1 Samuel (1 Shmuel) Chapter 14

‎1 ‏וַיְהִ֣י הַיּ֗וֹם וַיֹּ֨אמֶר יוֹנָתָ֤ן בֶּן־שָׁאוּל֙ אֶל־הַנַּ֙עַר֙ נֹשֵׂ֣א כֵלָ֔יו לְכָ֗ה וְנַעְבְּרָה֙ אֶל־מַצַּ֣ב פְּלִשְׁתִּ֔ים אֲשֶׁ֖ר מֵעֵ֣בֶר הַלָּ֑ז וּלְאָבִ֖יו לֹ֥א הִגִּֽיד׃

‎2 ‏וְשָׁא֗וּל יוֹשֵׁב֙ בִּקְצֵ֣ה הַגִּבְעָ֔ה תַּ֥חַת הָרִמּ֖וֹן אֲשֶׁ֣ר בְּמִגְר֑וֹן וְהָעָם֙ אֲשֶׁ֣ר עִמּ֔וֹ כְּשֵׁ֥שׁ מֵא֖וֹת אִֽישׁ׃

‎3 ‏וַאֲחִיָּ֣ה בֶן־אֲחִט֡וּב אֲחִ֡י אִיכָב֣וֹד׀ בֶּן־פִּינְחָ֨ס בֶּן־עֵלִ֜י כֹּהֵ֧ן׀ יְהוָ֛ה בְּשִׁל֖וֹ נֹשֵׂ֣א אֵפ֑וֹד וְהָעָם֙ לֹ֣א יָדַ֔ע כִּ֥י הָלַ֖ךְ יוֹנָתָֽן׃

‎4 ‏וּבֵ֣ין הַֽמַּעְבְּר֗וֹת אֲשֶׁ֨ר בִּקֵּ֤שׁ יֽוֹנָתָן֙ לַֽעֲבֹר֙ עַל־מַצַּ֣ב פְּלִשְׁתִּ֔ים שֵׁן־הַסֶּ֤לַע מֵהָעֵ֙בֶר֙ מִזֶּ֔ה וְשֵׁן־הַסֶּ֥לַע מֵהָעֵ֖בֶר מִזֶּ֑ה וְשֵׁ֤ם הָֽאֶחָד֙ בּוֹצֵ֔ץ וְשֵׁ֥ם הָאֶחָ֖ד סֶֽנֶּה׃

‎5 ‏הַשֵּׁ֧ן הָאֶחָ֛ד מָצ֥וּק מִצָּפ֖וֹן מ֣וּל מִכְמָ֑שׂ וְהָאֶחָ֥ד מִנֶּ֖גֶב מ֥וּל גָּֽבַע׃ ס

‎6 ‏וַיֹּ֨אמֶר יְהוֹנָתָ֜ן אֶל־הַנַּ֣עַר׀ נֹשֵׂ֣א כֵלָ֗יו לְכָה֙ וְנַעְבְּרָ֗ה אֶל־מַצַּב֙ הָעֲרֵלִ֣ים הָאֵ֔לֶּה אוּלַ֛י יַעֲשֶׂ֥ה יְהוָ֖ה לָ֑נוּ כִּ֣י אֵ֤ין לַֽיהוָה֙ מַעְצ֔וֹר לְהוֹשִׁ֥יעַ בְּרַ֖ב א֥וֹ בִמְעָֽט׃

‎7 ‏וַיֹּ֤אמֶר לוֹ֙ נֹשֵׂ֣א כֵלָ֔יו עֲשֵׂ֖ה כָּל־אֲשֶׁ֣ר בִּלְבָבֶ֑ךָ נְטֵ֣ה לָ֔ךְ הִנְנִ֥י עִמְּךָ֖ כִּלְבָבֶֽךָ׃ ס

‎8 ‏וַיֹּ֙אמֶר֙ יְה֣וֹנָתָ֔ן הִנֵּ֛ה אֲנַ֥חְנוּ עֹבְרִ֖ים אֶל־הָאֲנָשִׁ֑ים וְנִגְלִ֖ינוּ אֲלֵיהֶֽם׃

‎9 ‏אִם־כֹּ֤ה יֹֽאמְרוּ֙ אֵלֵ֔ינוּ דֹּ֕מּוּ³ עַד־הַגִּיעֵ֖נוּ אֲלֵיכֶ֑ם וְעָמַ֣דְנוּ תַחְתֵּ֔ינוּ וְלֹ֥א נַעֲלֶ֖ה אֲלֵיהֶֽם׃

‎10 ‏וְאִם־כֹּ֨ה יֹאמְר֜וּ עֲל֤וּ עָלֵ֙ינוּ֙ וְעָלִ֔ינוּ כִּֽי־נְתָנָ֥ם יְהוָ֖ה בְּיָדֵ֑נוּ וְזֶה־לָּ֖נוּ הָאֽוֹת׃

‎11 ‏וַיִּגָּל֣וּ שְׁנֵיהֶ֔ם אֶל־מַצַּ֖ב פְּלִשְׁתִּ֑ים וַיֹּאמְר֣וּ פְלִשְׁתִּ֔ים הִנֵּ֤ה עִבְרִים֙ יֹֽצְאִ֔ים מִן־הַחֹרִ֖ים אֲשֶׁ֥ר הִתְחַבְּאוּ־שָֽׁם׃

‎12 ‏וַיַּעֲנוּ֩ אַנְשֵׁ֨י הַמַּצָּבָ֜ה אֶת־יוֹנָתָ֣ן׀ וְאֶת־נֹשֵׂ֣א כֵלָ֗יו וַיֹּֽאמְרוּ֙ עֲל֣וּ אֵלֵ֔ינוּ וְנוֹדִ֥יעָה אֶתְכֶ֖ם דָּבָ֑ר פוַיֹּ֨אמֶר יוֹנָתָ֜ן אֶל־נֹשֵׂ֤א כֵלָיו֙ עֲלֵ֣ה אַחֲרַ֔י כִּֽי־נְתָנָ֥ם יְהוָ֖ה בְּיַ֥ד יִשְׂרָאֵֽל׃

‎13 ‏וַיַּ֣עַל יוֹנָתָ֗ן עַל־יָדָיו֙ וְעַל־רַגְלָ֔יו וְנֹשֵׂ֥א כֵלָ֖יו אַחֲרָ֑יו וַֽיִּפְּלוּ֙ לִפְנֵ֣י יוֹנָתָ֔ן וְנֹשֵׂ֥א כֵלָ֖יו מְמוֹתֵ֥ת אַחֲרָֽיו׃

‎14 ‏וַתְּהִ֞י הַמַּכָּ֣ה הָרִאשֹׁנָ֗ה אֲשֶׁ֨ר הִכָּ֧ה יוֹנָתָ֛ן וְנֹשֵׂ֥א כֵלָ֖יו כְּעֶשְׂרִ֣ים אִ֑ישׁ כְּבַחֲצִ֥י מַעֲנָ֖ה צֶ֥מֶד שָׂדֶֽה׃

‎15 ‏וַתְּהִי֩ חֲרָדָ֨ה בַמַּחֲנֶ֤ה בַשָּׂדֶה֙ וּבְכָל־הָעָ֔ם הַמַּצָּב֙ וְהַמַּשְׁחִ֔ית חָרְד֖וּ גַּם־הֵ֑מָּה וַתִּרְגַּ֣ז הָאָ֔רֶץ וַתְּהִ֖י לְחֶרְדַּ֥ת אֱלֹהִֽים׃

‎16 ‏וַיִּרְא֤וּ הַצֹּפִים֙ לְשָׁא֔וּל בְּגִבְעַ֖ת בִּנְיָמִ֑ן וְהִנֵּ֧ה הֶהָמ֛וֹן נָמ֖וֹג וַיֵּ֥לֶךְ וַהֲלֹֽם׃ פ

‎17 ‏וַיֹּ֣אמֶר שָׁא֗וּל לָעָם֙ אֲשֶׁ֣ר אִתּ֔וֹ פִּקְדוּ־נָ֣א וּרְא֔וּ מִ֖י הָלַ֣ךְ מֵעִמָּ֑נוּ וַֽיִּפְקְד֔וּ וְהִנֵּ֛ה אֵ֥ין יוֹנָתָ֖ן וְנֹשֵׂ֥א כֵלָֽיו׃

‎18 ‏וַיֹּ֤אמֶר שָׁאוּל֙ לַֽאֲחִיָּ֔ה הַגִּ֖ישָׁה אֲר֣וֹן הָאֱלֹהִ֑ים כִּֽי־הָיָ֞ה אֲר֧וֹן הָאֱלֹהִ֛ים בַּיּ֥וֹם הַה֖וּא וּבְנֵ֥י יִשְׂרָאֵֽל׃

‎19 ‏וַיְהִ֗י עַ֣ד דִּבֶּ֤ר שָׁאוּל֙ אֶל־הַכֹּהֵ֔ן וְהֶהָמ֗וֹן אֲשֶׁר֙ בְּמַחֲנֵ֣ה פְלִשְׁתִּ֔ים וַיֵּ֥לֶךְ הָל֖וֹךְ וָרָ֑ב פוַיֹּ֧אמֶר שָׁא֛וּל אֶל־הַכֹּהֵ֖ן אֱסֹ֥ף יָדֶֽךָ׃

‎20 ‏וַיִּזָּעֵ֣ק שָׁא֗וּל וְכָל־הָעָם֙ אֲשֶׁ֣ר אִתּ֔וֹ וַיָּבֹ֖אוּ עַד־הַמִּלְחָמָ֑ה וְהִנֵּ֨ה הָיְתָ֜ה חֶ֤רֶב אִישׁ֙ בְּרֵעֵ֔הוּ מְהוּמָ֖ה גְּדוֹלָ֥ה מְאֹֽד׃

‎21 ‏וְהָעִבְרִ֗ים הָי֤וּ לַפְּלִשְׁתִּים֙ כְּאֶתְמ֣וֹל שִׁלְשׁ֔וֹם אֲשֶׁ֨ר עָל֥וּ עִמָּ֛ם בַּֽמַּחֲנֶ֖ה סָבִ֑יב וְגַם־הֵ֗מָּה לִֽהְיוֹת֙ עִם־יִשְׂרָאֵ֔ל אֲשֶׁ֥ר עִם־שָׁא֖וּל וְיוֹנָתָֽן׃

‎22 ‏וְכֹל֩ אִ֨ישׁ יִשְׂרָאֵ֜ל הַמִּֽתְחַבְּאִ֤ים בְּהַר־אֶפְרַ֙יִם֙ שָֽׁמְע֔וּ כִּֽי־נָ֖סוּ פְּלִשְׁתִּ֑ים וַֽיַּדְבְּק֥וּ גַם־הֵ֛מָּה אַחֲרֵיהֶ֖ם בַּמִּלְחָמָֽה׃

‎23 ‏וַיּ֧וֹשַׁע יְהוָ֛ה בַּיּ֥וֹם הַה֖וּא אֶת־יִשְׂרָאֵ֑ל וְהַ֨מִּלְחָמָ֔ה עָבְרָ֖ה אֶת־בֵּ֥ית אָֽוֶן׃

‎24 ‏וְאִֽישׁ־יִשְׂרָאֵ֥ל נִגַּ֖שׂ בַּיּ֣וֹם הַה֑וּא וַיֹּאֶל֩ שָׁא֨וּל אֶת־הָעָ֜ם לֵאמֹ֗ר אָר֣וּר הָ֠אִישׁ אֲשֶׁר־יֹ֨אכַל לֶ֜חֶם עַד־הָעֶ֗רֶב וְנִקַּמְתִּי֙ מֵאֹ֣יְבַ֔י וְלֹֽא טָעַ֥ם כָּל־הָעָ֖ם לָֽחֶם׃ ס

‎25 ‏וְכָל־הָאָ֖רֶץ בָּ֣אוּ בַיָּ֑עַר וַיְהִ֥י דְבַ֖שׁ עַל־פְּנֵ֥י הַשָּׂדֶֽה׃

‎26 ‏וַיָּבֹ֤א הָעָם֙ אֶל־הַיַּ֔עַר וְהִנֵּ֖ה הֵ֣לֶךְ דְּבָ֑שׁ וְאֵין־מַשִּׂ֤יג יָדוֹ֙ אֶל־פִּ֔יו כִּֽי־יָרֵ֥א הָעָ֖ם אֶת־הַשְּׁבֻעָֽה׃

‎27 ‏וְיוֹנָתָ֣ן לֹֽא־שָׁמַ֗ע בְּהַשְׁבִּ֣יעַ אָבִיו֮ אֶת־הָעָם֒ וַיִּשְׁלַ֗ח אֶת־קְצֵ֤ה הַמַּטֶּה֙ אֲשֶׁ֣ר בְּיָד֔וֹ וַיִּטְבֹּ֥ל אוֹתָ֖הּ בְּיַעְרַ֣ת הַדְּבָ֑שׁ וַיָּ֤שֶׁב יָדוֹ֙ אֶל־פִּ֔יו ותראנה וַתָּאֹ֖רְנָה עֵינָֽיו׃

‎28 ‏וַיַּעַן֩ אִ֨ישׁ מֵֽהָעָ֜ם וַיֹּ֗אמֶר הַשְׁבֵּעַ֩ הִשְׁבִּ֨יעַ אָבִ֤יךָ אֶת־הָעָם֙ לֵאמֹ֔ר אָר֥וּר הָאִ֛ישׁ אֲשֶׁר־יֹ֥אכַל לֶ֖חֶם הַיּ֑וֹם וַיָּ֖עַף הָעָֽם׃

‎29 ‏וַיֹּ֙אמֶר֙ יֽוֹנָתָ֔ן עָכַ֥ר אָבִ֖י אֶת־הָאָ֑רֶץ רְאוּ־נָא֙ כִּֽי־אֹ֣רוּ עֵינַ֔י כִּ֣י טָעַ֔מְתִּי מְעַ֖ט דְּבַ֥שׁ הַזֶּֽה׃

‎30 ‏אַ֗ף כִּ֡י לוּא֩ אָכֹ֨ל אָכַ֤ל הַיּוֹם֙ הָעָ֔ם מִשְּׁלַ֥ל אֹיְבָ֖יו אֲשֶׁ֣ר מָצָ֑א כִּ֥י עַתָּ֛ה לֹֽא־רָבְתָ֥ה מַכָּ֖ה בַּפְּלִשְׁתִּֽים׃

‎31 ‏וַיַּכּ֞וּ בַּיּ֤וֹם הַהוּא֙ בַּפְּלִשְׁתִּ֔ים מִמִּכְמָ֖שׂ אַיָּלֹ֑נָה וַיָּ֥עַף הָעָ֖ם מְאֹֽד׃

‎32 ‏ויעש וַיַּ֤עַט הָעָם֙ אֶל־שלל הַשָּׁלָ֔ל וַיִּקְח֨וּ צֹ֧אן וּבָקָ֛ר וּבְנֵ֥י בָקָ֖ר וַיִּשְׁחֲטוּ־אָ֑רְצָה וַיֹּ֥אכַל הָעָ֖ם עַל־הַדָּֽם׃

‎33 ‏וַיַּגִּ֤ידוּ לְשָׁאוּל֙ לֵאמֹ֔ר הִנֵּ֥ה הָעָ֛ם חֹטִ֥אים לַֽיהוָ֖ה לֶאֱכֹ֣ל עַל־הַדָּ֑ם וַיֹּ֣אמֶר בְּגַדְתֶּ֔ם גֹּֽלּוּ־אֵלַ֥י הַיּ֖וֹם אֶ֥בֶן גְּדוֹלָֽה׃

‎34 ‏וַיֹּ֣אמֶר שָׁא֣וּל פֻּ֣צוּ בָעָ֡ם וַאֲמַרְתֶּ֣ם לָהֶ֡ם הַגִּ֣ישׁוּ אֵלַי֩ אִ֨ישׁ שׁוֹר֜וֹ וְאִ֣ישׁ שְׂיֵ֗הוּ וּשְׁחַטְתֶּ֤ם בָּזֶה֙ וַאֲכַלְתֶּ֔ם וְלֹֽא־תֶחֶטְא֥וּ לַֽיהוָ֖ה לֶאֱכֹ֣ל אֶל־הַדָּ֑ם וַיַּגִּ֨שׁוּ כָל־הָעָ֜ם אִ֣ישׁ שׁוֹר֧וֹ בְיָ֛דוֹ הַלַּ֖יְלָה וַיִּשְׁחֲטוּ־שָֽׁם׃

‎35 ‏וַיִּ֧בֶן שָׁא֛וּל מִזְבֵּ֖חַ לַֽיהוָ֑ה אֹת֣וֹ הֵחֵ֔ל לִבְנ֥וֹת מִזְבֵּ֖חַ לַֽיהוָֽה׃ פ

‎36 ‏וַיֹּ֣אמֶר שָׁא֡וּל נֵרְדָ֣ה אַחֲרֵי֩ פְלִשְׁתִּ֨ים׀ לַ֜יְלָה וְֽנָבֹ֥זָה בָהֶ֣ם׀ עַד־א֣וֹר הַבֹּ֗קֶר וְלֹֽא־נַשְׁאֵ֤ר בָּהֶם֙ אִ֔ישׁ וַיֹּ֣אמְר֔וּ כָּל־הַטּ֥וֹב בְּעֵינֶ֖יךָ עֲשֵׂ֑ה סוַיֹּ֙אמֶר֙ הַכֹּהֵ֔ן נִקְרְבָ֥ה הֲלֹ֖ם אֶל־הָאֱלֹהִֽים׃

‎37 ‏וַיִּשְׁאַ֤ל שָׁאוּל֙ בֵּֽאלֹהִ֔ים הַֽאֵרֵד֙ אַחֲרֵ֣י פְלִשְׁתִּ֔ים הֲתִתְּנֵ֖ם בְּיַ֣ד יִשְׂרָאֵ֑ל וְלֹ֥א עָנָ֖הוּ בַּיּ֥וֹם הַהֽוּא׃

‎38 ‏וַיֹּ֣אמֶר שָׁא֔וּל גֹּ֣שֽׁוּ הֲלֹ֔ם כֹּ֖ל פִּנּ֣וֹת הָעָ֑ם וּדְע֣וּ וּרְא֔וּ בַּמָּ֗ה הָֽיְתָ֛ה הַחַטָּ֥את הַזֹּ֖את הַיּֽוֹם׃

‎39 ‏כִּ֣י חַי־יְהוָ֗ה הַמּוֹשִׁ֙יעַ֙ אֶת־יִשְׂרָאֵ֔ל כִּ֧י אִם־יֶשְׁנ֛וֹ בְּיוֹנָתָ֥ן בְּנִ֖י כִּ֣י מ֣וֹת יָמ֑וּת וְאֵ֥ין עֹנֵ֖הוּ מִכָּל־הָעָֽם׃

‎40 ‏וַיֹּ֣אמֶר אֶל־כָּל־יִשְׂרָאֵ֗ל אַתֶּם֙ תִּֽהְיוּ֙ לְעֵ֣בֶר אֶחָ֔ד וַֽאֲנִי֙ וְיוֹנָתָ֣ן בְּנִ֔י נִהְיֶ֖ה לְעֵ֣בֶר אֶחָ֑ד וַיֹּאמְר֤וּ הָעָם֙ אֶל־שָׁא֔וּל הַטּ֥וֹב בְּעֵינֶ֖יךָ עֲשֵֽׂה׃ ס

‎41 ‏וַיֹּ֣אמֶר שָׁא֗וּל אֶל־יְהוָ֛ה אֱלֹהֵ֥י יִשְׂרָאֵ֖ל הָ֣בָה תָמִ֑ים וַיִּלָּכֵ֧ד יוֹנָתָ֛ן וְשָׁא֖וּל וְהָעָ֥ם יָצָֽאוּ׃

‎42 ‏וַיֹּ֣אמֶר שָׁא֔וּל הַפִּ֕ילוּ בֵּינִ֕י וּבֵ֖ין יוֹנָתָ֣ן בְּנִ֑י וַיִּלָּכֵ֖ד יוֹנָתָֽן׃

‎43 ‏וַיֹּ֤אמֶר שָׁאוּל֙ אֶל־י֣וֹנָתָ֔ן הַגִּ֥ידָה לִּ֖י מֶ֣ה עָשִׂ֑יתָה וַיַּגֶּד־ל֣וֹ יוֹנָתָ֗ן וַיֹּאמֶר֩ טָעֹ֨ם טָעַ֜מְתִּי בִּקְצֵ֨ה הַמַּטֶּ֧ה אֲשֶׁר־בְּיָדִ֛י מְעַ֥ט דְּבַ֖שׁ הִנְנִ֥י אָמֽוּת׃

‎44 ‏וַיֹּ֣אמֶר שָׁא֔וּל כֹּֽה־יַעֲשֶׂ֥ה אֱלֹהִ֖ים וְכֹ֣ה יוֹסִ֑ף כִּֽי־מ֥וֹת תָּמ֖וּת יוֹנָתָֽן׃

‎45 ‏וַיֹּ֨אמֶר הָעָ֜ם אֶל־שָׁא֗וּל הֲ‍ֽיוֹנָתָ֤ן׀ יָמוּת֙ אֲשֶׁ֣ר עָ֠שָׂה הַיְשׁוּעָ֨ה הַגְּדוֹלָ֣ה הַזֹּאת֮ בְּיִשְׂרָאֵל֒ חָלִ֗ילָה חַי־יְהוָה֙ אִם־יִפֹּ֞ל מִשַּׂעֲרַ֤ת רֹאשׁוֹ֙ אַ֔רְצָה כִּֽי־עִם־אֱלֹהִ֥ים עָשָׂ֖ה הַיּ֣וֹם הַזֶּ֑ה וַיִּפְדּ֥וּ הָעָ֛ם אֶת־יוֹנָתָ֖ן וְלֹא־מֵֽת׃ ס

‎46 ‏וַיַּ֣עַל שָׁא֔וּל מֵאַחֲרֵ֖י פְּלִשְׁתִּ֑ים וּפְלִשְׁתִּ֖ים הָלְכ֥וּ לִמְקוֹמָֽם׃

‎47 ‏וְשָׁא֛וּל לָכַ֥ד הַמְּלוּכָ֖ה עַל־יִשְׂרָאֵ֑ל וַיִּלָּ֣חֶם סָבִ֣יב׀ בְּֽכָל־אֹיְבָ֡יו בְּמוֹאָ֣ב׀ וּבִבְנֵי־עַמּ֨וֹן וּבֶאֱד֜וֹם וּבְמַלְכֵ֤י צוֹבָה֙ וּבַפְּלִשְׁתִּ֔ים וּבְכֹ֥ל אֲשֶׁר־יִפְנֶ֖ה יַרְשִֽׁיעַ׃

‎48 ‏וַיַּ֣עַשׂ חַ֔יִל וַיַּ֖ךְ אֶת־עֲמָלֵ֑ק וַיַּצֵּ֥ל אֶת־יִשְׂרָאֵ֖ל מִיַּ֥ד שֹׁסֵֽהוּ׃ ס

‎49 ‏וַיִּֽהְיוּ֙ בְּנֵ֣י שָׁא֔וּל יוֹנָתָ֥ן וְיִשְׁוִ֖י וּמַלְכִּי־שׁ֑וּעַ וְשֵׁם֙ שְׁתֵּ֣י בְנֹתָ֔יו שֵׁ֤ם הַבְּכִירָה֙ מֵרַ֔ב וְשֵׁ֥ם הַקְּטַנָּ֖ה מִיכַֽל׃

‎50 ‏וְשֵׁם֙ אֵ֣שֶׁת שָׁא֔וּל אֲחִינֹ֖עַם בַּת־אֲחִימָ֑עַץ וְשֵׁ֤ם שַׂר־צְבָאוֹ֙ אֲבִינֵ֔ר בֶּן־נֵ֖ר דּ֥וֹד שָׁאֽוּל׃

‎51 ‏וְקִ֧ישׁ אֲבִֽי־שָׁא֛וּל וְנֵ֥ר אֲבִֽי־אַבְנֵ֖ר בֶּן־אֲבִיאֵֽל׃ ס

‎52 ‏וַתְּהִ֤י הַמִּלְחָמָה֙ חֲזָקָ֣ה עַל־פְּלִשְׁתִּ֔ים כֹּ֖ל יְמֵ֣י שָׁא֑וּל וְרָאָ֨ה שָׁא֜וּל כָּל־אִ֤ישׁ גִּבּוֹר֙ וְכָל־בֶּן־חַ֔יִל וַיַּאַסְפֵ֖הוּ אֵלָֽיו׃ ס

1 wayəhî hayywōm wayyō’mer ywōnāṯān ben-šā’ûl ’el-hann^a‘ar nōśē’ ḵēlāyw ləḵâ wən^a‘əbərâ ’el-maṣṣaḇ pəlišətîm ’ăšer mē‘ēḇer hallāz ûlə’āḇîw lō’ higîḏ:

2 wəšā’ûl ywōšēḇ biqəṣēh hagiḇə‘â t^aḥaṯ hārimmwōn ’ăšer bəmiḡərwōn wəhā‘ām ’ăšer ‘immwō kəšēš mē’wōṯ ’îš:

3 wa’ăḥîyâ ḇen-’ăḥiṭûḇ ’ăḥî ’îḵāḇwōḏ| ben-pînəḥās ben-‘ēlî kōhēn| yəhwâ bəšilwō nōśē’ ’ēfwōḏ wəhā‘ām lō’ yāḏ^a‘ kî hālaḵə ywōnāṯān:

4 ûḇên hamm^a‘əbərwōṯ ’ăšer biqqēš ywōnāṯān l^a‘ăḇōr ‘al-maṣṣaḇ pəlišətîm šēn-hassel^a‘ mēhā‘ēḇer mizzeh wəšēn-hassel^a‘ mēhā‘ēḇer mizzeh wəšēm hā’eḥāḏ bwōṣēṣ wəšēm hā’eḥāḏ senneh:

5 haššēn hā’eḥāḏ māṣûq miṣṣāfwōn mûl miḵəmāś wəhā’eḥāḏ minneḡeḇ mûl gāḇ^a‘: s

6 wayyō’mer yəhwōnāṯān ’el-hann^a‘ar| nōśē’ ḵēlāyw ləḵâ wən^a‘əbərâ ’el-maṣṣaḇ hā‘ărēlîm hā’ēlleh ’ûlay y^a‘ăśeh yəhwâ lānû kî ’ên layhwâ m^a‘əṣwōr ləhwōšî‘a bəraḇ ’wō ḇimə‘āṭ:

7 wayyō’mer lwō nōśē’ ḵēlāyw ‘ăśēh kāl-’ăšer biləḇāḇeḵā nəṭēh lāḵə hinənî ‘imməḵā kiləḇāḇeḵā: s

8 wayyō’mer yəhwōnāṯān hinnēh ’ăn^aḥənû ‘ōḇərîm ’el-hā’ănāšîm wəniḡəlînû ’ălêhem:

9 ’im-kōh yō’mərû ’ēlênû dōmmû³ ‘aḏ-hagî‘ēnû ’ălêḵem wə‘āmaḏənû ṯ^aḥətênû wəlō’ n^a‘ăleh ’ălêhem:

10 wə’im-kōh yō’mərû ‘ălû ‘ālênû wə‘ālînû kî-nəṯānām yəhwâ bəyāḏēnû wəzeh-llānû hā’wōṯ:

11 wayyigālû šənêhem ’el-maṣṣaḇ pəlišətîm wayyō’mərû fəlišətîm hinnēh ‘iḇərîm yōṣə’îm min-h^aḥōrîm ’ăšer hiṯəḥabə’û-šām:

12 wayy^a‘ănû ’anəšê hammaṣṣāḇâ ’eṯ-ywōnāṯān| wə’eṯ-nōśē’ ḵēlāyw wayyō’mərû ‘ălû ’ēlênû wənwōḏî‘â ’eṯəḵem dāḇār fwayyō’mer ywōnāṯān ’el-nōśē’ ḵēlāyw ‘ălēh ’^aḥăray kî-nəṯānām yəhwâ bəyaḏ yiśərā’ēl:

13 wayy^a‘al ywōnāṯān ‘al-yāḏāyw wə‘al-raḡəlāyw wənōśē’ ḵēlāyw ’^aḥărāyw wayyipəlû lifənê ywōnāṯān wənōśē’ ḵēlāyw məmwōṯēṯ ’^aḥărāyw:

14 watəhî hammakâ hāri’šōnâ ’ăšer hikâ ywōnāṯān wənōśē’ ḵēlāyw kə‘eśərîm ’îš kəḇ^aḥăṣî m^a‘ănâ ṣemeḏ śāḏeh:

15 watəhî ḥărāḏâ ḇamm^aḥăneh ḇaśśāḏeh ûḇəḵāl-hā‘ām hammaṣṣāḇ wəhammašəḥîṯ ḥārəḏû gam-hēmmâ watirəgaz hā’āreṣ watəhî ləḥerədaṯ ’ĕlōhîm:

16 wayyirə’û haṣṣōfîm ləšā’ûl bəḡiḇə‘aṯ binəyāmin wəhinnēh hehāmwōn nāmwōḡ wayyēleḵə wahălōm: f

17 wayyō’mer šā’ûl lā‘ām ’ăšer ’itwō piqəḏû-nā’ ûrə’û mî hālaḵə mē‘immānû wayyifəqəḏû wəhinnēh ’ên ywōnāṯān wənōśē’ ḵēlāyw:

18 wayyō’mer šā’ûl la’ăḥîyâ hagîšâ ’ărwōn hā’ĕlōhîm kî-hāyâ ’ărwōn hā’ĕlōhîm bayywōm hahû’ ûḇənê yiśərā’ēl:

19 wayəhî ‘aḏ diber šā’ûl ’el-hakōhēn wəhehāmwōn ’ăšer bəm^aḥănēh fəlišətîm wayyēleḵə hālwōḵə wārāḇ fwayyō’mer šā’ûl ’el-hakōhēn ’ĕsōf yāḏeḵā:

20 wayyizzā‘ēq šā’ûl wəḵāl-hā‘ām ’ăšer ’itwō wayyāḇō’û ‘aḏ-hammiləḥāmâ wəhinnēh hāyəṯâ ḥereḇ ’îš bərē‘ēhû məhûmâ gəḏwōlâ mə’ōḏ:

21 wəhā‘iḇərîm hāyû lapəlišətîm kə’eṯəmwōl šiləšwōm ’ăšer ‘ālû ‘immām bamm^aḥăneh sāḇîḇ wəḡam-hēmmâ lihəywōṯ ‘im-yiśərā’ēl ’ăšer ‘im-šā’ûl wəywōnāṯān:

22 wəḵōl ’îš yiśərā’ēl hammiṯəḥabə’îm bəhar-’efərayim šāmə‘û kî-nāsû pəlišətîm wayyaḏəbəqû ḡam-hēmmâ ’^aḥărêhem bammiləḥāmâ:

23 wayywōš^a‘ yəhwâ bayywōm hahû’ ’eṯ-yiśərā’ēl wəhammiləḥāmâ ‘āḇərâ ’eṯ-bêṯ ’āwen:

24 wə’îš-yiśərā’ēl nigaś bayywōm hahû’ wayyō’el šā’ûl ’eṯ-hā‘ām lē’mōr ’ārûr hā’îš ’ăšer-yō’ḵal leḥem ‘aḏ-hā‘ereḇ wəniqqamətî mē’ōyəḇay wəlō’ ṭā‘am kāl-hā‘ām lāḥem: s

25 wəḵāl-hā’āreṣ bā’û ḇayyā‘ar wayəhî ḏəḇaš ‘al-pənê haśśāḏeh:

26 wayyāḇō’ hā‘ām ’el-hayy^a‘ar wəhinnēh hēleḵə dəḇāš wə’ên-maśśîḡ yāḏwō ’el-pîw kî-yārē’ hā‘ām ’eṯ-haššəḇu‘â:

27 wəywōnāṯān lō’-šām^a‘ bəhašəbî‘a ’āḇîw ’eṯ-hā‘ām wayyišəl^aḥ ’eṯ-qəṣēh hammaṭṭeh ’ăšer bəyāḏwō wayyiṭəbōl ’wōṯāh bəy^a‘əraṯ hadəḇāš wayyāšeḇ yāḏwō ’el-pîw watārō’nâ watā’ōrənâ ‘ênāyw:

28 wayy^a‘an ’îš mēhā‘ām wayyō’mer hašəbē‘a hišəbî‘a ’āḇîḵā ’eṯ-hā‘ām lē’mōr ’ārûr hā’îš ’ăšer-yō’ḵal leḥem hayywōm wayyā‘af hā‘ām:

29 wayyō’mer ywōnāṯān ‘āḵar ’āḇî ’eṯ-hā’āreṣ rə’û-nā’ kî-’ōrû ‘ênay kî ṭā‘amətî mə‘aṭ dəḇaš hazzeh:

30 ’af kî lû’ ’āḵōl ’āḵal hayywōm hā‘ām miššəlal ’ōyəḇāyw ’ăšer māṣā’ kî ‘atâ lō’-rāḇəṯâ makâ bapəlišətîm:

31 wayyakû bayywōm hahû’ bapəlišətîm mimmiḵəmāś ’ayyālōnâ wayyā‘af hā‘ām mə’ōḏ:

32 wayy^a‘aś wayy^a‘aṭ hā‘ām ’el-šālāl haššālāl wayyiqəḥû ṣō’n ûḇāqār ûḇənê ḇāqār wayyišəḥăṭû-’ārəṣâ wayyō’ḵal hā‘ām ‘al-hadām:

33 wayyagîḏû ləšā’ûl lē’mōr hinnēh hā‘ām ḥōṭi’ym layhwâ le’ĕḵōl ‘al-hadām wayyō’mer bəḡaḏətem gōllû-’ēlay hayywōm ’eḇen gəḏwōlâ:

34 wayyō’mer šā’ûl puṣû ḇā‘ām wa’ămarətem lâem hagîšû ’ēlay ’îš šwōrwō wə’îš śəyēhû ûšəḥaṭətem bāzeh wa’ăḵalətem wəlō’-ṯeḥeṭə’û layhwâ le’ĕḵōl ’el-hadām wayyagišû ḵāl-hā‘ām ’îš šwōrwō ḇəyāḏwō hallayəlâ wayyišəḥăṭû-šām:

35 wayyiḇen šā’ûl mizəbēḥa layhwâ ’ōṯwō hēḥēl liḇənwōṯ mizəbēḥa layhwâ: f

36 wayyō’mer šā’ûl nērəḏâ ’^aḥărê fəlišətîm| layəlâ wənāḇōzâ ḇâem| ‘aḏ-’wōr habōqer wəlō’-našə’ēr bâem ’îš wayyō’mərû kāl-haṭṭwōḇ bə‘êneyḵā ‘ăśēh swayyō’mer hakōhēn niqərəḇâ hălōm ’el-hā’ĕlōhîm:

37 wayyišə’al šā’ûl bē’lōhîm ha’ērēḏ ’^aḥărê fəlišətîm hăṯitənēm bəyaḏ yiśərā’ēl wəlō’ ‘ānâû bayywōm hahû’:

38 wayyō’mer šā’ûl gōšû hălōm kōl pinnwōṯ hā‘ām ûḏə‘û ûrə’û bammâ hāyəṯâ h^aḥaṭṭā’ṯ hazzō’ṯ hayywōm:

39 kî ḥay-yəhwâ hammwōšî‘a ’eṯ-yiśərā’ēl kî ’im-yešənwō bəywōnāṯān bənî kî mwōṯ yāmûṯ wə’ên ‘ōnēhû mikāl-hā‘ām:

40 wayyō’mer ’el-kāl-yiśərā’ēl ’atem tihəyû lə‘ēḇer ’eḥāḏ wa’ănî wəywōnāṯān bənî nihəyeh lə‘ēḇer ’eḥāḏ wayyō’mərû hā‘ām ’el-šā’ûl haṭṭwōḇ bə‘êneyḵā ‘ăśēh: s

41 wayyō’mer šā’ûl ’el-yəhwâ ’ĕlōhê yiśərā’ēl hāḇâ ṯāmîm wayyillāḵēḏ ywōnāṯān wəšā’ûl wəhā‘ām yāṣā’û:

42 wayyō’mer šā’ûl hapîlû bênî ûḇên ywōnāṯān bənî wayyillāḵēḏ ywōnāṯān:

43 wayyō’mer šā’ûl ’el-ywōnāṯān hagîḏâ llî meh ‘āśîṯâ wayyageḏ-lwō ywōnāṯān wayyō’mer ṭā‘ōm ṭā‘amətî biqəṣēh hammaṭṭeh ’ăšer-bəyāḏî mə‘aṭ dəḇaš hinənî ’āmûṯ:

44 wayyō’mer šā’ûl kōh-y^a‘ăśeh ’ĕlōhîm wəḵōh ywōsif kî-mwōṯ tāmûṯ ywōnāṯān:

45 wayyō’mer hā‘ām ’el-šā’ûl hă‍ywōnāṯān| yāmûṯ ’ăšer ‘āśâ hayəšû‘â hagəḏwōlâ hazzō’ṯ bəyiśərā’ēl ḥālîlâ ḥay-yəhwâ ’im-yipōl miśś^a‘ăraṯ rō’šwō ’arəṣâ kî-‘im-’ĕlōhîm ‘āśâ hayywōm hazzeh wayyifədû hā‘ām ’eṯ-ywōnāṯān wəlō’-mēṯ: s

46 wayy^a‘al šā’ûl mē’^aḥărê pəlišətîm ûfəlišətîm hāləḵû liməqwōmām:

47 wəšā’ûl lāḵaḏ hamməlûḵâ ‘al-yiśərā’ēl wayyillāḥem sāḇîḇ| bəḵāl-’ōyəḇāyw bəmwō’āḇ| ûḇiḇənê-‘ammwōn ûḇe’ĕḏwōm ûḇəmaləḵê ṣwōḇâ ûḇapəlišətîm ûḇəḵōl ’ăšer-yifəneh yarəšî‘a:

48 wayy^a‘aś ḥayil wayyaḵə ’eṯ-‘ămālēq wayyaṣṣēl ’eṯ-yiśərā’ēl mîyaḏ šōsēhû: s

49 wayyihəyû bənê šā’ûl ywōnāṯān wəyišəwî ûmaləkî-šû‘a wəšēm šətê ḇənōṯāyw šēm habəḵîrâ mēraḇ wəšēm haqqəṭannâ mîḵal:

50 wəšēm ’ēšeṯ šā’ûl ’ăḥînō‘am baṯ-’ăḥîmā‘aṣ wəšēm śar-ṣəḇā’wō ’ăḇînēr ben-nēr dwōḏ šā’ûl:

51 wəqîš ’ăḇî-šā’ûl wənēr ’ăḇî-’aḇənēr ben-’ăḇî’ēl: s

52 watəhî hammiləḥāmâ ḥăzāqâ ‘al-pəlišətîm kōl yəmê šā’ûl wərā’â šā’ûl kāl-’îš gibwōr wəḵāl-ben-ḥayil wayya’asəfēhû ’ēlāyw: s