖רֶץ וְהָעִ֣יר שָׁקָ֑טָה וְאֶת־עֲתַלְיָ֖הוּ הֵמִ֥יתוּ³ בֶחָֽרֶב׃ ס

1 ûḇaššānâ haššəḇi‘îṯ hiṯəḥazzaq yəhwōyāḏā‘ wayyiqq^aḥ ’eṯ-śārê hammē’wōṯ l^a‘ăzarəyâû ḇen-yərōḥām ûləyišəmā‘ē’l ben-yəhwōḥānān wəl^a‘ăzarəyâû ḇen-‘wōḇēḏ wə’eṯ-m^a‘ăśêâû ḇen-‘ăḏāyâû wə’eṯ-’ĕlîšāfāṭ ben-ziḵərî ‘immwō ḇabərîṯ:

2 wayyāsōbû bîhûḏâ wayyiqəbəṣû ’eṯ-haləwîyim mikāl-‘ārê yəhûḏâ wərā’šê hā’āḇwōṯ ləyiśərā’ēl wayyāḇō’û ’el-yərûšālāim:

3 wayyiḵərōṯ kāl-haqqâāl bərîṯ bəḇêṯ hā’ĕlōhîm ‘im-hammeleḵə wayyō’mer lâem hinnēh ḇen-hammeleḵə yiməlōḵə ka’ăšer diber yəhwâ ‘al-bənê ḏāwîḏ:

4 zeh hadāḇār ’ăšer t^a‘ăśû haššəlišîṯ mikem bā’ê haššabāṯ lakōhănîm wəlaləwîyim ləšō‘ărê hassipîm:

5 wəhaššəlišîṯ bəḇêṯ hammeleḵə wəhaššəlišîṯ bəš^a‘ar hayəswōḏ wəḵāl-hā‘ām bəḥaṣərwōṯ bêṯ yəhwâ:

6 wə’al-yāḇwō’ ḇêṯ-yəhwâ kî ’im-hakōhănîm wəhaməšārəṯîm laləwîyim hēmmâ yāḇō’û kî-qōḏeš hēmmâ wəḵāl-hā‘ām yišəmərû mišəmereṯ yəhwâ:

7 wəhiqqîfû haləwîyim ’eṯ-hammeleḵə sāḇîḇ ’îš wəḵēlāyw bəyāḏwō wəhabā’ ’el-habayiṯ yûmāṯ wihəyû ’eṯ-hammeleḵə bəḇō’wō ûḇəṣē’ṯwō:

8 wayy^a‘ăśû haləwîyim wəḵāl-yəhûḏâ kəḵōl ’ăšer-ṣiûâ yəhwōyāḏā‘ hakōhēn wayyiqəḥû ’îš ’eṯ-’ănāšāyw bā’ê haššabāṯ ‘im ywōṣə’ê haššabāṯ kî lō’ fāṭar yəhwōyāḏā‘ hakōhēn ’eṯ-hamm^aḥələqwōṯ:

9 wayyitēn yəhwōyāḏā‘ hakōhēn ləśārê hammē’wōṯ ’eṯ-h^aḥănîṯîm wə’eṯ-hammāḡinnwōṯ wə’eṯ-haššəlāṭîm ’ăšer lammeleḵə dāwîḏ ’ăšer bêṯ hā’ĕlōhîm:

10 wayy^a‘ămēḏ ’eṯ-kāl-hā‘ām wə’îš| šiləḥwō ḇəyāḏwō mikeṯef habayiṯ hayəmānîṯ ‘aḏ-keṯef habayiṯ haśśəmā’lîṯ lammizəbēḥa wəlabāyiṯ ‘al-hammeleḵə sāḇîḇ:

11 wayywōṣî’û ’eṯ-ben-hammeleḵə wayyitənû ‘ālāyw ’eṯ-hannēzer wə’eṯ-hā‘ēḏûṯ wayyaməlîḵû ’ōṯwō wayyiməšāḥuhû yəhwōyāḏā‘ ûḇānāyw wayyō’mərû yəḥî hammeleḵə: s

12 watišəm^a‘ ‘ăṯaləyâû ’eṯ-qwōl hā‘ām hārāṣîm wəhaməhaləlîm ’eṯ-hammeleḵə watāḇwō’ ’el-hā‘ām bêṯ yəhwâ:

13 watēre’ wəhinnēh hammeleḵə ‘wōmēḏ ‘al-‘ammûḏwō bammāḇwō’ wəhaśśārîm wəh^aḥăṣōṣərwōṯ ‘al-hammeleḵə wəḵāl-‘am hā’āreṣ śāmēḥa wəṯwōqē‘a b^aḥăṣōṣərwōṯ wəhaməšwōrărîm biḵəlê haššîr ûmwōḏî‘îm ləhallēl watiqər^a‘ ‘ăṯaləyâû ’eṯ-bəḡāḏeyhā watō’mer qešer qāšer: s

14 wayywōṣē’ yəhwōyāḏā‘ hakōhēn ’eṯ-śārê hammē’wōṯ| pəqûḏê h^aḥayil wayyō’mer ’ălēhem hwōṣî’ûhā ’el-mibêṯ haśśəḏērwōṯ wəhabā’ ’^aḥăreyhā yûmaṯ beḥāreḇ kî ’āmar hakōhēn lō’ ṯəmîṯûhā bêṯ yəhwâ:

15 wayyāśîmû lāh yāḏayim watāḇwō’ ’el-məḇwō’ š^a‘ar-hassûsîm bêṯ hammeleḵə wayəmîṯûhā šām: f

16 wayyiḵərōṯ yəhwōyāḏā‘ bərîṯ bênwō ûḇên kāl-hā‘ām ûḇên hammeleḵə lihəywōṯ lə‘ām layhwâ:

17 wayyāḇō’û ḵāl-hā‘ām bêṯ-hab^a‘al wayyitəṣuhû wə’eṯ-mizəbəḥōṯāyw wə’eṯ-ṣəlāmāyw šibērû wə’ēṯ matān kōhēn hab^a‘al hārəḡû lifənê hammizəbəḥwōṯ:

18 wayyāśem yəhwōyāḏā‘ pəqudōṯ bêṯ yəhwâ bəyaḏ hakōhănîm haləwîyim ’ăšer ḥālaq dāwîḏ ‘al-bêṯ yəhwâ ləh^a‘ălwōṯ ‘ōlwōṯ yəhwâ kakāṯûḇ bəṯwōraṯ mōšeh bəśiməḥâ ûḇəšîr ‘al yəḏê ḏāwîḏ:

19 wayy^a‘ămēḏ haššwō‘ărîm ‘al-š^a‘ărê bêṯ yəhwâ wəlō’-yāḇō’ ṭāmē’ ləḵāl-dāḇār:

20 wayyiqq^aḥ ’eṯ-śārê hammē’wōṯ wə’eṯ-hā’adîrîm wə’eṯ-hammwōšəlîm bā‘ām wə’ēṯ| kāl-‘am hā’āreṣ wayywōreḏ ’eṯ-hammeleḵə mibêṯ yəhwâ wayyāḇō’û bəṯwōḵə-š^a‘ar hā‘eləywōn bêṯ hammeleḵə wayywōšîḇû ’eṯ-hammeleḵə ‘al kissē’ hammaməlāḵâ:

21 wayyiśəməḥû ḵāl-‘am-hā’āreṣ wəhā‘îr šāqāṭâ wə’eṯ-‘ăṯaləyâû hēmîṯû³ ḇeḥāreḇ: s