Ezekiel (Yechezqel) Chapter 43

‎1 ‏וַיּוֹלִכֵ֖נִי אֶל־הַשָּׁ֑עַר שַׁ֕עַר אֲשֶׁ֥ר פֹּנֶ֖ה דֶּ֥רֶךְ הַקָּדִֽים׃

‎2 ‏וְהִנֵּ֗ה כְּבוֹד֙ אֱלֹהֵ֣י יִשְׂרָאֵ֔ל בָּ֖א מִדֶּ֣רֶךְ הַקָּדִ֑ים וְקוֹל֗וֹ כְּקוֹל֙ מַ֣יִם רַבִּ֔ים וְהָאָ֖רֶץ הֵאִ֥ירָה מִכְּבֹדֽוֹ׃

‎3 ‏וּכְמַרְאֵ֨ה הַמַּרְאֶ֜ה אֲשֶׁ֣ר רָאִ֗יתִי כַּמַּרְאֶ֤ה אֲשֶׁר־רָאִ֙יתִי֙ בְּבֹאִי֙ לְשַׁחֵ֣ת אֶת־הָעִ֔יר וּמַרְא֕וֹת כַּמַּרְאֶ֕ה אֲשֶׁ֥ר רָאִ֖יתִי אֶל־נְהַר־כְּבָ֑ר וָאֶפֹּ֖ל אֶל־פָּנָֽי׃

‎4 ‏וּכְב֥וֹד יְהוָ֖ה בָּ֣א אֶל־הַבָּ֑יִת דֶּ֣רֶךְ שַׁ֔עַר אֲשֶׁ֥ר פָּנָ֖יו דֶּ֥רֶךְ הַקָּדִֽים׃

‎5 ‏וַתִּשָּׂאֵ֣נִי ר֔וּחַ וַתְּבִיאֵ֕נִי אֶל־הֶֽחָצֵ֖ר הַפְּנִימִ֑י וְהִנֵּ֛ה מָלֵ֥א כְבוֹד־יְהוָ֖ה הַבָּֽיִת׃

‎6 ‏וָאֶשְׁמַ֛ע מִדַּבֵּ֥ר אֵלַ֖י מֵהַבָּ֑יִת וְאִ֕ישׁ הָיָ֥ה עֹמֵ֖ד אֶצְלִֽי׃

‎7 ‏וַיֹּ֣אמֶר אֵלַ֗י בֶּן־אָדָם֙ אֶת־מְק֣וֹם כִּסְאִ֗י וְאֶת־מְקוֹם֙ כַּפּ֣וֹת רַגְלַ֔י אֲשֶׁ֧ר אֶשְׁכָּן־שָׁ֛ם בְּת֥וֹךְ בְּנֵֽי־יִשְׂרָאֵ֖ל לְעוֹלָ֑ם וְלֹ֣א יְטַמְּא֣וּ ע֣וֹד בֵּֽית־יִ֠שְׂרָאֵל שֵׁ֣ם קָדְשִׁ֞י הֵ֤מָּה וּמַלְכֵיהֶם֙ בִּזְנוּתָ֔ם וּבְפִגְרֵ֥י מַלְכֵיהֶ֖ם בָּמוֹתָֽם׃

‎8 ‏בְּתִתָּ֨ם סִפָּ֜ם אֶת־סִפִּ֗י וּמְזֽוּזָתָם֙ אֵ֣צֶל מְזוּזָתִ֔י וְהַקִּ֖יר בֵּינִ֣י וּבֵֽינֵיהֶ֑ם וְטִמְּא֣וּ׀ אֶת־שֵׁ֣ם קָדְשִׁ֗י בְּתֽוֹעֲבוֹתָם֙ אֲשֶׁ֣ר עָשׂ֔וּ וָאֲכַ֥ל אֹתָ֖ם בְּאַפִּֽי׃

‎9 ‏עַתָּ֞ה יְרַחֲק֧וּ אֶת־זְנוּתָ֛ם וּפִגְרֵ֥י מַלְכֵיהֶ֖ם מִמֶּ֑נִּי וְשָׁכַנְתִּ֥י בְתוֹכָ֖ם לְעוֹלָֽם׃ ס

‎10 ‏אַתָּ֣ה בֶן־אָדָ֗ם הַגֵּ֤ד אֶת־בֵּֽית־יִשְׂרָאֵל֙ אֶת־הַבַּ֔יִת וְיִכָּלְמ֖וּ מֵעֲוֹנֽוֹתֵיהֶ֑ם וּמָדְד֖וּ אֶת־תָּכְנִֽית׃

‎11 ‏וְאִֽם־נִכְלְמ֞וּ מִכֹּ֣ל אֲשֶׁר־עָשׂ֗וּ צוּרַ֣ת הַבַּ֡יִת וּתְכוּנָת֡וֹ וּמוֹצָאָ֡יו וּמוֹבָאָ֣יו וְֽכָל־צֽוּרֹתָ֡ו^q וְאֵ֣ת כָּל־חֻקֹּתָיו֩ וְכָל־צורתי צ֨וּרֹתָ֤יו וְכָל־תורתו תּוֹרֹתָיו֙ הוֹדַ֣ע אוֹתָ֔ם וּכְתֹ֖ב לְעֵֽינֵיהֶ֑ם וְיִשְׁמְר֞וּ אֶת־כָּל־צוּרָת֛וֹ וְאֶת־כָּל־חֻקֹּתָ֖יו וְעָשׂ֥וּ אוֹתָֽם׃

‎12 ‏זֹ֖את תּוֹרַ֣ת הַבָּ֑יִת עַל־רֹ֣אשׁ הָ֠הָר כָּל־גְּבֻל֞וֹ סָבִ֤יב׀ סָבִיב֙ קֹ֣דֶשׁ קָדָשִׁ֔ים הִנֵּה־זֹ֖את תּוֹרַ֥ת הַבָּֽיִת׃

‎13 ‏וְאֵ֨לֶּה מִדּ֤וֹת הַמִּזְבֵּ֙חַ֙ בָּֽאַמּ֔וֹת אַמָּ֥ה אַמָּ֖ה וָטֹ֑פַח וְחֵ֨יק הָאַמָּ֜ה וְאַמָּה־רֹ֗חַב וּגְבוּלָ֨הּ אֶל־שְׂפָתָ֤הּ סָבִיב֙ זֶ֣רֶת הָאֶחָ֔ד וְזֶ֖ה גַּ֥ב הַמִּזְבֵּֽחַ׃

‎14 ‏וּמֵחֵ֨יק הָאָ֜רֶץ עַד־הָעֲזָרָ֤ה הַתַּחְתּוֹנָה֙ שְׁתַּ֣יִם אַמּ֔וֹת וְרֹ֖חַב אַמָּ֣ה אֶחָ֑ת וּמֵהֳעֲזָרָ֨ה הַקְּטַנָּ֜ה עַד־הָעֲזָרָ֤ה הַגְּדוֹלָה֙ אַרְבַּ֣ע אַמּ֔וֹת וְרֹ֖חַב הָאַמָּֽה׃

‎15 ‏וְהַֽהַרְאֵ֖ל אַרְבַּ֣ע אַמּ֑וֹת ומהאראיל וּמֵהָאֲרִיאֵ֣ל⁹ וּלְמַ֔עְלָה הַקְּרָנ֖וֹת אַרְבַּֽע׃

‎16 ‏והאראיל וְהָאֲרִיאֵ֗ל שְׁתֵּ֤ים עֶשְׂרֵה֙ אֹ֔רֶךְ בִּשְׁתֵּ֥ים עֶשְׂרֵ֖ה רֹ֑חַב רָב֕וּעַ אֶ֖ל אַרְבַּ֥עַת רְבָעָֽיו׃

‎17 ‏וְהָעֲזָרָ֞ה אַרְבַּ֧ע עֶשְׂרֵ֣ה אֹ֗רֶךְ בְּאַרְבַּ֤ע עֶשְׂרֵה֙ רֹ֔חַב אֶ֖ל אַרְבַּ֣עַת רְבָעֶ֑יהָ וְהַגְּבוּל סָבִ֨יב אוֹתָ֜הּ חֲצִ֣י הָאַמָּ֗ה וְהַֽחֵיק־לָ֤הּ אַמָּה֙ סָבִ֔יב וּמַעֲלֹתֵ֖הוּ פְּנ֥וֹת קָדִֽים׃

‎18 ‏וַיֹּ֣אמֶר אֵלַ֗י בֶּן־אָדָם֙ כֹּ֤ה אָמַר֙ אֲדֹנָ֣י יְהוִ֔ה אֵ֚לֶּה חֻקּ֣וֹת הַמִּזְבֵּ֔חַ בְּי֖וֹם הֵעָֽשׂוֹת֑וֹ לְהַעֲל֤וֹת עָלָיו֙ עוֹלָ֔ה וְלִזְרֹ֥ק עָלָ֖יו דָּֽם׃

‎19 ‏וְנָתַתָּ֣ה אֶל־הַכֹּהֲנִ֣ים הַלְוִיִּ֡ם אֲשֶׁ֣ר הֵם֩ מִזֶּ֨רַע צָד֜וֹק הַקְּרֹבִ֣ים אֵלַ֗י נְאֻ֛ם אֲדֹנָ֥י יְהוִ֖ה לְשָֽׁרְתֵ֑נִי פַּ֥ר בֶּן־בָּקָ֖ר לְחַטָּֽאת׃

‎20 ‏וְלָקַחְתָּ֣ מִדָּמ֗וֹ וְנָ֨תַתָּ֜ה עַל־אַרְבַּ֤ע קַרְנֹתָיו֙ וְאֶל־אַרְבַּע֙ פִּנּ֣וֹת הָעֲזָרָ֔ה וְאֶֽל־הַגְּב֖וּל סָבִ֑יב וְחִטֵּאתָ֥ אוֹת֖וֹ וְכִפַּרְתָּֽהוּ׃

‎21 ‏וְלָ֣קַחְתָּ֔ אֵ֖ת הַפָּ֣ר הַֽחַטָּ֑את וּשְׂרָפוֹ֙ בְּמִפְקַ֣ד הַבַּ֔יִת מִח֖וּץ לַמִּקְדָּֽשׁ׃

‎22 ‏וּבַיּוֹם֙ הַשֵּׁנִ֔י תַּקְרִ֛יב שְׂעִיר־עִזִּ֥ים תָּמִ֖ים לְחַטָּ֑את וְחִטְּאוּ֙ אֶת־הַמִּזְבֵּ֔חַ כַּאֲשֶׁ֥ר חִטְּא֖וּ בַּפָּֽר׃

‎23 ‏בְּכַלּוֹתְךָ֖ מֵֽחַטֵּ֑א תַּקְרִיב֙ פַּ֣ר בֶּן־בָּקָ֣ר תָּמִ֔ים וְאַ֥יִל מִן־הַצֹּ֖אן תָּמִֽים׃

‎24 ‏וְהִקְרַבְתָּ֖ם לִפְנֵ֣י יְהוָ֑ה וְהִשְׁלִ֨יכוּ הַכֹּהֲנִ֤ים עֲלֵיהֶם֙ מֶ֔לַח וְהֶעֱל֥וּ אוֹתָ֛ם עֹלָ֖ה לַֽיהוָֽה׃

‎25 ‏שִׁבְעַ֣ת יָמִ֔ים תַּעֲשֶׂ֥ה שְׂעִיר־חַטָּ֖את לַיּ֑וֹם וּפַ֧ר בֶּן־בָּקָ֛ר וְאַ֥יִל מִן־הַצֹּ֖אן תְּמִימִ֥ים יַעֲשֽׂוּ׃

‎26 ‏שִׁבְעַ֣ת יָמִ֗ים יְכַפְּרוּ֙ אֶת־הַמִּזְבֵּ֔חַ וְטִֽהֲר֖וּ אֹת֑וֹ וּמִלְא֖וּ ידו יָדָֽיו׃

‎27 ‏וִֽיכַלּ֖וּ אֶת־הַיָּמִ֑ים סוְהָיָה֩ בַיּ֨וֹם הַשְּׁמִינִ֜י וָהָ֗לְאָה יַעֲשׂ֨וּ הַכֹּהֲנִ֤ים עַל־הַמִּזְבֵּ֙חַ֙ אֶת־עוֹלֽוֹתֵיכֶם֙ וְאֶת־שַׁלְמֵיכֶ֔ם וְרָצִ֣אתִי אֶתְכֶ֔ם נְאֻ֖ם אֲדֹנָ֥י יְהוִֹֽה׃ ס

1 wayywōliḵēnî ’el-haššā‘ar š^a‘ar ’ăšer pōneh dereḵə haqqāḏîm:

2 wəhinnēh kəḇwōḏ ’ĕlōhê yiśərā’ēl bā’ midereḵə haqqāḏîm wəqwōlwō kəqwōl mayim rabîm wəhā’āreṣ hē’îrâ mikəḇōḏwō:

3 ûḵəmarə’ēh hammarə’eh ’ăšer rā’îṯî kammarə’eh ’ăšer-rā’îṯî bəḇō’î ləš^aḥēṯ ’eṯ-hā‘îr ûmarə’wōṯ kammarə’eh ’ăšer rā’îṯî ’el-nəhar-kəḇār wā’epōl ’el-pānāy:

4 ûḵəḇwōḏ yəhwâ bā’ ’el-habāyiṯ dereḵə š^a‘ar ’ăšer pānāyw dereḵə haqqāḏîm:

5 watiśśā’ēnî rûḥa watəḇî’ēnî ’el-heḥāṣēr hapənîmî wəhinnēh mālē’ ḵəḇwōḏ-yəhwâ habāyiṯ:

6 wā’ešəm^a‘ midabēr ’ēlay mēhabāyiṯ wə’îš hāyâ ‘ōmēḏ ’eṣəlî:

7 wayyō’mer ’ēlay ben-’āḏām ’eṯ-məqwōm kisə’î wə’eṯ-məqwōm kapwōṯ raḡəlay ’ăšer ’ešəkān-šām bəṯwōḵə bənê-yiśərā’ēl lə‘wōlām wəlō’ yəṭammə’û ‘wōḏ bêṯ-yiśərā’ēl šēm qāḏəšî hēmmâ ûmaləḵêhem bizənûṯām ûḇəfiḡərê maləḵêhem bāmwōṯām:

8 bəṯitām sipām ’eṯ-sipî ûməzûzāṯām ’ēṣel məzûzāṯî wəhaqqîr bênî ûḇênêhem wəṭimmə’û| ’eṯ-šēm qāḏəšî bəṯwō‘ăḇwōṯām ’ăšer ‘āśû wā’ăḵal ’ōṯām bə’apî:

9 ‘atâ yər^aḥăqû ’eṯ-zənûṯām ûfiḡərê maləḵêhem mimmennî wəšāḵanətî ḇəṯwōḵām lə‘wōlām: s

10 ’atâ ḇen-’āḏām hagēḏ ’eṯ-bêṯ-yiśərā’ēl ’eṯ-habayiṯ wəyikāləmû mē‘ăwōnwōṯêhem ûmāḏəḏû ’eṯ-tāḵənîṯ:

11 wə’im-niḵələmû mikōl ’ăšer-‘āśû ṣûraṯ habayiṯ ûṯəḵûnāṯwō ûmwōṣā’āyw ûmwōḇā’āyw wəḵāl-ṣûrōṯāw^q wə’ēṯ kāl-ḥuqqōṯāyw wəḵāl-ṣûrōṯāy ṣûrōṯāyw wəḵāl-twōrōṯāw twōrōṯāyw hwōḏ^a‘ ’wōṯām ûḵəṯōḇ lə‘ênêhem wəyišəmərû ’eṯ-kāl-ṣûrāṯwō wə’eṯ-kāl-ḥuqqōṯāyw wə‘āśû ’wōṯām:

12 zō’ṯ twōraṯ habāyiṯ ‘al-rō’š hâār kāl-gəḇulwō sāḇîḇ| sāḇîḇ qōḏeš qāḏāšîm hinnēh-zō’ṯ twōraṯ habāyiṯ:

13 wə’ēlleh midwōṯ hammizəbēḥa bā’ammwōṯ ’ammâ ’ammâ wāṭōf^aḥ wəḥêq hā’ammâ wə’ammâ-rōḥaḇ ûḡəḇûlāh ’el-śəfāṯāh sāḇîḇ zereṯ hā’eḥāḏ wəzeh gaḇ hammizəbēḥa:

14 ûmēḥêq hā’āreṣ ‘aḏ-hā‘ăzārâ hat^aḥətwōnâ šətayim ’ammwōṯ wərōḥaḇ ’ammâ ’eḥāṯ ûmēhŏ‘ăzārâ haqqəṭannâ ‘aḏ-hā‘ăzārâ hagəḏwōlâ ’arəb^a‘ ’ammwōṯ wərōḥaḇ hā’ammâ:

15 wəhaharə’ēl ’arəb^a‘ ’ammwōṯ ûmēhā’ări’êl ûmēhā’ărî’ēl⁹ ûləm^a‘əlâ haqqərānwōṯ ’arəb^a‘:

16 wəhā’ări’êl wəhā’ărî’ēl šətêm ‘eśərēh ’ōreḵə bišətêm ‘eśərēh rōḥaḇ rāḇû‘a ’el ’arəb^a‘aṯ rəḇā‘āyw:

17 wəhā‘ăzārâ ’arəb^a‘ ‘eśərēh ’ōreḵə bə’arəb^a‘ ‘eśərēh rōḥaḇ ’el ’arəb^a‘aṯ rəḇā‘eyhā wəhagəḇûl sāḇîḇ ’wōṯāh ḥăṣî hā’ammâ wəh^aḥêq-lāh ’ammâ sāḇîḇ ûm^a‘ălōṯēhû pənwōṯ qāḏîm:

18 wayyō’mer ’ēlay ben-’āḏām kōh ’āmar ’ăḏōnāy yəhwih ’ēlleh ḥuqqwōṯ hammizəbēḥa bəywōm hē‘āśwōṯwō ləh^a‘ălwōṯ ‘ālāyw ‘wōlâ wəlizərōq ‘ālāyw dām:

19 wənāṯatâ ’el-hakōhănîm haləwîyim ’ăšer hēm mizzer^a‘ ṣāḏwōq haqqərōḇîm ’ēlay nə’um ’ăḏōnāy yəhwih ləšārəṯēnî par ben-bāqār ləḥaṭṭā’ṯ:

20 wəlāq^aḥətā midāmwō wənāṯatâ ‘al-’arəb^a‘ qarənōṯāyw wə’el-’arəb^a‘ pinnwōṯ hā‘ăzārâ wə’el-hagəḇûl sāḇîḇ wəḥiṭṭē’ṯā ’wōṯwō wəḵiparətâû:

21 wəlāq^aḥətā ’ēṯ hapār h^aḥaṭṭā’ṯ ûśərāfwō bəmifəqaḏ habayiṯ miḥûṣ lammiqədāš:

22 ûḇayywōm haššēnî taqərîḇ śə‘îr-‘izzîm tāmîm ləḥaṭṭā’ṯ wəḥiṭṭə’û ’eṯ-hammizəbēḥa ka’ăšer ḥiṭṭə’û bapār:

23 bəḵallwōṯəḵā mēḥaṭṭē’ taqərîḇ par ben-bāqār tāmîm wə’ayil min-haṣṣō’n tāmîm:

24 wəhiqəraḇətām lifənê yəhwâ wəhišəlîḵû hakōhănîm ‘ălêhem mel^aḥ wəhe‘ĕlû ’wōṯām ‘ōlâ layhwâ:

25 šiḇə‘aṯ yāmîm t^a‘ăśeh śə‘îr-ḥaṭṭā’ṯ layywōm ûfar ben-bāqār wə’ayil min-haṣṣō’n təmîmîm y^a‘ăśû:

26 šiḇə‘aṯ yāmîm yəḵapərû ’eṯ-hammizəbēḥa wəṭihărû ’ōṯwō ûmilə’û yāḏwō yāḏāyw:

27 wîḵallû ’eṯ-hayyāmîm swəhāyâ ḇayywōm haššəmînî wâālə’â y^a‘ăśû hakōhănîm ‘al-hammizəbēḥa ’eṯ-‘wōlwōṯêḵem wə’eṯ-šaləmêḵem wərāṣi’ṯî ’eṯəḵem nə’um ’ăḏōnāy yəhwōih: s