1 Samuel (1 Shmuel) Chapter 25

‎1 ‏וַיָּ֣מָת שְׁמוּאֵ֔ל וַיִּקָּבְצ֤וּ כָל־יִשְׂרָאֵל֙ וַיִּסְפְּדוּ־ל֔וֹ וַיִּקְבְּרֻ֥הוּ בְּבֵית֖וֹ בָּרָמָ֑ה וַיָּ֣קָם דָּוִ֔ד וַיֵּ֖רֶד אֶל־מִדְבַּ֥ר פָּארָֽן׃ ס

‎2 ‏וְאִ֨ישׁ בְּמָע֜וֹן וּמַעֲשֵׂ֣הוּ בַכַּרְמֶ֗ל וְהָאִישׁ֙ גָּד֣וֹל מְאֹ֔ד וְל֛וֹ צֹ֥אן שְׁלֹֽשֶׁת־אֲלָפִ֖ים וְאֶ֣לֶף עִזִּ֑ים וַיְהִ֛י בִּגְזֹ֥ז אֶת־צֹאנ֖וֹ בַּכַּרְמֶֽל׃

‎3 ‏וְשֵׁ֤ם הָאִישׁ֙ נָבָ֔ל וְשֵׁ֥ם אִשְׁתּ֖וֹ אֲבִגָ֑יִל וְהָאִשָּׁ֤ה טֽוֹבַת־שֶׂ֙כֶל֙ וִ֣יפַת תֹּ֔אַר וְהָאִ֥ישׁ קָשֶׁ֛ה וְרַ֥ע מַעֲלָלִ֖ים וְה֥וּא כלבו כָלִבִּֽי׃

‎4 ‏וַיִּשְׁמַ֥ע דָּוִ֖ד בַּמִּדְבָּ֑ר כִּֽי־גֹזֵ֥ז נָבָ֖ל אֶת־צֹאנֽוֹ׃

‎5 ‏וַיִּשְׁלַ֥ח דָּוִ֖ד עֲשָׂרָ֣ה נְעָרִ֑ים וַיֹּ֨אמֶר דָּוִ֜ד לַנְּעָרִ֗ים עֲל֤וּ כַרְמֶ֙לָה֙ וּבָאתֶ֣ם אֶל־נָבָ֔ל וּשְׁאֶלְתֶּם־ל֥וֹ בִשְׁמִ֖י לְשָׁלֽוֹם׃

‎6 ‏וַאֲמַרְתֶּ֥ם כֹּ֖ה לֶחָ֑י וְאַתָּ֤ה שָׁלוֹם֙ וּבֵיתְךָ֣ שָׁל֔וֹם וְכֹ֥ל אֲשֶׁר־לְךָ֖ שָׁלֽוֹם׃

‎7 ‏וְעַתָּ֣ה שָׁמַ֔עְתִּי כִּ֥י גֹזְזִ֖ים לָ֑ךְ עַתָּ֗ה הָרֹעִ֤ים אֲשֶׁר־לְךָ֙ הָי֣וּ עִמָּ֔נוּ לֹ֣א הֶכְלַמְנ֗וּם וְלֹֽא־נִפְקַ֤ד לָהֶם֙ מְא֔וּמָה כָּל־יְמֵ֖י הֱיוֹתָ֥ם בַּכַּרְמֶֽל׃

‎8 ‏שְׁאַ֨ל אֶת־נְעָרֶ֜יךָ וְיַגִּ֣ידוּ לָ֗ךְ וְיִמְצְא֨וּ הַנְּעָרִ֥ים חֵן֙ בְּעֵינֶ֔יךָ כִּֽי־עַל־י֥וֹם ט֖וֹב בָּ֑נוּ תְּנָה־נָּ֗א אֵת֩ אֲשֶׁ֨ר תִּמְצָ֤א יָֽדְךָ֙ לַעֲבָדֶ֔יךָ וּלְבִנְךָ֖ לְדָוִֽד׃

‎9 ‏וַיָּבֹ֙אוּ֙ נַעֲרֵ֣י דָוִ֔ד וַיְדַבְּר֧וּ אֶל־נָבָ֛ל כְּכָל־הַדְּבָרִ֥ים הָאֵ֖לֶּה בְּשֵׁ֣ם דָּוִ֑ד וַיָּנֽוּחוּ׃

‎10 ‏וַיַּ֨עַן נָבָ֜ל אֶת־עַבְדֵ֤י דָוִד֙ וַיֹּ֔אמֶר מִ֥י דָוִ֖ד וּמִ֣י בֶן־יִשָׁ֑י הַיּוֹם֙ רַבּ֣וּ עֲבָדִ֔ים הַמִּתְפָּ֣רְצִ֔ים אִ֖ישׁ מִפְּנֵ֥י אֲדֹנָֽיו׃

‎11 ‏וְלָקַחְתִּ֤י אֶת־לַחְמִי֙ וְאֶת־מֵימַ֔י וְאֵת֙ טִבְחָתִ֔י אֲשֶׁ֥ר טָבַ֖חְתִּי לְגֹֽזְזָ֑י וְנָֽתַתִּי֙ לַֽאֲנָשִׁ֔ים אֲשֶׁר֙ לֹ֣א יָדַ֔עְתִּי אֵ֥י מִזֶּ֖ה הֵֽמָּה׃

‎12 ‏וַיַּהַפְכ֥וּ נַעֲרֵֽי־דָוִ֖ד לְדַרְכָּ֑ם וַיָּשֻׁ֙בוּ֙ וַיָּבֹ֔אוּ וַיַּגִּ֣דוּ ל֔וֹ כְּכֹ֖ל הַדְּבָרִ֥ים הָאֵֽלֶּה׃

‎13 ‏וַיֹּאמֶר֩ דָּוִ֨ד לַאֲנָשָׁ֜יו חִגְר֣וּ׀ אִ֣ישׁ אֶת־חַרְבּ֗וֹ וַֽיַּחְגְּרוּ֙ אִ֣ישׁ אֶת־חַרְבּ֔וֹ וַיַּחְגֹּ֥ר גַּם־דָּוִ֖ד אֶת־חַרְבּ֑וֹ וַֽיַּעֲל֣וּ׀ אַחֲרֵ֣י דָוִ֗ד כְּאַרְבַּ֤ע מֵאוֹת֙ אִ֔ישׁ וּמָאתַ֖יִם יָשְׁב֥וּ עַל־הַכֵּלִֽים׃

‎14 ‏וְלַאֲבִיגַ֙יִל֙ אֵ֣שֶׁת נָבָ֔ל הִגִּ֧יד נַֽעַר־אֶחָ֛ד מֵהַנְּעָרִ֖ים לֵאמֹ֑ר הִנֵּ֣ה שָׁלַח֩ דָּוִ֨ד מַלְאָכִ֧ים׀ מֵֽהַמִּדְבָּ֛ר לְבָרֵ֥ךְ אֶת־אֲדֹנֵ֖ינוּ וַיָּ֥עַט בָּהֶֽם׃

‎15 ‏וְהָ֣אֲנָשִׁ֔ים טֹבִ֥ים לָ֖נוּ מְאֹ֑ד וְלֹ֤א הָכְלַ֙מְנוּ֙ וְלֹֽא־פָקַ֣דְנוּ מְא֔וּמָה כָּל־יְמֵי֙ הִתְהַלַּ֣כְנוּ אִתָּ֔ם בִּֽהְיוֹתֵ֖נוּ בַּשָּׂדֶֽה׃

‎16 ‏חוֹמָה֙ הָי֣וּ עָלֵ֔ינוּ גַּם־לַ֖יְלָה גַּם־יוֹמָ֑ם כָּל־יְמֵ֛י הֱיוֹתֵ֥נוּ עִמָּ֖ם רֹעִ֥ים הַצֹּֽאן׃

‎17 ‏וְעַתָּ֗ה דְּעִ֤י וּרְאִי֙ מַֽה־תַּעֲשִׂ֔י כִּֽי־כָלְתָ֧ה הָרָעָ֛ה אֶל־אֲדֹנֵ֖ינוּ וְעַ֣ל כָּל־בֵּית֑וֹ וְהוּא֙ בֶּן־בְּלִיַּ֔עַל מִדַּבֵּ֖ר אֵלָֽיו׃

‎18 ‏וַתְּמַהֵ֣ר אבוגיל אֲבִיגַ֡יִל וַתִּקַּח֩ מָאתַ֨יִם לֶ֜חֶם וּשְׁנַ֣יִם נִבְלֵי־יַ֗יִן וְחָמֵ֨שׁ צֹ֤אן עשוות עֲשׂוּיֹת֙³ וְחָמֵ֤שׁ סְאִים֙ קָלִ֔י וּמֵאָ֥ה צִמֻּקִ֖ים וּמָאתַ֣יִם דְּבֵלִ֑ים וַתָּ֖שֶׂם עַל־הַחֲמֹרִֽים׃

‎19 ‏וַתֹּ֤אמֶר לִנְעָרֶ֙יהָ֙ עִבְר֣וּ לְפָנַ֔י הִנְנִ֖י אַחֲרֵיכֶ֣ם בָּאָ֑ה וּלְאִישָׁ֥הּ נָבָ֖ל לֹ֥א הִגִּֽידָה׃

‎20 ‏וְהָיָ֞ה הִ֣יא׀ רֹכֶ֣בֶת עַֽל־הַחֲמ֗וֹר וְיֹרֶ֙דֶת֙ בְּסֵ֣תֶר הָהָ֔ר וְהִנֵּ֤ה דָוִד֙ וַאֲנָשָׁ֔יו יֹרְדִ֖ים לִקְרָאתָ֑הּ וַתִּפְגֹּ֖שׁ אֹתָֽם׃

‎21 ‏וְדָוִ֣ד אָמַ֗ר אַךְ֩ לַשֶּׁ֨קֶר שָׁמַ֜רְתִּי אֶֽת־כָּל־אֲשֶׁ֤ר לָזֶה֙ בַּמִּדְבָּ֔ר וְלֹא־נִפְקַ֥ד מִכָּל־אֲשֶׁר־ל֖וֹ מְא֑וּמָה וַיָּֽשֶׁב־לִ֥י רָעָ֖ה תַּ֥חַת טוֹבָֽה׃

‎22 ‏כֹּה־יַעֲשֶׂ֧ה אֱלֹהִ֛ים לְאֹיְבֵ֥י דָוִ֖ד וְכֹ֣ה יֹסִ֑יף אִם־אַשְׁאִ֧יר מִכָּל־אֲשֶׁר־ל֛וֹ עַד־הַבֹּ֖קֶר מַשְׁתִּ֥ין בְּקִֽיר׃

‎23 ‏וַתֵּ֤רֶא אֲבִיגַ֙יִל֙ אֶת־דָּוִ֔ד וַתְּמַהֵ֕ר וַתֵּ֖רֶד מֵעַ֣ל הַחֲמ֑וֹר וַתִּפֹּ֞ל לְאַפֵּ֤י דָוִד֙ עַל־פָּנֶ֔יהָ וַתִּשְׁתַּ֖חוּ אָֽרֶץ׃

‎24 ‏וַתִּפֹּל֙ עַל־רַגְלָ֔יו וַתֹּ֕אמֶר בִּי־אֲנִ֥י אֲדֹנִ֖י הֶֽעָוֹ֑ן וּֽתְדַבֶּר־נָ֤א אֲמָֽתְךָ֙ בְּאָזְנֶ֔יךָ וּשְׁמַ֕ע אֵ֖ת דִּבְרֵ֥י אֲמָתֶֽךָ׃

‎25 ‏אַל־נָ֣א יָשִׂ֣ים אֲדֹנִ֣י׀ אֶת־לִבּ֡וֹ אֶל־אִישׁ֩ הַבְּלִיַּ֨עַל הַזֶּ֜ה עַל־נָבָ֗ל כִּ֤י כִשְׁמוֹ֙ כֶּן־ה֔וּא נָבָ֣ל שְׁמ֔וֹ וּנְבָלָ֖ה עִמּ֑וֹ וַֽאֲנִי֙ אֲמָ֣תְךָ֔ לֹ֥א רָאִ֛יתִי אֶת־נַעֲרֵ֥י אֲדֹנִ֖י אֲשֶׁ֥ר שָׁלָֽחְתָּ׃

‎26 ‏וְעַתָּ֣ה אֲדֹנִ֗י חַי־יְהוָ֤ה וְחֵֽי־נַפְשְׁךָ֙ אֲשֶׁ֨ר מְנָעֲךָ֤ יְהוָה֙ מִבּ֣וֹא בְדָמִ֔ים וְהוֹשֵׁ֥עַ יָדְךָ֖ לָ֑ךְ וְעַתָּ֗ה יִֽהְי֤וּ כְנָבָל֙ אֹיְבֶ֔יךָ וְהַֽמְבַקְשִׁ֥ים אֶל־אֲדֹנִ֖י רָעָֽה׃

‎27 ‏וְעַתָּה֙ הַבְּרָכָ֣ה הַזֹּ֔את אֲשֶׁר־הֵבִ֥יא שִׁפְחָתְךָ֖ לַֽאדֹנִ֑י וְנִתְּנָה֙ לַנְּעָרִ֔ים הַמִּֽתְהַלְּכִ֖ים בְּרַגְלֵ֥י אֲדֹנִֽי׃

‎28 ‏שָׂ֥א נָ֖א לְפֶ֣שַׁע אֲמָתֶ֑ךָ כִּ֣י עָשֹֽׂה־יַעֲשֶׂה֩ יְהוָ֨ה לַֽאדֹנִ֜י בַּ֣יִת נֶאֱמָ֗ן כִּי־מִלְחֲמ֤וֹת יְהוָה֙ אֲדֹנִ֣י נִלְחָ֔ם וְרָעָ֛ה לֹא־תִמָּצֵ֥א בְךָ֖ מִיָּמֶֽיךָ׃

‎29 ‏וַיָּ֤קָם אָדָם֙ לִרְדָפְךָ֔ וּלְבַקֵּ֖שׁ אֶת־נַפְשֶׁ֑ךָ וְֽהָיְתָה֩ נֶ֨פֶשׁ אֲדֹנִ֜י צְרוּרָ֣ה׀ בִּצְר֣וֹר הַחַיִּ֗ים אֵ֚ת יְהוָ֣ה אֱלֹהֶ֔יךָ וְאֵ֨ת נֶ֤פֶשׁ אֹיְבֶ֙יךָ֙ יְקַלְּעֶ֔נָּה בְּת֖וֹךְ כַּ֥ף הַקָּֽלַע׃

‎30 ‏וְהָיָ֗ה כִּֽי־יַעֲשֶׂ֤ה יְהוָה֙ לַֽאדֹנִ֔י כְּכֹ֛ל אֲשֶׁר־דִּבֶּ֥ר אֶת־הַטּוֹבָ֖ה עָלֶ֑יךָ וְצִוְּךָ֥ לְנָגִ֖יד עַל־יִשְׂרָאֵֽל׃

‎31 ‏וְלֹ֣א תִהְיֶ֣ה זֹ֣את׀ לְךָ֡ לְפוּקָה֩ וּלְמִכְשׁ֨וֹל לֵ֜ב לַאדֹנִ֗י וְלִשְׁפָּךְ־דָּם֙ חִנָּ֔ם וּלְהוֹשִׁ֥יעַ אֲדֹנִ֖י ל֑וֹ וְהֵיטִ֤ב יְהוָה֙ לַֽאדֹנִ֔י וְזָכַרְתָּ֖ אֶת־אֲמָתֶֽךָ׃ ס

‎32 ‏וַיֹּ֥אמֶר דָּוִ֖ד לַאֲבִיגַ֑ל בָּר֤וּךְ יְהוָה֙ אֱלֹהֵ֣י יִשְׂרָאֵ֔ל אֲשֶׁ֧ר שְׁלָחֵ֛ךְ הַיּ֥וֹם הַזֶּ֖ה לִקְרָאתִֽי׃

‎33 ‏וּבָר֥וּךְ טַעְמֵ֖ךְ וּבְרוּכָ֣ה אָ֑תְּ אֲשֶׁ֨ר כְּלִתִ֜נִי הַיּ֤וֹם הַזֶּה֙ מִבּ֣וֹא בְדָמִ֔ים וְהֹשֵׁ֥עַ יָדִ֖י לִֽי׃

‎34 ‏וְאוּלָ֗ם חַי־יְהוָה֙ אֱלֹהֵ֣י יִשְׂרָאֵ֔ל אֲשֶׁ֣ר מְנָעַ֔נִי מֵהָרַ֖ע אֹתָ֑ךְ כִּ֣י׀ לוּלֵ֣י מִהַ֗רְתְּ ותבאתי וַתָּבֹאת֙ לִקְרָאתִ֔י כִּ֣י אִם־נוֹתַ֧ר לְנָבָ֛ל עַד־א֥וֹר הַבֹּ֖קֶר מַשְׁתִּ֥ין בְּקִֽיר׃

‎35 ‏וַיִּקַּ֤ח דָּוִד֙ מִיָּדָ֔הּ אֵ֥ת אֲשֶׁר־הֵבִ֖יאָה ל֑וֹ וְלָ֣הּ אָמַ֗ר עֲלִ֤י לְשָׁלוֹם֙ לְבֵיתֵ֔ךְ רְאִי֙ שָׁמַ֣עְתִּי בְקוֹלֵ֔ךְ וָאֶשָּׂ֖א פָּנָֽיִךְ׃

‎36 ‏וַתָּבֹ֣א אֲבִיגַ֣יִל׀ אֶל־נָבָ֡ל וְהִנֵּה־לוֹ֩ מִשְׁתֶּ֨ה בְּבֵית֜וֹ כְּמִשְׁתֵּ֣ה הַמֶּ֗לֶךְ וְלֵ֤ב נָבָל֙ ט֣וֹב עָלָ֔יו וְה֥וּא שִׁכֹּ֖ר עַד־מְאֹ֑ד וְלֹֽא־הִגִּ֣ידָה לּ֗וֹ דָּבָ֥ר קָטֹ֛ן וְגָד֖וֹל עַד־א֥וֹר הַבֹּֽקֶר׃

‎37 ‏וַיְהִ֣י בַבֹּ֗קֶר בְּצֵ֤את הַיַּ֙יִן֙ מִנָּבָ֔ל וַתַּגֶּד־ל֣וֹ אִשְׁתּ֔וֹ אֶת־הַדְּבָרִ֖ים הָאֵ֑לֶּה וַיָּ֤מָת לִבּוֹ֙ בְּקִרְבּ֔וֹ וְה֖וּא הָיָ֥ה לְאָֽבֶן׃

‎38 ‏וַיְהִ֖י כַּעֲשֶׂ֣רֶת הַיָּמִ֑ים וַיִּגֹּ֧ף יְהוָ֛ה אֶת־נָבָ֖ל וַיָּמֹֽת׃

‎39 ‏וַיִּשְׁמַ֣ע דָּוִד֮ כִּ֣י מֵ֣ת נָבָל֒ וַיֹּ֡אמֶר בָּר֣וּךְ יְהוָ֡ה אֲשֶׁ֣ר רָב֩ אֶת־רִ֨יב חֶרְפָּתִ֜י מִיַּ֣ד נָבָ֗ל וְאֶת־עַבְדּוֹ֙ חָשַׂ֣ךְ מֵֽרָעָ֔ה וְאֵת֙ רָעַ֣ת נָבָ֔ל הֵשִׁ֥יב יְהוָ֖ה בְּרֹאשׁ֑וֹ וַיִּשְׁלַ֤ח דָּוִד֙ וַיְדַבֵּ֣ר בַּאֲבִיגַ֔יִל לְקַחְתָּ֥הּ ל֖וֹ לְאִשָּֽׁה׃

‎40 ‏וַיָּבֹ֜אוּ עַבְדֵ֥י דָוִ֛ד אֶל־אֲבִיגַ֖יִל הַכַּרְמֶ֑לָה וַיְדַבְּר֤וּ אֵלֶ֙יהָ֙ לֵאמֹ֔ר דָּוִד֙ שְׁלָחָ֣נוּ אֵלַ֔יִךְ לְקַחְתֵּ֥ךְ ל֖וֹ לְאִשָּֽׁה׃

‎41 ‏וַתָּ֕קָם וַתִּשְׁתַּ֥חוּ אַפַּ֖יִם אָ֑רְצָה וַתֹּ֗אמֶר הִנֵּ֤ה אֲמָֽתְךָ֙ לְשִׁפְחָ֔ה לִרְחֹ֕ץ רַגְלֵ֖י עַבְדֵ֥י אֲדֹנִֽי׃

‎42 ‏וַתְּמַהֵ֞ר וַתָּ֣קָם אֲבִיגַ֗יִל וַתִּרְכַּב֙ עַֽל־הַחֲמ֔וֹר וְחָמֵשׁ֙ נַעֲרֹתֶ֔יהָ הַהֹלְכ֖וֹת לְרַגְלָ֑הּ וַתֵּ֗לֶךְ אַֽחֲרֵי֙ מַלְאֲכֵ֣י דָוִ֔ד וַתְּהִי־ל֖וֹ לְאִשָּֽׁה׃

‎43 ‏וְאֶת־אֲחִינֹ֛עַם לָקַ֥ח דָּוִ֖ד מִֽיִּזְרְעֶ֑אל וַתִּהְיֶ֛יןָ גַּֽם־שְׁתֵּיהֶ֥ן ל֖וֹ לְנָשִֽׁים׃ ס

‎44 ‏וְשָׁא֗וּל נָתַ֛ן אֶת־מִיכַ֥ל בִּתּ֖וֹ אֵ֣שֶׁת דָּוִ֑ד לְפַלְטִ֥י בֶן־לַ֖יִשׁ אֲשֶׁ֥ר מִגַּלִּֽים׃

1 wayyāmāṯ šəmû’ēl wayyiqqāḇəṣû ḵāl-yiśərā’ēl wayyisəpəḏû-lwō wayyiqəbəruhû bəḇêṯwō bārāmâ wayyāqām dāwiḏ wayyēreḏ ’el-miḏəbar pā’rān: s

2 wə’îš bəmā‘wōn ûm^a‘ăśēhû ḇakarəmel wəhā’îš gāḏwōl mə’ōḏ wəlwō ṣō’n šəlōšeṯ-’ălāfîm wə’elef ‘izzîm wayəhî biḡəzōz ’eṯ-ṣō’nwō bakarəmel:

3 wəšēm hā’îš nāḇāl wəšēm ’išətwō ’ăḇiḡāyil wəhā’iššâ ṭwōḇaṯ-śeḵel wîfaṯ tō’ar wəhā’îš qāšeh wər^a‘ m^a‘ălālîm wəhû’ ḵəlibwō ḵālibî:

4 wayyišəm^a‘ dāwiḏ bammiḏəbār kî-ḡōzēz nāḇāl ’eṯ-ṣō’nwō:

5 wayyišəl^aḥ dāwiḏ ‘ăśārâ nə‘ārîm wayyō’mer dāwiḏ lannə‘ārîm ‘ălû ḵarəmelâ ûḇā’ṯem ’el-nāḇāl ûšə’elətem-lwō ḇišəmî ləšālwōm:

6 wa’ămarətem kōh leḥāy wə’atâ šālwōm ûḇêṯəḵā šālwōm wəḵōl ’ăšer-ləḵā šālwōm:

7 wə‘atâ šām^a‘ətî kî ḡōzəzîm lāḵə ‘atâ hārō‘îm ’ăšer-ləḵā hāyû ‘immānû lō’ heḵəlamənûm wəlō’-nifəqaḏ lâem mə’ûmâ kāl-yəmê hĕywōṯām bakarəmel:

8 šə’al ’eṯ-nə‘āreyḵā wəyagîḏû lāḵə wəyiməṣə’û hannə‘ārîm ḥēn bə‘êneyḵā kî-‘al-ywōm ṭwōḇ bānû tənâ-nnā’ ’ēṯ ’ăšer timəṣā’ yāḏəḵā l^a‘ăḇāḏeyḵā ûləḇinəḵā ləḏāwiḏ:

9 wayyāḇō’û n^a‘ărê ḏāwiḏ wayəḏabərû ’el-nāḇāl kəḵāl-hadəḇārîm hā’ēlleh bəšēm dāwiḏ wayyānûḥû:

10 wayy^a‘an nāḇāl ’eṯ-‘aḇəḏê ḏāwiḏ wayyō’mer mî ḏāwiḏ ûmî ḇen-yišāy hayywōm rabû ‘ăḇāḏîm hammiṯəpārəṣîm ’îš mipənê ’ăḏōnāyw:

11 wəlāq^aḥətî ’eṯ-l^aḥəmî wə’eṯ-mêmay wə’ēṯ ṭiḇəḥāṯî ’ăšer ṭāḇ^aḥətî ləḡōzəzāy wənāṯatî la’ănāšîm ’ăšer lō’ yāḏ^a‘ətî ’ê mizzeh hēmmâ:

12 wayyahafəḵû n^a‘ărê-ḏāwiḏ ləḏarəkām wayyāšuḇû wayyāḇō’û wayyagiḏû lwō kəḵōl hadəḇārîm hā’ēlleh:

13 wayyō’mer dāwiḏ la’ănāšāyw ḥiḡərû| ’îš ’eṯ-ḥarəbwō wayy^aḥəgərû ’îš ’eṯ-ḥarəbwō wayy^aḥəgōr gam-dāwiḏ ’eṯ-ḥarəbwō wayy^a‘ălû| ’^aḥărê ḏāwiḏ kə’arəb^a‘ mē’wōṯ ’îš ûmā’ṯayim yāšəḇû ‘al-hakēlîm:

14 wəla’ăḇîḡayil ’ēšeṯ nāḇāl higîḏ n^a‘ar-’eḥāḏ mēhannə‘ārîm lē’mōr hinnēh šāl^aḥ dāwiḏ malə’āḵîm| mēhammiḏəbār ləḇārēḵə ’eṯ-’ăḏōnênû wayyā‘aṭ bâem:

15 wəhā’ănāšîm ṭōḇîm lānû mə’ōḏ wəlō’ hāḵəlamənû wəlō’-fāqaḏənû mə’ûmâ kāl-yəmê hiṯəhallaḵənû ’itām bihəywōṯēnû baśśāḏeh:

16 ḥwōmâ hāyû ‘ālênû gam-layəlâ gam-ywōmām kāl-yəmê hĕywōṯēnû ‘immām rō‘îm haṣṣō’n:

17 wə‘atâ də‘î ûrə’î mah-t^a‘ăśî kî-ḵāləṯâ hārā‘â ’el-’ăḏōnênû wə‘al kāl-bêṯwō wəhû’ ben-bəlîy^a‘al midabēr ’ēlāyw:

18 watəmahēr ’ăḇwōḡayil ’ăḇîḡayil watiqq^aḥ mā’ṯayim leḥem ûšənayim niḇəlê-yayin wəḥāmēš ṣō’n ‘ăśûwōṯ ‘ăśûyōṯ³ wəḥāmēš sə’îm qālî ûmē’â ṣimmuqîm ûmā’ṯayim dəḇēlîm watāśem ‘al-h^aḥămōrîm:

19 watō’mer linə‘āreyhā ‘iḇərû ləfānay hinənî ’^aḥărêḵem bā’â ûlə’îšāh nāḇāl lō’ higîḏâ:

20 wəhāyâ hî’| rōḵeḇeṯ ‘al-h^aḥămwōr wəyōreḏeṯ bəsēṯer hâār wəhinnēh ḏāwiḏ wa’ănāšāyw yōrəḏîm liqərā’ṯāh watifəgōš ’ōṯām:

21 wəḏāwiḏ ’āmar ’aḵə laššeqer šāmarətî ’eṯ-kāl-’ăšer lāzeh bammiḏəbār wəlō’-nifəqaḏ mikāl-’ăšer-lwō mə’ûmâ wayyāšeḇ-lî rā‘â t^aḥaṯ ṭwōḇâ:

22 kōh-y^a‘ăśeh ’ĕlōhîm lə’ōyəḇê ḏāwiḏ wəḵōh yōsîf ’im-’ašə’îr mikāl-’ăšer-lwō ‘aḏ-habōqer mašətîn bəqîr:

23 watēre’ ’ăḇîḡayil ’eṯ-dāwiḏ watəmahēr watēreḏ mē‘al h^aḥămwōr watipōl lə’apê ḏāwiḏ ‘al-pāneyhā watišət^aḥû ’āreṣ:

24 watipōl ‘al-raḡəlāyw watō’mer bî-’ănî ’ăḏōnî he‘āwōn ûṯəḏaber-nā’ ’ămāṯəḵā bə’āzəneyḵā ûšəm^a‘ ’ēṯ diḇərê ’ămāṯeḵā:

25 ’al-nā’ yāśîm ’ăḏōnî| ’eṯ-libwō ’el-’îš habəlîy^a‘al hazzeh ‘al-nāḇāl kî ḵišəmwō ken-hû’ nāḇāl šəmwō ûnəḇālâ ‘immwō wa’ănî ’ămāṯəḵā lō’ rā’îṯî ’eṯ-n^a‘ărê ’ăḏōnî ’ăšer šālāḥətā:

26 wə‘atâ ’ăḏōnî ḥay-yəhwâ wəḥê-nafəšəḵā ’ăšer mənā‘ăḵā yəhwâ mibwō’ ḇəḏāmîm wəhwōšē‘a yāḏəḵā lāḵə wə‘atâ yihəyû ḵənāḇāl ’ōyəḇeyḵā wəhaməḇaqəšîm ’el-’ăḏōnî rā‘â:

27 wə‘atâ habərāḵâ hazzō’ṯ ’ăšer-hēḇî’ šifəḥāṯəḵā la’ḏōnî wənitənâ lannə‘ārîm hammiṯəhalləḵîm bəraḡəlê ’ăḏōnî:

28 śā’ nā’ ləfeš^a‘ ’ămāṯeḵā kî ‘āśōh-y^a‘ăśeh yəhwâ la’ḏōnî bayiṯ ne’ĕmān kî-miləḥămwōṯ yəhwâ ’ăḏōnî niləḥām wərā‘â lō’-ṯimmāṣē’ ḇəḵā mîyāmeyḵā:

29 wayyāqām ’āḏām lirəḏāfəḵā ûləḇaqqēš ’eṯ-nafəšeḵā wəhāyəṯâ nefeš ’ăḏōnî ṣərûrâ| biṣərwōr h^aḥayyîm ’ēṯ yəhwâ ’ĕlōheyḵā wə’ēṯ nefeš ’ōyəḇeyḵā yəqallə‘ennâ bəṯwōḵə kaf haqqāl^a‘:

30 wəhāyâ kî-y^a‘ăśeh yəhwâ la’ḏōnî kəḵōl ’ăšer-diber ’eṯ-haṭṭwōḇâ ‘āleyḵā wəṣiûəḵā lənāḡîḏ ‘al-yiśərā’ēl:

31 wəlō’ ṯihəyeh zō’ṯ| ləḵā ləfûqâ ûləmiḵəšwōl lēḇ la’ḏōnî wəlišəpāḵə-dām ḥinnām ûləhwōšî‘a ’ăḏōnî lwō wəhêṭiḇ yəhwâ la’ḏōnî wəzāḵarətā ’eṯ-’ămāṯeḵā: s

32 wayyō’mer dāwiḏ la’ăḇîḡal bārûḵə yəhwâ ’ĕlōhê yiśərā’ēl ’ăšer šəlāḥēḵə hayywōm hazzeh liqərā’ṯî:

33 ûḇārûḵə ṭ^a‘əmēḵə ûḇərûḵâ ’ātə ’ăšer kəliṯinî hayywōm hazzeh mibwō’ ḇəḏāmîm wəhōšē‘a yāḏî lî:

34 wə’ûlām ḥay-yəhwâ ’ĕlōhê yiśərā’ēl ’ăšer mənā‘anî mēhār^a‘ ’ōṯāḵə kî| lûlê miharətə watāḇō’ṯî watāḇō’ṯ liqərā’ṯî kî ’im-nwōṯar lənāḇāl ‘aḏ-’wōr habōqer mašətîn bəqîr:

35 wayyiqq^aḥ dāwiḏ mîyāḏāh ’ēṯ ’ăšer-hēḇî’â lwō wəlāh ’āmar ‘ălî ləšālwōm ləḇêṯēḵə rə’î šām^a‘ətî ḇəqwōlēḵə wā’eśśā’ pānāyiḵə:

36 watāḇō’ ’ăḇîḡayil| ’el-nāḇāl wəhinnēh-lwō mišəteh bəḇêṯwō kəmišətēh hammeleḵə wəlēḇ nāḇāl ṭwōḇ ‘ālāyw wəhû’ šikōr ‘aḏ-mə’ōḏ wəlō’-higîḏâ llwō dāḇār qāṭōn wəḡāḏwōl ‘aḏ-’wōr habōqer:

37 wayəhî ḇabōqer bəṣē’ṯ hayyayin minnāḇāl watageḏ-lwō ’išətwō ’eṯ-hadəḇārîm hā’ēlleh wayyāmāṯ libwō bəqirəbwō wəhû’ hāyâ lə’āḇen:

38 wayəhî k^a‘ăśereṯ hayyāmîm wayyigōf yəhwâ ’eṯ-nāḇāl wayyāmōṯ:

39 wayyišəm^a‘ dāwiḏ kî mēṯ nāḇāl wayyō’mer bārûḵə yəhwâ ’ăšer rāḇ ’eṯ-rîḇ ḥerəpāṯî mîyaḏ nāḇāl wə’eṯ-‘aḇədwō ḥāśaḵə mērā‘â wə’ēṯ rā‘aṯ nāḇāl hēšîḇ yəhwâ bərō’šwō wayyišəl^aḥ dāwiḏ wayəḏabēr ba’ăḇîḡayil ləq^aḥətāh lwō lə’iššâ:

40 wayyāḇō’û ‘aḇəḏê ḏāwiḏ ’el-’ăḇîḡayil hakarəmelâ wayəḏabərû ’ēleyhā lē’mōr dāwiḏ šəlāḥānû ’ēlayiḵə ləq^aḥətēḵə lwō lə’iššâ:

41 watāqām watišət^aḥû ’apayim ’ārəṣâ watō’mer hinnēh ’ămāṯəḵā ləšifəḥâ lirəḥōṣ raḡəlê ‘aḇəḏê ’ăḏōnî:

42 watəmahēr watāqām ’ăḇîḡayil watirəkaḇ ‘al-h^aḥămwōr wəḥāmēš n^a‘ărōṯeyhā hahōləḵwōṯ ləraḡəlāh watēleḵə ’^aḥărê malə’ăḵê ḏāwiḏ watəhî-lwō lə’iššâ:

43 wə’eṯ-’ăḥînō‘am lāq^aḥ dāwiḏ mîyizərə‘e’l watihəyeynā gam-šətêhen lwō lənāšîm: s

44 wəšā’ûl nāṯan ’eṯ-mîḵal bitwō ’ēšeṯ dāwiḏ ləfaləṭî ḇen-layiš ’ăšer migallîm: