1 Samuel (1 Shmuel) Chapter 3

‎1 ‏וְהַנַּ֧עַר שְׁמוּאֵ֛ל מְשָׁרֵ֥ת אֶת־יְהוָ֖ה לִפְנֵ֣י עֵלִ֑י וּדְבַר־יְהוָ֗ה הָיָ֤ה יָקָר֙ בַּיָּמִ֣ים הָהֵ֔ם אֵ֥ין חָז֖וֹן נִפְרָֽץ׃ ס

‎2 ‏וַֽיְהִי֙ בַּיּ֣וֹם הַה֔וּא וְעֵלִ֖י שֹׁכֵ֣ב בִּמְקֹמ֑וֹ¹ ועינו וְעֵינָיו֙ הֵחֵ֣לּוּ כֵה֔וֹת לֹ֥א יוּכַ֖ל לִרְאֽוֹת׃

‎3 ‏וְנֵ֤ר אֱלֹהִים֙ טֶ֣רֶם יִכְבֶּ֔ה וּשְׁמוּאֵ֖ל שֹׁכֵ֑ב בְּהֵיכַ֣ל יְהוָ֔ה אֲשֶׁר־שָׁ֖ם אֲר֥וֹן אֱלֹהִֽים׃ פ

‎4 ‏וַיִּקְרָ֧א יְהוָ֛ה אֶל־שְׁמוּאֵ֖ל וַיֹּ֥אמֶר הִנֵּֽנִי׃

‎5 ‏וַיָּ֣רָץ אֶל־עֵלִ֗י וַיֹּ֤אמֶר הִנְנִי֙ כִּֽי־קָרָ֣אתָ לִּ֔י וַיֹּ֥אמֶר לֹֽא־קָרָ֖אתִי שׁ֣וּב שְׁכָ֑ב וַיֵּ֖לֶךְ וַיִּשְׁכָּֽב׃ ס

‎6 ‏וַיֹּ֣סֶף יְהוָ֗ה קְרֹ֣א עוֹד֮ שְׁמוּאֵל֒ וַיָּ֤קָם שְׁמוּאֵל֙ וַיֵּ֣לֶךְ אֶל־עֵלִ֔י וַיֹּ֣אמֶר הִנְנִ֔י כִּ֥י קָרָ֖אתָ לִ֑י וַיֹּ֛אמֶר לֹֽא־קָרָ֥אתִי בְנִ֖י שׁ֥וּב שְׁכָֽב׃

‎7 ‏וּשְׁמוּאֵ֕ל טֶ֖רֶם יָדַ֣ע אֶת־יְהוָ֑ה וְטֶ֛רֶם יִגָּלֶ֥ה אֵלָ֖יו דְּבַר־יְהוָֽה׃

‎8 ‏וַיֹּ֨סֶף יְהוָ֥ה קְרֹא־שְׁמוּאֵל֮ בַּשְּׁלִשִׁית֒ וַיָּ֙קָם֙ וַיֵּ֣לֶךְ אֶל־עֵלִ֔י וַיֹּ֣אמֶר הִנְנִ֔י כִּ֥י קָרָ֖אתָ לִ֑י וַיָּ֣בֶן עֵלִ֔י כִּ֥י יְהוָ֖ה קֹרֵ֥א לַנָּֽעַר׃

‎9 ‏וַיֹּ֨אמֶר עֵלִ֣י לִשְׁמוּאֵל֮ לֵ֣ךְ שְׁכָב֒ וְהָיָה֙ אִם־יִקְרָ֣א אֵלֶ֔יךָ וְאָֽמַרְתָּ֙ דַּבֵּ֣ר יְהוָ֔ה כִּ֥י שֹׁמֵ֖עַ עַבְדֶּ֑ךָ וַיֵּ֣לֶךְ שְׁמוּאֵ֔ל וַיִּשְׁכַּ֖ב בִּמְקוֹמֽוֹ׃

‎10 ‏וַיָּבֹ֤א יְהוָה֙ וַיִּתְיַצַּ֔ב וַיִּקְרָ֥א כְפַֽעַם־בְּפַ֖עַם שְׁמוּאֵ֣ל׀ שְׁמוּאֵ֑ל וַיֹּ֤אמֶר שְׁמוּאֵל֙ דַּבֵּ֔ר כִּ֥י שֹׁמֵ֖עַ עַבְדֶּֽךָ׃ פ

‎11 ‏וַיֹּ֤אמֶר יְהוָה֙ אֶל־שְׁמוּאֵ֔ל הִנֵּ֧ה אָנֹכִ֛י עֹשֶׂ֥ה דָבָ֖ר בְּיִשְׂרָאֵ֑ל אֲשֶׁר֙ כָּל־שֹׁ֣מְע֔וֹ תְּצִלֶּ֖ינָה שְׁתֵּ֥י אָזְנָֽיו׃

‎12 ‏בַּיּ֤וֹם הַהוּא֙ אָקִ֣ים אֶל־עֵלִ֔י אֵ֛ת כָּל־אֲשֶׁ֥ר דִּבַּ֖רְתִּי אֶל־בֵּית֑וֹ הָחֵ֖ל וְכַלֵּֽה׃

‎13 ‏וְהִגַּ֣דְתִּי ל֔וֹ כִּֽי־שֹׁפֵ֥ט אֲנִ֛י אֶת־בֵּית֖וֹ עַד־עוֹלָ֑ם בַּעֲוֹ֣ן אֲשֶׁר־יָדַ֗ע כִּֽי־מְקַֽלְלִ֤ים לָהֶם֙ בָּנָ֔יו וְלֹ֥א כִהָ֖ה בָּֽם׃

‎14 ‏וְלָכֵ֥ן נִשְׁבַּ֖עְתִּי לְבֵ֣ית עֵלִ֑י אִֽם־יִתְכַּפֵּ֞ר עֲוֹ֧ן בֵּית־עֵלִ֛י בְּזֶ֥בַח וּבְמִנְחָ֖ה עַד־עוֹלָֽם׃

‎15 ‏וַיִּשְׁכַּ֤ב שְׁמוּאֵל֙ עַד־הַבֹּ֔קֶר וַיִּפְתַּ֖ח אֶת־דַּלְת֣וֹת בֵּית־יְהוָ֑ה וּשְׁמוּאֵ֣ל יָרֵ֔א מֵהַגִּ֥יד אֶת־הַמַּרְאָ֖ה אֶל־עֵלִֽי׃

‎16 ‏וַיִּקְרָ֤א עֵלִי֙ אֶת־שְׁמוּאֵ֔ל וַיֹּ֖אמֶר שְׁמוּאֵ֣ל בְּנִ֑י וַיֹּ֖אמֶר הִנֵּֽנִי׃

‎17 ‏וַיֹּ֗אמֶר מָ֤ה הַדָּבָר֙ אֲשֶׁ֣ר דִּבֶּ֣ר אֵלֶ֔יךָ אַל־נָ֥א תְכַחֵ֖ד מִמֶּ֑נִּי כֹּ֣ה יַעֲשֶׂה־לְּךָ֤ אֱלֹהִים֙ וְכֹ֣ה יוֹסִ֔יף אִם־תְּכַחֵ֤ד מִמֶּ֙נִּי֙ דָּבָ֔ר מִכָּל־הַדָּבָ֖ר אֲשֶׁר־דִּבֶּ֥ר אֵלֶֽיךָ׃

‎18 ‏וַיַּגֶּד־ל֤וֹ שְׁמוּאֵל֙ אֶת־כָּל־הַדְּבָרִ֔ים וְלֹ֥א כִחֵ֖ד מִמֶּ֑נּוּ וַיֹּאמַ֕ר יְהוָ֣ה ה֔וּא הַטּ֥וֹב בְּעֵינָ֖ו^q יַעֲשֶֽׂה׃ פ

‎19 ‏וַיִּגְדַּ֖ל שְׁמוּאֵ֑ל וַֽיהוָה֙ הָיָ֣ה עִמּ֔וֹ וְלֹֽא־הִפִּ֥יל מִכָּל־דְּבָרָ֖יו אָֽרְצָה׃

‎20 ‏וַיֵּ֙דַע֙ כָּל־יִשְׂרָאֵ֔ל מִדָּ֖ן וְעַד־בְּאֵ֣ר שָׁ֑בַע כִּ֚י נֶאֱמָ֣ן שְׁמוּאֵ֔ל לְנָבִ֖יא לַיהוָֽה׃

‎21 ‏וַיֹּ֥סֶף יְהוָ֖ה לְהֵרָאֹ֣ה בְשִׁלֹ֑ה כִּֽי־נִגְלָ֨ה יְהוָ֧ה אֶל־שְׁמוּאֵ֛ל בְּשִׁל֖וֹ בִּדְבַ֥ר יְהוָֽה׃ פ

1 wəhann^a‘ar šəmû’ēl məšārēṯ ’eṯ-yəhwâ lifənê ‘ēlî ûḏəḇar-yəhwâ hāyâ yāqār bayyāmîm hâēm ’ên ḥāzwōn nifərāṣ: s

2 wayəhî bayywōm hahû’ wə‘ēlî šōḵēḇ biməqōmwō¹ wə‘ênāw wə‘ênāyw hēḥēllû ḵēhwōṯ lō’ yûḵal lirə’wōṯ:

3 wənēr ’ĕlōhîm ṭerem yiḵəbeh ûšəmû’ēl šōḵēḇ bəhêḵal yəhwâ ’ăšer-šām ’ărwōn ’ĕlōhîm: f

4 wayyiqərā’ yəhwâ ’el-šəmû’ēl wayyō’mer hinnēnî:

5 wayyārāṣ ’el-‘ēlî wayyō’mer hinənî kî-qārā’ṯā llî wayyō’mer lō’-qārā’ṯî šûḇ šəḵāḇ wayyēleḵə wayyišəkāḇ: s

6 wayyōsef yəhwâ qərō’ ‘wōḏ šəmû’ēl wayyāqām šəmû’ēl wayyēleḵə ’el-‘ēlî wayyō’mer hinənî kî qārā’ṯā lî wayyō’mer lō’-qārā’ṯî ḇənî šûḇ šəḵāḇ:

7 ûšəmû’ēl ṭerem yāḏ^a‘ ’eṯ-yəhwâ wəṭerem yigāleh ’ēlāyw dəḇar-yəhwâ:

8 wayyōsef yəhwâ qərō’-šəmû’ēl baššəlišîṯ wayyāqām wayyēleḵə ’el-‘ēlî wayyō’mer hinənî kî qārā’ṯā lî wayyāḇen ‘ēlî kî yəhwâ qōrē’ lannā‘ar:

9 wayyō’mer ‘ēlî lišəmû’ēl lēḵə šəḵāḇ wəhāyâ ’im-yiqərā’ ’ēleyḵā wə’āmarətā dabēr yəhwâ kî šōmē‘a ‘aḇədeḵā wayyēleḵə šəmû’ēl wayyišəkaḇ biməqwōmwō:

10 wayyāḇō’ yəhwâ wayyiṯəyaṣṣaḇ wayyiqərā’ ḵəf^a‘am-bəf^a‘am šəmû’ēl| šəmû’ēl wayyō’mer šəmû’ēl dabēr kî šōmē‘a ‘aḇədeḵā: f

11 wayyō’mer yəhwâ ’el-šəmû’ēl hinnēh ’ānōḵî ‘ōśeh ḏāḇār bəyiśərā’ēl ’ăšer kāl-šōmə‘wō təṣilleynâ šətê ’āzənāyw:

12 bayywōm hahû’ ’āqîm ’el-‘ēlî ’ēṯ kāl-’ăšer dibarətî ’el-bêṯwō hāḥēl wəḵallēh:

13 wəhigaḏətî lwō kî-šōfēṭ ’ănî ’eṯ-bêṯwō ‘aḏ-‘wōlām b^a‘ăwōn ’ăšer-yāḏ^a‘ kî-məqaləlîm lâem bānāyw wəlō’ ḵihâ bām:

14 wəlāḵēn nišəb^a‘ətî ləḇêṯ ‘ēlî ’im-yiṯəkapēr ‘ăwōn bêṯ-‘ēlî bəzeḇ^aḥ ûḇəminəḥâ ‘aḏ-‘wōlām:

15 wayyišəkaḇ šəmû’ēl ‘aḏ-habōqer wayyifət^aḥ ’eṯ-daləṯwōṯ bêṯ-yəhwâ ûšəmû’ēl yārē’ mēhagîḏ ’eṯ-hammarə’â ’el-‘ēlî:

16 wayyiqərā’ ‘ēlî ’eṯ-šəmû’ēl wayyō’mer šəmû’ēl bənî wayyō’mer hinnēnî:

17 wayyō’mer mâ hadāḇār ’ăšer diber ’ēleyḵā ’al-nā’ ṯəḵ^aḥēḏ mimmennî kōh y^a‘ăśeh-lləḵā ’ĕlōhîm wəḵōh ywōsîf ’im-təḵ^aḥēḏ mimmennî dāḇār mikāl-hadāḇār ’ăšer-diber ’ēleyḵā:

18 wayyageḏ-lwō šəmû’ēl ’eṯ-kāl-hadəḇārîm wəlō’ ḵiḥēḏ mimmennû wayyō’mar yəhwâ hû’ haṭṭwōḇ bə‘ênāw^q y^a‘ăśeh: f

19 wayyiḡədal šəmû’ēl wayhwâ hāyâ ‘immwō wəlō’-hipîl mikāl-dəḇārāyw ’ārəṣâ:

20 wayyēḏ^a‘ kāl-yiśərā’ēl midān wə‘aḏ-bə’ēr šāḇ^a‘ kî ne’ĕmān šəmû’ēl lənāḇî’ layhwâ:

21 wayyōsef yəhwâ ləhērā’ōh ḇəšilōh kî-niḡəlâ yəhwâ ’el-šəmû’ēl bəšilwō biḏəḇar yəhwâ: f