Zechariah (Zekharyah) Chapter 14

‎1 ‏הִנֵּ֥ה יֽוֹם־בָּ֖א לַֽיהוָ֑ה וְחֻלַּ֥ק שְׁלָלֵ֖ךְ בְּקִרְבֵּֽךְ׃

‎2 ‏וְאָסַפְתִּ֨י אֶת־כָּל־הַגּוֹיִ֥ם׀ אֶֽל־יְרוּשָׁלִַם֮ לַמִּלְחָמָה֒ וְנִלְכְּדָ֣ה הָעִ֗יר וְנָשַׁ֙סּוּ֙ הַבָּ֣תִּ֔ים וְהַנָּשִׁ֖ים תשגלנה תִּשָּׁכַ֑בְנָה וְיָצָ֞א חֲצִ֤י הָעִיר֙ בַּגּוֹלָ֔ה וְיֶ֣תֶר הָעָ֔ם לֹ֥א יִכָּרֵ֖ת מִן־הָעִֽיר׃

‎3 ‏וְיָצָ֣א יְהוָ֔ה וְנִלְחַ֖ם בַּגּוֹיִ֣ם הָהֵ֑ם כְּי֥וֹם הִֽלָּחֲמ֖וֹ בְּי֥וֹם קְרָֽב׃

‎4 ‏וְעָמְד֣וּ רַגְלָ֣יו בַּיּוֹם־הַ֠הוּא עַל־הַ֨ר הַזֵּתִ֜ים¹ אֲשֶׁ֨ר עַל־פְּנֵ֥י יְרוּשָׁלִַם֮ מִקֶּדֶם֒ וְנִבְקַע֩ הַ֨ר הַזֵּיתִ֤ים מֵֽחֶצְיוֹ֙ מִזְרָ֣חָה וָיָ֔מָּה גֵּ֖יא גְּדוֹלָ֣ה מְאֹ֑ד וּמָ֨שׁ חֲצִ֥י הָהָ֛ר צָפ֖וֹנָה וְחֶצְיוֹ־נֶֽגְבָּה׃

‎5 ‏וְנַסְתֶּ֣ם גֵּֽיא־הָרַ֗י כִּֽי־יַגִּ֣יעַ גֵּי־הָרִים֮ אֶל־אָצַל֒ וְנַסְתֶּ֗ם כַּאֲשֶׁ֤ר נַסְתֶּם֙ מִפְּנֵ֣י הָרַ֔עַשׁ בִּימֵ֖י עֻזִּיָּ֣ה מֶֽלֶךְ־יְהוּדָ֑ה וּבָא֙ יְהוָ֣ה אֱלֹהַ֔י כָּל־קְדֹשִׁ֖ים עִמָּֽךְ׃

‎6 ‏וְהָיָ֖ה בַּיּ֣וֹם הַה֑וּא לֹֽא־יִהְיֶ֣ה א֔וֹר יְקָר֖וֹת יקפאון וְקִפָּאֽוֹן׃

‎7 ‏וְהָיָ֣ה יוֹם־אֶחָ֗ד ה֛וּא יִוָּדַ֥ע לַֽיהוָ֖ה לֹא־י֣וֹם וְלֹא־לָ֑יְלָה וְהָיָ֥ה לְעֵֽת־עֶ֖רֶב יִֽהְיֶה־אֽוֹר׃

‎8 ‏וְהָיָ֣ה׀ בַּיּ֣וֹם הַה֗וּא יֵצְא֤וּ מַֽיִם־חַיִּים֙ מִיר֣וּשָׁלִַ֔ם חֶצְיָ֗ם אֶל־הַיָּם֙ הַקַּדְמוֹנִ֔י וְחֶצְיָ֖ם אֶל־הַיָּ֣ם הָאַחֲר֑וֹן בַּקַּ֥יִץ וּבָחֹ֖רֶף יִֽהְיֶֽה׃

‎9 ‏וְהָיָ֧ה יְהוָ֛ה לְמֶ֖לֶךְ עַל־כָּל־הָאָ֑רֶץ בַּיּ֣וֹם הַה֗וּא יִהְיֶ֧ה יְהוָ֛ה אֶחָ֖ד וּשְׁמ֥וֹ אֶחָֽד׃

‎10 ‏יִסּ֨וֹב כָּל־הָאָ֤רֶץ כָּעֲרָבָה֙ מִגֶּ֣בַע לְרִמּ֔וֹן נֶ֖גֶב יְרֽוּשָׁלִָ֑ם וְֽרָאֲמָה֩ וְיָשְׁבָ֨ה תַחְתֶּ֜יהָ לְמִשַּׁ֣עַר בִּנְיָמִ֗ן עַד־מְק֞וֹם שַׁ֤עַר הָֽרִאשׁוֹן֙ עַד־שַׁ֣עַר הַפִּנִּ֔ים וּמִגְדַּ֣ל חֲנַנְאֵ֔ל עַ֖ד יִקְבֵ֥י הַמֶּֽלֶךְ׃

‎11 ‏וְיָ֣שְׁבוּ בָ֔הּ וְחֵ֖רֶם לֹ֣א יִֽהְיֶה־ע֑וֹד וְיָשְׁבָ֥ה יְרוּשָׁלִַ֖ם לָבֶֽטַח׃

‎12 ‏וְזֹ֣את׀ תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־כָּל־הָ֣עַמִּ֔ים אֲשֶׁ֥ר צָבְא֖וּ עַל־יְרוּשָׁלִָ֑ם הָמֵ֣ק׀ בְּשָׂר֗וֹ וְהוּא֙ עֹמֵ֣ד עַל־רַגְלָ֔יו וְעֵינָיו֙ תִּמַּ֣קְנָה בְחֹֽרֵיהֶ֔ן וּלְשׁוֹנ֖וֹ תִּמַּ֥ק בְּפִיהֶֽם׃

‎13 ‏וְהָיָה֙ בַּיּ֣וֹם הַה֔וּא תִּֽהְיֶ֧ה מְהֽוּמַת־יְהוָ֛ה רַבָּ֖ה בָּהֶ֑ם וְהֶחֱזִ֗יקוּ אִ֚ישׁ יַ֣ד רֵעֵ֔הוּ וְעָלְתָ֥ה יָד֖וֹ עַל־יַ֥ד רֵעֵֽהוּ׃

‎14 ‏וְגַ֨ם־יְהוּדָ֔ה תִּלָּחֵ֖ם בִּירֽוּשָׁלִָ֑ם וְאֻסַּף֩ חֵ֨יל כָּל־הַגּוֹיִ֜ם סָבִ֗יב זָהָ֥ב וָכֶ֛סֶף וּבְגָדִ֖ים לָרֹ֥ב מְאֹֽד׃

‎15 ‏וְכֵ֨ן תִּֽהְיֶ֜ה מַגֵּפַ֣ת הַסּ֗וּס הַפֶּ֙רֶד֙ הַגָּמָ֣ל וְהַחֲמ֔וֹר וְכָ֨ל־הַבְּהֵמָ֔ה אֲשֶׁ֥ר יִהְיֶ֖ה בַּמַּחֲנ֣וֹת הָהֵ֑מָּה כַּמַּגֵּפָ֖ה הַזֹּֽאת׃

‎16 ‏וְהָיָ֗ה כָּל־הַנּוֹתָר֙ מִכָּל־הַגּוֹיִ֔ם הַבָּאִ֖ים עַל־יְרֽוּשָׁלִָ֑ם וְעָל֞וּ מִדֵּ֧י שָׁנָ֣ה בְשָׁנָ֗ה לְהִֽשְׁתַּחֲוֹת֙ לְמֶ֙לֶךְ֙ יְהוָ֣ה צְבָא֔וֹת וְלָחֹ֖ג אֶת־חַ֥ג הַסֻּכּֽוֹת׃

‎17 ‏וְ֠הָיָה אֲשֶׁ֨ר לֹֽא־יַעֲלֶ֜ה מֵאֵ֨ת מִשְׁפְּח֤וֹת הָאָ֙רֶץ֙ אֶל־יְר֣וּשָׁלִַ֔ם לְהִֽשְׁתַּחֲוֹ֔ת לְמֶ֖לֶךְ יְהוָ֣ה צְבָא֑וֹת וְלֹ֥א עֲלֵיהֶ֖ם יִהְיֶ֥ה הַגָּֽשֶׁם׃

‎18 ‏וְאִם־מִשְׁפַּ֨חַת מִצְרַ֧יִם לֹֽא־תַעֲלֶ֛ה וְלֹ֥א בָאָ֖ה וְלֹ֣א עֲלֵיהֶ֑ם תִּֽהְיֶ֣ה הַמַּגֵּפָ֗ה אֲשֶׁ֨ר יִגֹּ֤ף יְהוָה֙ אֶת־הַגּוֹיִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכּֽוֹת׃

‎19 ‏זֹ֥את תִּהְיֶ֖ה חַטַּ֣את מִצְרָ֑יִם וְחַטַּאת֙ כָּל־הַגּוֹיִ֔ם אֲשֶׁר֙ לֹ֣א יַֽעֲל֔וּ לָחֹ֖ג אֶת־חַ֥ג הַסֻּכּֽוֹת׃

‎20 ‏בַּיּ֣וֹם הַה֗וּא יִֽהְיֶה֙ עַל־מְצִלּ֣וֹת הַסּ֔וּס קֹ֖דֶשׁ לַֽיהוָ֑ה וְהָיָ֤ה הַסִּירוֹת֙ בְּבֵ֣ית יְהוָ֔ה כַּמִּזְרָקִ֖ים לִפְנֵ֥י הַמִּזְבֵּֽחַ׃

‎21 ‏וְ֠הָיָה כָּל־סִ֨יר בִּירוּשָׁלִַ֜ם וּבִֽיהוּדָ֗ה קֹ֚דֶשׁ לַיהוָ֣ה צְבָא֔וֹת וּבָ֙אוּ֙ כָּל־הַזֹּ֣בְחִ֔ים וְלָקְח֥וּ מֵהֶ֖ם וּבִשְּׁל֣וּ בָהֶ֑ם וְלֹא־יִהְיֶ֨ה כְנַעֲנִ֥י ע֛וֹד בְּבֵית־יְהוָ֥ה צְבָא֖וֹת בַּיּ֥וֹם הַהֽוּא׃

1 hinnēh ywōm-bā’ layhwâ wəḥullaq šəlālēḵə bəqirəbēḵə:

2 wə’āsafətî ’eṯ-kāl-hagwōyim| ’el-yərûšālaim lammiləḥāmâ wəniləkəḏâ hā‘îr wənāšassû habātîm wəhannāšîm tiššāḡalənâ tiššāḵaḇənâ wəyāṣā’ ḥăṣî hā‘îr bagwōlâ wəyeṯer hā‘ām lō’ yikārēṯ min-hā‘îr:

3 wəyāṣā’ yəhwâ wəniləḥam bagwōyim hâēm kəywōm hillāḥămwō bəywōm qərāḇ:

4 wə‘āməḏû raḡəlāyw bayywōm-hahû’ ‘al-har hazzēṯîm¹ ’ăšer ‘al-pənê yərûšālaim miqqeḏem wəniḇəq^a‘ har hazzêṯîm mēḥeṣəywō mizərāḥâ wāyāmmâ gê’ gəḏwōlâ mə’ōḏ ûmāš ḥăṣî hâār ṣāfwōnâ wəḥeṣəywō-neḡəbâ:

5 wənasətem gê’-hāray kî-yagî‘a gê-hārîm ’el-’āṣal wənasətem ka’ăšer nasətem mipənê hār^a‘aš bîmê ‘uzzîyâ meleḵə-yəhûḏâ ûḇā’ yəhwâ ’ĕlōhay kāl-qəḏōšîm ‘immāḵə:

6 wəhāyâ bayywōm hahû’ lō’-yihəyeh ’wōr yəqārwōṯ yiqəpə’ûn wəqipā’wōn:

7 wəhāyâ ywōm-’eḥāḏ hû’ yiûāḏ^a‘ layhwâ lō’-ywōm wəlō’-lāyəlâ wəhāyâ lə‘ēṯ-‘ereḇ yihəyeh-’wōr:

8 wəhāyâ| bayywōm hahû’ yēṣə’û mayim-ḥayyîm mîrûšālaim ḥeṣəyām ’el-hayyām haqqaḏəmwōnî wəḥeṣəyām ’el-hayyām hā’^aḥărwōn baqqayiṣ ûḇāḥōref yihəyeh:

9 wəhāyâ yəhwâ ləmeleḵə ‘al-kāl-hā’āreṣ bayywōm hahû’ yihəyeh yəhwâ ’eḥāḏ ûšəmwō ’eḥāḏ:

10 yisswōḇ kāl-hā’āreṣ kā‘ărāḇâ migeḇ^a‘ lərimmwōn neḡeḇ yərûšālāim wərā’ămâ wəyāšəḇâ ṯ^aḥəteyhā ləmišš^a‘ar binəyāmin ‘aḏ-məqwōm š^a‘ar hāri’šwōn ‘aḏ-š^a‘ar hapinnîm ûmiḡədal ḥănanə’ēl ‘aḏ yiqəḇê hammeleḵə:

11 wəyāšəḇû ḇāh wəḥērem lō’ yihəyeh-‘wōḏ wəyāšəḇâ yərûšālaim lāḇeṭ^aḥ:

12 wəzō’ṯ| tihəyeh hammagēfâ ’ăšer yigōf yəhwâ ’eṯ-kāl-hā‘ammîm ’ăšer ṣāḇə’û ‘al-yərûšālāim hāmēq| bəśārwō wəhû’ ‘ōmēḏ ‘al-raḡəlāyw wə‘ênāyw timmaqənâ ḇəḥōrêhen ûləšwōnwō timmaq bəfîhem:

13 wəhāyâ bayywōm hahû’ tihəyeh məhûmaṯ-yəhwâ rabâ bâem wəheḥĕzîqû ’îš yaḏ rē‘ēhû wə‘āləṯâ yāḏwō ‘al-yaḏ rē‘ēhû:

14 wəḡam-yəhûḏâ tillāḥēm bîrûšālāim wə’ussaf ḥêl kāl-hagwōyim sāḇîḇ zâāḇ wāḵesef ûḇəḡāḏîm lārōḇ mə’ōḏ:

15 wəḵēn tihəyeh magēfaṯ hassûs hapereḏ hagāmāl wəh^aḥămwōr wəḵāl-habəhēmâ ’ăšer yihəyeh bamm^aḥănwōṯ hâēmmâ kammagēfâ hazzō’ṯ:

16 wəhāyâ kāl-hannwōṯār mikāl-hagwōyim habā’îm ‘al-yərûšālāim wə‘ālû midê šānâ ḇəšānâ ləhišət^aḥăwōṯ ləmeleḵə yəhwâ ṣəḇā’wōṯ wəlāḥōḡ ’eṯ-ḥaḡ hassukwōṯ:

17 wəhāyâ ’ăšer lō’-y^a‘ăleh mē’ēṯ mišəpəḥwōṯ hā’āreṣ ’el-yərûšālaim ləhišət^aḥăwōṯ ləmeleḵə yəhwâ ṣəḇā’wōṯ wəlō’ ‘ălêhem yihəyeh hagāšem:

18 wə’im-mišəp^aḥaṯ miṣərayim lō’-ṯ^a‘ăleh wəlō’ ḇā’â wəlō’ ‘ălêhem tihəyeh hammagēfâ ’ăšer yigōf yəhwâ ’eṯ-hagwōyim ’ăšer lō’ y^a‘ălû lāḥōḡ ’eṯ-ḥaḡ hassukwōṯ:

19 zō’ṯ tihəyeh ḥaṭṭa’ṯ miṣərāyim wəḥaṭṭa’ṯ kāl-hagwōyim ’ăšer lō’ y^a‘ălû lāḥōḡ ’eṯ-ḥaḡ hassukwōṯ:

20 bayywōm hahû’ yihəyeh ‘al-məṣillwōṯ hassûs qōḏeš layhwâ wəhāyâ hassîrwōṯ bəḇêṯ yəhwâ kammizərāqîm lifənê hammizəbēḥa:

21 wəhāyâ kāl-sîr bîrûšālaim ûḇîhûḏâ qōḏeš layhwâ ṣəḇā’wōṯ ûḇā’û kāl-hazzōḇəḥîm wəlāqəḥû mēhem ûḇiššəlû ḇâem wəlō’-yihəyeh ḵən^a‘ănî ‘wōḏ bəḇêṯ-yəhwâ ṣəḇā’wōṯ bayywōm hahû’: