Nehemiah (Nechemiyah) Chapter 4

‎1 ‏וַיְהִ֣י כַאֲשֶׁ֣ר שָׁמַ֣ע סַנְבַלַּ֡ט וְ֠טוֹבִיָּה וְהָעַרְבִ֨ים וְהָעַמֹּנִ֜ים וְהָאַשְׁדּוֹדִ֗ים כִּֽי־עָלְתָ֤ה אֲרוּכָה֙ לְחֹמ֣וֹת יְרוּשָׁלִַ֔ם כִּי־הֵחֵ֥לּוּ הַפְּרֻצִ֖ים לְהִסָּתֵ֑ם וַיִּ֥חַר לָהֶ֖ם מְאֹֽד׃

‎2 ‏וַיִּקְשְׁר֤וּ כֻלָּם֙ יַחְדָּ֔ו לָב֖וֹא לְהִלָּחֵ֣ם בִּירוּשָׁלִָ֑ם וְלַעֲשׂ֥וֹת ל֖וֹ תּוֹעָֽה׃

‎3 ‏וַנִּתְפַּלֵּ֖ל אֶל־אֱלֹהֵ֑ינוּ וַנַּעֲמִ֨יד מִשְׁמָ֧ר עֲלֵיהֶ֛ם יוֹמָ֥ם וָלַ֖יְלָה מִפְּנֵיהֶֽם׃

‎4 ‏וַיֹּ֣אמֶר יְהוּדָ֗ה כָּשַׁל֙ כֹּ֣חַ הַסַּבָּ֔ל וְהֶעָפָ֖ר הַרְבֵּ֑ה וַאֲנַ֙חְנוּ֙ לֹ֣א נוּכַ֔ל לִבְנ֖וֹת בַּחוֹמָֽה׃

‎5 ‏וַיֹּאמְר֣וּ צָרֵ֗ינוּ לֹ֤א יֵדְעוּ֙ וְלֹ֣א יִרְא֔וּ עַ֛ד אֲשֶׁר־נָב֥וֹא אֶל־תּוֹכָ֖ם וַהֲרַגְנ֑וּם וְהִשְׁבַּ֖תְנוּ אֶת־הַמְּלָאכָֽה׃

‎6 ‏וַֽיְהִי֙ כַּאֲשֶׁר־בָּ֣אוּ הַיְּהוּדִ֔ים הַיֹּשְׁבִ֖ים אֶצְלָ֑ם וַיֹּ֤אמְרוּ לָ֙נוּ֙ עֶ֣שֶׂר פְּעָמִ֔ים מִכָּל־הַמְּקֹמ֖וֹת אֲשֶׁר־תָּשׁ֥וּבוּ עָלֵֽינוּ׃

‎7 ‏וָֽאַעֲמִ֞יד מִֽתַּחְתִּיּ֧וֹת לַמָּק֛וֹם מֵאַחֲרֵ֥י לַחוֹמָ֖ה בצחחיים בַּצְּחִיחִ֑ים וָֽאַעֲמִ֤יד אֶת־הָעָם֙ לְמִשְׁפָּח֔וֹת עִם־חַרְבֹתֵיהֶ֛ם רָמְחֵיהֶ֖ם וְקַשְּׁתֹתֵיהֶֽם׃

‎8 ‏וָאֵ֣רֶא וָאָק֗וּם וָאֹמַ֞ר אֶל־הַחֹרִ֤ים וְאֶל־הַסְּגָנִים֙ וְאֶל־יֶ֣תֶר הָעָ֔ם אַל־תִּֽירְא֖וּ מִפְּנֵיהֶ֑ם אֶת־אֲדֹנָ֞י הַגָּד֤וֹל וְהַנּוֹרָא֙ זְכֹ֔רוּ וְהִֽלָּחֲמ֗וּ עַל־אֲחֵיכֶם֙ בְּנֵיכֶ֣ם וּבְנֹתֵיכֶ֔ם נְשֵׁיכֶ֖ם וּבָתֵּיכֶֽם׃ פ

‎9 ‏וַיְהִ֞י כַּֽאֲשֶׁר־שָׁמְע֤וּ אוֹיְבֵ֙ינוּ֙ כִּי־נ֣וֹדַֽע³ לָ֔נוּ וַיָּ֥פֶר הָאֱלֹהִ֖ים אֶת־עֲצָתָ֑ם ונשוב וַנָּ֤שָׁב כֻּלָּ֙נוּ֙ אֶל־הַ֣חוֹמָ֔ה אִ֖ישׁ אֶל־מְלַאכְתּֽוֹ׃

‎10 ‏וַיְהִ֣י׀ מִן־הַיּ֣וֹם הַה֗וּא חֲצִ֣י נְעָרַי֮ עֹשִׂ֣ים בַּמְּלָאכָה֒ וְחֶצְיָ֗ם מַחֲזִיקִים֙ וְהָרְמָחִ֣ים הַמָּגִנִּ֔ים וְהַקְּשָׁת֖וֹת וְהַשִּׁרְיֹנִ֑ים וְהַ֨שָּׂרִ֔ים אַחֲרֵ֖י כָּל־בֵּ֥ית יְהוּדָֽה׃

‎11 ‏הַבּוֹנִ֧ים בַּחוֹמָ֛ה וְהַנֹּשְׂאִ֥ים בַּסֶּ֖בֶל עֹמְשִׂ֑ים בְּאַחַ֤ת יָדוֹ֙ עֹשֶׂ֣ה בַמְּלָאכָ֔ה וְאַחַ֖ת מַחֲזֶ֥קֶת הַשָּֽׁלַח׃

‎12 ‏וְהַ֨בּוֹנִ֔ים אִ֥ישׁ חַרְבּ֛וֹ אֲסוּרִ֥ים עַל־מָתְנָ֖יו וּבוֹנִ֑ים וְהַתּוֹקֵ֥עַ בַּשּׁוֹפָ֖ר אֶצְלִֽי׃

‎13 ‏וָאֹמַ֞ר אֶל־הַחֹרִ֤ים וְאֶל־הַסְּגָנִים֙ וְאֶל־יֶ֣תֶר הָעָ֔ם הַמְּלָאכָ֥ה הַרְבֵּ֖ה וּרְחָבָ֑ה וַאֲנַ֗חְנוּ נִפְרָדִים֙ עַל־הַ֣חוֹמָ֔ה רְחוֹקִ֖ים אִ֥ישׁ מֵאָחִֽיו׃

‎14 ‏בִּמְק֗וֹם אֲשֶׁ֤ר תִּשְׁמְעוּ֙ אֶת־ק֣וֹל הַשּׁוֹפָ֔ר שָׁ֖מָּה תִּקָּבְצ֣וּ אֵלֵ֑ינוּ אֱלֹהֵ֖ינוּ יִלָּ֥חֶם לָֽנוּ׃

‎15 ‏וַאֲנַ֖חְנוּ עֹשִׂ֣ים בַּמְּלָאכָ֑ה וְחֶצְיָ֗ם מַחֲזִיקִים֙ בָּֽרְמָחִ֔ים מֵעֲל֣וֹת הַשַּׁ֔חַר עַ֖ד צֵ֥את הַכּוֹכָבִֽים׃

‎16 ‏גַּ֣ם בָּעֵ֤ת הַהִיא֙ אָמַ֣רְתִּי לָעָ֔ם אִ֣ישׁ וְנַעֲר֔וֹ יָלִ֖ינוּ בְּת֣וֹךְ יְרוּשָׁלִָ֑ם וְהָֽיוּ־לָ֧נוּ הַלַּ֛יְלָה מִשְׁמָ֖ר וְהַיּ֥וֹם מְלָאכָֽה׃

‎17 ‏וְאֵ֨ין אֲנִ֜י וְאַחַ֣י וּנְעָרַ֗י וְאַנְשֵׁ֤י הַמִּשְׁמָר֙ אֲשֶׁ֣ר אַחֲרַ֔י אֵין־אֲנַ֥חְנוּ פֹשְׁטִ֖ים בְּגָדֵ֑ינוּ אִ֖ישׁ שִׁלְח֥וֹ הַמָּֽיִם׃ ס

1 wayəhî ḵa’ăšer šām^a‘ sanəḇallaṭ wəṭwōḇîyâ wəhā‘arəḇîm wəhā‘ammōnîm wəhā’ašədwōḏîm kî-‘āləṯâ ’ărûḵâ ləḥōmwōṯ yərûšālaim kî-hēḥēllû hapəruṣîm ləhissāṯēm wayyiḥar lâem mə’ōḏ:

2 wayyiqəšərû ḵullām y^aḥədāw lāḇwō’ ləhillāḥēm bîrûšālāim wəl^a‘ăśwōṯ lwō twō‘â:

3 wanniṯəpallēl ’el-’ĕlōhênû wann^a‘ămîḏ mišəmār ‘ălêhem ywōmām wālayəlâ mipənêhem:

4 wayyō’mer yəhûḏâ kāšal kōḥa hassabāl wəhe‘āfār harəbēh wa’ăn^aḥənû lō’ nûḵal liḇənwōṯ b^aḥwōmâ:

5 wayyō’mərû ṣārênû lō’ yēḏə‘û wəlō’ yirə’û ‘aḏ ’ăšer-nāḇwō’ ’el-twōḵām wahăraḡənûm wəhišəbaṯənû ’eṯ-hamməlā’ḵâ:

6 wayəhî ka’ăšer-bā’û hayyəhûḏîm hayyōšəḇîm ’eṣəlām wayyō’mərû lānû ‘eśer pə‘āmîm mikāl-hamməqōmwōṯ ’ăšer-tāšûḇû ‘ālênû:

7 wā’^a‘ămîḏ mit^aḥətîywōṯ lammāqwōm mē’^aḥărê l^aḥwōmâ baṣṣəḥiḥîyîm baṣṣəḥîḥîm wā’^a‘ămîḏ ’eṯ-hā‘ām ləmišəpāḥwōṯ ‘im-ḥarəḇōṯêhem rāməḥêhem wəqaššəṯōṯêhem:

8 wā’ēre’ wā’āqûm wā’ōmar ’el-h^aḥōrîm wə’el-hassəḡānîm wə’el-yeṯer hā‘ām ’al-tîrə’û mipənêhem ’eṯ-’ăḏōnāy hagāḏwōl wəhannwōrā’ zəḵōrû wəhillāḥămû ‘al-’ăḥêḵem bənêḵem ûḇənōṯêḵem nəšêḵem ûḇātêḵem: f

9 wayəhî ka’ăšer-šāmə‘û ’wōyəḇênû kî-nwōḏ^a‘³ lānû wayyāfer hā’ĕlōhîm ’eṯ-‘ăṣāṯām wannāšûḇ wannāšāḇ kullānû ’el-h^aḥwōmâ ’îš ’el-məla’ḵətwō:

10 wayəhî| min-hayywōm hahû’ ḥăṣî nə‘āray ‘ōśîm bamməlā’ḵâ wəḥeṣəyām m^aḥăzîqîm wəhārəmāḥîm hammāḡinnîm wəhaqqəšāṯwōṯ wəhašširəyōnîm wəhaśśārîm ’^aḥărê kāl-bêṯ yəhûḏâ:

11 habwōnîm b^aḥwōmâ wəhannōśə’îm basseḇel ‘ōməśîm bə’^aḥaṯ yāḏwō ‘ōśeh ḇamməlā’ḵâ wə’^aḥaṯ m^aḥăzeqeṯ haššāl^aḥ:

12 wəhabwōnîm ’îš ḥarəbwō ’ăsûrîm ‘al-māṯənāyw ûḇwōnîm wəhatwōqē‘a baššwōfār ’eṣəlî:

13 wā’ōmar ’el-h^aḥōrîm wə’el-hassəḡānîm wə’el-yeṯer hā‘ām hamməlā’ḵâ harəbēh ûrəḥāḇâ wa’ăn^aḥənû nifərāḏîm ‘al-h^aḥwōmâ rəḥwōqîm ’îš mē’āḥîw:

14 biməqwōm ’ăšer tišəmə‘û ’eṯ-qwōl haššwōfār šāmmâ tiqqāḇəṣû ’ēlênû ’ĕlōhênû yillāḥem lānû:

15 wa’ăn^aḥənû ‘ōśîm bamməlā’ḵâ wəḥeṣəyām m^aḥăzîqîm bārəmāḥîm mē‘ălwōṯ hašš^aḥar ‘aḏ ṣē’ṯ hakwōḵāḇîm:

16 gam bā‘ēṯ hahî’ ’āmarətî lā‘ām ’îš wən^a‘ărwō yālînû bəṯwōḵə yərûšālāim wəhāyû-lānû hallayəlâ mišəmār wəhayywōm məlā’ḵâ:

17 wə’ên ’ănî wə’^aḥay ûnə‘āray wə’anəšê hammišəmār ’ăšer ’^aḥăray ’ên-’ăn^aḥənû fōšəṭîm bəḡāḏênû ’îš šiləḥwō hammāyim: s