Ecclesiastes (Qohelet) Chapter 1

‎1 ‏דִּבְרֵי֙ קֹהֶ֣לֶת בֶּן־דָּוִ֔ד מֶ֖לֶךְ בִּירוּשָׁלִָֽם׃

‎2 ‏הֲבֵ֤ל הֲבָלִים֙ אָמַ֣ר קֹהֶ֔לֶת הֲבֵ֥ל הֲבָלִ֖ים הַכֹּ֥ל הָֽבֶל׃

‎3 ‏מַה־יִּתְר֖וֹן לָֽאָדָ֑ם בְּכָל־עֲמָל֔וֹ שֶֽׁיַּעֲמֹ֖ל תַּ֥חַת הַשָּֽׁמֶשׁ׃

‎4 ‏דּ֤וֹר הֹלֵךְ֙ וְד֣וֹר בָּ֔א וְהָאָ֖רֶץ לְעוֹלָ֥ם עֹמָֽדֶת׃

‎5 ‏וְזָרַ֥ח הַשֶּׁ֖מֶשׁ וּבָ֣א הַשָּׁ֑מֶשׁ וְאֶ֨ל־מְקוֹמ֔וֹ שׁוֹאֵ֛ף זוֹרֵ֥חַֽ ה֖וּא שָֽׁם׃

‎6 ‏הוֹלֵךְ֙ אֶל־דָּר֔וֹם וְסוֹבֵ֖ב אֶל־צָפ֑וֹן סוֹבֵ֤ב׀ סֹבֵב֙ הוֹלֵ֣ךְ הָר֔וּחַ וְעַל־סְבִיבֹתָ֖יו שָׁ֥ב הָרֽוּחַ׃

‎7 ‏כָּל־הַנְּחָלִים֙ הֹלְכִ֣ים אֶל־הַיָּ֔ם וְהַיָּ֖ם אֵינֶ֣נּוּ מָלֵ֑א אֶל־מְק֗וֹם שֶׁ֤הַנְּחָלִים֙ הֹֽלְכִ֔ים שָׁ֛ם הֵ֥ם שָׁבִ֖ים לָלָֽכֶת׃

‎8 ‏כָּל־הַדְּבָרִ֣ים יְגֵעִ֔ים לֹא־יוּכַ֥ל אִ֖ישׁ לְדַבֵּ֑ר לֹא־תִשְׂבַּ֥ע עַ֙יִן֙ לִרְא֔וֹת וְלֹא־תִמָּלֵ֥א אֹ֖זֶן מִשְּׁמֹֽעַ׃

‎9 ‏מַה־שֶּֽׁהָיָה֙ ה֣וּא שֶׁיִּהְיֶ֔ה וּמַה־שֶּׁנַּֽעֲשָׂ֔ה³ ה֖וּא שֶׁיֵּעָשֶׂ֑ה וְאֵ֥ין כָּל־חָדָ֖שׁ תַּ֥חַת הַשָּֽׁמֶשׁ׃

‎10 ‏יֵ֥שׁ דָּבָ֛ר שֶׁיֹּאמַ֥ר רְאֵה־זֶ֖ה חָדָ֣שׁ ה֑וּא כְּבָר֙ הָיָ֣ה לְעֹֽלָמִ֔ים אֲשֶׁ֥ר הָיָ֖ה מִלְּפָנֵֽנוּ׃

‎11 ‏אֵ֥ין זִכְר֖וֹן לָרִאשֹׁנִ֑ים וְגַ֨ם לָאַחֲרֹנִ֜ים שֶׁיִּהְי֗וּ לֹֽא־יִהְיֶ֤ה לָהֶם֙ זִכָּר֔וֹן עִ֥ם שֶׁיִּהְי֖וּ לָאַחֲרֹנָֽה׃ פ

‎12 ‏אֲנִ֣י קֹהֶ֗לֶת הָיִ֥יתִי מֶ֛לֶךְ עַל־יִשְׂרָאֵ֖ל בִּירוּשָׁלִָֽם׃

‎13 ‏וְנָתַ֣תִּי אֶת־לִבִּ֗י לִדְר֤וֹשׁ וְלָתוּר֙ בַּֽחָכְמָ֔ה עַ֛ל כָּל־אֲשֶׁ֥ר נַעֲשָׂ֖ה תַּ֣חַת הַשָּׁמָ֑יִם ה֣וּא׀ עִנְיַ֣ן רָ֗ע נָתַ֧ן אֱלֹהִ֛ים לִבְנֵ֥י הָאָדָ֖ם לַעֲנ֥וֹת בּֽוֹ׃

‎14 ‏רָאִ֙יתִי֙ אֶת־כָּל־הַֽמַּעֲשִׂ֔ים שֶֽׁנַּעֲשׂ֖וּ תַּ֣חַת הַשָּׁ֑מֶשׁ וְהִנֵּ֥ה הַכֹּ֛ל הֶ֖בֶל וּרְע֥וּת רֽוּחַ׃

‎15 ‏מְעֻוָּ֖ת לֹא־יוּכַ֣ל לִתְקֹ֑ן וְחֶסְר֖וֹן לֹא־יוּכַ֥ל לְהִמָּנֽוֹת׃

‎16 ‏דִּבַּ֨רְתִּי אֲנִ֤י עִם־לִבִּי֙ לֵאמֹ֔ר אֲנִ֗י הִנֵּ֨ה הִגְדַּ֤לְתִּי וְהוֹסַ֙פְתִּי֙ חָכְמָ֔ה עַ֛ל כָּל־אֲשֶׁר־הָיָ֥ה לְפָנַ֖י עַל־יְרוּשָׁלִָ֑ם וְלִבִּ֛י רָאָ֥ה הַרְבֵּ֖ה חָכְמָ֥ה וָדָֽעַת׃

‎17 ‏וָאֶתְּנָ֤ה לִבִּי֙ לָדַ֣עַת חָכְמָ֔ה וְדַ֥עַת הוֹלֵל֖וֹת וְשִׂכְל֑וּת יָדַ֕עְתִּי שֶׁגַּם־זֶ֥ה ה֖וּא רַעְי֥וֹן רֽוּחַ׃

‎18 ‏כִּ֛י בְּרֹ֥ב חָכְמָ֖ה רָב־כָּ֑עַס וְיוֹסִ֥יף דַּ֖עַת יוֹסִ֥יף מַכְאֽוֹב׃

1 diḇərê qōheleṯ ben-dāwiḏ meleḵə bîrûšālāim:

2 hăḇēl hăḇālîm ’āmar qōheleṯ hăḇēl hăḇālîm hakōl hāḇel:

3 mah-yyiṯərwōn lā’āḏām bəḵāl-‘ămālwō šeyy^a‘ămōl t^aḥaṯ haššāmeš:

4 dwōr hōlēḵə wəḏwōr bā’ wəhā’āreṣ lə‘wōlām ‘ōmāḏeṯ:

5 wəzār^aḥ haššemeš ûḇā’ haššāmeš wə’el-məqwōmwō šwō’ēf zwōrēḥa hû’ šām:

6 hwōlēḵə ’el-dārwōm wəswōḇēḇ ’el-ṣāfwōn swōḇēḇ| sōḇēḇ hwōlēḵə hārûḥa wə‘al-səḇîḇōṯāyw šāḇ hārûḥa:

7 kāl-hannəḥālîm hōləḵîm ’el-hayyām wəhayyām ’ênennû mālē’ ’el-məqwōm šehannəḥālîm hōləḵîm šām hēm šāḇîm lālāḵeṯ:

8 kāl-hadəḇārîm yəḡē‘îm lō’-yûḵal ’îš ləḏabēr lō’-ṯiśəb^a‘ ‘ayin lirə’wōṯ wəlō’-ṯimmālē’ ’ōzen miššəmō‘a:

9 mah-ššehāyâ hû’ šeyyihəyeh ûmah-ššenn^a‘ăśâ³ hû’ šeyyē‘āśeh wə’ên kāl-ḥāḏāš t^aḥaṯ haššāmeš:

10 yēš dāḇār šeyyō’mar rə’ēh-zeh ḥāḏāš hû’ kəḇār hāyâ lə‘ōlāmîm ’ăšer hāyâ milləfānēnû:

11 ’ên ziḵərwōn lāri’šōnîm wəḡam lā’^aḥărōnîm šeyyihəyû lō’-yihəyeh lâem zikārwōn ‘im šeyyihəyû lā’^aḥărōnâ: f

12 ’ănî qōheleṯ hāyîṯî meleḵə ‘al-yiśərā’ēl bîrûšālāim:

13 wənāṯatî ’eṯ-libî liḏərwōš wəlāṯûr b^aḥāḵəmâ ‘al kāl-’ăšer n^a‘ăśâ t^aḥaṯ haššāmāyim hû’| ‘inəyan rā‘ nāṯan ’ĕlōhîm liḇənê hā’āḏām l^a‘ănwōṯ bwō:

14 rā’îṯî ’eṯ-kāl-hamm^a‘ăśîm šenn^a‘ăśû t^aḥaṯ haššāmeš wəhinnēh hakōl heḇel ûrə‘ûṯ rûḥa:

15 mə‘uûāṯ lō’-yûḵal liṯəqōn wəḥesərwōn lō’-yûḵal ləhimmānwōṯ:

16 dibarətî ’ănî ‘im-libî lē’mōr ’ănî hinnēh hiḡədalətî wəhwōsafətî ḥāḵəmâ ‘al kāl-’ăšer-hāyâ ləfānay ‘al-yərûšālāim wəlibî rā’â harəbēh ḥāḵəmâ wāḏā‘aṯ:

17 wā’etənâ libî lāḏ^a‘aṯ ḥāḵəmâ wəḏ^a‘aṯ hwōlēlwōṯ wəśiḵəlûṯ yāḏ^a‘ətî šegam-zeh hû’ r^a‘əywōn rûḥa:

18 kî bərōḇ ḥāḵəmâ rāḇ-kā‘as wəywōsîf d^a‘aṯ ywōsîf maḵə’wōḇ: