Nehemiah (Nechemiyah) Chapter 7

‎1 ‏וַיְהִ֗י כַּאֲשֶׁ֤ר נִבְנְתָה֙ הַחוֹמָ֔ה וָאַעֲמִ֖יד הַדְּלָת֑וֹת וַיִּפָּ֥קְד֛וּ³ הַשּׁוֹעֲרִ֥ים וְהַמְשֹׁרְרִ֖ים וְהַלְוִיִּֽם׃

‎2 ‏וָאֲצַוֶּ֞ה אֶת־חֲנָ֣נִי אָחִ֗י וְאֶת־חֲנַנְיָ֛ה שַׂ֥ר הַבִּירָ֖ה עַל־יְרוּשָׁלִָ֑ם כִּי־הוּא֙ כְּאִ֣ישׁ אֱמֶ֔ת וְיָרֵ֥א אֶת־הָאֱלֹהִ֖ים מֵרַבִּֽים׃

‎3 ‏ויאמר וָאֹמַ֣ר לָהֶ֗ם לֹ֣א יִפָּֽתְח֞וּ שַׁעֲרֵ֤י יְרוּשָׁלִַ֙ם֙ עַד־חֹ֣ם הַשֶּׁ֔מֶשׁ וְעַ֨ד הֵ֥ם עֹמְדִ֛ים יָגִ֥יפוּ הַדְּלָת֖וֹת וֶאֱחֹ֑זוּ וְהַעֲמֵ֗יד מִשְׁמְרוֹת֙ יֹשְׁבֵ֣י יְרוּשָׁלִַ֔ם אִ֚ישׁ בְּמִשְׁמָר֔וֹ וְאִ֖ישׁ נֶ֥גֶד בֵּיתֽוֹ׃

‎4 ‏וְהָעִ֞יר רַחֲבַ֤ת יָדַ֙יִם֙ וּגְדוֹלָ֔ה וְהָעָ֥ם מְעַ֖ט בְּתוֹכָ֑הּ וְאֵ֥ין בָּתִּ֖ים בְּנוּיִֽם׃

‎5 ‏וַיִּתֵּ֤ן אֱלֹהַי֙ אֶל־לִבִּ֔י וָאֶקְבְּצָ֞ה אֶת־הַחֹרִ֧ים וְאֶת־הַסְּגָנִ֛ים וְאֶת־הָעָ֖ם לְהִתְיַחֵ֑שׂ וָֽאֶמְצָ֗א סֵ֤פֶר הַיַּ֙חַשׂ֙ הָעוֹלִ֣ים בָּרִאשׁוֹנָ֔ה וָאֶמְצָ֖א כָּת֥וּב בּֽוֹ׃ פ

‎6 ‏אֵ֣לֶּה׀ בְּנֵ֣י הַמְּדִינָ֗ה הָעֹלִים֙ מִשְּׁבִ֣י הַגּוֹלָ֔ה אֲשֶׁ֣ר הֶגְלָ֔ה נְבוּכַדְנֶצַּ֖ר מֶ֣לֶךְ בָּבֶ֑ל וַיָּשׁ֧וּבוּ לִֽירוּשָׁלִַ֛ם וְלִיהוּדָ֖ה אִ֥ישׁ לְעִירֽוֹ׃

‎7 ‏הַבָּאִ֣ים עִם־זְרֻבָּבֶ֗ל יֵשׁ֡וּעַ נְחֶמְיָ֡ה עֲ֠זַרְיָה רַֽעַמְיָ֨ה נַחֲמָ֜נִי מָרְדֳּכַ֥י בִּלְשָׁ֛ן מִסְפֶּ֥רֶת בִּגְוַ֖י נְח֣וּם בַּעֲנָ֑ה מִסְפַּ֕ר אַנְשֵׁ֖י עַ֥ם יִשְׂרָאֵֽל׃ ס

‎8 ‏בְּנֵ֣י פַרְעֹ֔שׁ אַלְפַּ֕יִם מֵאָ֖ה וְשִׁבְעִ֥ים וּשְׁנָֽיִם׃ ס

‎9 ‏בְּנֵ֣י שְׁפַטְיָ֔ה שְׁלֹ֥שׁ מֵא֖וֹת שִׁבְעִ֥ים וּשְׁנָֽיִם׃ ס

‎10 ‏בְּנֵ֣י אָרַ֔ח שֵׁ֥שׁ מֵא֖וֹת חֲמִשִּׁ֥ים וּשְׁנָֽיִם׃ ס

‎11 ‏בְּנֵֽי־פַחַ֥ת מוֹאָ֛ב לִבְנֵ֥י יֵשׁ֖וּעַ וְיוֹאָ֑ב אַלְפַּ֕יִם וּשְׁמֹנֶ֥ה מֵא֖וֹת שְׁמֹנָ֥ה עָשָֽׂר׃ ס

‎12 ‏בְּנֵ֣י עֵילָ֔ם אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

‎13 ‏בְּנֵ֣י זַתּ֔וּא שְׁמֹנֶ֥ה מֵא֖וֹת אַרְבָּעִ֥ים וַחֲמִשָּֽׁה׃ ס

‎14 ‏בְּנֵ֣י זַכָּ֔י שְׁבַ֥ע מֵא֖וֹת וְשִׁשִּֽׁים׃ ס

‎15 ‏בְּנֵ֣י בִנּ֔וּי שֵׁ֥שׁ מֵא֖וֹת אַרְבָּעִ֥ים וּשְׁמֹנָֽה׃ ס

‎16 ‏בְּנֵ֣י בֵבָ֔י שֵׁ֥שׁ מֵא֖וֹת עֶשְׂרִ֥ים וּשְׁמֹנָֽה׃ ס

‎17 ‏בְּנֵ֣י עַזְגָּ֔ד אַלְפַּ֕יִם שְׁלֹ֥שׁ מֵא֖וֹת עֶשְׂרִ֥ים וּשְׁנָֽיִם׃ ס

‎18 ‏בְּנֵי֙ אֲדֹ֣נִיקָ֔ם שֵׁ֥שׁ מֵא֖וֹת שִׁשִּׁ֥ים וְשִׁבְעָֽה׃ ס

‎19 ‏בְּנֵ֣י בִגְוָ֔י אַלְפַּ֖יִם שִׁשִּׁ֥ים וְשִׁבְעָֽה׃ ס

‎20 ‏בְּנֵ֣י עָדִ֔ין שֵׁ֥שׁ מֵא֖וֹת חֲמִשִּׁ֥ים וַחֲמִשָּֽׁה׃ ס

‎21 ‏בְּנֵֽי־אָטֵ֥ר לְחִזְקִיָּ֖ה תִּשְׁעִ֥ים וּשְׁמֹנָֽה׃ ס

‎22 ‏בְּנֵ֣י חָשֻׁ֔ם שְׁלֹ֥שׁ מֵא֖וֹת עֶשְׂרִ֥ים וּשְׁמֹנָֽה׃ ס

‎23 ‏בְּנֵ֣י בֵצָ֔י שְׁלֹ֥שׁ מֵא֖וֹת עֶשְׂרִ֥ים וְאַרְבָּעָֽה׃ ס

‎24 ‏בְּנֵ֣י חָרִ֔יף מֵאָ֖ה שְׁנֵ֥ים עָשָֽׂר׃ ס

‎25 ‏בְּנֵ֥י גִבְע֖וֹן³ תִּשְׁעִ֥ים וַחֲמִשָּֽׁה׃ ס

‎26 ‏אַנְשֵׁ֤י בֵֽית־לֶ֙חֶם֙ וּנְטֹפָ֔ה מֵאָ֖ה שְׁמֹנִ֥ים וּשְׁמֹנָֽה׃ ס

‎27 ‏אַנְשֵׁ֣י עֲנָת֔וֹת מֵאָ֖ה עֶשְׂרִ֥ים וּשְׁמֹנָֽה׃ ס

‎28 ‏אַנְשֵׁ֥י בֵית־עַזְמָ֖וֶת אַרְבָּעִ֥ים וּשְׁנָֽיִם׃ ס

‎29 ‏אַנְשֵׁ֨י קִרְיַ֤ת יְעָרִים֙ כְּפִירָ֣ה וּבְאֵר֔וֹת שְׁבַ֥ע מֵא֖וֹת אַרְבָּעִ֥ים וּשְׁלֹשָֽׁה׃ ס

‎30 ‏אַנְשֵׁ֤י הָֽרָמָה֙ וָגָ֔בַע שֵׁ֥שׁ מֵא֖וֹת עֶשְׂרִ֥ים וְאֶחָֽד׃ ס

‎31 ‏אַנְשֵׁ֣י מִכְמָ֔ס מֵאָ֖ה וְעֶשְׂרִ֥ים וּשְׁנָֽיִם׃ ס

‎32 ‏אַנְשֵׁ֤י בֵֽית־אֵל֙ וְהָעָ֔י מֵאָ֖ה עֶשְׂרִ֥ים וּשְׁלֹשָֽׁה׃ ס

‎33 ‏אַנְשֵׁ֥י נְב֛וֹ אַחֵ֖ר חֲמִשִּׁ֥ים וּשְׁנָֽיִם׃ ס

‎34 ‏בְּנֵי֙ עֵילָ֣ם אַחֵ֔ר אֶ֕לֶף מָאתַ֖יִם חֲמִשִּׁ֥ים וְאַרְבָּעָֽה׃ ס

‎35 ‏בְּנֵ֣י חָרִ֔ם שְׁלֹ֥שׁ מֵא֖וֹת וְעֶשְׂרִֽים׃ ס

‎36 ‏בְּנֵ֣י יְרֵח֔וֹ שְׁלֹ֥שׁ מֵא֖וֹת אַרְבָּעִ֥ים וַחֲמִשָּֽׁה׃ ס

‎37 ‏בְּנֵי־לֹד֙ חָדִ֣יד וְאוֹנ֔וֹ שְׁבַ֥ע מֵא֖וֹת וְעֶשְׂרִ֥ים וְאֶחָֽד׃ ס

‎38 ‏בְּנֵ֣י סְנָאָ֔ה שְׁלֹ֣שֶׁת אֲלָפִ֔ים תְּשַׁ֥ע מֵא֖וֹת וּשְׁלֹשִֽׁים׃ פ

‎39 ‏הַֽכֹּהֲנִ֑ים בְּנֵ֤י יְדַֽעְיָה֙ לְבֵ֣ית יֵשׁ֔וּעַ תְּשַׁ֥ע מֵא֖וֹת שִׁבְעִ֥ים וּשְׁלֹשָֽׁה׃ ס

‎40 ‏בְּנֵ֣י אִמֵּ֔ר אֶ֖לֶף חֲמִשִּׁ֥ים וּשְׁנָֽיִם׃ ס

‎41 ‏בְּנֵ֣י פַשְׁח֔וּר אֶ֕לֶף מָאתַ֖יִם אַרְבָּעִ֥ים וְשִׁבְעָֽה׃ ס

‎42 ‏בְּנֵ֣י חָרִ֔ם אֶ֖לֶף שִׁבְעָ֥ה עָשָֽׂר׃ פ

‎43 ‏הַלְוִיִּ֑ם בְּנֵֽי־יֵשׁ֧וּעַ לְקַדְמִיאֵ֛ל לִבְנֵ֥י לְהוֹדְוָ֖ה שִׁבְעִ֥ים וְאַרְבָּעָֽה׃ ס

‎44 ‏הַֽמְשֹׁרְרִ֑ים בְּנֵ֣י אָסָ֔ף מֵאָ֖ה אַרְבָּעִ֥ים וּשְׁמֹנָֽה׃ ס

‎45 ‏הַשֹּֽׁעֲרִ֗ים בְּנֵֽי־שַׁלּ֤וּם בְּנֵֽי־אָטֵר֙ בְּנֵֽי־טַלְמֹ֣ן בְּנֵֽי־עַקּ֔וּב בְּנֵ֥י חֲטִיטָ֖א בְּנֵ֣י שֹׁבָ֑י מֵאָ֖ה שְׁלֹשִׁ֥ים וּשְׁמֹנָֽה׃ ס

‎46 ‏הַנְּתִינִ֑ים בְּנֵי־צִחָ֥א בְנֵי־חֲשֻׂפָ֖א בְּנֵ֥י טַבָּעֽוֹת׃

‎47 ‏בְּנֵי־קֵירֹ֥ס בְּנֵי־סִיעָ֖א בְּנֵ֥י פָדֽוֹן׃

‎48 ‏בְּנֵי־לְבָנָ֥ה בְנֵי־חֲגָבָ֖ה בְּנֵ֥י שַׁלְמָֽי׃

‎49 ‏בְּנֵי־חָנָ֥ן בְּנֵי־גִדֵּ֖ל בְּנֵי־גָֽחַר׃

‎50 ‏בְּנֵי־רְאָיָ֥ה בְנֵי־רְצִ֖ין בְּנֵ֥י נְקוֹדָֽא׃

‎51 ‏בְּנֵי־גַזָּ֥ם בְּנֵי־עֻזָּ֖א בְּנֵ֥י פָסֵֽחַ׃

‎52 ‏בְּנֵי־בֵסַ֥י בְּנֵי־מְעוּנִ֖ים בְּנֵ֥י נפושסים נְפִֽישְׁסִֽים׃

‎53 ‏בְּנֵי־בַקְבּ֥וּק בְּנֵֽי־חֲקוּפָ֖א בְּנֵ֥י חַרְחֽוּר׃

‎54 ‏בְּנֵי־בַצְלִ֥ית בְּנֵֽי־מְחִידָ֖א בְּנֵ֥י חַרְשָֽׁא׃

‎55 ‏בְּנֵי־בַרְק֥וֹס בְּֽנֵי־סִֽיסְרָ֖א בְּנֵי־תָֽמַח׃

‎56 ‏בְּנֵ֥י נְצִ֖יחַ בְּנֵ֥י חֲטִיפָֽא׃

‎57 ‏בְּנֵ֖י עַבְדֵ֣י שְׁלֹמֹ֑ה בְּנֵי־סוֹטַ֥י בְּנֵי־סוֹפֶ֖רֶת בְּנֵ֥י פְרִידָֽא׃

‎58 ‏בְּנֵי־יַעְלָ֥א בְנֵי־דַרְק֖וֹן בְּנֵ֥י גִדֵּֽל׃

‎59 ‏בְּנֵ֧י שְׁפַטְיָ֣ה בְנֵֽי־חַטִּ֗יל בְּנֵ֛י פֹּכֶ֥רֶת הַצְּבָיִ֖ים בְּנֵ֥י אָמֽוֹן׃

‎60 ‏כָּל־הַ֨נְּתִינִ֔ים וּבְנֵ֖י עַבְדֵ֣י שְׁלֹמֹ֑ה שְׁלֹ֥שׁ מֵא֖וֹת תִּשְׁעִ֥ים וּשְׁנָֽיִם׃ פ

‎61 ‏וְאֵ֗לֶּה הָעוֹלִים֙³ מִתֵּ֥ל מֶ֙לַח֙ תֵּ֣ל חַרְשָׁ֔א כְּר֥וּב אַדּ֖וֹן וְאִמֵּ֑ר וְלֹ֣א יָכְל֗וּ לְהַגִּ֤יד בֵּית־אֲבוֹתָם֙ וְזַרְעָ֔ם אִ֥ם מִיִּשְׂרָאֵ֖ל הֵֽם׃

‎62 ‏בְּנֵי־דְלָיָ֥ה בְנֵֽי־טוֹבִיָּ֖ה בְּנֵ֣י נְקוֹדָ֑א שֵׁ֥שׁ מֵא֖וֹת וְאַרְבָּעִ֥ים וּשְׁנָֽיִם׃ ס

‎63 ‏וּמִן־הַכֹּ֣הֲנִ֔ים בְּנֵ֥י חֳבַיָּ֖ה בְּנֵ֣י הַקּ֑וֹץ בְּנֵ֣י בַרְזִלַּ֗י אֲשֶׁ֣ר לָ֠קַח מִבְּנ֞וֹת בַּרְזִלַּ֤י הַגִּלְעָדִי֙ אִשָּׁ֔ה וַיִּקָּרֵ֖א עַל־שְׁמָֽם׃

‎64 ‏אֵ֗לֶּה בִּקְשׁ֧וּ כְתָבָ֛ם הַמִּתְיַחְשִׂ֖ים וְלֹ֣א נִמְצָ֑א וַיְגֹֽאֲל֖וּ מִן־הַכְּהֻנָּֽה׃

‎65 ‏וַיֹּ֤אמֶר הַתִּרְשָׁ֙תָא֙ לָהֶ֔ם אֲשֶׁ֥ר לֹא־יֹאכְל֖וּ מִקֹּ֣דֶשׁ הַקֳּדָשִׁ֑ים עַ֛ד עֲמֹ֥ד הַכֹּהֵ֖ן לְאוּרִ֥ים וְתוּמִּֽים׃

‎66 ‏כָּל־הַקָּהָ֖ל כְּאֶחָ֑ד אַרְבַּ֣ע רִבּ֔וֹא אַלְפַּ֖יִם שְׁלֹשׁ־מֵא֥וֹת וְשִׁשִּֽׁים׃

‎67 ‏מִ֠לְּבַד עַבְדֵיהֶ֤ם וְאַמְהֹֽתֵיהֶם֙ אֵ֔לֶּה שִׁבְעַ֣ת אֲלָפִ֔ים שְׁלֹ֥שׁ מֵא֖וֹת שְׁלֹשִׁ֣ים וְשִׁבְעָ֑ה וְלָהֶ֗ם מְשֹֽׁרֲרִים֙ וּמְשֹׁ֣רֲר֔וֹת מָאתַ֖יִם וְאַרְבָּעִ֥ים וַחֲמִשָּֽׁה׃ ס

‎68 ‏גְּמַלִּ֕ים אַרְבַּ֥ע מֵא֖וֹת שְׁלֹשִׁ֣ים וַחֲמִשָּׁ֑ה סחֲמֹרִ֕ים שֵׁ֣שֶׁת אֲלָפִ֔ים שְׁבַ֥ע מֵא֖וֹת וְעֶשְׂרִֽים׃

‎69 ‏וּמִקְצָת֙ רָאשֵׁ֣י הָֽאָב֔וֹת נָתְנ֖וּ לַמְּלָאכָ֑ה הַתִּרְשָׁ֜תָא נָתַ֣ן לָאוֹצָ֗ר זָהָ֞ב דַּרְכְּמֹנִ֥ים אֶ֙לֶף֙ מִזְרָק֣וֹת חֲמִשִּׁ֔ים כָּתְנוֹת֙ כֹּֽהֲנִ֔ים שְׁלֹשִׁ֖ים וַחֲמֵ֥שׁ מֵאֽוֹת׃

‎70 ‏וּמֵֽרָאשֵׁ֣י הָֽאָב֗וֹת נָֽתְנוּ֙ לְאוֹצַ֣ר הַמְּלָאכָ֔ה זָהָ֕ב דַּרְכְּמוֹנִ֖ים שְׁתֵּ֣י רִבּ֑וֹת וְכֶ֕סֶף מָנִ֖ים אַלְפַּ֥יִם וּמָאתָֽיִם׃

‎71 ‏וַאֲשֶׁ֣ר נָתְנוּ֮ שְׁאֵרִ֣ית הָעָם֒ זָהָ֗ב דַּרְכְּמוֹנִים֙ שְׁתֵּ֣י רִבּ֔וֹא וְכֶ֖סֶף מָנִ֣ים אַלְפָּ֑יִם וְכָתְנֹ֥ת כֹּֽהֲנִ֖ים שִׁשִּׁ֥ים וְשִׁבְעָֽה׃ פ

‎72 ‏וַיֵּשְׁב֣וּ הַכֹּהֲנִ֣ים וְהַלְוִיִּ֡ם וְהַשּׁוֹעֲרִים֩ וְהַמְשֹׁרְרִ֨ים וּמִן־הָעָ֧ם וְהַנְּתִינִ֛ים וְכָל־יִשְׂרָאֵ֖ל בְּעָרֵיהֶ֑ם וַיִּגַּע֙ הַחֹ֣דֶשׁ הַשְּׁבִיעִ֔י וּבְנֵ֥י יִשְׂרָאֵ֖ל בְּעָרֵיהֶֽם׃

1 wayəhî ka’ăšer niḇənəṯâ h^aḥwōmâ wā’^a‘ămîḏ hadəlāṯwōṯ wayyipāqəḏû³ haššwō‘ărîm wəhaməšōrərîm wəhaləwîyim:

2 wā’ăṣaûeh ’eṯ-ḥănānî ’āḥî wə’eṯ-ḥănanəyâ śar habîrâ ‘al-yərûšālāim kî-hû’ kə’îš ’ĕmeṯ wəyārē’ ’eṯ-hā’ĕlōhîm mērabîm:

3 wayyō’mer wā’ōmar lâem lō’ yipāṯəḥû š^a‘ărê yərûšālaim ‘aḏ-ḥōm haššemeš wə‘aḏ hēm ‘ōməḏîm yāḡîfû hadəlāṯwōṯ we’ĕḥōzû wəh^a‘ămêḏ mišəmərwōṯ yōšəḇê yərûšālaim ’îš bəmišəmārwō wə’îš neḡeḏ bêṯwō:

4 wəhā‘îr r^aḥăḇaṯ yāḏayim ûḡəḏwōlâ wəhā‘ām mə‘aṭ bəṯwōḵāh wə’ên bātîm bənûyim:

5 wayyitēn ’ĕlōhay ’el-libî wā’eqəbəṣâ ’eṯ-h^aḥōrîm wə’eṯ-hassəḡānîm wə’eṯ-hā‘ām ləhiṯəy^aḥēś wā’eməṣā’ sēfer hayy^aḥaś hā‘wōlîm bāri’šwōnâ wā’eməṣā’ kāṯûḇ bwō: f

6 ’ēlleh| bənê hamməḏînâ hā‘ōlîm miššəḇî hagwōlâ ’ăšer heḡəlâ nəḇûḵaḏəneṣṣar meleḵə bāḇel wayyāšûḇû lîrûšālaim wəlîhûḏâ ’îš lə‘îrwō:

7 habā’îm ‘im-zərubāḇel yēšû‘a nəḥeməyâ ‘ăzarəyâ r^a‘aməyâ n^aḥămānî mārədŏḵay biləšān misəpereṯ biḡəway nəḥûm b^a‘ănâ misəpar ’anəšê ‘am yiśərā’ēl: s

8 bənê farə‘ōš ’aləpayim mē’â wəšiḇə‘îm ûšənāyim: s

9 bənê šəfaṭəyâ šəlōš mē’wōṯ šiḇə‘îm ûšənāyim: s

10 bənê ’ār^aḥ šēš mē’wōṯ ḥămiššîm ûšənāyim: s

11 bənê-f^aḥaṯ mwō’āḇ liḇənê yēšû‘a wəywō’āḇ ’aləpayim ûšəmōneh mē’wōṯ šəmōnâ ‘āśār: s

12 bənê ‘êlām ’elef mā’ṯayim ḥămiššîm wə’arəbā‘â: s

13 bənê zatû’ šəmōneh mē’wōṯ ’arəbā‘îm w^aḥămiššâ: s

14 bənê zakāy šəḇ^a‘ mē’wōṯ wəšiššîm: s

15 bənê ḇinnûy šēš mē’wōṯ ’arəbā‘îm ûšəmōnâ: s

16 bənê ḇēḇāy šēš mē’wōṯ ‘eśərîm ûšəmōnâ: s

17 bənê ‘azəgāḏ ’aləpayim šəlōš mē’wōṯ ‘eśərîm ûšənāyim: s

18 bənê ’ăḏōnîqām šēš mē’wōṯ šiššîm wəšiḇə‘â: s

19 bənê ḇiḡəwāy ’aləpayim šiššîm wəšiḇə‘â: s

20 bənê ‘āḏîn šēš mē’wōṯ ḥămiššîm w^aḥămiššâ: s

21 bənê-’āṭēr ləḥizəqîyâ tišə‘îm ûšəmōnâ: s

22 bənê ḥāšum šəlōš mē’wōṯ ‘eśərîm ûšəmōnâ: s

23 bənê ḇēṣāy šəlōš mē’wōṯ ‘eśərîm wə’arəbā‘â: s

24 bənê ḥārîf mē’â šənêm ‘āśār: s

25 bənê ḡiḇə‘wōn³ tišə‘îm w^aḥămiššâ: s

26 ’anəšê ḇêṯ-leḥem ûnəṭōfâ mē’â šəmōnîm ûšəmōnâ: s

27 ’anəšê ‘ănāṯwōṯ mē’â ‘eśərîm ûšəmōnâ: s

28 ’anəšê ḇêṯ-‘azəmāweṯ ’arəbā‘îm ûšənāyim: s

29 ’anəšê qirəyaṯ yə‘ārîm kəfîrâ ûḇə’ērwōṯ šəḇ^a‘ mē’wōṯ ’arəbā‘îm ûšəlōšâ: s

30 ’anəšê hārāmâ wāḡāḇ^a‘ šēš mē’wōṯ ‘eśərîm wə’eḥāḏ: s

31 ’anəšê miḵəmās mē’â wə‘eśərîm ûšənāyim: s

32 ’anəšê ḇêṯ-’ēl wəhā‘āy mē’â ‘eśərîm ûšəlōšâ: s

33 ’anəšê nəḇwō ’^aḥēr ḥămiššîm ûšənāyim: s

34 bənê ‘êlām ’^aḥēr ’elef mā’ṯayim ḥămiššîm wə’arəbā‘â: s

35 bənê ḥārim šəlōš mē’wōṯ wə‘eśərîm: s

36 bənê yərēḥwō šəlōš mē’wōṯ ’arəbā‘îm w^aḥămiššâ: s

37 bənê-lōḏ ḥāḏîḏ wə’wōnwō šəḇ^a‘ mē’wōṯ wə‘eśərîm wə’eḥāḏ: s

38 bənê sənā’â šəlōšeṯ ’ălāfîm təš^a‘ mē’wōṯ ûšəlōšîm: f

39 hakōhănîm bənê yəḏ^a‘əyâ ləḇêṯ yēšû‘a təš^a‘ mē’wōṯ šiḇə‘îm ûšəlōšâ: s

40 bənê ’immēr ’elef ḥămiššîm ûšənāyim: s

41 bənê fašəḥûr ’elef mā’ṯayim ’arəbā‘îm wəšiḇə‘â: s

42 bənê ḥārim ’elef šiḇə‘â ‘āśār: f

43 haləwîyim bənê-yēšû‘a ləqaḏəmî’ēl liḇənê ləhwōḏəwâ šiḇə‘îm wə’arəbā‘â: s

44 haməšōrərîm bənê ’āsāf mē’â ’arəbā‘îm ûšəmōnâ: s

45 haššō‘ărîm bənê-šallûm bənê-’āṭēr bənê-ṭaləmōn bənê-‘aqqûḇ bənê ḥăṭîṭā’ bənê šōḇāy mē’â šəlōšîm ûšəmōnâ: s

46 hannəṯînîm bənê-ṣiḥā’ ḇənê-ḥăśufā’ bənê ṭabā‘wōṯ:

47 bənê-qêrōs bənê-sî‘ā’ bənê fāḏwōn:

48 bənê-ləḇānâ ḇənê-ḥăḡāḇâ bənê šaləmāy:

49 bənê-ḥānān bənê-ḡidēl bənê-ḡāḥar:

50 bənê-rə’āyâ ḇənê-rəṣîn bənê nəqwōḏā’:

51 bənê-ḡazzām bənê-‘uzzā’ bənê fāsēḥa:

52 bənê-ḇēsay bənê-mə‘ûnîm bənê nəfûšəsîm nəfîšəsîm:

53 bənê-ḇaqəbûq bənê-ḥăqûfā’ bənê ḥarəḥûr:

54 bənê-ḇaṣəlîṯ bənê-məḥîḏā’ bənê ḥarəšā’:

55 bənê-ḇarəqwōs bənê-sîsərā’ bənê-ṯām^aḥ:

56 bənê nəṣîḥa bənê ḥăṭîfā’:

57 bənê ‘aḇəḏê šəlōmōh bənê-swōṭay bənê-swōfereṯ bənê fərîḏā’:

58 bənê-y^a‘əlā’ ḇənê-ḏarəqwōn bənê ḡidēl:

59 bənê šəfaṭəyâ ḇənê-ḥaṭṭîl bənê pōḵereṯ haṣṣəḇāyîm bənê ’āmwōn:

60 kāl-hannəṯînîm ûḇənê ‘aḇəḏê šəlōmōh šəlōš mē’wōṯ tišə‘îm ûšənāyim: f

61 wə’ēlleh hā‘wōlîm³ mitēl mel^aḥ tēl ḥarəšā’ kərûḇ ’adwōn wə’immēr wəlō’ yāḵəlû ləhagîḏ bêṯ-’ăḇwōṯām wəzarə‘ām ’im mîyiśərā’ēl hēm:

62 bənê-ḏəlāyâ ḇənê-ṭwōḇîyâ bənê nəqwōḏā’ šēš mē’wōṯ wə’arəbā‘îm ûšənāyim: s

63 ûmin-hakōhănîm bənê ḥŏḇayyâ bənê haqqwōṣ bənê ḇarəzillay ’ăšer lāq^aḥ mibənwōṯ barəzillay hagilə‘āḏî ’iššâ wayyiqqārē’ ‘al-šəmām:

64 ’ēlleh biqəšû ḵəṯāḇām hammiṯəy^aḥəśîm wəlō’ niməṣā’ wayəḡō’ălû min-hakəhunnâ:

65 wayyō’mer hatirəšāṯā’ lâem ’ăšer lō’-yō’ḵəlû miqqōḏeš haqqŏḏāšîm ‘aḏ ‘ămōḏ hakōhēn lə’ûrîm wəṯûmmîm:

66 kāl-haqqâāl kə’eḥāḏ ’arəb^a‘ ribwō’ ’aləpayim šəlōš-mē’wōṯ wəšiššîm:

67 milləḇaḏ ‘aḇəḏêhem wə’aməhōṯêhem ’ēlleh šiḇə‘aṯ ’ălāfîm šəlōš mē’wōṯ šəlōšîm wəšiḇə‘â wəlâem məšōrărîm ûməšōrărwōṯ mā’ṯayim wə’arəbā‘îm w^aḥămiššâ: s

68 gəmallîm ’arəb^a‘ mē’wōṯ šəlōšîm w^aḥămiššâ sḥămōrîm šēšeṯ ’ălāfîm šəḇ^a‘ mē’wōṯ wə‘eśərîm:

69 ûmiqəṣāṯ rā’šê hā’āḇwōṯ nāṯənû lamməlā’ḵâ hatirəšāṯā’ nāṯan lā’wōṣār zâāḇ darəkəmōnîm ’elef mizərāqwōṯ ḥămiššîm kāṯənwōṯ kōhănîm šəlōšîm w^aḥămēš mē’wōṯ:

70 ûmērā’šê hā’āḇwōṯ nāṯənû lə’wōṣar hamməlā’ḵâ zâāḇ darəkəmwōnîm šətê ribwōṯ wəḵesef mānîm ’aləpayim ûmā’ṯāyim:

71 wa’ăšer nāṯənû šə’ērîṯ hā‘ām zâāḇ darəkəmwōnîm šətê ribwō’ wəḵesef mānîm ’aləpāyim wəḵāṯənōṯ kōhănîm šiššîm wəšiḇə‘â: f

72 wayyēšəḇû hakōhănîm wəhaləwîyim wəhaššwō‘ărîm wəhaməšōrərîm ûmin-hā‘ām wəhannəṯînîm wəḵāl-yiśərā’ēl bə‘ārêhem wayyig^a‘ h^aḥōḏeš haššəḇî‘î ûḇənê yiśərā’ēl bə‘ārêhem: