2 Samuel (2 Shmuel) Chapter 1

‎1 ‏וַיְהִ֗י אַֽחֲרֵי֙ מ֣וֹת שָׁא֔וּל וְדָוִ֣ד שָׁ֔ב מֵהַכּ֖וֹת אֶת־הָעֲמָלֵ֑ק וַיֵּ֧שֶׁב דָּוִ֛ד בְּצִקְלָ֖ג יָמִ֥ים שְׁנָֽיִם׃

‎2 ‏וַיְהִ֣י׀ בַּיּ֣וֹם הַשְּׁלִישִׁ֗י וְהִנֵּה֩ אִ֨ישׁ בָּ֤א מִן־הַֽמַּחֲנֶה֙ מֵעִ֣ם שָׁא֔וּל וּבְגָדָ֣יו קְרֻעִ֔ים וַאֲדָמָ֖ה עַל־רֹאשׁ֑וֹ וַיְהִי֙ בְּבֹא֣וֹ אֶל־דָּוִ֔ד וַיִּפֹּ֥ל אַ֖רְצָה וַיִּשְׁתָּֽחוּ׃

‎3 ‏וַיֹּ֤אמֶר לוֹ֙ דָּוִ֔ד אֵ֥י מִזֶּ֖ה תָּב֑וֹא וַיֹּ֣אמֶר אֵלָ֔יו מִמַּחֲנֵ֥ה יִשְׂרָאֵ֖ל נִמְלָֽטְתִּי׃

‎4 ‏וַיֹּ֨אמֶר אֵלָ֥יו דָּוִ֛ד מֶה־הָיָ֥ה הַדָּבָ֖ר הַגֶּד־נָ֣א לִ֑י וַ֠יֹּאמֶר אֲשֶׁר־נָ֨ס הָעָ֜ם מִן־הַמִּלְחָמָ֗ה וְגַם־הַרְבֵּ֞ה נָפַ֤ל מִן־הָעָם֙ וַיָּמֻ֔תוּ וְגַ֗ם שָׁא֛וּל וִיהוֹנָתָ֥ן בְּנ֖וֹ מֵֽתוּ׃

‎5 ‏וַיֹּ֣אמֶר דָּוִ֔ד אֶל־הַנַּ֖עַר הַמַּגִּ֣יד ל֑וֹ אֵ֣יךְ יָדַ֔עְתָּ כִּי־מֵ֥ת שָׁא֖וּל וִיהֽוֹנָתָ֥ן בְּנֽוֹ׃

‎6 ‏וַיֹּ֜אמֶר הַנַּ֣עַר׀ הַמַּגִּ֣יד ל֗וֹ נִקְרֹ֤א נִקְרֵ֙יתִי֙ בְּהַ֣ר הַגִּלְבֹּ֔עַ וְהִנֵּ֥ה שָׁא֖וּל נִשְׁעָ֣ן עַל־חֲנִית֑וֹ וְהִנֵּ֥ה הָרֶ֛כֶב וּבַעֲלֵ֥י הַפָּרָשִׁ֖ים הִדְבִּקֻֽהוּ׃

‎7 ‏וַיִּ֥פֶן אַחֲרָ֖יו וַיִּרְאֵ֑נִי וַיִּקְרָ֣א אֵלָ֔י וָאֹמַ֖ר הִנֵּֽנִי׃

‎8 ‏וַיֹּ֥אמֶר לִ֖י מִי־אָ֑תָּה ויאמר וָאֹמַ֣ר אֵלָ֔יו עֲמָלֵקִ֖י אָנֹֽכִי׃

‎9 ‏וַיֹּ֣אמֶר אֵלַ֗י עֲמָד־נָ֤א עָלַי֙ וּמֹ֣תְתֵ֔נִי כִּ֥י אֲחָזַ֖נִי הַשָּׁבָ֑ץ כִּֽי־כָל־ע֥וֹד נַפְשִׁ֖י בִּֽי׃

‎10 ‏וָאֶעֱמֹ֤ד עָלָיו֙ וַאֲמֹ֣תְתֵ֔הוּ כִּ֣י יָדַ֔עְתִּי כִּ֛י לֹ֥א יִֽחְיֶ֖ה אַחֲרֵ֣י נִפְל֑וֹ וָאֶקַּ֞ח הַנֵּ֣זֶר׀ אֲשֶׁ֣ר עַל־רֹאשׁ֗וֹ וְאֶצְעָדָה֙ אֲשֶׁ֣ר עַל־זְרֹע֔וֹ וָאֲבִיאֵ֥ם אֶל־אֲדֹנִ֖י הֵֽנָּה׃

‎11 ‏וַיַּחֲזֵ֥ק דָּוִ֛ד בבגדו בִּבְגָדָ֖יו וַיִּקְרָעֵ֑ם וְגַ֥ם כָּל־הָאֲנָשִׁ֖ים אֲשֶׁ֥ר אִתּֽוֹ׃

‎12 ‏וַֽיִּסְפְּדוּ֙ וַיִּבְכּ֔וּ וַיָּצֻ֖מוּ עַד־הָעָ֑רֶב עַל־שָׁא֞וּל וְעַל־יְהוֹנָתָ֣ן בְּנ֗וֹ וְעַל־עַ֤ם יְהוָה֙ וְעַל־בֵּ֣ית יִשְׂרָאֵ֔ל כִּ֥י נָפְל֖וּ בֶּחָֽרֶב׃ ס

‎13 ‏וַיֹּ֣אמֶר דָּוִ֗ד אֶל־הַנַּ֙עַר֙ הַמַּגִּ֣יד ל֔וֹ אֵ֥י מִזֶּ֖ה אָ֑תָּה וַיֹּ֕אמֶר בֶּן־אִ֛ישׁ גֵּ֥ר עֲמָלֵקִ֖י אָנֹֽכִי׃

‎14 ‏וַיֹּ֥אמֶר אֵלָ֖יו דָּוִ֑ד אֵ֚יךְ לֹ֣א יָרֵ֔אתָ לִשְׁלֹ֙חַ֙ יָֽדְךָ֔ לְשַׁחֵ֖ת אֶת־מְשִׁ֥יחַ יְהוָֽה׃

‎15 ‏וַיִּקְרָ֣א דָוִ֗ד לְאַחַד֙ מֵֽהַנְּעָרִ֔ים וַיֹּ֖אמֶר גַּ֣שׁ פְּגַע־בּ֑וֹ וַיַּכֵּ֖הוּ וַיָּמֹֽת׃

‎16 ‏וַיֹּ֤אמֶר אֵלָיו֙ דָּוִ֔ד דמיך דָּמְךָ֖ עַל־רֹאשֶׁ֑ךָ כִּ֣י פִ֗יךָ עָנָ֤ה בְךָ֙ לֵאמֹ֔ר אָנֹכִ֥י מֹתַ֖תִּי אֶת־מְשִׁ֥יחַ יְהוָֽה׃ ס

‎17 ‏וַיְקֹנֵ֣ן דָּוִ֔ד אֶת־הַקִּינָ֖ה הַזֹּ֑את עַל־שָׁא֖וּל וְעַל־יְהוֹנָתָ֥ן בְּנֽוֹ׃

‎18 ‏וַיֹּ֕אמֶר לְלַמֵּ֥ד בְּנֵֽי־יְהוּדָ֖ה קָ֑שֶׁת הִנֵּ֥ה כְתוּבָ֖ה עַל־סֵ֥פֶר הַיָּשָֽׁר׃

‎19 ‏הַצְּבִי֙ יִשְׂרָאֵ֔ל עַל־בָּמוֹתֶ֖יךָ חָלָ֑ל אֵ֖יךְ נָפְל֥וּ גִבּוֹרִֽים׃

‎20 ‏אַל־תַּגִּ֣ידוּ בְגַ֔ת אַֽל־תְּבַשְּׂר֖וּ בְּחוּצֹ֣ת אַשְׁקְל֑וֹן פֶּן־תִּשְׂמַ֙חְנָה֙ בְּנ֣וֹת פְּלִשְׁתִּ֔ים פֶּֽן־תַּעֲלֹ֖זְנָה בְּנ֥וֹת הָעֲרֵלִֽים׃

‎21 ‏הָרֵ֣י בַגִּלְבֹּ֗עַ אַל־טַ֧ל וְאַל־מָטָ֛ר עֲלֵיכֶ֖ם וּשְׂדֵ֣י תְרוּמֹ֑ת כִּ֣י שָׁ֤ם נִגְעַל֙ מָגֵ֣ן גִּבּוֹרִ֔ים מָגֵ֣ן שָׁא֔וּל בְּלִ֖י מָשִׁ֥יחַ בַּשָּֽׁמֶן׃

‎22 ‏מִדַּ֣ם חֲלָלִ֗ים מֵחֵ֙לֶב֙ גִּבּוֹרִ֔ים קֶ֚שֶׁת יְה֣וֹנָתָ֔ן לֹ֥א נָשׂ֖וֹג אָח֑וֹר וְחֶ֣רֶב שָׁא֔וּל לֹ֥א תָשׁ֖וּב רֵיקָֽם׃

‎23 ‏שָׁא֣וּל וִיהוֹנָתָ֗ן הַנֶּאֱהָבִ֤ים וְהַנְּעִימִם֙ בְּחַיֵּיהֶ֔ם וּבְמוֹתָ֖ם לֹ֣א נִפְרָ֑דוּ מִנְּשָׁרִ֣ים קַ֔לּוּ מֵאֲרָי֖וֹת גָּבֵֽרוּ׃

‎24 ‏בְּנוֹת֙ יִשְׂרָאֵ֔ל אֶל־שָׁא֖וּל בְּכֶ֑ינָה הַמַּלְבִּֽשְׁכֶ֤ם שָׁנִי֙ עִם־עֲדָנִ֔ים הַֽמַּעֲלֶה֙ עֲדִ֣י זָהָ֔ב עַ֖ל לְבוּשְׁכֶֽן׃

‎25 ‏אֵ֚יךְ נָפְל֣וּ גִבֹּרִ֔ים בְּת֖וֹךְ הַמִּלְחָמָ֑ה יְה֣וֹנָתָ֔ן עַל־בָּמוֹתֶ֖יךָ חָלָֽל׃

‎26 ‏צַר־לִ֣י עָלֶ֗יךָ אָחִי֙ יְה֣וֹנָתָ֔ן נָעַ֥מְתָּ לִּ֖י מְאֹ֑ד נִפְלְאַ֤תָה אַהֲבָֽתְךָ֙ לִ֔י מֵאַהֲבַ֖ת נָשִֽׁים׃

‎27 ‏אֵ֚יךְ נָפְל֣וּ גִבּוֹרִ֔ים וַיֹּאבְד֖וּ כְּלֵ֥י מִלְחָמָֽה׃ פ

1 wayəhî ’^aḥărê mwōṯ šā’ûl wəḏāwiḏ šāḇ mēhakwōṯ ’eṯ-hā‘ămālēq wayyēšeḇ dāwiḏ bəṣiqəlāḡ yāmîm šənāyim:

2 wayəhî| bayywōm haššəlîšî wəhinnēh ’îš bā’ min-hamm^aḥăneh mē‘im šā’ûl ûḇəḡāḏāyw qəru‘îm wa’ăḏāmâ ‘al-rō’šwō wayəhî bəḇō’wō ’el-dāwiḏ wayyipōl ’arəṣâ wayyišətāḥû:

3 wayyō’mer lwō dāwiḏ ’ê mizzeh tāḇwō’ wayyō’mer ’ēlāyw mimm^aḥănēh yiśərā’ēl niməlāṭətî:

4 wayyō’mer ’ēlāyw dāwiḏ meh-hāyâ hadāḇār hageḏ-nā’ lî wayyō’mer ’ăšer-nās hā‘ām min-hammiləḥāmâ wəḡam-harəbēh nāfal min-hā‘ām wayyāmuṯû wəḡam šā’ûl wîhwōnāṯān bənwō mēṯû:

5 wayyō’mer dāwiḏ ’el-hann^a‘ar hammagîḏ lwō ’êḵə yāḏ^a‘ətā kî-mēṯ šā’ûl wîhwōnāṯān bənwō:

6 wayyō’mer hann^a‘ar| hammagîḏ lwō niqərō’ niqərêṯî bəhar hagiləbō‘a wəhinnēh šā’ûl nišə‘ān ‘al-ḥănîṯwō wəhinnēh hāreḵeḇ ûḇ^a‘ălê hapārāšîm hiḏəbiquhû:

7 wayyifen ’^aḥărāyw wayyirə’ēnî wayyiqərā’ ’ēlāy wā’ōmar hinnēnî:

8 wayyō’mer lî mî-’ātâ wayyō’mer wā’ōmar ’ēlāyw ‘ămālēqî ’ānōḵî:

9 wayyō’mer ’ēlay ‘ămāḏ-nā’ ‘ālay ûmōṯəṯēnî kî ’ăḥāzanî haššāḇāṣ kî-ḵāl-‘wōḏ nafəšî bî:

10 wā’e‘ĕmōḏ ‘ālāyw wa’ămōṯəṯēhû kî yāḏ^a‘ətî kî lō’ yiḥəyeh ’^aḥărê nifəlwō wā’eqq^aḥ hannēzer| ’ăšer ‘al-rō’šwō wə’eṣə‘āḏâ ’ăšer ‘al-zərō‘wō wā’ăḇî’ēm ’el-’ăḏōnî hēnnâ:

11 wayy^aḥăzēq dāwiḏ biḇəḡāḏāw biḇəḡāḏāyw wayyiqərā‘ēm wəḡam kāl-hā’ănāšîm ’ăšer ’itwō:

12 wayyisəpəḏû wayyiḇəkû wayyāṣumû ‘aḏ-hā‘āreḇ ‘al-šā’ûl wə‘al-yəhwōnāṯān bənwō wə‘al-‘am yəhwâ wə‘al-bêṯ yiśərā’ēl kî nāfəlû beḥāreḇ: s

13 wayyō’mer dāwiḏ ’el-hann^a‘ar hammagîḏ lwō ’ê mizzeh ’ātâ wayyō’mer ben-’îš gēr ‘ămālēqî ’ānōḵî:

14 wayyō’mer ’ēlāyw dāwiḏ ’êḵə lō’ yārē’ṯā lišəlōḥa yāḏəḵā ləš^aḥēṯ ’eṯ-məšîḥa yəhwâ:

15 wayyiqərā’ ḏāwiḏ lə’^aḥaḏ mēhannə‘ārîm wayyō’mer gaš pəḡ^a‘-bwō wayyakēhû wayyāmōṯ:

16 wayyō’mer ’ēlāyw dāwiḏ dāmeyḵā dāməḵā ‘al-rō’šeḵā kî fîḵā ‘ānâ ḇəḵā lē’mōr ’ānōḵî mōṯatî ’eṯ-məšîḥa yəhwâ: s

17 wayəqōnēn dāwiḏ ’eṯ-haqqînâ hazzō’ṯ ‘al-šā’ûl wə‘al-yəhwōnāṯān bənwō:

18 wayyō’mer ləlammēḏ bənê-yəhûḏâ qāšeṯ hinnēh ḵəṯûḇâ ‘al-sēfer hayyāšār:

19 haṣṣəḇî yiśərā’ēl ‘al-bāmwōṯeyḵā ḥālāl ’êḵə nāfəlû ḡibwōrîm:

20 ’al-tagîḏû ḇəḡaṯ ’al-təḇaśśərû bəḥûṣōṯ ’ašəqəlwōn pen-tiśəm^aḥənâ bənwōṯ pəlišətîm pen-t^a‘ălōzənâ bənwōṯ hā‘ărēlîm:

21 hārê ḇagiləbō‘a ’al-ṭal wə’al-māṭār ‘ălêḵem ûśəḏê ṯərûmōṯ kî šām niḡə‘al māḡēn gibwōrîm māḡēn šā’ûl bəlî māšîḥa baššāmen:

22 midam ḥălālîm mēḥēleḇ gibwōrîm qešeṯ yəhwōnāṯān lō’ nāśwōḡ ’āḥwōr wəḥereḇ šā’ûl lō’ ṯāšûḇ rêqām:

23 šā’ûl wîhwōnāṯān hanne’ĕhāḇîm wəhannə‘îmim bəḥayyêhem ûḇəmwōṯām lō’ nifərāḏû minnəšārîm qallû mē’ărāywōṯ gāḇērû:

24 bənwōṯ yiśərā’ēl ’el-šā’ûl bəḵeynâ hammaləbišəḵem šānî ‘im-‘ăḏānîm hamm^a‘ăleh ‘ăḏî zâāḇ ‘al ləḇûšəḵen:

25 ’êḵə nāfəlû ḡibōrîm bəṯwōḵə hammiləḥāmâ yəhwōnāṯān ‘al-bāmwōṯeyḵā ḥālāl:

26 ṣar-lî ‘āleyḵā ’āḥî yəhwōnāṯān nā‘amətā llî mə’ōḏ nifələ’aṯâ ’ahăḇāṯəḵā lî mē’ahăḇaṯ nāšîm:

27 ’êḵə nāfəlû ḡibwōrîm wayyō’ḇəḏû kəlê miləḥāmâ: f