Ezekiel (Yechezqel) Chapter 12

‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏בֶּן־אָדָ֕ם בְּת֥וֹךְ בֵּית־הַמֶּ֖רִי אַתָּ֣ה יֹשֵׁ֑ב אֲשֶׁ֣ר עֵינַיִם֩ לָהֶ֨ם לִרְא֜וֹת וְלֹ֣א רָא֗וּ אָזְנַ֨יִם לָהֶ֤ם לִשְׁמֹ֙עַ֙ וְלֹ֣א שָׁמֵ֔עוּ כִּ֛י בֵּ֥ית מְרִ֖י הֵֽם׃

‎3 ‏וְאַתָּ֣ה בֶן־אָדָ֗ם עֲשֵׂ֤ה לְךָ֙ כְּלֵ֣י גוֹלָ֔ה וּגְלֵ֥ה יוֹמָ֖ם לְעֵֽינֵיהֶ֑ם וְגָלִ֨יתָ מִמְּקוֹמְךָ֜ אֶל־מָק֤וֹם אַחֵר֙ לְעֵ֣ינֵיהֶ֔ם אוּלַ֣י יִרְא֔וּ כִּ֛י בֵּ֥ית מְרִ֖י הֵֽמָּה׃

‎4 ‏וְהוֹצֵאתָ֨ כֵלֶ֜יךָ כִּכְלֵ֥י גוֹלָ֛ה יוֹמָ֖ם לְעֵֽינֵיהֶ֑ם וְאַתָּ֗ה תֵּצֵ֤א בָעֶ֙רֶב֙ לְעֵ֣ינֵיהֶ֔ם כְּמוֹצָאֵ֖י גּוֹלָֽה׃

‎5 ‏לְעֵינֵיהֶ֖ם חֲתָר־לְךָ֣ בַקִּ֑יר וְהוֹצֵאתָ֖ בּֽוֹ׃

‎6 ‏לְעֵ֨ינֵיהֶ֜ם עַל־כָּתֵ֤ף תִּשָּׂא֙ בָּעֲלָטָ֣ה תוֹצִ֔יא פָּנֶ֣יךָ תְכַסֶּ֔ה וְלֹ֥א תִרְאֶ֖ה אֶת־הָאָ֑רֶץ כִּֽי־מוֹפֵ֥ת נְתַתִּ֖יךָ לְבֵ֥ית יִשְׂרָאֵֽל׃

‎7 ‏וָאַ֣עַשׂ כֵּן֮ כַּאֲשֶׁ֣ר צֻוֵּיתִי֒ כֵּ֠לַי הוֹצֵ֜אתִי כִּכְלֵ֤י גוֹלָה֙ יוֹמָ֔ם וּבָעֶ֛רֶב חָתַֽרְתִּי־לִ֥י בַקִּ֖יר בְּיָ֑ד בָּעֲלָטָ֥ה הוֹצֵ֛אתִי עַל־כָּתֵ֥ף נָשָׂ֖אתִי לְעֵינֵיהֶֽם׃ פ

‎8 ‏וַיְהִ֧י דְבַר־יְהוָ֛ה אֵלַ֖י בַּבֹּ֥קֶר לֵאמֹֽר׃

‎9 ‏בֶּן־אָדָ֕ם הֲלֹ֨א אָמְר֥וּ אֵלֶ֛יךָ בֵּ֥ית יִשְׂרָאֵ֖ל בֵּ֣ית הַמֶּ֑רִי מָ֖ה אַתָּ֥ה עֹשֶֽׂה׃

‎10 ‏אֱמֹ֣ר אֲלֵיהֶ֔ם כֹּ֥ה אָמַ֖ר אֲדֹנָ֣י יְהוִֹ֑ה הַנָּשִׂ֞יא הַמַּשָּׂ֤א הַזֶּה֙ בִּיר֣וּשָׁלַ֔ם¹ וְכָל־בֵּ֥ית יִשְׂרָאֵ֖ל אֲשֶׁר־הֵ֥מָּה בְתוֹכָֽם׃

‎11 ‏אֱמֹ֖ר אֲנִ֣י מֽוֹפֶתְכֶ֑ם כַּאֲשֶׁ֣ר עָשִׂ֗יתִי כֵּ֚ן יֵעָשֶׂ֣ה לָהֶ֔ם בַּגּוֹלָ֥ה בַשְּׁבִ֖י יֵלֵֽכוּ׃

‎12 ‏וְהַנָּשִׂ֨יא אֲשֶׁר־בְּתוֹכָ֜ם אֶל־כָּתֵ֤ף יִשָּׂא֙ בָּעֲלָטָ֣ה וְיֵצֵ֔א בַּקִּ֥יר יַחְתְּר֖וּ לְה֣וֹצִיא ב֑וֹ פָּנָ֣יו יְכַסֶּ֔ה יַ֗עַן אֲשֶׁ֨ר לֹא־יִרְאֶ֥ה לַעַ֣יִן ה֖וּא אֶת־הָאָֽרֶץ׃

‎13 ‏וּפָרַשְׂתִּ֤י אֶת־רִשְׁתִּי֙ עָלָ֔יו וְנִתְפַּ֖שׂ בִּמְצֽוּדָתִ֑י וְהֵבֵאתִ֨י אֹת֤וֹ בָבֶ֙לָה֙ אֶ֣רֶץ כַּשְׂדִּ֔ים וְאוֹתָ֥הּ לֹֽא־יִרְאֶ֖ה וְשָׁ֥ם יָמֽוּת׃

‎14 ‏וְכֹל֩ אֲשֶׁ֨ר סְבִיבֹתָ֥יו עזרה עֶזְר֛וֹ וְכָל־אֲגַפָּ֖יו אֱזָרֶ֣ה לְכָל־ר֑וּחַ וְחֶ֖רֶב אָרִ֥יק אַחֲרֵיהֶֽם׃

‎15 ‏וְיָדְע֖וּ כִּֽי־אֲנִ֣י יְהוָ֑ה בַּהֲפִיצִ֤י אוֹתָם֙ בַּגּוֹיִ֔ם וְזֵרִיתִ֥י אוֹתָ֖ם בָּאֲרָצֽוֹת׃

‎16 ‏וְהוֹתַרְתִּ֤י מֵהֶם֙ אַנְשֵׁ֣י מִסְפָּ֔ר מֵחֶ֖רֶב מֵרָעָ֣ב וּמִדָּ֑בֶר לְמַ֨עַן יְסַפְּר֜וּ אֶת־כָּל־תּוֹעֲבֽוֹתֵיהֶ֗ם בַּגּוֹיִם֙ אֲשֶׁר־בָּ֣אוּ שָׁ֔ם וְיָדְע֖וּ כִּֽי־אֲנִ֥י יְהוָֽה׃ פ

‎17 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎18 ‏בֶּן־אָדָ֕ם לַחְמְךָ֖ בְּרַ֣עַשׁ תֹּאכֵ֑ל וּמֵימֶ֕יךָ בְּרָגְזָ֥ה וּבִדְאָגָ֖ה תִּשְׁתֶּֽה׃

‎19 ‏וְאָמַרְתָּ֣ אֶל־עַ֣ם הָאָ֡רֶץ כֹּֽה־אָמַר֩ אֲדֹנָ֨י יְהוִ֜ה לְיוֹשְׁבֵ֤י יְרוּשָׁלִַ֙ם֙ אֶל־אַדְמַ֣ת יִשְׂרָאֵ֔ל לַחְמָם֙ בִּדְאָגָ֣ה יֹאכֵ֔לוּ וּמֵֽימֵיהֶ֖ם בְּשִׁמָּמ֣וֹן יִשְׁתּ֑וּ לְמַ֜עַן תֵּשַׁ֤ם אַרְצָהּ֙ מִמְּלֹאָ֔הּ מֵחֲמַ֖ס כָּֽל־הַיֹּשְׁבִ֥ים בָּֽהּ׃

‎20 ‏וְהֶעָרִ֤ים הַנּֽוֹשָׁבוֹת֙ תֶּחֱרַ֔בְנָה וְהָאָ֖רֶץ שְׁמָמָ֣ה תִֽהְיֶ֑ה וִֽידַעְתֶּ֖ם כִּֽי־אֲנִ֥י יְהוָֽה׃ פ

‎21 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎22 ‏בֶּן־אָדָ֗ם מָֽה־הַמָּשָׁ֤ל הַזֶּה֙ לָכֶ֔ם עַל־אַדְמַ֥ת יִשְׂרָאֵ֖ל לֵאמֹ֑ר יַֽאַרְכוּ֙ הַיָּמִ֔ים וְאָבַ֖ד כָּל־חָזֽוֹן׃

‎23 ‏לָכֵ֞ן אֱמֹ֣ר אֲלֵיהֶ֗ם כֹּֽה־אָמַר֮ אֲדֹנָ֣י יְהוִה֒ הִשְׁבַּ֙תִּי֙ אֶת־הַמָּשָׁ֣ל הַזֶּ֔ה וְלֹֽא־יִמְשְׁל֥וּ אֹת֛וֹ³ ע֖וֹד בְּיִשְׂרָאֵ֑ל כִּ֚י אִם־דַּבֵּ֣ר אֲלֵיהֶ֔ם קָֽרְבוּ֙ הַיָּמִ֔ים וּדְבַ֖ר כָּל־חָזֽוֹן׃

‎24 ‏כִּ֠י לֹ֣א יִֽהְיֶ֥ה ע֛וֹד כָּל־חֲז֥וֹן שָׁ֖וְא וּמִקְסַ֣ם חָלָ֑ק בְּת֖וֹךְ בֵּ֥ית יִשְׂרָאֵֽל׃

‎25 ‏כִּ֣י׀ אֲנִ֣י יְהוָ֗ה אֲדַבֵּר֙ אֵת֩ אֲשֶׁ֨ר אֲדַבֵּ֤ר דָּבָר֙ וְיֵ֣עָשֶׂ֔ה לֹ֥א תִמָּשֵׁ֖ךְ ע֑וֹד כִּ֣י בִֽימֵיכֶ֞ם בֵּ֣ית הַמֶּ֗רִי אֲדַבֵּ֤ר דָּבָר֙ וַעֲשִׂיתִ֔יו נְאֻ֖ם אֲדֹנָ֥י יְהוִֽה׃ פ

‎26 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎27 ‏בֶּן־אָדָ֗ם הִנֵּ֤ה בֵֽית־יִשְׂרָאֵל֙ אֹֽמְרִ֔ים הֶחָז֛וֹן אֲשֶׁר־ה֥וּא חֹזֶ֖ה לְיָמִ֣ים רַבִּ֑ים וּלְעִתִּ֥ים רְחוֹק֖וֹת ה֥וּא נִבָּֽא׃

‎28 ‏לָכֵ֞ן אֱמֹ֣ר אֲלֵיהֶ֗ם כֹּ֤ה אָמַר֙ אֲדֹנָ֣י יְהוִ֔ה לֹא־תִמָּשֵׁ֥ךְ ע֖וֹד כָּל־דְּבָרָ֑י אֲשֶׁ֨ר אֲדַבֵּ֤ר דָּבָר֙ וְיֵ֣עָשֶׂ֔ה נְאֻ֖ם אֲדֹנָ֥י יְהוִֽה׃ ס

1 wayəhî ḏəḇar-yəhwâ ’ēlay lē’mōr:

2 ben-’āḏām bəṯwōḵə bêṯ-hammerî ’atâ yōšēḇ ’ăšer ‘ênayim lâem lirə’wōṯ wəlō’ rā’û ’āzənayim lâem lišəmō‘a wəlō’ šāmē‘û kî bêṯ mərî hēm:

3 wə’atâ ḇen-’āḏām ‘ăśēh ləḵā kəlê ḡwōlâ ûḡəlēh ywōmām lə‘ênêhem wəḡālîṯā mimməqwōməḵā ’el-māqwōm ’^aḥēr lə‘ênêhem ’ûlay yirə’û kî bêṯ mərî hēmmâ:

4 wəhwōṣē’ṯā ḵēleyḵā kiḵəlê ḡwōlâ ywōmām lə‘ênêhem wə’atâ tēṣē’ ḇā‘ereḇ lə‘ênêhem kəmwōṣā’ê gwōlâ:

5 lə‘ênêhem ḥăṯār-ləḵā ḇaqqîr wəhwōṣē’ṯā bwō:

6 lə‘ênêhem ‘al-kāṯēf tiśśā’ bā‘ălāṭâ ṯwōṣî’ pāneyḵā ṯəḵasseh wəlō’ ṯirə’eh ’eṯ-hā’āreṣ kî-mwōfēṯ nəṯatîḵā ləḇêṯ yiśərā’ēl:

7 wā’^a‘aś kēn ka’ăšer ṣuûêṯî kēlay hwōṣē’ṯî kiḵəlê ḡwōlâ ywōmām ûḇā‘ereḇ ḥāṯarətî-lî ḇaqqîr bəyāḏ bā‘ălāṭâ hwōṣē’ṯî ‘al-kāṯēf nāśā’ṯî lə‘ênêhem: f

8 wayəhî ḏəḇar-yəhwâ ’ēlay babōqer lē’mōr:

9 ben-’āḏām hălō’ ’āmərû ’ēleyḵā bêṯ yiśərā’ēl bêṯ hammerî mâ ’atâ ‘ōśeh:

10 ’ĕmōr ’ălêhem kōh ’āmar ’ăḏōnāy yəhwōih hannāśî’ hammaśśā’ hazzeh bîrûšālam¹ wəḵāl-bêṯ yiśərā’ēl ’ăšer-hēmmâ ḇəṯwōḵām:

11 ’ĕmōr ’ănî mwōfeṯəḵem ka’ăšer ‘āśîṯî kēn yē‘āśeh lâem bagwōlâ ḇaššəḇî yēlēḵû:

12 wəhannāśî’ ’ăšer-bəṯwōḵām ’el-kāṯēf yiśśā’ bā‘ălāṭâ wəyēṣē’ baqqîr y^aḥətərû ləhwōṣî’ ḇwō pānāyw yəḵasseh y^a‘an ’ăšer lō’-yirə’eh l^a‘ayin hû’ ’eṯ-hā’āreṣ:

13 ûfāraśətî ’eṯ-rišətî ‘ālāyw wəniṯəpaś biməṣûḏāṯî wəhēḇē’ṯî ’ōṯwō ḇāḇelâ ’ereṣ kaśədîm wə’wōṯāh lō’-yirə’eh wəšām yāmûṯ:

14 wəḵōl ’ăšer səḇîḇōṯāyw ‘ezərōh ‘ezərwō wəḵāl-’ăḡapāyw ’ĕzāreh ləḵāl-rûḥa wəḥereḇ ’ārîq ’^aḥărêhem:

15 wəyāḏə‘û kî-’ănî yəhwâ bahăfîṣî ’wōṯām bagwōyim wəzērîṯî ’wōṯām bā’ărāṣwōṯ:

16 wəhwōṯarətî mēhem ’anəšê misəpār mēḥereḇ mērā‘āḇ ûmidāḇer ləm^a‘an yəsapərû ’eṯ-kāl-twō‘ăḇwōṯêhem bagwōyim ’ăšer-bā’û šām wəyāḏə‘û kî-’ănî yəhwâ: f

17 wayəhî ḏəḇar-yəhwâ ’ēlay lē’mōr:

18 ben-’āḏām l^aḥəməḵā bər^a‘aš tō’ḵēl ûmêmeyḵā bərāḡəzâ ûḇiḏə’āḡâ tišəteh:

19 wə’āmarətā ’el-‘am hā’āreṣ kōh-’āmar ’ăḏōnāy yəhwih ləywōšəḇê yərûšālaim ’el-’aḏəmaṯ yiśərā’ēl l^aḥəmām biḏə’āḡâ yō’ḵēlû ûmêmêhem bəšimmāmwōn yišətû ləm^a‘an tēšam ’arəṣāh mimməlō’āh mēḥămas kāl-hayyōšəḇîm bāh:

20 wəhe‘ārîm hannwōšāḇwōṯ teḥĕraḇənâ wəhā’āreṣ šəmāmâ ṯihəyeh wîḏ^a‘ətem kî-’ănî yəhwâ: f

21 wayəhî ḏəḇar-yəhwâ ’ēlay lē’mōr:

22 ben-’āḏām mâ-hammāšāl hazzeh lāḵem ‘al-’aḏəmaṯ yiśərā’ēl lē’mōr ya’arəḵû hayyāmîm wə’āḇaḏ kāl-ḥāzwōn:

23 lāḵēn ’ĕmōr ’ălêhem kōh-’āmar ’ăḏōnāy yəhwih hišəbatî ’eṯ-hammāšāl hazzeh wəlō’-yiməšəlû ’ōṯwō³ ‘wōḏ bəyiśərā’ēl kî ’im-dabēr ’ălêhem qārəḇû hayyāmîm ûḏəḇar kāl-ḥāzwōn:

24 kî lō’ yihəyeh ‘wōḏ kāl-ḥăzwōn šāwə’ ûmiqəsam ḥālāq bəṯwōḵə bêṯ yiśərā’ēl:

25 kî| ’ănî yəhwâ ’ăḏabēr ’ēṯ ’ăšer ’ăḏabēr dāḇār wəyē‘āśeh lō’ ṯimmāšēḵə ‘wōḏ kî ḇîmêḵem bêṯ hammerî ’ăḏabēr dāḇār w^a‘ăśîṯîw nə’um ’ăḏōnāy yəhwih: f

26 wayəhî ḏəḇar-yəhwâ ’ēlay lē’mōr:

27 ben-’āḏām hinnēh ḇêṯ-yiśərā’ēl ’ōmərîm heḥāzwōn ’ăšer-hû’ ḥōzeh ləyāmîm rabîm ûlə‘itîm rəḥwōqwōṯ hû’ nibā’:

28 lāḵēn ’ĕmōr ’ălêhem kōh ’āmar ’ăḏōnāy yəhwih lō’-ṯimmāšēḵə ‘wōḏ kāl-dəḇārāy ’ăšer ’ăḏabēr dāḇār wəyē‘āśeh nə’um ’ăḏōnāy yəhwih: s