1 Samuel (1 Shmuel) Chapter 13

‎1 ‏בֶּן־שָׁנָ֖ה שָׁא֣וּל בְּמָלְכ֑וֹ וּשְׁתֵּ֣י שָׁנִ֔ים מָלַ֖ךְ עַל־יִשְׂרָאֵֽל׃

‎2 ‏וַיִּבְחַר־ל֨וֹ שָׁא֜וּל שְׁלֹ֣שֶׁת אֲלָפִים֮ מִיִּשְׂרָאֵל֒ וַיִּהְי֨וּ עִם־שָׁא֜וּל אַלְפַּ֗יִם בְּמִכְמָשׂ֙ וּבְהַ֣ר בֵּֽית־אֵ֔ל וְאֶ֗לֶף הָיוּ֙ עִם־י֣וֹנָתָ֔ן בְּגִבְעַ֖ת בִּנְיָמִ֑ין וְיֶ֣תֶר הָעָ֔ם שִׁלַּ֖ח אִ֥ישׁ לְאֹהָלָֽיו׃

‎3 ‏וַיַּ֣ךְ יוֹנָתָ֗ן אֵ֣ת נְצִ֤יב פְּלִשְׁתִּים֙ אֲשֶׁ֣ר בְּגֶ֔בַע וַֽיִּשְׁמְע֖וּ פְּלִשְׁתִּ֑ים וְשָׁאוּל֩ תָּקַ֨ע בַּשּׁוֹפָ֤ר בְּכָל־הָאָ֙רֶץ֙ לֵאמֹ֔ר יִשְׁמְע֖וּ הָעִבְרִֽים׃

‎4 ‏וְכָל־יִשְׂרָאֵ֞ל שָׁמְע֣וּ לֵאמֹ֗ר הִכָּ֤ה שָׁאוּל֙ אֶת־נְצִ֣יב פְּלִשְׁתִּ֔ים וְגַם־נִבְאַשׁ יִשְׂרָאֵ֖ל בַּפְּלִשְׁתִּ֑ים וַיִּצָּעֲק֥וּ הָעָ֛ם אַחֲרֵ֥י שָׁא֖וּל הַגִּלְגָּֽל׃

‎5 ‏וּפְלִשְׁתִּ֞ים נֶאֶסְפ֣וּ׀ לְהִלָּחֵ֣ם עִם־יִשְׂרָאֵ֗ל שְׁלֹשִׁ֨ים אֶ֤לֶף רֶ֙כֶב֙ וְשֵׁ֤שֶׁת אֲלָפִים֙ פָּרָשִׁ֔ים וְעָ֕ם כַּח֛וֹל אֲשֶׁ֥ר עַל־שְׂפַֽת־הַיָּ֖ם לָרֹ֑ב וַֽיַּעֲלוּ֙ וַיַּחֲנ֣וּ בְמִכְמָ֔שׂ קִדְמַ֖ת בֵּ֥ית אָֽוֶן׃

‎6 ‏וְאִ֨ישׁ יִשְׂרָאֵ֤ל רָאוּ֙ כִּ֣י צַר־ל֔וֹ כִּ֥י נִגַּ֖שׂ הָעָ֑ם וַיִּֽתְחַבְּא֣וּ הָעָ֗ם בַּמְּעָר֤וֹת וּבַֽחֲוָחִים֙ וּבַסְּלָעִ֔ים וּבַצְּרִחִ֖ים וּבַבֹּרֽוֹת׃

‎7 ‏וְעִבְרִ֗ים עָֽבְרוּ֙ אֶת־הַיַּרְדֵּ֔ן אֶ֥רֶץ גָּ֖ד וְגִלְעָ֑ד וְשָׁאוּל֙ עוֹדֶ֣נּוּ בַגִּלְגָּ֔ל וְכָל־הָעָ֖ם חָרְד֥וּ אַחֲרָֽיו׃

‎8 ‏וייחל וַיּ֣וֹחֶל׀ שִׁבְעַ֣ת יָמִ֗ים לַמּוֹעֵד֙ אֲשֶׁ֣ר שְׁמוּאֵ֔ל וְלֹא־בָ֥א שְׁמוּאֵ֖ל הַגִּלְגָּ֑ל וַיָּ֥פֶץ הָעָ֖ם מֵעָלָֽיו׃

‎9 ‏וַיֹּ֣אמֶר שָׁא֔וּל הַגִּ֣שׁוּ אֵלַ֔י הָעֹלָ֖ה וְהַשְּׁלָמִ֑ים וַיַּ֖עַל הָעֹלָֽה׃

‎10 ‏וַיְהִ֗י כְּכַלֹּתוֹ֙ לְהַעֲל֣וֹת הָעֹלָ֔ה וְהִנֵּ֥ה שְׁמוּאֵ֖ל בָּ֑א וַיֵּצֵ֥א שָׁא֛וּל לִקְרָאת֖וֹ לְבָרֲכֽוֹ׃

‎11 ‏וַיֹּ֥אמֶר שְׁמוּאֵ֖ל מֶ֣ה עָשִׂ֑יתָ וַיֹּ֣אמֶר שָׁא֡וּל כִּֽי־רָאִיתִי֩ כִֽי־נָפַ֨ץ הָעָ֜ם מֵעָלַ֗י וְאַתָּה֙ לֹא־בָ֙אתָ֙ לְמוֹעֵ֣ד הַיָּמִ֔ים וּפְלִשְׁתִּ֖ים נֶאֱסָפִ֥ים מִכְמָֽשׂ׃

‎12 ‏וָאֹמַ֗ר עַ֠תָּה יֵרְד֨וּ פְלִשְׁתִּ֤ים אֵלַי֙ הַגִּלְגָּ֔ל וּפְנֵ֥י יְהוָ֖ה לֹ֣א חִלִּ֑יתִי וָֽאֶתְאַפַּ֔ק וָאַעֲלֶ֖ה הָעֹלָֽה׃ ס

‎13 ‏וַיֹּ֧אמֶר שְׁמוּאֵ֛ל אֶל־שָׁא֖וּל נִסְכָּ֑לְתָּ לֹ֣א שָׁמַ֗רְתָּ אֶת־מִצְוַ֞ת יְהוָ֤ה אֱלֹהֶ֙יךָ֙ אֲשֶׁ֣ר צִוָּ֔ךְ כִּ֣י עַתָּ֗ה הֵכִ֨ין יְהוָ֧ה אֶת־מַֽמְלַכְתְּךָ֛ אֶל־יִשְׂרָאֵ֖ל עַד־עוֹלָֽם׃

‎14 ‏וְעַתָּ֖ה מַמְלַכְתְּךָ֣ לֹא־תָק֑וּם בִּקֵּשׁ֩ יְהוָ֨ה ל֜וֹ אִ֣ישׁ כִּלְבָב֗וֹ וַיְצַוֵּ֨הוּ יְהוָ֤ה לְנָגִיד֙ עַל־עַמּ֔וֹ כִּ֚י לֹ֣א שָׁמַ֔רְתָּ אֵ֥ת אֲשֶֽׁר־צִוְּךָ֖ יְהוָֽה׃ פ

‎15 ‏וַיָּ֣קָם שְׁמוּאֵ֗ל וַיַּ֛עַל מִן־הַגִּלְגָּ֖ל גִּבְעַ֣ת בִּנְיָמִ֑ן וַיִּפְקֹ֣ד שָׁא֗וּל אֶת־הָעָם֙ הַנִּמְצְאִ֣ים עִמּ֔וֹ כְּשֵׁ֥שׁ מֵא֖וֹת אִֽישׁ׃

‎16 ‏וְשָׁא֞וּל וְיוֹנָתָ֣ן בְּנ֗וֹ וְהָעָם֙ הַנִּמְצָ֣א עִמָּ֔ם יֹשְׁבִ֖ים בְּגֶ֣בַע בִּנְיָמִ֑ן וּפְלִשְׁתִּ֖ים חָנ֥וּ בְמִכְמָֽשׂ׃

‎17 ‏וַיֵּצֵ֧א הַמַּשְׁחִ֛ית מִמַּחֲנֵ֥ה פְלִשְׁתִּ֖ים שְׁלֹשָׁ֣ה רָאשִׁ֑ים הָרֹ֨אשׁ אֶחָ֥ד יִפְנֶ֛ה אֶל־דֶּ֥רֶךְ עָפְרָ֖ה אֶל־אֶ֥רֶץ שׁוּעָֽל׃

‎18 ‏וְהָרֹ֤אשׁ אֶחָד֙ יִפְנֶ֔ה דֶּ֖רֶךְ בֵּ֣ית חֹר֑וֹן וְהָרֹ֨אשׁ אֶחָ֤ד יִפְנֶה֙ דֶּ֣רֶךְ הַגְּב֔וּל הַנִּשְׁקָ֛ף עַל־גֵּ֥י הַצְּבֹעִ֖ים הַמִּדְבָּֽרָה׃ ס

‎19 ‏וְחָרָשׁ֙ לֹ֣א יִמָּצֵ֔א בְּכֹ֖ל אֶ֣רֶץ יִשְׂרָאֵ֑ל כִּֽי־אמר אָמְר֣וּ פְלִשְׁתִּ֔ים פֶּ֚ן יַעֲשׂ֣וּ הָעִבְרִ֔ים חֶ֖רֶב א֥וֹ חֲנִֽית׃

‎20 ‏וַיֵּרְד֥וּ כָל־יִשְׂרָאֵ֖ל הַפְּלִשְׁתִּ֑ים לִ֠לְטוֹשׁ אִ֣ישׁ אֶת־מַחֲרַשְׁתּ֤וֹ וְאֶת־אֵתוֹ֙ וְאֶת־קַרְדֻּמּ֔וֹ וְאֵ֖ת מַחֲרֵשָׁתֽוֹ׃

‎21 ‏וְֽהָיְתָ֞ה הַפְּצִ֣ירָה פִ֗ים לַמַּֽחֲרֵשֹׁת֙ וְלָ֣אֵתִ֔ים וְלִשְׁלֹ֥שׁ קִלְּשׁ֖וֹן וּלְהַקַּרְדֻּמִּ֑ים וּלְהַצִּ֖יב הַדָּרְבָֽן׃

‎22 ‏וְהָיָה֙ בְּי֣וֹם מִלְחֶ֔מֶת וְלֹ֨א נִמְצָ֜א חֶ֤רֶב וַחֲנִית֙ בְּיַ֣ד כָּל־הָעָ֔ם אֲשֶׁ֥ר אֶת־שָׁא֖וּל וְאֶת־יוֹנָתָ֑ן וַתִּמָּצֵ֣א לְשָׁא֔וּל וּלְיוֹנָתָ֖ן בְּנֽוֹ׃

‎23 ‏וַיֵּצֵא֙ מַצַּ֣ב פְּלִשְׁתִּ֔ים אֶֽל־מַעֲבַ֖ר מִכְמָֽשׂ׃ ס

1 ben-šānâ šā’ûl bəmāləḵwō ûšətê šānîm mālaḵə ‘al-yiśərā’ēl:

2 wayyiḇəḥar-lwō šā’ûl šəlōšeṯ ’ălāfîm mîyiśərā’ēl wayyihəyû ‘im-šā’ûl ’aləpayim bəmiḵəmāś ûḇəhar bêṯ-’ēl wə’elef hāyû ‘im-ywōnāṯān bəḡiḇə‘aṯ binəyāmîn wəyeṯer hā‘ām šill^aḥ ’îš lə’ōhālāyw:

3 wayyaḵə ywōnāṯān ’ēṯ nəṣîḇ pəlišətîm ’ăšer bəḡeḇ^a‘ wayyišəmə‘û pəlišətîm wəšā’ûl tāq^a‘ baššwōfār bəḵāl-hā’āreṣ lē’mōr yišəmə‘û hā‘iḇərîm:

4 wəḵāl-yiśərā’ēl šāmə‘û lē’mōr hikâ šā’ûl ’eṯ-nəṣîḇ pəlišətîm wəḡam-niḇə’aš yiśərā’ēl bapəlišətîm wayyiṣṣā‘ăqû hā‘ām ’^aḥărê šā’ûl hagiləgāl:

5 ûfəlišətîm ne’esəfû| ləhillāḥēm ‘im-yiśərā’ēl šəlōšîm ’elef reḵeḇ wəšēšeṯ ’ălāfîm pārāšîm wə‘ām k^aḥwōl ’ăšer ‘al-śəfaṯ-hayyām lārōḇ wayy^a‘ălû wayy^aḥănû ḇəmiḵəmāś qiḏəmaṯ bêṯ ’āwen:

6 wə’îš yiśərā’ēl rā’û kî ṣar-lwō kî nigaś hā‘ām wayyiṯəḥabə’û hā‘ām bammə‘ārwōṯ ûḇ^aḥăwāḥîm ûḇassəlā‘îm ûḇaṣṣəriḥîm ûḇabōrwōṯ:

7 wə‘iḇərîm ‘āḇərû ’eṯ-hayyarədēn ’ereṣ gāḏ wəḡilə‘āḏ wəšā’ûl ‘wōḏennû ḇagiləgāl wəḵāl-hā‘ām ḥārəḏû ’^aḥărāyw:

8 wayyîḥel wayywōḥel| šiḇə‘aṯ yāmîm lammwō‘ēḏ ’ăšer šəmû’ēl wəlō’-ḇā’ šəmû’ēl hagiləgāl wayyāfeṣ hā‘ām mē‘ālāyw:

9 wayyō’mer šā’ûl hagišû ’ēlay hā‘ōlâ wəhaššəlāmîm wayy^a‘al hā‘ōlâ:

10 wayəhî kəḵallōṯwō ləh^a‘ălwōṯ hā‘ōlâ wəhinnēh šəmû’ēl bā’ wayyēṣē’ šā’ûl liqərā’ṯwō ləḇārăḵwō:

11 wayyō’mer šəmû’ēl meh ‘āśîṯā wayyō’mer šā’ûl kî-rā’îṯî ḵî-nāfaṣ hā‘ām mē‘ālay wə’atâ lō’-ḇā’ṯā ləmwō‘ēḏ hayyāmîm ûfəlišətîm ne’ĕsāfîm miḵəmāś:

12 wā’ōmar ‘atâ yērəḏû fəlišətîm ’ēlay hagiləgāl ûfənê yəhwâ lō’ ḥillîṯî wā’eṯə’apaq wā’^a‘ăleh hā‘ōlâ: s

13 wayyō’mer šəmû’ēl ’el-šā’ûl nisəkālətā lō’ šāmarətā ’eṯ-miṣəwaṯ yəhwâ ’ĕlōheyḵā ’ăšer ṣiûāḵə kî ‘atâ hēḵîn yəhwâ ’eṯ-maməlaḵətəḵā ’el-yiśərā’ēl ‘aḏ-‘wōlām:

14 wə‘atâ maməlaḵətəḵā lō’-ṯāqûm biqqēš yəhwâ lwō ’îš kiləḇāḇwō wayəṣaûēhû yəhwâ lənāḡîḏ ‘al-‘ammwō kî lō’ šāmarətā ’ēṯ ’ăšer-ṣiûəḵā yəhwâ: f

15 wayyāqām šəmû’ēl wayy^a‘al min-hagiləgāl giḇə‘aṯ binəyāmin wayyifəqōḏ šā’ûl ’eṯ-hā‘ām hanniməṣə’îm ‘immwō kəšēš mē’wōṯ ’îš:

16 wəšā’ûl wəywōnāṯān bənwō wəhā‘ām hanniməṣā’ ‘immām yōšəḇîm bəḡeḇ^a‘ binəyāmin ûfəlišətîm ḥānû ḇəmiḵəmāś:

17 wayyēṣē’ hammašəḥîṯ mimm^aḥănēh fəlišətîm šəlōšâ rā’šîm hārō’š ’eḥāḏ yifəneh ’el-dereḵə ‘āfərâ ’el-’ereṣ šû‘āl:

18 wəhārō’š ’eḥāḏ yifəneh dereḵə bêṯ ḥōrwōn wəhārō’š ’eḥāḏ yifəneh dereḵə hagəḇûl hannišəqāf ‘al-gê haṣṣəḇō‘îm hammiḏəbārâ: s

19 wəḥārāš lō’ yimmāṣē’ bəḵōl ’ereṣ yiśərā’ēl kî-’āmar ’āmərû fəlišətîm pen y^a‘ăśû hā‘iḇərîm ḥereḇ ’wō ḥănîṯ:

20 wayyērəḏû ḵāl-yiśərā’ēl hapəlišətîm liləṭwōš ’îš ’eṯ-m^aḥărašətwō wə’eṯ-’ēṯwō wə’eṯ-qarədummwō wə’ēṯ m^aḥărēšāṯwō:

21 wəhāyəṯâ hapəṣîrâ fîm lamm^aḥărēšōṯ wəlā’ēṯîm wəlišəlōš qilləšwōn ûləhaqqarədummîm ûləhaṣṣîḇ hadārəḇān:

22 wəhāyâ bəywōm miləḥemeṯ wəlō’ niməṣā’ ḥereḇ w^aḥănîṯ bəyaḏ kāl-hā‘ām ’ăšer ’eṯ-šā’ûl wə’eṯ-ywōnāṯān watimmāṣē’ ləšā’ûl ûləywōnāṯān bənwō:

23 wayyēṣē’ maṣṣaḇ pəlišətîm ’el-m^a‘ăḇar miḵəmāś: s