Nehemiah (Nechemiyah) Chapter 3

‎1 ‏וַיָּ֡קָם אֶלְיָשִׁיב֩ הַכֹּהֵ֨ן הַגָּד֜וֹל וְאֶחָ֣יו הַכֹּהֲנִ֗ים וַיִּבְנוּ֙ אֶת־שַׁ֣עַר הַצֹּ֔אן הֵ֣מָּה קִדְּשׁ֔וּהוּ וַֽיַּעֲמִ֖ידוּ דַּלְתֹתָ֑יו וְעַד־מִגְדַּ֤ל הַמֵּאָה֙ קִדְּשׁ֔וּהוּ עַ֖ד מִגְדַּ֥ל חֲנַנְאֵֽל׃ ס

‎2 ‏וְעַל־יָד֥וֹ בָנ֖וּ אַנְשֵׁ֣י יְרֵח֑וֹ סוְעַל־יָד֣וֹ בָנָ֔ה זַכּ֖וּר בֶּן־אִמְרִֽי׃ ס

‎3 ‏וְאֵת֙ שַׁ֣עַר הַדָּגִ֔ים בָּנ֖וּ בְּנֵ֣י הַסְּנָאָ֑ה הֵ֣מָּה קֵר֔וּהוּ וַֽיַּעֲמִ֙ידוּ֙ דַּלְתֹתָ֔יו מַנְעוּלָ֖יו וּבְרִיחָֽיו׃ ס

‎4 ‏וְעַל־יָדָ֣ם הֶחֱזִ֗יק מְרֵמ֤וֹת בֶּן־אוּרִיָּה֙ בֶּן־הַקּ֔וֹץ סוְעַל־יָדָ֣ם הֶחֱזִ֔יק מְשֻׁלָּ֥ם בֶּן־בֶּרֶכְיָ֖ה בֶּן־מְשֵׁיזַבְאֵ֑ל סוְעַל־יָדָ֣ם הֶֽחֱזִ֔יק צָד֖וֹק בֶּֽן־בַּעֲנָֽא׃ ס

‎5 ‏וְעַל־יָדָ֖ם הֶחֱזִ֣יקוּ הַתְּקוֹעִ֑ים וְאַדִּֽירֵיהֶם֙ לֹא־הֵבִ֣יאוּ צַוָּרָ֔ם בַּעֲבֹדַ֖ת אֲדֹנֵיהֶֽם׃ ס

‎6 ‏וְאֵת֩ שַׁ֨עַר הַיְשָׁנָ֜ה הֶחֱזִ֗יקוּ יֽוֹיָדָע֙ בֶּן־פָּסֵ֔חַ וּמְשֻׁלָּ֖ם בֶּן־בְּסֽוֹדְיָ֑ה הֵ֣מָּה קֵר֔וּהוּ וַֽיַּעֲמִ֙ידוּ֙ דַּלְתֹתָ֔יו וּמַנְעֻלָ֖יו וּבְרִיחָֽיו׃ ס

‎7 ‏וְעַל־יָדָ֨ם הֶחֱזִ֜יק מְלַטְיָ֣ה הַגִּבְעֹנִ֗י וְיָדוֹן֙ הַמֵּרֹ֣נֹתִ֔י אַנְשֵׁ֥י גִבְע֖וֹן וְהַמִּצְפָּ֑ה לְכִסֵּ֕א פַּחַ֖ת עֵ֥בֶר הַנָּהָֽר׃ ס

‎8 ‏עַל־יָד֣וֹ הֶחֱזִ֗יק עֻזִּיאֵ֤ל בֶּֽן־חַרְהֲיָה֙ צֽוֹרְפִ֔ים סוְעַל־יָד֣וֹ הֶחֱזִ֔יק חֲנַנְיָ֖ה בֶּן־הָרַקָּחִ֑ים וַיַּֽעַזְבוּ֙ יְר֣וּשָׁלִַ֔ם עַ֖ד הַחוֹמָ֥ה הָרְחָבָֽה׃ ס

‎9 ‏וְעַל־יָדָ֤ם הֶחֱזִיק֙ רְפָיָ֣ה בֶן־ח֔וּר שַׂ֕ר חֲצִ֖י פֶּ֥לֶךְ יְרוּשָׁלִָֽם׃ ס

‎10 ‏וְעַל־יָדָ֧ם הֶחֱזִ֛יק יְדָיָ֥ה בֶן־חֲרוּמַ֖ף וְנֶ֣גֶד בֵּית֑וֹ סוְעַל־יָד֣וֹ הֶחֱזִ֔יק חַטּ֖וּשׁ בֶּן־חֲשַׁבְנְיָֽה׃

‎11 ‏מִדָּ֣ה שֵׁנִ֗ית הֶחֱזִיק֙ מַלְכִּיָּ֣ה בֶן־חָרִ֔ם וְחַשּׁ֖וּב בֶּן־פַּחַ֣ת מוֹאָ֑ב וְאֵ֖ת מִגְדַּ֥ל הַתַּנּוּרִֽים׃ ס

‎12 ‏וְעַל־יָד֣וֹ הֶחֱזִ֗יק שַׁלּוּם֙ בֶּן־הַלּוֹחֵ֔שׁ שַׂ֕ר חֲצִ֖י פֶּ֣לֶךְ יְרוּשָׁלִָ֑ם ה֖וּא וּבְנוֹתָֽיו׃ ס

‎13 ‏אֵת֩ שַׁ֨עַר הַגַּ֜יְא הֶחֱזִ֣יק חָנוּן֮ וְיֹשְׁבֵ֣י זָנוֹחַ֒ הֵ֣מָּה בָנ֔וּהוּ וַֽיַּעֲמִ֙ידוּ֙ דַּלְתֹתָ֔יו מַנְעֻלָ֖יו וּבְרִיחָ֑יו וְאֶ֤לֶף אַמָּה֙ בַּחוֹמָ֔ה עַ֖ד שַׁ֥עַר הָשֲׁפֽוֹת׃

‎14 ‏וְאֵ֣ת׀ שַׁ֣עַר הָאַשְׁפּ֗וֹת הֶחֱזִיק֙ מַלְכִּיָּ֣ה בֶן־רֵכָ֔ב שַׂ֖ר פֶּ֣לֶךְ בֵּית־הַכָּ֑רֶם ה֣וּא יִבְנֶ֔נּוּ וְיַעֲמִיד֙ דַּלְתֹתָ֔יו מַנְעֻלָ֖יו וּבְרִיחָֽיו׃ ס

‎15 ‏וְאֵת֩ שַׁ֨עַר הָעַ֜יִן הֶ֠חֱזִיק שַׁלּ֣וּן בֶּן־כָּל־חֹזֶה֮ שַׂ֣ר פֶּ֣לֶךְ הַמִּצְפָּה֒ ה֤וּא יִבְנֶ֙נּוּ֙ וִיטַֽלְלֶ֔נּוּ ויעמידו וְיַעֲמִיד֙ דַּלְתֹתָ֔יו מַנְעֻלָ֖יו וּבְרִיחָ֑יו וְ֠אֵת חוֹמַ֞ת בְּרֵכַ֤ת הַשֶּׁ֙לַח֙ לְגַן־הַמֶּ֔לֶךְ וְעַד־הַֽמַּעֲל֔וֹת הַיּוֹרְד֖וֹת מֵעִ֥יר דָּוִֽיד׃ ס

‎16 ‏אַחֲרָ֤יו הֶחֱזִיק֙ נְחֶמְיָ֣ה בֶן־עַזְבּ֔וּק שַׂ֕ר חֲצִ֖י פֶּ֣לֶךְ בֵּֽית־צ֑וּר עַד־נֶ֙גֶד֙ קִבְרֵ֣י דָוִ֔יד וְעַד־הַבְּרֵכָה֙ הָעֲשׂוּיָ֔ה וְעַ֖ד בֵּ֥ית הַגִּבֹּרִֽים׃ ס

‎17 ‏אַחֲרָ֛יו הֶחֱזִ֥יקוּ הַלְוִיִּ֖ם רְח֣וּם בֶּן־בָּנִ֑י עַל־יָד֣וֹ הֶחֱזִ֗יק חֲשַׁבְיָ֛ה שַׂר־חֲצִי־פֶ֥לֶךְ קְעִילָ֖ה לְפִלְכּֽוֹ׃ ס

‎18 ‏אַחֲרָיו֙ הֶחֱזִ֣יקוּ אֲחֵיהֶ֔ם בַּוַּ֖י בֶּן־חֵנָדָ֑ד שַׂ֕ר חֲצִ֖י פֶּ֥לֶךְ קְעִילָֽה׃ ס

‎19 ‏וַיְחַזֵּ֨ק עַל־יָד֜וֹ עֵ֧זֶר בֶּן־יֵשׁ֛וּעַ שַׂ֥ר הַמִּצְפָּ֖ה מִדָּ֣ה שֵׁנִ֑ית מִנֶּ֕גֶד עֲלֹ֥ת הַנֶּ֖שֶׁק הַמִּקְצֹֽעַ׃ ס

‎20 ‏אַחֲרָ֨יו הֶחֱרָ֧ה הֶחֱזִ֛יק בָּר֥וּךְ בֶּן־זבי זַכַּ֖י מִדָּ֣ה שֵׁנִ֑ית מִן־הַ֨מִּקְצ֔וֹעַ עַד־פֶּ֙תַח֙ בֵּ֣ית אֶלְיָשִׁ֔יב הַכֹּהֵ֖ן הַגָּדֽוֹל׃ ס

‎21 ‏אַחֲרָ֣יו הֶחֱזִ֗יק מְרֵמ֧וֹת בֶּן־אוּרִיָּ֛ה בֶּן־הַקּ֖וֹץ מִדָּ֣ה שֵׁנִ֑ית מִפֶּ֙תַח֙ בֵּ֣ית אֶלְיָשִׁ֔יב וְעַד־תַּכְלִ֖ית בֵּ֥ית אֶלְיָשִֽׁיב׃ ס

‎22 ‏וְאַחֲרָ֛יו הֶחֱזִ֥יקוּ הַכֹּהֲנִ֖ים אַנְשֵׁ֥י הַכִּכָּֽר׃

‎23 ‏אַחֲרָ֨יו הֶחֱזִ֧יק בִּנְיָמִ֛ן וְחַשּׁ֖וּב נֶ֣גֶד בֵּיתָ֑ם סאַחֲרָ֣יו הֶחֱזִ֗יק עֲזַרְיָ֧ה בֶן־מַעֲשֵׂיָ֛ה בֶּן־עֲנָֽנְיָ֖ה אֵ֥צֶל בֵּיתֽוֹ׃ ס

‎24 ‏אַחֲרָ֣יו הֶחֱזִ֗יק בִּנּ֛וּי בֶּן־חֵנָדָ֖ד מִדָּ֣ה שֵׁנִ֑ית מִבֵּ֣ית עֲזַרְיָ֔ה עַד־הַמִּקְצ֖וֹעַ וְעַד־הַפִּנָּֽה׃

‎25 ‏פָּלָ֣ל בֶּן־אוּזַי֮ מִנֶּ֣גֶד הַמִּקְצוֹעַ֒ וְהַמִּגְדָּ֗ל הַיּוֹצֵא֙ מִבֵּ֤ית הַמֶּ֙לֶךְ֙ הָֽעֶלְי֔וֹן אֲשֶׁ֖ר לַחֲצַ֣ר הַמַּטָּרָ֑ה אַחֲרָ֖יו פְּדָיָ֥ה בֶן־פַּרְעֹֽשׁ׃ ס

‎26 ‏וְהַ֨נְּתִינִ֔ים הָי֥וּ יֹשְׁבִ֖ים בָּעֹ֑פֶל עַ֠ד נֶ֜גֶד שַׁ֤עַר הַמַּ֙יִם֙ לַמִּזְרָ֔ח וְהַמִּגְדָּ֖ל הַיּוֹצֵֽא׃ ס

‎27 ‏אַחֲרָ֛יו הֶחֱזִ֥יקוּ הַתְּקֹעִ֖ים מִדָּ֣ה שֵׁנִ֑ית מִנֶּ֜גֶד הַמִּגְדָּ֤ל הַגָּדוֹל֙ הַיּוֹצֵ֔א וְעַ֖ד חוֹמַ֥ת הָעֹֽפֶל׃

‎28 ‏מֵעַ֣ל׀ שַׁ֣עַר הַסּוּסִ֗ים הֶחֱזִ֙יקוּ֙ הַכֹּ֣הֲנִ֔ים אִ֖ישׁ לְנֶ֥גֶד בֵּיתֽוֹ׃ ס

‎29 ‏אַחֲרָ֧יו הֶחֱזִ֛יק צָד֥וֹק בֶּן־אִמֵּ֖ר נֶ֣גֶד בֵּית֑וֹ סוְאַחֲרָ֤יו הֶחֱזִיק֙ שְׁמַֽעְיָ֣ה בֶן־שְׁכַנְיָ֔ה שֹׁמֵ֖ר שַׁ֥עַר הַמִּזְרָֽח׃ ס

‎30 ‏אחרי אַחֲרָ֨יו הֶחֱזִ֜יק חֲנַנְיָ֣ה בֶן־שֶׁלֶמְיָ֗ה וְחָנ֧וּן בֶּן־צָלָ֛ף הַשִּׁשִּׁ֖י מִדָּ֣ה שֵׁנִ֑י סאַחֲרָ֣יו הֶחֱזִ֗יק מְשֻׁלָּם֙ בֶּן־בֶּ֣רֶכְיָ֔ה נֶ֖גֶד נִשְׁכָּתֽוֹ׃ ס

‎31 ‏אחרי אַחֲרָ֣יו הֶחֱזִ֗יק מַלְכִּיָּה֙ בֶּן־הַצֹּ֣רְפִ֔י עַד־בֵּ֥ית הַנְּתִינִ֖ים וְהָרֹכְלִ֑ים נֶ֚גֶד שַׁ֣עַר הַמִּפְקָ֔ד וְעַ֖ד עֲלִיַּ֥ת הַפִּנָּֽה׃

‎32 ‏וּבֵ֨ין עֲלִיַּ֤ת הַפִּנָּה֙ לְשַׁ֣עַר הַצֹּ֔אן הֶחֱזִ֥יקוּ הַצֹּרְפִ֖ים וְהָרֹכְלִֽים׃ פ

‎33 ‏וַיְהִ֞י כַּאֲשֶׁ֧ר שָׁמַ֣ע סַנְבַלַּ֗ט כִּֽי־אֲנַ֤חְנוּ בוֹנִים֙ אֶת־הַ֣חוֹמָ֔ה וַיִּ֣חַר ל֔וֹ וַיִּכְעַ֖ס הַרְבֵּ֑ה וַיַּלְעֵ֖ג עַל־הַיְּהוּדִֽים׃

‎34 ‏וַיֹּ֣אמֶר׀ לִפְנֵ֣י אֶחָ֗יו וְחֵיל֙ שֹֽׁמְר֔וֹן וַיֹּ֕אמֶר מָ֛ה הַיְּהוּדִ֥ים הָאֲמֵלָלִ֖ים עֹשִׂ֑ים הֲיַעַזְב֨וּ לָהֶ֤ם הֲיִזְבָּ֙חוּ֙ הַיְכַלּ֣וּ בַיּ֔וֹם הַיְחַיּ֧וּ אֶת־הָאֲבָנִ֛ים מֵעֲרֵמ֥וֹת הֶעָפָ֖ר וְהֵ֥מָּה שְׂרוּפֽוֹת׃

‎35 ‏וְטוֹבִיָּ֥ה הָעַמֹּנִ֖י אֶצְל֑וֹ וַיֹּ֗אמֶר גַּ֚ם אֲשֶׁר־הֵ֣ם בּוֹנִ֔ים אִם־יַעֲלֶ֣ה שׁוּעָ֔ל וּפָרַ֖ץ חוֹמַ֥ת אַבְנֵיהֶֽם׃ פ

‎36 ‏שְׁמַ֤ע אֱלֹהֵ֙ינוּ֙ כִּֽי־הָיִ֣ינוּ בוּזָ֔ה וְהָשֵׁ֥ב חֶרְפָּתָ֖ם אֶל־רֹאשָׁ֑ם וּתְנֵ֥ם לְבִזָּ֖ה בְּאֶ֥רֶץ שִׁבְיָֽה׃

‎37 ‏וְאַל־תְּכַס֙ עַל־עֲוֹנָ֔ם וְחַטָּאתָ֖ם מִלְּפָנֶ֣יךָ אַל־תִּמָּחֶ֑ה כִּ֥י הִכְעִ֖יסוּ לְנֶ֥גֶד הַבּוֹנִֽים׃

‎38 ‏וַנִּבְנֶה֙ אֶת־הַ֣חוֹמָ֔ה וַתִּקָּשֵׁ֥ר כָּל־הַחוֹמָ֖ה עַד־חֶצְיָ֑הּ וַיְהִ֧י לֵ֦ב לָעָ֖ם לַעֲשֽׂוֹת׃ פ

1 wayyāqām ’eləyāšîḇ hakōhēn hagāḏwōl wə’eḥāyw hakōhănîm wayyiḇənû ’eṯ-š^a‘ar haṣṣō’n hēmmâ qidəšûhû wayy^a‘ămîḏû daləṯōṯāyw wə‘aḏ-miḡədal hammē’â qidəšûhû ‘aḏ miḡədal ḥănanə’ēl: s

2 wə‘al-yāḏwō ḇānû ’anəšê yərēḥwō swə‘al-yāḏwō ḇānâ zakûr ben-’imərî: s

3 wə’ēṯ š^a‘ar hadāḡîm bānû bənê hassənā’â hēmmâ qērûhû wayy^a‘ămîḏû daləṯōṯāyw manə‘ûlāyw ûḇərîḥāyw: s

4 wə‘al-yāḏām heḥĕzîq mərēmwōṯ ben-’ûrîyâ ben-haqqwōṣ swə‘al-yāḏām heḥĕzîq məšullām ben-bereḵəyâ ben-məšêzaḇə’ēl swə‘al-yāḏām heḥĕzîq ṣāḏwōq ben-b^a‘ănā’: s

5 wə‘al-yāḏām heḥĕzîqû hatəqwō‘îm wə’adîrêhem lō’-hēḇî’û ṣaûārām b^a‘ăḇōḏaṯ ’ăḏōnêhem: s

6 wə’ēṯ š^a‘ar hayəšānâ heḥĕzîqû ywōyāḏā‘ ben-pāsēḥa ûməšullām ben-bəswōḏəyâ hēmmâ qērûhû wayy^a‘ămîḏû daləṯōṯāyw ûmanə‘ulāyw ûḇərîḥāyw: s

7 wə‘al-yāḏām heḥĕzîq məlaṭəyâ hagiḇə‘ōnî wəyāḏwōn hammērōnōṯî ’anəšê ḡiḇə‘wōn wəhammiṣəpâ ləḵissē’ p^aḥaṯ ‘ēḇer hannâār: s

8 ‘al-yāḏwō heḥĕzîq ‘uzzî’ēl ben-ḥarəhăyâ ṣwōrəfîm swə‘al-yāḏwō heḥĕzîq ḥănanəyâ ben-hāraqqāḥîm wayy^a‘azəḇû yərûšālaim ‘aḏ h^aḥwōmâ hārəḥāḇâ: s

9 wə‘al-yāḏām heḥĕzîq rəfāyâ ḇen-ḥûr śar ḥăṣî peleḵə yərûšālāim: s

10 wə‘al-yāḏām heḥĕzîq yəḏāyâ ḇen-ḥărûmaf wəneḡeḏ bêṯwō swə‘al-yāḏwō heḥĕzîq ḥaṭṭûš ben-ḥăšaḇənəyâ:

11 midâ šēnîṯ heḥĕzîq maləkîyâ ḇen-ḥārim wəḥaššûḇ ben-p^aḥaṯ mwō’āḇ wə’ēṯ miḡədal hatannûrîm: s

12 wə‘al-yāḏwō heḥĕzîq šallûm ben-hallwōḥēš śar ḥăṣî peleḵə yərûšālāim hû’ ûḇənwōṯāyw: s

13 ’ēṯ š^a‘ar hagayə’ heḥĕzîq ḥānûn wəyōšəḇê zānwōḥa hēmmâ ḇānûhû wayy^a‘ămîḏû daləṯōṯāyw manə‘ulāyw ûḇərîḥāyw wə’elef ’ammâ b^aḥwōmâ ‘aḏ š^a‘ar hāšăfwōṯ:

14 wə’ēṯ| š^a‘ar hā’ašəpwōṯ heḥĕzîq maləkîyâ ḇen-rēḵāḇ śar peleḵə bêṯ-hakārem hû’ yiḇənennû wəy^a‘ămîḏ daləṯōṯāyw manə‘ulāyw ûḇərîḥāyw: s

15 wə’ēṯ š^a‘ar hā‘ayin heḥĕzîq šallûn ben-kāl-ḥōzeh śar peleḵə hammiṣəpâ hû’ yiḇənennû wîṭaləlennû wəy^a‘ămîḏû wəy^a‘ămîḏ daləṯōṯāyw manə‘ulāyw ûḇərîḥāyw wə’ēṯ ḥwōmaṯ bərēḵaṯ haššel^aḥ ləḡan-hammeleḵə wə‘aḏ-hamm^a‘ălwōṯ hayywōrəḏwōṯ mē‘îr dāwîḏ: s

16 ’^aḥărāyw heḥĕzîq nəḥeməyâ ḇen-‘azəbûq śar ḥăṣî peleḵə bêṯ-ṣûr ‘aḏ-neḡeḏ qiḇərê ḏāwîḏ wə‘aḏ-habərēḵâ hā‘ăśûyâ wə‘aḏ bêṯ hagibōrîm: s

17 ’^aḥărāyw heḥĕzîqû haləwîyim rəḥûm ben-bānî ‘al-yāḏwō heḥĕzîq ḥăšaḇəyâ śar-ḥăṣî-feleḵə qə‘îlâ ləfiləkwō: s

18 ’^aḥărāyw heḥĕzîqû ’ăḥêhem baûay ben-ḥēnāḏāḏ śar ḥăṣî peleḵə qə‘îlâ: s

19 wayəḥazzēq ‘al-yāḏwō ‘ēzer ben-yēšû‘a śar hammiṣəpâ midâ šēnîṯ minneḡeḏ ‘ălōṯ hannešeq hammiqəṣō‘a: s

20 ’^aḥărāyw heḥĕrâ heḥĕzîq bārûḵə ben-zabay zakay midâ šēnîṯ min-hammiqəṣwō‘a ‘aḏ-peṯ^aḥ bêṯ ’eləyāšîḇ hakōhēn hagāḏwōl: s

21 ’^aḥărāyw heḥĕzîq mərēmwōṯ ben-’ûrîyâ ben-haqqwōṣ midâ šēnîṯ mipeṯ^aḥ bêṯ ’eləyāšîḇ wə‘aḏ-taḵəlîṯ bêṯ ’eləyāšîḇ: s

22 wə’^aḥărāyw heḥĕzîqû hakōhănîm ’anəšê hakikār:

23 ’^aḥărāyw heḥĕzîq binəyāmin wəḥaššûḇ neḡeḏ bêṯām s’^aḥărāyw heḥĕzîq ‘ăzarəyâ ḇen-m^a‘ăśêâ ben-‘ănānəyâ ’ēṣel bêṯwō: s

24 ’^aḥărāyw heḥĕzîq binnûy ben-ḥēnāḏāḏ midâ šēnîṯ mibêṯ ‘ăzarəyâ ‘aḏ-hammiqəṣwō‘a wə‘aḏ-hapinnâ:

25 pālāl ben-’ûzay minneḡeḏ hammiqəṣwō‘a wəhammiḡədāl hayywōṣē’ mibêṯ hammeleḵə hā‘eləywōn ’ăšer l^aḥăṣar hammaṭṭārâ ’^aḥărāyw pəḏāyâ ḇen-parə‘ōš: s

26 wəhannəṯînîm hāyû yōšəḇîm bā‘ōfel ‘aḏ neḡeḏ š^a‘ar hammayim lammizərāḥ wəhammiḡədāl hayywōṣē’: s

27 ’^aḥărāyw heḥĕzîqû hatəqō‘îm midâ šēnîṯ minneḡeḏ hammiḡədāl hagāḏwōl hayywōṣē’ wə‘aḏ ḥwōmaṯ hā‘ōfel:

28 mē‘al| š^a‘ar hassûsîm heḥĕzîqû hakōhănîm ’îš ləneḡeḏ bêṯwō: s

29 ’^aḥărāyw heḥĕzîq ṣāḏwōq ben-’immēr neḡeḏ bêṯwō swə’^aḥărāyw heḥĕzîq šəm^a‘əyâ ḇen-šəḵanəyâ šōmēr š^a‘ar hammizərāḥ: s

30 ’^aḥăray ’^aḥărāyw heḥĕzîq ḥănanəyâ ḇen-šeleməyâ wəḥānûn ben-ṣālāf haššiššî midâ šēnî s’^aḥărāyw heḥĕzîq məšullām ben-bereḵəyâ neḡeḏ nišəkāṯwō: s

31 ’^aḥărê ’^aḥărāyw heḥĕzîq maləkîyâ ben-haṣṣōrəfî ‘aḏ-bêṯ hannəṯînîm wəhārōḵəlîm neḡeḏ š^a‘ar hammifəqāḏ wə‘aḏ ‘ălîyaṯ hapinnâ:

32 ûḇên ‘ălîyaṯ hapinnâ ləš^a‘ar haṣṣō’n heḥĕzîqû haṣṣōrəfîm wəhārōḵəlîm: f

33 wayəhî ka’ăšer šām^a‘ sanəḇallaṭ kî-’ăn^aḥənû ḇwōnîm ’eṯ-h^aḥwōmâ wayyiḥar lwō wayyiḵə‘as harəbēh wayyalə‘ēḡ ‘al-hayyəhûḏîm:

34 wayyō’mer| lifənê ’eḥāyw wəḥêl šōmərwōn wayyō’mer mâ hayyəhûḏîm hā’ămēlālîm ‘ōśîm hăy^a‘azəḇû lâem hăyizəbāḥû hayəḵallû ḇayywōm hayəḥayyû ’eṯ-hā’ăḇānîm mē‘ărēmwōṯ he‘āfār wəhēmmâ śərûfwōṯ:

35 wəṭwōḇîyâ hā‘ammōnî ’eṣəlwō wayyō’mer gam ’ăšer-hēm bwōnîm ’im-y^a‘ăleh šû‘āl ûfāraṣ ḥwōmaṯ ’aḇənêhem: f

36 šəm^a‘ ’ĕlōhênû kî-hāyînû ḇûzâ wəhāšēḇ ḥerəpāṯām ’el-rō’šām ûṯənēm ləḇizzâ bə’ereṣ šiḇəyâ:

37 wə’al-təḵas ‘al-‘ăwōnām wəḥaṭṭā’ṯām milləfāneyḵā ’al-timmāḥeh kî hiḵə‘îsû ləneḡeḏ habwōnîm:

38 wanniḇəneh ’eṯ-h^aḥwōmâ watiqqāšēr kāl-h^aḥwōmâ ‘aḏ-ḥeṣəyāh wayəhî lēḇ lā‘ām l^a‘ăśwōṯ: f