Deuteronomy (Devarim) Chapter 28

‎1 ‏וְהָיָ֗ה אִם־שָׁמ֤וֹעַ תִּשְׁמַע֙ בְּקוֹל֙ יְהוָ֣ה אֱלֹהֶ֔יךָ לִשְׁמֹ֤ר לַעֲשׂוֹת֙ אֶת־כָּל־מִצְוֹתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם וּנְתָ֨נְךָ֜ יְהוָ֤ה אֱלֹהֶ֙יךָ֙ עֶלְי֔וֹן עַ֖ל כָּל־גּוֹיֵ֥י הָאָֽרֶץ׃

‎2 ‏וּבָ֧אוּ עָלֶ֛יךָ כָּל־הַבְּרָכ֥וֹת הָאֵ֖לֶּה וְהִשִּׂיגֻ֑ךָ כִּ֣י תִשְׁמַ֔ע בְּק֖וֹל יְהוָ֥ה אֱלֹהֶֽיךָ׃

‎3 ‏בָּר֥וּךְ אַתָּ֖ה בָּעִ֑יר וּבָר֥וּךְ אַתָּ֖ה בַּשָּׂדֶֽה׃

‎4 ‏בָּר֧וּךְ פְּרִֽי־בִטְנְךָ֛ וּפְרִ֥י אַדְמָתְךָ֖ וּפְרִ֣י בְהֶמְתֶּ֑ךָ שְׁגַ֥ר אֲלָפֶ֖יךָ וְעַשְׁתְּר֥וֹת צֹאנֶֽךָ׃

‎5 ‏בָּר֥וּךְ טַנְאֲךָ֖ וּמִשְׁאַרְתֶּֽךָ׃

‎6 ‏בָּר֥וּךְ אַתָּ֖ה בְּבֹאֶ֑ךָ וּבָר֥וּךְ אַתָּ֖ה בְּצֵאתֶֽךָ׃

‎7 ‏יִתֵּ֨ן יְהוָ֤ה אֶת־אֹיְבֶ֙יךָ֙ הַקָּמִ֣ים עָלֶ֔יךָ נִגָּפִ֖ים לְפָנֶ֑יךָ בְּדֶ֤רֶךְ אֶחָד֙ יֵצְא֣וּ אֵלֶ֔יךָ וּבְשִׁבְעָ֥ה דְרָכִ֖ים יָנ֥וּסוּ לְפָנֶֽיךָ׃

‎8 ‏יְצַ֨ו יְהוָ֤ה אִתְּךָ֙ אֶת־הַבְּרָכָ֔ה בַּאֲסָמֶ֕יךָ וּבְכֹ֖ל מִשְׁלַ֣ח יָדֶ֑ךָ וּבֵ֣רַכְךָ֔ בָּאָ֕רֶץ אֲשֶׁר־יְהוָ֥ה אֱלֹהֶ֖יךָ נֹתֵ֥ן לָֽךְ׃

‎9 ‏יְקִֽימְךָ֙ יְהוָ֥ה לוֹ֙ לְעַ֣ם קָד֔וֹשׁ כַּאֲשֶׁ֖ר נִֽשְׁבַּֽע־לָ֑ךְ כִּ֣י תִשְׁמֹ֗ר אֶת־מִצְוֹת֙ יְהוָ֣ה אֱלֹהֶ֔יךָ וְהָלַכְתָּ֖ בִּדְרָכָֽיו׃

‎10 ‏וְרָאוּ֙ כָּל־עַמֵּ֣י הָאָ֔רֶץ כִּ֛י שֵׁ֥ם יְהוָ֖ה נִקְרָ֣א עָלֶ֑יךָ וְיָֽרְא֖וּ מִמֶּֽךָּ׃

‎11 ‏וְהוֹתִרְךָ֤³ יְהוָה֙ לְטוֹבָ֔ה בִּפְרִ֧י בִטְנְךָ֛ וּבִפְרִ֥י בְהַמְתְּךָ֖ וּבִפְרִ֣י אַדְמָתֶ֑ךָ עַ֚ל הָאֲדָמָ֔ה אֲשֶׁ֨ר נִשְׁבַּ֧ע יְהוָ֛ה לַאֲבֹתֶ֖יךָ לָ֥תֶת לָֽךְ׃

‎12 ‏יִפְתַּ֣ח יְהוָ֣ה׀ לְ֠ךָ אֶת־אוֹצָר֨וֹ הַטּ֜וֹב אֶת־הַשָּׁמַ֗יִם לָתֵ֤ת מְטַֽר־אַרְצְךָ֙ בְּעִתּ֔וֹ וּלְבָרֵ֕ךְ אֵ֖ת כָּל־מַעֲשֵׂ֣ה יָדֶ֑ךָ וְהִלְוִ֙יתָ֙ גּוֹיִ֣ם רַבִּ֔ים וְאַתָּ֖ה לֹ֥א תִלְוֶֽה׃

‎13 ‏וּנְתָֽנְךָ֙ יְהוָ֤ה לְרֹאשׁ֙ וְלֹ֣א לְזָנָ֔ב וְהָיִ֙יתָ֙ רַ֣ק לְמַ֔עְלָה וְלֹ֥א תִהְיֶ֖ה לְמָ֑טָּה כִּֽי־תִשְׁמַ֞ע אֶל־מִצְוֹ֣ת׀ יְהוָ֣ה אֱלֹהֶ֗יךָ אֲשֶׁ֨ר אָנֹכִ֧י מְצַוְּךָ֛ הַיּ֖וֹם לִשְׁמֹ֥ר וְלַעֲשֽׂוֹת׃

‎14 ‏וְלֹ֣א תָס֗וּר מִכָּל־הַדְּבָרִים֙ אֲשֶׁ֨ר אָנֹכִ֜י מְצַוֶּ֥ה אֶתְכֶ֛ם הַיּ֖וֹם יָמִ֣ין וּשְׂמֹ֑אול לָלֶ֗כֶת אַחֲרֵ֛י אֱלֹהִ֥ים אֲחֵרִ֖ים לְעָבְדָֽם׃ ס

‎15 ‏וְהָיָ֗ה אִם־לֹ֤א תִשְׁמַע֙ בְּקוֹל֙ יְהוָ֣ה אֱלֹהֶ֔יךָ לִשְׁמֹ֤ר לַעֲשׂוֹת֙ אֶת־כָּל־מִצְוֹתָ֣יו וְחֻקֹּתָ֔יו אֲשֶׁ֛ר אָנֹכִ֥י מְצַוְּךָ֖ הַיּ֑וֹם וּבָ֧אוּ עָלֶ֛יךָ כָּל־הַקְּלָל֥וֹת הָאֵ֖לֶּה וְהִשִּׂיגֽוּךָ׃

‎16 ‏אָר֥וּר אַתָּ֖ה בָּעִ֑יר וְאָר֥וּר אַתָּ֖ה בַּשָּׂדֶֽה׃

‎17 ‏אָר֥וּר טַנְאֲךָ֖ וּמִשְׁאַרְתֶּֽךָ׃

‎18 ‏אָר֥וּר פְּרִֽי־בִטְנְךָ֖ וּפְרִ֣י אַדְמָתֶ֑ךָ שְׁגַ֥ר אֲלָפֶ֖יךָ וְעַשְׁתְּר֥וֹת צֹאנֶֽךָ׃

‎19 ‏אָר֥וּר אַתָּ֖ה בְּבֹאֶ֑ךָ וְאָר֥וּר אַתָּ֖ה בְּצֵאתֶֽךָ׃

‎20 ‏יְשַׁלַּ֣ח יְהוָ֣ה׀ בְּ֠ךָ אֶת־הַמְּאֵרָ֤ה אֶת־הַמְּהוּמָה֙ וְאֶת־הַמִּגְעֶ֔רֶת בְּכָל־מִשְׁלַ֥ח יָדְךָ֖ אֲשֶׁ֣ר תַּעֲשֶׂ֑ה עַ֣ד הִשָּֽׁמֶדְךָ֤ וְעַד־אֲבָדְךָ֙ מַהֵ֔ר מִפְּנֵ֛י רֹ֥עַ מַֽעֲלָלֶ֖יךָ אֲשֶׁ֥ר עֲזַבְתָּֽנִי׃

‎21 ‏יַדְבֵּ֧ק יְהוָ֛ה בְּךָ֖ אֶת־הַדָּ֑בֶר עַ֚ד כַּלֹּת֣וֹ³ אֹֽתְךָ֔ מֵעַל֙ הָֽאֲדָמָ֔ה אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃

‎22 ‏יַכְּכָ֣ה יְ֠הוָה בַּשַּׁחֶ֨פֶת וּבַקַּדַּ֜חַת וּבַדַּלֶּ֗קֶת וּבַֽחַרְחֻר֙ וּבַחֶ֔רֶב וּבַשִּׁדָּפ֖וֹן וּבַיֵּרָק֑וֹן וּרְדָפ֖וּךָ עַ֥ד אָבְדֶֽךָ׃

‎23 ‏וְהָי֥וּ שָׁמֶ֛יךָ אֲשֶׁ֥ר עַל־רֹאשְׁךָ֖ נְחֹ֑שֶׁת וְהָאָ֥רֶץ אֲשֶׁר־תַּחְתֶּ֖יךָ בַּרְזֶֽל׃

‎24 ‏יִתֵּ֧ן יְהוָ֛ה אֶת־מְטַ֥ר אַרְצְךָ֖ אָבָ֣ק וְעָפָ֑ר מִן־הַשָּׁמַ֙יִם֙ יֵרֵ֣ד עָלֶ֔יךָ עַ֖ד הִשָּׁמְדָֽךְ׃

‎25 ‏יִתֶּנְךָ֨³ יְהוָ֥ה׀ נִגָּף֮ לִפְנֵ֣י אֹיְבֶיךָ֒ בְּדֶ֤רֶךְ אֶחָד֙ תֵּצֵ֣א אֵלָ֔יו וּבְשִׁבְעָ֥ה דְרָכִ֖ים תָּנ֣וּס לְפָנָ֑יו וְהָיִ֣יתָ לְזַעֲוָ֔ה לְכֹ֖ל מַמְלְכ֥וֹת הָאָֽרֶץ׃

‎26 ‏וְהָיְתָ֤ה נִבְלָֽתְךָ֙ לְמַאֲכָ֔ל לְכָל־ע֥וֹף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽיד׃

‎27 ‏יַכְּכָ֨ה יְהוָ֜ה בִּשְׁחִ֤ין מִצְרַ֙יִם֙ ובעפלים וּבַטְּחֹרִ֔ים וּבַגָּרָ֖ב וּבֶחָ֑רֶס אֲשֶׁ֥ר לֹא־תוּכַ֖ל לְהֵרָפֵֽא׃

‎28 ‏יַכְּכָ֣ה יְהוָ֔ה בְּשִׁגָּע֖וֹן וּבְעִוָּר֑וֹן וּבְתִמְה֖וֹן לֵבָֽב׃

‎29 ‏וְהָיִ֜יתָ מְמַשֵּׁ֣שׁ בַּֽצָּהֳרַ֗יִם כַּאֲשֶׁ֨ר יְמַשֵּׁ֤שׁ הָעִוֵּר֙ בָּאֲפֵלָ֔ה וְלֹ֥א תַצְלִ֖יחַ אֶת־דְּרָכֶ֑יךָ וְהָיִ֜יתָ אַ֣ךְ עָשׁ֧וּק וְגָז֛וּל כָּל־הַיָּמִ֖ים וְאֵ֥ין מוֹשִֽׁיעַ׃

‎30 ‏אִשָּׁ֣ה תְאָרֵ֗שׂ וְאִ֤ישׁ אַחֵר֙ ישגלנה יִשְׁכָּבֶ֔נָּה בַּ֥יִת תִּבְנֶ֖ה וְלֹא־תֵשֵׁ֣ב בּ֑וֹ כֶּ֥רֶם תִּטַּ֖ע וְלֹ֥א תְחַלְּלֶֽנּוּ׃

‎31 ‏שׁוֹרְךָ֞ טָב֣וּחַ לְעֵינֶ֗יךָ וְלֹ֣א תֹאכַל֮ מִמֶּנּוּ֒ חֲמֹֽרְךָ֙ גָּז֣וּל מִלְּפָנֶ֔יךָ וְלֹ֥א יָשׁ֖וּב לָ֑ךְ צֹֽאנְךָ֙ נְתֻנ֣וֹת לְאֹיְבֶ֔יךָ וְאֵ֥ין לְךָ֖ מוֹשִֽׁיעַ׃

‎32 ‏בָּנֶ֨יךָ וּבְנֹתֶ֜יךָ נְתֻנִ֨ים לְעַ֤ם אַחֵר֙ וְעֵינֶ֣יךָ רֹא֔וֹת וְכָל֥וֹת אֲלֵיהֶ֖ם כָּל־הַיּ֑וֹם וְאֵ֥ין לְאֵ֖ל יָדֶֽךָ׃

‎33 ‏פְּרִ֤י אַדְמָֽתְךָ֙ וְכָל־יְגִ֣יעֲךָ֔ יֹאכַ֥ל עַ֖ם אֲשֶׁ֣ר לֹא־יָדָ֑עְתָּ וְהָיִ֗יתָ רַ֛ק עָשׁ֥וּק וְרָצ֖וּץ כָּל־הַיָּמִֽים׃

‎34 ‏וְהָיִ֖יתָ מְשֻׁגָּ֑ע מִמַּרְאֵ֥ה עֵינֶ֖יךָ אֲשֶׁ֥ר תִּרְאֶֽה׃

‎35 ‏יַכְּכָ֨ה יְהוָ֜ה בִּשְׁחִ֣ין רָ֗ע עַל־הַבִּרְכַּ֙יִם֙ וְעַל־הַשֹּׁקַ֔יִם אֲשֶׁ֥ר לֹא־תוּכַ֖ל לְהֵרָפֵ֑א מִכַּ֥ף רַגְלְךָ֖ וְעַ֥ד קָדְקֳדֶֽךָ׃

‎36 ‏יוֹלֵ֨ךְ יְהוָ֜ה אֹֽתְךָ֗ וְאֶֽת־מַלְכְּךָ֙ אֲשֶׁ֣ר תָּקִ֣ים עָלֶ֔יךָ אֶל־גּ֕וֹי אֲשֶׁ֥ר לֹא־יָדַ֖עְתָּ אַתָּ֣ה וַאֲבֹתֶ֑יךָ וְעָבַ֥דְתָּ שָּׁ֛ם אֱלֹהִ֥ים אֲחֵרִ֖ים עֵ֥ץ וָאָֽבֶן׃

‎37 ‏וְהָיִ֣יתָ לְשַׁמָּ֔ה לְמָשָׁ֖ל וְלִשְׁנִינָ֑ה בְּכֹל֙ הָֽעַמִּ֔ים אֲשֶׁר־יְנַהֶגְךָ֥ יְהוָ֖ה שָֽׁמָּה׃

‎38 ‏זֶ֥רַע רַ֖ב תּוֹצִ֣יא הַשָּׂדֶ֑ה וּמְעַ֣ט תֶּאֱסֹ֔ף כִּ֥י יַחְסְלֶ֖נּוּ הָאַרְבֶּֽה׃

‎39 ‏כְּרָמִ֥ים תִּטַּ֖ע וְעָבָ֑דְתָּ וְיַ֤יִן לֹֽא־תִשְׁתֶּה֙ וְלֹ֣א תֶאֱגֹ֔ר כִּ֥י תֹאכְלֶ֖נּוּ הַתֹּלָֽעַת׃

‎40 ‏זֵיתִ֛ים יִהְי֥וּ לְךָ֖ בְּכָל־גְּבוּלֶ֑ךָ וְשֶׁ֙מֶן֙ לֹ֣א תָס֔וּךְ כִּ֥י יִשַּׁ֖ל זֵיתֶֽךָ׃

‎41 ‏בָּנִ֥ים וּבָנ֖וֹת תּוֹלִ֑יד וְלֹא־יִהְי֣וּ לָ֔ךְ כִּ֥י יֵלְכ֖וּ בַּשֶּֽׁבִי׃

‎42 ‏כָּל־עֵצְךָ֖ וּפְרִ֣י אַדְמָתֶ֑ךָ יְיָרֵ֖שׁ הַצְּלָצַֽל׃

‎43 ‏הַגֵּר֙ אֲשֶׁ֣ר בְּקִרְבְּךָ֔ יַעֲלֶ֥ה עָלֶ֖יךָ מַ֣עְלָה מָּ֑עְלָה וְאַתָּ֥ה תֵרֵ֖ד מַ֥טָּה מָּֽטָּה׃

‎44 ‏ה֣וּא יַלְוְךָ֔ וְאַתָּ֖ה לֹ֣א תַלְוֶ֑נּוּ ה֚וּא יִהְיֶ֣ה לְרֹ֔אשׁ וְאַתָּ֖ה תִּֽהְיֶ֥ה לְזָנָֽב׃

‎45 ‏וּבָ֨אוּ עָלֶ֜יךָ כָּל־הַקְּלָל֣וֹת הָאֵ֗לֶּה וּרְדָפ֙וּךָ֙ וְהִשִּׂיג֔וּךָ עַ֖ד הִשָּֽׁמְדָ֑ךְ כִּי־לֹ֣א שָׁמַ֗עְתָּ בְּקוֹל֙ יְהוָ֣ה אֱלֹהֶ֔יךָ לִשְׁמֹ֛ר מִצְוֹתָ֥יו וְחֻקֹּתָ֖יו אֲשֶׁ֥ר צִוָּֽךְ׃

‎46 ‏וְהָי֣וּ בְךָ֔ לְא֖וֹת וּלְמוֹפֵ֑ת וּֽבְזַרְעֲךָ֖ עַד־עוֹלָֽם׃

‎47 ‏תַּ֗חַת אֲשֶׁ֤ר לֹא־עָבַ֙דְתָּ֙ אֶת־יְהוָ֣ה אֱלֹהֶ֔יךָ בְּשִׂמְחָ֖ה וּבְט֣וּב לֵבָ֑ב מֵרֹ֖ב כֹּֽל׃

‎48 ‏וְעָבַדְתָּ֣ אֶת־אֹיְבֶ֗יךָ אֲשֶׁ֨ר יְשַׁלְּחֶ֤נּוּ יְהוָה֙ בָּ֔ךְ בְּרָעָ֧ב וּבְצָמָ֛א וּבְעֵירֹ֖ם וּבְחֹ֣סֶר כֹּ֑ל וְנָתַ֞ן עֹ֤ל בַּרְזֶל֙ עַל־צַוָּארֶ֔ךָ עַ֥ד הִשְׁמִיד֖וֹ אֹתָֽךְ׃

‎49 ‏יִשָּׂ֣א יְהוָה֩ עָלֶ֨יךָ גּ֤וֹי מֵרָחוֹק֙ מִקְצֵ֣ה הָאָ֔רֶץ כַּאֲשֶׁ֥ר יִדְאֶ֖ה הַנָּ֑שֶׁר גּ֕וֹי אֲשֶׁ֥ר לֹא־תִשְׁמַ֖ע לְשֹׁנֽוֹ׃

‎50 ‏גּ֖וֹי עַ֣ז פָּנִ֑ים אֲשֶׁ֨ר לֹא־יִשָּׂ֤א פָנִים֙ לְזָקֵ֔ן וְנַ֖עַר לֹ֥א יָחֹֽן׃

‎51 ‏וְ֠אָכַל פְּרִ֨י בְהֶמְתְּךָ֥ וּפְרִֽי־אַדְמָתְךָ֮ עַ֣ד הִשָּֽׁמְדָךְ֒ אֲשֶׁ֨ר לֹֽא־יַשְׁאִ֜יר לְךָ֗ דָּגָן֙ תִּיר֣וֹשׁ וְיִצְהָ֔ר שְׁגַ֥ר אֲלָפֶ֖יךָ וְעַשְׁתְּרֹ֣ת צֹאנֶ֑ךָ עַ֥ד הַאֲבִיד֖וֹ אֹתָֽךְ׃

‎52 ‏וְהֵצַ֨ר לְךָ֜ בְּכָל־שְׁעָרֶ֗יךָ עַ֣ד רֶ֤דֶת חֹמֹתֶ֙יךָ֙ הַגְּבֹה֣וֹת וְהַבְּצֻר֔וֹת אֲשֶׁ֥ר אַתָּ֛ה בֹּטֵ֥חַ בָּהֵ֖ן בְּכָל־אַרְצֶ֑ךָ וְהֵצַ֤ר לְךָ֙ בְּכָל־שְׁעָרֶ֔יךָ בְּכָ֨ל־אַרְצְךָ֔ אֲשֶׁ֥ר נָתַ֛ן יְהוָ֥ה אֱלֹהֶ֖יךָ לָֽךְ׃

‎53 ‏וְאָכַלְתָּ֣ פְרִֽי־בִטְנְךָ֗ בְּשַׂ֤ר בָּנֶ֙יךָ֙ וּבְנֹתֶ֔יךָ אֲשֶׁ֥ר נָֽתַן־לְךָ֖ יְהוָ֣ה אֱלֹהֶ֑יךָ בְּמָצוֹר֙ וּבְמָצ֔וֹק אֲשֶׁר־יָצִ֥יק לְךָ֖ אֹיְבֶֽךָ׃

‎54 ‏הָאִישׁ֙ הָרַ֣ךְ בְּךָ֔ וְהֶעָנֹ֖ג מְאֹ֑ד תֵּרַ֨ע עֵינ֤וֹ בְאָחִיו֙ וּבְאֵ֣שֶׁת חֵיק֔וֹ וּבְיֶ֥תֶר בָּנָ֖יו אֲשֶׁ֥ר יוֹתִֽיר׃

‎55 ‏מִתֵּ֣ת׀ לְאַחַ֣ד מֵהֶ֗ם מִבְּשַׂ֤ר בָּנָיו֙ אֲשֶׁ֣ר יֹאכֵ֔ל מִבְּלִ֥י הִשְׁאִֽיר־ל֖וֹ כֹּ֑ל בְּמָצוֹר֙ וּבְמָצ֔וֹק אֲשֶׁ֨ר יָצִ֥יק לְךָ֛ אֹיִבְךָ֖ בְּכָל־שְׁעָרֶֽיךָ׃

‎56 ‏הָרַכָּ֨ה בְךָ֜ וְהָעֲנֻגָּ֗ה אֲשֶׁ֨ר לֹא־נִסְּתָ֤ה כַף־רַגְלָהּ֙ הַצֵּ֣ג עַל־הָאָ֔רֶץ מֵהִתְעַנֵּ֖ג וּמֵרֹ֑ךְ תֵּרַ֤ע עֵינָהּ֙ בְּאִ֣ישׁ חֵיקָ֔הּ וּבִבְנָ֖הּ וּבְבִתָּֽהּ׃

‎57 ‏וּֽבְשִׁלְיָתָ֞הּ הַיּוֹצֵ֣ת׀ מִבֵּ֣ין רַגְלֶ֗יהָ וּבְבָנֶ֙יהָ֙ אֲשֶׁ֣ר תֵּלֵ֔ד כִּֽי־תֹאכְלֵ֥ם בְּחֹֽסֶר־כֹּ֖ל בַּסָּ֑תֶר בְּמָצוֹר֙ וּבְמָצ֔וֹק אֲשֶׁ֨ר יָצִ֥יק לְךָ֛ אֹיִבְךָ֖ בִּשְׁעָרֶֽיךָ׃

‎58 ‏אִם־לֹ֨א תִשְׁמֹ֜ר לַעֲשׂ֗וֹת אֶת־כָּל־דִּבְרֵי֙ הַתּוֹרָ֣ה הַזֹּ֔את הַכְּתוּבִ֖ים בַּסֵּ֣פֶר הַזֶּ֑ה לְ֠יִרְאָה אֶת־הַשֵּׁ֞ם הַנִּכְבָּ֤ד וְהַנּוֹרָא֙ הַזֶּ֔ה אֵ֖ת יְהוָ֥ה אֱלֹהֶֽיךָ׃

‎59 ‏וְהִפְלָ֤א יְהוָה֙ אֶת־מַכֹּ֣תְךָ֔ וְאֵ֖ת מַכּ֣וֹת זַרְעֶ֑ךָ מַכּ֤וֹת גְּדֹלוֹת֙ וְנֶ֣אֱמָנ֔וֹת וָחֳלָיִ֥ם רָעִ֖ים וְנֶאֱמָנִֽים׃

‎60 ‏וְהֵשִׁ֣יב בְּךָ֗ אֵ֚ת כָּל־מַדְוֵ֣ה מִצְרַ֔יִם אֲשֶׁ֥ר יָגֹ֖רְתָּ מִפְּנֵיהֶ֑ם וְדָבְק֖וּ בָּֽךְ׃

‎61 ‏גַּ֤ם כָּל־חֳלִי֙ וְכָל־מַכָּ֔ה אֲשֶׁר֙ לֹ֣א כָת֔וּב בְּסֵ֖פֶר הַתּוֹרָ֣ה הַזֹּ֑את יַעְלֵ֤ם יְהוָה֙ עָלֶ֔יךָ עַ֖ד הִשָּׁמְדָֽךְ׃

‎62 ‏וְנִשְׁאַרְתֶּם֙ בִּמְתֵ֣י מְעָ֔ט תַּ֚חַת אֲשֶׁ֣ר הֱיִיתֶ֔ם כְּכוֹכְבֵ֥י הַשָּׁמַ֖יִם לָרֹ֑ב כִּי־לֹ֣א שָׁמַ֔עְתָּ בְּק֖וֹל יְהוָ֥ה אֱלֹהֶֽיךָ׃

‎63 ‏וְ֠הָיָה כַּאֲשֶׁר־שָׂ֨שׂ יְהוָ֜ה עֲלֵיכֶ֗ם לְהֵיטִ֣יב אֶתְכֶם֮ וּלְהַרְבּ֣וֹת אֶתְכֶם֒ כֵּ֣ן יָשִׂ֤ישׂ יְהוָה֙ עֲלֵיכֶ֔ם לְהַאֲבִ֥יד אֶתְכֶ֖ם וּלְהַשְׁמִ֣יד אֶתְכֶ֑ם וְנִסַּחְתֶּם֙ מֵעַ֣ל הָֽאֲדָמָ֔ה אֲשֶׁר־אַתָּ֥ה בָא־שָׁ֖מָּה לְרִשְׁתָּֽהּ׃

‎64 ‏וֶהֱפִֽיצְךָ֤ יְהוָה֙ בְּכָל־הָ֣עַמִּ֔ים מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ וְעָבַ֨דְתָּ שָּׁ֜ם אֱלֹהִ֣ים אֲחֵרִ֗ים אֲשֶׁ֧ר לֹא־יָדַ֛עְתָּ אַתָּ֥ה וַאֲבֹתֶ֖יךָ עֵ֥ץ וָאָֽבֶן׃

‎65 ‏וּבַגּוֹיִ֤ם הָהֵם֙ לֹ֣א תַרְגִּ֔יעַ וְלֹא־יִהְיֶ֥ה מָנ֖וֹחַ לְכַף־רַגְלֶ֑ךָ וְנָתַן֩ יְהוָ֨ה לְךָ֥ שָׁם֙ לֵ֣ב רַגָּ֔ז וְכִלְי֥וֹן עֵינַ֖יִם וְדַֽאֲב֥וֹן נָֽפֶשׁ׃

‎66 ‏וְהָי֣וּ חַיֶּ֔יךָ תְּלֻאִ֥ים לְךָ֖ מִנֶּ֑גֶד וּפָֽחַדְתָּ֙ לַ֣יְלָה וְיוֹמָ֔ם וְלֹ֥א תַאֲמִ֖ין בְּחַיֶּֽיךָ׃

‎67 ‏בַּבֹּ֤קֶר תֹּאמַר֙ מִֽי־יִתֵּ֣ן עֶ֔רֶב וּבָעֶ֥רֶב תֹּאמַ֖ר מִֽי־יִתֵּ֣ן בֹּ֑קֶר מִפַּ֤חַד לְבָֽבְךָ֙ אֲשֶׁ֣ר תִּפְחָ֔ד וּמִמַּרְאֵ֥ה עֵינֶ֖יךָ אֲשֶׁ֥ר תִּרְאֶֽה׃

‎68 ‏וֶֽהֱשִֽׁיבְךָ֨³ יְהוָ֥ה׀ מִצְרַיִם֮ בָּאֳנִיּוֹת֒ בַּדֶּ֙רֶךְ֙ אֲשֶׁ֣ר אָמַ֣רְתִּֽי לְךָ֔ לֹא־תֹסִ֥יף ע֖וֹד לִרְאֹתָ֑הּ וְהִתְמַכַּרְתֶּ֨ם שָׁ֧ם לְאֹיְבֶ֛יךָ לַעֲבָדִ֥ים וְלִשְׁפָח֖וֹת וְאֵ֥ין קֹנֶֽה׃ ס

‎69 ‏אֵלֶּה֩ דִבְרֵ֨י הַבְּרִ֜ית אֲ‍ֽשֶׁר־צִוָּ֧ה יְהוָ֣ה אֶת־מֹשֶׁ֗ה לִכְרֹ֛ת אֶת־בְּנֵ֥י יִשְׂרָאֵ֖ל בְּאֶ֣רֶץ מוֹאָ֑ב מִלְּבַ֣ד הַבְּרִ֔ית אֲשֶׁר־כָּרַ֥ת אִתָּ֖ם בְּחֹרֵֽב׃ פ

1 wəhāyâ ’im-šāmwō‘a tišəm^a‘ bəqwōl yəhwâ ’ĕlōheyḵā lišəmōr l^a‘ăśwōṯ ’eṯ-kāl-miṣəwōṯāyw ’ăšer ’ānōḵî məṣaûəḵā hayywōm ûnəṯānəḵā yəhwâ ’ĕlōheyḵā ‘eləywōn ‘al kāl-gwōyê hā’āreṣ:

2 ûḇā’û ‘āleyḵā kāl-habərāḵwōṯ hā’ēlleh wəhiśśîḡuḵā kî ṯišəm^a‘ bəqwōl yəhwâ ’ĕlōheyḵā:

3 bārûḵə ’atâ bā‘îr ûḇārûḵə ’atâ baśśāḏeh:

4 bārûḵə pərî-ḇiṭənəḵā ûfərî ’aḏəmāṯəḵā ûfərî ḇəheməteḵā šəḡar ’ălāfeyḵā wə‘ašətərwōṯ ṣō’neḵā:

5 bārûḵə ṭanə’ăḵā ûmišə’arəteḵā:

6 bārûḵə ’atâ bəḇō’eḵā ûḇārûḵə ’atâ bəṣē’ṯeḵā:

7 yitēn yəhwâ ’eṯ-’ōyəḇeyḵā haqqāmîm ‘āleyḵā nigāfîm ləfāneyḵā bəḏereḵə ’eḥāḏ yēṣə’û ’ēleyḵā ûḇəšiḇə‘â ḏərāḵîm yānûsû ləfāneyḵā:

8 yəṣaw yəhwâ ’itəḵā ’eṯ-habərāḵâ ba’ăsāmeyḵā ûḇəḵōl mišəl^aḥ yāḏeḵā ûḇēraḵəḵā bā’āreṣ ’ăšer-yəhwâ ’ĕlōheyḵā nōṯēn lāḵə:

9 yəqîməḵā yəhwâ lwō lə‘am qāḏwōš ka’ăšer nišəb^a‘-lāḵə kî ṯišəmōr ’eṯ-miṣəwōṯ yəhwâ ’ĕlōheyḵā wəhālaḵətā biḏərāḵāyw:

10 wərā’û kāl-‘ammê hā’āreṣ kî šēm yəhwâ niqərā’ ‘āleyḵā wəyārə’û mimmeḵḵā:

11 wəhwōṯirəḵā³ yəhwâ ləṭwōḇâ bifərî ḇiṭənəḵā ûḇifərî ḇəhamətəḵā ûḇifərî ’aḏəmāṯeḵā ‘al hā’ăḏāmâ ’ăšer nišəb^a‘ yəhwâ la’ăḇōṯeyḵā lāṯeṯ lāḵə:

12 yifət^aḥ yəhwâ| ləḵā ’eṯ-’wōṣārwō haṭṭwōḇ ’eṯ-haššāmayim lāṯēṯ məṭar-’arəṣəḵā bə‘itwō ûləḇārēḵə ’ēṯ kāl-m^a‘ăśēh yāḏeḵā wəhiləwîṯā gwōyim rabîm wə’atâ lō’ ṯiləweh:

13 ûnəṯānəḵā yəhwâ lərō’š wəlō’ ləzānāḇ wəhāyîṯā raq ləm^a‘əlâ wəlō’ ṯihəyeh ləmāṭṭâ kî-ṯišəm^a‘ ’el-miṣəwōṯ| yəhwâ ’ĕlōheyḵā ’ăšer ’ānōḵî məṣaûəḵā hayywōm lišəmōr wəl^a‘ăśwōṯ:

14 wəlō’ ṯāsûr mikāl-hadəḇārîm ’ăšer ’ānōḵî məṣaûeh ’eṯəḵem hayywōm yāmîn ûśəmō’wl lāleḵeṯ ’^aḥărê ’ĕlōhîm ’ăḥērîm lə‘āḇəḏām: s

15 wəhāyâ ’im-lō’ ṯišəm^a‘ bəqwōl yəhwâ ’ĕlōheyḵā lišəmōr l^a‘ăśwōṯ ’eṯ-kāl-miṣəwōṯāyw wəḥuqqōṯāyw ’ăšer ’ānōḵî məṣaûəḵā hayywōm ûḇā’û ‘āleyḵā kāl-haqqəlālwōṯ hā’ēlleh wəhiśśîḡûḵā:

16 ’ārûr ’atâ bā‘îr wə’ārûr ’atâ baśśāḏeh:

17 ’ārûr ṭanə’ăḵā ûmišə’arəteḵā:

18 ’ārûr pərî-ḇiṭənəḵā ûfərî ’aḏəmāṯeḵā šəḡar ’ălāfeyḵā wə‘ašətərwōṯ ṣō’neḵā:

19 ’ārûr ’atâ bəḇō’eḵā wə’ārûr ’atâ bəṣē’ṯeḵā:

20 yəšall^aḥ yəhwâ| bəḵā ’eṯ-hammə’ērâ ’eṯ-hamməhûmâ wə’eṯ-hammiḡə‘ereṯ bəḵāl-mišəl^aḥ yāḏəḵā ’ăšer t^a‘ăśeh ‘aḏ hiššāmeḏəḵā wə‘aḏ-’ăḇāḏəḵā mahēr mipənê rō‘a m^a‘ălāleyḵā ’ăšer ‘ăzaḇətānî:

21 yaḏəbēq yəhwâ bəḵā ’eṯ-hadāḇer ‘aḏ kallōṯwō³ ’ōṯəḵā mē‘al hā’ăḏāmâ ’ăšer-’atâ ḇā’-šāmmâ lərišətāh:

22 yakəḵâ yəhwâ bašš^aḥefeṯ ûḇaqqad^aḥaṯ ûḇadalleqeṯ ûḇ^aḥarəḥur ûḇ^aḥereḇ ûḇaššidāfwōn ûḇayyērāqwōn ûrəḏāfûḵā ‘aḏ ’āḇəḏeḵā:

23 wəhāyû šāmeyḵā ’ăšer ‘al-rō’šəḵā nəḥōšeṯ wəhā’āreṣ ’ăšer-t^aḥəteyḵā barəzel:

24 yitēn yəhwâ ’eṯ-məṭar ’arəṣəḵā ’āḇāq wə‘āfār min-haššāmayim yērēḏ ‘āleyḵā ‘aḏ hiššāməḏāḵə:

25 yitenəḵā³ yəhwâ| nigāf lifənê ’ōyəḇeyḵā bəḏereḵə ’eḥāḏ tēṣē’ ’ēlāyw ûḇəšiḇə‘â ḏərāḵîm tānûs ləfānāyw wəhāyîṯā ləz^a‘ăwâ ləḵōl mamələḵwōṯ hā’āreṣ:

26 wəhāyəṯâ niḇəlāṯəḵā ləma’ăḵāl ləḵāl-‘wōf haššāmayim ûləḇehĕmaṯ hā’āreṣ wə’ên m^aḥărîḏ:

27 yakəḵâ yəhwâ bišəḥîn miṣərayim ûḇā‘ŏfālîm ûḇaṭṭəḥōrîm ûḇagārāḇ ûḇeḥāres ’ăšer lō’-ṯûḵal ləhērāfē’:

28 yakəḵâ yəhwâ bəšigā‘wōn ûḇə‘iûārwōn ûḇəṯiməhwōn lēḇāḇ:

29 wəhāyîṯā məmaššēš baṣṣâŏrayim ka’ăšer yəmaššēš hā‘iûēr bā’ăfēlâ wəlō’ ṯaṣəlîḥa ’eṯ-dərāḵeyḵā wəhāyîṯā ’aḵə ‘āšûq wəḡāzûl kāl-hayyāmîm wə’ên mwōšî‘a:

30 ’iššâ ṯə’ārēś wə’îš ’^aḥēr yišəgālennâ yišəkāḇennâ bayiṯ tiḇəneh wəlō’-ṯēšēḇ bwō kerem tiṭṭ^a‘ wəlō’ ṯəḥalləlennû:

31 šwōrəḵā ṭāḇûḥa lə‘êneyḵā wəlō’ ṯō’ḵal mimmennû ḥămōrəḵā gāzûl milləfāneyḵā wəlō’ yāšûḇ lāḵə ṣō’nəḵā nəṯunwōṯ lə’ōyəḇeyḵā wə’ên ləḵā mwōšî‘a:

32 bāneyḵā ûḇənōṯeyḵā nəṯunîm lə‘am ’^aḥēr wə‘êneyḵā rō’wōṯ wəḵālwōṯ ’ălêhem kāl-hayywōm wə’ên lə’ēl yāḏeḵā:

33 pərî ’aḏəmāṯəḵā wəḵāl-yəḡî‘ăḵā yō’ḵal ‘am ’ăšer lō’-yāḏā‘ətā wəhāyîṯā raq ‘āšûq wərāṣûṣ kāl-hayyāmîm:

34 wəhāyîṯā məšugā‘ mimmarə’ēh ‘êneyḵā ’ăšer tirə’eh:

35 yakəḵâ yəhwâ bišəḥîn rā‘ ‘al-habirəkayim wə‘al-haššōqayim ’ăšer lō’-ṯûḵal ləhērāfē’ mikaf raḡələḵā wə‘aḏ qāḏəqŏḏeḵā:

36 ywōlēḵə yəhwâ ’ōṯəḵā wə’eṯ-maləkəḵā ’ăšer tāqîm ‘āleyḵā ’el-gwōy ’ăšer lō’-yāḏ^a‘ətā ’atâ wa’ăḇōṯeyḵā wə‘āḇaḏətā ššām ’ĕlōhîm ’ăḥērîm ‘ēṣ wā’āḇen:

37 wəhāyîṯā ləšammâ ləmāšāl wəlišənînâ bəḵōl hā‘ammîm ’ăšer-yənaheḡəḵā yəhwâ šāmmâ:

38 zer^a‘ raḇ twōṣî’ haśśāḏeh ûmə‘aṭ te’ĕsōf kî y^aḥəsəlennû hā’arəbeh:

39 kərāmîm tiṭṭ^a‘ wə‘āḇāḏətā wəyayin lō’-ṯišəteh wəlō’ ṯe’ĕḡōr kî ṯō’ḵəlennû hatōlā‘aṯ:

40 zêṯîm yihəyû ləḵā bəḵāl-gəḇûleḵā wəšemen lō’ ṯāsûḵə kî yiššal zêṯeḵā:

41 bānîm ûḇānwōṯ twōlîḏ wəlō’-yihəyû lāḵə kî yēləḵû baššeḇî:

42 kāl-‘ēṣəḵā ûfərî ’aḏəmāṯeḵā yəyārēš haṣṣəlāṣal:

43 hagēr ’ăšer bəqirəbəḵā y^a‘ăleh ‘āleyḵā m^a‘əlâ mmā‘əlâ wə’atâ ṯērēḏ maṭṭâ mmāṭṭâ:

44 hû’ yaləwəḵā wə’atâ lō’ ṯaləwennû hû’ yihəyeh lərō’š wə’atâ tihəyeh ləzānāḇ:

45 ûḇā’û ‘āleyḵā kāl-haqqəlālwōṯ hā’ēlleh ûrəḏāfûḵā wəhiśśîḡûḵā ‘aḏ hiššāməḏāḵə kî-lō’ šām^a‘ətā bəqwōl yəhwâ ’ĕlōheyḵā lišəmōr miṣəwōṯāyw wəḥuqqōṯāyw ’ăšer ṣiûāḵə:

46 wəhāyû ḇəḵā lə’wōṯ ûləmwōfēṯ ûḇəzarə‘ăḵā ‘aḏ-‘wōlām:

47 t^aḥaṯ ’ăšer lō’-‘āḇaḏətā ’eṯ-yəhwâ ’ĕlōheyḵā bəśiməḥâ ûḇəṭûḇ lēḇāḇ mērōḇ kōl:

48 wə‘āḇaḏətā ’eṯ-’ōyəḇeyḵā ’ăšer yəšalləḥennû yəhwâ bāḵə bərā‘āḇ ûḇəṣāmā’ ûḇə‘êrōm ûḇəḥōser kōl wənāṯan ‘ōl barəzel ‘al-ṣaûā’reḵā ‘aḏ hišəmîḏwō ’ōṯāḵə:

49 yiśśā’ yəhwâ ‘āleyḵā gwōy mērāḥwōq miqəṣēh hā’āreṣ ka’ăšer yiḏə’eh hannāšer gwōy ’ăšer lō’-ṯišəm^a‘ ləšōnwō:

50 gwōy ‘az pānîm ’ăšer lō’-yiśśā’ fānîm ləzāqēn wən^a‘ar lō’ yāḥōn:

51 wə’āḵal pərî ḇəhemətəḵā ûfərî-’aḏəmāṯəḵā ‘aḏ hiššāməḏāḵə ’ăšer lō’-yašə’îr ləḵā dāḡān tîrwōš wəyiṣəhār šəḡar ’ălāfeyḵā wə‘ašətərōṯ ṣō’neḵā ‘aḏ ha’ăḇîḏwō ’ōṯāḵə:

52 wəhēṣar ləḵā bəḵāl-šə‘āreyḵā ‘aḏ reḏeṯ ḥōmōṯeyḵā hagəḇōhwōṯ wəhabəṣurwōṯ ’ăšer ’atâ bōṭēḥa bâēn bəḵāl-’arəṣeḵā wəhēṣar ləḵā bəḵāl-šə‘āreyḵā bəḵāl-’arəṣəḵā ’ăšer nāṯan yəhwâ ’ĕlōheyḵā lāḵə:

53 wə’āḵalətā fərî-ḇiṭənəḵā bəśar bāneyḵā ûḇənōṯeyḵā ’ăšer nāṯan-ləḵā yəhwâ ’ĕlōheyḵā bəmāṣwōr ûḇəmāṣwōq ’ăšer-yāṣîq ləḵā ’ōyəḇeḵā:

54 hā’îš hāraḵə bəḵā wəhe‘ānōḡ mə’ōḏ tēr^a‘ ‘ênwō ḇə’āḥîw ûḇə’ēšeṯ ḥêqwō ûḇəyeṯer bānāyw ’ăšer ywōṯîr:

55 mitēṯ| lə’^aḥaḏ mēhem mibəśar bānāyw ’ăšer yō’ḵēl mibəlî hišə’îr-lwō kōl bəmāṣwōr ûḇəmāṣwōq ’ăšer yāṣîq ləḵā ’ōyiḇəḵā bəḵāl-šə‘āreyḵā:

56 hārakâ ḇəḵā wəhā‘ănugâ ’ăšer lō’-nissəṯâ ḵaf-raḡəlāh haṣṣēḡ ‘al-hā’āreṣ mēhiṯə‘annēḡ ûmērōḵə tēr^a‘ ‘ênāh bə’îš ḥêqāh ûḇiḇənāh ûḇəḇitāh:

57 ûḇəšiləyāṯāh hayywōṣēṯ| mibên raḡəleyhā ûḇəḇāneyhā ’ăšer tēlēḏ kî-ṯō’ḵəlēm bəḥōser-kōl bassāṯer bəmāṣwōr ûḇəmāṣwōq ’ăšer yāṣîq ləḵā ’ōyiḇəḵā bišə‘āreyḵā:

58 ’im-lō’ ṯišəmōr l^a‘ăśwōṯ ’eṯ-kāl-diḇərê hatwōrâ hazzō’ṯ hakəṯûḇîm bassēfer hazzeh ləyirə’â ’eṯ-haššēm hanniḵəbāḏ wəhannwōrā’ hazzeh ’ēṯ yəhwâ ’ĕlōheyḵā:

59 wəhifəlā’ yəhwâ ’eṯ-makōṯəḵā wə’ēṯ makwōṯ zarə‘eḵā makwōṯ gəḏōlwōṯ wəne’ĕmānwōṯ wāḥŏlāyim rā‘îm wəne’ĕmānîm:

60 wəhēšîḇ bəḵā ’ēṯ kāl-maḏəwēh miṣərayim ’ăšer yāḡōrətā mipənêhem wəḏāḇəqû bāḵə:

61 gam kāl-ḥŏlî wəḵāl-makâ ’ăšer lō’ ḵāṯûḇ bəsēfer hatwōrâ hazzō’ṯ y^a‘əlēm yəhwâ ‘āleyḵā ‘aḏ hiššāməḏāḵə:

62 wənišə’arətem biməṯê mə‘āṭ t^aḥaṯ ’ăšer hĕyîṯem kəḵwōḵəḇê haššāmayim lārōḇ kî-lō’ šām^a‘ətā bəqwōl yəhwâ ’ĕlōheyḵā:

63 wəhāyâ ka’ăšer-śāś yəhwâ ‘ălêḵem ləhêṭîḇ ’eṯəḵem ûləharəbwōṯ ’eṯəḵem kēn yāśîś yəhwâ ‘ălêḵem ləha’ăḇîḏ ’eṯəḵem ûləhašəmîḏ ’eṯəḵem wəniss^aḥətem mē‘al hā’ăḏāmâ ’ăšer-’atâ ḇā’-šāmmâ lərišətāh:

64 wehĕfîṣəḵā yəhwâ bəḵāl-hā‘ammîm miqəṣēh hā’āreṣ wə‘aḏ-qəṣēh hā’āreṣ wə‘āḇaḏətā ššām ’ĕlōhîm ’ăḥērîm ’ăšer lō’-yāḏ^a‘ətā ’atâ wa’ăḇōṯeyḵā ‘ēṣ wā’āḇen:

65 ûḇagwōyim hâēm lō’ ṯarəgî‘a wəlō’-yihəyeh mānwōḥa ləḵaf-raḡəleḵā wənāṯan yəhwâ ləḵā šām lēḇ ragāz wəḵiləywōn ‘ênayim wəḏa’ăḇwōn nāfeš:

66 wəhāyû ḥayyeyḵā təlu’îm ləḵā minneḡeḏ ûfāḥaḏətā layəlâ wəywōmām wəlō’ ṯa’ămîn bəḥayyeyḵā:

67 babōqer tō’mar mî-yitēn ‘ereḇ ûḇā‘ereḇ tō’mar mî-yitēn bōqer mip^aḥaḏ ləḇāḇəḵā ’ăšer tifəḥāḏ ûmimmarə’ēh ‘êneyḵā ’ăšer tirə’eh:

68 wehĕšîḇəḵā³ yəhwâ| miṣərayim bā’ŏnîywōṯ badereḵə ’ăšer ’āmarətî ləḵā lō’-ṯōsîf ‘wōḏ lirə’ōṯāh wəhiṯəmakarətem šām lə’ōyəḇeyḵā l^a‘ăḇāḏîm wəlišəfāḥwōṯ wə’ên qōneh: s

69 ’ēlleh ḏiḇərê habərîṯ ’ă‍šer-ṣiûâ yəhwâ ’eṯ-mōšeh liḵərōṯ ’eṯ-bənê yiśərā’ēl bə’ereṣ mwō’āḇ milləḇaḏ habərîṯ ’ăšer-kāraṯ ’itām bəḥōrēḇ: f