Hosea (Hoshea) Chapter 10

‎1 ‏גֶּ֤פֶן בּוֹקֵק֙ יִשְׂרָאֵ֔ל פְּרִ֖י יְשַׁוֶּה־לּ֑וֹ כְּרֹ֣ב לְפִרְי֗וֹ הִרְבָּה֙ לַֽמִּזְבְּח֔וֹת כְּט֣וֹב לְאַרְצ֔וֹ הֵיטִ֖יבוּ מַצֵּבֽוֹת׃

‎2 ‏חָלַ֥ק לִבָּ֖ם עַתָּ֣ה יֶאְשָׁ֑מוּ ה֚וּא יַעֲרֹ֣ף מִזְבְּחוֹתָ֔ם יְשֹׁדֵ֖ד מַצֵּבוֹתָֽם׃

‎3 ‏כִּ֤י עַתָּה֙ יֹֽאמְר֔וּ אֵ֥ין מֶ֖לֶךְ לָ֑נוּ כִּ֣י לֹ֤א יָרֵ֙אנוּ֙ אֶת־יְהוָ֔ה³ וְהַמֶּ֖לֶךְ מַה־יַּֽעֲשֶׂה־לָּֽנוּ׃

‎4 ‏דִּבְּר֣וּ דְבָרִ֔ים אָל֥וֹת שָׁ֖וְא כָּרֹ֣ת בְּרִ֑ית וּפָרַ֤ח כָּרֹאשׁ֙ מִשְׁפָּ֔ט עַ֖ל תַּלְמֵ֥י שָׂדָֽי׃

‎5 ‏לְעֶגְלוֹת֙ בֵּ֣ית אָ֔וֶן יָג֖וּרוּ שְׁכַ֣ן שֹֽׁמְר֑וֹן כִּי־אָבַ֨ל עָלָ֜יו עַמּ֗וֹ וּכְמָרָיו֙ עָלָ֣יו יָגִ֔ילוּ עַל־כְּבוֹד֖וֹ כִּֽי־גָלָ֥ה מִמֶּֽנּוּ׃

‎6 ‏גַּם־אוֹתוֹ֙ לְאַשּׁ֣וּר יוּבָ֔ל מִנְחָ֖ה לְמֶ֣לֶךְ יָרֵ֑ב בָּשְׁנָה֙ אֶפְרַ֣יִם יִקָּ֔ח וְיֵב֥וֹשׁ יִשְׂרָאֵ֖ל מֵעֲצָתֽוֹ׃

‎7 ‏נִדְמֶ֥ה שֹׁמְר֖וֹן מַלְכָּ֑הּ כְּקֶ֖צֶף עַל־פְּנֵי־מָֽיִם׃

‎8 ‏וְנִשְׁמְד֞וּ בָּמ֣וֹת אָ֗וֶן חַטַּאת֙ יִשְׂרָאֵ֔ל ק֣וֹץ וְדַרְדַּ֔ר יַעֲלֶ֖ה עַל־מִזְבְּחוֹתָ֑ם וְאָמְר֤וּ לֶֽהָרִים֙ כַּסּ֔וּנוּ וְלַגְּבָע֖וֹת נִפְל֥וּ עָלֵֽינוּ׃ ס

‎9 ‏מִימֵי֙ הַגִּבְעָ֔ה חָטָ֖אתָ יִשְׂרָאֵ֑ל שָׁ֣ם עָמָ֔דוּ לֹֽא־תַשִּׂיגֵ֧ם בַּגִּבְעָ֛ה מִלְחָמָ֖ה עַל־בְּנֵ֥י עַֽלְוָֽה׃

‎10 ‏בְּאַוָּתִ֖י וְאֶסֳּרֵ֑ם וְאֻסְּפ֤וּ עֲלֵיהֶם֙ עַמִּ֔ים בְּאָסְרָ֖ם לִשְׁתֵּ֥י עינתם עוֹנֹתָֽם׃

‎11 ‏וְאֶפְרַ֜יִם עֶגְלָ֤ה מְלֻמָּדָה֙ אֹהַ֣בְתִּי לָד֔וּשׁ וַאֲנִ֣י עָבַ֔רְתִּי עַל־ט֖וּב צַוָּארָ֑הּ אַרְכִּ֤יב אֶפְרַ֙יִם֙ יַחֲר֣וֹשׁ יְהוּדָ֔ה יְשַׂדֶּד־ל֖וֹ יַעֲקֹֽב׃

‎12 ‏זִרְע֨וּ לָכֶ֤ם לִצְדָקָה֙ קִצְר֣וּ לְפִי־חֶ֔סֶד נִ֥ירוּ לָכֶ֖ם נִ֑יר וְעֵת֙ לִדְר֣וֹשׁ אֶת־יְהוָ֔ה עַד־יָב֕וֹא וְיֹרֶ֥ה צֶ֖דֶק לָכֶֽם׃

‎13 ‏חֲרַשְׁתֶּם־רֶ֛שַׁע עַוְלָ֥תָה קְצַרְתֶּ֖ם אֲכַלְתֶּ֣ם פְּרִי־כָ֑חַשׁ כִּֽי־בָטַ֥חְתָּ בְדַרְכְּךָ֖ בְּרֹ֥ב גִּבּוֹרֶֽיךָ׃

‎14 ‏וְקָ֣אם שָׁאוֹן֮ בְּעַמֶּךָ֒ וְכָל־מִבְצָרֶ֣יךָ יוּשַּׁ֔ד כְּשֹׁ֧ד שַֽׁלְמַ֛ן בֵּ֥ית אַֽרְבֵ֖אל בְּי֣וֹם מִלְחָמָ֑ה אֵ֥ם עַל־בָּנִ֖ים רֻטָּֽשָׁה׃

‎15 ‏כָּ֗כָה עָשָׂ֤ה לָכֶם֙ בֵּֽית־אֵ֔ל מִפְּנֵ֖י רָעַ֣ת רָֽעַתְכֶ֑ם בַּשַּׁ֕חַר נִדְמֹ֥ה נִדְמָ֖ה מֶ֥לֶךְ יִשְׂרָאֵֽל׃

1 gefen bwōqēq yiśərā’ēl pərî yəšaûeh-llwō kərōḇ ləfirəywō hirəbâ lammizəbəḥwōṯ kəṭwōḇ lə’arəṣwō hêṭîḇû maṣṣēḇwōṯ:

2 ḥālaq libām ‘atâ ye’əšāmû hû’ y^a‘ărōf mizəbəḥwōṯām yəšōḏēḏ maṣṣēḇwōṯām:

3 kî ‘atâ yō’mərû ’ên meleḵə lānû kî lō’ yārē’nû ’eṯ-yəhwâ³ wəhammeleḵə mah-yy^a‘ăśeh-llānû:

4 dibərû ḏəḇārîm ’ālwōṯ šāwə’ kārōṯ bərîṯ ûfār^aḥ kārō’š mišəpāṭ ‘al taləmê śāḏāy:

5 lə‘eḡəlwōṯ bêṯ ’āwen yāḡûrû šəḵan šōmərwōn kî-’āḇal ‘ālāyw ‘ammwō ûḵəmārāyw ‘ālāyw yāḡîlû ‘al-kəḇwōḏwō kî-ḡālâ mimmennû:

6 gam-’wōṯwō lə’aššûr yûḇāl minəḥâ ləmeleḵə yārēḇ bāšənâ ’efərayim yiqqāḥ wəyēḇwōš yiśərā’ēl mē‘ăṣāṯwō:

7 niḏəmeh šōmərwōn maləkāh kəqeṣef ‘al-pənê-māyim:

8 wənišəməḏû bāmwōṯ ’āwen ḥaṭṭa’ṯ yiśərā’ēl qwōṣ wəḏarədar y^a‘ăleh ‘al-mizəbəḥwōṯām wə’āmərû lehārîm kassûnû wəlagəḇā‘wōṯ nifəlû ‘ālênû: s

9 mîmê hagiḇə‘â ḥāṭā’ṯā yiśərā’ēl šām ‘āmāḏû lō’-ṯaśśîḡēm bagiḇə‘â miləḥāmâ ‘al-bənê ‘aləwâ:

10 bə’aûāṯî wə’essŏrēm wə’ussəfû ‘ălêhem ‘ammîm bə’āsərām lišətê ‘ênōṯām ‘wōnōṯām:

11 wə’efərayim ‘eḡəlâ məlummāḏâ ’ōhaḇətî lāḏûš wa’ănî ‘āḇarətî ‘al-ṭûḇ ṣaûā’rāh ’arəkîḇ ’efərayim y^aḥărwōš yəhûḏâ yəśadeḏ-lwō y^a‘ăqōḇ:

12 zirə‘û lāḵem liṣəḏāqâ qiṣərû ləfî-ḥeseḏ nîrû lāḵem nîr wə‘ēṯ liḏərwōš ’eṯ-yəhwâ ‘aḏ-yāḇwō’ wəyōreh ṣeḏeq lāḵem:

13 ḥărašətem-reš^a‘ ‘awəlāṯâ qəṣarətem ’ăḵalətem pərî-ḵāḥaš kî-ḇāṭ^aḥətā ḇəḏarəkəḵā bərōḇ gibwōreyḵā:

14 wəqā’m šā’wōn bə‘ammeḵā wəḵāl-miḇəṣāreyḵā yûššaḏ kəšōḏ šaləman bêṯ ’arəḇē’l bəywōm miləḥāmâ ’ēm ‘al-bānîm ruṭṭāšâ:

15 kāḵâ ‘āśâ lāḵem bêṯ-’ēl mipənê rā‘aṯ rā‘aṯəḵem bašš^aḥar niḏəmōh niḏəmâ meleḵə yiśərā’ēl: