Hosea (Hoshea) Chapter 9

‎1 ‏אַל־תִּשְׂמַ֨ח יִשְׂרָאֵ֤ל׀ אֶל־גִּיל֙ כָּֽעַמִּ֔ים כִּ֥י זָנִ֖יתָ מֵעַ֣ל אֱלֹהֶ֑יךָ אָהַ֣בְתָּ אֶתְנָ֔ן עַ֖ל כָּל־גָּרְנ֥וֹת דָּגָֽן׃

‎2 ‏גֹּ֥רֶן וָיֶ֖קֶב לֹ֣א יִרְעֵ֑ם וְתִיר֖וֹשׁ יְכַ֥חֶשׁ בָּֽהּ׃

‎3 ‏לֹ֥א יֵשְׁב֖וּ בְּאֶ֣רֶץ יְהוָ֑ה וְשָׁ֤ב אֶפְרַ֙יִם֙ מִצְרַ֔יִם וּבְאַשּׁ֖וּר טָמֵ֥א יֹאכֵֽלוּ׃

‎4 ‏לֹא־יִסְּכ֨וּ לַיהוָ֥ה׀ יַיִן֮ וְלֹ֣א יֶֽעֶרְבוּ־לוֹ֒ זִבְחֵיהֶ֗ם כְּלֶ֤חֶם אוֹנִים֙ לָהֶ֔ם כָּל־אֹכְלָ֖יו יִטַמָּ֑אוּ¹ כִּֽי־לַחְמָ֣ם לְנַפְשָׁ֔ם לֹ֥א יָב֖וֹא בֵּ֥ית יְהוָֽה׃³

‎5 ‏מַֽה־תַּעֲשׂ֖וּ לְי֣וֹם מוֹעֵ֑ד וּלְי֖וֹם חַג־יְהוָֽה׃

‎6 ‏כִּֽי־הִנֵּ֤ה הָֽלְכוּ֙ מִשֹּׁ֔ד מִצְרַ֥יִם תְּקַבְּצֵ֖ם מֹ֣ף תְּקַבְּרֵ֑ם מַחְמַ֣ד לְכַסְפָּ֗ם קִמּוֹשׂ֙ יִֽירָשֵׁ֔ם ח֖וֹחַ בְּאָהֳלֵיהֶֽם׃

‎7 ‏בָּ֣אוּ׀ יְמֵ֣י הַפְּקֻדָּ֗ה בָּ֚אוּ יְמֵ֣י הַשִׁלֻּ֔ם¹ יֵדְע֖וּ יִשְׂרָאֵ֑ל אֱוִ֣יל הַנָּבִ֗יא מְשֻׁגָּע֙ אִ֣ישׁ הָר֔וּחַ עַ֚ל רֹ֣ב עֲוֹנְךָ֔ וְרַבָּ֖ה מַשְׂטֵמָֽה׃

‎8 ‏צֹפֶ֥ה אֶפְרַ֖יִם עִם־אֱלֹהָ֑י נָבִ֞יא פַּ֤ח יָקוֹשׁ֙ עַל־כָּל־דְּרָכָ֔יו מַשְׂטֵמָ֖ה בְּבֵ֥ית אֱלֹהָֽיו׃

‎9 ‏הֶעְמִֽיקוּ־שִׁחֵ֖תוּ כִּימֵ֣י הַגִּבְעָ֑ה יִזְכּ֣וֹר עֲוֹנָ֔ם יִפְק֖וֹד חַטֹּאותָֽם׃ ס

‎10 ‏כַּעֲנָבִ֣ים בַּמִּדְבָּ֗ר מָצָ֙אתִי֙ יִשְׂרָאֵ֔ל כְּבִכּוּרָ֤ה בִתְאֵנָה֙ בְּרֵ֣אשִׁיתָ֔הּ רָאִ֖יתִי אֲבֽוֹתֵיכֶ֑ם הֵ֜מָּה בָּ֣אוּ בַֽעַל־פְּע֗וֹר וַיִּנָּֽזְרוּ֙ לַבֹּ֔שֶׁת וַיִּהְי֥וּ שִׁקּוּצִ֖ים כְּאָהֳבָֽם׃

‎11 ‏אֶפְרַ֕יִם כָּע֖וֹף יִתְעוֹפֵ֣ף כְּבוֹדָ֑ם מִלֵּדָ֥ה וּמִבֶּ֖טֶן וּמֵהֵרָיֽוֹן׃

‎12 ‏כִּ֤י אִם־יְגַדְּלוּ֙ אֶת־בְּנֵיהֶ֔ם וְשִׁכַּלְתִּ֖ים מֵֽאָדָ֑ם כִּֽי־גַם־א֥וֹי לָהֶ֖ם בְּשׂוּרִ֥י מֵהֶֽם׃

‎13 ‏אֶפְרַ֛יִם כַּאֲשֶׁר־רָאִ֥יתִי לְצ֖וֹר שְׁתוּלָ֣ה בְנָוֶ֑ה וְאֶפְרַ֕יִם לְהוֹצִ֥יא אֶל־הֹרֵ֖ג בָּנָֽיו׃

‎14 ‏תֵּן־לָהֶ֥ם יְהוָ֖ה מַה־תִּתֵּ֑ן תֵּן־לָהֶם֙ רֶ֣חֶם מַשְׁכִּ֔יל וְשָׁדַ֖יִם צֹמְקִֽים׃

‎15 ‏כָּל־רָעָתָ֤ם בַּגִּלְגָּל֙ כִּֽי־שָׁ֣ם שְׂנֵאתִ֔ים עַ֚ל רֹ֣עַ מַֽעַלְלֵיהֶ֔ם מִבֵּיתִ֖י אֲגָרְשֵׁ֑ם לֹ֤א אוֹסֵף֙ אַהֲבָתָ֔ם כָּל־שָׂרֵיהֶ֖ם³ סֹרְרִֽים׃

‎16 ‏הֻכָּ֣ה אֶפְרַ֔יִם שָׁרְשָׁ֥ם יָבֵ֖שׁ פְּרִ֣י בלי־ בַֽל־ יַעֲשׂ֑וּן גַּ֚ם כִּ֣י יֵֽלֵד֔וּן וְהֵמַתִּ֖י מַחֲמַדֵּ֥י בִטְנָֽם׃ ס

‎17 ‏יִמְאָסֵ֣ם אֱלֹהַ֔י כִּ֛י לֹ֥א שָׁמְע֖וּ ל֑וֹ וְיִהְי֥וּ נֹדְדִ֖ים בַּגּוֹיִֽם׃ ס

1 ’al-tiśəm^aḥ yiśərā’ēl| ’el-gîl kā‘ammîm kî zānîṯā mē‘al ’ĕlōheyḵā ’âaḇətā ’eṯənān ‘al kāl-gārənwōṯ dāḡān:

2 gōren wāyeqeḇ lō’ yirə‘ēm wəṯîrwōš yəḵ^aḥeš bāh:

3 lō’ yēšəḇû bə’ereṣ yəhwâ wəšāḇ ’efərayim miṣərayim ûḇə’aššûr ṭāmē’ yō’ḵēlû:

4 lō’-yissəḵû layhwâ| yayin wəlō’ ye‘erəḇû-lwō ziḇəḥêhem kəleḥem ’wōnîm lâem kāl-’ōḵəlāyw yiṭammā’û¹ kî-l^aḥəmām lənafəšām lō’ yāḇwō’ bêṯ yəhwâ:³

5 mah-t^a‘ăśû ləywōm mwō‘ēḏ ûləywōm ḥaḡ-yəhwâ:

6 kî-hinnēh hāləḵû miššōḏ miṣərayim təqabəṣēm mōf təqabərēm m^aḥəmaḏ ləḵasəpām qimmwōś yîrāšēm ḥwōḥa bə’âŏlêhem:

7 bā’û| yəmê hapəqudâ bā’û yəmê hašillum¹ yēḏə‘û yiśərā’ēl ’ĕwîl hannāḇî’ məšugā‘ ’îš hārûḥa ‘al rōḇ ‘ăwōnəḵā wərabâ maśəṭēmâ:

8 ṣōfeh ’efərayim ‘im-’ĕlōhāy nāḇî’ p^aḥ yāqwōš ‘al-kāl-dərāḵāyw maśəṭēmâ bəḇêṯ ’ĕlōhāyw:

9 he‘əmîqû-šiḥēṯû kîmê hagiḇə‘â yizəkwōr ‘ăwōnām yifəqwōḏ ḥaṭṭō’wṯām: s

10 k^a‘ănāḇîm bammiḏəbār māṣā’ṯî yiśərā’ēl kəḇikûrâ ḇiṯə’ēnâ bərē’šîṯāh rā’îṯî ’ăḇwōṯêḵem hēmmâ bā’û ḇ^a‘al-pə‘wōr wayyinnāzərû labōšeṯ wayyihəyû šiqqûṣîm kə’âŏḇām:

11 ’efərayim kā‘wōf yiṯə‘wōfēf kəḇwōḏām millēḏâ ûmibeṭen ûmēhērāywōn:

12 kî ’im-yəḡadəlû ’eṯ-bənêhem wəšikalətîm mē’āḏām kî-ḡam-’wōy lâem bəśûrî mēhem:

13 ’efərayim ka’ăšer-rā’îṯî ləṣwōr šəṯûlâ ḇənāweh wə’efərayim ləhwōṣî’ ’el-hōrēḡ bānāyw:

14 tēn-lâem yəhwâ mah-titēn tēn-lâem reḥem mašəkîl wəšāḏayim ṣōməqîm:

15 kāl-rā‘āṯām bagiləgāl kî-šām śənē’ṯîm ‘al rō‘a m^a‘aləlêhem mibêṯî ’ăḡārəšēm lō’ ’wōsēf ’ahăḇāṯām kāl-śārêhem³ sōrərîm:

16 hukâ ’efərayim šārəšām yāḇēš pərî ḇəlî- ḇal- y^a‘ăśûn gam kî yēlēḏûn wəhēmatî m^aḥămadê ḇiṭənām: s

17 yimə’āsēm ’ĕlōhay kî lō’ šāmə‘û lwō wəyihəyû nōḏəḏîm bagwōyim: s