2 Chronicles (2 Divrey Yamim) Chapter 24

‎1 ‏בֶּן־שֶׁ֤בַע שָׁנִים֙ יֹאָ֣שׁ בְּמָלְכ֔וֹ וְאַרְבָּעִ֣ים שָׁנָ֔ה מָלַ֖ךְ בִּֽירוּשָׁלִָ֑ם וְשֵׁ֣ם אִמּ֔וֹ צִבְיָ֖ה מִבְּאֵ֥ר שָֽׁבַע׃

‎2 ‏וַיַּ֧עַשׂ יוֹאָ֛שׁ הַיָּשָׁ֖ר בְּעֵינֵ֣י יְהוָ֑ה כָּל־יְמֵ֖י יְהוֹיָדָ֥ע הַכֹּהֵֽן׃

‎3 ‏וַיִּשָּׂא־ל֥וֹ יְהוֹיָדָ֖ע נָשִׁ֣ים שְׁתָּ֑יִם וַיּ֖וֹלֶד בָּנִ֥ים וּבָנֽוֹת׃

‎4 ‏וַיְהִ֖י אַחֲרֵיכֵ֑ן הָיָה֙ עִם־לֵ֣ב יוֹאָ֔שׁ לְחַדֵּ֖שׁ אֶת־בֵּ֥ית יְהוָֽה׃

‎5 ‏וַיִּקְבֹּץ֮ אֶת־הַכֹּהֲנִ֣ים וְהַלְוִיִּם֒ וַיֹּ֣אמֶר לָהֶ֡ם צְא֣וּ לְעָרֵ֪י יְהוּדָ֟ה וְקִבְצוּ֩ מִכָּל־יִשְׂרָאֵ֨ל כֶּ֜סֶף לְחַזֵּ֣ק׀ אֶת־בֵּ֣ית אֱלֹֽהֵיכֶ֗ם מִדֵּ֤י שָׁנָה֙ בְּשָׁנָ֔ה וְאַתֶּ֖ם תְּמַהֲר֣וּ לַדָּבָ֑ר וְלֹ֥א מִֽהֲר֖וּ הַֽלְוִיִּֽם׃

‎6 ‏וַיִּקְרָ֣א הַמֶּלֶךְ֮ לִֽיהוֹיָדָ֣ע הָרֹאשׁ֒ וַיֹּ֣אמֶר ל֗וֹ מַדּ֙וּעַ֙ לֹֽא־דָרַ֣שְׁתָּ עַל־הַלְוִיִּ֔ם לְהָבִ֞יא מִֽיהוּדָ֣ה וּמִֽירוּשָׁלִַ֗ם אֶת־מַשְׂאַת֙ מֹשֶׁ֣ה עֶֽבֶד־יְהוָ֔ה וְהַקָּהָ֖ל לְיִשְׂרָאֵ֑ל לְאֹ֖הֶל הָעֵדֽוּת׃

‎7 ‏כִּ֤י עֲתַלְיָ֙הוּ֙ הַמִּרְשַׁ֔עַת בָּנֶ֥יהָ פָרְצ֖וּ אֶת־בֵּ֣ית הָאֱלֹהִ֑ים וְגַם֙ כָּל־קָדְשֵׁ֣י בֵית־יְהוָ֔ה עָשׂ֖וּ לַבְּעָלִֽים׃

‎8 ‏וַיֹּ֣אמֶר הַמֶּ֔לֶךְ וַֽיַּעֲשׂ֖וּ אֲר֣וֹן אֶחָ֑ד וַֽיִּתְּנֻ֛הוּ בְּשַׁ֥עַר בֵּית־יְהוָ֖ה חֽוּצָה׃

‎9 ‏וַיִּתְּנוּ־ק֞וֹל בִּֽיהוּדָ֣ה וּבִֽירוּשָׁלִַ֗ם לְהָבִ֤יא לַֽיהוָה֙ מַשְׂאַ֞ת מֹשֶׁ֧ה עֶֽבֶד־הָאֱלֹהִ֛ים עַל־יִשְׂרָאֵ֖ל בַּמִּדְבָּֽר׃

‎10 ‏וַיִּשְׂמְח֥וּ כָל־הַשָּׂרִ֖ים וְכָל־הָעָ֑ם וַיָּבִ֛יאוּ וַיַּשְׁלִ֥יכוּ לָאָר֖וֹן עַד־לְכַלֵּֽה׃

‎11 ‏וַיְהִ֡י בְּעֵת֩ יָבִ֨יא אֶת־הָֽאָר֜וֹן אֶל־פְּקֻדַּ֣ת הַמֶּלֶךְ֮ בְּיַ֣ד הַלְוִיִּם֒ וְכִרְאוֹתָ֞ם כִּי־רַ֣ב הַכֶּ֗סֶף וּבָ֨א סוֹפֵ֤ר הַמֶּ֙לֶךְ֙ וּפְקִיד֙ כֹּהֵ֣ן הָרֹ֔אשׁ וִיעָ֙רוּ֙ אֶת־הָ֣אָר֔וֹן וְיִשָּׂאֻ֖הוּ וִֽישִׁיבֻ֣הוּ אֶל־מְקֹמ֑וֹ כֹּ֤ה עָשׂוּ֙ לְי֣וֹם׀ בְּי֔וֹם וַיַּֽאַסְפוּ־כֶ֖סֶף לָרֹֽב׃

‎12 ‏וַיִּתְּנֵ֨הוּ הַמֶּ֜לֶךְ וִֽיהוֹיָדָ֗ע אֶל־עוֹשֵׂה֙ מְלֶ֙אכֶת֙ עֲבוֹדַ֣ת בֵּית־יְהוָ֔ה וַיִּֽהְי֤וּ שֹׂכְרִים֙ חֹצְבִ֣ים וְחָרָשִׁ֔ים לְחַדֵּ֖שׁ בֵּ֣ית יְהוָ֑ה וְ֠גַם לְחָרָשֵׁ֤י בַרְזֶל֙ וּנְחֹ֔שֶׁת לְחַזֵּ֖ק אֶת־בֵּ֥ית יְהוָֽה׃

‎13 ‏וַֽיַּעֲשׂוּ֙ עֹשֵׂ֣י הַמְּלָאכָ֔ה וַתַּ֧עַל אֲרוּכָ֛ה לַמְּלָאכָ֖ה בְּיָדָ֑ם וַֽיַּעֲמִ֜ידוּ אֶת־בֵּ֧ית הָֽאֱלֹהִ֛ים עַל־מַתְכֻּנְתּ֖וֹ וַֽיְאַמְּצֻֽהוּ׃

‎14 ‏וּֽכְכַלּוֹתָ֡ם הֵבִ֣יאוּ לִפְנֵי֩ הַמֶּ֨לֶךְ וִֽיהוֹיָדָ֜ע אֶת־שְׁאָ֣ר הַכֶּ֗סֶף וַיַּעֲשֵׂ֨הוּ כֵלִ֤ים לְבֵית־יְהוָה֙ כְּלֵ֣י שָׁרֵ֔ת וְהַעֲל֣וֹת וְכַפּ֔וֹת וּכְלֵ֥י זָהָ֖ב וָכָ֑סֶף וַ֠יִּֽהְיוּ מַעֲלִ֨ים עֹל֤וֹת בְּבֵית־יְהוָה֙ תָּמִ֔יד כֹּ֖ל יְמֵ֥י יְהוֹיָדָֽע׃ פ

‎15 ‏וַיִּזְקַ֧ן יְהוֹיָדָ֛ע וַיִּשְׂבַּ֥ע יָמִ֖ים וַיָּמֹ֑ת בֶּן־מֵאָ֧ה וּשְׁלֹשִׁ֛ים שָׁנָ֖ה בְּמוֹתֽוֹ׃

‎16 ‏וַיִּקְבְּרֻ֥הוּ בְעִיר־דָּוִ֖יד עִם־הַמְּלָכִ֑ים כִּֽי־עָשָׂ֤ה טוֹבָה֙ בְּיִשְׂרָאֵ֔ל וְעִ֥ם הָאֱלֹהִ֖ים וּבֵיתֽוֹ׃ ס

‎17 ‏וְאַֽחֲרֵ֥י מוֹת֙ יְה֣וֹיָדָ֔ע בָּ֚אוּ שָׂרֵ֣י יְהוּדָ֔ה וַיִּֽשְׁתַּחֲו֖וּ לַמֶּ֑לֶךְ אָ֛ז שָׁמַ֥ע הַמֶּ֖לֶךְ אֲלֵיהֶֽם׃

‎18 ‏וַיַּֽעַזְב֗וּ אֶת־בֵּ֤ית יְהוָה֙ אֱלֹהֵ֣י אֲבוֹתֵיהֶ֔ם וַיַּֽעַבְד֥וּ אֶת־הָאֲשֵׁרִ֖ים וְאֶת־הָֽעֲצַבִּ֑ים וַֽיְהִי־קֶ֗צֶף עַל־יְהוּדָה֙ וִיר֣וּשָׁלִַ֔ם בְּאַשְׁמָתָ֖ם זֹֽאת׃

‎19 ‏וַיִּשְׁלַ֤ח בָּהֶם֙ נְבִאִ֔ים לַהֲשִׁיבָ֖ם אֶל־יְהוָ֑ה וַיָּעִ֥ידוּ בָ֖ם וְלֹ֥א הֶאֱזִֽינוּ׃ ס

‎20 ‏וְר֣וּחַ אֱלֹהִ֗ים לָֽבְשָׁה֙ אֶת־זְכַרְיָה֙ בֶּן־יְהוֹיָדָ֣ע הַכֹּהֵ֔ן וַֽיַּעֲמֹ֖ד מֵעַ֣ל לָעָ֑ם וַיֹּ֨אמֶר לָהֶ֜ם כֹּ֣ה׀ אָמַ֣ר הָאֱלֹהִ֗ים לָמָה֩ אַתֶּ֨ם עֹבְרִ֜ים אֶת־מִצְוֹ֤ת יְהוָה֙ וְלֹ֣א תַצְלִ֔יחוּ כִּֽי־עֲזַבְתֶּ֥ם אֶת־יְהוָ֖ה וַיַּֽעֲזֹ֥ב אֶתְכֶֽם׃

‎21 ‏וַיִּקְשְׁר֣וּ עָלָ֔יו וַיִּרְגְּמֻ֥הוּ אֶ֖בֶן בְּמִצְוַ֣ת הַמֶּ֑לֶךְ בַּחֲצַ֖ר בֵּ֥ית יְהוָֽה׃

‎22 ‏וְלֹא־זָכַ֞ר יוֹאָ֣שׁ הַמֶּ֗לֶךְ הַחֶ֙סֶד֙ אֲשֶׁ֨ר עָשָׂ֜ה יְהוֹיָדָ֤ע אָבִיו֙ עִמּ֔וֹ וַֽיַּהֲרֹ֖ג אֶת־בְּנ֑וֹ וּכְמוֹת֣וֹ אָמַ֔ר יֵ֥רֶא יְהוָ֖ה וְיִדְרֹֽשׁ׃ פ

‎23 ‏וַיְהִ֣י׀ לִתְקוּפַ֣ת הַשָּׁנָ֗ה עָלָ֣ה עָלָיו֮ חֵ֣יל אֲרָם֒ וַיָּבֹ֗אוּ אֶל־יְהוּדָה֙ וִיר֣וּשָׁלִַ֔ם וַיַּשְׁחִ֛יתוּ אֶת־כָּל־שָׂרֵ֥י הָעָ֖ם מֵעָ֑ם וְכָל־שְׁלָלָ֥ם שִׁלְּח֖וּ לְמֶ֥לֶךְ דַּרְמָֽשֶׂק׃

‎24 ‏כִּי֩ בְמִצְעַ֨ר אֲנָשִׁ֜ים בָּ֣אוּ׀ חֵ֣יל אֲרָ֗ם וַֽיהוָה֙ נָתַ֨ן בְּיָדָ֥ם חַ֙יִל֙ לָרֹ֣ב מְאֹ֔ד כִּ֣י עָֽזְב֔וּ אֶת־יְהוָ֖ה אֱלֹהֵ֣י אֲבוֹתֵיהֶ֑ם וְאֶת־יוֹאָ֖שׁ עָשׂ֥וּ שְׁפָטִֽים׃

‎25 ‏וּבְלֶכְתָּ֣ם מִמֶּ֗נּוּ כִּֽי־עָזְב֣וּ אֹתוֹ֮ במחליים בְּמַחֲלוּיִ֣ם רַבִּים֒ הִתְקַשְּׁר֨וּ עָלָ֜יו עֲבָדָ֗יו בִּדְמֵי֙ בְּנֵי֙ יְהוֹיָדָ֣ע הַכֹּהֵ֔ן וַיַּֽהַרְגֻ֥הוּ עַל־מִטָּת֖וֹ וַיָּמֹ֑ת וַֽיִּקְבְּרֻ֙הוּ֙ בְּעִ֣יר דָּוִ֔יד וְלֹ֥א קְבָרֻ֖הוּ בְּקִבְר֥וֹת הַמְּלָכִֽים׃ ס

‎26 ‏וְאֵ֖לֶּה הַמִּתְקַשְּׁרִ֣ים עָלָ֑יו זָבָ֗ד בֶּן־שִׁמְעָת֙ הָֽעַמּוֹנִ֔ית וִיה֣וֹזָבָ֔ד בֶּן־שִׁמְרִ֖ית הַמּוֹאָבִֽית׃

‎27 ‏וּבָנָ֞יו ורב יִ֧רֶ֞ב הַמַּשָּׂ֣א עָלָ֗יו וִיסוֹד֙ בֵּ֣ית הָאֱלֹהִ֔ים הִנָּ֣ם כְּתוּבִ֔ים עַל־מִדְרַ֖שׁ סֵ֣פֶר הַמְּלָכִ֑ים וַיִּמְלֹ֛ךְ אֲמַצְיָ֥הוּ בְנ֖וֹ תַּחְתָּֽיו׃ פ

1 ben-šeḇ^a‘ šānîm yō’āš bəmāləḵwō wə’arəbā‘îm šānâ mālaḵə bîrûšālāim wəšēm ’immwō ṣiḇəyâ mibə’ēr šāḇ^a‘:

2 wayy^a‘aś ywō’āš hayyāšār bə‘ênê yəhwâ kāl-yəmê yəhwōyāḏā‘ hakōhēn:

3 wayyiśśā’-lwō yəhwōyāḏā‘ nāšîm šətāyim wayywōleḏ bānîm ûḇānwōṯ:

4 wayəhî ’^aḥărêḵēn hāyâ ‘im-lēḇ ywō’āš ləḥadēš ’eṯ-bêṯ yəhwâ:

5 wayyiqəbōṣ ’eṯ-hakōhănîm wəhaləwîyim wayyō’mer lâem ṣə’û lə‘ārê yəhûḏâ wəqiḇəṣû mikāl-yiśərā’ēl kesef ləḥazzēq| ’eṯ-bêṯ ’ĕlōhêḵem midê šānâ bəšānâ wə’atem təmahărû ladāḇār wəlō’ mihărû haləwîyim:

6 wayyiqərā’ hammeleḵə lîhwōyāḏā‘ hārō’š wayyō’mer lwō madû‘a lō’-ḏārašətā ‘al-haləwîyim ləhāḇî’ mîhûḏâ ûmîrûšālaim ’eṯ-maśə’aṯ mōšeh ‘eḇeḏ-yəhwâ wəhaqqâāl ləyiśərā’ēl lə’ōhel hā‘ēḏûṯ:

7 kî ‘ăṯaləyâû hammirəš^a‘aṯ bāneyhā fārəṣû ’eṯ-bêṯ hā’ĕlōhîm wəḡam kāl-qāḏəšê ḇêṯ-yəhwâ ‘āśû labə‘ālîm:

8 wayyō’mer hammeleḵə wayy^a‘ăśû ’ărwōn ’eḥāḏ wayyitənuhû bəš^a‘ar bêṯ-yəhwâ ḥûṣâ:

9 wayyitənû-qwōl bîhûḏâ ûḇîrûšālaim ləhāḇî’ layhwâ maśə’aṯ mōšeh ‘eḇeḏ-hā’ĕlōhîm ‘al-yiśərā’ēl bammiḏəbār:

10 wayyiśəməḥû ḵāl-haśśārîm wəḵāl-hā‘ām wayyāḇî’û wayyašəlîḵû lā’ārwōn ‘aḏ-ləḵallēh:

11 wayəhî bə‘ēṯ yāḇî’ ’eṯ-hā’ārwōn ’el-pəqudaṯ hammeleḵə bəyaḏ haləwîyim wəḵirə’wōṯām kî-raḇ hakesef ûḇā’ swōfēr hammeleḵə ûfəqîḏ kōhēn hārō’š wî‘ārû ’eṯ-hā’ārwōn wəyiśśā’uhû wîšîḇuhû ’el-məqōmwō kōh ‘āśû ləywōm| bəywōm wayya’asəfû-ḵesef lārōḇ:

12 wayyitənēhû hammeleḵə wîhwōyāḏā‘ ’el-‘wōśēh məle’ḵeṯ ‘ăḇwōḏaṯ bêṯ-yəhwâ wayyihəyû śōḵərîm ḥōṣəḇîm wəḥārāšîm ləḥadēš bêṯ yəhwâ wəḡam ləḥārāšê ḇarəzel ûnəḥōšeṯ ləḥazzēq ’eṯ-bêṯ yəhwâ:

13 wayy^a‘ăśû ‘ōśê hamməlā’ḵâ wat^a‘al ’ărûḵâ lamməlā’ḵâ bəyāḏām wayy^a‘ămîḏû ’eṯ-bêṯ hā’ĕlōhîm ‘al-maṯəkunətwō wayə’amməṣuhû:

14 ûḵəḵallwōṯām hēḇî’û lifənê hammeleḵə wîhwōyāḏā‘ ’eṯ-šə’ār hakesef wayy^a‘ăśēhû ḵēlîm ləḇêṯ-yəhwâ kəlê šārēṯ wəh^a‘ălwōṯ wəḵapwōṯ ûḵəlê zâāḇ wāḵāsef wayyihəyû m^a‘ălîm ‘ōlwōṯ bəḇêṯ-yəhwâ tāmîḏ kōl yəmê yəhwōyāḏā‘: f

15 wayyizəqan yəhwōyāḏā‘ wayyiśəb^a‘ yāmîm wayyāmōṯ ben-mē’â ûšəlōšîm šānâ bəmwōṯwō:

16 wayyiqəbəruhû ḇə‘îr-dāwîḏ ‘im-hamməlāḵîm kî-‘āśâ ṭwōḇâ bəyiśərā’ēl wə‘im hā’ĕlōhîm ûḇêṯwō: s

17 wə’^aḥărê mwōṯ yəhwōyāḏā‘ bā’û śārê yəhûḏâ wayyišət^aḥăwû lammeleḵə ’āz šām^a‘ hammeleḵə ’ălêhem:

18 wayy^a‘azəḇû ’eṯ-bêṯ yəhwâ ’ĕlōhê ’ăḇwōṯêhem wayy^a‘aḇəḏû ’eṯ-hā’ăšērîm wə’eṯ-hā‘ăṣabîm wayəhî-qeṣef ‘al-yəhûḏâ wîrûšālaim bə’ašəmāṯām zō’ṯ:

19 wayyišəl^aḥ bâem nəḇi’îm lahăšîḇām ’el-yəhwâ wayyā‘îḏû ḇām wəlō’ he’ĕzînû: s

20 wərûḥa ’ĕlōhîm lāḇəšâ ’eṯ-zəḵarəyâ ben-yəhwōyāḏā‘ hakōhēn wayy^a‘ămōḏ mē‘al lā‘ām wayyō’mer lâem kōh| ’āmar hā’ĕlōhîm lāmâ ’atem ‘ōḇərîm ’eṯ-miṣəwōṯ yəhwâ wəlō’ ṯaṣəlîḥû kî-‘ăzaḇətem ’eṯ-yəhwâ wayy^a‘ăzōḇ ’eṯəḵem:

21 wayyiqəšərû ‘ālāyw wayyirəgəmuhû ’eḇen bəmiṣəwaṯ hammeleḵə b^aḥăṣar bêṯ yəhwâ:

22 wəlō’-zāḵar ywō’āš hammeleḵə h^aḥeseḏ ’ăšer ‘āśâ yəhwōyāḏā‘ ’āḇîw ‘immwō wayyahărōḡ ’eṯ-bənwō ûḵəmwōṯwō ’āmar yēre’ yəhwâ wəyiḏərōš: f

23 wayəhî| liṯəqûfaṯ haššānâ ‘ālâ ‘ālāyw ḥêl ’ărām wayyāḇō’û ’el-yəhûḏâ wîrûšālaim wayyašəḥîṯû ’eṯ-kāl-śārê hā‘ām mē‘ām wəḵāl-šəlālām šilləḥû ləmeleḵə darəmāśeq:

24 kî ḇəmiṣə‘ar ’ănāšîm bā’û| ḥêl ’ărām wayhwâ nāṯan bəyāḏām ḥayil lārōḇ mə’ōḏ kî ‘āzəḇû ’eṯ-yəhwâ ’ĕlōhê ’ăḇwōṯêhem wə’eṯ-ywō’āš ‘āśû šəfāṭîm:

25 ûḇəleḵətām mimmennû kî-‘āzəḇû ’ōṯwō bəm^aḥălîyîm bəm^aḥălûyim rabîm hiṯəqaššərû ‘ālāyw ‘ăḇāḏāyw biḏəmê bənê yəhwōyāḏā‘ hakōhēn wayyaharəḡuhû ‘al-miṭṭāṯwō wayyāmōṯ wayyiqəbəruhû bə‘îr dāwîḏ wəlō’ qəḇāruhû bəqiḇərwōṯ hamməlāḵîm: s

26 wə’ēlleh hammiṯəqaššərîm ‘ālāyw zāḇāḏ ben-šimə‘āṯ hā‘ammwōnîṯ wîhwōzāḇāḏ ben-šimərîṯ hammwō’āḇîṯ:

27 ûḇānāyw wərōḇ yireḇ hammaśśā’ ‘ālāyw wîswōḏ bêṯ hā’ĕlōhîm hinnām kəṯûḇîm ‘al-miḏəraš sēfer hamməlāḵîm wayyiməlōḵə ’ămaṣəyâû ḇənwō t^aḥətāyw: f