Lamentations (Eichah) Chapter 4

‎1 ‏אֵיכָה֙ יוּעַ֣ם זָהָ֔ב יִשְׁנֶ֖א הַכֶּ֣תֶם הַטּ֑וֹב תִּשְׁתַּפֵּ֙כְנָה֙ אַבְנֵי־קֹ֔דֶשׁ בְּרֹ֖אשׁ כָּל־חוּצֽוֹת׃ ס

‎2 ‏בְּנֵ֤י צִיּוֹן֙ הַיְקָרִ֔ים הַמְסֻלָּאִ֖ים בַּפָּ֑ז אֵיכָ֤ה נֶחְשְׁבוּ֙ לְנִבְלֵי־חֶ֔רֶשׂ מַעֲשֵׂ֖ה יְדֵ֥י יוֹצֵֽר׃ ס

‎3 ‏גַּם־תנין תַּנִּים֙ חָ֣לְצוּ שַׁ֔ד הֵינִ֖יקוּ גּוּרֵיהֶ֑ן בַּת־עַמִּ֣י לְאַכְזָ֔ר כי ענים כַּיְעֵנִ֖ים בַּמִּדְבָּֽר׃ ס

‎4 ‏דָּבַ֨ק לְשׁ֥וֹן יוֹנֵ֛ק אֶל־חִכּ֖וֹ בַּצָּמָ֑א עֽוֹלָלִים֙ שָׁ֣אֲלוּ לֶ֔חֶם פֹּרֵ֖שׂ אֵ֥ין לָהֶֽם׃ ס

‎5 ‏הָאֹֽכְלִים֙ לְמַ֣עֲדַנִּ֔ים נָשַׁ֖מּוּ בַּחוּצ֑וֹת הָאֱמֻנִים֙ עֲלֵ֣י תוֹלָ֔ע חִבְּק֖וּ אַשְׁפַּתּֽוֹת׃ ס

‎6 ‏וַיִּגְדַּל֙ עֲוֹ֣ן בַּת־עַמִּ֔י מֵֽחַטַּ֖את סְדֹ֑ם הַֽהֲפוּכָ֣ה כְמוֹ־רָ֔גַע וְלֹא־חָ֥לוּ בָ֖הּ יָדָֽיִם׃ ס

‎7 ‏זַכּ֤וּ נְזִירֶ֙יהָ֙ מִשֶּׁ֔לֶג צַח֖וּ מֵחָלָ֑ב אָ֤דְמוּ עֶ֙צֶם֙ מִפְּנִינִ֔ים סַפִּ֖יר גִּזְרָתָֽם׃ ס

‎8 ‏חָשַׁ֤ךְ מִשְּׁחוֹר֙ תָּֽאֳרָ֔ם לֹ֥א נִכְּר֖וּ בַּחוּצ֑וֹת צָפַ֤ד עוֹרָם֙ עַל־עַצְמָ֔ם יָבֵ֖שׁ הָיָ֥ה כָעֵֽץ׃ ס

‎9 ‏טוֹבִ֤ים הָיוּ֙ חַלְלֵי־חֶ֔רֶב מֵֽחַלְלֵ֖י רָעָ֑ב שֶׁ֣הֵ֤ם יָז֙וּבוּ֙ מְדֻקָּרִ֔ים מִתְּנוּבֹ֖ת שָׂדָֽי׃ ס

‎10 ‏יְדֵ֗י נָשִׁים֙ רַחֲמָ֣נִיּ֔וֹת בִּשְּׁל֖וּ יַלְדֵיהֶ֑ן הָי֤וּ לְבָרוֹת֙ לָ֔מוֹ בְּשֶׁ֖בֶר בַּת־עַמִּֽי׃ ס

‎11 ‏כִּלָּ֤ה יְהוָה֙ אֶת־חֲמָת֔וֹ שָׁפַ֖ךְ חֲר֣וֹן אַפּ֑וֹ וַיַּצֶּת־אֵ֣שׁ בְּצִיּ֔וֹן וַתֹּ֖אכַל יְסוֹדֹתֶֽיהָ׃ ס

‎12 ‏לֹ֤א הֶאֱמִ֙ינוּ֙ מַלְכֵי־אֶ֔רֶץ וכל כֹּ֖ל יֹשְׁבֵ֣י תֵבֵ֑ל כִּ֤י יָבֹא֙ צַ֣ר וְאוֹיֵ֔ב בְּשַׁעֲרֵ֖י יְרוּשָׁלִָֽם׃ ס

‎13 ‏מֵֽחַטֹּ֣את נְבִיאֶ֔יהָ עֲוֹנ֖וֹת כֹּהֲנֶ֑יהָ הַשֹּׁפְכִ֥ים בְּקִרְבָּ֖הּ דַּ֥ם צַדִּיקִֽים׃ ס

‎14 ‏נָע֤וּ עִוְרִים֙ בַּֽחוּצ֔וֹת נְגֹֽאֲל֖וּ בַּדָּ֑ם בְּלֹ֣א יֽוּכְל֔וּ יִגְּע֖וּ בִּלְבֻשֵׁיהֶֽם׃ ס

‎15 ‏ס֣וּרוּ טָמֵ֞א קָ֣רְאוּ לָ֗מוֹ ס֤וּרוּ ס֙וּרוּ֙ אַל־תִּגָּ֔עוּ כִּ֥י נָצ֖וּ גַּם־נָ֑עוּ אָֽמְרוּ֙ בַּגּוֹיִ֔ם לֹ֥א יוֹסִ֖יפוּ לָגֽוּר׃ ס

‎16 ‏פְּנֵ֤י יְהוָה֙ חִלְּקָ֔ם לֹ֥א יוֹסִ֖יף לְהַבִּיטָ֑ם פְּנֵ֤י כֹהֲנִים֙ לֹ֣א נָשָׂ֔אוּ זקנים וּזְקֵנִ֖ים^m לֹ֥א חָנָֽנוּ׃ ס

‎17 ‏עודינה עוֹדֵ֙ינוּ֙ תִּכְלֶ֣ינָה עֵינֵ֔ינוּ אֶל־עֶזְרָתֵ֖נוּ הָ֑בֶל בְּצִפִּיָּתֵ֣נוּ צִפִּ֔ינוּ אֶל־גּ֖וֹי לֹ֥א יוֹשִֽׁעַ׃ ס

‎18 ‏צָד֣וּ צְעָדֵ֔ינוּ מִלֶּ֖כֶת בִּרְחֹבֹתֵ֑ינוּ קָרַ֥ב קִצֵּ֛ינוּ מָלְא֥וּ יָמֵ֖ינוּ כִּי־בָ֥א קִצֵּֽינוּ׃ ס

‎19 ‏קַלִּ֤ים הָיוּ֙ רֹדְפֵ֔ינוּ מִנִּשְׁרֵ֖י שָׁמָ֑יִם עַל־הֶהָרִ֣ים דְּלָקֻ֔נוּ בַּמִּדְבָּ֖ר אָ֥רְבוּ לָֽנוּ׃ ס

‎20 ‏ר֤וּחַ אַפֵּ֙ינוּ֙ מְשִׁ֣יחַ יְהוָ֔ה נִלְכַּ֖ד בִּשְׁחִיתוֹתָ֑ם אֲשֶׁ֣ר אָמַ֔רְנוּ בְּצִלּ֖וֹ נִֽחְיֶ֥ה בַגּוֹיִֽם׃ ס

‎21 ‏שִׂ֤ישִׂי וְשִׂמְחִי֙ בַּת־אֱד֔וֹם יושבתי יוֹשֶׁ֖בֶת בְּאֶ֣רֶץ ע֑וּץ גַּם־עָלַ֙יִךְ֙ תַּעֲבָר־כּ֔וֹס תִּשְׁכְּרִ֖י וְתִתְעָרִֽי׃ ס

‎22 ‏תַּם־עֲוֹנֵךְ֙ בַּת־צִיּ֔וֹן לֹ֥א יוֹסִ֖יף לְהַגְלוֹתֵ֑ךְ פָּקַ֤ד עֲוֹנֵךְ֙ בַּת־אֱד֔וֹם גִּלָּ֖ה עַל־חַטֹּאתָֽיִךְ׃ פ

1 ’êḵâ yû‘am zâāḇ yišəne’ hakeṯem haṭṭwōḇ tišətapēḵənâ ’aḇənê-qōḏeš bərō’š kāl-ḥûṣwōṯ: s

2 bənê ṣîywōn hayəqārîm haməsullā’îm bapāz ’êḵâ neḥəšəḇû ləniḇəlê-ḥereś m^a‘ăśēh yəḏê ywōṣēr: s

3 gam-tannîn tannîm ḥāləṣû šaḏ hênîqû gûrêhen baṯ-‘ammî lə’aḵəzār kî ‘ēnîm kayə‘ēnîm bammiḏəbār: s

4 dāḇaq ləšwōn ywōnēq ’el-ḥikwō baṣṣāmā’ ‘wōlālîm šā’ălû leḥem pōrēś ’ên lâem: s

5 hā’ōḵəlîm ləm^a‘ăḏannîm nāšammû b^aḥûṣwōṯ hā’ĕmunîm ‘ălê ṯwōlā‘ ḥibəqû ’ašəpatwōṯ: s

6 wayyiḡədal ‘ăwōn baṯ-‘ammî mēḥaṭṭa’ṯ səḏōm hahăfûḵâ ḵəmwō-rāḡ^a‘ wəlō’-ḥālû ḇāh yāḏāyim: s

7 zakû nəzîreyhā miššeleḡ ṣ^aḥû mēḥālāḇ ’āḏəmû ‘eṣem mipənînîm sapîr gizərāṯām: s

8 ḥāšaḵə miššəḥwōr tā’ŏrām lō’ nikərû b^aḥûṣwōṯ ṣāfaḏ ‘wōrām ‘al-‘aṣəmām yāḇēš hāyâ ḵā‘ēṣ: s

9 ṭwōḇîm hāyû ḥaləlê-ḥereḇ mēḥaləlê rā‘āḇ šehēm yāzûḇû məḏuqqārîm mitənûḇōṯ śāḏāy: s

10 yəḏê nāšîm r^aḥămānîywōṯ biššəlû yaləḏêhen hāyû ləḇārwōṯ lāmwō bəšeḇer baṯ-‘ammî: s

11 killâ yəhwâ ’eṯ-ḥămāṯwō šāfaḵə ḥărwōn ’apwō wayyaṣṣeṯ-’ēš bəṣîywōn watō’ḵal yəswōḏōṯeyhā: s

12 lō’ he’ĕmînû maləḵê-’ereṣ wəḵōl kōl yōšəḇê ṯēḇēl kî yāḇō’ ṣar wə’wōyēḇ bəš^a‘ărê yərûšālāim: s

13 mēḥaṭṭō’ṯ nəḇî’eyhā ‘ăwōnwōṯ kōhăneyhā haššōfəḵîm bəqirəbāh dam ṣadîqîm: s

14 nā‘û ‘iwərîm b^aḥûṣwōṯ nəḡō’ălû badām bəlō’ yûḵəlû yigə‘û biləḇušêhem: s

15 sûrû ṭāmē’ qārə’û lāmwō sûrû sûrû ’al-tigā‘û kî nāṣû gam-nā‘û ’āmərû bagwōyim lō’ ywōsîfû lāḡûr: s

16 pənê yəhwâ ḥilləqām lō’ ywōsîf ləhabîṭām pənê ḵōhănîm lō’ nāśā’û zəqēnîm ûzəqēnîm^m lō’ ḥānānû: s

17 ‘wōḏênâ ‘wōḏênû tiḵəleynâ ‘ênênû ’el-‘ezərāṯēnû hāḇel bəṣipîyāṯēnû ṣipînû ’el-gwōy lō’ ywōši‘a: s

18 ṣāḏû ṣə‘āḏênû milleḵeṯ birəḥōḇōṯênû qāraḇ qiṣṣênû mālə’û yāmênû kî-ḇā’ qiṣṣênû: s

19 qallîm hāyû rōḏəfênû minnišərê šāmāyim ‘al-hehārîm dəlāqunû bammiḏəbār ’ārəḇû lānû: s

20 rûḥa ’apênû məšîḥa yəhwâ niləkaḏ bišəḥîṯwōṯām ’ăšer ’āmarənû bəṣillwō niḥəyeh ḇagwōyim: s

21 śîśî wəśiməḥî baṯ-’ĕḏwōm ywōšaḇətî ywōšeḇeṯ bə’ereṣ ‘ûṣ gam-‘ālayiḵə t^a‘ăḇār-kwōs tišəkərî wəṯiṯə‘ārî: s

22 tam-‘ăwōnēḵə baṯ-ṣîywōn lō’ ywōsîf ləhaḡəlwōṯēḵə pāqaḏ ‘ăwōnēḵə baṯ-’ĕḏwōm gillâ ‘al-ḥaṭṭō’ṯāyiḵə: f