Ezekiel (Yechezqel) Chapter 9

‎1 ‏וַיִּקְרָ֣א בְאָזְנַ֗י ק֤וֹל גָּדוֹל֙ לֵאמֹ֔ר קָרְב֖וּ פְּקֻדּ֣וֹת הָעִ֑יר וְאִ֛ישׁ כְּלִ֥י מַשְׁחֵת֖וֹ בְּיָדֽוֹ׃

‎2 ‏וְהִנֵּ֣ה שִׁשָּׁ֣ה אֲנָשִׁ֡ים בָּאִ֣ים׀ מִדֶּרֶךְ־שַׁ֨עַר הָעֶלְי֜וֹן אֲשֶׁ֣ר׀ מָפְנֶ֣ה צָפ֗וֹנָה וְאִ֨ישׁ כְּלִ֤י מַפָּצוֹ֙ בְּיָד֔וֹ וְאִישׁ־אֶחָ֤ד בְּתוֹכָם֙ לָבֻ֣שׁ בַּדִּ֔ים וְקֶ֥סֶת הַסֹּפֵ֖ר בְּמָתְנָ֑יו וַיָּבֹ֙אוּ֙ וַיַּ֣עַמְד֔וּ אֵ֖צֶל מִזְבַּ֥ח הַנְּחֹֽשֶׁת׃

‎3 ‏וּכְב֣וֹד׀ אֱלֹהֵ֣י יִשְׂרָאֵ֗ל נַעֲלָה֙ מֵעַ֤ל הַכְּרוּב֙ אֲשֶׁ֣ר הָיָ֣ה עָלָ֔יו אֶ֖ל מִפְתַּ֣ן הַבָּ֑יִת וַיִּקְרָ֗א אֶל־הָאִישׁ֙ הַלָּבֻ֣שׁ הַבַּדִּ֔ים אֲשֶׁ֛ר קֶ֥סֶת הַסֹּפֵ֖ר בְּמָתְנָֽיו׃ ס

‎4 ‏וַיֹּ֤אמֶר יְהוָה֙ אלו אֵלָ֔יו עֲבֹר֙ בְּת֣וֹךְ הָעִ֔יר בְּת֖וֹךְ יְרֽוּשָׁלִָ֑ם וְהִתְוִ֨יתָ תָּ֜ו עַל־מִצְח֣וֹת הָאֲנָשִׁ֗ים הַנֶּֽאֱנָחִים֙ וְהַנֶּ֣אֱנָקִ֔ים עַ֚ל כָּל־הַתּ֣וֹעֵב֔וֹת הַֽנַּעֲשׂ֖וֹת בְּתוֹכָֽהּ׃

‎5 ‏וּלְאֵ֙לֶּה֙ אָמַ֣ר בְּאָזְנַ֔י עִבְר֥וּ בָעִ֛יר אַחֲרָ֖יו וְהַכּ֑וּ על־ אַל־ תָּחֹ֥ס עיניכם עֵינְכֶ֖ם וְאַל־תַּחְמֹֽלוּ׃

‎6 ‏זָקֵ֡ן בָּח֣וּר וּבְתוּלָה֩ וְטַ֨ף וְנָשִׁ֜ים תַּהַרְג֣וּ לְמַשְׁחִ֗ית וְעַל־כָּל־אִ֨ישׁ אֲשֶׁר־עָלָ֤יו הַתָּו֙ אַל־תִּגַּ֔שׁוּ וּמִמִּקְדָּשִׁ֖י תָּחֵ֑לּוּ וַיָּחֵ֙לּוּ֙ בָּאֲנָשִׁ֣ים הַזְּקֵנִ֔ים אֲשֶׁ֖ר לִפְנֵ֥י הַבָּֽיִת׃

‎7 ‏וַיֹּ֨אמֶר אֲלֵיהֶ֜ם טַמְּא֣וּ אֶת־הַבַּ֗יִת וּמַלְא֧וּ אֶת־הַחֲצֵר֛וֹת חֲלָלִ֖ים צֵ֑אוּ וְיָצְא֖וּ וְהִכּ֥וּ בָעִֽיר׃

‎8 ‏וַֽיְהִי֙ כְּהַכּוֹתָ֔ם וְנֵֽאשֲׁאַ֖ר אָ֑נִי וָאֶפְּלָ֨ה עַל־פָּנַ֜י וָאֶזְעַ֗ק וָֽאֹמַר֙ אֲהָהּ֙ אֲדֹנָ֣י יְהוִ֔ה הֲמַשְׁחִ֣ית אַתָּ֗ה אֵ֚ת כָּל־שְׁאֵרִ֣ית יִשְׂרָאֵ֔ל בְּשָׁפְכְּךָ֥ אֶת־חֲמָתְךָ֖ עַל־יְרוּשָׁלִָֽם׃

‎9 ‏וַיֹּ֣אמֶר אֵלַ֗י עֲוֹ֨ן בֵּֽית־יִשְׂרָאֵ֤ל וִֽיהוּדָה֙ גָּדוֹל֙ בִּמְאֹ֣ד מְאֹ֔ד וַתִּמָּלֵ֤א הָאָ֙רֶץ֙ דָּמִ֔ים וְהָעִ֖יר מָלְאָ֣ה מֻטֶּ֑ה כִּ֣י אָמְר֗וּ עָזַ֤ב יְהוָה֙ אֶת־הָאָ֔רֶץ וְאֵ֥ין יְהוָ֖ה רֹאֶֽה׃

‎10 ‏וְגַ֨ם־אֲנִ֔י לֹא־תָח֥וֹס עֵינִ֖י וְלֹ֣א אֶחְמֹ֑ל דַּרְכָּ֖ם בְּרֹאשָׁ֥ם נָתָֽתִּי׃

‎11 ‏וְהִנֵּ֞ה הָאִ֣ישׁ׀ לְבֻ֣שׁ הַבַּדִּ֗ים אֲשֶׁ֤ר הַקֶּ֙סֶת֙ בְּמָתְנָ֔יו מֵשִׁ֥יב דָּבָ֖ר לֵאמֹ֑ר עָשִׂ֕יתִי כאשר כְּכֹ֖ל³ אֲשֶׁ֥ר צִוִּיתָֽנִי׃ ס

1 wayyiqərā’ ḇə’āzənay qwōl gāḏwōl lē’mōr qārəḇû pəqudwōṯ hā‘îr wə’îš kəlî mašəḥēṯwō bəyāḏwō:

2 wəhinnēh šiššâ ’ănāšîm bā’îm| midereḵə-š^a‘ar hā‘eləywōn ’ăšer| māfəneh ṣāfwōnâ wə’îš kəlî mapāṣwō bəyāḏwō wə’îš-’eḥāḏ bəṯwōḵām lāḇuš badîm wəqeseṯ hassōfēr bəmāṯənāyw wayyāḇō’û wayy^a‘aməḏû ’ēṣel mizəb^aḥ hannəḥōšeṯ:

3 ûḵəḇwōḏ| ’ĕlōhê yiśərā’ēl n^a‘ălâ mē‘al hakərûḇ ’ăšer hāyâ ‘ālāyw ’el mifətan habāyiṯ wayyiqərā’ ’el-hā’îš hallāḇuš habadîm ’ăšer qeseṯ hassōfēr bəmāṯənāyw: s

4 wayyō’mer yəhwâ ’ēlāw ’ēlāyw ‘ăḇōr bəṯwōḵə hā‘îr bəṯwōḵə yərûšālāim wəhiṯəwîṯā tāw ‘al-miṣəḥwōṯ hā’ănāšîm hanne’ĕnāḥîm wəhanne’ĕnāqîm ‘al kāl-hatwō‘ēḇwōṯ hann^a‘ăśwōṯ bəṯwōḵāh:

5 ûlə’ēlleh ’āmar bə’āzənay ‘iḇərû ḇā‘îr ’^aḥărāyw wəhakû ‘al- ’al- tāḥōs ‘ênêḵem ‘ênəḵem wə’al-t^aḥəmōlû:

6 zāqēn bāḥûr ûḇəṯûlâ wəṭaf wənāšîm taharəḡû ləmašəḥîṯ wə‘al-kāl-’îš ’ăšer-‘ālāyw hatāw ’al-tigašû ûmimmiqədāšî tāḥēllû wayyāḥēllû bā’ănāšîm hazzəqēnîm ’ăšer lifənê habāyiṯ:

7 wayyō’mer ’ălêhem ṭammə’û ’eṯ-habayiṯ ûmalə’û ’eṯ-h^aḥăṣērwōṯ ḥălālîm ṣē’û wəyāṣə’û wəhikû ḇā‘îr:

8 wayəhî kəhakwōṯām wənē’šă’ar ’ānî wā’epəlâ ‘al-pānay wā’ezə‘aq wā’ōmar ’ăhāh ’ăḏōnāy yəhwih hămašəḥîṯ ’atâ ’ēṯ kāl-šə’ērîṯ yiśərā’ēl bəšāfəkəḵā ’eṯ-ḥămāṯəḵā ‘al-yərûšālāim:

9 wayyō’mer ’ēlay ‘ăwōn bêṯ-yiśərā’ēl wîhûḏâ gāḏwōl bimə’ōḏ mə’ōḏ watimmālē’ hā’āreṣ dāmîm wəhā‘îr mālə’â muṭṭeh kî ’āmərû ‘āzaḇ yəhwâ ’eṯ-hā’āreṣ wə’ên yəhwâ rō’eh:

10 wəḡam-’ănî lō’-ṯāḥwōs ‘ênî wəlō’ ’eḥəmōl darəkām bərō’šām nāṯātî:

11 wəhinnēh hā’îš| ləḇuš habadîm ’ăšer haqqeseṯ bəmāṯənāyw mēšîḇ dāḇār lē’mōr ‘āśîṯî ḵa’ăšer kəḵōl³ ’ăšer ṣiûîṯānî: s