Ezekiel (Yechezqel) Chapter 15

‎1 ‏וַיְהִ֥י דְבַר־יְהוָ֖ה אֵלַ֥י לֵאמֹֽר׃

‎2 ‏בֶּן־אָדָ֕ם מַה־יִּֽהְיֶ֥ה עֵץ־הַגֶּ֖פֶן מִכָּל־עֵ֑ץ הַזְּמוֹרָ֕ה אֲשֶׁ֥ר הָיָ֖ה בַּעֲצֵ֥י הַיָּֽעַר׃

‎3 ‏הֲיֻקַּ֤ח מִמֶּ֙נּוּ֙ עֵ֔ץ לַעֲשׂ֖וֹת לִמְלָאכָ֑ה אִם־יִקְח֤וּ מִמֶּ֙נּוּ֙ יָתֵ֔ד לִתְל֥וֹת עָלָ֖יו כָּל־כֶּֽלִי׃

‎4 ‏הִנֵּ֥ה לָאֵ֖שׁ נִתַּ֣ן לְאָכְלָ֑ה אֵת֩ שְׁנֵ֨י קְצוֹתָ֜יו אָכְלָ֤ה הָאֵשׁ֙ וְתוֹכ֣וֹ נָחָ֔ר הֲיִצְלַ֖ח לִמְלָאכָֽה׃

‎5 ‏הִנֵּה֙ בִּֽהְיוֹת֣וֹ תָמִ֔ים לֹ֥א יֵֽעָשֶׂ֖ה לִמְלָאכָ֑ה אַ֣ף כִּי־אֵ֤שׁ אֲכָלַ֙תְהוּ֙ וַיֵּחָ֔ר וְנַעֲשָׂ֥ה ע֖וֹד לִמְלָאכָֽה׃ ס

‎6 ‏לָכֵ֗ן כֹּ֤ה אָמַר֙ אֲדֹנָ֣י יְהוִ֔ה כַּאֲשֶׁ֤ר עֵץ־הַגֶּ֙פֶן֙ בְּעֵ֣ץ הַיַּ֔עַר אֲשֶׁר־נְתַתִּ֥יו לָאֵ֖שׁ לְאָכְלָ֑ה כֵּ֣ן נָתַ֔תִּי אֶת־יֹשְׁבֵ֖י יְרוּשָׁלִָֽם׃

‎7 ‏וְנָתַתִּ֤י אֶת־פָּנַי֙ בָּהֶ֔ם מֵהָאֵ֣שׁ יָצָ֔אוּ וְהָאֵ֖שׁ תֹּֽאכְלֵ֑ם וִֽידַעְתֶּם֙ כִּֽי־אֲנִ֣י יְהוָ֔ה בְּשׂוּמִ֥י אֶת־פָּנַ֖י בָּהֶֽם׃

‎8 ‏וְנָתַתִּ֥י אֶת־הָאָ֖רֶץ שְׁמָמָ֑ה יַ֚עַן מָ֣עֲלוּ מַ֔עַל נְאֻ֖ם אֲדֹנָ֥י יְהוִֽה׃ פ

1 wayəhî ḏəḇar-yəhwâ ’ēlay lē’mōr:

2 ben-’āḏām mah-yyihəyeh ‘ēṣ-hagefen mikāl-‘ēṣ hazzəmwōrâ ’ăšer hāyâ b^a‘ăṣê hayyā‘ar:

3 hăyuqq^aḥ mimmennû ‘ēṣ l^a‘ăśwōṯ liməlā’ḵâ ’im-yiqəḥû mimmennû yāṯēḏ liṯəlwōṯ ‘ālāyw kāl-kelî:

4 hinnēh lā’ēš nitan lə’āḵəlâ ’ēṯ šənê qəṣwōṯāyw ’āḵəlâ hā’ēš wəṯwōḵwō nāḥār hăyiṣəl^aḥ liməlā’ḵâ:

5 hinnēh bihəywōṯwō ṯāmîm lō’ yē‘āśeh liməlā’ḵâ ’af kî-’ēš ’ăḵālaṯəhû wayyēḥār wən^a‘ăśâ ‘wōḏ liməlā’ḵâ: s

6 lāḵēn kōh ’āmar ’ăḏōnāy yəhwih ka’ăšer ‘ēṣ-hagefen bə‘ēṣ hayy^a‘ar ’ăšer-nəṯatîw lā’ēš lə’āḵəlâ kēn nāṯatî ’eṯ-yōšəḇê yərûšālāim:

7 wənāṯatî ’eṯ-pānay bâem mēhā’ēš yāṣā’û wəhā’ēš tō’ḵəlēm wîḏ^a‘ətem kî-’ănî yəhwâ bəśûmî ’eṯ-pānay bâem:

8 wənāṯatî ’eṯ-hā’āreṣ šəmāmâ y^a‘an mā‘ălû m^a‘al nə’um ’ăḏōnāy yəhwih: f