Job (Iyov) Chapter 32

‎1 ‏וַֽיִּשְׁבְּת֡וּ שְׁלֹ֤שֶׁת הָאֲנָשִׁ֣ים הָ֭אֵלֶּה מֵעֲנ֣וֹת אֶת־אִיּ֑וֹב כִּ֤י ה֖וּא צַדִּ֣יק בְּעֵינָֽיו׃ פ

‎2 ‏וַיִּ֤חַר אַ֨ף׀ אֱלִיה֣וּא בֶן־בַּרַכְאֵ֣ל הַבּוּזִי֮ מִמִּשְׁפַּ֪חַ֫ת רָ֥ם בְּ֭אִיּוֹב חָרָ֣ה אַפּ֑וֹ עַֽל־צַדְּק֥וֹ נַ֝פְשׁ֗וֹ מֵאֱלֹהִֽים׃

‎3 ‏וּבִשְׁלֹ֣שֶׁת רֵעָיו֮ חָרָ֪ה אַ֫פּ֥וֹ עַ֤ל אֲשֶׁ֣ר לֹא־מָצְא֣וּ מַעֲנֶ֑ה וַ֝יַּרְשִׁ֗יעוּ אֶת־אִיּֽוֹב׃

‎4 ‏וֶֽאֱלִיה֗וּ³ חִכָּ֣ה אֶת־אִ֭יּוֹב בִּדְבָרִ֑ים כִּ֤י זְֽקֵנִים־הֵ֖מָּה מִמֶּ֣נּוּ לְיָמִֽים׃

‎5 ‏וַיַּ֤רְא אֱלִיה֗וּא כִּ֘י אֵ֤ין מַעֲנֶ֗ה בְּ֭פִי שְׁלֹ֥שֶׁת הָאֲנָשִׁ֗ים וַיִּ֥חַר אַפּֽוֹ׃ פ

‎6 ‏וַיַּ֤עַן׀ אֱלִיה֖וּא בֶן־בַּֽרַכְאֵ֥ל הַבּוּזִ֗י וַיֹּ֫אמַ֥ר צָ֘עִ֤יר אֲנִ֣י לְ֭יָמִים וְאַתֶּ֣ם יְשִׁישִׁ֑ים עַל־כֵּ֖ן זָחַ֥לְתִּי וָֽאִירָ֓א׀¹ מֵחַוֹּ֖ת דֵּעִ֣י אֶתְכֶֽם׃

‎7 ‏אָ֭מַרְתִּי יָמִ֣ים יְדַבֵּ֑רוּ וְרֹ֥ב שָׁ֝נִ֗ים יֹדִ֥יעוּ חָכְמָֽה׃

‎8 ‏אָ֭כֵן רֽוּחַ־הִ֣יא בֶאֱנ֑וֹשׁ וְנִשְׁמַ֖ת שַׁדַּ֣י תְּבִינֵֽם׃

‎9 ‏לֹֽא־רַבִּ֥ים יֶחְכָּ֑מוּ וּ֝זְקֵנִ֗ים יָבִ֥ינוּ מִשְׁפָּֽט׃

‎10 ‏לָכֵ֣ן אָ֭מַרְתִּי שִׁמְעָה־לִּ֑י אֲחַוֶּ֖ה דֵּעִ֣י אַף־אָֽנִי׃

‎11 ‏הֵ֤ן הוֹחַ֨לְתִּי לְֽדִבְרֵיכֶ֗ם אָ֭זִין עַד־תְּב֥וּנֹֽתֵיכֶ֑ם³ עַֽד־תַּחְקְר֥וּן מִלִּֽין׃

‎12 ‏וְעָֽדֵיכֶ֗ם אֶתְבּ֫וֹנָ֥ן וְהִנֵּ֤ה אֵ֣ין לְאִיּ֣וֹב מוֹכִ֑יחַ עוֹנֶ֖ה אֲמָרָ֣יו מִכֶּֽם׃

‎13 ‏פֶּן־תֹּ֣֭אמְרוּ מָצָ֣אנוּ חָכְמָ֑ה אֵ֖ל יִדְּפֶ֣נּוּ לֹא־אִֽישׁ׃

‎14 ‏וְלֹא־עָרַ֣ךְ אֵלַ֣י מִלִּ֑ין וּ֝בְאִמְרֵיכֶ֗ם לֹ֣א אֲשִׁיבֶֽנּוּ׃

‎15 ‏חַ֭תּוּ לֹא־עָ֣נוּ ע֑וֹד הֶעְתִּ֖יקוּ מֵהֶ֣ם מִלִּֽים׃

‎16 ‏וְ֭הוֹחַלְתִּי כִּי־לֹ֣א יְדַבֵּ֑רוּ כִּ֥י עָ֝מְד֗וּ לֹא־עָ֥נוּ עֽוֹד׃

‎17 ‏אַעֲנֶ֣ה אַף־אֲנִ֣י חֶלְקִ֑י אֲחַוֶּ֖ה דֵעִ֣י אַף־אָֽנִי׃

‎18 ‏כִּ֭י מָלֵ֣תִי מִלִּ֑ים הֱ֝צִיקַ֗תְנִי ר֣וּחַ בִּטְנִֽי׃

‎19 ‏הִנֵּֽה־בִטְנִ֗י כְּיַ֥יִן לֹא־יִפָּתֵ֑חַ כְּאֹב֥וֹת חֲ֝דָשִׁ֗ים יִבָּקֵֽעַ׃

‎20 ‏אֲדַבְּרָ֥ה וְיִֽרְוַֽח־לִ֑י אֶפְתַּ֖ח שְׂפָתַ֣י וְאֶֽעֱנֶֽה׃

‎21 ‏אַל־נָ֭א אֶשָּׂ֣א פְנֵי־אִ֑ישׁ וְאֶל־אָ֝דָ֗ם לֹ֣א אֲכַנֶּֽה׃

‎22 ‏כִּ֤י לֹ֣א יָדַ֣עְתִּי אֲכַנֶּ֑ה כִּ֝מְעַ֗ט יִשָּׂאֵ֥נִי עֹשֵֽׂנִי׃

1 wayyišəbəṯû šəlōšeṯ hā’ănāšîm hā’ēlleh mē‘ănwōṯ ’eṯ-’îywōḇ kî hû’ ṣadîq bə‘ênāyw: f

2 wayyiḥar ’af| ’ĕlîhû’ ḇen-baraḵə’ēl habûzî mimmišəp^aḥaṯ rām bə’îywōḇ ḥārâ ’apwō ‘al-ṣadəqwō nafəšwō mē’ĕlōhîm:

3 ûḇišəlōšeṯ rē‘āyw ḥārâ ’apwō ‘al ’ăšer lō’-māṣə’û m^a‘ăneh wayyarəšî‘û ’eṯ-’îywōḇ:

4 we’ĕlîhû³ ḥikâ ’eṯ-’îywōḇ biḏəḇārîm kî zəqēnîm-hēmmâ mimmennû ləyāmîm:

5 wayyarə’ ’ĕlîhû’ kî ’ên m^a‘ăneh bəfî šəlōšeṯ hā’ănāšîm wayyiḥar ’apwō: f

6 wayy^a‘an| ’ĕlîhû’ ḇen-baraḵə’ēl habûzî wayyō’mar ṣā‘îr ’ănî ləyāmîm wə’atem yəšîšîm ‘al-kēn zāḥalətî wā’îrā’|¹ mēḥaûōṯ dē‘î ’eṯəḵem:

7 ’āmarətî yāmîm yəḏabērû wərōḇ šānîm yōḏî‘û ḥāḵəmâ:

8 ’āḵēn rûḥa-hî’ ḇe’ĕnwōš wənišəmaṯ šaday təḇînēm:

9 lō’-rabîm yeḥəkāmû ûzəqēnîm yāḇînû mišəpāṭ:

10 lāḵēn ’āmarətî šimə‘â-llî ’ăḥaûeh dē‘î ’af-’ānî:

11 hēn hwōḥalətî ləḏiḇərêḵem ’āzîn ‘aḏ-təḇûnōṯêḵem³ ‘aḏ-t^aḥəqərûn millîn:

12 wə‘āḏêḵem ’eṯəbwōnān wəhinnēh ’ên lə’îywōḇ mwōḵîḥa ‘wōneh ’ămārāyw mikem:

13 pen-tō’mərû māṣā’nû ḥāḵəmâ ’ēl yidəfennû lō’-’îš:

14 wəlō’-‘āraḵə ’ēlay millîn ûḇə’imərêḵem lō’ ’ăšîḇennû:

15 ḥatû lō’-‘ānû ‘wōḏ he‘ətîqû mēhem millîm:

16 wəhwōḥalətî kî-lō’ yəḏabērû kî ‘āməḏû lō’-‘ānû ‘wōḏ:

17 ’^a‘ăneh ’af-’ănî ḥeləqî ’ăḥaûeh ḏē‘î ’af-’ānî:

18 kî mālēṯî millîm hĕṣîqaṯənî rûḥa biṭənî:

19 hinnēh-ḇiṭənî kəyayin lō’-yipāṯēḥa kə’ōḇwōṯ ḥăḏāšîm yibāqē‘a:

20 ’ăḏabərâ wəyirəw^aḥ-lî ’efət^aḥ śəfāṯay wə’e‘ĕneh:

21 ’al-nā’ ’eśśā’ fənê-’îš wə’el-’āḏām lō’ ’ăḵanneh:

22 kî lō’ yāḏ^a‘ətî ’ăḵanneh kimə‘aṭ yiśśā’ēnî ‘ōśēnî: