Ezekiel (Yechezqel) Chapter 44

‎1 ‏וַיָּ֣שֶׁב אֹתִ֗י דֶּ֣רֶךְ שַׁ֤עַר הַמִּקְדָּשׁ֙ הַֽחִיצ֔וֹן הַפֹּנֶ֖ה קָדִ֑ים וְה֖וּא סָגֽוּר׃

‎2 ‏וַיֹּ֨אמֶר אֵלַ֜י יְהוָ֗ה הַשַּׁ֣עַר הַזֶּה֩ סָג֨וּר יִהְיֶ֜ה לֹ֣א יִפָּתֵ֗חַ וְאִישׁ֙ לֹא־יָ֣בֹא ב֔וֹ כִּ֛י יְהוָ֥ה אֱלֹהֵֽי־יִשְׂרָאֵ֖ל בָּ֣א ב֑וֹ וְהָיָ֖ה סָגֽוּר׃

‎3 ‏אֶֽת־הַנָּשִׂ֗יא נָ֥שִׂיא ה֛וּא יֵֽשֶׁב־בּ֥וֹ לאכול־ לֶאֱכָל־ לֶ֖חֶם⁹ לִפְנֵ֣י יְהוָ֑ה מִדֶּ֨רֶךְ אֻלָ֤ם הַשַּׁ֙עַר֙ יָב֔וֹא וּמִדַּרְכּ֖וֹ יֵצֵֽא׃

‎4 ‏וַיְבִיאֵ֜נִי דֶּֽרֶךְ־שַׁ֣עַר הַצָּפוֹן֮ אֶל־פְּנֵ֣י הַבַּיִת֒ וָאֵ֕רֶא וְהִנֵּ֛ה מָלֵ֥א כְבוֹד־יְהוָ֖ה אֶת־בֵּ֣ית יְהוָ֑ה וָאֶפֹּ֖ל אֶל־פָּנָֽי׃

‎5 ‏וַיֹּ֨אמֶר אֵלַ֜י יְהוָֹ֗ה בֶּן־אָדָ֡ם שִׂ֣ים לִבְּךָ֩ וּרְאֵ֨ה בְעֵינֶ֜יךָ וּבְאָזְנֶ֣יךָ שְּׁמָ֗ע אֵ֣ת כָּל־אֲשֶׁ֤ר אֲנִי֙ מְדַבֵּ֣ר אֹתָ֔ךְ לְכָל־חֻקּ֥וֹת בֵּית־יְהוָ֖ה וּלְכָל־תורתו תּֽוֹרֹתָ֑יו וְשַׂמְתָּ֤ לִבְּךָ֙ לִמְב֣וֹא הַבַּ֔יִת בְּכֹ֖ל מוֹצָאֵ֥י הַמִּקְדָּֽשׁ׃

‎6 ‏וְאָמַרְתָּ֤ אֶל־מֶ֙רִי֙ אֶל־בֵּ֣ית יִשְׂרָאֵ֔ל כֹּ֥ה אָמַ֖ר אֲדֹנָ֣י יְהוִ֑ה רַב־לָכֶ֛ם מִֽכָּל־תּוֹעֲבֽוֹתֵיכֶ֖ם בֵּ֥ית יִשְׂרָאֵֽל׃

‎7 ‏בַּהֲבִיאֲכֶ֣ם בְּנֵֽי־נֵכָ֗ר עַרְלֵי־לֵב֙ וְעַרְלֵ֣י בָשָׂ֔ר לִהְי֥וֹת בְּמִקְדָּשִׁ֖י לְחַלְּל֣וֹ אֶת־בֵּיתִ֑י בְּהַקְרִֽיבְכֶ֤ם אֶת־לַחְמִי֙ חֵ֣לֶב וָדָ֔ם וַיָּפֵ֙רוּ֙ אֶת־בְּרִיתִ֔י אֶ֖ל כָּל־תּוֹעֲבוֹתֵיכֶֽם׃

‎8 ‏וְלֹ֥א שְׁמַרְתֶּ֖ם מִשְׁמֶ֣רֶת קָדָשָׁ֑י וַתְּשִׂימ֗וּן לְשֹׁמְרֵ֧י מִשְׁמַרְתִּ֛י בְּמִקְדָּשִׁ֖י לָכֶֽם׃

‎9 ‏כֹּה־אָמַר֮ אֲדֹנָ֣י יְהוִה֒ כָּל־בֶּן־נֵכָ֗ר עֶ֤רֶל לֵב֙ וְעֶ֣רֶל בָּשָׂ֔ר לֹ֥א יָב֖וֹא אֶל־מִקְדָּשִׁ֑י לְכָל־בֶּן־נֵכָ֔ר אֲשֶׁ֕ר בְּת֖וֹךְ בְּנֵ֥י יִשְׂרָאֵֽל׃

‎10 ‏כִּ֣י אִם־הַלְוִיִּ֗ם אֲשֶׁ֤ר רָֽחֲקוּ֙ מֵֽעָלַ֔י בִּתְע֤וֹת יִשְׂרָאֵל֙ אֲשֶׁ֣ר תָּע֣וּ מֵֽעָלַ֔י אַחֲרֵ֖י גִּלּֽוּלֵיהֶ֑ם וְנָשְׂא֖וּ עֲוֹנָֽם׃

‎11 ‏וְהָי֤וּ בְמִקְדָּשִׁי֙ מְשָׁ֣רְתִ֔ים פְּקֻדּוֹת֙ אֶל־שַׁעֲרֵ֣י הַבַּ֔יִת וּֽמְשָׁרְתִ֖ים אֶת־הַבָּ֑יִת הֵ֠מָּה יִשְׁחֲט֨וּ אֶת־הָעֹלָ֤ה וְאֶת־הַזֶּ֙בַח֙ לָעָ֔ם וְהֵ֛מָּה יַעַמְד֥וּ לִפְנֵיהֶ֖ם לְשָֽׁרְתָֽם׃

‎12 ‏יַ֗עַן אֲשֶׁ֨ר יְשָׁרְת֤וּ אוֹתָם֙ לִפְנֵ֣י גִלּֽוּלֵיהֶ֔ם וְהָי֥וּ לְבֵֽית־יִשְׂרָאֵ֖ל לְמִכְשׁ֣וֹל עָוֹ֑ן עַל־כֵּן֩ נָשָׂ֨אתִי יָדִ֜י עֲלֵיהֶ֗ם נְאֻם֙ אֲדֹנָ֣י יְהוִ֔ה וְנָשְׂא֖וּ עֲוֹנָֽם׃

‎13 ‏וְלֹֽא־יִגְּשׁ֤וּ אֵלַי֙ לְכַהֵ֣ן לִ֔י וְלָגֶ֙שֶׁת֙ עַל־כָּל־קָ֣דָשַׁ֔י אֶל־קָדְשֵׁ֖י הַקְּדָשִׁ֑ים וְנָֽשְׂאוּ֙ כְּלִמָּתָ֔ם וְתוֹעֲבוֹתָ֖ם אֲשֶׁ֥ר עָשֽׂוּ׃

‎14 ‏וְנָתַתִּ֣י אוֹתָ֔ם שֹׁמְרֵ֖י מִשְׁמֶ֣רֶת הַבָּ֑יִת לְכֹל֙ עֲבֹ֣דָת֔וֹ וּלְכֹ֛ל אֲשֶׁ֥ר יֵעָשֶׂ֖ה בּֽוֹ׃ פ

‎15 ‏וְהַכֹּהֲנִ֨ים הַלְוִיִּ֜ם בְּנֵ֣י צָד֗וֹק אֲשֶׁ֨ר שָׁמְר֜וּ אֶת־מִשְׁמֶ֤רֶת מִקְדָּשִׁי֙ בִּתְע֤וֹת בְּנֵֽי־יִשְׂרָאֵל֙ מֵֽעָלַ֔י הֵ֛מָּה יִקְרְב֥וּ אֵלַ֖י לְשָֽׁרְתֵ֑נִי וְעָמְד֣וּ לְפָנַ֗י לְהַקְרִ֥יב לִי֙ חֵ֣לֶב וָדָ֔ם נְאֻ֖ם אֲדֹנָ֥י יְהוִֽה׃

‎16 ‏הֵ֜מָּה יָבֹ֣אוּ אֶל־מִקְדָּשִׁ֗י וְהֵ֛מָּה יִקְרְב֥וּ אֶל־שֻׁלְחָנִ֖י לְשָׁרְתֵ֑נִי וְשָׁמְר֖וּ אֶת־מִשְׁמַרְתִּֽי׃

‎17 ‏וְהָיָ֗ה בְּבוֹאָם֙ אֶֽל־שַׁעֲרֵי֙ הֶחָצֵ֣ר הַפְּנִימִ֔ית בִּגְדֵ֥י פִשְׁתִּ֖ים יִלְבָּ֑שׁוּ וְלֹֽא־יַעֲלֶ֤ה עֲלֵיהֶם֙ צֶ֔מֶר בְּשָֽׁרְתָ֗ם בְּשַׁעֲרֵ֛י הֶחָצֵ֥ר הַפְּנִימִ֖ית וָבָֽיְתָה׃

‎18 ‏פַּאֲרֵ֤י פִשְׁתִּים֙ יִהְי֣וּ עַל־רֹאשָׁ֔ם וּמִכְנְסֵ֣י פִשְׁתִּ֔ים יִהְי֖וּ עַל־מָתְנֵיהֶ֑ם לֹ֥א יַחְגְּר֖וּ בַּיָּֽזַע׃

‎19 ‏וּ֠בְצֵאתָם אֶל־הֶחָצֵ֨ר הַחִיצוֹנָ֜ה אֶל־הֶחָצֵ֣ר הַחִיצוֹנָה֮ אֶל־הָעָם֒ יִפְשְׁט֣וּ אֶת־בִּגְדֵיהֶ֗ם אֲשֶׁר־הֵ֙מָּה֙ מְשָׁרְתִ֣ם בָּ֔ם וְהִנִּ֥יחוּ אוֹתָ֖ם בְּלִֽשְׁכֹ֣ת הַקֹּ֑דֶשׁ וְלָֽבְשׁוּ֙ בְּגָדִ֣ים אֲחֵרִ֔ים וְלֹֽא־יְקַדְּשׁ֥וּ אֶת־הָעָ֖ם בְּבִגְדֵיהֶֽם׃

‎20 ‏וְרֹאשָׁם֙ לֹ֣א יְגַלֵּ֔חוּ וּפֶ֖רַע לֹ֣א יְשַׁלֵּ֑חוּ כָּס֥וֹם יִכְסְמ֖וּ אֶת־רָאשֵׁיהֶֽם׃

‎21 ‏וְיַ֥יִן לֹֽא־יִשְׁתּ֖וּ כָּל־כֹּהֵ֑ן בְּבוֹאָ֖ם אֶל־הֶחָצֵ֥ר הַפְּנִימִֽית׃

‎22 ‏וְאַלְמָנָה֙ וּגְרוּשָׁ֔ה לֹֽא־יִקְח֥וּ לָהֶ֖ם לְנָשִׁ֑ים כִּ֣י אִם־בְּתוּלֹ֗ת מִזֶּ֙רַע֙ בֵּ֣ית יִשְׂרָאֵ֔ל וְהָֽאַלְמָנָה֙ אֲשֶׁ֣ר תִּֽהְיֶ֣ה אַלְמָנָ֔ה מִכֹּהֵ֖ן יִקָּֽחוּ׃

‎23 ‏וְאֶת־עַמִּ֣י יוֹר֔וּ בֵּ֥ין קֹ֖דֶשׁ לְחֹ֑ל וּבֵין־טָמֵ֥א לְטָה֖וֹר יוֹדִעֻֽם׃

‎24 ‏וְעַל־רִ֗יב הֵ֚מָּה יַעַמְד֣וּ לשפט לְמִשְׁפָּ֔ט בְּמִשְׁפָּטַ֖י ושפטהו יִשְׁפְּט֑וּהוּ³ וְאֶת־תּוֹרֹתַ֤י וְאֶת־חֻקֹּתַי֙ בְּכָל־מוֹעֲדַ֣י יִשְׁמֹ֔רוּ וְאֶת־שַׁבְּתוֹתַ֖י יְקַדֵּֽשׁוּ׃

‎25 ‏וְאֶל־מֵ֣ת אָדָ֔ם לֹ֥א יָב֖וֹא לְטָמְאָ֑ה כִּ֣י אִם־לְאָ֡ב וּ֠לְאֵם וּלְבֵ֨ן וּלְבַ֜ת לְאָ֗ח וּלְאָח֛וֹת אֲשֶֽׁר־לֹא־הָיְתָ֥ה לְאִ֖ישׁ יִטַּמָּֽאוּ׃

‎26 ‏וְאַחֲרֵ֖י טָֽהֳרָת֑וֹ שִׁבְעַ֥ת יָמִ֖ים יִסְפְּרוּ־לֽוֹ׃

‎27 ‏וּבְיוֹם֩ בֹּא֨וֹ אֶל־הַקֹּ֜דֶשׁ אֶל־הֶחָצֵ֤ר הַפְּנִימִית֙ לְשָׁרֵ֣ת בַּקֹּ֔דֶשׁ יַקְרִ֖יב חַטָּאת֑וֹ נְאֻ֖ם אֲדֹנָ֥י יְהוִֽה׃

‎28 ‏וְהָיְתָ֤ה לָהֶם֙ לְֽנַחֲלָ֔ה אֲנִ֖י נַֽחֲלָתָ֑ם וַאֲחֻזָּ֗ה לֹֽא־תִתְּנ֤וּ לָהֶם֙ בְּיִשְׂרָאֵ֔ל אֲנִ֖י אֲחֻזָּתָֽם׃

‎29 ‏הַמִּנְחָה֙ וְהַחַטָּ֣את וְהָאָשָׁ֔ם הֵ֖מָּה יֹֽאכְל֑וּם וְכָל־חֵ֥רֶם בְּיִשְׂרָאֵ֖ל לָהֶ֥ם יִהְיֶֽה׃

‎30 ‏וְרֵאשִׁית֩ כָּל־בִּכּ֨וּרֵי כֹ֜ל וְכָל־תְּר֣וּמַת כֹּ֗ל מִכֹּל֙ תְּרוּמ֣וֹתֵיכֶ֔ם לַכֹּהֲנִ֖ים יִֽהְיֶ֑ה וְרֵאשִׁ֤ית עֲרִסֽוֹתֵיכֶם֙ תִּתְּנ֣וּ לַכֹּהֵ֔ן לְהָנִ֥יחַ בְּרָכָ֖ה אֶל־בֵּיתֶֽךָ׃

‎31 ‏כָּל־נְבֵלָה֙ וּטְרֵפָ֔ה מִן־הָע֖וֹף וּמִן־הַבְּהֵמָ֑ה לֹ֥א יֹאכְל֖וּ הַכֹּהֲנִֽים׃ פ

1 wayyāšeḇ ’ōṯî dereḵə š^a‘ar hammiqədāš h^aḥîṣwōn hapōneh qāḏîm wəhû’ sāḡûr:

2 wayyō’mer ’ēlay yəhwâ hašš^a‘ar hazzeh sāḡûr yihəyeh lō’ yipāṯēḥa wə’îš lō’-yāḇō’ ḇwō kî yəhwâ ’ĕlōhê-yiśərā’ēl bā’ ḇwō wəhāyâ sāḡûr:

3 ’eṯ-hannāśî’ nāśî’ hû’ yēšeḇ-bwō le’ĕḵwōl- le’ĕḵāl- leḥem⁹ lifənê yəhwâ midereḵə ’ulām hašš^a‘ar yāḇwō’ ûmidarəkwō yēṣē’:

4 wayəḇî’ēnî dereḵə-š^a‘ar haṣṣāfwōn ’el-pənê habayiṯ wā’ēre’ wəhinnēh mālē’ ḵəḇwōḏ-yəhwâ ’eṯ-bêṯ yəhwâ wā’epōl ’el-pānāy:

5 wayyō’mer ’ēlay yəhwōâ ben-’āḏām śîm libəḵā ûrə’ēh ḇə‘êneyḵā ûḇə’āzəneyḵā ššəmā‘ ’ēṯ kāl-’ăšer ’ănî məḏabēr ’ōṯāḵə ləḵāl-ḥuqqwōṯ bêṯ-yəhwâ ûləḵāl-twōrōṯāw twōrōṯāyw wəśamətā libəḵā liməḇwō’ habayiṯ bəḵōl mwōṣā’ê hammiqədāš:

6 wə’āmarətā ’el-merî ’el-bêṯ yiśərā’ēl kōh ’āmar ’ăḏōnāy yəhwih raḇ-lāḵem mikāl-twō‘ăḇwōṯêḵem bêṯ yiśərā’ēl:

7 bahăḇî’ăḵem bənê-nēḵār ‘arəlê-lēḇ wə‘arəlê ḇāśār lihəywōṯ bəmiqədāšî ləḥalləlwō ’eṯ-bêṯî bəhaqərîḇəḵem ’eṯ-l^aḥəmî ḥēleḇ wāḏām wayyāfērû ’eṯ-bərîṯî ’el kāl-twō‘ăḇwōṯêḵem:

8 wəlō’ šəmarətem mišəmereṯ qāḏāšāy watəśîmûn ləšōmərê mišəmarətî bəmiqədāšî lāḵem:

9 kōh-’āmar ’ăḏōnāy yəhwih kāl-ben-nēḵār ‘erel lēḇ wə‘erel bāśār lō’ yāḇwō’ ’el-miqədāšî ləḵāl-ben-nēḵār ’ăšer bəṯwōḵə bənê yiśərā’ēl:

10 kî ’im-haləwîyim ’ăšer rāḥăqû mē‘ālay biṯə‘wōṯ yiśərā’ēl ’ăšer tā‘û mē‘ālay ’^aḥărê gillûlêhem wənāśə’û ‘ăwōnām:

11 wəhāyû ḇəmiqədāšî məšārəṯîm pəqudwōṯ ’el-š^a‘ărê habayiṯ ûməšārəṯîm ’eṯ-habāyiṯ hēmmâ yišəḥăṭû ’eṯ-hā‘ōlâ wə’eṯ-hazzeḇ^aḥ lā‘ām wəhēmmâ y^a‘aməḏû lifənêhem ləšārəṯām:

12 y^a‘an ’ăšer yəšārəṯû ’wōṯām lifənê ḡillûlêhem wəhāyû ləḇêṯ-yiśərā’ēl ləmiḵəšwōl ‘āwōn ‘al-kēn nāśā’ṯî yāḏî ‘ălêhem nə’um ’ăḏōnāy yəhwih wənāśə’û ‘ăwōnām:

13 wəlō’-yigəšû ’ēlay ləḵahēn lî wəlāḡešeṯ ‘al-kāl-qāḏāšay ’el-qāḏəšê haqqəḏāšîm wənāśə’û kəlimmāṯām wəṯwō‘ăḇwōṯām ’ăšer ‘āśû:

14 wənāṯatî ’wōṯām šōmərê mišəmereṯ habāyiṯ ləḵōl ‘ăḇōḏāṯwō ûləḵōl ’ăšer yē‘āśeh bwō: f

15 wəhakōhănîm haləwîyim bənê ṣāḏwōq ’ăšer šāmərû ’eṯ-mišəmereṯ miqədāšî biṯə‘wōṯ bənê-yiśərā’ēl mē‘ālay hēmmâ yiqərəḇû ’ēlay ləšārəṯēnî wə‘āməḏû ləfānay ləhaqərîḇ lî ḥēleḇ wāḏām nə’um ’ăḏōnāy yəhwih:

16 hēmmâ yāḇō’û ’el-miqədāšî wəhēmmâ yiqərəḇû ’el-šuləḥānî ləšārəṯēnî wəšāmərû ’eṯ-mišəmarətî:

17 wəhāyâ bəḇwō’ām ’el-š^a‘ărê heḥāṣēr hapənîmîṯ biḡəḏê fišətîm yiləbāšû wəlō’-y^a‘ăleh ‘ălêhem ṣemer bəšārəṯām bəš^a‘ărê heḥāṣēr hapənîmîṯ wāḇāyəṯâ:

18 pa’ărê fišətîm yihəyû ‘al-rō’šām ûmiḵənəsê fišətîm yihəyû ‘al-māṯənêhem lō’ y^aḥəgərû bayyāz^a‘:

19 ûḇəṣē’ṯām ’el-heḥāṣēr h^aḥîṣwōnâ ’el-heḥāṣēr h^aḥîṣwōnâ ’el-hā‘ām yifəšəṭû ’eṯ-biḡəḏêhem ’ăšer-hēmmâ məšārəṯim bām wəhinnîḥû ’wōṯām bəlišəḵōṯ haqqōḏeš wəlāḇəšû bəḡāḏîm ’ăḥērîm wəlō’-yəqadəšû ’eṯ-hā‘ām bəḇiḡəḏêhem:

20 wərō’šām lō’ yəḡallēḥû ûfer^a‘ lō’ yəšallēḥû kāswōm yiḵəsəmû ’eṯ-rā’šêhem:

21 wəyayin lō’-yišətû kāl-kōhēn bəḇwō’ām ’el-heḥāṣēr hapənîmîṯ:

22 wə’aləmānâ ûḡərûšâ lō’-yiqəḥû lâem lənāšîm kî ’im-bəṯûlōṯ mizzer^a‘ bêṯ yiśərā’ēl wəhā’aləmānâ ’ăšer tihəyeh ’aləmānâ mikōhēn yiqqāḥû:

23 wə’eṯ-‘ammî ywōrû bên qōḏeš ləḥōl ûḇên-ṭāmē’ ləṭâwōr ywōḏi‘um:

24 wə‘al-rîḇ hēmmâ y^a‘aməḏû lišəpōṭ ləmišəpāṭ bəmišəpāṭay wəšāfəṭuhû yišəpəṭûhû³ wə’eṯ-twōrōṯay wə’eṯ-ḥuqqōṯay bəḵāl-mwō‘ăḏay yišəmōrû wə’eṯ-šabəṯwōṯay yəqadēšû:

25 wə’el-mēṯ ’āḏām lō’ yāḇwō’ ləṭāmə’â kî ’im-lə’āḇ ûlə’ēm ûləḇēn ûləḇaṯ lə’āḥ ûlə’āḥwōṯ ’ăšer-lō’-hāyəṯâ lə’îš yiṭṭammā’û:

26 wə’^aḥărê ṭâŏrāṯwō šiḇə‘aṯ yāmîm yisəpərû-lwō:

27 ûḇəywōm bō’wō ’el-haqqōḏeš ’el-heḥāṣēr hapənîmîṯ ləšārēṯ baqqōḏeš yaqərîḇ ḥaṭṭā’ṯwō nə’um ’ăḏōnāy yəhwih:

28 wəhāyəṯâ lâem lən^aḥălâ ’ănî n^aḥălāṯām wa’ăḥuzzâ lō’-ṯitənû lâem bəyiśərā’ēl ’ănî ’ăḥuzzāṯām:

29 hamminəḥâ wəh^aḥaṭṭā’ṯ wəhā’āšām hēmmâ yō’ḵəlûm wəḵāl-ḥērem bəyiśərā’ēl lâem yihəyeh:

30 wərē’šîṯ kāl-bikûrê ḵōl wəḵāl-tərûmaṯ kōl mikōl tərûmwōṯêḵem lakōhănîm yihəyeh wərē’šîṯ ‘ăriswōṯêḵem titənû lakōhēn ləhānîḥa bərāḵâ ’el-bêṯeḵā:

31 kāl-nəḇēlâ ûṭərēfâ min-hā‘wōf ûmin-habəhēmâ lō’ yō’ḵəlû hakōhănîm: f