Ecclesiastes (Qohelet) Chapter 2

‎1 ‏אָמַ֤רְתִּֽי¹ אֲנִי֙ בְּלִבִּ֔י לְכָה־נָּ֛א אֲנַסְּכָ֛ה בְשִׂמְחָ֖ה וּרְאֵ֣ה בְט֑וֹב וְהִנֵּ֥ה גַם־ה֖וּא הָֽבֶל׃

‎2 ‏לִשְׂח֖וֹק אָמַ֣רְתִּי מְהוֹלָ֑ל וּלְשִׂמְחָ֖ה מַה־זֹּ֥ה עֹשָֽׂה׃

‎3 ‏תַּ֣רְתִּי בְלִבִּ֔י לִמְשׁ֥וֹךְ בַּיַּ֖יִן אֶת־בְּשָׂרִ֑י וְלִבִּ֞י נֹהֵ֤ג בַּֽחָכְמָה֙ וְלֶאֱחֹ֣ז בְּסִכְל֔וּת עַ֣ד אֲשֶׁר־אֶרְאֶ֗ה אֵי־זֶ֨ה ט֜וֹב לִבְנֵ֤י הָאָדָם֙ אֲשֶׁ֤ר יַעֲשׂוּ֙ תַּ֣חַת הַשָּׁמַ֔יִם מִסְפַּ֖ר יְמֵ֥י חַיֵּיהֶֽם׃

‎4 ‏הִגְדַּ֖לְתִּי מַעֲשָׂ֑י בָּנִ֤יתִי לִי֙ בָּתִּ֔ים נָטַ֥עְתִּי לִ֖י כְּרָמִֽים׃

‎5 ‏עָשִׂ֣יתִי לִ֔י גַּנּ֖וֹת וּפַרְדֵּסִ֑ים וְנָטַ֥עְתִּי בָהֶ֖ם עֵ֥ץ כָּל־פֶּֽרִי׃

‎6 ‏עָשִׂ֥יתִי לִ֖י בְּרֵכ֣וֹת מָ֑יִם לְהַשְׁק֣וֹת מֵהֶ֔ם יַ֖עַר צוֹמֵ֥חַ עֵצִֽים׃

‎7 ‏קָנִ֙יתִי֙ עֲבָדִ֣ים וּשְׁפָח֔וֹת וּבְנֵי־בַ֖יִת הָ֣יָה לִ֑י גַּ֣ם מִקְנֶה֩ בָקָ֨ר וָצֹ֤אן הַרְבֵּה֙ הָ֣יָה לִ֔י מִכֹּ֛ל שֶֽׁהָי֥וּ לְפָנַ֖י בִּירוּשָׁלִָֽם׃

‎8 ‏כָּנַ֤סְתִּי לִי֙ גַּם־כֶּ֣סֶף וְזָהָ֔ב וּסְגֻלַּ֥ת מְלָכִ֖ים וְהַמְּדִינ֑וֹת עָשִׂ֨יתִי לִ֜י שָׁרִ֣ים וְשָׁר֗וֹת וְתַעֲנוּגֹ֛ת בְּנֵ֥י הָאָדָ֖ם שִׁדָּ֥ה וְשִׁדּֽוֹת׃

‎9 ‏וְגָדַ֣לְתִּי וְהוֹסַ֔פְתִּי מִכֹּ֛ל שֶׁהָיָ֥ה לְפָנַ֖י בִּירוּשָׁלִָ֑ם אַ֥ף חָכְמָתִ֖י עָ֥מְדָה לִּֽי׃

‎10 ‏וְכֹל֙ אֲשֶׁ֣ר שָֽׁאֲל֣וּ עֵינַ֔י לֹ֥א אָצַ֖לְתִּי מֵהֶ֑ם לֹֽא־מָנַ֨עְתִּי אֶת־לִבִּ֜י מִכָּל־שִׂמְחָ֗ה כִּֽי־לִבִּ֤י שָׂמֵ֙חַ֙ מִכָּל־עֲמָלִ֔י וְזֶֽה־הָיָ֥ה חֶלְקִ֖י מִכָּל־עֲמָלִֽי׃

‎11 ‏וּפָנִ֣יתִֽי אֲנִ֗י בְּכָל־מַעֲשַׂי֙ שֶֽׁעָשׂ֣וּ יָדַ֔י וּבֶֽעָמָ֖ל שֶׁעָמַ֣לְתִּי לַעֲשׂ֑וֹת וְהִנֵּ֨ה הַכֹּ֥ל הֶ֙בֶל֙ וּרְע֣וּת ר֔וּחַ וְאֵ֥ין יִתְר֖וֹן תַּ֥חַת הַשָּֽׁמֶשׁ׃

‎12 ‏וּפָנִ֤יתִֽי אֲנִי֙ לִרְא֣וֹת חָכְמָ֔ה וְהוֹלֵל֖וֹת וְסִכְל֑וּת כִּ֣י׀ מֶ֣ה הָאָדָ֗ם שֶׁיָּבוֹא֙ אַחֲרֵ֣י הַמֶּ֔לֶךְ אֵ֥ת אֲשֶׁר־כְּבָ֖ר עָשֽׂוּהוּ׃

‎13 ‏וְרָאִ֣יתִי אָ֔נִי שֶׁיֵּ֥שׁ יִתְר֛וֹן לַֽחָכְמָ֖ה מִן־הַסִּכְל֑וּת כִּֽיתְר֥וֹן הָא֖וֹר מִן־הַחֹֽשֶׁךְ׃

‎14 ‏הֶֽחָכָם֙ עֵינָ֣יו בְּרֹאשׁ֔וֹ וְהַכְּסִ֖יל בַּחֹ֣שֶׁךְ הוֹלֵ֑ךְ וְיָדַ֣עְתִּי גַם־אָ֔נִי שֶׁמִּקְרֶ֥ה אֶחָ֖ד יִקְרֶ֥ה אֶת־כֻּלָּֽם׃

‎15 ‏וְאָמַ֨רְתִּֽי אֲנִ֜י בְּלִבִּ֗י כְּמִקְרֵ֤ה הַכְּסִיל֙ גַּם־אֲנִ֣י יִקְרֵ֔נִי וְלָ֧מָּה חָכַ֛מְתִּי אֲנִ֖י אָ֣ז יוֹתֵ֑ר וְדִבַּ֣רְתִּי בְלִבִּ֔י שֶׁגַּם־זֶ֖ה הָֽבֶל׃

‎16 ‏כִּי֩ אֵ֨ין זִכְר֧וֹן לֶחָכָ֛ם עִֽם־הַכְּסִ֖יל לְעוֹלָ֑ם בְּשֶׁכְּבָ֞ר הַיָּמִ֤ים הַבָּאִים֙ הַכֹּ֣ל נִשְׁכָּ֔ח וְאֵ֛יךְ יָמ֥וּת הֶחָכָ֖ם עִֽם־הַכְּסִֽיל׃

‎17 ‏וְשָׂנֵ֙אתִי֙ אֶת־הַ֣חַיִּ֔ים כִּ֣י רַ֤ע עָלַי֙ הַֽמַּעֲשֶׂ֔ה שֶׁנַּעֲשָׂ֖ה תַּ֣חַת הַשָּׁ֑מֶשׁ כִּֽי־הַכֹּ֥ל הֶ֖בֶל וּרְע֥וּת רֽוּחַ׃

‎18 ‏וְשָׂנֵ֤אתִֽי אֲנִי֙ אֶת־כָּל־עֲמָלִ֔י שֶׁאֲנִ֥י עָמֵ֖ל תַּ֣חַת הַשָּׁ֑מֶשׁ שֶׁ֣אַנִּיחֶ֔נּוּ לָאָדָ֖ם שֶׁיִּהְיֶ֥ה אַחֲרָֽי׃

‎19 ‏וּמִ֣י יוֹדֵ֗עַ הֶֽחָכָ֤ם יִהְיֶה֙ א֣וֹ סָכָ֔ל וְיִשְׁלַט֙ בְּכָל־עֲמָלִ֔י שֶֽׁעָמַ֥לְתִּי וְשֶׁחָכַ֖מְתִּי תַּ֣חַת הַשָּׁ֑מֶשׁ גַּם־זֶ֖ה הָֽבֶל׃

‎20 ‏וְסַבּ֥וֹתִֽי אֲנִ֖י לְיַאֵ֣שׁ אֶת־לִבִּ֑י עַ֚ל כָּל־הֶ֣עָמָ֔ל שֶׁעָמַ֖לְתִּי תַּ֥חַת הַשָּֽׁמֶשׁ׃

‎21 ‏כִּי־יֵ֣שׁ אָדָ֗ם שֶׁעֲמָל֛וֹ בְּחָכְמָ֥ה וּבְדַ֖עַת וּבְכִשְׁר֑וֹן וּלְאָדָ֞ם שֶׁלֹּ֤א עָֽמַל־בּוֹ֙ יִתְּנֶ֣נּוּ חֶלְק֔וֹ גַּם־זֶ֥ה הֶ֖בֶל וְרָעָ֥ה רַבָּֽה׃

‎22 ‏כִּ֠י מֶֽה־הוֶֹ֤ה לָֽאָדָם֙ בְּכָל־עֲמָל֔וֹ וּבְרַעְי֖וֹן לִבּ֑וֹ שֶׁה֥וּא עָמֵ֖ל תַּ֥חַת הַשָּֽׁמֶשׁ׃

‎23 ‏כִּ֧י כָל־יָמָ֣יו מַכְאֹבִ֗ים וָכַ֙עַס֙ עִנְיָנ֔וֹ גַּם־בַּלַּ֖יְלָה לֹא־שָׁכַ֣ב לִבּ֑וֹ גַּם־זֶ֖ה הֶ֥בֶל הֽוּא׃

‎24 ‏אֵֽין־ט֤וֹב בָּאָדָם֙ שֶׁיֹּאכַ֣ל וְשָׁתָ֔ה וְהֶרְאָ֧ה אֶת־נַפְשׁ֛וֹ ט֖וֹב בַּעֲמָל֑וֹ גַּם־זֹה֙ רָאִ֣יתִי אָ֔נִי כִּ֛י מִיַּ֥ד הָאֱלֹהִ֖ים הִֽיא׃

‎25 ‏כִּ֣י מִ֥י יֹאכַ֛ל וּמִ֥י יָח֖וּשׁ ח֥וּץ מִמֶּֽנִּי׃

‎26 ‏כִּ֤י לְאָדָם֙ שֶׁטּ֣וֹב לְפָנָ֔יו נָתַ֛ן חָכְמָ֥ה וְדַ֖עַת וְשִׂמְחָ֑ה וְלַחוֹטֶא֩ נָתַ֨ן עִנְיָ֜ן לֶאֱס֣וֹף וְלִכְנ֗וֹס לָתֵת֙ לְטוֹב֙ לִפְנֵ֣י הָֽאֱלֹהִ֔ים גַּם־זֶ֥ה הֶ֖בֶל וּרְע֥וּת רֽוּחַ׃

1 ’āmarətî¹ ’ănî bəlibî ləḵâ-nnā’ ’ănassəḵâ ḇəśiməḥâ ûrə’ēh ḇəṭwōḇ wəhinnēh ḡam-hû’ hāḇel:

2 liśəḥwōq ’āmarətî məhwōlāl ûləśiməḥâ mah-zzōh ‘ōśâ:

3 tarətî ḇəlibî liməšwōḵə bayyayin ’eṯ-bəśārî wəlibî nōhēḡ b^aḥāḵəmâ wəle’ĕḥōz bəsiḵəlûṯ ‘aḏ ’ăšer-’erə’eh ’ê-zeh ṭwōḇ liḇənê hā’āḏām ’ăšer y^a‘ăśû t^aḥaṯ haššāmayim misəpar yəmê ḥayyêhem:

4 hiḡədalətî m^a‘ăśāy bānîṯî lî bātîm nāṭ^a‘ətî lî kərāmîm:

5 ‘āśîṯî lî gannwōṯ ûfarədēsîm wənāṭ^a‘ətî ḇâem ‘ēṣ kāl-perî:

6 ‘āśîṯî lî bərēḵwōṯ māyim ləhašəqwōṯ mēhem y^a‘ar ṣwōmēḥa ‘ēṣîm:

7 qānîṯî ‘ăḇāḏîm ûšəfāḥwōṯ ûḇənê-ḇayiṯ hāyâ lî gam miqəneh ḇāqār wāṣō’n harəbēh hāyâ lî mikōl šehāyû ləfānay bîrûšālāim:

8 kānasətî lî gam-kesef wəzâāḇ ûsəḡullaṯ məlāḵîm wəhamməḏînwōṯ ‘āśîṯî lî šārîm wəšārwōṯ wəṯ^a‘ănûḡōṯ bənê hā’āḏām šidâ wəšidwōṯ:

9 wəḡāḏalətî wəhwōsafətî mikōl šehāyâ ləfānay bîrûšālāim ’af ḥāḵəmāṯî ‘āməḏâ llî:

10 wəḵōl ’ăšer šā’ălû ‘ênay lō’ ’āṣalətî mēhem lō’-mān^a‘ətî ’eṯ-libî mikāl-śiməḥâ kî-libî śāmēḥa mikāl-‘ămālî wəzeh-hāyâ ḥeləqî mikāl-‘ămālî:

11 ûfānîṯî ’ănî bəḵāl-m^a‘ăśay še‘āśû yāḏay ûḇe‘āmāl še‘āmalətî l^a‘ăśwōṯ wəhinnēh hakōl heḇel ûrə‘ûṯ rûḥa wə’ên yiṯərwōn t^aḥaṯ haššāmeš:

12 ûfānîṯî ’ănî lirə’wōṯ ḥāḵəmâ wəhwōlēlwōṯ wəsiḵəlûṯ kî| meh hā’āḏām šeyyāḇwō’ ’^aḥărê hammeleḵə ’ēṯ ’ăšer-kəḇār ‘āśûhû:

13 wərā’îṯî ’ānî šeyyēš yiṯərwōn l^aḥāḵəmâ min-hassiḵəlûṯ kîṯərwōn hā’wōr min-h^aḥōšeḵə:

14 heḥāḵām ‘ênāyw bərō’šwō wəhakəsîl b^aḥōšeḵə hwōlēḵə wəyāḏ^a‘ətî ḡam-’ānî šemmiqəreh ’eḥāḏ yiqəreh ’eṯ-kullām:

15 wə’āmarətî ’ănî bəlibî kəmiqərēh hakəsîl gam-’ănî yiqərēnî wəlāmmâ ḥāḵamətî ’ănî ’āz ywōṯēr wəḏibarətî ḇəlibî šegam-zeh hāḇel:

16 kî ’ên ziḵərwōn leḥāḵām ‘im-hakəsîl lə‘wōlām bəšekəḇār hayyāmîm habā’îm hakōl nišəkāḥ wə’êḵə yāmûṯ heḥāḵām ‘im-hakəsîl:

17 wəśānē’ṯî ’eṯ-h^aḥayyîm kî r^a‘ ‘ālay hamm^a‘ăśeh šenn^a‘ăśâ t^aḥaṯ haššāmeš kî-hakōl heḇel ûrə‘ûṯ rûḥa:

18 wəśānē’ṯî ’ănî ’eṯ-kāl-‘ămālî še’ănî ‘āmēl t^aḥaṯ haššāmeš še’annîḥennû lā’āḏām šeyyihəyeh ’^aḥărāy:

19 ûmî ywōḏē‘a heḥāḵām yihəyeh ’wō sāḵāl wəyišəlaṭ bəḵāl-‘ămālî še‘āmalətî wəšeḥāḵamətî t^aḥaṯ haššāmeš gam-zeh hāḇel:

20 wəsabwōṯî ’ănî ləya’ēš ’eṯ-libî ‘al kāl-he‘āmāl še‘āmalətî t^aḥaṯ haššāmeš:

21 kî-yēš ’āḏām še‘ămālwō bəḥāḵəmâ ûḇəḏ^a‘aṯ ûḇəḵišərwōn ûlə’āḏām šellō’ ‘āmal-bwō yitənennû ḥeləqwō gam-zeh heḇel wərā‘â rabâ:

22 kî meh-hwōeh lā’āḏām bəḵāl-‘ămālwō ûḇər^a‘əywōn libwō šehû’ ‘āmēl t^aḥaṯ haššāmeš:

23 kî ḵāl-yāmāyw maḵə’ōḇîm wāḵ^a‘as ‘inəyānwō gam-ballayəlâ lō’-šāḵaḇ libwō gam-zeh heḇel hû’:

24 ’ên-ṭwōḇ bā’āḏām šeyyō’ḵal wəšāṯâ wəherə’â ’eṯ-nafəšwō ṭwōḇ b^a‘ămālwō gam-zōh rā’îṯî ’ānî kî mîyaḏ hā’ĕlōhîm hî’:

25 kî mî yō’ḵal ûmî yāḥûš ḥûṣ mimmennî:

26 kî lə’āḏām šeṭṭwōḇ ləfānāyw nāṯan ḥāḵəmâ wəḏ^a‘aṯ wəśiməḥâ wəl^aḥwōṭe’ nāṯan ‘inəyān le’ĕswōf wəliḵənwōs lāṯēṯ ləṭwōḇ lifənê hā’ĕlōhîm gam-zeh heḇel ûrə‘ûṯ rûḥa: